Kyzylorda-news.kz. Бүгін облыс әкімі Гүлшара Әбдіқалықованың төрағалығымен аймақтағы коронавирус індетінің таралуы мен эпидемиологиялық жағдай бойынша отырыс өтті. Жиынға облыс әкімінің орынбасары Балжан Шаменова, облыстық денсаулық сақтау басқармасының басшысы Сәбит Пазылов, облыстық санитариялық эпидемиологиялық бақылау департаментінің басшысы Динара Жаңабергенова және онлайн форматта Қызылорда қаласы мен аудан әкімдері қатысты.
Аймақ басшысы облыс тұрғындарын жаппай вакцинациялау және ревакцинациялау шараларын күшейту туралы мәселеге тоқталды.
<blockquote>
 Індетті жеңетін бірден бір жол – жаппай вакцинациялау жұмыстарын жүргізу. Дегенмен, бірқатар аудандар бойынша вакцина алмаған азаматтар саны әлі де жетерлік. Ревакцинация жұмыстары да баяу жүруде. Ұжымдық иммунитетті қалыптастыру мақсатында екпе алуға қабілетті тұрғындарға түсіндіру жұмыстарын күшейтіп, вакцинация жұмыстарын тиісті деңгейде жүргізу қажет. Саулықты сақтап, азаматтарымыздың денсаулығын сақтауға тиіспіз, – деді Гүлшара Әбдіқалықова.
</blockquote>
Бүгінгі таңда облыс бойынша екпе алуға қабілетті азаматтардың 92,6% I компонент, 
87,9% тұрғын II компонентті салдырған. Сонымен қатар, 2021 жылдың 22 қарашадан басталған ревакцинациядан 43 253 адам өтті.
Жиында аудан әкімдері вакцинациялау қарқыны бойынша межеленген жұмыстардың орындалу барысын тізбектеді. Айту керек, аудандар бойынша ұжымдық иммунитетті қалыптастыру мақсатында екпе алуға қабілетті 18 жастан жоғары 250 мың тұрғынның I компонентімен 94,2%, IІ компонентімен 88,2% вакциналанды.
Айта кету керек, Pfizer вакцинасымен аудандар толық қамтамасыз етілді. 
Сондай-ақ, облыс бойынша «Спутник лайт» вакцинасының 8 мың дозасы, «Синовак» вакцинасының 40 мың дозасы жеткізіліп, барлық медициналық мекемелерге бөлініске сай таратылды.
Жиын соңында аймақ басшысы департамент басшысына тұрғындар арасында жеткілікті деңгейде ақпараттық түсіндіру жұмыстарын күшейту қажеттігін еске салды. Жиында көзделген мәселелерді бақылауға алуды орынбасары Балжан Шаменоваға жүктеді.
<hr />

Г. Әбдіқалықова: Індетті жеңетін бірден бір жол — жаппай вакцинациялау

<a href="https://kyzylorda-news.kz/">Kyzylorda-news.kz.</a> Тұрғын үй алуға бағытталған мемлекеттік бағдарламалар өз тиімділігін көрсетті. Себебі, облыстағы салымшылардың саны 60 мыңнан асқан. Сондай-ақ, «Нұрлы жер» бағдарламасы баспана алудың жаңа бағытын әзірлеуде. Жаңа пилоттық жоба «5-10-20» шарты бойынша тұрғын үй сатып алу үшін азаматтарды несиелендіруді қарастырады.
Бұл туралы Өңірлік коммуникациялар қызметінде өткен брифингте «Отбасы банкі» Қызылорда филиалының директоры Әділжан Сәулебаев хабарлады.
<blockquote>
 -«5-10-20» пилоттық жобасына тұрғын үйге мұқтаж ретінде жергілікті атқарушы органдарда есепте тұрған азаматтар қатыса алады. Несие мөлшерлемесі 5 пайыз, ал бастапқы жарна 10 пайыздан басталады. Несиелендіру мерзімі – 20 жылға дейін. 2020-2025 жылға бағытталған «Нұрлы жер» бағдарламасына сәйкес 316 азаматқа 2,7 млрд.теңге қарастырылды. Ал «Әйелдер» ипотекасының мөлшері 12 пайызбен беріледі. Егер салымшының табысы 200 мың теңгеден төмен болса, үй құнын 15 пайызбен, ал айлық табыс одан жоғары болса 20 пайызбен баспанаға қол жеткізеді. Жалпы баспана алуға бағытталған бағдарламалар өз тиімділігін көрсетіп келеді, – деді Әділжан Сәулебаев.
</blockquote>
<hr />

«5-10-20»: Жаңа пилоттық жоба үй сатып алу үшін азаматтарға несие береді

<a href="https://kyzylorda-news.kz/">Kyzylorda-news.kz.</a> Қызылорда облысындағы 230 елді мекеннің 85 пайызы орталықтандырылған ауыз су жүйесіне қосылған. Биылғы жылы қаладағы қуаты тәулігіне 70 мың м3 болатын ағынды суды биологиялық тазарту станциясын жаңарту және кәріз жүйелері мен сорғы станцияларын жөндеуге 6 жоба жүзеге аспақ.
Бұл туралы Өңірлік коммуникациялар қызметінде өткен баспасөз конференциясында облыстық энергетика тұрғын үй-коммуналдық шаруашылық басқармасы басшысының орынбасары Ерлан Жоламанов мәлімдеді.
<blockquote>
 -2021-2025 жылдар аралығында облыстағы орталықтандырылмаған 17 ауылды сумен жабдықталуын қамтамасыз ету үшін топтық су құбырларына қосу, су жүйесін жүргізу жұмыстары қолға алынбақ. Сонымен қатар, Жалағаш ауданына қарасты Мәдениет және Аққұм елді мекендерін сумен қамтамасыз ету жоспарланды. Арал және Қазалы аудандарындағы 65 елді мекенді ауыз сумен қамтитын стратегиялық маңызы бар Арал-Сарыбұлақ топтық су құбырының екінші желісін салу жобасы әзірленуде. Сондай-ақ, Тақыркөл бас су тоғанынан Жаңақорған кентіне дейін магистральдық су құбырының екінші желісінің құрылысы басталады. Тағы бір айта кететін жайт, алдағы уақытта ауыз су бағасы өспейді,- деді Ерлан Ералыұлы.
</blockquote>

Қызылордада елді мекеннің 85 пайызы орталықтандырылған ауыз су жүйесіне қосылған

Kyzylorda-news.kz. 5 қаңтар күні жаппай тәртіпсіздік кезінде Қызылорда қаласында орналасқан «Ломбард» мекемесінен жалпы құны 300 млн. теңге болатын алтын бұйымдар ұрланған.
Орын алған дерек бойынша ҚР-ның Қылмыстық кодексінің 188-бабының 4-бөлігінің 3-тармағымен (Аса ірі мөлшерде жасалған ұрлық) сотқа дейінгі тергеп – тексерулердің бірыңғай тізіліміне қылмыстық іс тіркелген.
Жүргізілген жедел іздестіру шараларының нәтижесінде күдікті ретінде Қызылорда қаласының 2 тұрғыны ұсталып, уақытша ұстау абақтысына қамаққа алынды. 
Қазіргі таңда тергеп-тексеру әрекеттері жүргізілуде.

Қызылордада ломбардқа ұрлыққа түскен күдіктілер ұсталды

<a href="https://kyzylorda-news.kz/">Kyzylorda-news.kz.</a> Облыста соңғы тәулікте коронавирусқа қатысты 124 жағдай анықталды. Оның 43-нен ауру беліглері байқалса, 81-і симптомсыз. Ал инфекциялық стационарда – 368 науқас ем қабылдауда.
Өңірде ревакцинация жұмыстары белсенді жүргізілуде. 39 537 облыс тұрғыны коронавирусқа қарсы вакцинаның үшінші дозасын қабылдады. Бұл жөнінде Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шайымбетов хабарлады.
<blockquote>
 Қазіргі таңда өңіріміз «қызыл» аймақтар қатарында. Індет жұқтырушылар қатары күн сайын артып барады. Осы күрделі кезеңде тұрғындарды вакцинациялау маңызды. Қазіргі таңда 1 комнонентін алғандар 92,6 пайыз болса, ІІ компонентімен 87,8 пайызды құрады. Ал облыстағы 39 537 тұрғын ревакцинациядан өтті. Сондай-ақ, өңірімізге 8 мың доза «Спутник-V» вакцинасы жеткізіліп, барлық емханаларға жөнелтуде. Ал «pfizer» вакцинасын 22 333 тұрғын қабылдады. Жалпы барлық емханалар штаттық режимде жұмыс істеуде, – деді Жангелді Шайымбетов.
</blockquote>
Облыста індеттің ірі ошағы Қызылорда қаласы. Аудандар үлесі бойынша індет ошақтары Шиелі және Жаңақорғанда анықталды.
<blockquote>
 Жас ерекшеліктері бойынша жіктейтін болсақ, 20-29, 30-39 жас аралығындағы жастар арасында вирустың таралу деңгейі жоғары. Сондай-ақ 14 жасқа дейінгі балалар арасында белсенділік байқалады, оның ішінде 1 жасқа дейінгі сәбилердің үлесі басым. Облыста коронавирус инфекциясынан бөлек, жіті репираторлық вирусты инфекциялардың эпидахуалы күрделеніп тұр. Соңғы аптадағы көрсеткіштер өткен кезеңдермен салыстырғанда 1,5 есеге артқан, – деді Әлия Әбдіқайымова.
</blockquote>
<img src="https://kyzylorda-news.kz/wp-content/uploads/2022/01/fb_img_1643017697082.jpg" alt="" />

39 537 қызылордалық вакцинаның үшінші дозасын қабылдады

<a href="https://kyzylorda-news.kz/">Kyzylorda-news.kz.</a> Халықаралық шахмат федерациясының сайтында белгілі журналист, “Кызылординские вести” газетінің экс-бас редакторы Тимур Қасымовтың FIDE төрешісі болғаны туралы ақпарат жарияланды.
Тимур Равильевичпен қырық жыл бірге жұмыс істеген бұрынғы әріптестеріне оның осы интеллектуалды ойынға деген қызығушылығы жақсы таныс. Ол әр түрлі турнирлерде қатысты-мейлі ол БАҚ қызметкерлері арасындағы жарыс болсын, немесе сеньорлар арасындағы Азия чемпионаты болсын.
ФИДЕ төрешісінің мәртебесі-тек қана құрметті атақ емес, сонымен бірге осындай күрделі саладағы жоғары кәсібилікті мойындау. Тимур Равильевичтің өміріндегі шахмат он жасында пайда болды. Мединститутта оқыған анасының қарындасы Саида демалысқа үйге келіп, магниттік шахмат сыйлады және фигуралардың қалай жүретінін көрсетті. Бұл оның тәлімгермен алғашқы және соңғы әрекеті болды. Ол шахматты әрі қарай өзі қозғады: ауладағы ересек көршілер мен пионер лагеріндегі құрдастардың қалай ойнайтынын көрді. Тоғызыншы сыныпта мұғалімдер құрамасына қарсы ойнады. Кейін республикалық жарыстарға қатысып, Филиппинде өткен Азия чемпионатында ойнады. Кейіннен Қазақстан шахмат Федерациясының ұлттық төрешісі болды, бірқатар турнирлер ұйымдастырды, ал 2021 жылы Ташкентте халықаралық төрешілер семинарына қатысып, емтихандарды сәтті тапсырды.
Тимур Равильевичті құттықтаймыз және жаңа жетістіктер тілейміз!

&#8220;Кызылординские вести&#8221; газетінің экс-бас редакторы Тимур Қасымов FIDE төрешісі атанды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 11340 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2512,
Алматы қаласы – 1953,
Шымкент қаласы – 180,
Ақмола облысы – 1015,
Ақтөбе облысы – 317,
Алматы облысы – 354,
Атырау облысы – 486,
Шығыс Қазақстан облысы – 290,
Жамбыл облысы – 202,
Батыс Қазақстан облысы – 372,
Қарағанды облысы – 1866,
Қостанай облысы – 265,
Қызылорда облысы – 124,
Маңғыстау облысы – 134,
Павлодар облысы – 980,
Солтүстік Қазақстан облысы – 178,
Түркістан облысы – 112.
Жалпы ел бойынша ауырғандар саны 1157681.

Қызылордада 124 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> ҚР басым бөлігіне жауын-шашынсыз ауа райы күтіледі, деп хабарлайды Қазгидромет.
Тек еліміздің оңтүстік-шығысы мен орталығында жауын, қар жауады. Сондай-ақ ол аумақта желдің күшеюі және көктайғақ сақталады. Республика бойынша кей жерлерде тұман күтіледі.
Түркістан облысының оңтүстігінде, батысында және таулы аудандарында тұман күтіледі, солтүстігінде және таулы аудандарында жел 15-20 м/с күшейеді.
Батыс Қазақстан облысының солтүстігінде тұман күтіледі, облыстың оңтүстік-батысында жел 15-20 м/с күшейеді.
Атырау облысының солтүстігі мен орталығында, Маңғыстау облысының батысы мен орталығында жел 15-20 м/с жылдамдықпен соғады.
Шығыс Қазақстан облысының оңтүстігінде, солтүстік-шығысында тұман күтіледі, күндіз облыстың оңтүстік-батысында жел 15-20 м/с күшейеді.
Ақмола облысының батысында, солтүстігінде, Алматы облысының солтүстігі мен таулы аудандарында, Қостанай облысының солтүстігі мен оңтүстігінде, Солтүстік Қазақстан облысының солтүстігінде, батысында, оңтүстігінде, Қызылорда облысының орталығында, Жамбыл облысының солтүстігі мен таулы аудандарында, түнде Қарағанды облысының батысы мен оңтүстігінде тұман түседі.

Дүйсенбі күнге арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова Сыр өңірінің зиялы қауым өкілдері, ардагерлер кеңесінің мүшелерімен кездесіп, пікір алмасты. Коронавирустық шектеулерге байланысты өңір басшысы ардагерлермен шағын құрамда кездесті.
Жиынға облыстық ардагерлер кеңесінің төрағасы Серік Дүйсенбаев, қоғам қайраткері, медицина саласының ардагері Тұрғанбай Маханов, мемлекет және қоғам қайраткері Биғали Қаюпов шақырылды.
Алдымен аймақ басшысы ардагерлер қай кезде де ұрпақтар сабастығын берік орнатуда парасаттылық танытып, салиқалы пікір айтып, қоғамдық өмірдің жандануына ерекше үлес қосып келе жатқанын атап өтті. Гүлшара Әбдіқалықова қайраткер азаматтардағы шақырудағы мақсат алдағы кезеңде атқарылатын жұмыстарды саралау және ортақ мәселелерді бірлесіп талқылау мен ой-пікірді тыңдау екенін жеткізді.
<blockquote>
 Қазақ халқы қай кезде де үлкенін құрметтеп, алдыңғы буын ағалардың пікіріне құлақ асып, ақсақалдармен кеңесіп отырған. Бұл ретте Сіздердің өмірден түйген тәжірибелеріңіз көп, әрбіріңіздің Сыр өңірі үшін орындарыңыз бөлек. Еліміз өзінің жаңа тарихындағы ең күрделі сәттерді өткеруде. Тәуелсіздігіміздің төртінші онжылдығына аяқ басқан алғашқы күндері ел берекесін алған дүрбелең басталып, тұтастығымыз бен елдігімізге нұқсан келтіруге бағытталған іс-қимылдар орын алды. 
 Сындарлы кезеңде Мемлекет басшысы жедел әрі батыл шешімдер қабылдап, халқымыз сын сағаттан аман өтті. Президент 11 қаңтарда Парламент Мәжілісінің жалпы отырысында тәуелсіз мемлекетімізді одан әрі дамытудың жаңа міндеттерін белгілеп, елімізде тарихи өзгерістер кезеңі басталғанын мәлімдеді. 
 Басты мақсат – күш-жігерімізді біріктіріп бар қиындықтарды еңсеру және қуатты Жаңа Қазақстанды құру. Осы ретте, өңірдегі зиялы қауым өкілдеріне артылар жауапкершілік одан әрі күшейе түсетіні анық. Сондықтан бірінші кезекте Өздеріңізбен кездесіп, кеңесіп, алдағы жоспарларымызды бірлесе жүзеге асырсақ деген ниетпен жиналып отырмыз, – деді Гүлшара Әбдіқалықова.
</blockquote>
Басқосуда медицина майталманы Тұрғанбай Маханов соңғы кездері ақсақалдар мен жастар арасындағы сабақтастықтың ажырап кеткенін айтып, ұлттық құндылықтарды дәріптеуде Ақсақалдар кеңесі мен Жастар орталығының бірлескен жұмыстарын жандандыру қажеттігін қаперге салды. Сондай-ақ, діни тұрғыда бағытынан адасып жүрген жастарға рухани тәлім-тәрбие беру ісіне де жете мән беру керектігін атап өтті. Ал, облыстық ардагерлер кеңесінің төрағасы Серік Дүйсенбаев жастардың ой-санасына әсер ететін түрлі ақпараттарға тосқауыл қойып, бірлікке үндейтін танымдық басқосуларды арттыру қажет деген ұсынысын ортаға салды.
Кездесуде ардагер Биғали Қаюпов технологиялық өзгерістер қоғамында өмір сүретін жастармен ашық дискуссия орнату қажеттігін және нақты әрекеттерге негізделген «Жаңа Қазақстан» бастамасына қолдау білдіруде барлық буынның дайын болуы тиіс екенін еске салды. Мемлекет басшысы айқындаған міндеттерді орындауда білімді, парасаты биік азаматтарды тарту қажеттілігіне тоқталды.
Жиын соңында облыс әкімі ортақ мәселелерді бірлесіп шешуде әрбір ұсыныс ескерілетінін және зиялы қауым өкілдерін Президент ұстанымына қолдау білдіруге шақырды.
<img src="https://kyzylorda-news.kz/wp-content/uploads/2022/01/fb_img_1642880107911.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642880115639.jpg" alt="" />

Гүлшара Әбдіқалықова ардагерлер кеңесінің мүшелерімен кездесті

Kyzylorda-news.kz. Осы жылы жергілікті маңызы бар автомобиль жолдары мен көшелерді және көпір өткелдерін жөндеуге 12,7 млрд. теңге бөлінді. Сонымен қатар, ұзындығы 239 шақырым жол желісін жөндеуден өткізу жоспарлануда.
Бұл туралы Өңірлік коммуникациялар қызметінде өткен баспасөз конференциясында облыстық жолаушылар көлігі және автомобиль жолдары басқармасының басшысы Мұрат Тлеумбетов.
<blockquote>
 «Биыл “Нұрлы жол” бағдарламасы аясында облыстық және аудандық маңызы бар ұзындығы 183 шақырымды құрайтын 34 жоба жүзеге асырылады. Соның ішінде ең маңыздысы 9 көпір өткелі. 18 жаңа, 16-ы 2021 жылдан өтпелі жобалар бар. Нәтижесінде, облыстық және аудандық маңызы бар жолдардың жақсы және қанағаттанарлық индикаторлық көрсеткішінің үлесін 82%-ға жеткізу жоспарланған. Ал, “Ауыл – ел бесігі” бағдарламасы бойынша Арал, Жалағаш, Сырдария, Шиелі ауданының бірқатар ауылдарының көшелеріне орташа жөндеу жұмыстары жүргізілмек», – деді Мұрат Жолкелдіұлы.
</blockquote>

&#8220;Нұрлы жол&#8221;: Қызылордада 34 жоба жүзеге асырылады

Kyzylorda-news.kz. Биыл өнеркәсіп көлемінің өсуін 101 пайызға жеткізу басты меженің бірі болмақ. Сонымен қатар, аймақта бірнеше ірі инвестициялық жобалар іске қосылмақ. Бұл туралы бүгін Өңірлік коммуникациялар қызметінде өткен баспасөз конференциясында облыстық индустриялық-инновациялық даму басқармасының басшысы Ринат Сұлтангереев мәлімдеді.
<blockquote>
 «Олар Арал ауданында «Дана кварц» серіктестігінің құрғақ құрылыс қоспалар өндірісі, Қармақшы ауданында «Тұрған тамы» шаруа қожалығының балық өңдеу цехы және «Қармақшы құс» серіктестігінің құс фабрикасы. Сонымен қатар, Қызылорда қаласындағы ет комбинаты, асфальт зауыты және шағын арматура зауыты, Жаңақорған ауданында құс фабрикасы, Қазалы ауданында балық қалдықтарынан ұн өндірісін өндіретін зауыттардың құрылысы өз жұмысын жалғастырмақ. Сондай-ақ, осы жылы Шалқия» кен орнында қорғасын-мырыш өңдеу комбинаты және кальциленген сода өндірістері құрылысы жүргізілмек», – деді Ринат Қалдыбекұлы.
</blockquote>
Облыстағы индустриялық аймақтарда құны 136 млн теңгені құрайтын 4 жоба да іске қосылмақ. Олар «Балық қалдығынан балық ұнын өндіру», «Жылыжай кешені», «Құрылыс бұйымдарын шығару», «Сүт және ет бағытында асыл тұқымды ешкі өсіру».

Қызылорда облысында 3 инвестициялық жоба іске қосылады

Kyzylorda-news.kz. Өткен аптада облыс әкімі Гүлшара Әбдіқалықова әлеуметтік маңызы бар азық-түлік тауарлары және жанар-жағармай бағаларын саралау үшін бірқатар сауда үйлері мен жанармай құю бекеттерін аралаған еді. Басты мәселе – азық-түлік қорында жетіспеушілікті болдырмау және негізгі азық-түлік өнімдерінің бағасын шекті мәннен асырмау. Бұл ретте бүгін облыс әкімі азық-түлік және жанар-жағармай мәселелері бойынша жиын өткізді.
<img src="https://kyzylorda-news.kz/wp-content/uploads/2022/01/fb_img_1642752235593.jpg" alt="" />
Отырысқа облыс әкімі аппаратының басшысы Ерлан Райғаниев, ауыл шаруашылығы басқармасының басшысы Талғат Дүйсебаев, облыстық кәсіпкерлік және туризм басқармасының басшысы Фердоуси Қожабергенов, «Байқоңыр» ӘКК» АҚ басқарма төрағасы Ерлан Нұрланбаев және департамент басшылары қатысты.
Басқарма басшысы Талғат Дүйсебаев азық-түлік қорына қатысты нақты шаралардың орындалу барысын тізбеледі.
Бүгінде 34 әлеуметтік дүкен мен 18 супермаркеттің әлеуметтік бұрыштарында 19 түрлі өнім шекті бағада сатылады. Сондай-ақ, елімізде жарияланған төтенше жағдайға байланысты өңірдегі сауда желілерінде азық-түлік тапшылығын болдырмау мақсатында Түркістан облысынан азық-түлік өнімдерін тасымалдайтын 122 жеке кәсіпкердің тізімі жасалды.
Тұрақтандыру қорында 291,4 млн.теңгені құрайтын 1393 тоннаның өнімі бар. Оның ішінде бірінші сұрыпты бидай ұны, қарақұмық жармасы, күріш, макарон, күнбағыс майы, қант және көкөніс өнімдері секілді 19 әлеуметтік маңызы бар азық-түлік қоры жиналған. Мұнан бөлек, «Байқоңыр» ӘКК» арқылы «айналым схемасы» бойынша бағаны тұрақтандыру үшін кәсіпкерлік субъектілеріне несие беруге 500 млн.теңгеге келісім- шарт жасалуда.
Ал, «Байқоңыр» әлеуметтік-кәсіпкерлік корпорациясының» басқарма төрағасы Ерлан Нұрланбаев қырыққабат пен картоп бағасында өсімнің барын айтып, Тұрақтандыру қорының өнімдерімен жәрмеңке ұйымдастыру арқылы бағаны ұстап тұру туралы ұсынысын жеткізді. 
Жиында өңірдегі жанар-жағармай қоры туралы да сөз болды. Облыстық кәсіпкерлік және туризм басқармасының басшысы Фердоуси Қожабергенов облыс аумағындағы мұнай өнімдерінің саудалануы туралы баяндады. Бүгінде бағаның шекті мәннен аспауына күнделікті мониторинг жүргізілуде. Аймақта 147 жанармай құю бекеті бар. АИ-92 маркалы бензинінің 4 574,1 тонна, дизель отынының 3 339,6 тонна қоры сақтаулы.
Жиынды қорытындылаған облыс әкімі азық-түлік пен көрсетілетін қызметтерге қатысты баға мониторингін әлі де күшейтуді тапсырды.
<img src="https://kyzylorda-news.kz/wp-content/uploads/2022/01/fb_img_1642752233021.jpg" alt="" />

Қазақстан және Қызылорда облысының жаңалықтары: Басты жаңалықтар old

Г. Әбдіқалықова: Індетті жеңетін бірден бір жол — жаппай вакцинациялау

«5-10-20»: Жаңа пилоттық жоба үй сатып алу үшін азаматтарға несие береді

Қызылордада елді мекеннің 85 пайызы орталықтандырылған ауыз су жүйесіне қосылған

Қызылордада ломбардқа ұрлыққа түскен күдіктілер ұсталды

39 537 қызылордалық вакцинаның үшінші дозасын қабылдады

“Кызылординские вести” газетінің экс-бас редакторы Тимур Қасымов FIDE төрешісі атанды

Қызылордада 124 адамнан коронавирус анықталды

Дүйсенбі күнге арналған ауа райы болжамы

Гүлшара Әбдіқалықова ардагерлер кеңесінің мүшелерімен кездесті

“Нұрлы жол”: Қызылордада 34 жоба жүзеге асырылады

Қызылорда облысында 3 инвестициялық жоба іске қосылады

Қызылорда: Тұрақтандыру қорында 1393 тонна өнім бар

Қазақстан және Қызылорда облысының жаңалықтары: Басты жаңалықтар old

Г. Әбдіқалықова: Індетті жеңетін бірден бір жол — жаппай вакцинациялау

«5-10-20»: Жаңа пилоттық жоба үй сатып алу үшін азаматтарға несие береді

Қызылордада елді мекеннің 85 пайызы орталықтандырылған ауыз су жүйесіне қосылған

Қызылордада ломбардқа ұрлыққа түскен күдіктілер ұсталды

39 537 қызылордалық вакцинаның үшінші дозасын қабылдады

&#8220;Кызылординские вести&#8221; газетінің экс-бас редакторы Тимур Қасымов FIDE төрешісі атанды

Қызылордада 124 адамнан коронавирус анықталды

Дүйсенбі күнге арналған ауа райы болжамы

Гүлшара Әбдіқалықова ардагерлер кеңесінің мүшелерімен кездесті

&#8220;Нұрлы жол&#8221;: Қызылордада 34 жоба жүзеге асырылады

Қызылорда облысында 3 инвестициялық жоба іске қосылады

Қызылорда: Тұрақтандыру қорында 1393 тонна өнім бар

“Кызылординские вести” газетінің экс-бас редакторы Тимур Қасымов FIDE төрешісі атанды

“Нұрлы жол”: Қызылордада 34 жоба жүзеге асырылады