<a href="https://kyzylorda-news.kz/">Kyzylorda-news.kz</a>. Циклон жырасы бұрынғысынша ҚР солтүстік өңірлеріне ықпал ететін болады, деп хабарлайды Қазгидромет.
Сондай-ақ фронтальды бөліктердің өтуімен елдің солтүстігінде, шығысында жауын шашын, солтүстігінде, шығысында қар түрінде, ал оңтүстіктің таулы аудандарында қатты жауын-шашын өтеді.
Еліміздің батысында ғана жауын-шашынсыз ауа райы күтіледі. Республика бойынша желдің күшеюі, тұман, көктайғақ, солтүстікте, шығыста бұрқасын күтіледі.
Қызылорда облысында желдің жылдамдығы 5-10 м/с. Аймақта ауа температурасы +5 +7 градусты көрсетеді.

Ауа райы: Қызылордада күн ашық

Kyzylorda-news.kz. Мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жолы» атты Қазақстан халқына Жолдауында «халық үніне құлақ асатын мемлекет» тұжырымдамасын табысты жүзеге асырып, Жаңа Қазақстанды азаматтық қоғамы қалыптасқан тиімді мемлекетке айналдыру мақсатын қойды.
Соның ішіндегі екінші бағыт «Күшті Президент – ықпалды Парламент – есеп беретін Үкімет» қағидатын басшылыққа ала отырып, стратегиялық мақсатқа жетуге мүмкіндік беретін өкілді билік тармағын қайта құру. 
Мемлекет басшысы Жолдауда елімізде өкілді билік тармағы мықты болуы қажеттігін нақты атап өтті. Бұл бастама мемлекетіміздің институционалдық тұғырын нығайтып, сөзсіз ел дамуына тың серпін бермек. 
Осы тұста азаматтардың өкілді билікке деген сенімін нығайту үшін мәслихаттарға баса мән берген жөн.
Мықты мәслихаттар – өзекті мәселелердің шешімін табуға және аймақтардағы тұрмыс сапасын жақсартуға әсер ете алады. Олардың рөлін арттырып, дербестігін қамтамасыз ету үшін ел Президенті Мәслихат төрағасы лауазымын енгізуді ұсынды.
Бұл ретте Мәслихат төрағасымен қатар халықтың сенім мандатына ие болған өңірлердің әлеуметтік-экономикалық даму ісіне белсене атсалысып келе жатқан мәслихат депутаттарына да жоғары жауапкершілік жүктеледі.
Өкілді билік тармағын өзгерту жөніндегі бұл жаңашылдықтардың бәрі ықпалды халық қалаулылары бар Жаңа Қазақстанды құруға бағытталған нақты қадам болмақ. 
Бұл өзгерістердің барлығы «AMANAT» партиясының күшімен жүзеге асырылмақ. 
«AMANAT» – бұл әділдік партиясы, халықтың пікірін, ұсынысын тыңдайтын және азаматтарымыздың мүддесі үшін әрекет ететін партия.
Осы тұста халықтың сеніміне ие болып, ел үмітін арқалап жүрген «AMANAT» партиясының депутаттарына үлкен жауапкершілік жүктелмек. 
«Халық үніне құлақ асатын мемлекет» тұжырымдамасы – ел Президенті Қасым-Жомарт Тоқаевтың Қазақстан халқына арнаған Жолдауына арқау болған бағыттардың бірі.
Халық қалаулылары тұжырымдамада айтылған негізгі мәселелер бойынша халықпен кері байланысты нығайтып, азаматтардың құқықтары мен бостандықтарын қорғау, халықтың тұрмыс сапасын жақсарту бағытында нақты шаралар қабылдауы тиіс.
Бұл тұрғыда облыстық мәслихаттағы фракция мүшелері саяси құжатта айтылған тапсырмалар мен алға қойылған міндеттерді сапалы әрі нәтижелі іске асыруға атсалысуымыз қажет. 
Қасым-Жомарт Кемелұлы Тоқаевтың Мемлекет басшысы ретіндегі қызметінің ең басты ерекшелігі – оның әр сөзі, әр қадамы және әрбір ісі арқылы халыққа жақындауға ұмтылуы.
Кешегі Жолдауында да Мемлекет басшысы барлық қойылған міндеттерді барынша қысқа мерзімде орындауды тапсырды.
Сондықтанда аймақтағы барлық партия активі, соның ішінде мәслихаттардағы фракция мүшелері алда тұрған міндеттерді іске асыру бойынша уақыт созбай қарқынды жұмыс жасауымыз керек. 
Сонда ғана Президент көздеген реформалардың жемісін Тәуелсіз еліміздің біртұтас халқы көп күттірмей көретін болады.
Мақсұт Нәлібаев, 
облыстық мәслихаттағы «AMANAT» партиясы депутаттық фракциясы жетекшісінің орынбасары

Мақсұт Нәлібаев: Азаматтардың билікке сенімін нығайту үшін мәслихаттарға баса мән берген жөн

Kyzylorda-news.kz. Ұлыстың ұлы күнінде облыс әкімі Гүлшара Әбдіқалықова мүгедектерді оңалту орталығына барып, қызмет алушыларды әз-Наурызбен құттықтап, ардагерлермен пікірлесті. Шарада мәртебелі қонақ болған ҚР Парламенті Сенатының депутаттары Мұрат Бақтиярұлы мен Ақмарал Әлназарова және Мәжіліс Төрағасының орынбасары Балайым Кесебаева және Сыр елінің бірқатар зиялы қауымы қатысты.
Аймақ басшысы алдымен мерекелік көріністерді тамашалап, орталықта қызмет алушы азаматтардың қолынан шыққан өнімдер топтамасы қойылған көрмені көріп, «Модельдік пәтер» жұмысымен танысып, орталық қызметінің тиімділігі туралы сөз қозғады.
<blockquote>
 “Тәуелсіздігіміздің төртінші он жылдығына аяқ басып жатырмыз. Наурыз мейрамы аясында өздеріңізбен жолығып, жаңару айын бірге өткізіп отырмыз. Бұл оңалту орталығы мүгедектігі бар азаматтарға түрлі деңгейде реабилитациялық көмек береді. Облыста бір жылдың өзінде әлеуметтік саладағы бағдарламаларға 19,8 млрд. теңге қаржы бөлінді. Оның ішінде, мүмкіндігі шектеулі жандарды қолдауға 3,1 млрд. теңге қаржы бағытталып отыр. Жақында ғана облыстық мүгедектер қоғамының орталығы ашылды. Бұл мүгедектігі бар жандар үшін қоғамда кедергісіз орта қалыптастыруға, құқықтарының қорғалуына, бос уақыттарының тиімді пайдалануға мүмкіндік беретініне сенімім мол. Келіп жеткен Наурыз әр отбасына құт болып енсін, ырыс-несібеміз мол болсын, шаңырақтарды шаттыққа кенелтіп, қуанышқа толтырсын деп тілеймін! Ұлыстың ұлы күнінде игі тілектеріңіз қабыл болып, халқымыз аман, істеріңіз табысты, жеріміз тыныш, бірлігіміз берекелі болғай”, – деді Гүлшара Әбдіқалықова.
</blockquote>
Мерекелік шара барысында демеушілер есебінен салалық 5 мекемеге 500 мың теңгелік сертификат табысталды.
<img src="https://kyzylorda-news.kz/wp-content/uploads/2022/03/fb_img_1648018505516.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018508469.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018511074.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018515669.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018518440.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018520549.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018522968.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018526281.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648018531741.jpg" alt="" />

Гүлшара Әбдіқалықова оңалту орталығындағы ардагерлерді құттықтады

Kyzylorda-news.kz. 23 наурызда белсенді солтүстік-батыс циклоны Қазақстанның барлық дерлік аумағына жауын-шашын әкеледі. Оңтүстік өңірлерде қар және жаңбыр жауады деп болжанып отыр.
Республикада жел күшейіп, солтүстік пен шығыста бұрқасын соғады, оңтүстікте тұман түсіп, көктайғақ болады.

Сәрсенбіге арналған ауа райы болжамы

Kyzylorda-news.kz. Табиғат ананың бусанып, тіршілік тірілетін жаңару айын сырбойылықтар бар сән-салтанатымен қарсы алды.
Орталық алаңда қаз-қатар ақшаңқан 18 киіз үй тігіліп, ұлттық салт-дәстүрді дәріптейтін шаралар, спорт түрлерінен жарыстар ұйымдастырылып, мереке нышаны саналатын наурыз көже әзірленіп, әсерлі ән мен жыр төгілді.
Күн мен түннің теңеліп, қытымыр қыстың ызғарынан құтылып, көктемнің шуақты күндерінен үміт күттіретін Ұлыстың ұлы күнінде облыс әкімі Гүлшара Әбдіқалықова сырбойылықтарды әз-Наурыз мейрамымен құттықтап, ақжарма тілегін жеткізді.
<blockquote>
 “Күн менен түн теңеліп, тіршілік атаулы оянып, айнала мәре-сәре болатын Ұлыстың ұлы күні – жыл бастауы әз-Наурыз баршаңызға құтты болсын! Ақ боз үйлер тігіліп, дастарханымыз кеңінен жайылып, жиналған жұрт ән мен күйге бөленіп, абыр-сабыр болатын осы мерекені біраздан бері сағына күткеніміз де рас. Екі жылдан бері әлемді жаулаған пандемия індеті салдарынан Наурыз мейрамын кең ауқымда атай алмадық. Міне, биыл індеттің беті қайтып, бәріміз емен-жарқын атап өтуге мүмкіндік алдық. Мемлекет басшысы Қасым-Жомарт Кемелұлы Тоқаевтың наурыз айында Қазақстан халқына Жолдауын арнауы еліміздің жаңа тарихи кезеңі төл жаңа жылымыздан басталатынын көрсетті. Наурыз әр отбасына құт болып енсін, ырыс-несібеміз мол болсын, шаңырақтарды шаттыққа кенелтіп, қуанышқа толтырсын деп тілеймін! Ұлыс оң болсын, ақ мол болсын”, – деді Гүлшара Әбдіқалықова.
</blockquote>
Думанды шарада мәртебелі қонақ болған ҚР Парламенті Сенатының депутаттары Мұрат Бақтиярұлы мен Ақмарал Әлназарова Наурыз тойын тойлап, Сыр халқына бақ-береке тіледі.
Өңір басшысы алаңда тігілген киіз үйлерге кіріп, астан ауыз тиді.
Мерекеге жиналған тұрғындар да тағамдар мен наурыз көжеден дәм татты.
Мерекелік шара жергілік өнерпаздардың концерттік бағдарламасымен жалғасты.

Қызылордалықтар Ұлыстың ұлы күнін сән-салтанатпен қарсы алды

Kyzylorda-news.kz. Қызылорда облысының әкімі Гүлшара Әбдіқалықова сырбойылықтарды Наурыз мерекесімен құттықтады.
Қадірлі жерлестер! Жер-Ана бусанып, тіршілік атаулы жанданып, адамзат баласы қуанып қарсы алатын Ұлыстың ұлы күні – жыл бастауы әз-Наурыз баршаңызға құтты болсын!
Бұл – ойымызды таза арнаға бұрып, ізгілікке жетелейтін ауызбіршілік пен ынтымақтың, кешірім мен мейірімнің, үміт пен сенімнің, жаңару мен жаңғырудың мерекесі.
Дамудың жаңа жолына түскен тәуелсіз еліміздің бүгіні берекелі, ертеңі еңселі, келешегі кемел болсын деп тілеймін!
Ұлттық құндылықтарымызды ұлықтайтын Наурыз мейрамы тәуелсіз елімізге, туған жерімізге, әрбір отбасына бақ-береке, ырыс-құт, молшылық әкелсін! Ұлыс оң болсын, ақ мол болсын! Наурыз құтты болсын!

Аймақ басшысы сырбойылықтарды құттықтады

<a href="https://kyzylorda-news.kz/">Kyzylorda-news.kz.</a>&nbsp;ҚР Тұңғыш Президенті – Елбасы Нұрсұлтан Назарбаев қазақстандықтарды Наурыз мерекесімен&nbsp;<a href="https://elbasy.kz/kk/kazakstan-respublikasynyn-tungysh-prezidenti-elbasy-nursultan-nazarbaevtyn-nauryz-merekesimen-kuttyktauy-2222239">құттықтады</a>.
Қымбатты қазақстандықтар!
“Баршаңызды Ұлыстың ұлы күнімен шын жүректен құттықтаймын!
Сан ғасырлық тарихы бар Наурыз мейрамы бүгінде ел бірлігінің, келісім мен тұрақтылықтың жарқын символына айналып отыр.
Қазақ халқының ұлы мәдениеті мен бай салт-дәстүрінен бастау алған мереке ізгілік пен ынтымақ, татулық пен сыйластық сынды мәңгілік құндылықтардың жаршысы саналады.
Бүгінгі таңда әлемнің әр түкпірінде болып жатқан оқиғалар бұл мейрамның маңыздылығын одан әрі арттыра түскені сөзсіз. Ол бізге қоғамдағы келісімнің, көпұлтты еліміздегі тыныштық пен мамыражай өмірдің қадірін түсінуге көмектеседі.
Тіршілікті түлеткен көктем мерекесі жанымызды жадыратып, Отанымыздың игілігі жолында жаңа жетістіктерге жету үшін бойымызға күш-қуат пен сарқылмас жігер береді.
Ұлыстың ұлы күнінде баршаңызға мықты денсаулық, бақ-береке тілеймін! Әз-Наурыз шаңырақтарыңызға ырыс пен молшылық әкелсін”, – деп жазады Нұрсұлтан Назарбаев.

Нұрсұлтан Назарбаев қазақстандықтарды Наурыз мерекесімен құттықтады

<a href="https://kyzylorda-news.kz/">Kyzylorda-news.kz.</a>&nbsp;22 наурызда атмосфералық фронталды бөліктердің өтуіне байланысты Қазақстанның басым бөлігінде күн құбылмалы болады, деп хабарлайды Қазгидромет.
Еліміздің батысында, солтүстігінде, шығыс аймақтарында қар жауып, жаяу бұрқасын болады, оңтүстік жартысында жауын-шашын қар және жаңбыр жауады.
Қазақстан бойынша тұман түсіп, жел күшейеді, оңтүстікте, оңтүстік-шығыста көктайғақ болып, солтүстікте, батыста және шығыста жаяу бұрқасын соғады.
Қызылорда облысының солтүстігінде көктайғақ болып, облыстың солтүстігінде, орталығында жел 15-20 м/с-қа дейін күшеюі мүмкін.

22 наурызға арналған ауа райы болжамы

Kyzylorda-news.kz. Наурыз думан аясында бүгін А.Тоқмағамбетов атындағы мәдениет үйінде «Атадан балаға мұра» атты облыстық қолөнер байқауының көрмесі ұйымдастырылып, шеберлердің өнімдері көптің назарына ұсынылды.
Облыс әкімі Гүлшара Әбдіқалықова жас қолөнершілердің қолынан шыққан бұйымдарды көріп, жергілікті ісмерлердің туындыларын жоғары бағалады.
Қолөнершілер бисерден тоқылған, оюлы кестемен өрнектелген туындылар мен ұлттық аспаптар, ағаш бұйымдарының бірнеше түрін әзірлеген. Мектеп оқушылары түрлі стильдегі бейнелер негізінде әр өнімге ұлттық нақыш беруді мақсат тұтқан.
Байқауға 60-тан астам шебер қатысып, 21 қолөнерші үздік деп танылды. Бас жүлде “Бегім ай” өнер орталығындағы қолөнер үйірмесінің оқушысы Толысбай Нұрайға бұйырды.
<img src="https://kyzylorda-news.kz/wp-content/uploads/2022/03/fb_img_1647861969476.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647861965908.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647861960796.jpg" alt="" />

Қызылордалық оқушылардың қолөнер бұйымдары арнайы көрмеге қойылды

Kyzylorda-news.kz. Балалар жылына тарту ретінде Сыр төрінде республикалық оқушылар айтысы ұйымдастырылды. «Көктем нұры» атауымен айшықталған дода әз-Наурыз мерекесінің ажарын ашты.
Айтысқа еліміздің 5 өңірі мен Қызылорда қаласы және Сырдария, Шиелі аудандарынан келген 10 айтысқер бақ сынады. Айтысқа сусап келген тұрғандар сөзден қамшы өрген арқалы жас ақындардың өнеріне тәнті болды.
Облыс әкімі Гүлшара Әбдіқалықова айтыстың алқасын қыздырып, сөз додасына түскен жас ақындарды қолдап, Балалар жылы аясында оқушылар арасындағы айтыстың Қызылордада басталуының өзіндік мәнін атап өтіп, өңірде айтыстың орнына тоқталды.
<blockquote>
 Ойлы сөзді айта білген айтыс ақындарын халық қашан да құрмет тұтқан. Облыста айтыс дәстүрлі түрде үздіксіз өтіп келеді. 
 Сыр елі өзінің әрідегі Нартай, Манап, кешегі Маханбетқали, Замаддин, берідегі Серік, Елена, Әбілқайыр, бүгінгі Мұхтар, Нұрмат, Мейірбектей аймақ айтысын асқақтатып жүрген ақындарымен мақтанады. Соның ішінде айтыстың Ақтаңгері Мұхтар Ниязовтың үш мәрте «Алтын домбыра» иегері атанып, мәңгілікке сыйға тартуы – ұлттық өнеріміздің Сыр еліндегі мәртебесінің көрсеткіші секілді. 
 Бүгін, міне, ұрпақтар сабақтастығының белгісіндей республикамыздың түкпір-түкпірінен дарынды, ойы зерек, темірқанат жас түлек ақындарымыз Сыр өңіріне жиналып отыр,-деді Гүлшара Әбдіқалықова.
</blockquote>
Сөздің құны жоғары қойған жас ақындардың сөз додасына белгілі айтыскер ақын, мемлекеттік «Дарын» сыйлығының иегері Бекарыс Шойбеков, үш дүркін «Алтын домбыра» иегері, Сыр сүлейі Мұхтар Ниязов және белгілі жыршы-термеші, халықаралық конкурстарының лауреаты, халықаралық ақын-жыраулар Одағының мүшесі Амандық Бүрлібаев төрелік етті.
Байқау қорытындысымен халық ақыны Манап Көкенов атындағы бас жүлде мен ақшалай сыйлық қызылордалық Мейіржан Қартбайға табысталды.
І орын алған маңғыстаулық Ерсұлтан Аушановқа, ІІ орын шиелілік Әмірхан Эльдарға бұйырды. Сондай-ақ, Тараз қаласының тумасы Алихан Яшар мен ақтөбелік Нұрадин Арай ІІІ орынды өзара бөлісті.
Мұнан бөлек, арнайы номинация жеңімпаздарына 100 мың теңгеден 5 жүлде табысталды.
<img src="https://kyzylorda-news.kz/wp-content/uploads/2022/03/fb_img_1647855535210.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647855537881.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647855542157.jpg" alt="" />

Сыр елінде республикалық оқушылар айтысы өтті

Kyzylorda-news.kz. Бар игілік балаларға! Президент бекіткен Балалар жылы аясында Сыр елінде түрлі деңгейде іс-шаралар бастау алды. Өткен аптада оқушылар үшін заманауи обсерватория мен киностудияның лентасы қиылса, бүгін аймақ бүлдіршіндеріне арнап “Еркетай” балалар алаңы ашылды.
Әз-Наурыз мерекесі сәтінде облыс әкімі Гүлшара Әбдіқалықова балалардың интеллектуалды дамуына арналған орталық Ә.Тәжібаев атындағы облыстық әмбебап ғылыми кітапханасына барып, «Балалар кітап әлемінде» атты танымдық іс-шараға қатысты.
Өңір басшысы аймақтың бас кітапханасында бүлдіршін оқырмандардың көркем әдебиетті қызығып оқып, көңілді уақыт өткізу үшін жасалған көрме бұрыштары мен арнайы кабинеттерді көріп, зейіні ерек балалармен тілдесті.
Кітапхана қорындағы балалар әдебиеті жас ерекшелігіне қарай бірнеше залға қойылған. Мәселен, «Балдырғандар» залында мектепке дейінгі және бастауыш сынып оқушыларына арналған танымдық энциклопедиялар, трансформер кітаптары, әлем елдерінің ертегілер жинақтары бар. Мұнан бөлек, «Кітаппен бірге өсеміз», «Әжемнің ертегілері», «Ертегілер елінде» жобалары аясында алынған туындылар да беріледі. Аймақ басшысы «Балдырғандар» залында бүлдіршіндермен әңгімелесіп, олардың кітап оқуға деген ынтасы туралы ой өрбітіп, зерделі оқушыларға «Наурыз қалта» сыйлықтарын таратты.
«Балалар әдебиеті» залында 8-14 жастағы оқырмандарға мектеп бағдарламасын игеруге көмектесетін анықтамалық және оқу-әдістемелік әдебиеттер қарастырылған. Сондай-ақ, бөлім жанындағы «Алақай» қуыршақ театры мен «Ісмер» үйірмесі қызмет көрсетуде. Оқу бөлімінің жұмысымен танысқан облыс әкімі қызметкерлеріне сәттілік тілеп, кітапхана директорына балалар кітаптарының топтамасын сыйға тартты. 
Сондай-ақ, Балалар жылы аясында кітапханада түрлі-түсті әсемдеп безендірілген «Еркетай» ойын алаңы ашылды. Мұнда балалар еркін демалып, кітап оқып, үстел футболын ойнап, шахматпен ой сергітіп, түрлі пазлдарды құрастырып, ми тынықтыра алады.
<img src="https://kyzylorda-news.kz/wp-content/uploads/2022/03/fb_img_1647854391547.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647854383607.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647854396352.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647854388528.jpg" alt="" />

Балалар жылы: Қызылордада &#8220;Еркетай&#8221; балалар алаңы ашылды

Kyzylorda-news.kz. Ұлыстың ұлы күні – Наурыз мерекесі жақындап келе жатыр. Осыған орай Наурыз мәзірінде болуы қажет басты тағамның бірі наурыз көже екені белгілі. Нутрициолог Меруерт Шахабаева диеталық ұлттық тағамдардың, соның ішінде наурыз көженің құрамына не қосылатынын айтып берді, деп хабарлайды <a href="https://kaz.tengrinews.kz/">Tengrinews.kz</a>.
Нутрициолог “диеталық наурыз көже бар ма?” деп таңғалатындарға жауап берді.
<blockquote>
 “Иә, диеталық наурыз көже бар. Алда Наурыз мерекесі келе жатыр. Соған орай жеңіл түрде наурыз көже дайындауға болады. Оған&nbsp;бір шыны маш, бір шыны жүгері, бір шыны үрме бұршақ, бір шыны бидай, бір шыны бұршақ, ешкі айраны немесе үй айранын&nbsp;қосса жеткілікті. Жетіншісі – татымына қарай тұз. Жеті түрлі тамақ қосу арқылы наурыз көжеге жасалады. Айтылған жеті түрлі дәм құрамында күрделі көмірсу бар. Ол тез қарын аштырмайды. Бұл дәнді дақылдарды түнде суға салып қойған дұрыс. Себебі олардың құрамында фитин қышқылы бар. Фитин қышқылы дәнді-дақылды сыртқы ортадан қорғайды. Түнде суға салып қойып, таңертең пісірсек, фитин қышқылы жойылады. Сонымен қатар, оның ағзаға сіңімділігі де артады. Дәнді-дақылдардың сіңімділігін арттыру үшін үнемі жуып пайдалану қажет. Ешқандай қазы-қарты, құйрық майсыз да осылай наурыз көже дайындауға болады. Бұл асқазанға ауырлық түсірмейді. Таңертең жеке-жеке суға пісіріп, суыған соң айран құю керек. Міне, диеталық наурыз көженің мәзірі осындай”, – деді ол.
</blockquote>
Сонымен қатар, маман наурыз мәзіріне қандай тағамдар жататынын санамалап берді.
<blockquote>
 “Наурыз мәзіріне диеталық наурыз көже, құрт, табиғи сары май, жент жатады. Нан-бауырсақтың орнына диеталық қытырлақ нан тұтынуға болады. Диеталық қытырлақ нан ашытқысыз жасалады немесе үйден ашытқысыз нан пісіруге болады. Осы орайда жент құрамын айтып өтейін. Оған тортасынан айырылған сары май, таза бал, тары-талқан, мейіз, жаңғақ қосуға болады. Қанттың орнына таза бал қосылады. Бұл рецепт тойымды әрі пайдалы”, – деді маман.
</blockquote>
Нутрициолог ұлттық тағамдардың ағзаға пайдасын әңгімеледі.
<blockquote>
 “Ұлттық тағамдар денсаулыққа өте пайдалы. Мысалы, ешкі сүтінен жасалған йогурттың немесе ешкі айранының пайдасы зор. Әдетте ешкі сүті ана сүтіне балама ретінде қолданылады. Ешкі сүті ішектегі пайдалы бактерияны қамтамасыз етеді. Олар артса, имуннитет те жақсарады. Құрт – табиғи антисептик. Тамақ ауруымен жиі ауыратындар, тонзиллит, ангинаға шалдыққандар, тісі ауыратындарға құрт пайдалы саналады. Құрт құрамындағы тұз табиғи антисептик секілді қолданылады. Ал қазы-қарта, құйрық майды жақсы көретіндер таңертең тұтынғаны дұрыс. Түнде адамның өті де тыныштықта болады. Ұйықтаған кезде өт іркіледі. Таңертең табиғи жұмыртқа, май, қазы-қарта жесек, ұйықтап жатқан ағза тез оянады. Бұл өт ауруларының алдын алады, ми жұмысын, иммунитетті жақсартады”, – деді ол.
</blockquote>
Маман ұлттық сусындардың құрамында ақуыз мол екенін айтады. Ол қандағы иммуноглобулиннің артуына ықпал етеді.

Қазақстан және Қызылорда облысының жаңалықтары: Басты жаңалықтар old

Ауа райы: Қызылордада күн ашық

Мақсұт Нәлібаев: Азаматтардың билікке сенімін нығайту үшін мәслихаттарға баса мән берген жөн

Гүлшара Әбдіқалықова оңалту орталығындағы ардагерлерді құттықтады

Сәрсенбіге арналған ауа райы болжамы

Қызылордалықтар Ұлыстың ұлы күнін сән-салтанатпен қарсы алды

Аймақ басшысы сырбойылықтарды құттықтады

Нұрсұлтан Назарбаев қазақстандықтарды Наурыз мерекесімен құттықтады

22 наурызға арналған ауа райы болжамы

Қызылордалық оқушылардың қолөнер бұйымдары арнайы көрмеге қойылды

Сыр елінде республикалық оқушылар айтысы өтті

Балалар жылы: Қызылордада “Еркетай” балалар алаңы ашылды

Диеталық наурыз көжені қалай дайындайды?

Қазақстан және Қызылорда облысының жаңалықтары: Басты жаңалықтар old

Ауа райы: Қызылордада күн ашық

Мақсұт Нәлібаев: Азаматтардың билікке сенімін нығайту үшін мәслихаттарға баса мән берген жөн

Гүлшара Әбдіқалықова оңалту орталығындағы ардагерлерді құттықтады

Сәрсенбіге арналған ауа райы болжамы

Қызылордалықтар Ұлыстың ұлы күнін сән-салтанатпен қарсы алды

Аймақ басшысы сырбойылықтарды құттықтады

Нұрсұлтан Назарбаев қазақстандықтарды Наурыз мерекесімен құттықтады

22 наурызға арналған ауа райы болжамы

Қызылордалық оқушылардың қолөнер бұйымдары арнайы көрмеге қойылды

Сыр елінде республикалық оқушылар айтысы өтті

Балалар жылы: Қызылордада &#8220;Еркетай&#8221; балалар алаңы ашылды

Диеталық наурыз көжені қалай дайындайды?

Балалар жылы: Қызылордада “Еркетай” балалар алаңы ашылды