<a href="https://kyzylorda-news.kz/">Kyzylorda-news.kz</a> Өңірде өткен 5-ші дәстүрлі республикалық спартакиадада мұғалімдер 7 спорт түрінен сынға түсті. Айта кету керек, былтырдан бастап спартакиада бағдарламасына ұлттық ойындарды насихаттау мақсатында "Бес асық" және "Асық ату" ойындары енгізілсе, биыл "Тоғызқұмалақ" ойыны қосылған. Байрақты бәсекеде қызылордалық ұстаздар "Бес асық", "Тоғызқұмалақ" және ерлер арасындағы волейболдан бірінші орынды иеленіп, жалпы командалық есепте жеңіске жетті. Бүгін Өңірлік коммуникациялар қызметінің ақпарат алаңына жауапты сала мамандары келіп, жарысты қорытындылады.<img src="https://knadmin.beoblood.kz/uploads/Bilim_ordalarynda_ltty_ndyly_tar_nasihattalyp_zhatyr_bb4762f80d.jpg" alt="Білім ордаларында ұлттық құндылықтар насихатталып жатыр.jpg"><blockquote>- Өткен жылы Тараз қаласында өткен спартакиадада жалпы командалық есепте біздің облыстың мұғалімдері бірінші орынды иеленген еді. Биыл да осы дәстүрді жалғастырып, өзге өңірлерден озық шықтық. Тараз қаласындағы жарыстан кейін ұлттық ойындарды кеңінен насихаттау мақсатында спартакиада бағдарламасына үш ұлттық ойын түрін қостық. Сондай-ақ, қазіргі таңда аймақ басшысының қолдауымен "Сыр лигасы" жобасы қарқынды жүзеге асырылып келеді. Бұл жобада оқушылар 8 түрлі сайыс бойынша бақ сынап, өзара жарысады. Қараша айында облыстық кезеңінің нәтижесі белгілі болады. Одан бөлек, ұлттық ойындарды жаңғырту бағытында "Ләңгі fest" атты арнайы жобаны қолға алдық. Қазіргі уақытта бұл жоба өңірлерде кеңінен таралып жатыр. Мұнда оқушылар ләңгінің 5 түрінен сайысады. 8 қараша күні осы сайыстың қорытындысы өтеді, оған әр өңірден жеңімпаз болған 40 бала қатыспақ. Айта кетерлік тағы бір жайт, Арал ауданының ұстазы Түркияда өтетін "Асық ату" сайысына бас төреші ретінде шақырылды. Бұл – біздің Сыр спортының ұлттық ойындарымызға, ұлттық құндылықтарымызға қатты мән бергенінің белгісі деп білемін,- деді облыстық білім басқармасының тәрбие, спорт және қосымша білім беру орталығының директоры Фархат Досаев.</blockquote><blockquote>- "Бес асық" ойыны былтырдан бастап мұғалімдер спартакиадасының бағдарламасына қосылған болатын. Өткен жылы бұл сайыста біздің команда екінші орынды иеленсе, биыл жеңімпаз атанып отыр. Өзім осы сайыс бойынша І дәрежелі ретінде төрелік еттім. Жалпы, "Бес асық" – бұрынғы "Бес тас" ойынының жалғасы іспеттес. 2012 жылы бұл ойынның нақты ережелері бекітіліп, ресми түрде атауы берілді. Содан бері бұл ойын ұлттық мектеп лигасының құрамына және Қазақстан Республикасының чемпионатына енгізілді. Биыл елімізде өткен Көшпенділер ойындарында "Бес асық" түрінен Арал қаласындағы әріптесіміз Әлем чемпионы атанып, ел абыройын асқақтатты. Қазіргі таңда бұл ойынға мектеп оқушыларының да қызығушылығы жоғары,- деді республикалық мұғалімдер спартакиадасының «Бес Асық» түрінен төреші Үміт Есендікова.</blockquote>&nbsp;Фото:freepik.com

Білім ордаларында ұлттық құндылықтар насихатталып жатыр

<a href="https://kyzylorda-news.kz/">Kyzylorda-news.kz</a> 20 қазанда әлеуметтік желілерде оқушы қыздардың мұғалімге шабуыл жасағаны түсірілген&nbsp;видео тарады. Қыздардың анасына айыппұл салынып, тәртіптік жауапқа тартылды. Бұл туралы <a href="https://stan.kz/sirdariya-oblisinda-okushi-kizdar-mygalimdi-sokkiga-zhi-408534/">Stan.kz</a> ақпарат агенттігі хабарлайды.Мәліметке сәйкес, төбелес 7 қазан күні Сырдария облысының №2 мектебінде болған. Бейнежазбада екі оқушының мұғалімге шабуыл жасап, шашынан тартып, ұрғанын көруге болады. Сол сәтте жанындағы мұғалімдер оларға көмектеспек болған. Оқушылар&nbsp;медбикенің кезекшілікке кірісуді талап етуіне агрессивті түрде жауап беріп, физикалық күш қолданған. Денешынықтыру пәнінің мұғалімі төбелесті тоқтатуға тырысқанымен, қыздар оған да шабуыл жасаған.Мектепте болған жағдайдан кейін қыздар мен олардың ата-аналарының қатысуымен жиналыс өтті. Қақтығыстың себептері туралы ақпарат берілген жоқ.&nbsp;Сот оқушылардың анасының жұмыссыз, екі кәмелетке толмаған баланы тәрбиелеп отырғанын, отбасында асыраушының жоқ екенін ескерген. Осылайша анасына екі айлық есептік көрсеткіш мөлшерінде (750 мың сом)&nbsp;28,2203 теңге айыппұл салу туралы шешім қабылдады.Жағдайды <a href="https://t.me/sirdaryommtb/14740">облыстық білім басқармасы</a> бақылауға алып, қосымша ақпарат берілетінін айтты.Еске салайық, бұған дейін&nbsp;Семейде оқушыларын дәретханаға шығарып сөйлескен мұғалім жұмыстан қуылғанын жазған едік.&nbsp;16 қазан күні Семейдегі&nbsp;№38 мектеп-лицейде оқушылар мұғалім тарапынан қысым қысым көрген. Сұмдық жағдай туралы оқушының ата-анасы айтып берді.&nbsp;Ата-ананың сөзінше, 7-сынып оқушысының дәптері жоғын білген тарих пәнінің мұғалімі оны жеке сөйлесуге дәретханаға алып барған. Кейін оған тағы бір баланы ертіп алып келуге жіберген. Сөйтіп 13 жастағы балаларды әжетханада біраз уақыт ұстап, балағат сөздер айтып, белгілі бір “түсініктер” туралы әңгіме қозғаған. Мұғалім айғайлап, бұл жағдай туралы ешкім білмеу керегін айтып, қорқытқан.&nbsp;Фото:&nbsp;t.me/uztubepodrobno/6612

Оқушы қыздар мұғалімді соққыға жыққан сәт видеоға түсіп қалды

&nbsp;<a href="https://kyzylorda-news.kz/">Kyzylorda-news.kz</a> А.Тоқмағанбетов атындағы мәдениет үйінде &nbsp;республикалық жас өнерпаздар арасында «NEW ART STARS» өнер байқауы өтті.Байқауға Қорқыт ата атындағы Қызылорда &nbsp;университетінің &nbsp;«Дизайн және технологиялар» кафедрасының &nbsp;«Көркем еңбек және сызу мұғалімдерін даярлау» мамандығының студенттері қатысып, жеңімпаз атанды. Білім алушылар байқауға өздері дайындаған қолөнер туындылары мен көркем шығармаларын ұсынды.«Этностильдегі ұлттық киімдер» жиынтығын әзірлеген Айгерім Жайылханова «Қолөнер» номинациясы бойынша бас жүлде иеленді. &nbsp;Жетекшісі – педагогика ғылымдарының магистры Асия Жүнісова. Ал педагогика ғылымдарының кандидаты Шолпан Кошқарованың жетекшілігімен «Тарихтан естеліктер» панноларын дайындаған Мәншүк Жұбатқан мен «Желсіз түнде жарық ай» атты картинасымен &nbsp;қатысқан&nbsp;Шынарай Көбеген І орынмен марапатталды. Сонымен қатар «Бейнелеу» номинациясы бойынша педагогика ғылымдарының магистры Еркін Макашев жетекшілік еткен &nbsp;Еркежан Бақытбекқызының «Туған ел» көркем шығармасы І орыннан көрінді.Әдемілік пен шеберлікті ұштастырып, үздік атанған студенттер Дубай еліне жолдама иеленді.Айта кетейік, іс-шараны «DALA DARYN» шығармашылық орталығы&nbsp;ұйымдастырды.<img src="https://knadmin.beoblood.kz/uploads/nerli_zhastar_Dubaj_a_zholdama_aldy_3_4007b6d05b.jpg" alt="Өнерлі жастар Дубайға жолдама алды 3.jpg"><img src="https://knadmin.beoblood.kz/uploads/nerli_zhastar_Dubaj_a_zholdama_aldy_2_5cef080a09.jpg" alt="Өнерлі жастар Дубайға жолдама алды 2.jpg"><img src="https://knadmin.beoblood.kz/uploads/nerli_zhastar_Dubaj_a_zholdama_aldy_974d9f9b28.jpg" alt="Өнерлі жастар Дубайға жолдама алды.jpg">

Өнерлі жастар Дубайға жолдама алды

<a href="https://kyzylorda-news.kz/">Kyzylorda-news.kz</a> Күзгі каникул кезеңі 2024 жылдың 28 қазаны мен 3 қарашасын қоса алғанда жеті күнге созылады.&nbsp;Мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары ұсынылады, деп жазады&nbsp;<a href="http://sn.kz/">Skifnews.kz</a>&nbsp;ақпарат порталы.Жоспар патриотизм, әділеттілік және жауапкершілік сияқты құндылықтарды дамытуға бағытталған іс-шараларды қамтиды:<ul><li style="text-align:justify;">«Балалар кітапханасы» жобасын іске асыру шеңберінде «Демалыста кітап оқимыз» мектепішілік іс-шарасы;</li><li style="text-align:justify;">«Буллингтен қорған!» қауіпсіздік сабағы;</li><li style="text-align:justify;">Мектеп оқушылары үшін «Күзгі асар» жәрмеңкесі;</li><li style="text-align:justify;">«Мектеп театрының» жұмысын ұйымдастыру ұсынылады.</li></ul>Ең бастысы, балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алу іс-шараларына, мектептің ішкі тәртібін сақтау, балалардың көшеде қауіпсіздігі, үйдегі өрт қауіпсіздігі және киберқауіпсіздік шараларына ерекше назар аудару қажет.Айта кетейк, бұл іс-шаралар білім беру ұйымдарына әдістемелік ұсыным ретінде жолданады.Фото: © Depositphotos/ monkeybusiness

Қазақстандық оқушылар күзде 7 күн демалады

<a href="https://kyzylorda-news.kz/">Kyzylorda-news.kz</a> 24 қазан – Кітапханашылар күні. Бүгінде облыс бойынша 209 мемлекеттік кітапхана бар. Ондағы барлық кітаптар саны 4 561 006 дананы құраса, облыс кітапханалары жыл басынан бері 196 865 оқырманға қызмет көрсеткен. Айтулы күнге орай Ә.Тәжібаев атындағы облыстық әмбебап ғылыми кітапханасында «Кітап және қаламгер» атты республикалық семинар өтті.&nbsp;Семинар жұмыстарына ҚР Ұлттық академиялық кітапханасының мамандары арнайы келіп, облыс кітапханашылары үшін шеберлік сабағын өткізді. Бұл туралы Өңірлік коммуникациялар қызметі ұйымдастырған көшпелі брифингте Ә.Тәжібаев атындағы облыстық әмбебап-ғылыми кітапханасының директоры Нұрлыбек Мыңжас мәлімдеді.<blockquote>– Бүгінгі семинар драматург, филология ғылымдарының докторы, Қазақстанның халық жазушысы Әбділда Тәжібаевтың 115 жылдығымен қатар, 24 қазан – Кітапханашылар күні мерекесіне орай ұйымдастырылды. Семинарда облыс кітапханашылары «Өрелінің өрісі кең» тақырыбында ұйымдастырылған интеллектуалды ойынға қатысты. Жалпы, бүгінде облыс кітапханаларының қорында 9 411 дана жаңа кітап алынып, 148 422 құжат цифрлық форматқа көшірілді. Сонымен қатар, кітап оқуды насихаттау және халықтың кітап оқуға деген қызығушылығын арттыру мақсатында "Кітапшоу", "Kitap Time" фестивальдері, республикалық "Бір ел - бір кітап" акциясы, "Үздік оқырман" бенефисі, "Оқитын өлке" акциясы, "Кітаппен бірге өсеміз" жобалары мен оқу марафондары, акциялар ұйымдастырылды.</blockquote><blockquote>Өңірдегі кітапхана ісін дамыту мақсатында жаңа бастама да қолға алынды. Ә.Тәжібаев атындағы облыстық әмбебап ғылыми кітапханасы мен аудандардағы орталық кітапханалардың жұмыс режимі 9.00-ден 00.00-ге дейін ұзартылды. Қазіргі таңда біздің кітапханада 1 003 дана сирек және құнды басылым болса, оның 72-сі қазақ тілінде. Одан бөлек, "Адал адам" мәдени-тәрбиелік орталық жанынан "Әлем BOOK" оқырмандар клубы құрылып, жоспар бойынша мәдени шаралар тұрақты түрде ұйымдастырылып келеді,- деді Нұрлыбек Кәрібозұлы.</blockquote><img src="https://knadmin.beoblood.kz/uploads/kitaphanashylar_k_ni_4b5cf7ae78.jpg" alt="кітапханашылар күні.jpg">Фото: egemen.kz

«Кітап және қаламгер» атты республикалық семинар өтті

<a href="https://kyzylorda-news.kz/">Kyzylorda-news.kz</a> Теміртауда балабақшаға мас күйінде келген тәрбиеші мен мекеме директоры&nbsp;жұмыстан босатылды. Бұл туралы<a href="https://stan.kz/news-408290/"> Stan.kz</a> ақпарат агенттігі&nbsp;хабарлады.30 қыркүйекте "Айгөлек" балабақшасында тәрбиеші жұмысқа мас күйінде келіп, балаларға агрессия көрсеткен. Кейін тәрбиешінің жұмысқа мас келгені туралы ақпарат полицейлерге анонимді түрде хабарланған. Ата-аналардың біреуі полицияға қоңырау шалған болуы мүмкін.Шақыртудан соң полицейлер сигнал бойынша келіп, тәрбиешіні медициналық куәландыруға алып кетті. Одан орташа дәрежедегі мастық&nbsp;деңгейі анықталды.Бұл оқиғаны естіген ата-аналар келесі күні балабақшаға келіп,&nbsp;мас тәрбиешінің балаларға қалай қарағанын көру үшін бейнекамералардан жазбаларды сұратты. Кадрларда тәрбиешінің өзін ұстай алмай қисаңдап&nbsp;тұрғаны көрінген. Ол балалардың қолынан сүйреп, пижамаларын лақтырған. Видеода полицейлердің кіріп, оны ғимараттан қалай алып кеткені де бар.&nbsp;Алайда бұл үзіндіні ата-аналарға бейнежазбадан көшіруге рұқсат етілмеді.Теміртаудың білім бөлімі мемлекеттік мекемесінің басшысы Халипа Жаудинова&nbsp;қызметтік тергеу аяқталғанын хабарлады.<blockquote>"Сараптама көрсеткендей, тәрбиеші балабақшада мас күйінде болған. Ол өзінің түсіндірмесінде жексенбіде қандай да бір іс-шарада болғанын, сол жерде сусын ішкенін жазды. Ал дүйсенбіде жұмысқа келген", –&nbsp;деді Теміртаудың бас педагогы Халипа Жаудинова.</blockquote>Балабақша асханасында алкоголь табылған жоқ.<blockquote>"Қызметтік тергеу қорытындысы бойынша тәрбиеші педагогикалық этиканы өрескел бұзғаны үшін теріс себептермен жұмыстан шығарылды. Сондай-ақ, балабақша директорының міндетін атқарушы қызметінен босатылды", –&nbsp;деді Теміртау білім бөлімінің басшысы.</blockquote>Фото: stan.kz

Балабақшаға мас күйінде келген тәрбиеші қызметінен босатылды

<a href="https://kyzylorda-news.kz/">Kyzylorda-news.kz</a> Ақын, аудандық мәслихаттың депутаты, Қазақстан Жазушылар одағының мүшесі Ақтөре Ибрагимұлы өзінің жеке кітап қорындағы тарихи-танымдық кітаптарды аудандық орталықтандырылған кітапханаға тарту етті.Атап айтқанда, Ілияс Есенберлиннің «Көшпенділер», «Алтын орда», Хамит Ерғалиевтің «Шер толғау», Назымбек Дүкенбаевтың «Арқаның сырлы саздары», Бекен Әбдіразақовтың «Өмір мен көңіл», Шамсия Қалжанованың «Қалжан ахун», Зекебай Солтанбайұлының «Көпеев дастаны», С.Тайманова, Л.Сапартаева, Ж.Тұрымбетовтардың авторлығымен жарыққа шыққан «Киелі өнер иесі – Шәмшат», Мұхтар Сақтаповтың «Көңіл шуағы», Жүзбай Таңрықбаевтың «Сұлушаш» және Жұмабек Аққұловтың «Жұртымнан жүрмін жыр жинап…» және тағы басқа кітаптарды кітапханаға өткізді. Енді бұл кітаптар кітапханаға келуші оқырмандарға ұсынылатын болады.– Кітапхана – руханият ордасы, білім мен мәдениеттің алтын бесігі. Сондықтан тұрғындар мен оқырмандар кітапханаға жаңа кітаптармен танысуға, білім алуға, оқуға келеді. Осы ретте, жеке кітап қорымдағы өзім оқып болған бірқатар кітапты кітапханаға өткізуді жөн көрдім. Кітапханашылардың жұмысына сәттілік тілеймін, оқырмандардың саны көбейе берсін. Президентіміз атап өткендей, біз кітап оқитын ұлт болуымыз үшін кітапханамен байланыс орнатып, кітапхананың жұмысына қолдау көрсетуіміз қажет, – деді Ақтөре Ибрагимұлы.Өз кезегінде кітапхана директоры А.Қонысбаев пен ұжым қызметкерлері жеке кітап қорындағы тарихи-танымдық кітаптарды аудандық орталықтандырылған кітапханаға тарту еткен ақын, аудандық мәслихаттың депутаты, Қазақстан Жазушылар одағының мүшесі Ақтөре Ибрагимұлына ризашылығын білдіріп, жұмысына шығармашылық сәттілік тіледі.Фото: авторданАлтынай ЖҮНІСОВА

Кітапханаға кітап сыйлады

<a href="https://kyzylorda-news.kz/">Kyzylorda-news.kz</a> Биыл Қазақстанның халық жазушысы, кемеңгер тұлға Әбдіжәміл Нұрпейісовтің туғанына 100 жыл. Осыған орай Қазақстан халық партиясының бастамасымен Сыр өңірінде «Теңдесі жоқ кемеңгер жазушы» атты іс шаралар легі басталды. Осы шара аясында «Зерде» интеллектуалды мектебінде қаламгердің мерейтойына арналған кітап көрмесі өтті.Әбдіжәміл Кәрімұлы Нұрпейісов 1924 жылы 22 қазан Қызылорда облысы, Арал ауданының Құланды поселкесінің Үшкөң ауылында дүниеге келген.Әбдіжәміл Нұрпейісов – XX ғасырда қазақ әдебиетіне зор үлес қосқан суреткерлердің бірі, қоғам қайраткері. XX ғасырдағы қазақ әдебиетінде ойып тұрып орын алатын шығармалардың бірі Әбдіжәміл Нұрпейісовке тиесілі. Оның «Қан мен тер» трилогиясы, басқа да шығармалары отыз шақты тілге аударылып, ұлттық әдебиетімізді дүние жүзіне танытып, әлем әдебиетшілерінің үздік бағасына ие болды. Атап айтсақ, француз Луи Арагон, ресейлік Юрий Казаков, Сергей Баруздин, Анатолий Ким, Николай Афанасьев, Лев Аннинский, Леонид Теракопян, Валентин Оскоцкий, испандық Август Видаль, қырғыз жазушысы Шыңғыс Айтматов, башқұрт ақыны, жазушысы Мұстай Кәрім, неміс әдебиетшілері Лео Кошут, Ральф Шрейдер ол туралы тебірене жазды.«Қан мен тер» трилогиясы, «Соңғы парыз» дилогиясы – Әбдіжәміл Нұрпейісовтің ғана емес, күллі қазақ әдебиетінің жетістігі.Фото: ашық дереккөз<img src="https://knadmin.beoblood.kz/uploads/alamger_merejtojyna_arnal_an_kitap_k_rmesi_1_bad089c213.jpeg" alt="Қаламгер мерейтойына арналған кітап көрмесі 1.jpeg">

Қаламгер мерейтойына арналған кітап көрмесі

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде кәсіби бағдар беру бойынша ата-аналар мен түлектерге арналған кездесу өтті. Жиында Қорқыт ата атындағы Қызылорда университетінің Басқарма мүшесі – стратегиялық даму және IT жөніндегі проректор Махмұт Томанов университеттің артықшылықары мен стратегиялық дамуына тоқталды.Кездесуге ҚР Ғылым және жоғары білім министрінің кеңесшісі Руслан Емелбаев және профориентолог, @eduser.online негізін қалаушы Айдос Жұманазаров қатысып, түсіндірме жұмыстарын жүргізді.Жиында талапкерлердің жоғары оқу орындарына оңтайлы әдіспен құжат тапсыруы, мамандық таңдау, грант бөлінісі мен оған түсу ықтималдығына өз бетінше анализ жасау және мемлекеттік бағдарламалар мен түрлі лайфкахтар туралы айтылды. Сонымен қатар, халықаралық диплом алу және оқу орнын ауыстыру жолдары да түсіндірілді.Түсіндірме жұмыстары Қызылорда қаласы бойынша 57 57 мектептің түлектері, мектеп директорлары, орынбасарлары және ата-аналарына, аудандар бойынша екі мыңға жуық ата-ана мен түлекке түсіндірме жұмысын жүргізді.Бұдан бөлек, Руслан Тоқтарбекұлы Қызылорда облысына жұмыс сапары барысында Қорқыт ата атындағы Қызылорда университетінде жаңа оқу жылында пайдалануға берілген «Іңкәр 7» жатақханасына барып, студенттердің жағдайымен танысты. Кездесу барысында республика бойынша студенттердің жатақханамен қамтылуы басты назарда екенін, өңірлерде бұл мәселе шешімін тапқанын атап өтті.

Қызылордада ҚР Ғылым және жоғары білім министрінің кеңесшісі кәсіби бағдар беру бойынша кездесу өткізді

<a href="https://kyzylorda-news.kz/">Kyzylorda-news.kz</a> Балағат сөздер айтып, кітапты тепкен баланың әлеуметтік желіде тараған видеосына қатысты Оқу-ағарту министрлігі түсініктеме берді, - деп хабарлайды <a href="https://massaget.kz/">Massaget.kz</a> тілшісі.Мектеп оқулықтарын түрлі боқтық сөздермен балағаттап, аяғымен тепкен белгісіз оқушының видеосы желіде тарап кетті. Видео сыртындағы оқушының бұл ісі көптің ашуына тиіп, талқыға түскен болатын.<blockquote>"Аталған оқиға бойынша Жамбыл облысының білім басқармасы балалармен және ата-аналармен ақпараттық-түсіндіру жұмыстарын жүргізді. Сондай-ақ барлық білім басқармаларына балалармен және ата-аналармен түсіндіру жұмыстарын жүргізу туралы ұсыным берілді. Видеодағы баланың тұлғасын анықтау әзірге мүмкін болмады. Себебі видеода оның тек дауысы ғана естіледі", - деп жауап берді министрлік.&nbsp;</blockquote>Жағдай бойынша тиісті шаралар қабылданғаны да айтылды.&nbsp;Сондай-ақ ведомство балалардың бойында отаншылдық, адамгершілік, жауапкершілік пен адалдық қалыптастыруға бағытталған "Біртұтас тәрбие" бағдарламасы жүзеге асырылып жатқанын айтты.&nbsp;Ескерту: видеода бейәдеп сөздер қолданылғандықтан, дауысы өшірілді<figure class="media"><div data-oembed-url="https://youtu.be/L6JxZBUx4RM"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/L6JxZBUx4RM" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: aikyn.kz

Мектеп оқулығын тепкен баланың видеосына қатысты министрлік жауап берді

<a href="https://kyzylorda-news.kz/">Kyzylorda-news.kz</a> Оқу-ағарту министрі Ғани Бейсембаев әлеуметтік желілерде мектепте түсірілген челлендждердің жиілеп кеткенін жеткізді. Айтуынша бұл оқу тәрбие бөлімі бойынша атқарылған жұмыстарға есеп беру үшін салынады. Бұл туралы<a href="https://stan.kz/news-407939/"> Stan.kz</a>&nbsp;ақпарат агенттігі хабарлайды.Министр осы тұста мұндай челлендждерге қарсы шықты.<blockquote>«Біз қоғам мәдениетін қалыптастыруымыз керек. Сондықтан мен ресми түрде оқушы, мұғалім, ата-ананың өзіне&nbsp;ұнамайтын немесе&nbsp;қаламайтын әрекетті&nbsp;жасауына тыйым саламын. Егер бұл, әрине, оның тікелей міндеттеріне кірмесе», – деді ол.</blockquote>Алайда ол желідегі видеолардың жақсы жағын да айта кетті.<blockquote>«Меніңше, егер адам позитивті көңіл күйді көрсеткісі келсе, ұят ештеңе жоқ. Неліктен біз тек негативті көрсетуге құмармыз?! Шын мәнінде, біздің елде жақсы жайттар өте көп. Бірақ көбіне негативке назар аударғанды ұнатамыз. Бұл адамның еңбегі, егер сол арқылы жақсы нәтижеге жетсеңіз неге жасамасқа? Бұл ақпараттың дұрыс балансы болуы тиіс», — деп атап өтті Бейсембаев.</blockquote>Министр бастысы видеода табиғи, шынайылық көрсетіліп, мәжбүрлеу болмауы шарт екенін алға тартты.

Оқу-ағарту министрі мектептерде рилс пен челлендждер түсіруге тыйым салды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстан Республикасы Сенаторлар Кеңесінің мүшелері Сыр өңіріне жұмыс сапары барысында білім алушылармен кездесу өткізді. Жиында Басқарма Төрағасы-ректор Бейбіткүл Каримова мәртебелі қонақтарға оқу орнының жетістіктері мен жаңа бастамалары туралы баяндама жасады.Кездесу барысында университет профессоры Серікбай Қошқаров Мәделхан Нәлібаев атындағы су шаруашылығы мұражайымен таныстырып, аймақтағы су ресурстарын басқару және суды үнемдеу технологиялары бойынша атқарылып жатқан жұмыстар жайында ақпарат берді.<blockquote>Сенаторлар Кеңесінің мүшелері университеттің жыл сайын дамып келе жатқанын ерекше атап өтіп: “Біздің сапарымыздың басты мақсаты – Президентіміздің құрылтайдағы сөйлеген сөзін насихаттау, сондай-ақ өңір халқының тыныс-тіршілігімен танысу,” – деді.</blockquote>Кеңес мүшелері қатарында Қазақстанның көрнекті мемлекет және қоғам қайраткерлері: Қуаныш Сұлтанов, Бірғаным Әйтімова, Рашид Әкімов, Динара Нөкетаева, Бекмырза Еламанов, Мұрат Бақтиярұлы және академик, тарихшы Өмірзақ Озғанбаев болды.<blockquote>Қуаныш Сұлтанов кездесудің студенттер үшін маңызды екеніне тоқталып: “Жастар, болашақтарыңызды ойлаңыздар. Сіздердің пікірлеріңіз біз үшін аса құнды. Президентіміздің құрылтайдағы сөйлеген сөзінде жастардың қоғамдағы рөлін ерекше атап өтті. Ел болашағы сіздердің қолдарыңызда, сондықтан әрқайсысыңыз жауапкершілікті сезініп, алдарыңызға биік мақсаттар қойыңыздар,” – деп жастарға үн қатты.</blockquote>Кездесу соңында сенаторлар білім алушылармен еркін форматта сұқбаттасып, олардың пікірлері мен ұсыныстарын тыңдады. Сондай-ақ, ел болашағы үшін еңбек ететін білікті мамандардың қатарын толықтырады деген сенім білдірді.<img src="https://knadmin.beoblood.kz/uploads/Korkyt_1_065d2bad9d.jpg" alt="Коркыт 1.jpg">

Қазақстан және Қызылорда облысының жаңалықтары: Білім