<a href="https://kyzylorda-news.kz/">Kyzylorda-news.kz.</a> ҚР территориясының басым бөлігінде атмосфералық фронталды бөліктердің әсерінен жаңбыр жауады, оңтүстік жартысында қатты жаңбыр болып, найзағай ойнайды, деп хабарлайды Қазгидромет.
Тек еліміздің оңтүстік-батысында, солтүстігінде, шығысында жоғары қысым алқабы әсерінен жауын-шашынсыз ауа райы күтіледі. Республика бойынша желдің күшеюі, оңтүстікте дауыл, солтүстік-батысында тұман, оңтүстік-батысында шаңды дауыл күтіледі.
Қызылорда облысының орталығында, оңтүстігінде түнде және таңертең найзағай, дауыл күтіледі, облыстың орталығында жел 15-20 м/с күшейеді.

Қызылордада найзағай ойнап, дауыл болады

<a href="https://kyzylorda-news.kz/">Kyzylorda-news.kz.</a> Қызылорда облысында 2021-2022 жылғы жылу беру маусымы жоспарға сәйкес өтті.
Қалада 6 сәуір күні жылу беру тоқтатылды. Ал бүгіннен бастап Жаңақорған ауданында, қалған аудандарда 15 сәуірде тоқтатылады. Сондай-ақ, өңірдегі 1064 әлеуметтік нысан мен 816 көпқабатты тұрғын үй жылумен қамтылды. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев хабарлады.
<blockquote>
 «ҚР Президенті Қ.Тоқаевтың «Жаңа Қазақстан жаңару мен жаңғыру жолы» атты Қазақстан халқына Жолдауында еліміздің дамуы мен ертеңгі күнге бетбұрысын айқындады. Жалпы облыста тіршілікті қамтамасыз ететін барлық коммуналдық кәсіпорындар штаттық режимде жұмыс істеді. Осы жылу беру маусымында коммуналдық-тұрмыстық қажеттілікке 33,3 мың тонна, ал тұрғындар үшін 140,4 мың тонна көмір отыны жеткізілді. Алдағы жылу беру маусымында қала және аудан әкімдіктері мен тиісті салалық басқармаларда дайындық жұмыстары жүргізіледі», – деді басқарма басшысы Ерлан Жаңабаев.
</blockquote>

Ерлан Жаңабаев: Қызылордада жылу беру маусымы тұрақты өтті

<a href="https://kyzylorda-news.kz/">Kyzylorda-news.kz.</a> Бір миллионнан астам бюджет қызметкерлері мен квазимемлекеттік сектордың өндірістік қызметкерлерінің жалақысы өседі. Бұл туралы Премьер-Министрдің орынбасары Ералы Тоғжанов айтты.
Бүгін Ералы Тоғжанов Ақордада Президентке халықтың табысын арттыру бағдарламасы жайында ақпарат берді. Сондай-ақ мемлекеттен көмек алатын ірі бизнестегі 2,8 миллион қызметкердің айлығын арттыру қарастырылған.
Ералы Тоғжановтың айтуынша, «Бақытты отбасы» жобасымен көп балалы және мүмкіндігі шектеулі балаларды тәрбиелеп отырған 20 мың әйел жұмыспен қамтылады. Ал жастарды еңбекпен қамтуға 400 айлық есептік көрсеткішке дейін гранттар беріледі.

1 миллион қазақстандықтың жалақысы артады

<a href="https://kyzylorda-news.kz/">Kyzylorda-news.kz.</a> Ауқымды антициклон ҚР территориясының басым бөлігінде жылы, жауын-шашынсыз ауа райын қалыптастыратын болады, деп хабарлады Қазгидромет.
Тек еліміздің оңтүстігі мен солтүстік-батысында атмосфералық фронталды бөліктердің әсерінен жаңбыр жауады, найзағай күтіледі. Республика бойынша желдің күшеюі, оңтүстікте – дауыл, батыста – тұмман күтіледі.
Қызылорда облысының орталығында найзағай, дауыл, орталығы мен оңтүстігінде желдің 15-20 м/с күшеюі күтіледі.

Дүйсенбі күнге арналған ауа райы болжамы

Kyzylorda-news.kz. Қызылорда облысының экс-әкімі Гүлшара Әбдіқалықованы Сыр бойының бірқатар шенеунігі құрметпен шығарып салды.
Олардың қатарында Қызылорда қаласының әкімі Ғанибек Қазантаев, облыс әкімінің орынбасарлары Қайрат Нұртай, Мархабат Жайымбетов және Балжан Шәменова бар.

Қызылорда облысының экс-әкімі Гүлшара Әбдіқалықованы құрметпен шығарып салды (ВИДЕО)

Kyzylorda-news.kz. Қызылорда қаласында&nbsp; «Шанхай» аталып кеткен тұтас ауданда 40 мыңдай адам тұрады. Облыс орталығының осы бір бөлігінде балаларға арналған ойын алаңдары жоқтың қасы. Мұндағы ата-аналарды бос уақытта асыр сап, алаңда доп қумаған жеткіншектердің денсаулығы мен келешегі алаңдатады.
Кей балалар көлік ағылған көшенің бойында ойнауға мәжбүр. Ал бұл кезде ата-анасы “жанымызды шүберекке түйіп отырамыз” дейді. Тұрғындар қала басшылығының да табалдырығын талай тоздырған. Бірақ шешілген мәселе жоқ.
Шанхай ауданының тұрғыны Әлия Әлімқұлованың 6 баласы бар. Олардың үйіне жақын жерде спорт алаңқайы жоқ. Сондықтан балалар асфальт үстінде футбол ойнайды. Қызық қуған жеткіншектер көліктің астына түсе ме деп күнде алаңдап отырамыз – дейді тұрғындар.&nbsp;
<blockquote>
 “Біз бұл мәселе туралы депутат сайлаудың алдында арызданғанбыз. Көршілерден қол жинап, бәрін апарып бергенбіз. Олар мәселе қаралады, жақында бәрі болады деп айтылған. Бірақ өздеріңіз көріп тұрғандай 3 жылдың ішінде ешқандай өзгеріс болып тұрған жоқ қой. 2-3 жыл тұрмақ, 15 жыл болды ғой осы жерде тұрып жатқанымызға, ешқандай өзгеріс жоқ”, – дейді қала тұрғыны Әлия Әлімқұлова.
</blockquote>
Тұрғындардың айтуынша, тек бұл көше маңында ғана емес, 40 мың тұрғыны бар Қызылорда қаласындағы Шанхай ауданында спорт немесе жаттығу алаңдары жоқтың қасы. Ал мына жалғыз спорт кешенін бірнеше мекеме жалға алып қойғандықтан үнемі босамайды.
<blockquote>
 “222-мектеп, 253-мектеп, 212-мектеп, енді Шанхайда мектептер баршылық. Сол мектептердің футбол алаңдары шыны керек, 15-20 жыл бұрынғы әлі жаңармаған ескі алаңдар. Сол мектептегі алаңдарға арнайы газондар төсеп, футбол алаңдарын жаңартатын болса, көптеген жастарымыз сол жерге барып, кешкі уақытта футболын ойнап, спортпен жаттығатын еді”, – дейді қала тұрғыны Жасұлан Алдабергенов.
</blockquote>
Мектеп аулаларының шаңы шығып жатыр. Оқушылар топырақ үстінде доп қуалап жүр. Бұл мәселе қашан шешімін табады&nbsp; деп қалалық білім бөліміне сауал жолдадық. Мамандар мәселе қаржыға келіп тіреліп тұр деп жауап берді.
<blockquote>
 “Аталған мектептердің жоба-сметалық құжаттары дайындалып, облыстық білім басқармасының қарауына тапсырылды. Егер алдағы сессияда қаралып, мақұлданса, балаларға арналған алаңқайлар жөнделеді деп күтілуде. Және бір айта кетерлігі, жеке кәсіпкерлер&nbsp;спорттық алаңдар, ангарлар саламыз деп ұсыныс жасаса, Қызылорда қалалық білім бөлімі бұл жерлерді бөліп беруге дайынбыз. Және ол жерге спорт алаңдары салынған жағдайда, сабақтан тыс уақытта кәсіпкер пайдалана алады бұл жерлерді”, – дейді қалалық білім бөлімінің баспасөз хатшысы Жарасхан Қуанышбайұлы.
 “Спутникпен де қарадық, басына да бардық, аралау жұмысын да жүргіздік. Сол жердегі бос жатқан жерлерге осы жылы және келер жылдардағы бөлінетін бюджетке сұраныс енгізу мақсатында. Ол бюджетке сұраныс ойын алаңдарын жүргізуге. Бір комплекте дене, ойын және балалар алаңы үшеуі қосылған. Анықталған 11 жер учаскесінің басым көпшілігі сол Шанхай бетте орналасқан, мөлтек ауданда”, – дейді қалалық дене шынықтыру және спорт бөлімінің басшысы Айбек Орманов.
</blockquote>
Қаржы қашан бөлінетіні белгісіз. Мемлекеттік жекеменшік әрістестік бағдарламасы арқылы жоба бастауға ниетті кәсіпкерлердің де әзірге қарасы көріне қоймапты. Ал балалар асыр салып ойнайтын алаң болмағасын, бұрыш-бұрышта телефон шұқып отыр. Дегенмен тұрғындар балалар жылында бұл мәселе шешемін табады деп үміттенеді.
<a href="https://24.kz/kz/zha-aly-tar/o-am/item/537995-yzylordany-shankhaj-audanynda-balalar-ala-y-zho">Хабар 24</a>

Қызылорданың Шанхайында балалар алаңы жоқ

Kyzylorda-news.kz. Атмосфералық фронталды бөліктер әлі де Қазақстан территориясың басым бөлігінде тұрақсыз ауа райын сақтайтын болады, найзағай ойнап жаңбыр жауады, оңтүстікте шаңды дауыл күтіледі, деп хабарлайды Қазгидромет.
Республика бойынша кей жерлерде желдің күшеюі күтіледі. Тек еліміздің солтүстік және шығыс аймақтарында антициклон жотасының әсерінен жауын-шашынсыз ауа райы күтіледі.
Күндіз Қызылорда облысының орталығында, солтүстігінде найзағай, дауыл, шаңды дауыл күтіледі, күндіз облыстың орталығында жел 15-20 м/с күшейеді.

10 сәуірге арналған ауа райы болжамы

Kyzylorda-news.kz. Отандасымыз Геннадий Головкин Жапонияның Сайтама қаласында өткен бокс кешінде Риота Муратаны тоғызыншы раундта нокаутқа жіберді. Орта салмақтағы IBF, IBO және WBA Super белбеулерінің иесі атанды.
Кәсіпқой бокс кешін «Qazaqstan» және «Qazsport» телеарналары тікелей эфирде көрсетті. Онлайн режимдегілер үшін qazaqstantv және qazsporttv.kz сайты мен «Qazaqstan.tv» мобильді қосымшасы арқылы да көрсетіледі.
Total Sport сайты бұған дейін Геннадий Головкин бұл кештегі жекпе-жек үшін 5 млн доллар көлемінде кепілдендірілген гонорар және оған қоса PPV-дің 70% үлесін алатынын жазды. Бұл шамамен 12-15 млн доллар.
Бұл – Головкин кәсіпқой рингтегі 42-жеңісі. Мурата спорттық мансабында 3-ші рет жеңіліс тапты.

Головкин жапониялық қарсыласын нокаутқа түсірді

Kyzylorda-news.kz. Бүгін облыс әкімінің орынбасары Қайрат Нұртай “Қайсар” футбол клубының ойыншыларымен дидарласып, Сыр жанкүйерлерінің аманатын жеткізді.
<blockquote>
 Тарихы “Волнадан” басталатын “Қайсардың” балғын балаларға үлгі боларлықтай жетістіктері жетерлік. Биыл команда жаңа мақсаттарды орындап, Сыр жанкүйерлерін қуантуы керек. Біріншіліктегі бәсекелестікке төтеп беріп, премьер-лигаға қайта оралуымыз тиіс. Ел кубогы қарсаңында “Оқжетпеске” қарсы өткен алғашқы матчқа шолу жасасақ, ойын мәнері жаман емес. Сондықтан биыл жанкүйерлермен бірге футболшылардан сапалы ойын мен жеңісті матчтар күтеміз, – деді Қайрат Ырзақұлұлы.
</blockquote>
Кездесу барысында команданың капитаны Мақсат Байжанов “Қайсардың” маусымға қаншалықты дайын екенін жеткізді.
<blockquote>
 Биыл жаңа маусымға жан-жақты дайындалдық. 3 оқу-жаттығу жиынын өткіздік. Оның екеуі Қызылордада өтсе, соңғысын Түркияда жүргіздік. Жақсы футболшылар қатарымызға қосылды. Жігіттермен бірге жоғары мақсаттарға жетуге жұмыс жасаймыз.​ Алдағы ойындарда жеңіске жетіп, аймақ басшысы бастаған жанкүйерлерімізді қуантуға әзірміз, – деді команда капитаны.
</blockquote>
Айта кетейік, дала қасқырлары 12-сәуірде OlimpBet Қазақстан кубогының ІІ кезеңі аясында Ғ.Мұратбаев атындағы орталық стадионда “Жас Сұңқар” командасын қабылдайды. Матчты тамашалау жанкүйерлер үшін тегін болмақ.

Қайрат Нұртай: &#8220;Қайсар&#8221; командасынан сапалы ойын күтеміз

Kyzylorda-news.kz. Қазгидромет 9 cәуірге арналған ауа райы болжамын жариялады.
Атмосфералық фронталды бөліктер әлі де Қазақстан территориясың басым бөлігінде құбылмалы ауа райын сақтайтын болады. Жаңбыр мен қар түріндегі жауын-шашын, күндіз оңтүстікте – қатты жаңбыр жауады, желдің күшеюі, шаңды дауыл, найзағай, дауыл күтіледі. Тек еліміздің солтүстік аударында антициклон жотасы жауын-шашынсыз, желдіз ауа райын тудырады.
Қызылорда облысының орталығында желдің 15-20 м/с күшеюі, түнде – шаңды дауыл, күндіз – дауыл күтіледі.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Ғылым саласын республикалық бюджеттен қаржыландыру соңғы екі жылда 2 есеге өсті. Былтыр 6 гранттық қаржыландыру конкурсы ұйымдастырылған. Одан бөлек облыстық бюджеттің есебінен жыл сайын археологиялық қазба жұмыстары жүргізілуде. Бұл туралы Қорқыт ата атындағы Қызылорда университетінің басқарма төрағасы ректор Бейбіткүл Кәрімова мәлімдеді.
<blockquote>
 «Былтыр Германияның DFG гуманитарлық зерттеу қоры және Тюбинген университетімен бірлескен «Ұлы Жібек жолының солтүстік аймағындағы көшпенділер мемлекетінің қалыптасуы және урбанизациялануы: Ерте орта ғасырлардағы Жанкент қаласы (Арал теңізі аймағы, Қазақстан)» атты үш жылдық жобаны қорытындыладық. Нәтижесінде екі бірдей археологымыз биыл Тюбинген университетінде докторлық диссертация қорғайды. Оқу орнымызда жас ғалымдардың ізденістеріне де қолдау қарқынды жүргізілуде. Өткен жылы университеттің жас ғалымдарына арнайы 10 млн теңгені құрайтын 4 грант тағайындалды. Биыл осы гранттар игерілген соң, жас ғалымдардың ғылыми зерттеулеріне арналған жаңа конкурс жарияланады. Сонымен қатар былтыр сегіз жас ғалым PhD докторлық диссертациясын қорғады. Студенттердің ғылыми жұмыстарына арналған түрлі деңгейдегі конкурс нәтижелері бойынша жалпы 85 студент жүлделі орынды иеленді», – деді Бейбіткүл Сәрсемханқызы.
</blockquote>

Бейбіткүл Кәрімова: Университеттің жас ғалымдарына арналған гранттар тағайындалды

Kyzylorda-news.kz. Қызылорда қаласында грек-рим, еркін және әйелдер күресінен ел чемпионаты басталды. 16 сәуірге дейін жалғасатын біріншілікке республикадан 1300-ге жуық спортшы қатысуда. Бұл туралы Өңірлік коммуникациялар қызметінде өткен брифингте Күрес федерациясының президенті Дәулет Тұрлыханов мәлімдеді.
Еркін, әйелдер және грек-рим күресінен Қазақстан Республикасының чемпионаты алғаш рет Біріккен форматта U17, U23 екі жас ерекшелік бойынша өтуде. Аталған шара ҚР Мәдениет және спорт министрлігі, облыстық дене шынықтыру және спорт басқармасы, Республикалық күрес федерациясының ұйытқы болуымен өткізілуде.
Чемпионаттың басты мақсаты Азия және әлем чемпионаттарына, халықаралық додаларға қатысу үшін ұлттық құрама командасын қалыптастыру.
<blockquote>
 “Биылғы жыл күрес спорты үшін маңызды жыл десек болады. Себебі республикалық және әлемдік деңгейдегі сайыстар саны артты. Қызылорда облысында ұйымдастырылып жатқан бұл чемпионат үлкен сайыстардың алдында жастарға үлкен мүмкіндік болмақ. Республикалық чемпионаттарды көптеп өткізу арқылы жер-жердегі таланттарды танып, оларды жоғарғы жетістіктерге жетелеуге үлкен мүмкіндік береді”,- деді Қазақстан Республикасы Күрес федерациясының президенті Дәулет Тұрлыханов.
</blockquote>

Қазақстан және Қызылорда облысының жаңалықтары: Басты жаңалықтар old

Қызылордада найзағай ойнап, дауыл болады

Ерлан Жаңабаев: Қызылордада жылу беру маусымы тұрақты өтті

1 миллион қазақстандықтың жалақысы артады

Дүйсенбі күнге арналған ауа райы болжамы

Қызылорда облысының экс-әкімі Гүлшара Әбдіқалықованы құрметпен шығарып салды (ВИДЕО)

Қызылорданың Шанхайында балалар алаңы жоқ

10 сәуірге арналған ауа райы болжамы

Головкин жапониялық қарсыласын нокаутқа түсірді

Қайрат Нұртай: “Қайсар” командасынан сапалы ойын күтеміз

Сенбіге арналған ауа райы болжамы

Бейбіткүл Кәрімова: Университеттің жас ғалымдарына арналған гранттар тағайындалды

Қызылордада күрестен ел чемпионаты өтіп жатыр

Қазақстан және Қызылорда облысының жаңалықтары: Басты жаңалықтар old

Қызылордада найзағай ойнап, дауыл болады

Ерлан Жаңабаев: Қызылордада жылу беру маусымы тұрақты өтті

1 миллион қазақстандықтың жалақысы артады

Дүйсенбі күнге арналған ауа райы болжамы

Қызылорда облысының экс-әкімі Гүлшара Әбдіқалықованы құрметпен шығарып салды (ВИДЕО)

Қызылорданың Шанхайында балалар алаңы жоқ

10 сәуірге арналған ауа райы болжамы

Головкин жапониялық қарсыласын нокаутқа түсірді

Қайрат Нұртай: &#8220;Қайсар&#8221; командасынан сапалы ойын күтеміз

Сенбіге арналған ауа райы болжамы

Бейбіткүл Кәрімова: Университеттің жас ғалымдарына арналған гранттар тағайындалды

Қызылордада күрестен ел чемпионаты өтіп жатыр

Қайрат Нұртай: “Қайсар” командасынан сапалы ойын күтеміз