<a href="https://kyzylorda-news.kz/date/2020/09/04/">Kyzylorda-news.kz.</a> «Бүгінгі заман білектілердің заманы емес, білімділердің заманы» деп бекер айтпаса керек. Қазіргі таңда білім бірінші орында тұр.
Тіл білу де,технологияны шебер қолдануда заман талабы. Бірақ қазіргі күні әлемді жайлаған індеттің өршуіне байланысты ғылымда , білімде онлайн форматқа көшуде. Бұл әрине технологияның дамуына, ақпараттық технологияны жақсы меңгеруге жол ашатыны сөзсіз. Дегенмен бұл мәселе жаңа мектеп табалдырығын аттаған оқушыдан, білікті мұғалімдерге дейін қиындық тудырып отыр.
Осы орайда Қазақстан Республикасының президенті Қасым-Жомарт Тоқаев өзінің «Жаңа жағдайдағы Қазақстан:іс-қимыл кезеңі» атты Қазақстан халқына арналған кезекті Жолдауын жариялады. Жолдауда президент бүгінгі күні болып жатқан жағдайды ескере отырып, оқушыларға да, студенттер мен мұғалімдерге де тиімді тәсілдің әлі күнге дейін онлайн-платформаның жоқтығын ашып айтты.
Бұл орайда президентіміз оқу үдерісі үшін қажетті барлық функциялары бар бірыңғай онлайн білім беру платформасын шұғыл әзірлеуді тапсырды. Оқушылар сапалы білім алу үшін мектептегідей еркін болу үшін барлық жағдайды қарастыратын айта кетті .
Сапалы білім ол жарқын болашақтың кепілі. «Ел боламын десең бегігіңді түзе» деп ата-бабамыз айтып кеткендей қазіргі жастарымыз келешектің айқын айнасы іспеттес.
Сондай-ақ президент Қасым-Жомарт Тоқаев білім саласындағы басты мәселеніде көтере кетті. Ол әрине ұстаздар жалақысының аздығы. Президентіміз 2021 жылдың қаңтар айынан бастап ұстаздардың жалақысын 25% ға көтеретінін және жалақы мөлшері алдағы уақытта арта беретінін айтты. Бұл мақсатқа алдағы уақытта үш жыл көлемінде 1,2 триллион теңге бөлінетінін басты назарға қойды.
Президентіміз жолдауында білім мен ғылымды дамытуды ең басты мақсат етіп қоя отырып,білім саласын көтеруді, жыл сайын бөлінетін граттардың санын көбейтуді көздеп отыр. Ғылымның дамуына қазіргі «Жас ғалым» жобасы аясында зерттеу жүргізу үшін 1000 грант бөлуді тапсырды.
Сонымен қатар ірі бизнес өкілдерінің өңірлік университеттердің ғылыми қызметін қамқорлықтарына алса, оларға қолдау көрсетсе нұр үстіне нұр болатынын ғылым мен біліміміздің сәлде болса дамуына жол ашатынын нық басып айтты. Президентіміз осы жолдауы арқылы қазіргі жағдайда әлемдік болып жатқан дерттен құтыламыз деп жүріп, сауатсыздық дертіне шалдықпауымыз керегін ашық жеткізіп отыр. Қандай жағдай болмасын білім саласының төмендеуіне, ғылым саласының құлдырауына әкелмеуміз керек. Қазіргі күннің басты талабы да, мәселесі де осы.
Гүлжанат ЕСЕНБАЕВА,
№2 облыстық дарынды балаларға арналған мектеп-интернат директоры
<img src="https://kyzylorda-news.kz/wp-content/uploads/2020/09/118764867_641123166823174_7534903492004028528_o.jpg" alt="" />

Гүлжанат Есенбаева: Президент Жолдауы &#8211; білім беру ісіне қолдау

<a href="https://kyzylorda-news.kz/">Kyzylorda-news.kz.</a> Өңірде 22 тамыздан бастап күрішке орақ салу жұмыстары басталып, бүгінде 3715 гектар күріштің 1622-сы қамбаға бастырылды. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 “Егін жинау маусымы басталғалы бері 3715 гектар күрішке орақ салынып, оның 1622 гектары бастырылды. Әзірге егіннің әр гектарынан шамамен 43,0 центнерден өнім алынуда. Сондай-ақ, егін жинау жұмыстары 15 қазанға дейін жалғасады. Яғни басты міндет орылған дәнді қамбаға жинап, игілікке жарату”,-деді Сейілбек Серғазыұлы.
</blockquote>

Қызылордада бүгінге дейін 1622 гектар күріш алқабы орылды

<a href="https://kyzylorda-news.kz/date/2020/09/03/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаев Парламент палаталарының бірлескен отырысында Қазақстан халқына арналған «Жаңа жағдайдағы Қазақстан: Іс-қимыл кезеңі» атты Жолдауын жариялады.
Cтратегиялық маңыздылығымен қазіргі кезеңде нақты міндеттер мен өзекті мәселелердің шешілуін қамтамасыз етуге бағытталған Жолдауда Мемлекет басшысы кезек күттірмейтін бірқатар мәселелерді айқындап берді:
1) Пандемия кезеңінде зардап шеккен шағын және орта бизнеске субсидия берілу және оған бюджеттен қомақты қаржының бөлінуі
2) Квазимемлекеттік сектор субъектілерінде жұмыс жасайтын қызметкерлерді 50%-ға дейін қысқартып, шағын және орта бизнестің үлесін 35%-ға дейін көтеру
3) Алдағы үш жылда мұғалімдер мен дәрігерлердің жалақысын өсіру
4) Отандық ғылыми-зерттеу мен тәжірибелік конструкторлық жұмыстарды қаржыландыру
5) Қазақстанда табиғи және техногендік сипаттағы төтенше жағдайлардың алдын алу және оларды жою; өрт секілді тілсіз жаумен күресу; адамдарды құтқару секілді қиындығы ғаламат, мәселелерді шешетін Төтенше жағдайлар министрлігін қайта құруды тапсырды.
Дамыған елдер қатарындағы мемлекеттердің экономикасына әсер еткен бұл дағдарыс, біздің еліміздің экономикалық дамуына да көптеген қиындықтар алып келді. Шекаралардың жабылуы мен мемлекеттер арасындағы тауар айналымының тоқтауы, бюджет құраушы негізгі қаржы көздерінің бірі саналатын кәсіпкерлік саласындағы қиындықтарды мемлекеттік қолдау арқылы халықтың әлеуметтік әл-ауқатын одан әрі жақсарту туралы басым бағыттарды көрсеткен.
Мемлекеттік қызметті жүзеге асыруда біршама реформалар жүргізілгенімен, қоғамның, жұртшылықтың осы салаға деген сындарлы көзқарасы мен талабы күннен күнге артып келеді.
Сондықтан мемлекеттік қызметкерлер санын азайтып, соның есебінен олардың жалақысын көтеріп, мемлекеттік қызмет сапасын арттыру белгіленді.
Сонымен қатар Президентіміздің бірқатар стратегиялық мәселелерді қоғамның талқылауына шығаруы өте маңызды.
Оның ішінде әкімдерді сайлау, петиция құру, жергілікті өзін-өзі басқаруды реформалау және шешім қабылдау үдерісіне азаматтардың көптеп қатысуын қамтамасыз ету мәселелері бар.
Мұның бәрі “Халық үніне құлақ асатын мемлекет” тұжырымдамасының әрі қарай жүзеге асырыла беретінін білдіреді деп есептеймін.
Осындай нақты бастамаларды ескеріп, Президент Жолдауы жан-жақты пысықталған, Қазақстанның дағдарыстан кейінгі даму бағытын және ұлттық басымдықтарды анықтап берген құжат.
Неше жылдан бері халықтың көкейінде жүрген Жер мәселесіне нүкте қойылып, жеріміз шетелдіктерге сатылмайтын болды.
Алдағы уақытта мемлекет басшысының барлық бастамасын іске асыру үшін тиісті заңдар қабылданатын болды.
Мемлекет басшысының ғылым мен технологияны дамытуға байланысты қаражатты жинақтау ісін орталықтандыруды және оның бюджет арқылы жалпыұлттық ғылыми басымдыққа сай бөлінуін қамтамасыз етуді Үкіметке тапсыруы, отандық ғылымды дамытуға жасалған мемлекет тарапынан зор қамқорлық болып табылады.
Мемлекет басшысының елімізді сындарлы кезеңнен алып шығу жолында ұсынған Жолдауын жүзеге асыру, баршамыздың жауапкершілігімізді арттырып, баянды белестерге бастайтынына сеніміміз мол.
Қылышбай БИСЕНОВ,
Қызылорда облыстық мәслихатының хатшысы

Қылышбай Бисенов: Жер мәселесіне нүкте қойылып, жеріміз шетелдіктерге сатылмайтын болды

<a href="https://kyzylorda-news.kz/date/2020/09/03/">Kyzylorda-news.kz.</a> Биыл Қазалы ауданының орталығына іргелес орналасқан Ғ.Мұратбаев ауылында «Жұмыспен қамтудың 2020-2021 жылдарға арналған жол картасы» бағдарламасы аясында 4 жоба қолға алынды. Жоба аясында ауылға көгілдір отын тартылып жатыр. Сондай-ақ, «Ақарық» каналының арнасы тазаланып, «Балдәурен» балабақшасына ағымдағы жөндеу жұмыстары жүргізілді.
Сонымен қатар, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің тапсырысы бойынша 7 көшенің тозығы жеткен аяқ су трубалары ауыстырылып, асфальт төселген.
Мемлекеттің қаржысына атқарылған жұмыстардың барлығы сапалы болуы тиіс. Сондықтан «Стандарт Строй Сервис» ЖШС-ның зертхана қызметкерлері Ғ.Мұратбаев ауылындағы Абай, Ғ.Мұратбаев, Т.Әубәкіров, К.Іскендіров, Батыс, Жеңістің 40 жылдығы және О.Жарылқасынов көшелеріне төселген асфальтті-бетон жамылғысының сапасы мен талапқа сай болуын тексерді.
Лабораториялық тексеру жұмыстарының қорытындысына сәйкес ауыл көшелерін асфальттаған мердігер мекемелер «Нұрас и К» ЖШС және «Қазалы Тұлпары» ЖШС-лары стандартқа сай сапалы орындағаны анықталды.

Ғани Мұратбаев ауылындағы жолдың сапасы стандартқа сай ма?

<a href="https://kyzylorda-news.kz/date/2020/09/03/">Kyzylorda-news.kz.</a> Қазақстан Республикасы Қорғаныс Министрлігі «Әскери-техникалық мектебінің» Қызылорда қаласындағы филиалының 14 сарбазы әскери ант қабылдады.
Сарбаздар бір айдан астам уақыт бойы аталған мектепте тиісті даярлықтан өтті. Қызылорданың түрлі аймақтарынан келген өрендер аз уақыт ішінде ішінде әскери тәртіппен танысып, қолына қару ұстауды үйренген. Олардың басым бөлігі жастық шағында&nbsp; әскери өмірге қызыққандар. Бірақ, белгілі бір себептермен сарбаздар сапына қосыла алмаған екен.&nbsp; Алайда, әскери-техникалық мектеп жайлы естігенде бірден мекемеге жүгініп, Отан алдындағы борышын өтеуге бел буған.
<blockquote>
 «Бүгін біз және жауынгер достарым әскери-техникалық мектепті «атқыш» мамандығы бойынша аяқтап, ант қабылдап отырмыз. Отанды қорғауға ант беру әрбір азаматтың міндеті. Барлық түлектердің атынан ұстаздар мен басшылық ұжымға алғысымды айтамын», – деді әскери-техникалық мектебінің түлегі&nbsp; Мәжит Абай.
</blockquote>
Аталған мектеп қысқа мерзім ішінде жас өрендерге әскери өмірдің қыр-сырын меңгеруге мүмкіндік берді.
<blockquote>
 «Жауынгерлер алғашқы жұмада әскери тәртіп пен Қазақстандағы қарулы күштер туралы мәлімет алады. Кейін оқ ату, тактикалық дайындық пен қаруды қалай қолдануы керектігін меңгереді. Бұл –әскери-техникалық мектепті тәмамдап отырған түлектердің соңы емес. Темірдей тәртіпке баулитын мамандарды келесі жолы да қабылдайтын боламыз», –&nbsp; дейді Қызылорда қаласындағы ҚР ҚМ «Әскери-техникалық мектебі» филиалының директоры Рахметулла Мұхамбетов.
</blockquote>
<img src="https://kyzylorda-news.kz/wp-content/uploads/2020/09/20200901_111207-scaled.jpg" alt="" />
<img src="https://kyzylorda-news.kz/wp-content/uploads/2020/09/20200902_122424.jpg" alt="" />
<img src="https://kyzylorda-news.kz/wp-content/uploads/2020/09/20200902_124255-scaled.jpg" alt="" />

Қызылордадағы әскери-техникалық мектептің түлектері ант қабылдады

<a href="https://kyzylorda-news.kz/date/2020/09/03/">Kyzylorda-news.kz.</a> Карантин талаптарын сақтамағаны үшін Жаңақорған ауданы Қандөз ауылдық округінің әкімі тәртіптік жазаға тартылды.
ҚР Мемлекеттік қызмет істері агенттігінің Қызылорда облысындағы Әдеп жөніндегі кеңесінің кезекті отырысында Жаңақорған ауданы, Қандөз ауылдық округі әкімінің тәртіптік ісі қаралды.
ҚР Мемлекеттік қызмет істері агенттігінің Қызылорда облысы бойынша департаментінің қызметкерлері бұқаралық ақпарат құралдарына, әлеуметтік желілерге мониторинг жүргізу барысында «Фейсбук» әлеуметтік желісінде «Мемлекеттік қызметкерлерге жаза жоқпа?» атты сыни жазба жарияланғандығын анықтаған.
Нақтырақ айтқанда, ауылдық округ әкімі карантин режиміне қарамастан табиғат аясына демалыс орнына көпшілікпен барып, санитарлық талаптарды сақтамай қоғам тарапынан сынға іліккен.
Әдеп жөніндегі кеңес мүшелері тәртіптік істі қарап, карантиндік шектеулерді сақтамай Әдеп кодексі талаптарын бұзғаны үшін ауыл әкіміне «ескерту» тәртіптік жазасын беруді ұсынды.
<img src="https://kyzylorda-news.kz/wp-content/uploads/2020/09/foto-5-scaled.jpg" alt="" />

Қызылордада табиғат аясында демалып жүрген ауыл әкіміне тәртіптік шара көрілді

<a href="https://kyzylorda-news.kz/">Kyzylorda-news.kz.</a> Елімізде коронавирус инфекциясының таралуын болдырмау мақсатында карантиндік шектеулер енгізіліп, ұжымдық, жанұялық барлық жиындарға тыйым салынған болатын.
Дейтұрғанмен, аталған шектеулерді бұзатындардың қатарынан карантин талаптарының сақталуына бақылау жасайтын құзырлы мемлекеттік орган қызметкерлері де кездесуде.
Әдеп жөніндегі кеңестің кезекті отырысында шектеулерді сақтамаған Шиелі ауданы әкімдігінің 4 қызметкерінің тәртіптік істері қаралды.
Тәртіптік істерді қарауға «Youtube» сайтында жарияланған бейнежазба негіз болды. Бейнежазбада Шиелі ауданы әкімі аппаратының басшысы мен бірнеше әкімдік қызметкерлерінің карантин кезеңіндегі шектеулерге қарамастан, туған күн кешіне қатысып, тойлап жатқаны жарияланған. Әкімдік қызметкерлері карантин талаптарын сақтамай, өздерінің іс-әрекеттерімен азаматтар тарапынан сыни пікірлердің туындауына себепкер болған.
Тәртіптік істердің материалдарымен танысқан Әдеп жөніндегі кеңес мүшелері, карантиндік шектеулерді сақтамай Әдеп кодексі талаптарын бұзғаны үшін Шиелі ауданы әкімі аппаратының басшысына «сөгіс» берілгені дұрыс деп тапты.
Ал, туған күн кешіне қатысқан аудан әкімі аппаратының бас маманына, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының орынбасарына және аудандық ішкі саясат бөлімінің жетекші маманына «ескерту» түріндегі тәртіптік жазаны қолдану жөнінде шешім етті.
<img src="https://kyzylorda-news.kz/wp-content/uploads/2020/09/foto-1-scaled.jpg" alt="" />

Қызылордада туған күн тойлаған әкімдік қызметкерлері жазаланды

<a href="https://kyzylorda-news.kz/date/2020/09/02/">Kyzylorda-news.kz.</a> Президент Жолдауының барлық бағыттарын іске асыру бойынша Жалпыұлттық жоспар жасалады. Бұл туралы Үкімет отырысында ҚР Премьер-Министрі Асқар Мамин айтты, деп хабарлайды <a href="https://lenta.inform.kz/kz/prezident-zholdauyn-iske-asyrudyn-zhalpyulttyk-zhospary-zhasalady-ukimet-basshysy_a3689795">ҚазАқпарат</a>.
<blockquote>
 «Президент мемлекеттік басқаруды жетілдіру, кадр саясатын, шешім қабылдау және олардың орындалуы үшін жауапкершілік жүйесін қайта қарау бойынша бірқатар тапсырмалар берді. Бірқатар, оның ішінде Мемлекет басшысына бағынысты мемлекеттік органдар құрылады. Осы міндеттерді орындау үшін Үкімет жедел және нақты шаралар қабылдауы қажет», – деді ол.
</blockquote>
Үкімет басшысы Президент Жолдауының барлық бағыттарын іске асыру бойынша Жалпыұлттық жоспар жасалатындығын айтты.
<blockquote>
 «Мемлекет басшысының Жолдауын толық және уақытында іске асыру үшін қажетті ресурстар мен құралдар бар. Осы ретте Жолдауды белгіленген міндеттерді тиімді орындау бойынша үйлесімді жұмысты қамтамасыз етуіміз қажет. Мемлекеттік органдарға Жалпыұлттық жоспар бойынша ұсыныстарын 4 қыркүйекке дейін Ұлттық экономика министрлігіне енгізуді тапсырамын. Келесі отырыста Мемлекет басшысының бекітуіне енгізу үшін Жалпыұлттық жоспардың жобасын қарастырып, мақұлдауымыз керек», – деді Асқар Мамин.
</blockquote>

Президент Жолдауын іске асырудың жалпыұлттық жоспары жасалады – Үкімет басшысы

<a href="http://kyzylorda-news.kz">Kyzylorda-news.kz.</a>&nbsp;«Қазгидромет»&nbsp;РМК қыркүйектің 1-і күнгі ауа райы болажамын жариялады.
Кәсіпорын таратқан мәліметтерге қарағанда, 1 қыркүйекте Қазақстан аумағынан атмосфералық ағындардың өтуіне байланысты республиканың басым бөлігінде ауа райы құбылмалы болады.
Республиканың кей жерлерінде жаңбыр жауып, найзағай ойнайды. Еліміздің тек оңтүстік, оңтүстік-батысында ғана ауа райы жауын-шашынсыз. Қазақстанның кей бөлігінде ғана тұман түсіп, жел күшейеді. Солтүстікте бұршақ жаууы мүмкін.
Қызылорда облысының кей жерлерінде найзағай, дауыл күтіледі. Солтүстік-шығыстан жел соғады, күші кей жерлерде 15-20 м/с. Күндіз төтенше өрт қаупі сақталады. Қызылорда қаласында 1 қыркүйекте түнде және таңертең найзағай, дауыл, солтүстік-шығыстан екпіні 15-20 м/с жел болады.

Сейсенбіге арналған ауа райы болжамы

&nbsp;<a href="https://kyzylorda-news.kz/date/2020/08/29/">Kyzylorda-news.kz.</a> Бүгін футболдан Премьер-лига командалары арасындағы Қазақстан чемпионатының жетінші туры аясында екі ойын өтті, деп хабарлайды <a href="https://lenta.inform.kz/kz/kpl-kaysar-turnir-kestesinde-ekinshi-orynga-koterildi_a3688798">ҚазАқпарат</a>.
Алғашқы кездесуде Қызылорданың «Қайсар» және Қостанайдың «Тобыл» командалары шеберлік байқасты. Қос команда турнир кестесінде алдыңғы орындарда келеді. Сол себепті жанкүйерлер тартысты ойын күтті.
Ойында «Қайсар» сапынан Файфе Режинальдо 20-минутта есеп ашты. Ал 63-минутта қостанайлық Сергей Малый таразы басын теңестірді. Кездесу тағдырын 76-минутта «Қайсардың» капитаны Асхат Тағыбергеннің алыстан соққан голы шешті. Осылайша, қызылордалық клуб қарсыласынан 2:1 есебімен басым түсті. Бұл жеңістен кейін «Қайсар» турнир кестесінде екінші орынға көтерілді.
Айта кетерлігі, «Тобыл» «Қайсарды» соңғы төрт ойында жеңе алмай келеді. Оның үшеуінде қызылордалықтар жеңіске жетсе, біреуінде тең нәтиже тіркелді.
Бүгінгі тағы бір кездесу Көкшетаудың «Оқжетпесі» мен Қарағандының «Шахтер» командалары арасында өткізілді. Аталған кездесуде екі команда да жеңіске жетуге бар күшін салды.
Ойынның 27-минутында қарағандылық клуб сапынан Гидеон Баа есеп ашты. Оған «Оқжетпес» ойыншысы Марко Обрадович бір голмен жауап қайырды. Кездесу 1:1 есебімен аяқталды.
Аталған турдағы қалған үш кездесу 30 тамызда өтеді. Бұл күні «Ордабасы» мен «Қайрат», «Астана» мен «Тараз», «Қызылжар» мен «Каспий»&nbsp;<a href="https://www.inform.kz/kz/futboldan-kazakstan-chempionaty-7-turynyn-zharys-kestesi-zhariyalandy_a3688738">командалары кездеседі.</a>

ҚПЛ: «Қайсар» турнир кестесінде екінші орынға көтерілді

<a href="https://kyzylorda-news.kz/date/2020/08/21/">Kyzylorda-news.kz.</a> Қызылорда облыстық Экономикалық тергеу департаменті басшысының орынбасары жемқорлық қылмыс жасады деген күдікпен ұсталды.
Бұл туралы ҚР Сыбайлас жемқорлыққа қарсы іс-қимыл агентігінен мәлім етті, деп хабарлайды <a href="https://lenta.inform.kz/kz/kyzylorda-oblystyk-ekonomikalyk-tergeu-departamenti-basshysynyn-orynbasary-ustaldy_a3686033">ҚазАқпарат</a>.
<blockquote>
 «Алматы қалалық сыбайлас жемқорлыққа қарсы қызметі жемқорлық қылмысын жасады деген күдікпен Қызылорда облыстық экономикалық тергеу департаменті басшысының орынбасары мен оның сенімді өкілін ұстады. Олар топты адаммен алдын ала сөз байласып, алдау арқылы Алматы қаласы кәсіпкерінің 10 млн теңге сомасындағы ақшалай қаражатын банк шоттарын бұғаттан босатамын деген желеумен алып кеткен», – делінген хабарламада.
</blockquote>
Ведомство мәліметінше, күдіктілер кәсіпкерден 10 млн теңге сомасында ақшалай қаражат алған кезде ұсталды.

Қызылорда облыстық Экономикалық тергеу департаменті басшысының орынбасары ұсталды

<a href="https://kyzylorda-news.kz/">Kyzylorda-news.kz.</a> Елімізде «5-10-20» ипотекалық бағдарламасына өтінім қабылдау басталды.
Бағдарлама бойынша ең қымбат пәтерлер Алматыда. Мегаполистегі баспананың бір шаршы 240 мың теңгеге дейін жетеді.
Елордада 220 мың тұрады. Шымкентте және Алматы маңында тұрғын үйдің бір шаршы метрі 200 мың теңге. Бірнеше қалада баға бұдан төмен. Мәселен, Ақтөбе, Атырау, Ақтау, Түркістан, Қарағанды және Қарағанды облысында ипотекалық баспананың бір шаршы метрі 180 мың теңге.
Ал қалған өңірлердегі «5-10-20» бағдарламасымен қарыз алушылар пәтердің бір шаршы метрі үшін 160 мың теңге төлейді.
<a href="https://24.kz/kz/zha-aly-tar/ekonomika-zhnalyktary/item/417266-5-10-20-bojynsha-j-alu-a-tinish-abyldau-bastaldy">“24 kz”</a>

Қазақстан және Қызылорда облысының жаңалықтары: Рубрикасыз

Гүлжанат Есенбаева: Президент Жолдауы – білім беру ісіне қолдау

Қызылордада бүгінге дейін 1622 гектар күріш алқабы орылды

Қылышбай Бисенов: Жер мәселесіне нүкте қойылып, жеріміз шетелдіктерге сатылмайтын болды

Ғани Мұратбаев ауылындағы жолдың сапасы стандартқа сай ма?

Қызылордадағы әскери-техникалық мектептің түлектері ант қабылдады

Қызылордада табиғат аясында демалып жүрген ауыл әкіміне тәртіптік шара көрілді

Қызылордада туған күн тойлаған әкімдік қызметкерлері жазаланды

Президент Жолдауын іске асырудың жалпыұлттық жоспары жасалады – Үкімет басшысы

Сейсенбіге арналған ауа райы болжамы

ҚПЛ: «Қайсар» турнир кестесінде екінші орынға көтерілді

Қызылорда облыстық Экономикалық тергеу департаменті басшысының орынбасары ұсталды

«5-10-20» бойынша үй алуға өтініш қабылдау басталды

Қазақстан және Қызылорда облысының жаңалықтары: Рубрикасыз

Гүлжанат Есенбаева: Президент Жолдауы &#8211; білім беру ісіне қолдау

Қызылордада бүгінге дейін 1622 гектар күріш алқабы орылды

Қылышбай Бисенов: Жер мәселесіне нүкте қойылып, жеріміз шетелдіктерге сатылмайтын болды

Ғани Мұратбаев ауылындағы жолдың сапасы стандартқа сай ма?

Қызылордадағы әскери-техникалық мектептің түлектері ант қабылдады

Қызылордада табиғат аясында демалып жүрген ауыл әкіміне тәртіптік шара көрілді

Қызылордада туған күн тойлаған әкімдік қызметкерлері жазаланды

Президент Жолдауын іске асырудың жалпыұлттық жоспары жасалады – Үкімет басшысы

Сейсенбіге арналған ауа райы болжамы

ҚПЛ: «Қайсар» турнир кестесінде екінші орынға көтерілді

Қызылорда облыстық Экономикалық тергеу департаменті басшысының орынбасары ұсталды

«5-10-20» бойынша үй алуға өтініш қабылдау басталды

Гүлжанат Есенбаева: Президент Жолдауы – білім беру ісіне қолдау