Kyzylorda-news.kz. Бүгін Қызылорда облысының әкімі Гүлшара Әбдіқалықова облыстық құрылыс, сәулет және қала құрылысы басқармасының басшысының міндетін атқарушы Арнур Нұрмағанбетовтың есебін тыңдап, алда атқарылуы тиіс жұмыстарды саралады.
Жыл ішінде Қызылорда және Байқоңыр қалалары мен Шиелі ауданында 372 пәтерлік 10 арендалық тұрғын үй пайдалануға берілмек. Сондай-ақ, облыс орталығында 580 пәтерлік 12 кредиттік тұрғын үй мен 270 пәтерлік 7 жеке коммерциялық құрылыс салушылардың есебінен тұрғын үй салынады. Одан бөлек, 28 әлеуметтік нысан құрылысын жүргізу жоспарлануда.
“Ауыл ел бесігі” бағдарламасы аясында барлығы 13 нысанның құрылысы жүргізілмек.
Аймақ басшысы құрылыс жұмыстарын жүргізуде сапаға айрықша мән беріп, мердігер мекемелердің әрбір нысанды уақытылы аяқтауын бақылау қажеттігін ескертті.
<img src="https://kyzylorda-news.kz/wp-content/uploads/2022/01/fb_img_1643632781853.jpg" alt="" />
<img src="https://kyzylorda-news.kz/wp-content/uploads/2022/01/fb_img_1643632784431.jpg" alt="" />

Қызылордада биыл 1222 баспананың құрылысы аяқталады

<a href="https://kyzylorda-news.kz/">Kyzylorda-news.kz.</a> Шағын және орта бизнес субъектілеріне келтірілген залалды өтеуге арналған өтінімдерді қарау жөніндегі өңірлік комиссиялар кәсіпкерлерден түскен өтінімдерді белсенді түрде қарап жатыр, деп хабарлайды Үкіметтің <a href="https://www.inform.kz/kz/onirlerde-zardap-shekken-shob-sub-ektilerine-zalaldy-oteu-boyynsha-tolemder-berile-bastady_a3892940">ресми сайты</a>.
Биылғы 31 қаңтардағы жағдай бойынша «InfoKazakhstan.kz» электрондық платформасы арқылы Алматы, Шымкент қалаларынан, Алматы, Жамбыл, Шығыс Қазақстан, Ақтөбе және Батыс Қазақстан облыстарынан залалды өтеуге 2000-нан астам өтінім берілді.&nbsp;
Залалды өтеу тетігі өтінімдерді оңайлатылған тәртіп бойынша және сот сараптамасының қорытындылары негізінде өтініш берушінің қалауы бойынша қарауды көздейді. Алматы қаласында сараптамаларды жедел жүргізу үшін 33 сарапшы жұмыс істейді, 68 сот сарапшысынан тұратын қосымша резерв құрылды.&nbsp;
Өңірлік комиссиялардың жұмысы аясында оң шешімдер қабылданды, алғашқы өтемақылар өтініш білдірген бизнесмендердің есеп шоттарына аударылды. Мәселен, Алматы қаласында 17 кәсіпкер жалпы сомасы 33 млн теңгеге төлем алды.&nbsp;&nbsp;
Үкімет бизнестің қызметін қалпына келтіру мақсатында оларға келтірілген залалды жедел өтеу жөніндегі жұмысты одан әрі жалғастырады.

Өңірлерде зардап шеккен ШОБ субъектілеріне залалды өтеу бойынша төлемдер беріле бастады

<a href="https://kyzylorda-news.kz/">Kyzylorda-news.kz.</a> Биыл Қазақстан және КСРО Халық әртісі, Халық қаһарманы, Сыр елінің тумасы Роза Бағланованың 100 жылдық мерейтойы республика көлемінде аталып өтпек. Осыған орай шаһарда Роза Бағланованың ескерткішінің ашылу салтанаты мен жыл көлемінде әншінің шығармашылығына арналған ауқымды шара өткізілмек. Сондай-ақ, облыста жыл бойына өткізілетін мәдени шаралар легі көбейеді.
Жыл көлемінде қазақ өнерінің біртуар азаматтарына арналған ауқымды іс-шаралар басталмақ. Соның бірі – ақпан айында ғазиз ғұмыр иесінің 100 жылдығына орай «Дала қызғалдағы» атты Роза Тәжібайқызына арналған концерт өткізіледі. Ал сәуір айында «Ақмаңдайлым» атты республикалық байқауы мен қазан айында туған жері Қазалыда «Іңкәрім-ай» атты аймақтық әншілер конкурсы ұйымдастырылады.
<blockquote>
 “Сыр сүлейі, жырау Базар Оңдасынұлының 180 жылдығына арналған «Құмарын тарқат алқаның» атты республикалық жыршы-жыраулар байқауы мен «Базар жырау шығармашылығы рухани құндылықтар» атты ғылыми-танымдық конференциялар өткізу жоспарлануда. Күйші Әлшекей Бектібайұлының 175 жылдығына арналған «Дәуірлер бейнесі домбыра үнінде» атты республикалық күйшілер байқауы, Жаңақорған ауданында Әлшекей атындағы ұлт аспаптар оркестрінің концерті және «Күй абызы – Әлшекей» атты облыстық ұлт-аспаптар оркестрінің байқауы жыл бойына өтетін болады. Әнші, композитор, ҚР Еңбек сіңірген қайраткері Батырхан Шөкеновтің 60 жылдығына орай әншінің шығармашылығын кеңінен насихаттау мақсатында «Отан Ана» атты республикалық жас орындаушылар байқауы мен гала-концерт дәстүрлі түрде ұйымдастырылады. Биыл облысымыздағы кәсіби өнер ұжымы облыстық филармонияға 50 жыл. Осыған байланысты қазақ эстрада жұлдыздарының қатысуымен гала-концерт және филармонияның өнер ұжымдары мен жеке орындаушылардың концерттері жоспарға енгізілді, – деді облыстық мәдениет, архивтер және құжаттама басқармасының басшысы Асқарбек Есжанов.
</blockquote>
Айта кетейік, Мемлекет басшысы биылғы жылды «Балалар жылы» деп жариялаған болатын. Сол себепті балалардың бос уақытын тиімді өткізу мақсатында облыс кітапханалары оның ішінде балалар кітапханалары балаларға арналған жаңа әдебиеттермен толықтырылады.

Роза Бағланованың 100 жылдық мерейтойы республика көлемінде аталып өтеді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Алматы қаласындағы Америка Құрама Штаттарының Бас консулы Кэролайн Сэвидж ханыммен онлайн форматта кездесіп, екіжақты әріптестік мәселелерін талқылады.
Америкалық тараптың бастамасымен өткен кездесу барысында аймақ басшысы өзара тиімді әріптестікті одан әрі нығайту ісіне сенім білдіріп, алдағы бірлескен жұмыс атқаруға дайын екенін жеткізді. Әсіресе, экология саласындағы, оның ішінде Арал теңізінің құрғап жатқан табанына ағаш отырғызу мәселесіне тоқталды.
<blockquote>
 «Өзіңіз білетіндей, біздің аймақ – экологиялық қиындықтары бар мекен. Арал теңізін сақтап қалу – бүкіл адамзатқа ортақ мәселе, және де оның бірден-бір жолы – құрғаған теңіз табанына ағаш көшеттерін отырғызу. Қазіргі таңда біз көрші Өзбекстан Республикасымен бірге тартылған теңіз табанына сексеуіл көшеттерін отырғызу жұмыстарын жоспарлап отырмыз. Сондай-ақ, USAID бағдарламасында аталған жұмыс бағыттары қарастырылғанын білеміз. Осы мәселені тағы да талқылап, тез арада қолға алу керек деп санаймын», – деді облыс әкімі.
</blockquote>
Өз кезегінде Кэролайн Сэвидж Қазақстанмен АҚШ арасындағы қарым-қатынас деңгейінің жоғары екенін бұл ретте әрбір өңірмен екіжақты тиімді байланыс орнату маңызды екенін алға тартып, бірлесіп жұмыс жасауға қызығушылық танытатынын тілге тиек етті.
<h5 id="1001">Айта кетейік, Сыр өңірінде Арал теңізінің солтүстік бөлігін сақтап қалу және қалпына келтіру мақсатында жыл сайын сексеуіл, сарсазан, тамариск секілді өсімдіктерді отырғызып, көгалдандыру жұмыстары жүзеге асырылуда. Мәселен, өткен жылы аймақта 100 мың гектарға жуық жерге сексеуіл отырғызылса, жалпы есеппен бірнеше жылда көшет аймағы 1 млн. гектарға жеткізілмек.</h5>

Гүлшара Әбдіқалықова Алматыдағы АҚШ Бас консулымен кездесті

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Ләззат Молдабекқызы Қалтаева Қазақстан Республикасы Парламенті Сенатының депутаты болып тағайындалды, деп хабарлайды Ақорданың баспасөз қызметі.
Ләззат Қалтаева Қызылорда қаласында 1965 жылдың 4 ақпанында дүниеге келді.
1987 жылдың маусым айынан бастап Фрунзе аудандық мүгедектер қоғамында хатшы-референт, одан кейін басшының орынбасары ретінде қызмет атқарды.
1990 жылдан бастап 1997 жылға дейін «Тұмар» ЖШС-де және «Виктория» ЖШС-де маркетинг инженері қызметінде болды.
1997 жылдан бастап 2000 жылға дейін «ДАЭКО» ЖАҚ-да, «Дәнекер» ЖАҚ-на, «Қазақстанаудит» ЖАҚ-да бағалы қағаздармен мәмілелер жасау жөніндегі маман болды.
2001 жылдан бастап осы уақытқа дейін – «Шырақ» мүгедектігі бар әйелдер қауыдастығы« ҚБ, «Мүгедектігі бар адамдардың Орталық-Азиялық форумы« ЗТБ төрайымы.
Білімі жоғары, Каспий қоғамдық университетін «заңгер« мамандығы бойынша тәмамдаған.
Мемлекеттік марапаттары: «ҚР Тәуелсіздігіне 20 жыл« мерейтойлық медалі, «Құрмет« ордені.

Мемлекет басшысы Ләззат Қалтаеваны Сенат депутаты етіп тағайындады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 12558 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2124,
Алматы қаласы – 2307,
Шымкент қаласы – 154,
Ақмола облысы – 901,
Ақтөбе облысы – 479,
Алматы облысы – 455,
Атырау облысы – 354,
Шығыс Қазақстан облысы – 451,
Жамбыл облысы – 230,
Батыс Қазақстан облысы – 513,
Қарағанды облысы – 2043,
Қостанай облысы – 583,
Қызылорда облысы – 124,
Маңғыстау облысы – 154,
Павлодар облысы – 1140,
Солтүстік Қазақстан облысы – 453,
Түркістан облысы – 93.
Жалпы ел бойынша ауырғандар саны 1204769.

Қызылордада 124 адамнан коронавирус анықталды

Kyzylorda-news.kz. Тұрғындардың өмір сапасын жақсартуда елді мекендерді ауыз сумен қамту маңызды. Бұл ретте өңірдегі 230 елді мекенді сапалы ауыз сумен қамту міндеті бар. Бүгінгі күні аймақта 230 елді мекеннің 198-інде ауыз желілері барған. Нәтижесінде халықтың 97 пайызы орталықтандырылған ауыз сумен қамтылған. Қалған ауылдарға кезең-кезеңімен ауыз су тартылады. Бүгін облыс әкімі Гүлшара Әбдіқалықова энергетика және тұрғын үй-коммуналдық шаруашылық саласында атқарылған жұмыстардың есебін тыңдады.
Жиынға облыс әкімі аппаратының басшысы Ерлан Райғаниев, облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев қатысты.
Алдымен елді-мекендерді газдандыру мәселесі қозғалды. Бүгінде аймақтағы барлық аудан орталықтары толыққанды табиғи газға қосылған. Биыл өткен жылы басталған 5 жобаның құрылысы жүргізілуде. Оның ішінде, Қызылорда қаласындағы Наурыз және Махамбет, Қазалы қаласы, Шиелі ауданындағы Алғабас, Ақмая, Тереңөзек кентіндегі «Ақ дақтар» жобасы бар. Сондай-ақ, осы жылы «Ауыл – ел бесігі» бағдарламасы арқылы Қазалы ауданындағы Жалаңтөс батыр, Пірімов, Басықара ауылдарын газдандыру жұмыстары басталады.
Биыл 6 елді мекен газдандыру үшін Энергетика министрлігіне өтінім берілді. Яғни Аралдағы Сексеуіл кентіне АГТС орнату және кентішілік газдандыру, Қармақшыдағы Төретам және Ақай елді мекендеріне, Шиелі ауданы Шоқай АГТС орнату мен Жаңақорғандағы Бірлік, Қыраш ауылдарына газ тарту межеленіп отыр.
Облыс әкімі құрылыс-монтаж жұмыстарын сапалы жүргізіп, уақытылы аяқтауды жүктеді. Табиғи газ бағасын бақылауда ұстау қажет екенін баса айтты. 
Биыл Қызылорда қаласындағы 4 қосалқы станцияны жаңғырту құрылысы жалғасуда. Ал, Ұлттық экономика министрлігіне 2 жобаға бюджеттік өтінім ұсынылған. Сонымен қатар, Қызылорда қаласындағы Сырдария өзенінің сол жақ жағалау бөлігін электрмен жабдықтау және Шиелі кентіндегі қосалқы станциясын қайта жаңғырту бойынша 2 жоба әзірленуде.
Аймақ басшысы аталған жобалар бойынша бірқатар тапсырма беріп, коммуналдық тарифтердің көтерілуіне жол бермеу керек екенін атап өтті.
Еске салайық, аймақта жылу тарифі 2021 жылдың 1 қыркүйегінен бастап 1 Гкал жылу энергиясы үшін уақытша өтемдік тариф енгізіліп, 2020 жылдың деңгейімен салыстырғанда 13,4%-ға, газ тарифі 2020 жылмен салыстырғанда 5,9% төмендетілді.
Жылумен қамтамасыз ету бойынша да жүйелі жұмыс жүргізілуде. 2022 жылға «Ауыл-ел бесігі» бағдарламасы арқылы әлеуметтік нысандардың жылу қазандықтарын қайта жаңғырту бойынша 4 жобаға республикалық бюджеттен қаржы бөлінді. 
Жиын соңында облыс әкімі жылу беру маусымын ақаусыз аяқтап, ауыз сумен қамту, газдандыру мәселелеріне кешенді түрде талдау жасау нақты шешімдерді қабылдау қажеттігін еске салды.
<img src="https://kyzylorda-news.kz/wp-content/uploads/2022/01/fb_img_1643289464341.jpg" alt="" />

Биыл Қызылорда облысында 6 елді мекенге газ жүргізіледі

Kyzylorda-news. kz. Өткен жылы облыстың өнеркәсіп кәсіпорындары 773,1 млрд.теңгенің өнімін өндірді. Өсім өңдеу өнеркәсібінің 14,5%-ға арту есебінен құралып отыр дейді Өңірлік коммуникациялар қызметінде өткен баспасөз конференциясында облыстық экономика және бюджетті жоспарлау басқармасы басшысының орынбасары Ринат Құдайбергенов.
Өңір экономикасына 302,8 млрд. теңге инвестиция салынды.
<blockquote>
 «Өткен жылы индустрияландыру бағдарламасы аясында жалпы құны 45,2 млрд. теңгені құрайтын, 456 жұмыс орны бар 4 жоба іске асырылды. Олар «Табақша шыны шығару және өңдеу зауыты құрылысы», «Ас тұзын өндіру», «Жаңақорған ауданындағы керамзит және керамзит блоктарын өндіру», қуаттылығы жылына 630 тонна күріш өңдеу цехы пайдалануға берілді», – Ринат Мәжитұлы.
</blockquote>
Сонымен қатар, былтыр 38 әлеуметтік нысанның құрылысы жүргізілді. Оның 17-і пайдалануға берілді. Оның 5-і білім, 7-денсаулық, мәдениет және спорт саласынан 2 нысаннан салынды. 103,3 млрд. теңгеге құрылыс жұмыстары орындалды. 
Ал, ауыл шаруашылығының жалпы өнімінің көлемі 166,8 млрд. теңгені құрады. Бұл салада оң тенденция мал шаруашылығы есебінен қалыптасып отыр.

Өткен жылы Қызылордаға 302,8 млрд. теңге инвестиция салынды

<a href="https://kyzylorda-news.kz/">Kyzylorda-news.kz.</a> Мемлекет басшысының төрағалығымен Қауіпсіздік Кеңесінің отырысы өтті, деп хабарлайды <a href="https://www.akorda.kz/kz/prezident-kauipsizdik-kenesinin-otyrysyn-otkizdi-2703548">Ақорда</a>.
Онда ұлттық қауіпсіздікті қамтамасыз ету жүйесін қайта құру және нығайту шаралары қарастырылды.
Қауіпсіздік Кеңесінің Төрағасы Қасым-Жомарт Тоқаев қазіргі уақытта елдегі ахуал толығымен тұрақталғанын және құқықтық тәртіп қайта қалпына келгенін атап өтті. Тұлғалардың, қоғам мен мемлекеттің қорғалу деңгейін арттыру үшін барлық шара қабылданып жатыр.
<img src="https://www.akorda.kz/public/assets/media/uploadMedia/1643276624_KZ3_6204.jpg" alt="" />
Президент барлық мемлекеттік органдар өткен оқиғадан сабақ алуға тиіс екенін айтты. Жаңғыртылған ұлттық қауіпсіздік жүйесі сын-қатердің кез келген қиындығына төтеп беруге дайын болуы қажет. &nbsp;
<blockquote>
 – Бұдан былай қылмыстық топтар мен террористер қалаларымызды басып алып, азаматтар мен олардың отбасыларының бейбіт өміріне қол сұғып, мемлекеттілігімізге қауіп төндірмеуі үшін шаралар қабылдауға міндеттіміз. Ұлттық қауіпсіздік жүйесін қайта құру ісінің мақсаты да осы, – деді Қасым-Жомарт Тоқаев.
</blockquote>
Қауіпсіздік Кеңесінің басшысы қауіпсіздікке жауап беретін барлық құрылымның өз жұмыстарын өзгертуі керек екенін атап өтті. Бұл ретте, олардың өзара іс-қимылдары барынша теңгерімді болуға тиіс.
Мемлекет басшысы ұлттық қауіпсіздіктің барлық бағытын нығайту жөніндегі нақты шараларды кешіктірмей жүзеге асыруға кірісуді тапсырды. Қауіпсіздік Кеңесі отырысының барысында ұлттық қауіпсіздік жүйесін реформалауға бағытталған нақты шешімдер қабылданды.

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

Kyzylorda-news.kz. Қоғам мен билік арасында ашық әрі орнықты диалог орнату елдік мәселелерді шешуге жол ашады. Мемлекеттік шешімдер қабылдау кезінде халықтың пікірін ескерудің және қоғамдық бақылаудың тиімді институттары ретінде құрылған Қоғамдық кеңестердің жұмысын жандандыру әлі де маңызды. Бұл ретте Президент Қасым-Жомарт Тоқаев қоғамдық кеңестердің жұмысын тиімді трансформациялау ісін қолға алуды, қоғамдық кеңестерді Ұлттық сенім кеңесі іспетті халықтың нақты мәселелерін шешуде институттың ашықтығын, дербестігі мен транспаренттілігін қамтамасыз ету бойынша нақты шаралар қабылдауға бағыттау маңызды екенін тапсырды.
Өңірлерде Қоғамдық кеңес жұмысын саралау және алдағы міндеттерге сай жұмысты жандандыру мақсатында бүгін аймақ басшысы Гүлшара Әбдіқалықова облыстық Қоғамдық кеңес төрағасы, экономика ғылымдарының докторы, профессор, ҚР ҰҒА академигі Бақберген Досманбетовпен кездесті.
Кездесуге облыстық мәслихат хатшысы Наурызбай Байқадамов және облыстық ішкі саясат басқармасының басшысы Мира Қазбекова қатысты.
Басқосу барысында облыс әкімі Президенттің нақты істерге жетелейтін жұмыстарын жүйелі атқару және Жаңа Қазақстанды құру міндеті қойылған кезде өңірлік қоғамдық кеңестерге артылатын жауапкершілік одан әрі күшейе түсетінін атап өтті.
<blockquote>
 «Қоғамдық кеңес мемлекет пен азаматтық ұстанымы нық азаматтардың бірлескен істі ашық талқылауға мүмкіндік беретін ашық алаңы болуы керек. Бұл ретте Қоғамдық кеңес облыстағы өзекті мәселелер талқылап, түрлі ұсыныстарды ортаға салып келеді. Мәселен, қоғамдық кеңес 1 жылда 146 отырыс, 27 қоғамдық тыңдау, 19 қоғамдық мониторинг жұмыстарын өткізіп, нәтижесінде 323 әлеуметтік мәселенің шешілуіне ықпал етті. Сондықтан, әлеуметтік мәселелерді бірінші кезекте шешу, халықтың сұранысы мен талабын қанағаттандыру біздің ортақ мақсатымыз»,-деді Гүлшара Әбдіқалықова.
</blockquote>
Кездесуде Бақберген Досманбетов бір жыл ішінде кеңесте талқыға түскен мәселелердің өзектілігіне тоқталып, 9 кеңестің әрбір мәселені дербес талдап, жергілікті билікке нақты ұсыныстарды жолдауда белсенділігінің жоғары екенін тілге тиек етіп, алдағы кезеңде Кеңес жұмысын тиімді реформалау мәселесін қозғады. Ал, облыстық мәслихат хатшысы Наурызбай Байқадамов кеңес құрамындағы азаматтардың биыл өкілеттілік мерзімінің аяқталуына байланысты жаңа құрамды қалыптастыруда түрлі саладағы ашық ойлы, балама пікірлері бар ірі сарапшылар мен ғалымдар, қоғамдық пікірдің нақты көшбасшыларын топтастыру маңызды екенін ашып айтты.
Кездесуді қорытындылаған аймақ басшысы қоғамдық кеңес билікпен бірге көтерілген проблемалардың шешімін іздестіріп табуға мүдделік танытатын азаматтардың ұсыныстары ескерілетінін және әріптестерін өзгерістер кезеңінде ұлт болып Мемлекет басшысының жанына топтасып, халқымыздың әл-ауқатын арттыруға бағытталған бастамаларды бірлесіп жүзеге асыруға шақырды.
Облыстық Қоғамдық кеңес жанынан бюджет және қаржы мәселелері, экономикалық даму мәселелері және әлеуметтік мәселелер бойынша тұрақты комиссиялары жұмыс жасауда. Кеңес отырысында ауыл шаруашылығы, білім, денсаулық сақтау, энергетика басқармалары жауапты азық-түлік өнімдерінің бағасын тұрақтандыру, қуаңшылықты алдын алу, эпидемиологиялық ахуал, Қызылорда қаласында газды тасымалдау қызметі, «КазТрансГаз аймақ» өндірістік тарифі мәселесі және қоғамдық көлік мәселесі және т.б мәселелер қаралды.

Қоғамдық кеңес ұстанымы нық азаматтарды топтастырады

<a href="https://kyzylorda-news.kz/">Kyzylorda-news.kz.</a> 21 қаңтарда Мемлекет басшысы отандық бизнес өкілдерімен кездесіп, халық игілігі үшін билік пен бизнестің өзара ықпалдастығына қатысты жолдарды айқындау қажеттігін атап өтіп, жемқорлыққа қарсы кешенді тұжырымдама әзірлеуді тапсырған болатын. Президент бірінші кезекте қарапайым халықтың, кәсіпкерлердің мүдделері ескерілуі тиіс екенін айтты.
Осы ретте, Қызылорда облысының әкімі Гүлшара Әбдіқалықова Сыбайлас жемқорлыққа қарсы саясаттың 2022-2026 жылдарға арналған тұжырымдамасы жобасын аймақтың бизнес өкілдерімен талқылап, кәсіпкерлердің ұсыныс-пікірлерін тыңдады. Жиынға облыстық мәслихат хатшысы Наурызбай Байқадамов, облыс бойынша сыбайлас жемқорлыққа қарсы іс-қимыл департаменті басшысының міндетін атқарушы Руслан Яғмұсов, департамент басшысының бірінші орынбасары Ғалия Әлімқұлова және облыстық кәсіпкерлер палатасының директоры Ғалымбек Жақсылықов және салалық басқарма басшылары мен өңірдегі бизнес өкілдері шақырылды. Ал қала және аудан әкімдері онлайн селекторлық байланыс арқылы қатысты.
Кездесуде аймақ басшысы сыбайлас жемқорлық мемлекеттік басқарудың тиімділігін төмендетіп, елдің инвестициялық тартымдылығын жоятынын тілге тиек етіп, келеңсіз құбылыспен күресте мемлекет пен қоғам күш-жігерін біріктіруі керектігін айтты.
<blockquote>
 “Бүгінгі күні ҚР Сыбайлас жемқорлыққа қарсы саясатының 2022-2026 жылдарға арналған тұжырымдамасының жобасы әзірленді. Сыбайлас жемқорлық деңгейін төмендету және оған қарсы саясатты одан әрі дамыту осы құжаттың аясында жүргізілетін болады. Тұжырымдама жобасын талқылау кезінде азаматтық қоғам мен кәсіпкерлік субъектілерінің пікірі маңызды. Сондықтан да өз ұсыныстарыңызды тыңдау үшін жиналдық”, – деді Гүлшара Әбдіқалықова.
</blockquote>
Басқосуда Ғалия Әлімқұлова талқылауға түскен жобадағы басым бағыттарды тізбелеп, сыбайлас жемқорлыққа қарсы істе себеппен емес, салдарды анықтаудың маңызды екенін тілге тиек етті. Тұжырымдаманы әзірлеуде шетелдік тәжірибе мен халықаралық стандарттар ескерілген. Әсіресе, «тұрмыстық» жемқорлықты жоюға, бюджеттік рәсімдер мен сатып алу тәртібінің ашық болуына, мемлекеттің экономикаға әсері мен әкімшілік кедергілерді азайту принциптері енгізілген. Тұжырымдамада нақты реформалар мен жобаларды қамтитын 6 міндеттер блогы көзделген. Бірінші блокта – сыбайлас жемқорлыққа төзбеушілікті қалыптастыру айқын көрсетілген. Екінші блоктағы шаралар сыбайлас жемқорлық мүмкіндіктерін барынша азайтуға бағытталған. Үшінші блок жауапкершіліктің бұлтартпастығын қамтамасыз етуге үндейді. Төртінші блок – бұл азаматтық қоғамды сыбайлас жемқорлыққа қарсы іс-қимылға одан әрі ауқымды тарту жөніндегі шараларды қамтыса, бесінші блок сыбайлас жемқорлыққа қарсы саясат мониторингіне арналған. Ал соңғы блок сыбайлас жемқорлыққа қарсы іс-қимыл жөніндегі уәкілетті органның қызметін одан әрі жетілдіруге бағытталған. Мұнан соң кездесуге шақырылған бизнес өкілдері сыбайлас жемқорлыққа қарсы әзірленген тұжырымдама төңірегінде ойларын айтып, пікірлері мен ұсыныстарын жеткізді. Облыстық кәсіпкерлер палатасының директоры Ғалымбек Жақсылықов жемқорлық тәуекелдері жиі кездесетін салаларды атап, кәсіпкерлер кездесетін қиындықтарды айтты.
Жиынды қорытындылаған өңір басшысы дәйекті ұсыныстарды саралап, орталық Агенттікке жолдауды тапсырды.

Гүлшара Әбдіқалықова: Жобаны талқылау кезінде азаматтық қоғам мен кәсіпкерлік субъектілерінің пікірі маңызды

Kyzylorda-news.kz. Қазақстанда өткен тәулікте 11862 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2352,
Алматы қаласы – 2126,
Шымкент қаласы – 157,
Ақмола облысы – 976,
Ақтөбе облысы – 467,
Алматы облысы – 265,
Атырау облысы – 477,
Шығыс Қазақстан облысы – 354,
Жамбыл облысы – 194,
Батыс Қазақстан облысы – 420,
Қарағанды облысы – 2058,
Қостанай облысы – 348,
Қызылорда облысы – 134,
Маңғыстау облысы – 173,
Павлодар облысы – 910,
Солтүстік Қазақстан облысы – 318,
Түркістан облысы – 133.
Жалпы ел бойынша ауырғандар саны 1178559.

Қазақстан және Қызылорда облысының жаңалықтары: Басты жаңалықтар old