<a href="https://kyzylorda-news.kz/">Kyzylorda-news.kz</a>. Биылғы жылдың қыркүйегінен бастап жоғары оқу орындарының штаттағы оқытушылары үшін минималды жалақы белгіленеді. Бұл туралы ҚР Білім және ғылым министрі Асхат Аймағамбетов <a href="https://www.facebook.com/askhat.aimagambetov/posts/10218141622908317">«Facebook»</a> парақшасында мәлімдеді.
<blockquote>
 «Оқытушыларға лайықты жалақы төлеп, олардың қалыпты жұмыс атқаруы үшін жағдай жасау – жоғары білім сапасын арттыру үшін маңызды. Мемлекет басшысы Қасым-Жомарт Кемелұлы Тоқаев Ұлттық қоғамдық сенім кеңесінің отырысында жоғары оқу орындарындағы педагогикалық-оқытушылық құрамның жалақысын арттыруға қатысты тапсырма берген болатын. Нәтижесінде 2019 жылғы қыркүйекте Білім және ғылым министрлігіне тікелей бағынышты ЖОО оқытушыларының жалақысы 20 пайызға, кейін 2020 жылғы қыркүйек айында тағы 20 пайыз ұлғайтылды. Дегенмен, қабылданған іс-шараларға қарамастан жалақы көлемін әлі де арттыру қажет», – деп жазды министр.
</blockquote>
Оның айтуынша, бұл ретте, болған жалақының базасының төмен болуына байланысты, тіпті жалақыны 20-40 пайызға ұлғайту да жеткіліксіз болып отыр. Мәселен, ҚазҰУ-да оқытушының орташа жалақысы 108 мың теңге болса, Х. Досмұхамедов атындағы Атырау университетінде 105 мың теңге, Қорқыт Ата атындағы Қызылорда университетінде – 101 мың теңге, ал Қарағанды индустриалды университетінде 99 мың теңге. Мұндай жалақы мөлшері оқытушыларды аса ынталандыра қоймайтыны анық.
<blockquote>
 «Кейбір жоғары оқу орындары оқытушылардың жалақысын көтеру кезінде лауазымдық жалақы мөлшерін негізге алған. Ал лауазымдық жалақы мөлшері оқытушылардың түрлі қосымша ақыларды қоса алғандағы нақты жалақысынан төмен екенін айта кеткен жөн. Басқа жоғары оқу орындары жалақыны педагогикалық жүктемені көбейту арқылы арттырды. Нәтижесінде бірқатар оқу орнында оқытушы ставкасының көлемі 900 сағатқа дейін жетті», – деді ол.
</blockquote>
Асхат Аймағамбетов осыған байланысты Мемлекет басшысының тапсырмасын орындау үшін екі норма бекітілгенін айтады.
<blockquote>
 «Бірінші. 2021 жылдың қыркүйегінен бастап штаттағы оқытушылар үшін минималды жалақы мөлшерін белгілеу. Яғни, 2021 жылдың қыркүйегінен бастап БҒМ-ге ведомстволық бағынышты жоғары оқу орнында штаттағы оқытушы айына кем дегенде 200 мың теңге, аға оқытушы – 230 мың теңге, қауымдастырылған профессор – 260 мың теңге; профессор 350 мың теңге (ұлттық жоғары оқу орындарында – 400 мың теңге) алуы тиіс. Бұл жалақының ең төменгі мөлшері болуы тиіс. Сондай-ақ әр жоғары оқу орны оқытушылардың белгілі бір жетістіктері үшін басқа да ынталандыру төлемдерін белгілеп, төлей алады», – деді министр.
</blockquote>
Асхат Аймағамбетовтың айтуынша, екінші нормада педагогикалық жүктеменің максималды көлемін 1 ставка үшін 680 сағаттан асырмау көзделген.
<blockquote>
 «Әрине, бұл педагогикалық жүктемесі аталған көрсеткіштен төмен ЖОО-ларды (жылына 450 немесе 500 сағат) ештеңеге міндеттемейді. Яғни, сағат санын белгіленген 680-ке дейін жеткізу міндеті тұрған жоқ. Оқытушыға берілген 1 ставка көлемі 700-900 сағат немесе одан жоғары болатын жоғары оқу орындары сағат санын 680-ке дейін төмендетуі керек. Бұл бұйрықты ерте қабылдап жатқанымыздың өзіндік себебі бар: 2021 жылдың қыркүйегіне дейін ЖОО басшыларына өздерінің шығыстарын қайта жоспарлап, оңтайландыру және кірістерін ұлғайту үшін уақыт береміз. Аталған шешім жоғары оқу орындарындағы әкімшілік-басқару персоналы мен педагогикалық-оқытушылық құрамның арақатынасын өзгертуге, басқа да маңызы басым емес шығыстарды қысқартуға және бюджеттердің шығынын қайта қарауға мәжбүрлейтіні анық. Біз ректорлармен 2021 жылдың қыркүйегіне дейін тиісті жұмыс жүргізілетіні туралы келісімге келдік. Президенттің бұл тапсырмасының орындалу барысын ЖОО директорлар кеңестері мен Білім және ғылым министрлігі бақылауда ұстайтын болады», – деді министр.
</blockquote>

Асхат Аймағамбетов: Жалақы көлемін әлі де арттыру қажет

<a href="https://kyzylorda-news.kz/">Kyzylorda-news.kz</a>.&nbsp; Қорқыт ата атындағы Қызылорда университетінде күн және жел электр станциясы іске қосылды.
Салтанатты шарада Басқарма Төрайымы-Ректор Бейбіткүл Каримова мен Әль-фараби атындағы Қазақ ұлттық университетінің профессоры, т.ғ.д. Темірхан Қойшиев станциясының лентасын қиды.
Университет оқытушылары 2017 жылдан бастап «GeKaVoc-“Қазақстандағы логистика, мехатроника және тұрақты энергиямен жабдықтау үшін кәсіби және техникалық оқыту технологияларын беру» Халықаралық Қазақстан – Герман бірлескен жобасына қатысады.
Жобаны Германияның Федералды Білім және ғылым министрлігі қаржыландырады. Жоба қаражатына университеттің бесінші оқу ғимаратының аумағын электрмен қамтамасыз ететін қуаты 5 кВт гибридті электр станциясы сатып алынды.Осы электр станциясының базасында университеттің &nbsp;«Электр энергетикасы және өміртіршілік қауіпсіздігі» кафедрасында «Жаңартылатын энергия негізіндегі энергия үнемдеу технологиялары» атты ғылыми-зерттеу зертханасын ашу жоспарлануда.
Салтанатты шара «Энергия және ресурс үнемдейтін технологиялар: тәжірибелер мен перспективалар» III халықаралық онлайн–конференциясына ұласты.
<img src="https://kyzylorda-news.kz/wp-content/uploads/2021/03/p1244620-scaled.jpg" alt="" />
<img src="https://kyzylorda-news.kz/wp-content/uploads/2021/03/p1244634-scaled.jpg" alt="" />
<img src="https://kyzylorda-news.kz/wp-content/uploads/2021/03/p1244662-scaled.jpg" alt="" />

Қызылордада күн және жел электр станциясы іске қосылды

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының басшысы Ақзира Қасымованың төрағалығымен қала, аудандық білім бөлімдерінің басшыларымен алқа жиыны өтті.
Отырыста Нұр-Отан партиясының сайлауалды бағдарламасындағы Жол картаны іске асыру мәселелері, мектепке дейінгі ұйымдардың инфрақұрылымы, электронды форматтағы ұлттық бірыңғай тестілеуге балаларды дайындау, балалардың қауіпсіздігін сақтау, IV оқу тоқсанына дайындық мәселелері қаралды. Сондай-ақ, бюджет қаражатын игеру, вертикалды басқару жүйесіне өтудегі негізгі басымдықтар, кәмелетке толмағандардың құқықтарын қорғау, педагогтар арасындағы ұлттық біліктілік тестін өткізу қағидаттары талданды.
Жиында Ақзира Қасымова білім беру саласындағы индикаторлық көрсеткіштердің орындалуын саралап, күн тәртібінде талқыға түскен мәселелерді жеке-жеке талдады. Отырыста бөлім басшылары Ернат Алпысбаев, Берік Жәнібеков, Гүлзия Дүйсенбаева, Шолпан Жүнісова сала бағыттары бойынша бір жыл ішінде атқарылған жұмыстар шеңберінде баяндама жасап, алдағы міндеттерге қатысты есеп берді.
Басқарма басшысы Ұлттық бірыңғай тестілеуді ұйымдастыруда оқушылардың дайындығын күшейту, пәндік олимпиадада республикаға жолдама алған оқушыларды білім сынағын дайындау мәселесін пысықтауда тапсырды. Сондай-ақ, вертикалды жүйеге сәйкес бөлім басшыларының жұмысы бұдай-былай тоқсан сайын сараланатынын жеткізіп, көрсеткіштер бойынша есеп тыңдалатынын қаперге салды.

Алқа жиынында білім берудің негізгі мәселелері талқыланды

<a href="https://kyzylorda-news.kz/">Kyzylorda-news.kz</a>. Қызылордада балабақшалар ІТ бағытында білім беруге көшті. Өткен аптада «Алтын Ұя» бөбекжай бақшасы цифрлық білім беруге арналған алғашқы таныстырылым жиынын өткізді. Бұдан былай бөбекжай бақшасы жаңа ресурстармен білім беруді бастайды.
Таныстыру жиынына Қызылорда облысының білім басқармасының басшысы Ақзира Қасымова, Қызылорда қаласы әкімінің орынбасары Асқарбек Есжанов, Қызылорда қалалық білім бөлімінің басшысы Динара Баймұрзаева, балабақша меңгерушілері қатысты. Қонақтар қашықтан оқыту, бейнесабақтар қорын жасақтау, «Робототехника» және «Интеллектум» үйірмелері бойынша жасап жатқан жұмыстарымен танысты.
Бүгінде «Алтын Ұя» балабақшасы 2020 жылы цифрлық білім беру ресурстары бар 18 «Bilimbook» панельдерімен, STEAM-кабинетімен жабдықталды. Сондай-ақ, логопед-дефектолог кабинеті, педагог-писхолог кабинеті, сенсорлық кабинет орналасқан. Балабақша тәрбиешілері мен мамандары арнайы курстан өтті.
Алдағы уақытта ІТ-білім беру бағытына Қызылорда қаласындағы «Сыр шуағы» және «Бүлдіршін» балабақшаларына көшеді. Яғни бірқатар балабақшалар «Тірек білім беру ұйымдары» ретінде жұмыстарын үйлестірілетін болады.
<img src="https://kyzylorda-news.kz/wp-content/uploads/2021/03/160668621_1080188882484316_8144386879574725507_n.jpg" alt="" />
<img src="https://kyzylorda-news.kz/wp-content/uploads/2021/03/161054004_1080189132484291_3078045206396867958_n.jpg" alt="" />
<img src="https://kyzylorda-news.kz/wp-content/uploads/2021/03/161271721_1080189005817637_5296738484233509577_n.jpg" alt="" />

Қызылорда: «Алтын ұя» балабақшасы цифрлық білім беру бағытына көшті

<a href="https://kyzylorda-news.kz/">Kyzylorda-news.kz</a>. Жаңашылдыққа жаны құмар, танымдық білімдерін арттыруға ниетті жастарға арналған “Елбасы медалінің” қола жүлдегерлері анықталды. Үздіктердің қатарында көрінген 62 қызылордалық оқушы “Елбасы медалін” иеленді.
Салтанатты шарада білім басқармасының басшысы Ақзира Қасымова еңбегімен дараланып, жоба аясында белсенділік танытып, өз қабілетін таныта білген оқушыларды марапаттап, сәттілік тіледі.
<blockquote>
 «Тұңғыш Президент қорының бастамасымен қолға алынған “Елбасы медалі” жобасы жастарды кешенді деңгейде қолдауға арналған бірегей жоба екені анық. Біздің өңірімізді талантты, кітап оқуға ынталы, спортқа әуес, шығармашылыққа бейім, жаңа идеяларды іске асыруға епті жастарымыз бар. Міне, сол үздіктердің ішінен 62 оқушымыз қола жүлдегер атанып отыр. Оның алғашқысы 11-не медалді облыс әкімі өзі табыстап, құрметін жеткізген еді. Енді бүгін қаладағы 30 оқушы медаль иегері атанып отыр. Қалған 21 аудан оқушыларына аудан әкімдері табыстайтын болады»,-деді Ақзира Қасымова.
</blockquote>
Университет, колледж, мектеп оқушылары арасынан жобаға қатысып, талаптарды үздік орындаған оқушылар лайықты құрметке ие болды.
Айта кетейік, Елбасы медалі жобасына Қызылорда облысынан 430 оқушы қатысты. Оның 62-і қола медаль иегері атанды.
Мұнан бөлек, «Мың бала» Ұлттық зияткерлік олимпиадасында ауыл мектептерінен барлығы 18 мыңнан астам оқушы бақ сынады. Оның 75-і жеңімпаз атанды. Үздік жастардың 23-і дарынды балаларға арналған мектептерге конкурстан тыс қабылданып, Елбасы Академиясы жанындағы «Бірге оқу» онлайн мектебінде пәндік дайындықтан өтуде.
<img src="https://kyzylorda-news.kz/wp-content/uploads/2021/03/160997778_1080119225824615_2032961626320023909_n.jpg" alt="" />

Қызылордалық 62 оқушы «Елбасы медалін» иеленді

<a href="https://kyzylorda-news.kz/">Kyzylorda-news.kz</a>. Қазақстан мектептері латын әліпбиін енгізе отырып, 2023 жылдан бастап кезең-кезеңмен 12 жылдық білім беруге көшеді. Бұл туралы білім және ғылым министрі Асхат Аймағамбетов мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Орта білімді дамыту үшін латын графикасын енгізе отырып, 2023 жылдан бастап 12 жылдық оқытуға кезең-кезеңмен көшу көзделіп отыр. Ол үшін біз өте ауқымды жұмыс атқаруымыз керек”, – деді Аймағамбетов министрліктің кеңейтілген алқа мәжілісінде.
</blockquote>
Айтуынша, мемлекеттік жалпыға міндетті білім беру стандарты, үлгілік оқу бағдарламалары жаңартылады.
Президенттің тапсырмасымен математика, тілдер және информатика пәндеріне басымдық беріледі. Қазақстан тарихы мен Дүниежүзі тарихы бойынша бірыңғай оқулықтар әзірленеді.
Сондай-ақ, министр оқулықтардың сапасы қоғам тарапынан үнемі сынға ұшырайтынын атап өтті.&nbsp; Сол себепті оқулықтарды сараптау және іріктеу рәсіміне, сарапшылардың біліктілік деңгейіне қойылатын талаптар қатаңдатылады.
Бұған қоса, оқулықтарды сапалы әзірлеу үшін олардың құрылымы мен мазмұнына қойылатын бірыңғай талаптар бекітіледі. Аймағамбетов тиісті заңнамаға қажетті өзгерістер енгізілгенін айтты.

Қазақстан 12 жылдық білім беруге 2023 жылдан бастап көшеді

<a href="https://kyzylorda-news.kz/">Kyzylorda-news.kz</a>. Бүгін ҚР Ақпарат және қоғамдық даму министрлігінің бастамасымен Қазақстан Тәуелсіздігінің 30 жылдығына орай «Balapan» телеарнасының жанынан «Ерекше білім беру қажеттіліктері бар балаларға арналған әлеуметтік анимация мектебі жұмысын бастады, деп хабарлайды ведомствоның баспасөз қызметі.
Арнайы жоба Орталық Азияда алғаш рет жүзеге асырылуда. Мектеп оқушыларына Қазақстанның, Жапонияның, Оңтүстік Кореяның үздік мультипликаторлары дәріс оқиды.
Мектеп ерекше білім алу қажеттіліктері бар балалардың әлеуметтік бейімделуіне ықпал ететін жаңа дағдыларды үйренуге және қабілетін арттыруға мүмкіндік береді. Ұйымдастырушылар әлеуметтік қолдаудан басқа, телевизиялық дизайн саласында сұранысқа ие мамандарды оқытуды және үздік түлектердің болашақта жұмысқа орналасуына мүмкіндік жасауды көздейді.
«Balapan» телеарнасы жанындағы мектептің тағы бір ерекшелігі, жасөспірімдер оқудан кейін қалыптасқан ересек мамандардан кеңес пен қолдау ала алады. Жобаға қатысу үшін 14-16 жас аралығындағы 30 бала іріктеліп алынды, олар 2021 жылдың наурыз-тамыз айларында онлайн-форматта оқиды.
Оқудың бірінші айында балалар анимация негіздері бойынша жалпы дәріс оқиды деп жоспарланған. Әрі қарай қызығушылығы мен бейіміне қарай бірнеше топқа бөлініп оқытылады.
Оқуға түсудің негізгі талаптары — балалардың оқуға деген ынтасы мен қызығушылығы, жасөспірімдердің шығармашылық әлеуеті. Сонымен қатар анимация салу адамға физикалық тұрғыда күш түсірмейді.
Бүгінгі таңда Қазақстанда анимациялық дизайн саласы қарқынды дамып келеді. Оқу курсы тегін және жеке анимациялық студиялардың атсалысуымен қайырымдылық жоба ретінде жүзеге асырылады. «Qazaqstan» телерадиокорпорациясы балаларға оқу үшін қажетті арнайы планшет пен басқа да техникалық құралмен қамтамасыз етеді.

Қазақстанда алғаш рет ерекше балаларға арналған анимация мектебі жұмысын бастады

<a href="https://kyzylorda-news.kz/">Kyzylorda-news.kz</a>. Елімізде 2025 жылға дейін гранттар саны 50 процентке артады.
Сонымен қатар әлемдік халықаралық университет – QS World University Rankings рейтингісіне кіретін қазақстандық жоғары оқу орындарының санын 15-ке дейін арттыру көзделіп отыр. Бұл туралы ҚР Білім және ғылым министрі Асхат Аймағамбетов мәлім етті. Сондай-ақ 2025 жылға дейін жатақханаларда 50 мың жаңа орын пайдалануға беріледі.
Айта кетейік, соңғы бір жылдың ішінде студенттерге арналған стипендиялар мөлшері 25, докторанттарға 83 процентке&nbsp; ұлғайды. Енді 2025 жылға дейін студенттердің стипендиясы тағы 2 есеге, магистранттар мен докторанттардың стипендиясы бір жарым есеге артады.
<a href="https://24.kz/kz/zha-aly-tar/bilim-zh-ne-ylym/item/460611-2025-zhyl-a-dejin-o-u-grantyny-sany-50-protsentke-artady">24.kz</a>

Қазақстанда 2025 жылға дейін оқу грантының саны 50%-ке артады

<a href="https://kyzylorda-news.kz/">Kyzylorda-news.kz</a>. Білім және ғылым министрлігі карантиндік шектеулерге байланысты оқу үлгерімі нашарлаған оқушылардың білімін қалай көтеруді жоспарлап отырғанын айтты, деп хабарлайды&nbsp;<a href="https://sputnik.kz/?_ga=2.22356987.1960554662.1615351366-100027139.1602926215">Sputnik Қазақстан</a>.
<blockquote>
 “Үлгерім деңгейі төмен оқушыларға басымдық бере отырып, білімді қалпына келтіру шаралары жасалады. Жалпы, пандемияның салдарынан болған оқу сапасының кемшіліктерін жою үшін арнайы бағдарламаны жүзеге асырамыз”, – деді білім министрі Асхат Аймағамбетов үкімет отырысында.
</blockquote>
Отырыс кезінде жарияланған жоспарға сәйкес, балалардың оқу үлгерімін көтеру үшін мынадай шаралар қабылданады:
<ol>
<li>жеке оқыту, шағын топтармен жұмыс;</li>
<li>оқу материалын қысқарту – негізгі тақырыптар пен пәндерге басымдық беру;</li>
<li>оқу мерзімін ұлғайту – каникулдық мектеп ұйымдастыру, оқу уақытын ұзарту, сондай-ақ, демалыс күндеріндегі мектеп;</li>
<li>қашықтан оқытуды дамыту – қашықтан оқу ережелері мен мектептерге қойылатын талаптар әзірлеу, цифрлық ресурстар енгізу.</li>
</ol>
Сонымен қатар, министр дарынды балаларды қолдау жұмысы жалғасатынын атап өтті.
Атап айтқанда, “Мың бала” жобасы жалғасады, республикалық олимпиаданың, президенттік олимпиаданың жаңа үлгілері енгізіледі.
Оған қоса, жуырда қабылданған заң аясында қосымша білім алуға кең мүмкіндік беру үшін мемлекеттік тапсырыс конкурстық негізде және жекеменшік ұйымдарда да орналасады.

Кейбір қазақстандық оқушылар каникулда сабақ оқуы мүмкін

<a href="https://kyzylorda-news.kz/">Kyzylorda-news.kz</a>.&nbsp; Облыста «Білім-инновация» лицейлеріне және «Дарын» мектебіне оқуға құжат қабылдау басталды. Аталған мектептерге қазір 6-шы сыныпта оқып жатқан оқушылар ғана құжат тапсыра алады.
«Білім-инновация» лицейлеріне талапкерлер тиісті құжаттарын 20 сәуірге дейін тапсыра алады. Онлайн форматта wvw.bilemtihan.kz cайтына тіркеліп, конкурсқа қатысу өтінішін толтырады. Ал «Дарын» мектебіне құжатты 1 сәуірге дейін qabyldau.daryn.kz сайты арқылы тапсырады.
<blockquote>
 «Бүгінде қазақ-түрік лицейлерінің атауы «Білім-инновация» болып өзгергенімен оқушыларды қабылдау емтихандары бұрынғыша жүргізіледі. Лицейге түсу үшін оқушылар математика, логика, Қазақстан тарихы, қазақ тілі сынды 4 пәннен емтихан тапсырады. Алғашқы кезеңде жоғары балл жинағандар екінші турға өтеді. Бірінші кезеңде 60 сұраққа 100 минут беріледі. Екінші турда 75 сұраққа 130 минут беріледі», – деді №10 Дарынды балаларға арналған «Білім-инновация» лицей-интернатының директоры Абайбек Сарсенбеков.
</blockquote>
№9 Дарынды балаларға арналған «Білім-инновация» лицей-интернатында мұғалімдер жаратылыстану-математикалық бағытта білім береді. Математика, физика, биология, химия, информатика пәндері ағылшын тілінде жүргізіледі.
<blockquote>
 «Лицей-интернатта 28 жоғары білімді педагог қызмет істейді. 27-і Қазақстан азаматы, 1-і түркиялық маман. Бүгінде «Oxford Vision» мекемесімен келісім шарт негізінде Филиппин Республикасынан келген азамат Дилберт Бартолемео және Луи Лиза лицей-интернатта ағылшын тілі пәнінен дәріс беруде», – деді №9 Дарынды балаларға арналған «Білім-инновация» лицей-интернатының директоры Руслан Сихимбеков.
</blockquote>
Ал «Дарын» мектебіне биыл 50 грант бөлінді. Қосымша «Мың бала» жобасы бойынша 5 квота берілді.
<blockquote>
 «Оқушының құжаттарын жүктеуге қатысты тоқталып өтсем, тек төрт қана құжат жүктеледі. Сондай-ақ, емтиханда математика және логикадан 55 сұрақ, оқу сауаттылығынан 10 және Қазақстан тарихы 10 сұрақтан тұрады. Сұрақтарды белгілеуге 120 минут беріледі. Конкурстың іріктеу нәтижелері апелляцияға өткізілмейді»,- деді №4 Дарын мектебінің директоры Қарлығаш Ақышева.
</blockquote>

Қызылордада «Білім инновация»  және «Дарын» мектебіне оқуға құжат қабылдау басталды

<a href="https://kyzylorda-news.kz/">Kyzylorda-news.kz</a>. Қазақстанда колледжде оқу мерзімін қысқарту жоспарланып отыр. Бұл туралы білім және ғылым министрі Асхат Аймағамбетов мәлімдеді, деп хабарлайды&nbsp;<a href="https://kaz.tengrinews.kz/">Tengrinews.kz</a>.
<blockquote>
 «Бүгінде заңнамалық деңгейде колледждерде оқу мерзімін белгілеу туралы норма алып тасталды. 9 сынып негізінде оқу мерзімін 3,6 жылдан екі жылға дейін және 11 сынып негізінде 2,6 жылдан 1,5 жылға дейін қысқарту жоспарланып отыр. Колледждер оқу мерзімін реттеп, өз өнімін сату мүмкіндігіне ие болады», – деді министр Үкімет отырысында.
</blockquote>
Сондай-ақ, Аймағамбетов биыл 180 колледжді жаңғырту аяқталатынын айтты. Ол бойынша әрбір өңірде дамыған материалдық-техникалық базасы, жаңа оқу жоспары мен бағдарламасы бар кемінде жеті заманауи колледж жұмыс істейді.

Колледждерде оқу мерзімі қысқарады

<a href="https://kyzylorda-news.kz/">Kyzylorda-news.kz</a>. 2021 жылдан бастап педагогикалық мамандық бойынша жұмысқа алғаш рет тұратындар кәсіби шеберлігі бойынша сертификаттаудан өтеді. Бұл туралы білім және ғылым министрі Асхат Аймағамбетов мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
<blockquote>
 “Енді 2021 жылдан бастап педагогикалық мамандық бойынша жұмысқа алғаш рет тұру үшін үміткерлер кәсіби шеберлігі бойынша сертификаттаудан өтеді. Яғни дипломға қоса тиісті квалификация алу міндеті енгізіледі”, – деді Аймағамбетов үкімет отырысында.&nbsp;
</blockquote>
Сондай-ақ, ол педагогтер жұмысқа конкурс арқылы қабылданатынын атап өтті. Ол толығымен электрондық форматта жүреді.&nbsp;
Бұдан бөлек, айтуынша, кадрлар дайындау деңгейін арттыру мақсатында жоғары оқу орындарына қабылдау талаптары күшейтілді. Педагогикалық мамандыққа мықты түлектерді ғана қабылдау үшін ҰБТ-ның шекті балы 50-ден 75 баллға дейін көтерілді. Ал осы мамандыққа түсуді ынталандыру үшін болашақ педагогтарға төленетін стипендия 42 мың теңгеге дейін артты.

Қазақстан және Қызылорда облысының жаңалықтары: Білім