<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Қазақстанның Еңбек Ері Абзал Ералиевпен бірге Ұлы Отан соғысының ардагері Яхия Тасыровты 100 жас мерейтойымен құттықтап, Сыр халқы атынан автокөлік кілтін табыстады. Бұл туралы облыс әкімінің баспасөз хатшысы хабарлады.
Ғасыр куәгері береке-бірлік бар жерде ғана істің алға басатынын тілге тиек етіп, жастардың бейбіт күнде туған еліне адалдықпен, жанашырлықпен қарауы қажет екенін айтып, ақ батасын арнады.
Ардагер Сталинград, Курск қалалары мен Беларусь, Польша, Германия елдерінде шайқасқа қатысқан. Көптеген орден және медаль иегері, Сырдария ауданы мен Қызылорда облысының Құрметті азаматы. 2018 жылдың қорытындысы бойынша «Жыл адамы» атағын алған.
<img src="blob:https://kyzylorda-news.kz/c5c6ad13-d70e-4486-8ff1-36481af06cda" alt="" />

Гүлшара Әбдіқалықова соғыс ардагерін 100 жасымен құттықтады

Биылдан бастап «Еңбек» мемлекеттік бағдарламасының мерзімі аяқталды, оның орнына 2021-2025 жылдарға арналған кәсіпкерлікті дамыту бойынша Ұлттық жоба қабылданды. Жоба мақсаты халықты жұмыспен қамтуды арттыру мақсатында шағын бизнесті дамыту деді Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдікәрімов.
Жоба аясында ержелерге өзгерістер енгізілмек. Соның бірі – жастар тәжірибесінің мерзімін 12 айға дейін ұзарту және айлық жалақысын 30 айлық есептік көрсеткішке дейін көтеру. Айта кету керек, былтыр «Еңбек» мемлекеттік бағдарламасының бағыттарына 35037 адам қатысты.
<blockquote>
 «Президентіміз Үкіметке «Жастар тәжірибесі» және «Алғашқы жұмыс орны» жобаларына қатысудың мерзімін созып, еңбекақысын көтеру мүмкіндігін қарастыруды тапсырды. Халықтың әлеуметтік осал тобындағы жастардың іскерлік бастамаларын іске асыруға жағдай жасау мақсатында Үкіметке тиісті гранттардың мөлшерін 2 есеге, яғни 400 айлық есептік көрсеткішке дейін көбейту жүктелді», – деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Жақсылықұлы.
</blockquote>

«Жастар тәжірибесі» бағдарламасы 1 жылға созылады

<a href="https://kyzylorda-news.kz/">Kyzylorda-news.kz.</a> Төтенше жағдайға байланысты бүгінде облыста зардап шеккен әкімшілік және кәсіпкерлік ғимараттарды қалпына келтіру жұмыстары жүруде.
Облыс әкімінің және аумақтық коменданттың бұйрықтарына сәйкес облыстық жұмылдыру дайындығы басқармасына тиісті тапсырмалар берілген.
<blockquote>
 «Күшейтілген жауынгерлік қызметтегі құқық қорғау органдары қызметкерлері мен әскерилер қаңтардың 7-19 аралығында 3 мезгіл ыстық тамақпен қамтамасыз етілді. Қала аумағында өртенген көліктерді арнайы тұраққа тасымалданды. Жаппай тәртіпсіздік салдарынан залал келтірілген 9 мемлекеттік әкімшілік мекеме ғимаратын қалпына келтіру жұмыстары қарқынды түрде жүргізілуде. Бүгінгі күнге, ғимарат іштерін өрт қоқыстарынан тазарту, жарамсыз есіктер мен терезелерді ауыстыру, қабырғаларды ыстан тазарту, қайта сылау жұмыстары атқарылуда», – деді облыстық жұмылдыру дайындығы басқармасы басшысының орынбасары Бағдат Әлиев.
</blockquote>
Сонымен қатар, бүгінде Өңірлік кәсіпкерлер палатасымен тәртіпсіздің салдарынан зардап шеккен кәсіпкерлердің тізімі жасалуда.
Қызылорда қаласы бойынша 20 кәсіпкерлік субъектісінен жалпы 30 нысанға 404,1 млн. теңге көлемінде залал келтіргендігі жөнінде арыздары қаралған. Мәселен, «Компас», «Синойл», «Газ энерджи» жанар-жағармай бекеттері, «Бірлік», «Аль-асад», «Смол» және өзге де сауда үйлері, ломбард, «Киви» терминалдары, сондай-ақ, өндіріс және қызмет көрсету орындарына залал келтіріліп, тоналған.
<blockquote>
 «Қазіргі таңда бұл кәсіпкерлік нысандардың нақты шығынын анықтау және арнайы комиссияның қарауына шығару үшін тиісті құжаттар әзірленуде. Алдағы уақытта, құжаттарды комиссия қарауына енгізу, шығындарды өтеу жұмыстары Үкіметтік комиссияның хаттамасымен бекітілген алгоритм аясында жүргізілетін болады», – облыстық кәсіпкерлік және туризм басқармасының басшысы Фердоуси Қожабергенов.
</blockquote>

Қызылордада әкімшілік ғимараттар қалпына келтірілуде

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер, Кәсіпкерлер палатасы Өңірлік кеңесінің мүшесі Раушан Базарбай «Күшіміз бірлікте» қорына «Сана-Сезім орталығы» ЖШС атынан 1 млн теңге аударғанын жеткізді.
<img src="https://kyzylorda-news.kz/wp-content/uploads/2022/01/bazarbaj.jpg" alt="" />
Кәсіпкер бұл қаржы қаңтар оқиғасында зардап шеккен бизнестің аяққа тұруына көмек болады деген сенімде және өзге де әріптестерін қолдау білдіруге шақырды.
2022 жылғы 11 қаңтарда елімізде арнайы «Күшіміз бірлікте» қоры ашылды.
Қоғамдық ұйымның басты мақсаты – зардап шеккен бизнеске көмек беруде кәсіпкерлер мен барлық қамқор азаматтың күшін біріктіру.
Қор еліміздің 14 өңірінен белсенді кәсіпкерлердің бастамасымен құрылды. Қаражатты жинау және бөлу процесін барынша ашық жүргізу үшін қамқоршылық кеңес қызмет етеді. Қызылорда облысынан қамқоршылық кеңеске Өңірлік кеңес төрайымы Гүлзағира Әбдірайымова кірді. Кеңес мүшелері аудит жүргізіп, Қор жұмысы бойынша БАҚ көздеріне есеп береді. Ұйым жұмысқа (өтеусіз негізде) атсалысуға, жанашырлық танытқан қоғам қайраткерлерін қосуға дайын.
Мүдделі тұлғаларға ыңғайлы болу үшін арнайы infokazakhstan.kz сайтында осы жылдың 4-7 қаңтарында тәртіпсіздік барысында зардап шеккен субъектілер үшін электрондық кезек іске қосылды.
Өтініш беру үшін сайтта бірнеше әрекет жасау жеткілікті. «Көмек қажет» батырмасын таңдап, электронды өтінішті ашу керек. Онда компанияңыз туралы деректерді енгізіп, келтірілген залалды фото-материалдармен растаған соң, өтінішке ЭЦҚ-мен қол қою керек. Әр қарай «Күшіміз бірлікте» ҚБ өтінішті бағалау компаниясына жібереді, онда залал мөлшері туралы қорытынды беріледі. Бұдан кейін кәсіпкермен келісімшарт жасалып, кезек тәртібінде көмек көрсетіледі.
Көмек көрсетуге ниет білдірген азаматтар мына реквизиттерді пайдалана алады:
«БанкЦентрКредит» АҚ:
алушы: «Күшіміз бірлікте» қоғамдық бірлестігі БСН 220140002583
есепшоты: KZ268562203115072353
«БанкЦентрКредит» АҚ реквизиттері: БСК/БИК (SWIFT) KCJBKZKX БСН/БИН 980741000260 010000, Қазақстан, Нұр-Сұлтан қ., Есіл ауданы Қабанбай батыр даңғылы, 15 А.
«Банк Фридом Финанс Қазақстан» АҚ:
алушы: «Күшіміз бірлікте» қоғамдық бірлестігі БСН 220140002583
есепшоты: KZ52551Z128000206KZT
«Банк Фридом Финанс Қазақстан» АҚ реквизиттері: БИК KSNVKZKA
Айта кету керек, 19 қаңтардағы ақпарат бойынша Қызылорда облысында зардап шеккен кәсіпкерлік нысандардың саны 29-ға жетті. Кәсіпкерлер палатасы мен облыстық кәсіпкерлік және туризм басқармасына хабарласқан бизнес өкілдерінің ақпараты бойынша залалдың жалпы сомасы шамамен 403 млн теңгені құрайды.

«Күшіміз бірлікте»: Қызылордалық кәсіпкер қорға 1 млн теңге аударды

Kyzylorda-news.kz. Бүгін облыс әкімі Гүлшара Әбдіқалықова өңірдегі бірқатар үкіметтік емес ұйым өкілдерімен кездесті. Басқосуда ел мүддесі жолындағы бірқатар мәселелер сараланып, алдағы уақытта бірлесіп атқарылуға бағытталған ұсыныстар айтылды.
Кездесуге облыс әкімінің орынбасары Балжан Шәменова, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрағасы, «Ұмай» мектеп жасына дейінгі балаларға арналған сауықтыру және тәрбиелеу қайырымдылық үйі» мекемесінің директоры, қалалық мәслихат депутаты Анар Ізден, «Ауғанстан соғысының ардагерлері ұйымы» қоғамдық бірлестігінің төрағасы Қайриддин Баймаханов, «Арал теңізі» қоғамдық қорының төрайымы Айнакүл Баймаханова және жауапты басқарма басшылары қатысты.
Аймақ басшысы үкіметтік емес ұйымдар түрлі жобалар атқарып, ел өміріндегі маңызды мәселелерде, әсіресе пандемияны еңсеруге белсенді үлес қосып, азаматтықтың жарқын үлгісін көрсетіп жүргенін атап өтті.
<blockquote>
 “Өңірдегі азаматтық қауымдастық көшбасшылары Мемлекет басшысы Қасым-Жомарт Кемелұлы Тоқаевтың жанына топтасып, қазақстандықтардың өмір сүруі мен әл-ауқатын арттыруға бағытталған бастамаларды жүзеге асыру мемлекетпен қатар азаматтық күштер де білек сыбана кірісетін елдік шаруа деп білемін. 
 Осы орайда, Сыр өңірінің азаматтық қоғам өкілдері еліміздің жаңа тарихында орын алған «қасіретті қаңтар» оқиғасы кезінде облыс халқын келісім мен бірлікке шақырып, ахуалды тұрақтандыру барысында азаматтық белсенділіктерін танытты. 
 Қоғам белсенділері сын сағатта елдің қауіпсіздігін күзеткен әскерилерге моральдық қолдау білдіріп, волонтерлар мен меценаттар дүрбелең салдарынан зардап шеккен ғимараттарды қалпына келтіру жұмыстарына атсалысуда. Бізде өздеріңізбен аймақтың әлеуметтік мәселелерін шешуде бірлескен сәтті жұмысымызды, азаматтық бастамаларды қолдауды одан әрі жалғастыратын боламыз”, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2022/01/fb_img_1642589489418.jpg" alt="" />
Сондай-ақ, басқосуда ҮЕҰ өкілдері жергілікті атқарушы орган тарапынан көрсетіліп жатқан қолдауға алғыс білдіріп, облыс әкіміне бірқатар ұсыныстарын жеткізді.
Атап айтсақ, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрағасы Анар Ізден «Қызылорда облысы бойынша «бір терезе» қағидаты негізінде үкіметтік емес ұйымдарға қолдау көрсету үшін азаматтық орталық жұмысын ұйымдастыру және дамыту» жобасы жүзеге асырылғанын, үкіметтік емес ұйымдарға Азаматтық қоғам өкілдері өңірдегі бірқатар әлеуметтік мәселелер бойынша қоғамдық тыңдаулар ұйымдастырып, мониторинг жұмыстары жүргізіліп жатқанын айтты.
Сонымен қатар барлық деңгейдегі қоғамдық кеңестердің құрамын қайта қарап, кеңеске ҮЕҰ өкілдерін қосу жолдарын қарастыруды ұсынды. Аймақ басшысына Қызылорда облысының үкіметтік емес ұйымдарының Альянсы үйлестіру кеңесінің төрайымы болу және стандарт негізінде жұмыс жасайтын мониторинг, бағалау жұмыстарын жетілдіру бойынша ұсыныстарын жеткізді. Мұнымен қоса, Анар Ізден экология, NEET санатындағы жастар және тағы басқа маңызды жобаларды жүзеге асыруға қаржылай қолдау көрсетуді сұрады.
Ал, «Ауғанстан соғысының ардагерлері ұйымы» қоғамдық бірлестігінің төрағасы Қайраддин Баймаханов Мемлекет басшысының бастамалары негізінде әлеуметтік жобаларды әлі де дамыту мәселелерін қозғаса, «Арал теңізі» қоғамдық қорының төрайымы Айнакүл Баймаханова мемлекеттік тапсырыс барысында кездесетін кедергілерді зерттеп, осы бағыттағы жұмыстарды жетілдіруді ұсынды. 
Облыс әкімі Гүлшара Әбдіқалықова көтерілген мәселелер аймақ үшін маңызды екенін атап өтіп, алдағы уақытта заңға сәйкес жүзеге асыру жолдары қарастырылатынын атап өтті. Әсіресе NEET санатындағы жастармен жұмысты күшейтіп, пандемия қиындықтарын бірлесіп еңсеру қажет екенін баса айтты. Сондай-ақ, экономикалық күрделі жағдайда ҮЕҰ халық арасындағы көтеріліп жүрген өзекті мәселелерді мемлекеттік органдарға дер кезінде жеткізіп, екі жақты келісім орнатуға жұмыс жасау қажет деп тоқталды. 
Жиын соңында аймақ басшысы үкіметтік емес ұйымдарды күш-жігерді біріктіріп, бар қиындықтарды жеңуге үндейтін Президенттің Жаңа Қазақстанды құру бастамасын қолдауға шақырды.
Айта кетейік, биыл 105 жобаға 765 млн. теңге қаржы қарастырылды. Сондай-ақ, облыстағы үкіметтік емес ұйымдар саны жылдан жылға көбейіп, бүгінде олардың қатары 1000-ға жуықтады.
<img src="https://kyzylorda-news.kz/wp-content/uploads/2022/01/fb_img_1642589491714.jpg" alt="" />

Қоғамда үкіметтік емес ұйымдардың рөлі жоғары

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың аймақта төтенше жағдай режимін аяқтау туралы мәлімдеме жасады.
Құрметті облыс тұрғындары!
Бүгіннен бастап облыстағы төтенше жағдай режимі аяқталды. Нәтижесінде 952 адам құқық қорғау органдарына жеткізіліп, 56 қылмыстық іс қозғалып, 97 адам қамауға алынды. Сондай-ақ, 
436 әкімшілік іс қозғалып, 154 адам қамалды.
Қылмыс жасағандар заң бойынша жауапқа тартылады. Мемлекет басшысының тапсырмасына сәйкес әртүрлі құқық бұзушылық бойынша ұсталған азаматтардың кінәлілік деңгейі анықталып, тергеу шараларын жүргізуде адам құқықтарының бұзылуына жол берілмейді.
Бүгінгі күнге дейін Қызылорда қаласы бойынша стационарға 210 адам жүгінген. Оның 20-ы емделіп жатыр, 4-і реанимацияда, өкінішке қарай 24-і қайтыс болды. Қаза тапқан отандастарымыздың отбасына, туған-туыстарына қайғырып көңіл айтамыз.
Сын сағатта жаппай тәртіп бұзушылармен күресіп, мемлекет тұтастығын сақтауда алдыңғы сапта тұрып, азаматтарымыздың өмірі үшін жанкештілік танытқан барлық құқық қорғау органдарының қызметкерлеріне алғысымызды айтамыз.
Антына берік дәрігерлер де төтенше жағдай кезінде қызметтеріне адалдықтарын көрсетті. От пен оқтың ортасында жүріп жаралылардың өмірін аман сақтап қалуға тырысты. Бұл ретте барша медицина қызметкерлеріне мың алғыс!
Тұрғындардың қауіпсіздігі үшін жедел штаб тұрақты жұмыс істеп, 28 блок-бекет қойылды.
Төтенше жағдай кезінде азаматтардың өтініштерін ескеру мақсатында жедел 1414 Call-орталығы құрылып, 90 оператор тұрақты түрде жұмыс істеді. 7 қаңтардан бастап орталыққа тұрғындардан 100 мыңнан аса қоңырау келіп түсті. Әрбір жолданған қоңыраулар бізге мәселелерді алдын ала сараптап, бірлесіп шешуге көмегін тигізді.
Коммуналдық қызметтер үздіксіз, штаттық режимде жұмыс істеуде. 8 қаңтардан бері қоғамдық көліктер қатынасы реттеліп, 
255 көлік қызмет көрсетуде. Теміржол және әуе қатынасының қызметі де кестеге сай жүруде.
Өтпелі кезеңде банк қызметі уақытша тоқтап, қаржы жағынан қиындық болғаны белгілі. Қазіргі таңда 381 банкомат қалыпты жұмыс жасап, кәсіпкерлік нысандары тұрақты жұмыс істеуде.
Басты талап – тұрақтылықты сақтау, өңірдегі әлеуметтік мәселелер бойынша дер кезінде шешім қабылдау.
Бүгінде азық-түлік қоры жеткілікті. Тұрақтандыру қорында 1399 тонна өнім сақтаулы. Көрші Түркістан облысымен екіжақты келісім нәтижесінде жетіспейтін азық-түлік бойынша 122 кәсіпкердің тізімі жасақталды.
Әлеуметтік маңызы бар 19 түрлі азық-түлік өнімі мен газ, дизель отыны мен бензин бағасының бекітілген шекті мәннен асырылмауы тұрақты бақылауда. Тапшылықты болдырмаймыз.
Оқиға салдарынан мемлекеттік маңызы бар 9 стратегиялық нысанға шабуыл жасалып, ғимараттарға залал келіп, автокөліктер өртенді. Бүгінгі күні жалпы шығын көлемі 6 млрд.теңге шамасын құрады. Кәсіпкерлік нысандарға келген нұқсанкөлемі «Атамекен» ұлттық палатасымен қаралуда.
Ғимараттарды қайта қалпына келтіру жұмыстары жедел әрі сапалы аяқталуы керек. Қазірде әр нысанның ақау актілері аяқталып, мердігер компаниялар белгіленіп, 350-ге жуық маман қайта қалпына келтіру жұмыстарын жүргізуде. Нысандардың басым бөлігі 20 ақпанға дейін аяқталатын болады. Бүгінгі таңда тіршілікті қайта қалпына келтіру бағытында жүйелі жұмыстар жасалуда.
Қадірлі жерлестер!
Өкінішке орай, коронавирус індеті қайта өршіп, облысымыз қызыл аймаққа енді. Шектеу шаралары күшейіп, оқушылар онлайн форматта оқуда. Дәрі-дәрімек қорында тапшылық туындамайды, төсек-орын санын 3200-ге ұлғайтуға мүмкіндігіміз бар.
Вирустан сақтану үшін вакцина алып, жақындарыңыз үшін қауіпсіздік ережелерін бірге орындайық!&nbsp;
Бүлікшілермен күрес кезінде азаматтардың көпшілігі патриоттық танытып, келісім мен бірлікті көрсетті. Сынақ кезінде бірге болған барша Сыр жұртына риясыз алғысымызды білдіреміз. Халықтың бірлігімен кез келген қиындықтан шығамыз.
Ел Президенті Қасым-Жомарт Кемелұлы Тоқаевтың бірлікке үндейтін ұстанымдарына қолдау білдірейік! Елдің іргесі берік болсын!&nbsp;
Күшіміз бірлікте!

Гүлшара Әбдіқалықова төтенше жағдайдың аяқталуына байланысты мәлімдеме жасады (ВИДЕО)

<a href="https://kyzylorda-news.kz/">Kyzylorda-news.kz.</a> Қызылорда қаласындағы түрмеге келген сәлемдемеден есірткі заты тәркіленді.
Биылғы жылдың 17 қаңтарында Қызылорда облысы бойынша ҚАЖ департаментіне қарасты ЗК-169/5 мекемесінде жазасын өтеп жатқан Е. есімді азаматқа жолданған сәлем-сауқаттың ішінен есірткі заты анықталды. Мекеме қызметкерлері жоғарыда аталған сотталғанға келген сәлем-сауқатты тексеру барысында 3 дана донер арасына салынған «өзіне тән хош иісі бар шөп тектес» заты тәркіленді.
Жедел түрде 102 нөміріне хабарланып, мекемеге Қызылорда қалалық Полиция басқармасының жедел-тергеу тобы шақыртылды.Тәркіленген зат бойынша сот сараптама жұмыстары тағайындалып, қорытындысымен салмағы 31,18 граммды құрайтын «кептірілген марихуана» екені дәлелденді.
Аталған дерек бойынша Қазақстан Республикасы ҚК-нің 297-бабының 1-бөлігімен сотқа дейінгі тергеп-тексеру жұмыстары жүргізілуде.

Қызылордада донер ішінен есірткі заты табылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 13 874 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 4874,
Алматы қаласы – 1580,
Шымкент қаласы – 450,
Ақмола облысы – 420,
Ақтөбе облысы – 366,
Алматы облысы – 329,
Атырау облысы – 584,
Шығыс Қазақстан облысы – 394,
Жамбыл облысы – 233,
Батыс Қазақстан облысы – 440,
Қарағанды облысы – 2669,
Қостанай облысы – 291,
Қызылорда облысы – 236,
Маңғыстау облысы – 233,
Павлодар облысы – 515,
Солтүстік Қазақстан облысы – 143,
Түркістан облысы – 117.
Жалпы ел бойынша ауырғандар саны – 1 085 004.

Қызылордада өткен тәулікте коронавирус жұқтырушылар саны күрт көбейді

Kyzylorda-news.kz. Бүгін облыс әкімі Гүлшара Әбдіқалықова су ресурстары туралы проблемалық мәселелер және оның шешу жолдарының онлайн форматта есебін тыңдады.
Кездесуге облыс әкімінің орынбасары Бахыт Жаханов, облыстық табиғи ресурстар және табиғат пайдалануды реттеу басқармасының басшысы Бауыржан Шаменов, облыстық ауыл шаруашылығы басқармасының басшысы Талғат Дүйсебаев, ҚР ЭГТРМ Су ресурстары комитетінің су ресурстарын пайдалануды реттеу және қорғау жөніндегі Арал-Сырдария бассейіндік инспекциясының басшысы Сейілбек Нұрымбетов және «Қазсушар» РМК Қызылорда филиалы директоры Хамит Биімбетов қатыстып, атқарылған жүмыстарды тізбектеді.
Басқосуда Бахыт Жаханов ағымдағы жылы Шардара су қоймасына түсіп жатқан судың төмен деңгейде болуына байланысты, егістікті сумен қамтамасыз етуде қиыншылықтар туындау қауіпі бар екенін атап өтті.
Сонымен бірге, Сырдария өзенінде қалыптасқан жағдайдың алдын алу үшін «Қызылорда облысының су тапшылығы жағдайында елді мекендерді суармалы сумен қамтамасыз етуге және экологиялық жағдайды жақсартуға бағытталған бірінші кезектегі жобаларды іске асыру жөніндегі» жол картасының жобасы талқыланды.
Жол картасы аясында 2022-2025 жылдар аралығында 25 жобаны іске асыру көзделуде. Жол карта 4 (төрт) бағыттан тұрады. Атап айтқана, қашыртқы суды қайталама пайдалану, қосымша су көздерін ұлғайту, сумен қамтамасыз етуді жақсарту, экологиялық сауықтыру.
Облыс әкімі жол картасында көзделген жобаларды республикалық бюджет резервінен қаржыландыру жолдарын қарастыруды және Экология, геология және табиғи ресурстар министрлігімен тиісті жұмыстарды жалғастыруды тапсырды.
<img src="https://kyzylorda-news.kz/wp-content/uploads/2022/01/fb_img_1642514156423.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642514193083.jpg" alt="" />

Қызылорда облысында су мәселесін шешу бойынша жол картасы қабылданады

<a href="https://kyzylorda-news.kz/">Kyzylorda-news.kz.</a> Қарағандыда қаза тапқан Ұлттық ұлан сарбаздарының туыстарына наградалар табысталды. Олар Талдықорған мен Қызылордада тәртіпті қалпына келтіру кезінде көз жұмды, деп хабарлады Ұлттық ұланның баспасөз қызметі.
Президент жарлығымен Айбат Аманов пен Мадияр Қайсаров қайтыс болғаннан кейін ІІІ дәрежелі “Айбын” орденімен марапатталды. Марапатты марқұмдардың туыстарына Қарағанды облысының әкімі Жеңіс Қасымбек табыс етті.
Жиынға Ұлттық ұлан бас қолбасшысының тәрбие және әлеуметтік-құқықтық жұмыс жөніндегі орынбасары Әлібек Сералиев пен “Орталық” өңірлік қолбасшылығының қолбасшысы Сәкентай Шекарбеков қатысты. Олар өжет ұлды тәрбиелегені үшін қаза болған жауынгерлердің ата-аналарына алғыс білдірді.
“Орталық” өңірлік қолбасшылығы әскери қызметкерлері атынан Әлібек Сералиев мерт болған сарбаздардың туыстарына 7 миллион теңгеден қаражат табыстады.

Қызылордада көз жұмған сарбаздың отбасына 7 млн теңге берілді

<a href="https://kyzylorda-news.kz/">Kyzylorda-news.kz.</a> Кызылорда облысында Төтенше жағдайы кезінде 377 құқық бұзушы анықталды.
Төтенше жағдайға байланысты Қызылорда облысы Полиция департаментінің жеке құрамы ерекше түрде жұмыс атқарып келеді.
Облыс бойынша төтенше жағдай режимін бұзудың (ҚР ӘҚБтК-нің 476-бабы) 244 құқық бұзушылық дерегі тіркелді. Сот шешімімен 21 құқық бұзушыға ескерту берілсе, 44-не айыппұл салынды, 159-і әкімшілік қамаққа алынды, 20 әкімшілік іс сотта қаралуда. Ал Қазақстан Республикасының бейбіт жиналыстарды ұйымдастыру және өткізу тәртібі туралы заңнамасын бұзудың (ҚР ӘҚБтК-нің 488-бабы) 127 дерегі анықталып, 13 құқық бұзушыға ескерту, 11-не айыппұл, 92-не әкімшілік қамаққа алу түріндегі тәртіптік шаралары көрілді, 11 әкімшілік іс сотта қаралуда. Арнайы жедел-тергеу тобы құрылып, бүлікке қатысқан 96 адамның үстінен 53 қылмыстық іс қозғалып, күдіктілер УҰИ-на қамауға алынды.
Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда.

Қызылордада бүлікке қатысқан 96 адамның үстінен іс қозғалды

Kyzylorda-news.kz. Бүгін облыс әкімі Гүлшара Әбдіқалықова онлайн форматта коронавирустық инфекцияның таралуына жол бермеу жөніндегі облыстық жедел штаб отырысын өткізді.
Жиынға облыс әкімінің орынбасары Балжан Шәменова, облыс әкімі аппаратының басшысы Ерлан Райғаниев, облыстық білім басқармасының басшысы Ақзира Қасымова, денсаулық сақтау басқармасының басшысы Сәбит Пазылов, облыстық санитариялық-эпидемиологиялық бақылау департаменті басшысының міндетін атқарушы Әлия Әбдіқайымова, салалық жауапты департамент басшылары мен Қызылорда қаласы және аудан әкімдері селекторлық байланыс арқылы қатысты.
Аймақ басшысы өңірдегі эпидемиологиялық жағдайдың күн өткен сайын күрделеніп бара жатқанын тілге тиек етіп, вакцинациялау мен ревакцинациялауды күшейту қажеттігін қаперге салды.
<blockquote>
 Қазіргі таңда облыс «қызыл» аймақта. Күннен-күнге эпидемиологиялық жағдай күрделенуде. Соңғы аптада тәулігіне 300-ден астам жағдай тіркелуде.
 Әлемде және елімізде жаңа «дельта», оған қоса «омикрон» штаммы таралып жатыр. Жағдай өте ауыр. Сондықтан індетті жеңудің бірден бір жолы – жаппай вакцинациялау жұмыстарын жалғастыру маңызды.
 Қазіргі таңда облыста I компоненті бойынша 418 154, II компонент бойынша 392 943 тұрғынға екпе салынды. Ал 30 213 тұрғын ревакцинациядан өтті. 
 Бүгінге ахуал күрделенуде, аймақта балалар арасында ұжымдық иммунитетті қалыптастыру мақсатында екпе алуға қабілетті жасөспірімдерді вакцинациялау қарқынын күшейту керек. Ал, Шиелі және Жаңақорған аудандарда тұрғындар арасында вакцинациялау жұмыстары баяу жүруде. Сондықтан індетті тоқтату үшін екпе салу қарқынын үдету қажет, – деді Гүлшара Әбдіқалықова.
</blockquote>
Жиында Әлия Әбдіқайымова өңірдегі эпидемиологиялық ахуалға тоқталды. Осы кезеңге дейін коронавирус инфекциясы анықталған жағдайлардың 58 пайызы скринингтік тексеру барысында, 2 пайызы сырттан тасымалдану арқылы, қалған 20 пайызы қарым-қатынас арқылы жұқтырып, анықталған. Яғни, өткен жылдың есепті кезеңімен салыстырғанда ауруды жұқтыру көрсеткіші 20 есеге өскен. Жауапты департамент анықталған жағдайлардың дені тұмау тәріздес, клиникалық белгілері байқалмайтын деректердің көптеп тіркелетінін алға тартты.
Мұнан соң, облыстық кәсіпкерлік және туризм басқармасының басшысы Фердоуси Қожабергенов аймақтағы кәсіпкерлерлік нысандарында «Ашық» қосымшасының пайдалануын кеңейту бойынша негізгі жұмыстарды тізбектеді. Қазір түсіндірме жұмыстары жалғасуда. Айта кетейік, ҚР Бас санитарлық дәрігердің қаулысына сәйкес «Ашық» қосымшасымен жұмыс жасайтын кәсіпкерлік нысандар тек жасыл статусты тұрғындарды кіргізу қажет. Бүгінге облыста 3851 нысан аталған қосымшамен жұмыс жасауда.
Жиында облыстық денсаулық сақтау басқармасының басшысы Сәбит Пазылов вакцинациялау қарқыны мен аймақтағы ахуалды баяндап берді. Жыл басынан бері облыста 1800-ден астам азамат індет жұқтырған. Ірі ошақ Қызылорда қаласында. Сондай-ақ, аудандар бөлінісінде Шиелі мен Жаңақорғанда ауру жұқтырғандар саны көптеп тіркелуде.
Вирустың өршуіне байланысты аймақ басшысы инфекциялық стационарлардағы төсек-орын санын көбейту қажеттігін атап өтті. Бүгінде емделушілер үшін 535 төсек-орын әзірленген. Қажеттілікке қарай оның санын 3200-ге дейін арттыруға мүмкіндік бар. Сонымен қатар, 142 мобильді топ үй жағдайында қызмет көрсетуде. Ал, емханаларда 21 ахуалдық орталық жұмыс істеуде.
Жиында облыстық білім басқармасының басшысы Ақзира Қасымова оқушылар арасында індеттің таралу жиілігіне байланысты оқу процесіне қажетті ұсынысын жеткізді. Яғни, қала маңындағы бала саны 600-ден жоғары мектептерде қашықтықтан оқыту форматына, ауылдық жерлерде дәстүрлі форматта оқыту, сондай-ақ, қашықтан оқитын мектептердегі 1-2 сынып оқушыларын дәстүрлі форматта оқыту ұсынылды.
Жедел штаб отырысын қорытындылаған аймақ басшысы жауапты салалық басқарма мен департамент басшыларына, қала және аудан әкімдеріне нақты тапсырма жүктеді. Мәселен, науқастармен қарым-қатынаста болған тұрғындарды шұғыл түрде анықтап, аурудың таралуына жол бермеу міндеттелді. Мониторинг топтардың жұмысын жандандырып, тұрғындар арасында ревакцинациялау жұмыстарын күшейту тапсырылды.
Сондай-ақ, облыстық денсаулық сақтау, білім басқармалары санитариялық эпидемиологиялық бақылау департаменті әрбір қала, аудан бойынша КВИ-ге қарсы вакцинация жүргізу жөніндегі іс-шараларды үйлестіретін кураторлар тағайындап, коронавирусқа қарсы жасөспірімдерді вакцинациялауды жүргізу жөніндегі іс-шара жоспары әзірлеуі тиіс.
Жиында берілген тапсырмалардың орындалуын бақылау облыс әкімінің орынбасары Балжан Шаменоваға жүктелді.
<img src="https://kyzylorda-news.kz/wp-content/uploads/2022/01/fb_img_1642423872847.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642423875083.jpg" alt="" />

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова соғыс ардагерін 100 жасымен құттықтады

«Жастар тәжірибесі» бағдарламасы 1 жылға созылады

Қызылордада әкімшілік ғимараттар қалпына келтірілуде

«Күшіміз бірлікте»: Қызылордалық кәсіпкер қорға 1 млн теңге аударды

Қоғамда үкіметтік емес ұйымдардың рөлі жоғары

Гүлшара Әбдіқалықова төтенше жағдайдың аяқталуына байланысты мәлімдеме жасады (ВИДЕО)

Қызылордада донер ішінен есірткі заты табылды

Қызылордада өткен тәулікте коронавирус жұқтырушылар саны күрт көбейді

Қызылорда облысында су мәселесін шешу бойынша жол картасы қабылданады

Қызылордада көз жұмған сарбаздың отбасына 7 млн теңге берілді

Қызылордада бүлікке қатысқан 96 адамның үстінен іс қозғалды

Гүлшара Әбдіқалықова: Індетті жеңудің бірден бір жолы – жаппай вакцинациялау

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова соғыс ардагерін 100 жасымен құттықтады

«Жастар тәжірибесі» бағдарламасы 1 жылға созылады

Қызылордада әкімшілік ғимараттар қалпына келтірілуде

«Күшіміз бірлікте»: Қызылордалық кәсіпкер қорға 1 млн теңге аударды

Қоғамда үкіметтік емес ұйымдардың рөлі жоғары

Гүлшара Әбдіқалықова төтенше жағдайдың аяқталуына байланысты мәлімдеме жасады (ВИДЕО)

Қызылордада донер ішінен есірткі заты табылды

Қызылордада өткен тәулікте коронавирус жұқтырушылар саны күрт көбейді

Қызылорда облысында су мәселесін шешу бойынша жол картасы қабылданады

Қызылордада көз жұмған сарбаздың отбасына 7 млн теңге берілді

Қызылордада бүлікке қатысқан 96 адамның үстінен іс қозғалды

Гүлшара Әбдіқалықова: Індетті жеңудің бірден бір жолы &#8211; жаппай вакцинациялау

Гүлшара Әбдіқалықова: Індетті жеңудің бірден бір жолы – жаппай вакцинациялау