<a href="https://kyzylorda-news.kz/">Kyzylorda-news.kz.</a>&nbsp; Шетелдік тәжірибеге сүйенер болсақ, әлемдік деңгейдегі университеттер білікті мамандар даярлаумен ғана шектелмейді. Олар кең спектрлі ғылыми зерттеулерді іске асыруға және оларды экономиканың нақты секторына конвертациялауға маманданған. Шетелдік танымал жоғары оқу орындары үшін &nbsp; жетістіктерге жетуде негізгі үш фактор әсер етеді екен. Ол &nbsp;- бір мүддеге жұмыс істейтін ұжым, икемді басқару жүйесі, оқыту мен зерттеулер жүргізу үшін оқытушы-профессор құрамына барынша жағдай жасау.&nbsp;Сонымен, Қазақстан ғылымы мен жоғары білім беруде 2023 жылы болған оң өзгерістерді атап өтейік:Біріншіден, жоғары және жоғары оқу орнынан кейінгі білім беруде гранттар, әсіресе педагогикалық мамандықтар бойынша &nbsp;саны көбейді, Педагогтардың зерттеу дағдылары мен цифрлық құзыреттіктерін дамытуға баса назар аударылды;Екіншіден, 1 қыркүйектен бастап білім алушылардың шәкіртақысы өсті. Қызылорда облысындағы экологиялық коэфицентті есептегенде педагогикалық білім беру бағдарламаларында оқитын студент – 87 360 теңге, магистрант -126 131, докторант – 282750 теңге алады. Бұл деген жас ұрпақтың білім алуына, болашағына деген мемлекеттік капитал деп ұғынуымыз керек.Үшіншіден, Мемлекет басшысының қолдауымен ғалымдардың жалақысы, жас ғалымдарды қолдау шаралары көбейді, сондай-ақ отандық ғылым саласын дамытуға бөлінетін қаражат көлемі де артты;Төртіншіден, Coursera — бұл әлемнің үздік университеттерінің онлайн курстарын ұсынатын онлайн білім беру платформасында білім алушылар кәсіпкерлік, бизнес салалары бойынша тегін курстарға қатысып, сертификаттар алды. &nbsp;Бесіншіден, &nbsp;қазақстандық жоғары оқу орындарының халықаралық білім беру кеңістігінде танылу деңгейі артты. Бір ғана QS WUR 2023 рейтингіне 21 қазақстандық ЖОО кірді, бұрынғы жылдармен салыстырғанда екі есеге өсті;Алтыншыдан, шетелдік ЖОО филиалдарын ашу жалғасты. Тіпті, өңірлердегі жоғары оқу орындарында алға ұмтылушылық, қарқынды даму байқалды. Мәселен, &nbsp;Қызылордада Қорқыт ата атындағы университеті жанынан СеулТех Жасанды интеллект және информатика жоғары мектебі ашылды;Жетіншіден, жас ғалымдардың баспаналы болуына Отбасы банк арқылы жеңілдіктер қарастырылды.Бұл да 1 жылға Қазақстан үшін аз көрсеткіштер емес, Қазақстан бүгінде посткеңестік елдер бойынша білім мен ғылымның дамуы жөнінен алдыңғы қатардан көрініп келеді. 2024 жыл бұдан да нәтижелі болады деген сенім мол.Сағат Тайман,&nbsp;Қорқыт Ата атындағы Қызылорда университетінің Гуманитарлық-педагогикалық институт директоры, тарих ғылымдарының кандидаты, доцент.

Сағат Тайман: Өркениет өлшемі – ғылым мен білімнің даму көрсеткішіне байланысты

Фото: НЗМ<a href="https://kyzylorda-news.kz/">Kyzylorda-news.kz.</a>&nbsp; Астанада өткен «INFORMATICS-ASIA» халықаралық компьютерлік жобалар байқауының қорытындысы бойынша Қызылорда қаласындағы Зияткерлік мектеп оқушылары екі жоба ұсынып, үздік атанды.Ақпараттық технологиялар саласын дамыту және дарынды оқушылардың үздік жобаларына қолдау көрсету мақсатында ұйымдастырылған әлемдік додаға 184 жоба ұсынылды. Сыр өңіріндегі Зияткерлік мектеп атынан қатысқан Жұлдызай Мұңайтбасова, Раушан Тұрғанбай мен Арайлым Әшірмет үй жағдайында жүрек ақауын анықтайтын электрокардиограф және саусақ ізі арқылы адам денсаулығы туралы ақпарат беретін өнертабыстарын таныстырды. Екі жоба да қазылар тарапынан жоғары баға алып, үздік деп танылды. Ал авторлары алтын медальдармен және Алматы Энергетика және байланыс университетінің толық грантымен марапатталды. Сонымен қатар, Арайлым Әшірметке Сүлейман Демирель атындағы университетде білім алуға 50 пайыз жеңілдік табысталды.

Қызылордалық зияткерлер халықаралық байқауда бірінші орын иеленді

Фото: Н.Нұржаубай<a href="https://kyzylorda-news.kz/">Kyzylorda-news.kz.</a> Қызылорда облысының прокуратурасы орта білім беру мекемелерінде тексеру жүргізуде.Алғашқы тексеру нәтижелерімен санитарлық-эпидемиологиялық талаптар мен өрт қауіпсіздігін бұзудың 200-ден астам фактісі анықталды.Кейбір мектептерде бейнебақылаудың «соқыр аймақтары» жойылмаған, жұмыс істемейтін бейнекамералар бар, салдарынан сапалы бақылауға кедергі келтіреді.<blockquote>«Информатика сабақтарында оқушылар бақылаусыз қалып, ересектер мен құмар ойындарға арналған сайттарға еркін кіруге мүмкіндік берілген. 26 мектепте мұғалімдерді конкурс өткізбей жұмысқа орналастыру фактілері анықталып, соттылығы бар және медициналық мекемелердің «Д» есебінде тұрғандар жұмысқа орналастырылған. &nbsp;Сонымен қатар, педагогтар жалған дипломмен жұмысқа қабылданғаны анықталып, олар бойынша қылмыстық іс тіркелді», - делінген облыс прокуратурасының хабарламасында.&nbsp;</blockquote>Мектептерді тексеру жұмыстары жалғасады.

Қызылордалық оқушылар информатика сабағында құмар ойындарының сайттарын еркін пайдаланған 

Фото: Н.Нұржаубай<a href="https://kyzylorda-news.kz/">Kyzylorda-news.kz.</a> Қазіргі уақытта республикада Мемлекет басшысының барлық деңгейдегі білім беру саласын нығайту жөніндегі бірқатар маңызды бастамалары іске асырылуда. <a href="https://primeminister.kz/news/zhyl-korytyndysy-zhana-mektepter-men-zhatakkhanalar-bilim-beru-granttary-men-shakirtakylardy-kobeytu-26714">Primeminister.kz</a> аталған салада бір жылда атқарылған жұмыстарға шолу ұсынды.&nbsp;Осы жылдың айшықты оқиғаларының бірі «Жайлы мектеп» ұлттық жобасының басталуы болды, оның аясында 740 мың оқушыға арналған жаңа форматтағы 369 мектеп салынады.<ul><li>Биыл ел бойынша 137 мың оқушыға арналған 165 мектеп пайдалануға берілді. Осылайша, 12 апатты жағдайдағы және үш ауысымда оқытатын 29 мектеп бойынша мәселе шешілді. 210-нан астам мектепте күрделі жөндеу жұмыстары аяқталды.</li><li>«Жайлы мектеп» ұлттық жобасы аясында 461 мың оқушыға арналған 217 мектептің құрылысы басталды (екі ауысымда).</li><li>Білім беру инфрақұрылымын қолдау қоры құрылған сәттен бастап (жемқорлардан қайтарылған қаражат) арнайы шотқа 151,9 млрд теңге түсті. Нәтижесінде жалпы сомасы 96,5 млрд теңгеге 76,7 мың оқушыға арналған 62 мектептің құрылысы қаржыландырылды. Биылғы 1 желтоқсандағы жағдай бойынша 28,6 мың оқушыға арналған 17 мектеп пайдалануға берілді.</li><li>Президенттің Сайлауалды бағдарламасын іске асыру мақсатында 718 мектеп 1 067 заманауи химия, физика, биология, STEM және робототехника кабинеттерімен жабдықталды.</li><li>1 қыркүйектен бастап 1,6 млн бала тегін ыстық тамақпен қамтылды, олардың ішінде 1,4 млн бастауыш сынып оқушысы және әлеуметтік осал топтардан шыққан 200 мыңнан астам бала бар.</li><li>Мемлекеттік білім беру ұйымдарында оқушылардың қауіпсіздігін күшейту үшін тиісті жүйелер, атап айтқанда, бейнекамералар, дабыл түймешелері, турникеттер орнатылып, жұмысы қамтамасыз етілген.</li><li>«Балабақшаға есепке алудың бірыңғай базасы» әзірленіп, іске асырылуда. Екі облыста балабақшаға есепке алу жүйесі пилоттық режимде жұмыс істейді. 2024 жылы толық іске қосу жоспарланған.</li><li>Биылғы қаңтар айында мұғалімдердің жалақысы тағы 25%-ға өсті. Осылайша, 4 жыл ішінде мұғалімдердің жалақысы 2 есе көбейіп отыр.</li><li>Қыркүйек айынан бастап 98 мыңға жуық тәрбиешінің жалақысы 30%-ға артты.</li><li>«Білім берудегі өзгерістердің 1000 көшбасшысы». Президенттік жастар кадр резервінің үлгісі бойынша мықты педагогтар қатарынан кадр резервін іріктеу және даярлау жөніндегі бағдарлама әзірленіп, іске асырылуда.</li><li>Білім беру ұйымдарында тәрбие сапасын арттыру бойынша «Біртұтас тәрбие бағдарламасы» қабылданды.</li><li>Азаматтарға жоғары білімді қолжетімді етудің қосымша тетігі ретінде «Келешек» бірыңғай ерікті жинақтау жүйесін әзірлеу басталды.</li></ul><img class="image_resized" style="width:560px;" src="https://img.inform.kz/kazinform-photobank/media/2023-12-19/e4a4715b-bd48-481e-a12a-b6eb8830d56b.jpeg" alt="мектеп" loading="eager">Қосшы қаласының мектеп-гимназиясы. Оның құрылысына 7,5 млрд теңге жеке инвестиция салынды.Жүйе аясында балаға арнайы шот ашылып, оған мемлекет 60 АЕК (5 жастағы балаларға) мөлшерінде бастапқы білім беру капиталын салады. Онда ата-аналардың ерікті жарналары, 5%-7% мөлшерінде жыл сайынғы мемлекеттік сыйлықақы және инвестициялық табыс қаражаты жиналатын болады.Айына 1 АЕК мөлшерінде ең төменгі жарна салынатын болса, бала 18 жасқа толғанша 3,3 млн теңгеден астам қаражат жиналады. Ата-аналардың ерікті жарналары, мысалы, айына 3 АЕК-ке дейін жетсе, 7 млн теңгеден астам қаражат жинау мүмкін болады.Сонымен қатар жүйе аясында халықтың әлеуметтік осал топтарын қолдау шаралары көзделген. Грантқа түскен жағдайда талапкер жиналған қаражатты тұрғын үй сатып алуға жұмсай алады.<img class="image_resized" style="width:560px;" src="https://img.inform.kz/kazinform-photobank/media/2023-12-19/4910e84f-786b-4d4a-ab68-3fd0255e1a7c.jpeg" alt="мектеп" loading="eager">Мектеп бір ауысымда 1,5 мың оқушыға білім береді. Ол сондай-ақ ерекше білім беру қажеттіліктері бар балаларға бейімделген.<ul><li>2023 жылы жоғары және жоғары оқу орнынан кейінгі білімі бар кадрларды даярлауға 88 мыңнан астам грант бөлінді, бұл 2021 жылмен салыстырғанда 23%-ға артық. Бұл көрсеткіш 2019 жылдан бастап тұрақты түрде өсіп келеді, ол кезде мемлекеттік тапсырыс көлемі 51 мың грант болған.</li><li>1 қыркүйектен бастап студенттердің шәкіртақысы 20%-ға өсіп, 41 898 теңгеге (педагогикалық ғылымдар – 67 200 теңгеге) жетті, магистранттар мен докторанттар шәкіртақылары 15%-ға өсіп, тиісінше 97 024 және 217 500 теңгеге көтерілді.</li><li>Биыл 5,9 мың орынға арналған 25 студенттер жатақханасы пайдалануға берілді. Жыл соңына дейін 5 мың орындық тағы 19 жатақхана ашу жоспарланып отыр. Жалпы барлық көздер есебінен 2028 жылға дейін 55,5 мың орын пайдалануға берілетін болады.</li><li>Колледж студенттерінің стипендиясы 50%-ға көтерілді.</li><li>Колледж студенттеріне арналған жаңадан 13 жатақхана ашылды.</li><li>ТжКБ ұйымдарында мемлекеттік білім беру тапсырысы 133 мың орынға дейін ұлғайтылды.</li><li>Зерттеу экожүйесін құру және серпінді технологияларды дамыту мақсатында Л.Н. Гумилев атындағы ЕҰУ, әл-Фараби атындағы ҚазҰУ және М. Әуезов атындағы ОҚУ зерттеу университеттеріне айналды. Бұл университеттік ғылымның республиканың әлеуметтік-экономикалық дамуына қосар үлесін ұлғайтуға, экономиканың түрлі салаларында жаңа өнімдер мен технологиялық процестерді құруға, ғылыми қызмет нәтижелерін коммерцияландырудан түсетін табысты ұлғайтуға, жаңа кәсіптер мен технологияларды ескере отырып, инновациялық білім беру бағдарламаларын әзірлеуге мүмкіндік береді.</li><li>Халықаралық академиялық рейтингтерге қатысуды кеңейту есебінен қазақстандық жоғары оқу орындарының халықаралық білім беру кеңістігінде танылу деңгейі артты. Мәселен, QS WUR 2023 рейтингіне 21 қазақстандық ЖОО кірді, көрсеткіш 2018 жылмен салыстырғанда екі есеге өсіп отыр. Сондай-ақ Times Higher Education рейтингінде ҚР жоғары оқу орындарының белсенділігі артып келеді.</li><li>Қазақстанда жетекші шетелдік жоғары оқу орындарының филиалдарын ашу жұмыстары жалғасуда:</li></ul>– Қ. Жұбанов атындағы Ақтөбе өңірлік университетінің базасында Хериот-Уотт университетінің (Шотландия) филиалы құрылды;– Шәкәрім университетінің базасында Быдгощ қаласындағы Экономика университетінің (Польша) филиалы ашылды;– І. Жансүгіров атындағы Жетісу университеті мен Марке политехникалық университеті (Италия) арасында филиал құру туралы келісімге қол қойылды;– Yessenov University базасында Қазақ-неміс тұрақты инженерия институты (неміс ЖОО консорциумы) құрылды;– Қ. Сәтбаев атындағы Қазақ ұлттық техникалық зерттеу университеті базасында Гонконг қаласындағы университеттің филиалы ашылды;– Д. Серікбаев атындағы Шығыс Қазақстан техникалық университеті мен Тяньцзинь кәсіби университеті (ҚХР) базасында Лу Бань шеберханасы ашылды;– Әл-Фараби атындағы Қазақ ұлттық университетінде Солтүстік-Батыс политехникалық университетінің (ҚХР) филиалын ашу туралы келісімге қол қойылды.<img class="image_resized" style="width:560px;" src="https://img.inform.kz/kazinform-photobank/media/2023-12-19/aa4d2ab9-6de6-456e-b181-c5a875db17a4.jpeg" alt="автобус " loading="eager">Павлодар облысында балаларды тасымалдау үшін 46 мектеп автобусы сатып алынды. Олар 6 аудандағы ауыл мектептеріне, сондай-ақ Екібастұз және Ақсу қалаларының ауылдық аймақтарына берілді.<ul><li>1 қыркүйектен бастап Қазақстанда педагогикалық білім беру сапасын арттыру үшін Дүниежүзілік банк желісі бойынша пилоттық режимде 30 инновациялық білім беру бағдарламасын іске асыру басталды. Олардың ерекшелігі – педагогтардың зерттеу дағдылары мен цифрлық құзыреттіктерін дамытуға баса назар аударылады.</li><li>Coursera-мен ынтымақтастық аясында пилоттық жоба ретінде курс енгізу мақсатында қазақстандық 25 жоғары оқу орнының тізімі анықталды. Бүгінгі таңда 44 мыңнан астам студент Coursera платформасында 67 мыңнан астам курстан өтіп, тиісті сертификаттар алды. Бұл курстар IT, кәсіпкерлік, физика және бизнес салаларын қамтиды.</li></ul><img class="image_resized" style="width:560px;" src="https://img.inform.kz/kazinform-photobank/media/2023-12-19/76fc02b8-e77a-4d56-85db-f8a98fb0df0f.jpeg" alt="жатақхана" loading="eager">Қарағандыда заманауи студенттер жатақханасы ашылды. Тоғыз қабатты ғимарат екі жыл ішінде Қаржы орталығының қолдауымен университет қаражатына салынды.<img class="image_resized" style="width:560px;" src="https://img.inform.kz/kazinform-photobank/media/2023-12-19/2326a1dc-90cc-4e81-9a2b-9fe361d35acc.jpeg" alt="ЖОО" loading="eager">Қазақ-неміс тұрақты инженерия институты Ақтаудағы Ш. Есенов атындағы Каспий технологиялар және инжиниринг университетінің базасында жұмыс істейді. Түлектер 8 бакалавриат және 6 магистратура мамандығы бойынша қос диплом алады.&nbsp;

Жыл қорытындысы: жаңа мектептер мен жатақханалар, гранттар мен шәкіртақыны көбейту

Фото: avdet.org.<a href="https://kyzylorda-news.kz/">Kyzylorda-news.kz.</a> Қызылорда қаласы бойынша ауа-райының қолайсыздығына байланысты 2023 жылғы 19 желтоқсан&nbsp; күні бастауыш сынып оқушылары қашықтан білім алады.&nbsp;<blockquote>«Сейсенбі 19 желтоқсан күні 0-4 сыныптар аралығындағы оқушылар қашықтан оқытылатынын хабарлаймыз.&nbsp; Айта кетейік, қаладағы 57 мектеп&nbsp; пен жеке мектептердің бастауыш сыныптары сабақты қашықтан оқитын болады», - делінген қалалық білім бөлімінің баспасөз қызметі таратқан хабарламада. &nbsp;</blockquote>

Қызылорда: Бастауыш сыныптар қашықтан оқиды

<a href="https://kyzylorda-news.kz/">Kyzylorda-news.kz.</a>&nbsp; Қызылордада облыс әкімінің қолдауымен, «Ақпараттық технологиялар орталығы» және Қорқыт ата атындағы Қызылорда университеті «Kyzylorda Hub» бизнес-инкубаторының ұйымдастыруымен екікүндік «Inno.Fest» Qyzylorda инновациялық жобалар фестивалі өтті. Байқауға қатысу үшін 2500 жас ниет білдіріп, 250-ге жуық команда бақ сынады.&nbsp;Фестивальде аймақ жастарынан бөлек Астана, Түркістан, Байқоңыр қалаларынан келген қатысушылар «SmartСity», «Контент&amp;Дизайн», «Кино&amp;Видео» бағыттары бойынша жоба қорғады.&nbsp;«Inno.Fest» Qyzylorda – талантты жастардың ІТ идеяларын жарыққа шығару, жаңа әлеуметтік жобалардың іске асуына қолдау көрсету мақсатындағы маңызды шара. Қатысушылар 24 сағат ішінде 250-ге жуық жобаны әзірледі.&nbsp;Фестивальде жобалары үздік деп танылған 3 қатысушы Қорқыт ата атындағы Қызылорда университетінің грантына ие болды. Енді олар Ұлттық бірыңғай тестілеуден шекті балл жинаған жағдайда қалаған мамандығы бойынша тегін білім ала алады. Жеңімпаздарға сертификатты Басқарма мүшесі – ғылым және халықаралық қатынастар жөніндегі проректор Майнұр Бөрібаева табыстады.Байқауда жастар цифрлы сабақ жоспары, телефон алаяқтары, смарт туризм, сөйлейтін әліппе сынды бірнеше жобалар ұсынды. Фестиваль аясында 9 жоба үздік деп танылды. Оларға жалпы жүлде қоры &nbsp;3 млн теңгені құрайтын қаржылай сыйақылар үлестірілді.&nbsp;Айта кетейік, биыл фестиваль төртінші рет өткізілді. Осы уақыт аралығында 9 мыңға жуық қатысушы тіркеліп, өз жобаларын ұсынды.&nbsp; &nbsp;

INNOFEST: Инновациялық жоба жеңімпаздарына білім гранты табысталды

Фото: &nbsp;Sputnik / Сергей Пятаков<a href="https://kyzylorda-news.kz/">Kyzylorda-news.kz.</a> Жүйе барысында балаларға арнайы шот ашылып, мемлекет тарапынан 60 АЕК мөлшерінде арнайы капитал салынады. Бұдан әрі оған ата-аналардың ерікті жарналары, 5-7% жыл сайынғы мемлекеттік сыйақы және инвестициялық табыс есебінен қаражат жинақталады. Бағдарламаның балаларға берер мүмкіндіктерін «Болашақ» университетінің Рекрутинг және Мансап орталығының басшысы Берік Саймағанбетов тізбектеп берді.<blockquote>«Бұл жүйе әрбір ата-ана үшін өте өзекті бағдарламалардың бірі деп ойлаймын. Әрбір баланың шотында камелет жасына толғанша қаржы жинақталып, қалаған оқу орнына түсуге мүмкіндік қарастырылмақ. Осылайша айына 1 АЕК (3 450 теңге) мөлшеріндегі ең төменгі жарна салынып отырса, бала 18 жасқа толғанда шотында 3,3 млн теңгеден астам қаржы жинақталады. Тиісінше, ата-аналардың ерікті жарналары қосылса 7 млн теңгеден астам қаражат жинақтау мүмкіндігі бар. «Келешек» жүйесі азаматтарды қолдаудың қосымша тетігі десек болады. Бұл ретте талапкер грант негізінде жоғары оқу орнына мүмкіндік алса, шотындағы жинақталған қаражат арқылы баспана алуына да рұқсат беріледі», -деді Берік Рахманұлы.</blockquote>

Жаңа жылда «Келешек» жинақтақтаушы жүйесі іске қосылады

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Түркістанда өткен Ұлттық құрылтайда өскелең ұрпақтың тәрбиесі мен біліміне, ұлттық мүддеге сай келетін кітаптар басып шығаруға ерекше назар аударған болатын. Ол кітап шығару ісі идеологиялық жұмыстың басты бағыттарының бірі екенін атап өтті. Сондай-ақ, Қасым-Жомарт Тоқаев биылғы Жолдауында «Адал азамат» тұжырымдамасының мән-мағынасына терең тоқталды. Осыған орай, «AMANAT» партиясы Президенттің бастамаларына демеу болып, өз деңгейінде ұлттың зияткерлік дамуына жан-жақты қолдау көрсетуді бастап кетті.Осылайша, партия биылдан бастап еліміздің барлық аймағында кітап орталықтарын ашуды қолға алған болатын. Бастама аясында біздің облыста да «Кітап-AMANAT» жобасымен мәдени-ағартушылық орталық ашылып, қазіргі таңда белсенді жұмыс жүргізілуде.Аталған орталықта конференция ұйымдастырылып, көпшілік қауымға жобаның мақсат-міндеттері мен одан күтілетін нәтижелер мен және рухани құндылықтар туралы кеңінен насихатталды.Конференция жұмысына партияның облыстық филиалының төрағасы Н.Байқадамов, партия филиалының Атқарушы хатшысы Л.Төрешова, «MIRAS» аймақтық кеңесі мүшелері, облыстық, қалалық мәслихаттардағы фракция мүшелері, зиялы қауым өкілдері мен партия белсенділері қатысты.Рухани орталықта өткен жиында филиал төрағасы Наурызбай Байқадамов жобаның ауқымын ұлғайту бойынша алдағы уақытта атқарылатын жұмыстарға тоқталып, «Кітап-AMANAT» руханият пен мәдениеттің үлкен орталығына айналатынына сенім білдірді.<blockquote>«Бір сөзбен айтсақ, бұл жай ғана кітап дүкені емес, бұл – руханият орталығы. Біздің өңірде келесі жылы барлық аудандарда салынатын бір типтегі «Руханият орталықтарында» осындай кітап бұрыштарын ашуға мүмкіндік болады деп ойлаймыз. Себебі ол жерде ардагерлерден бастап барлық Үкіметтік емес ұйымдар және ұлттық құндылықтарды насихаттайтын тәрбие орталықтары бірігіп, жұмыс жасайтын болғандықтан, жобаның ауқымы кеңейетін болады.»-деді төраға Наурызбай Сейтқалиұлы.</blockquote>Сондай-ақ конференцияда Қазақстан Жазушылар одағы облыстық филиалының басшысы Қаршыға Есімсейітова, Ақын, Қорқыт ата атындағы Қызылорда университетінің докторанты, Қазақстан Жазушылар одағының мүшесі Мақсат Дауылбай жобаға қатысты оң пікір білдіріп, орталықтың ашылуы әрбір қаламгерге жасалған рухани демеу екенін атап айтты.Мұнан бөлек Әбілдә Тәжібаев атындағы облыстық әмбебап кітапханасының маманы Изанелья Ақтай көпшілікті орталықтағы кітап қорымен, олардың бағыт – бағдарымен таныстырып, баршаны кітап нәрімен сусындауға шақырды.Жиын соңында конференцияға қатысушылар тарапынан айтылған ұсыныстар тиісті орындарға жолданатын болды.<figure class="image"><img src="https://knadmin.beoblood.kz/uploads/410575621_756261509872821_6113521564272358860_n_fd1010ecba.jpg" alt="410575621_756261509872821_6113521564272358860_n.jpg"></figure>&nbsp;<figure class="image"><img src="https://knadmin.beoblood.kz/uploads/410562678_756261546539484_1811550549932121147_n_055fef88ab.jpg" alt="410562678_756261546539484_1811550549932121147_n.jpg"></figure>

«Кітап-AMANAT» рухани орталығында конференция өтті

<a href="https://kyzylorda-news.kz/">Kyzylorda-news.kz.</a>&nbsp;Қазақстандық білім беруде мектеп басшылары алғаш рет арнайы өздеріне және олардың кәсіби дамуы мен көшбасшылығына арналған &nbsp;тақырыптық форумда бас қосты. NIS Педагогикалық шеберлік орталығы Астанада төрт жүзден астам директорды біріктірді, алты жүзден астам директор еліміздің барлық өңірлерінен онлайн қосылды. Екі күн бойы олар табысқа жету стратегиясында жеке және командалық басымдықтарды анықтады.«Білім берудегі өзгерістердің 1000 көшбасшысы» кадрлық резервті дайындау жөніндегі президенттік бағдарламаның алғашқы түлектері халықаралық интенсивтің &nbsp;негізгі делегаттары атанды. Олардың барлығы Педагогикалық шеберлік орталығында оқуларын аяқтап, мамандыққа жаңа қадам жасауға дайын.Оқу-ағарту министрлігінің Орта білім беру комитетінің төрағасы Қаныбек Жұмашев пен «Назарбаев Зияткерлік мектептері» ДББҰ Басқарма төрағасы Әнуар Жанғозин интенсивтің ашылу салтанатында президенттік кадрлық резервті дайындау бойынша ауқымды бағдарламаның бірегейлігін ерекше атап өтті.Бағдарлама отандық білім берудің топ-менеджерлеріне арналған ең өзекті және креативті форматтарды қамтиды: «Қалай табысқа жетуге болады?» кейс-сессиялары, эмоционалды құзыреттілік бойынша креативті практикум, мектептегі Talent-Management бойынша «Мұғалімдерді шабыттандырамыз» форсайт-сессиясы, ата-аналар, оқушылар және мектеп басшыларына арналған ұжымдық дискуссия, «Цифрлық менеджментке арналған құралдар» Digital-сессия және басқалары.Шетелдік тәжірибелерді «360-мектептің» тең директоры, британдық білім беруді зерттеу қауымдастығы кеңесінің мүшесі Сара Селезнев, Таллин ғылыми мектебінің басшысы, Эстония мұғалімдері одағының төрағасы Мэдис Сомэлар, Сингапурдағы Арбингер институтының қауымдастырылған кеңесшісі Сарас Менон таныстырды. Олардың барлығы жаһандық педагогикадағы стратегиялық және жұмыс алгоритмдері бір екенін және көшбасшылардың негізгі бағдары көп жағдайда ұлттық білім беру жүйесіне емес, көшбасшылардың жеке стандарттарына байланысты екенін растады.Интенсивте қазіргі білім беру жағдайындағы мектеп басшыларының көшбасшылық трансформациясын, отандық және шетелдік әріптестерімнің мектеп басқарудағы тәжірибелерінің басты құндылықтарын білдім. Өз кезегінде бұл мәселелер өзектілігін жоймайды және жылдам, өзгермелі қоғам жағдайында трендтердің бірі болып болып қала береді. Бұл &nbsp;тәжірибе &nbsp;менің кәсіби еңбек жолымда өз пайдасын тигізетініне сенімдімін және алдағы басшылық қызметте қолданамын деп ойлаймын, – &nbsp;дейді Қызылорда облысы, Жалағаш ауданы №202 З.Жарқынбаев атындағы орта мектеп директорының ғылыми-әдістемелік ісі жөніндегі орынбасары Ерсұрат Каналхан.«Білім берудегі көшбасшы бағдары» – &nbsp;Педагогикалық шеберлік орталығының мектеп басшыларының кадр резервін дайындау және мұғалімдер мен мектеп басшыларының біліктілігін арттырудағы ауқымды жұмысының қисынды жалғасы.<img src="https://knadmin.beoblood.kz/uploads/NI_Sh_0720031340.jpg" alt="НИШ.jpg">&nbsp;<figure class="image"><img src="https://knadmin.beoblood.kz/uploads/NI_Sh_555ec230e2.jpg" alt="НИШ.jpg"></figure>

Қазақстанда отандық білім берудің көшбасшыларына арналған жаңа алаң құрылды

Фото: avdet.org<a href="https://kyzylorda-news.kz/">Kyzylorda-news.kz.</a>&nbsp; Синоптиктердің болжамы бойынша, 13 - 15 желтоқсан аралығында Қызылорда облысында жылдамдығы 18-21 м/с екпінді жел, ауаның температурасы түнде -18-23 0С, облыстың солтүстігінде -26 0С аяз, күндіз -10-15 0С аяз күтіледі.<blockquote>«Осыған байланысты, Арал, Қазалы, Қармақшы, Жалағаш, Сырдария, Шиелі, Жаңақорған аудандары мен Қызылорда қаласындағы барлық мектептердің (мемлекеттік, жекеменшік) 0-11 сынып оқушылары; Барлық колледждердің (мемлекеттік, жекеменшік) 1, 2 курс студенттерінің 13 – 15 желтоқсан күнгі сабақтары қашықтан оқыту форматында өтеді (онлайн). Білім беру мекемелерінің басшыларына тиісті тапсырмалар берілді. Пән мұғалімдері күнделікті жұмыс орындарында онлайн сабақ өтетін болады», - делінген облыстық білім басқармасының таратқан хабарламасында.</blockquote>Мектепке дейінгі ұйымдар күнделікті штаттық режимде жұмыс жасайды. Өзгерістер болған жағдайда қосымша хабарланатын болады.

Қызылордада колледж студенттері де қашықтан оқиды

Фото: gov.kz<a href="https://kyzylorda-news.kz/">Kyzylorda-news.kz.</a> Магистратураға түсу үшін грант конкурсына құжаттарды қабылдау 12-19 желтоқсан аралығында ЖЖОКББҰ арқылы жүзеге асырылады, ал грант иегерлерінің тізімі 21 желтоқсаннан кейін жарияланады.Грант конкурсына қатысу үшін үміткерлер келесі құжаттарды тапсыру қажет: жеке куәліктің көшірмесі; жоғары білімі туралы құжат (диплом және қосымшасы); КТ сертификаты; халықаралық сертификаттар (бар болған кезде).Магистратураға түсушілер 3,8 мың мемлекеттік білім грантына үміткер бола алады. Оның ішінде «Инженерлік, өңдеу және құрылыс салалары» даярлау бағытына 1758 грант, Жаратылыстану ғылымдары, математика және статистикаға» 569 грант, «Педагогикалық ғылымдарға» 469 грант, «Ауыл шаруашылығы және биоресурстарға» 461 грант бөлінген.Болашақ магистранттардың ЖЖОКБҰ-на қабылдау 2023 жылғы 26 желтоқсан мен 2024 жылғы 10 қаңтар аралығында жүргізіледі.Естеріңізге сала кетсек, 2-8 желтоқсан аралығында кешенді тестілеу өтті. Жалпы, тестілеуге 8 мыңнан астам өтініш қабылданды.

Бүгін магистратураға түсу үшін грант конкурсына құжаттар қабылдау басталды

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрлігінің ұйымдастыруымен жақында өткен дәстүрлі «Үздік педагог» республикалық байқауында сырбойылық 5 ұстаз «Үздік педагог» атағының иегері атанды. Осыған орай бүгін Өңірлік коммуникациялар қызметінің ақпарат алаңында өз еңбегімен топ жарып, құрмет төрінен көрінген ұстаздар брифинг өткізді.<blockquote>Бұл байқау 2012 жылдан бері үздіксіз ұйымдастырылып келеді. Жалпы, конкурс үш кезеңнен тұрады. Аудандық, облыстық кезеңнен өткен ұстаздар республикалық кезеңде бақ сынайды. Биыл байқауға 961 мұғалім қатысты. Әр кезең бойынша іріктеліп, 139 мұғалім республикалық кезеңге жолдама алды. Олар бас қаладағы білім ордаларында өздерінің біліктілігін көрсетіп, 64 мұғалім «Үздік педагог» атағына лайық деп танылды, - деді №3 ақпараттық технологиялар мектеп-лицейінің мұғалімі Әсел Пірмағамбетова.</blockquote>Байқау өте жоғары деңгейде өтті. Себебі еліміздің түкпір-түкпірінен білікті мамандар қатысып, практикалық, теориялық тұрғыдан өзара сынға түсті.<blockquote>&nbsp;Бұл білім бәйгесінде заманауи технологиялармен қатар, білім үдерісінде инновациялық көзқараспен ұстаздардың тәжірбиелеріне мән берілді. Сондай-ақ, осы байқаудың арқасында әр өңірдің ұстаздарымен өзара тәжірибе алмасуға мол мүмкіндік туды. Үздік атанған әріптестерімді құттықтаймын!, - деді Қазанғап атындағы Қызылорда музыкалық жоғары колледжінің арнайы пәндер оқытушысы Әсия Боранғұлова.</blockquote>Республикалық кезеңге Қызылорда облысынан 10 ұстаз барған. Барлығы сайыс тапсырмасына сәйкес, ашық сабақтар өткізді.<blockquote>&nbsp;Ұстаздың кәсібилігі осы сабақтардан көрінді. Өйткені күнделікті өзіміздің шәкірттерге емес, бейтаныс оқушыларға сабақ бердік. Әрине әр сабағымызды ерекше әрі өзгеше идеямен өткізуге барымызды салдық. Сабақ берудегі әдіс-тәсілдеріміздің қорытынды бағасын қазылар алқасы таразылады. Аталмыш байқаудағы ең жас педагогтардың бірі мен болдым. Десе де, үздіктер қатарынан көрінгеніме қуаныштымын, - деді Е.Әуелбеков атындағы №4 облыстық дарынды балаларға арналған мектеп-интернатының мұғалімі Жазира Тынымбек.</blockquote>

Қазақстан және Қызылорда облысының жаңалықтары: Білім