Kyzylorda-news.kz. Наурыз мерекесіне орай Қасым-Жомарт Тоқаевтың атына шет мемлекеттердің басшыларынан, халықаралық ұйымдардың жетекшілерінен құттықтау жеделхаттары келіп түсуде, деп хабарлайды Ақорданың баспасөз қызметі.
АҚШ Президенті Джо Байден өз құттықтауында Мемлекет басшысына денсаулық және Қазақстан халқына бақ-береке тілеген.
– Бейбітшілік пен жаңаруға үндейтін бұл күні Құрама Штаттардағы және бүкіл әлемдегі көптеген адам осынау керемет мейрамды Сізбен бірге тойлайды. Қазақстан мен АҚШ 30 жылдан бері берік әрі тұрақты серіктестікке негізделген дипломатиялық қатынастарды жалғастырып келеді. Менің Әкімшілігім халқыңыздың экономикалық, әлеуметтік және саяси мүмкіндіктерін қалыптастыруды көздейтін реформаларыңыздың бағдарламасына қолдау көрсетеді. Наурыз құтты болсын! – делінген Джо Байденнің жеделхатында.
Өзбекстан Президенті Шавкат Мирзиёев Наурыз мерекесі Орталық Азия халықтарының ортақ мақсаты мен арманын білдіретін мейрам екенін атап өткен.
– Адамзат тарихында үлкен орын алатын осы айтулы мереке халықтарымыз бен елдеріміз арасындағы достық арқауын бекемдеуге, ынтымақтастық пен үйлесімді қатынастарды нығайтуға өлшеусіз үлес қосады. Біз екі ел арасындағы өзара сенім мен құрметке негізделген тату көршілік байланыстарымызды, стратегиялық серіктестігіміз бен одақтастық қатынастарымызды одан әрі кеңейте беретініміз сөзсіз, – делінген құттықтау хатта.
Тәжікстан Президенті Эмомали Рахмон өз құттықтауында қазіргі күрделі әлеуметтік-экономикалық және геосаяси жағдайда өзара құрмет пен қолдаудың, достық пен бірліктің, бейбітшілік пен тұрақтылықтың, өрлеу мен жасампаздықтың биік мақсаттарына үндейтін көктем мерекесінің жалпыадамзаттық құндылықтарының мәні арта түсетінін жазған.
–Қастерлі Наурыз мерекесінің ізгі дәстүрлеріне негізделген Тәжікстан мен Қазақстан арасындағы достық, стратегиялық серіктестік қатынастары халықтарымыздың түпкі мүдделеріне сәйкес алдағы уақытта да дамып, кеңейе береді, – деп жазған Эмомали Рахмон.
Әзербайжан Президенті Ильхам Әлиевтің құттықтау жеделхатында Әзербайжан мен Қазақстан арасындағы достық, тату көршілік және ынтымақтастық бүгінде Наурыз мейрамының ежелгі дәстүрлерін сақтап келе жатқан халықтарымыздың мүддесі жолында одан әрі дамып, нығая түсетініне сенім білдірді.
– Өзімнің және әзербайжан халқының атынан Сізді және халқыңызды қасиетті Наурыз мейрамымен шын жүректен құттықтаймын. Бұл мереке – табиғатқа деген шексіз махаббат пен үлкен құрметтің белгісі. Мыңдаған жылдар бойы сынаққа төзіп келген өмірлік философияның нышаны, – делінген құттықтау жеделхатта.
Президент Қасым-Жомарт Тоқаевтың атына өз құттықтауларын Түркі мемлекеттері ұйымының бас хатшысы Бағдат Әміреев, Кавказ мұсылмандар басқармасының төрағасы, ТМД дінаралық кеңесінің төрағалығын қоса атқарушы шейх-уль-ислам Аллахшүкір Паше-заде, «Шеврон» корпорациясы еуразиялық бөлімшесінің басқарушы директоры Дерек Магнесс, Еуразиялық даму банкінің басқарма төрағасы Николай Подгузов, Байқоңыр қаласы қалалық әкімшілігінің басшысы Константин Бусыгин және басқалары жолдады.
Құттықтау жеделхаттары әлі де келіп түсуде.

Наурыз мейрамы:   Қазақстан Президентінің атына құттықтау хаттар келіп түсті

Kyzylorda-news.kz. Мемлекет басшысы Қасым-Жомарт Тоқаев Алматы қаласының «Астана» алаңындағы мерекелік іс-шараға қатысып, барша қазақстандықтарды Ұлыстың ұлы күнімен құттықтады, деп хабарлайды ҚазАқпарат.
Мемлекет басшысы бұл мейрам ежелден жақсылық пен жасампаздықты дәріптейтін ұлық мереке екенін атап өтті.
<blockquote>
 «Күн мен түн теңеліп, күллі табиғат қайта жаңаратын әз Наурызды қарсы алуға бабаларымыз ерекше мән берген. Жыл басын – Ұлыстың ұлы күні деп ардақтаған. Әз Наурыз – береке-бірліктің, шынайы жанашырлықтың және өзара қамқорлықтың мейрамы. Мен бүгін Ұлыс күнін өздеріңізбен бірге қарсы алу үшін Алматыға арнайы келіп отырмын. Алматы – Тәуелсіздігіміздің алтын бесігі. Халқымызға қайта оралған Ұлыс тойын мерекелеу осы қастерлі мекеннен басталды. Алматы – қазақ елінің рухани, мәдени және іскерлік орталығы. Зиялы қауымның, өнер, білім, ғылым, бизнес саласының өкілдері осында шоғырланған», – деді Президент.
</blockquote>
Мемлекет басшысы Қазақстан халқын алдағы ауқымды міндеттерді бірлесе іске асыруға шақырды.
<blockquote>
 «Бір ел, бір халық болып, жаңа Қазақстанды бірге құрайық. Алдымызда тұрған ауқымды міндеттер бар, көп жұмыс бар. Сондықтан бәріміз бірге бір ел болып, осы міндетті атқарайық. Құрметті жастар, бірге болайық, бірге жұмыла еңбек етейік! Тұғыры мығым, бірлігі бекем еліміз жасай берсін! Қазақстанымыз жасай берсін, мәңгі болсын! Әз Наурыз құтты болсын! Баршаңызға аманшылық тілеймін!» – деді Қасым-Жомарт Тоқаев.
</blockquote>

Қасым-Жомарт Тоқаев барша Қазақстан халқын Ұлыстың ұлы күнімен құттықтады

Kyzylorda-news.kz. 21 наурызда Қазақстанның басым бөлігінде аздаған боран, жел соғады, – деп хабарлайды&nbsp; “Қазгидромет” РМК.
Солтүстік Қазақстан облысының басым бөлігінде қар жауады деп болжанған. Облыстың солтүстігі мен батысында баяу бұрқасын болады. Оңтүстік-батыстан соғатын жел екпіні 15-20, оңтүстікте жел екпіні секундына 23-28 метрге жетеді.
Қызылорда облысының солтүстігінде тұман түседі. Солтүстік жел оңтүстік-батысқа ауысып, күндіз облыстың орталығы мен солтүстігінде секундына 15-20 метр жылдамдықпен соғады.

21 наурызға арналған ауа райы болжамы

Kyzylorda-news.kz. Сырдария өзеніндегі су тапшылығы басты мәселенің бірі. Қазіргі таңда вегетация жұмыстарына дайындық жүргізілуде.
7 наурызда 3 мемлекеттің министрлігі бас қосып, Тоқтағұл су қоймасына вегетациялық кезеңде суды көбірек беру туралы мәмілеге келген болатын. Өзбекстан, Қазақстан қосымша электр энергиясын беруге келісім берген. Бұл туралы Өңірлік коммуникациялар қызметінде өткен брифингте ҚР экология, геология және табиғи ресурстар вице-министрі Серік Қожаниязов хабарлады.
<blockquote>
 “Үкімет тарапынан ұсынастар жинақталып, әр облысқа көмек шаралары берілетін болады. Мәселен, Қызылорда облысына су тапшылығын болдырмау және жеңілдету мақсатында Үкімет резервінен 3 млрд. 600 млн теңге көлемінде қаржы бөлінеді. Оған 67 насос қондырғысы және қосымша трансформатор алу көзделуде. Жақсы жаңалық, 11 наурыздан бастап жауын-шашын мол түсуіне байланысты судың мөлшері көбейді. 12 наурыз күні секундына 567 текше метр су түссе, бүгінде 1100 текше метр су келуде. Қазіргі уақытта Шардарада 5 млрд. текше метр су бар. Қызылордаға 800 текше су келіп жатыр. Бұл табиғаттың бізге берген үлкен көмегі. Сонымен қатар, алдағы уақытта ауыл шаруашылығы мамандарына күріш көлемін азайтып егуге байланысты түсіндірме жұмыстары жүргізілетін болады”, – деді Серік Салауатұлы.
</blockquote>

Серік Қожаниязов: Қызылордаға 800 текше метр су келіп жатыр

Kyzylorda-news.kz. ҚР солтүстік жартысында, оңтүстік-батысында, оңтүстік-шығысында, шығысында циклон жырасының және, фронталды бөліктердің әсерінен жауын-шашын болады, деп хабарлайды Қазгидромет.
Еліміздің батысында, оңтүстігінде және орталығында антициклон жотасының ықпалымен күн жауын-шашынсыз болады. Қазақстан бойынша тұман түсіп, жел күшейеді, оңтүстік жартысында көктайғақ болып, солтүстік пен шығысында жаяу бұрқасын соғады.
Қызылорда облысының орталығы мен шығысында тұман түседі.

20 наурызға арналған ауа райы болжамы

Kyzylorda-news.kz. Жаңару айын жақсылыққа балаған сырбойылықтар сенбіде “Денсаулық және демалыс” саябағында көшет отырғызып, экологиялық акцияға үн қосты. Наурыз мерекесі аясында өткен шарада зиялы қауым, түрлі сала қызметкерлері мен белсенді жастар және еріктілер аллея алаңын көшетпен көмкерді.
Саябақ ішінде қызылордалықтар терек, қарағаш, үйеңкі ағаштары сынды 700 түп ағаш екті. 
Игі бастамаға қолдау білдірген облыс әкімі Гүлшара Әбдіқалықова көппен бірге көшет егіп, әрбір тұрғын тазалықты өз ауласынан бастап, қала аумағын жасыл-желекпен көмкеруге үлес қосуы тиіс екенін айтып, сырбойылықтарға жаңару айында бақ-берек тіледі. Мұнан соң аймақ басшысы аллея ішінде экоакцияға үлес қосқан жастармен пікірлесіп, ақжарма тілегін арнады.
Тазалыққа үндейтін сенбілік сәтте қызылордалықтардың басын қосқан “Бірге Таза Қазақстан” экологиялық акциясы әрі қарай жалғасын тауып, өңірді жасыл желекке айналдыру үшін түрлі деңгейдегі сенбіліктерге ұласады.
<img src="https://kyzylorda-news.kz/wp-content/uploads/2022/03/fb_img_1647675252056.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647675263849.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647675254730.jpg" alt="" />

Қызылордалықтар 700 түп ағаш екті

Kyzylorda-news.kz. Қорқыт ата атындағы Қызылорда университетінде қауымдастырылған профессор, ұстаз, ғалым Айман Айтбаеваның 60 жасқа толуына арналған «Алаш әдебиетін орта мектепте және ЖОО-да оқытудың өзекті мәселелері» атты республикалық ғылыми-әдістемелік конференциясы өтті.
Жиынға Нұр-Сұлтан, Алматы қалаларының ғалымдары, университеттің оқытушы-профессорлар, білім алушылары мен БАҚ өкілдері қатысты. Белгілі ғалымның мерейтойына орай ұйымдастырылған шарада оның еңбектері сараланып, ғылымға қосқан үлесі айтылды.
Конференция барысында Қорқыт ата атындағы Қызылорда университетінің профессоры Ұлжан Жанбершиева, филология ғылымдарының кандидаты Болат Боранбай, М.Әуезов атындағы Әдебиет және өнер институтының бас ғылыми қызметкері Гүлжаһан Орда, Қазақ ұлттық қыздар педагогикалық университетінің қауымдастырылған профессоры Гаухар Балтабаева, филология ғылымдарының кандидаты Бекзада Қожакеева, Әл-Фараби атындағы ҚазҰУ-дың доценті Райхан Имаханбет, Абай атындағы Қазақ ұлттық педагогикалық университетінің аға оқытушысы Гауһар Асқарова баяндама оқыды.
Айман Ералықызы – Қорқыт ата атындағы университетінде 1993 жылдан бастап қызмет етеді. Қазіргі таңда Қазақ тілі мен әдебиеті және журналистика кафедрасының аға оқытушысы. Саналы ғұмырында ҚР Білім беру саласында шығармашыл, тәжірибелі ұстаздық қызметі үшін «Білім беру ісіне қосқан үлесі үшін» төсбелгісімен, облыс әкімінің Алғыс хатымен, Қармақшы аудандық кәсіподақ комитетінің Құрмет грамотасымен, «Болашаққа бағдар: рухани жаңғыру» бағдарламасын жүзеге асыруға зор үлес қасқаны үшін облыстық Білім басқармасының Құрмет грамотасымен, Тәуелсіздігіміздің 30 жылдығына орай «Қызылорда біліктілікті арттыру Ұлттық орталығы» АҚ филиалы Құрмет грамотасымен марапатталды.
Әдебиеттану ғылымының өзекті мәселелері бойынша «Қазақ прозасындағы тарих романдардағы ұлттық қаһарман бейнесі», «Мәңгілік ел идеясы», «Қазақ прозасындағы антропология», «Қазіргі қазақ драматургиясының жаңалықтары жайлы» зерттеу жұмыстарының авторы. Ғалымның 140-тан аса ғылыми мақаласы, оқу-әдістемелік мазмұндағы еңбектері мен 1 монографиясы бар. Сонымен қатар, 4 ғылым магистріне жетекшілік еткен.
Айта кетейік, республикалық ғылыми-әдістемелік конференция Гуманитарлық-педагогикалық институты Кеңесінің салтанатты мәжілісіне жалғасып, «Жаралған көрмек үшін дүние сарай…» кітабының тұсаукесері өтті. Университет басшысы Бейбіткүл Кәрімова мерейтой иесіне қазақы дәстүр бойынша құрмет көрсетті. Сонымен қатар, Айман Ералықызына облыс әкімінің Құрмет грамотасы, «Ахмет Байтұрсынов» атындағы алтын медалі табысталды. Салтанатты жиын барысында сөз алған қонақтар мен ғалымның шәкірттері, әріптестері ақжарма ізгі тілегін білдіріп, естелік суретке түсті.
<img src="https://kyzylorda-news.kz/wp-content/uploads/2022/03/fb_img_1647664336778.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647664340176.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647664343143.jpg" alt="" />

«Алаш әдебиетін орта мектепте және ЖОО-да оқытудың өзекті мәселелері» атты республикалық ғылыми-әдістемелік конференциясы өтті

Kyzylorda-news.kz. Өткен аптада облыстың солтүстік аудандарын аралаған облыс әкімі Шиелідегі бірнеше елді мекен тұрғындарымен кездесті.
Аймақ басшысы алдымен Еңбекші ауылында тұратын ақсақалдар мен шаруа иелерімен тілдесті. Тұрғындар елді мекенге газ тарту, канал арналарын тазарту мәселелеріне жете мән беруді сұрады. Сондай-ақ, бірқатар шаруа қожалығының иелері пай алу жолдары, жем-шөп жеткізу, егін егу ісіне қатысты өзекті деген проблемаларын жеткізді.
Гүлшара Әбдіқалықова өңірдегі газбен қамту көрсеткіші 67 пайызға жеткенін, бұған дейін аудандағы Керделі, Шеген Қодаманов, Шиелі кенті мен Байтерек, Жаңатұрмыс, Бидайкөл, Байсың ауылдары табиғи газға қосылғанын тілге тиек етіп, кезең-кезеңімен өзге де ауылдарға баратынын айтты. Сондай-ақ, биыл Алғабас пен Ақмая ауылдарына газ жүргізу жұмыстары аяқталмақ. 
Ал, көктемгі егіс кезеңінде су тапшылығы жағдайын ескере келе Шиелі ауданына 15 насос қондырғысы алынып, 32 ұңғыма қазу ісі жүргізілетінін жеткізді.
Әрі қарай аймақ басшысы Телікөл ауылдық округіне барып, күрделі жөндеуден өтіп жатқан көпір тұсында ауыл тұрғындарымен тілдесіп, алаңдатқан сұрақтарына жауап берді. 1500-нан аса тұрғыны бар ауылда азаматтарды көпір құрылысы, жол сапасы, аяқ су мәселесі алаңдатады.
Елді мекен үстімен өтетін көпірге күрделі жөндеу жұмыстары өткен жылы басталып, жыл соңына дейін аяқталады. 2 жолақты жолдың ұзындығы 42 метрді құрайды.
Өңір басшысы жоғарыдан түсетін су деңгейіне байланысты егін жұмыстарын мерзімінде бастап, судың аз келуіне байланысты қарекетті қадамдарға бірлесіп көшу қажет екенін тілге тиек етті.
Айта кетейік, Үкімет резервінен барлығы 22 каналды тазалау, 41 ұңғыманы жөндеу және бұрғылау, 133 дана насос қондырғысын алуды жоспарланып отыр.
<img src="https://kyzylorda-news.kz/wp-content/uploads/2022/03/fb_img_1647663224830.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647663233293.jpg" alt="" />

Гүлшара Әбдіқалықова өңірдегі газбен қамту көрсеткіші 67 пайызға жеткенін айтты

Kyzylorda-news.kz. Елді-мекендерді аралау барысында аймақ басшысы Гүлшара Әбдіқалықова Шиеліде егін егу және мал басын аман сақтау мәселесіне қатысы өзекті ұсыныстарды арнайы жиында талқылады.
Жиында аудан әкімі Нариман Мақұлбеков азық-түлік қорын көбейту және өнімдердің импортын азайту мақсатында биыл күтілетін су тапшылығы салдарынанан дәнді дақылдар үлесін 2731 гектарға, картоп, көкөніс, бақша дақылдарын 310 гектарға ұлғайтуды көздеп отырғанын, тамшылатып суғару әдісімен суды үнемдеу мақсатында 
150 гектар жерді пайдалану жоспарланғанын жеткізді. Сондай-ақ, техникаларды даярлау, мал басын көбейту жұмыстарына қатысты негізгі мәселелерді ортаға салды.
Мұнан соң, сала мамандары өз баяндамалары арқылы шаруаларға егінге қажетті судың болжамды көлемі, көлдер жүйесін суландыру, егін егу жұмыстарына дайындық барысын тілге тиек етті. 
Бүгінде ауданға қарасты 48 канал болса, оның 28-і облыстың коммуналдық меншігіне қайтарылған. Аталған каналдарды тазалау жұмыстары кезең-кезеңімен жүзеге асырылады. Егінге қажетті суды үйлестіру үшін былтыр 57,6 млн.теңгеге 6 насос қондырғысы сатып алынған. Ал, биыл 15 насос қондырғысы елді мекендерді қажетті аяқ сумен қамтуға септігін тигізбек.
Жиында өңір басшысы еткен еңбек еш кетпес үшін нақты іс-шара жоспарын қабылдап, жағдайға байланысты әрекет ету керектігін айтты.
<blockquote>
 Су тапшылығы биыл да байқалады. Су көлемінің аздығына байланысты нақты әрекетке көшпесек, тыңайтқыштар мен себілген тұқым зая кетуі мүмкін. Мал азығына қажетті жоңышқа егу мәселесіне де мән берген дұрыс. Қазір аудан әкімдігі мен шаруалар тиімділік жағын бірлесіп саралауы керек. Яғни кімге мал азығы қажет, қай шаруашылық тиімді бағада азықты сата алатынын нақты жоспарын белгілеуі қажет. Ал күріш көлемін қысқарту жөнінде айдың аяғына дейін белгіленген лимитті қарап, су беру кестесін жасап алу керек. Мәселен, былтыр осы уақытта Көксарайда 2 млрд.текше метрге жуық су болды. Ал биыл ондай су көлемі жиналмау қаупі бар, – деді Гүлшара Әбдіқалықова.
</blockquote>
Жиында «Төңкеріс-К», «Бестам-елі», «Алтын дән-Шиелі» шаруа қожалығының өкілдері өз ұсыныстарын жеткізіп, көкейде жүрген сауалдарын ортаға салды.
Өз кезегінде облыс әкімі биылғы су деңгейінің төмен көлемде түскенін ескеріп, шекті мөлшердегі лимитке қарай әрекет ету, төрт-түлік малға қажетті жем шөпті уақытылы жеткізу және егіс барысында суды аз қажет ететін өнімдерге мән беру қажеттігін еске салды. Сондай-ақ, ветеринар мамандардың ауыл-ауылдарды аралап, көмек көрсету және субсидия беру мәселесінде заңдылықты түсіндіру керек екендігін ескертті.
<img src="https://kyzylorda-news.kz/wp-content/uploads/2022/03/fb_img_1647662631755.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647662634260.jpg" alt="" />

Облыс әкімі Шиелідегі шарулармен кездесті

Kyzylorda-news.kz. «Қазгидромет» болжамына сәйкес, 19 наурыз күні Қазақстанның басым бөлігі антициклон жырасының ықпалында болады. Онымен жауын-шашынсыз ауа райы күтіледі.
Елдің шығысында жауын-шашын болжанады, оңтүстік бөлігінде көбіне жаңбыр түрінде жауады. Жалпы, республика аумағында тұман, оңтүстік-шығыста желдің күшеюі, көктайғақ байқалады.

19 наурыз күнгі ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Қызылордалық оқушылар енді аспан денелерін жаңа обсерватория құрылғысы арқылы көре алады. Президент тапсырмасы аясында Балалар жылында Қызылорда қаласындағы үздік білім беру ұйымы атанған №264 мектепте жаңа обсерваториялық орталық пен балалар киностудиясы ашылды. Өткен жылы облыс әкімінің сыйақысы ретінде 34 миллион теңгенің сертификатын иеленген білім ошағын қолдау нәтижесінде балалар астрономия іліміне еніп, мектеп студиясы арқылы журналистикаға бет бұра алады.
Наурыз мерекесі қарсаңында балалардың игілігіне бағытталған заманауи кабинеттердің ашылу рәсіміне облыс әкімі Гүлшара Әбдіқалықова қатысып, дарынды және өнертапқыш оқушылармен пікірлесті.
Обсерваторияда балалар телескоп, процессор, спектроскоп, арнайы призма мен Vive pro 2 шлемі секілді құрал-жабдықтармен жұмыс істей алады. Ал, киностудия арқылы сапалы бейнеконтент түсіруге арналған заманауи жабдықтар қойылып, балалардың шығармашылық жұмыстармен еркін айналысуына жағдай жасалды. Сондай-ақ, «Bio Master» кабинеті арқылы оқушылар қолдан макет жасап, жергілікті өлкетану іліміне тереңдей түседі. 
Ал, жаңадан ашылған инклюзивті кабинетте ерекше қолдауды қажет ететін балалар ребилитациядан өтеді. Мұнда сенсорлық кабинет және емдік дене шынықтыру бөлмелері қарастырылған.
Облыс әкімі балалардың танымдық және шығармашылық бағытта жұмыс істеуіне жол ашатын кабинеттердегі құрылғылар арқылы озық идеяларды іске асырып, жаңа жобалар жасауға жол ашатынын атап өтті.
Айта кетейік, бұл оқу орны жапон елшілігінің «Шөп тамыры» бағдарламасы аясында 2 млн.теңгенің грантын иеленіп, қала маңындағы «Сабалақ», «Эдельвейс» саяжай аудандарынан қатынап оқитын оқушыларды тасымалдауға «ПАЗ» автобусы сатып алды. Ал, алдағы уақытта «Газель» автокөлігін алмақ.
<img src="https://kyzylorda-news.kz/wp-content/uploads/2022/03/276052560_264461102541808_3738063631553110381_n.jpg" alt="" />
<img src="https://kyzylorda-news.kz/wp-content/uploads/2022/03/276099243_264460932541825_3885469076931672959_n.jpg" alt="" />
<img src="https://kyzylorda-news.kz/wp-content/uploads/2022/03/276110570_264461119208473_3741019488801231502_n.jpg" alt="" />
<img src="https://kyzylorda-news.kz/wp-content/uploads/2022/03/276142023_264461219208463_6203179656763386620_n.jpg" alt="" />
<img src="https://kyzylorda-news.kz/wp-content/uploads/2022/03/276161932_264461195875132_4290472681581324507_n.jpg" alt="" />
<img src="https://kyzylorda-news.kz/wp-content/uploads/2022/03/276303193_264461275875124_5436567741617414219_n.jpg" alt="" />
<img src="https://kyzylorda-news.kz/wp-content/uploads/2022/03/275960515_264461185875133_1739475033912929424_n.jpg" alt="" />
<img src="https://kyzylorda-news.kz/wp-content/uploads/2022/03/276184115_264461299208455_1094004478961107870_n.jpg" alt="" />

Қызылордалық үздік мектепте обсерватория мен киностудия ашылды

Kyzylorda-news.kz. «AMANAT» партиясы Қызылорда облыстық филиалының активі Президент Жолдауын талқылады. Алқалы жиынға облыстық партия филиалының төрағасы, облыс әкімі Гүлшара Әбдіқалықова қатысты.
<blockquote>
 «Мемлекет басшысы, Партия Төрағасы Қасым-Жомарт Кемелұлы Тоқаев «Жаңа Қазақстан: Жаңару мен жаңғыру жолы» атты Қазақстан халқына Жолдауын арнап, ол барша елмен ерекше ыстық ықыласпен қабылдануда. Жолдауда Президент ең алдымен жыл басында орын алған қасіретті қаңтар оқиғасы мен әлемде орын алып отырған геосаяси жағдайлардың себеп салдарына тоқтала келе, елімізді онан әрі дамыту үшін негізгі 10 реформаны атап өтті.
 Өз кезегінде Жаңа Қазақстанды құру мен жаңғыру жолына бағыттайтын жаңа Жолдау партияға да айрықша жауапкершілік пен үлкен міндеттер жүктейді. Бұл тұрғыда жаңару үстіндегі «AMANAT» партиясы да Мемлекет басшысының барлық бастамаларын толық қолдайды және ұсыныстарына ұйытқы бола отырып, оларды іске асыруға белсенді қатысатын болады»,-деді филиал төрағасы Гүлшара Әбдіқалықова.
</blockquote>
Актив отырысында Жолдаудан туындайтын партия алдында тұрған міндеттер туралы айтқан «AMANAT» партиясы облыстық филиалының Атқарушы хатшысы Ләйлә Төрешова көптің көкейінде жүрген «Партия төрағасы кім болады?»,- деген сауалдың жауабына да тоқталды.
<blockquote>
 Жолдауда Мемлекет басшысы «өзінің өкілеттігін атқару кезеңінде партияға мүшелігін тоқтата тұруға міндетті екенін заң жүзінде рәсімдеуді ұсынып, бұл норма саяси бәсекелестікті арттырып, барлық партияның дамуына бірдей жағдай жасайтындығын тілге тиек етті. Бұл Мемлекет басшысының партия мүшелігін тоқтата тұруы, оның партия қатарынан мүлдем шығатынын білдірмейді. Заңнамаға тиісті өзгерістер енгізілгенге дейін Президент партия Төрағасы болып қала береді. Партия төрағасы міндетін атқарушы кім болатынын партияның жоғарғы басқару органы Съезд шешеді. Сонымен қатар әкімдердің филиалдар төрағасы қызметі де тиісті заңнамалық өзгерістерге дейін жалғасатын болады, – деп атап өтті Атқарушы хатшы.
</blockquote>
Партия ардагері Алмагүл Божанова заманауи сұраныстар мен жаңалықтарға және даму қажеттіліктеріне қашанда дайын, уақыт талабына сай жаңғыруға бет алған жетекші партия қатарына өтініш білдерген басқа да саяси партиялардың қосылуы заңдылық деп қабылдап, партияның қазіргі қоғамдағы саяси бәсекелестікте алда болатынына сенім білдірді. Сонымен қатар, Президент Жолдауындағы міндеттерді жүзеге асыруда жасотандықтарға сенім, жауапкершілік, адалдық қағидаттарын жадына тоқуды партия ардагерлері атынан аманаттады.
Сондай-ақ жиында өкілді органдар қызметін қайта құру туралы Сыбайлас жемқорлыққа қарсы іс-қимыл жөніндегі аймақтық қоғамдық кеңестің төрағасы, фракция жетекшісінің орынбасары Мақсұт Нәлібаев, рухани қазынамызды сақтау мен жаңғырту және оны болашаққа аманаттау туралы «Miras» аймақтық қоғамдық кеңестің төрағасы, Баймырза Қожамберлиев, Сайлау жүйесі мен Саяси партияларды дамыту туралы «Рухани жаңғыру» орталығы директорының орынбасары, саясаттану ғылымдарының кандидаты Сәулет Сахиев, Жолдаудан туындайтын жастар алдында тұрған міндеттер туралы Қорқыт ата атындағы Қызылорда университетінің оқытушысы, «Болашақ» бағдарламасының түлегі Бекзат Ырза пікірлерін ортаға салды.
<img src="https://kyzylorda-news.kz/wp-content/uploads/2022/03/img-20220318-wa0015.jpg" alt="" />
<img src="https://kyzylorda-news.kz/wp-content/uploads/2022/03/img-20220318-wa0012.jpg" alt="" />

Қазақстан және Қызылорда облысының жаңалықтары: Басты жаңалықтар old

Наурыз мейрамы: Қазақстан Президентінің атына құттықтау хаттар келіп түсті