<a href="https://kyzylorda-news.kz/">Kyzylorda-news.kz.</a>&nbsp;Қармақшыда электр желілерінің 70 проценті тозды. Оның дені сонау 70-ші жылдардан бері келе жатыр. Содан бері жамап-жасқаумен ғана тұр. Осы ауданда жарыққа жарымай отырған 12 елді мекен бар. Соның бірі – шалғайдағы Қуаңдария. Бұл мәселеге мамандар не дейді? Мәселе қашан шешіледі?
Қуаңдария ауылы Қармақшы ауданының ең шалғай елді мекендерінің бірі. Мұнда 150 үй түтін түтетіп отыр. Мал бағып, егін егіп, ел ырысын еселеген жұрттың басты мәселесі – электр желілерінің жиі істен шығуы. Әсіресе, Шалғасқат және Жеңістің 40 жылдығы көшесінің тұрғындары өркениет игіліктеріне қолымыз жетпей отыр деп налыды.
<blockquote>
 «Балаларымыздың сабақ оқуына, компьютер қосуына қиындық туып отыр. Жаз айларында холодильник, морозильник дегенді, кондиционерді қоса алмаймыз. Теледидар енді көре алмай қалатын күндеріміз көп болады. Кешке қарай қаншама халық светті қосқасын, әлсіреп, көп қиындықтар көріп отырмыз», – дейді Қуаңдария ауылының тұрғыны Эльмира Еңсебай.
</blockquote>
Жел тұрса жарық жалп етеді. Мамандар үзілген желіні жалғаймын дегенше біраз уақыт өтеді. Осындай күйге түскелі 6 жылдан асты,-дейді тұрғындар.
<blockquote>
 «Орталық жақта да арасында бір-екі көшеде бар, бірақ негізінен осы жерде ғой. Трансформаторды алып тастағанына байланысты болып тұр. Негізі бірақ электр желілерін ауыстыруды қажет етеді. Бұрынғы кеңес заманынан қалған нәрселер ғой. Енді заманауи керек қой, барлығы да», – дейді Қуаңдария ауылының тұрғыны Салтанат Баймаханова.
</blockquote>
Жарықтың жайын жырлап жүрген тек қуаңдариялықтар емес. Қармақшы ауданындағы 12 елді мекеннің жағдайы осыған ұқсас екен. Жалпы аудан бойынша 900 шақырымнын астам электр желесі болса, соның 70 проценті тозған. Оны әр жыл сайын біртіндеп жаңалап жатырмыз. Қуаңдарияның кезегі келесі жылдың жоспарына енді,– дейді мамандар.
<blockquote>
 «Негізгі жоспар бойынша 2023 жылы аталған қосалқы станцияны қайтадан жаңадан немесе соны қайтадан жөндеуден өткізу, сосын бірінші кезекте электр желісін ауыстыруға ұсыныстарымызды беріп қойдық. 2023 жылға күтіп отырмыз деп, жоспарлап отырмыз», – дейді Қармақшы аудандық ТҮКШ бөлімінің басшысы Рустам Ефенов.
</blockquote>
Өткен жылы Қармақшы ауданындағы тұрғындар көп шоғырланған Төретам және Жосалы елді мекендерінің жарық желілері толық жаңартылған. Биыл осы жұмыстар Төребай би мен Иіркөл ауылдарында жалғасын табады. Ал қуаңдариялықтардың 70 жылғы электр желілерімен тағы бір жыл ылаждай тұруына тура келеді.
<a href="https://24.kz/kz/zha-aly-tar/o-am/item/532228-yzylorda-oblysy-zhel-t-rsa-zhary-s-nip-alady">Хабар 24</a>

Қызылордада жел тұрса, жарық сөніп қалады

<a href="https://kyzylorda-news.kz/">Kyzylorda-news.kz.</a> Суық антициклон Қазақстан территориясына жылжи отырып, еліміздің солтүстік жартысында жауын-шашынның тоқтауына және ауа температурасының айтарлықтай төмендеуіне әкеледі, деп хабарлайды Қазгидромет.
Алайда, фронттар оңтүстік аудандарға әсер етуін жалғастырады – жауын-шашын (жаңбыр, қар), таулы аудандарда қатты жауын-шашын жауады.
Республика бойынша кей жерлерде жел күшейеді, шығыста – жаяу бұрқасын соғып, тұман түседі, батыста – көктайғақ, оңтүстікте – найзағай жарқылдайды. Ал Қызылорда облысының оңтүстігінде күн тұман болады.

9 наурызға арналған ауа райы болжамы

Kyzylorda-news.kz. Қытай астанасы Бейжің қаласында 2022 жылғы XIII қысқы Паралимпиада ойындарында пара биатлоннан түрегеп сырғанауда Александр Герлиц қола жүлдегер атанды, деп хабарлайды ҚазАқпарат.
Қазақстандық спортшы парабиатлоннан 10 шақырымға түрегеп сырғанауда жарыс жолына шықты. Ол еліміздің атынан аталған сайыста бақ сынаған жалғыз спортшы болатын. Александр Герлиц мәре сызығын үшінші болып қиды. Ол жарыс жеңімпазы атанған канадалық Марк Арендзден 1:25.6-ке қалып қойды. Күміс жүлдені украиналық Григорий Вовчинский алды.

Паралимпиада-2022: Қазақстандық парабиатлонист «қола» алды

Kyzylorda-news.kz. Қызылорда облысының әкімі Гүлшара Әбдіқалықова қызылордалық нәзікжандарды мерекемен құттықтады.
<blockquote>
 “Қымбатты Сыр арулары! Сіздерді көрікті көктемнің көркем мерекесі – 8 наурыз – Халықаралық әйелдер күнімен шын жүректен құттықтаймын! Бұл мерекенің біз үшін орны бөлек. Оның ұғымын Анамен байланыстырып, әрдайым ең бірінші аналарымызды құттықтауға асығамыз. Өйткені, халқымыз үшін ең қымбат – Отан ана, Жер ана, Ана тілі деген ұғымдар!
 Сіздер қашан да бала тәрбиесін, отбасы мен жұмысты дұрыс үйлестіріп, әрқашан иба мен ізеттің, парасат пен пайымның, мейірімділік пен ізгіліктің ұйытқысы болып келесіздер. Сіздер барда сәбилеріміздің жүзінен күлкі кетпей, ер-азаматтарымыз еңсесін тік көтеріп жүре берсін!
 Әрқашан көктемнің қырмызы гүліндей құлпырып, әсемдік пен әдеміліктің иесі болып, бақытты да баянды ғұмыр кешіңіздер! Мереке құтты болсын”, – деді облыс әкімі.
</blockquote>

Гүлшара Әбдіқалықова: Халқымыз үшін ең қымбат &#8211; Отан ана, Жер ана, Ана тілі

Kyzylorda-news.kz. Бүгін солтүстіктегі өңірлерде күн суытады, деп хабарлайды Қазгидромет.
Фронталды бөліктер оңтүстікте өз әсерін сақтайды, жауын-шашын болады. Республика бойынша кей жерлерде желдің күшеюі, батыста шаңды дауыл соғып, тұман түседі, оңтүстікте найзағай жарқылдайды.
Қызылорда облысының оңтүстігінде тұман түсуі ықтимал.

8 наурызға арналған ауа райы болжамы

Kyzylorda -news.kz. Мемлекет басшысы әкімдерге бірқатар міндеттер жүктеді.
Қасым-Жомарт Тоқаев әкімдердің халықпен кездесуін өткізу туралы жарлыққа қол қойып, онда облыстардың, республикалық маңызы бар қалалардың, астананың әкімдеріне жыл сайын 15 қаңтарға дейін бірқатар іс-шараларды атқару тапсырылды. Барлық деңгейдегі әкімдер:
1) халықтың талап етуі бойынша және қажет болған кезде күнтізбеден тыс халықпен кездесу өткізсін;
2) техникалық мүмкіндіктерді ескере отырып, халықтың әлеуметтік желілердегі ресми аккаунттарда міндетті түрде пікір білдіру мүмкіндігімен онлайн-трансляциялар, сондай-ақ қажет болған жағдайда бейнеконференцбайланыс ұйымдастыру арқылы кездесулер өткізуді қамтамасыз етсін;
3) кездесу үшін жоспарланған уақыттың төрттен бірден аспайтын бөлігін баяндаманы таныстырумен, уақыттың қалған бөлігін «сұрақ-жауап» форматында өткізсін.

Әкімдер халық талап еткен кезде көпшілікпен кездесіп, онлайн трансляцияға шығуы тиіс

Kyzylorda-news.kz. Дүйсенбіде ҚР территориясының басым бөлігінде жаңбыр мен қар араласып жауады, деп хабарлайды Қазгидромет.
Елдің оңтүстік-шығысында нөсер жаңбыр жауады, желдің күшеюі, көктайғақ күтіледі. Солтүстікте жаяу бұрқасын, ал оңтүстікте найзағай жарқылдайды.
Қызылорда облысының солтүстігі мен орталығында күндіз желдің жылдамдығы 23 м/с жетуі ықтимал.

7 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысының арнайы құттықтауы әнші-композитор Батырхан Шөкеновтың анасына де жетті.
8 наурыз – Халықаралық әйелдер күні мерекесіне орай Қызылорда облысы әкімінің орынбасары Қайрат Ырзақұлұлы белгілі әнші-композитор, ҚР еңбек сіңірген өнер қайраткері Батырхан Камалұлы Шөкеновтың анасы Дилара Ибрагимқызына ҚР Президенті Қасым-Жомарт Кемелұлы Тоқаевтың арнайы құттықтауын жеткізіп, сый-құрмет жасады.
Өз кезегінде Дилара Ибрагимқызы Мемлекет Басшысына аналық алғысын жеткізіп, ақ батасын берді.
<img src="https://kyzylorda-news.kz/wp-content/uploads/2022/03/shokenov2.jpg" alt="" />
<img src="https://kyzylorda-news.kz/wp-content/uploads/2022/03/shokenov.jpg" alt="" />
<img src="https://kyzylorda-news.kz/wp-content/uploads/2022/03/shokenov1.jpg" alt="" />

Батырхан Шөкеновтың анасына құрмет көрсетілді

Kyzylorda-news.kz. Доллардың теңгеге қатысты бағамы тағы қымбаттады, деп хабарлайды ҚазАқпарат.
KASE қор нарығындағы күндізгі сауда қорытындысы бойынша, доллар бағамы 3,58 теңгеге өскен.
Бір АҚШ долларының орташа бағамы 492, 28 теңге.
Таңғы саудада доллар бағамы 503, 30 теңгеге тең болды Айта кетейік, Ұлттық банк дерегі бойынша, доллардың 5 наурыздағы ресми бағамы – 499, 20 теңге.
Kurs.kz мәліметінше, қазіргі уақытта Алматының ақша айырбастау пунктілерінде доллардың сату бағамы – 525 теңге, сатып алу – 519 теңге. Ал Нұр-Сұлтан қаласы бойынша сату бағамы – 522 теңгеден болса, сатып алу құны – 516 теңге.

Ақша айырбастау орындарында доллар 525 теңгеден сатылуда

Kyzylorda-news.kz. Қызылорда облысының әкімі Гүлшара Әбдіқалықова 8 наурыз – Халықаралық әйелдер күнімен құттықтады.
Ардақты аналар,&nbsp;қадірлі қыз-келіншектер!
Сіздерді көктемнің көрікті мерекесі 8 наурыз – Халықаралық әйелдер күнімен шын жүректен құттықтаймын!
Әйел-аналардың қай заманда болсын өмірдің кез келген саласында өзінің лайықты орны бар.
Біздің аналарымыз, аруларымыз тек отбасының ұйытқысы ғана емес, олар – бүкіл қоғамды алға сүйреп, ел ынтымағын нығайтып, несібесін молайтып жүрген қуатты күш.
Мемлекет басшысы Қасым-Жомарт Кемелұлы Тоқаев 2022 жылды «Балалар жылы» деп жариялады. Бала тәрбиесіне қашанда ұлт тәрбиесі деп қараған дана халқымыз болашақ ұрпақты дүниеге әкеліп, бағып-қағып, қияға ұшыратын аналарды ардақтай да, аялай да білген.
Алыптың да анадан туатынын ескерсек, нәзік жандыларға деген құрмет те, қошемет те, қолдау мен қорғау да мемлекеттік тұрғыда күн тәртібінен түспейтін маңызды мәселе болып қала береді.
Сіздер күнделікті қажырлы еңбектеріңізбен отбасының ғана емес, тәуелсіз еліміздің дамуына зор үлес қосып жүрсіздер. Қандай қиындық болса да мойымай, ауырлықты көтере білетін қайсарлықтарыңызды дәлелдеп келесіздер.&nbsp;
Әсем көктемнің тамаша мерекесі әрдайым қуаныш сыйлап, жүздеріңіз жайнап, айналаңызды шуаққа бөлей беріңіздер.
Сіздерге мықты денсаулық, ұзақ ғұмыр, шаңырақтарыңызға шадыман шаттық, бақ-береке, амандық тілеймін!
Мереке құтты болсын!

Гүлшара Әбдіқалықова Халықаралық әйелдер күнімен құттықтады

Kyzylorda-news.kz. «Қазгидромет» РМК-сы Қазақстанның бірнеше облысы бойынша күн райына байланысты ескерту жариялады.
6 наурыз күні Шығыс Қазақстан облысының солтүстігінде, шығысында тұман түсіп, көктайғақ болуы ықтимал. Өскеменде жел оңтүстік-батыстан 15-20 м/с жылдамдықпен Семейде 6 наурызда жел оңтүстік-батыстан 15-20 м/с жылдамдықпен соғады.
Қостанай облысының шығысында және орталығында тұман түсуі ықтимал. Қостанайда 6 наурызда көктайғақ болады. Оңтүстіктен соғатын жел солтүстік-батысқа ауысады, жылдамдығы 15-20 м/с.
6-8 наурызда Іле Алатауы, Жетісу Алатауы 7 наурыз күні кей уақытта нөсер жауын (жаңбыр, қар) жауады. 7-8 наурызда кей уақытта тұман түсіп, көктайғақ болуы ықтимал.
Қырғыз Алатауы: 6 наурыз және 8 наурыз түнде, 7 наурыз тәулік бойы нөсер жауын (жаңбыр, қар) жауады. Кей уақытта тұман түсуі ықтимал. Жел оңтүстік-батыс бағыттан солтүстік-шығыс бағытқа ауысады, кей жерлерде жылдамдығы 15-20 м/с, 6 және 7 наурыз күндіз екпіні 23-28 м/с.
Талас Алатауы: 6 наурыз күндіз нқсер жауын (жаңбыр, қар) жауады.
Батыс Алтай, Тарбағатай: 6 және 8 наурызда кей жерлерде көктайғақ болады. 8 наурызда кей жерлерде тұман түседі. Жел оңтүстік-батыс бағыттан солтүстік-шығыс бағытқа ауысады, кей жерлерде жылдамдығы 15-20 м/с, 6 наурызда екпіні 23-28 м/с.
6 наурызда Қарағанды облысының солтүстігінде, шығысында тұман, көктайғақ болуы ықтимал. Қарағандыда 6 наурызда оңтүстік-батыстан жел соғады, күші 15-20 м/с. Жезқазғанда 6 наурыз күні оңтүстік-батыстан жел соғады, күші15-20 м/с күтіледі.
6 наурызда Маңғыстау облысының батысында, солтүстігінде көктайғақ күтіледі. Облыстың орталығында шаңды дауыл тұруы ықтимал. Солтүстік-батыстан жел соғады, күші 15-20 м/с, облыстың батысында, солтүстігінде екпіні 23-28 м/с. Ақтауда 6 наурызда солтүстік-батыстан жел соғады, күші 15-20 м/с, түнде екпіні 23 м/с.
6 наурызда Ақмола облысында тұман түседі. Көкшетауда 6 наурызда тұман түсіп, көктайғақ болады, бұрқасын соғады. Оңтүстік-батыстан жел соғады, күші 15-20, екпіні 23 м/с күтіледі.
6 наурызда Атырау облысының шығысында және орталығында бұрқасын, солтүстігінде көктайғақ болады. Батыс, солтүстік-батыстан жел соғады 15-20 м/с, түнде облыстың оңтүстігінде, шығысында екпіні 23-28 м/с. Атырауда батыс, солтүстік-батыстан жел соғады 15-20 м/с, түнде екпіні 23 м/с.
6 наурызда Ақтөбе облысының шығысында, солтүстігінде және орталығында жаяу бұрқасын соғуы ықтимал. Облыстың солтүстігінде, оңтүстік-шығысында көктайғақ болады. Оңтүстік-батыстан, батыстан жел соғады, екпіні 15-20, түнде облыстың оңтүстік-батысында 25 м/с. Ақтобе қ: 6 наурызда көктайғақ болады. Оңтүстік-батыстан, батыстан жел соғады, екпіні 15-20 м/с күтіледі.

«Қазгидромет» бірнеше өңірде ескерту жариялады

Kyzylorda-news.kz. Бүгін қала әкімі Ғанибек Қазантаев 8 наурыз – Халықаралық әйелдер күні мерекесіне орай, өңір дамуына сүбелі үлесін қосып, түрлі салада толымды еңбек етіп жүрген белсенді әйелдер қауымын салтанатты түрде қабылдады.
Көктемнің шуақты мерекесіне арналған жарқын жүздесуде шаһар басшысы Ғанибек Қонысбекұлы және қалалық мәслихат хатшысы Ибадулла Құттықожаев ақжүрек аруларға жылы лебіздерін арнап, ілтипат көрсетті.
Салтанатты шарада Қазақстанның еңбек сіңірген артисі Күлән Қалымбетоваға «Қызылорда қаласының Құрметті азаматы» атағы берілді. Өз кезегінде Күлән Жантемірқызы құрмет жасаған ел азаматтарына алғысын жаудырды.
Осылайша жүздері бал-бұл жайнаған әйелдер қауымы шарапаты мол, шаттығы көл қуанышқа толы салтанатты шараның шынайы куәсі болды. Олардың құшақтары гүлге толды. Әкімдік тарапынан сый-сыяпаттар табысталды. Мерекелік қабылдау соңында аруларға арнап әннен шашу шашылды.
Айта кету керек, бүгінде еліміздің мемлекеттік қызметтегі әйелдер қауымының үлесі 35 пайыз болса, Қызылорда қаласының өзінде бұл көрсеткіш 48 пайызды құрап отыр.
<img src="https://kyzylorda-news.kz/wp-content/uploads/2022/03/fb_img_1646469379396.jpg" alt="" />
<img src="https://kyzylorda-news.kz/wp-content/uploads/2022/03/fb_img_1646469354471.jpg" alt="" />
<img src="https://kyzylorda-news.kz/wp-content/uploads/2022/03/fb_img_1646469383163.jpg" alt="" />

Қазақстан және Қызылорда облысының жаңалықтары: Басты жаңалықтар old

Қызылордада жел тұрса, жарық сөніп қалады

9 наурызға арналған ауа райы болжамы

Паралимпиада-2022: Қазақстандық парабиатлонист «қола» алды

Гүлшара Әбдіқалықова: Халқымыз үшін ең қымбат – Отан ана, Жер ана, Ана тілі

8 наурызға арналған ауа райы болжамы

Әкімдер халық талап еткен кезде көпшілікпен кездесіп, онлайн трансляцияға шығуы тиіс

7 наурызға арналған ауа райы болжамы

Батырхан Шөкеновтың анасына құрмет көрсетілді

Ақша айырбастау орындарында доллар 525 теңгеден сатылуда

Гүлшара Әбдіқалықова Халықаралық әйелдер күнімен құттықтады

«Қазгидромет» бірнеше өңірде ескерту жариялады

Қызылорда: Мемлекеттік қызметтегі әйелдер қауымының үлесі 48 пайыз

Қазақстан және Қызылорда облысының жаңалықтары: Басты жаңалықтар old

Қызылордада жел тұрса, жарық сөніп қалады

9 наурызға арналған ауа райы болжамы

Паралимпиада-2022: Қазақстандық парабиатлонист «қола» алды

Гүлшара Әбдіқалықова: Халқымыз үшін ең қымбат &#8211; Отан ана, Жер ана, Ана тілі

8 наурызға арналған ауа райы болжамы

Әкімдер халық талап еткен кезде көпшілікпен кездесіп, онлайн трансляцияға шығуы тиіс

7 наурызға арналған ауа райы болжамы

Батырхан Шөкеновтың анасына құрмет көрсетілді

Ақша айырбастау орындарында доллар 525 теңгеден сатылуда

Гүлшара Әбдіқалықова Халықаралық әйелдер күнімен құттықтады

«Қазгидромет» бірнеше өңірде ескерту жариялады

Қызылорда: Мемлекеттік қызметтегі әйелдер қауымының үлесі 48 пайыз

Гүлшара Әбдіқалықова: Халқымыз үшін ең қымбат – Отан ана, Жер ана, Ана тілі