<a href="https://kyzylorda-news.kz/">Kyzylorda-news.kz</a>. Бүгінде Қызылорда өңірінде жақсы жолдардың үлесі 75% құрайды. Биыл межені 82 пайызға көтеру міндеті тұр. Бұл ретте облыс әкімі Нұрлыбек Нәлібаев сала басшыларына қала, аудан көлемінде жүргізілетін жолдар құрылысының сапалы әрі нақты аяқталуын тапсырды.
Жобалардың жүзеге асыру барысын саралау үшін аймақ басшысы қаладағы Ж.Бекқожаев пен Төле би көшелеріне жүргізіліп жатқан орташа жол жөндеу жұмыстарын көріп, мамандармен пікірлесті.
Жолдардың әрқайсысының жалпы ұзындығы 2,2 шақырымды құрайды. Мердігер «Қызылорда жолдары» және «Ақнұр-авто» компаниялары жөндеу жұмыстарын тамызда аяқтамақ.
Облыс әкімі жол салу жұмыстары барысында барлық инженерлік жүйелерді есепке алу қажеттігін және мердігерлер істі тиянақты әрі сапалы аяқтауы тиіс екенін еске салды.
<blockquote>
 «Жобаларды жүзеге асыру барысында, біріншіден, қажеттігіне, екіншіден, құнына қарайтын боламыз. Биылдың өзінде Қызылорда қаласында жол жөндеуге және салуға 3 млрд. теңге бөлінсе, бюджетті нақтылау барысында осы қаржыны екі есе арттыруды көздеп отырмыз», – деді облыс әкімі. 
 Айта кетейік, өңірде биыл ұзындығы 342 шақырым жол желісін жөндеуден өткізу жоспарда бар.
</blockquote>

Облыс әкімі: Әрбір жоба тиянақты әрі  сапалы аяқталуы тиіс

Kyzylorda-news.kz. Биыл Қызылорда өңірінде жаңа құрылыс нысандары ел игілігіне беріледі. Оның ішінде қызылордалықтар үшін жаңа үлгідегі баспаналар салына бастайды. Жыл аяғына дейін СПМК-70 мөлтек ауданында 500 отбасыға арналған тұрғын үйлер табысталады.
Облыс әкімі құрылысы жүріп жатқан тұрғын үйлерді бағамдап, мердігер компания өкілдерімен кездесті. 
Құрылысы өткен жылдың қаңтар айында басталған 10 несиелік тұрғын үйдің жалпы аумағы 3 мыңнан астам шаршы метрді құрайды.
Облыс әкімі құрылыс жұмыстары сапалы әрі мерзімінде орындалуы қажет екенін баса айтып, бірқатар тапсырмалар берді. 
«Алдағы уақытта құрылысқа үлкен көңіл бөлінеді. Республикалық, облыстық бюджеттен қаражат қарап, инвесторларды тартамыз. Жақында еліміздегі үлкен компаниялардың бірі – «Orda Invest» өкілдері келіп, жаңадан биік үйлерді тұрғызу туралы ұсыныспен шықты. Жоба мақұлданып, құрылысқа жер бөлінді, қазіргі уақытта жобалау жұмыстары жүріп жатыр. Жыл аяғына дейін кем дегенде 14-15 қабатты тұрғын үй тұрғызылады. Мұнан бөлек, сол жағалау бойынан 7 қабатты жаңа үйлердің құрылысын бастаймыз.
Жалпы өңірде салынатын әрбір нысан бұдан-былай арнайы кеңесте қаралып барып, орындалады,-деді Нұрлыбек Нәлібаев. 
Айта кетейік, биыл аймақта «Нұрлы жер» мемлекеттік бағдарламасы аясында 1294 пәтерлік 31 тұрғын үй құрылысын жүргізіп, жыл аяғына дейін 1244 пәтерді құрайтын 30 тұрғын үйді пайдалануға беру жоспарланып отыр.
<img src="https://kyzylorda-news.kz/wp-content/uploads/2022/05/fb_img_1653635245738.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653635249392.jpg" alt="" />

Қызылордада 7 және 15 қабатты тұрғын үйлер салынады

<a href="https://kyzylorda-news.kz/">Kyzylorda-news.kz</a>.&nbsp; ҚР Мемлекеттік хатшысы Ерлан Қарин бір мандатты сайлау оркугтерінің не үшін енгізілетінін түсіндірді, деп хабарлайды ҚазАқпарат.
<blockquote>
 «Бір мандатты сайлау округтері енгізіледі. Яғни, саяси партиялармен қатар Мәжіліске және облыстық мәслихаттарға партияға мүше емес депутаттар сайлана алады. Ал қалалық және аудандық мәслихат депутаттарын түгелдей бірмандаттық округтер арқылы сайлау жоспарланып отыр. Бұл өзгеріс сайлаушыларға не береді? Біріншіден, қазір азаматтардың көбі мәслихаттағы өз депутаттарын танымайды. Өйткені олар партиялық тізім бойынша сайланады. Енді азаматтар сайлауда өзі қалаған партияға ғана емес, нақты кандидатқа дауыс бере алады. Тіпті өз кандидатын да ұсына алады. Сол арқылы депутаттардың сайлаушылар алдындағы жеке жауапкершілігі артады», – деді Ерлан Қарин&nbsp;<a href="https://youtu.be/aFWfyWlWSRs">Youtube</a>&nbsp;арнасында жарияланған референдум туралы роликте.
</blockquote>
Оның пайымынша, бір мандаттан сайланған депутаттар өз сайлаушыларын толғандыратын мәселелерді шешу үшін барын салуға мәжбүр болады.
<blockquote>
 «Мұндай мәселелер көп. Атап айтқанда, жол жөндеу, таза сумен қамтамасыз ету, жаңа мектеп немесе аурухана салу, жастарды жұмыспен қамту сияқты түйткілдер жиі көтерілетіні жасырын емес. Оның бәрі барынша шұғыл және сапалы шешіледі. Сондай-ақ сайлаушыларға бір мандатты округ бойынша сайланған депутаттарды кері қайтару құқығы беріледі. Бұл – жаңа механизм. Егер депутат сайлаушыларының сенімін ақтамаса, жұмысын тиімді атқармаса, оның өкілеттік мерізімі аяқталуын күтпестен, лауазымнан босатуға болады. Осылайша Мәжілістің де, мәслихаттардың да депутаттары өз сайлаушыларының, яғни, сіздердің алдарыңызда тікелей жауапты болады», – деді Мемлекеттік хатшы.
</blockquote>
Оның айтуынша, Конституциялық Кеңестің орнына құрылатын Конституциялық сот қабылдаған шешімге&nbsp;<a href="https://www.inform.kz/kz/zhanadan-kurylatyn-konstituciyalyk-sotka-kukygy-buzylgan-kez-kelgen-azamat-zhugine-alady_a3937810">ешкім шағым келтіре алмайтын</a>&nbsp;болады.

Ерлан Қарин: Депутат сайлаушыларының сенімін ақтамаса, оны лауазымынан босатуға болады

«<a href="https://www.kazhydromet.kz/weather/prognoz-vazhneyshih-meteorologicheskih-yavleniy">Қазгидромет</a>» РМК-сы мамырдың 27-сі күнгі күн райы болжамын жариялады.
Қазақстан аумағынан фронталды бөліктердің өтуіне байланысты күн райы құбылмалы болады, жаңбыр жауып, таулы аймақтарда нөсерлетеді, найзағай ойнап, жел күшейеді, бұршақ жаууы ықтимал. Еліміздің оңтүстігінде – шаңды дауыл тұрады.
Қызылорда облысының орталығында, шығысында жел секундына 15-20 метрге дейін күшейеді, күндіз облыс орталығында шаңды дауыл соғады.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев Қырғызстанға ресми сапары аясында Садыр Жапаровпен бірге «Жаһандық өзгерістер дәуіріндегі еуразиялық экономикалық интеграция. Инвестициялық белсенділіктің жаңа мүмкіндіктері» атты тақырыпта өткен Еуразиялық экономикалық форумның пленарлық отырысына онлайн-форматта қатысты, деп хабарлайды Ақорда.
Қазақстан мен Қырғызстан көшбасшыларымен қатар жиынға Арменияның Премьер-министрі Никол Пашинян, Ресей Президенті Владимир Путин, сондай-ақ Беларусь Премьер-министрі Александр Головченко мен Еуразиялық экономикалық комиссия алқасының төрағасы Михаил Мясникович бейнебайланыс режимінде қатысты. Бұл іс-шараны Ресей өнеркәсіпшілері мен кәсіпкерлері одағының президенті Александр Шохин жүргізді.
Іс-шараға қатысушылар интеграцияны одан әрі дамытудың, Еуразиялық экономикалық одақ аясында энергетика, өнеркәсіп, көлік, қаржы және цифрландыру салаларындағы ынтымақтастықты нығайтудың перспективаларына қатысты ой-пікірлерін ортаға салды.&nbsp;
Қасым-Жомарт Тоқаев өз сөзін ЕЭО кеңістігіндегі өзара сауда-саттықты арттырудың перспективаларына және Еуразиялық экономикалық комиссияның жұмысын жетілдіруге арнады. &nbsp;
<img src="https://akorda.kz/public/assets/media/uploadMedia/1653566279_KZ3_5898.jpg" alt="" />
Мемлекет басшысы Еуразиялық экономикалық одақтың интеграциялық бірігу үдерісіне қатысушы мемлекеттер арасындағы еркін сауданы дамыту мақсатында тиісті жағдай жасау үшін құрылғанын айтты.
<blockquote>
 – Еуразиялық экономикалық одақ күрделі геосаяси жағдайда өзінің тиімділігін көрсетті. Біз мұны көріп отырмыз. Еуропалық одақтағы және басқа да экономикалық ұйымдардағы сияқты бұл Одақта түрлі мәселелер туындап отыратынына таң қалуға болмайды. Әрбір мемлекет ұлттық мүддесін өздігінше көздейді. Әрбір мемлекет туындаған мәселені өздері дұрыс деп санаған пікірі бойынша шешілгенін қалайды. Бұл әрбір халықаралық, әсіресе саудамен айналысатын ұйымдарға тән жағдай, – деді Қазақстан Президенті.
</blockquote>
<img src="https://akorda.kz/public/assets/media/uploadMedia/1653566307_DSC_3290.jpg" alt="" />
Сонымен қатар Қасым-Жомарт Тоқаев Еуразиялық экономикалық комиссияның қызметі жөнінде де айтты. Оның пікірінше, Комиссия табысты жұмыс істеп жатыр.
<blockquote>
 – Бүгінге дейін Еуразиялық экономикалық комиссия аясында өткізілген консультациялар нәтижесінде кедергілердің 80 пайызы жойылды. Бұл күрделі жұмыс жалғасын табады деп үміттенеміз. Интеграция – көп еңбек сіңіруді және мүше мемлекеттер арасында ымыраға келуді қажет ететін үдеріс. Қазақстан Еуразиялық экономикалық комиссияның нақты нәтижеге жай сөзбен емес, нақты іспен қол жеткізгенін қолдайды. Кез келген мәселені іскерлікпен шешкен жөн. Себебі халықтарымыз бұл мәселелердің ұзақ созылғанын күтпейді, қазір шешілгенін қалайды. Олар мәселені шешудің дұрыс жолы осы деп санайды, – деді Мемлекет басшысы.
</blockquote>
Қасым-Жомарт Тоқаевтың айтуынша, Қазақстан еуразиялық интеграцияның іскерлік әрі прагматикалық негізде дамығанын жақтайды.&nbsp;
<img src="https://akorda.kz/public/assets/media/uploadMedia/1653566378_KZ3_5860.jpg" alt="" />

Қазақстан Президенті Еуразиялық экономикалық форумға қатысты

<a href="https://kyzylorda-news.kz/">Kyzylorda-news.kz</a>. Бүгін шаһар басшысы Асылбек Шаменов қала тұрғындарымен кездесті. А.Тоқмағамбетов атындағы мәдениет үйінде өткен жиынға келген халыққа өткен жылы атқарылған жұмыстар арнайы әзірленген бейнеролик арқылы таныстырылды.
Былтыр қала көлемінде ауқымды шаруалар атқарылды. Барлық салада ілгерілеушілік бар, оны экономикалық көрсеткіштердің өсімінен байқауға болады. Әлеуметтің әлеуеті де айтарлықтай артып, тұрмыс-тіршілік түзеле бастады.
Дегенмен, қала халқын пәтер кезегі мен жолаушылар тасымалы, газ тарту және шет аймақтағы жолдардың жай-күйі алаңдатады. Сұрақ-жауап форматындағы кездесуде әңгіме барысы осы бағытта өрбіді.
Биыл қалада жол құрылысы қарқын алды. Ең қажетті аумақтардағы жолдарды жөндеу жұмыстары басталып, тұрғындар сұранысына орай кей көшелерге жоба-сметалық құжаттар әзірленді. Бұл құжаттар мемлекеттік сараптамаға ұсынылды. Оң қорытындысы алынса, бюджеттік өтінім сұралады. Қаражаты мақұлданса, тағы бірнеше көше жаңарады.
Облыс әкімінің тікелей қолдауымен үлкен сыйымдылықтағы жаңа 150 дана автобус алынатын болды. Бұл маршрутты автобустардың жүру ара қашықтығын, жиілігін және жүру кестесін реттеуге септігін тигізеді. Осылайша қоғамдық көлік қатынасы жақсарады.
Қала халқын көгілдір отынмен қамтуда маңызды шаралар қолға алынды. Газға қосылмаған кейбір ауылдарға да қажетті құжаттар рәсімделіп, тиісті министрлікке ұсынылды. Бұл мәселе де жақын жуықта оң шешімін табады деп күтілуде.
Облыс орталығы қарқынды құрылыс алаңына айналғаны белгілі. Жүздеген көпқабатты тұрғын үй салынды. Олар пайдалануға беріліп, мыңдаған отбасы баспана бақытына кенелді. Әлі де жоспарланған құрылыс жұмыстары жалғасуда. Пәтер кезегінде тұрғандардың жайлы пәтерге қол жеткізер күні алыс емес.
Бұл кездесуде өзекті мәселелер бүкпесіз ашық айтылды. Барлық ұсыныс хаттамаға енгізілді. 
Жүздесуден кейін шаһар басшысы тұрғындарды жеке мәселелері бойынша қабылдады. Қабылдауға келгендердің талап-тілектері тыңдалып, оларға нақты жауаптар берілді.
<img src="https://kyzylorda-news.kz/wp-content/uploads/2022/05/283494653_3098369107096493_3559066441569305999_n.jpg" alt="" />
<img src="https://kyzylorda-news.kz/wp-content/uploads/2022/05/283185939_3098368953763175_1689005911236020895_n.jpg" alt="" />
<img src="https://kyzylorda-news.kz/wp-content/uploads/2022/05/283420564_3098369083763162_5053172505440640003_n.jpg" alt="" />

Асылбек Шаменов қала тұрғындарымен кездесті

<a href="https://kyzylorda-news.kz/">Kyzylorda-news.kz</a>.&nbsp; Республикалық референдумға шығарылған Коституцияға енгізілетін толықтырулар мен түзетулерді талқылау бойынша «AMANAT» партиясы облыстық филиалы жанындағы «TALQYLAU» қоғамдық диалог алаңының отырысы өтті.
Алаң жұмысы спикерлердің жеке сөз сөйлеуі, барлық қатысушылардың қатысуымен жалпы пікірталас, спикерлердің сөзін түйіндейтін сұрақ-жауаптар форматында өткізілді. 
Шараны партияның облыстық филиалының Атқарушы хатшысы, партия филиалы жанындағы қоғамдық штаб төрағасы Ләйлә Төрешова жүргізіп, күн тәртібіндегі маңызды мәселеге шолу жасады.
Халықтың маңызды мәселелерін шешуді іздеуде мемлекеттік органдардың, саяси партиялардың және азаматтық қоғамның өкілдері арасында сындарлы диалог құру, тұжырымдамаларға, бағдарламаларға, бастамаларға қоғамдық сараптама жүргізу, республикалық және жергілікті деңгейлерде қабылданатын шешімдерді жария түрде ортаға салу үшін жағдайлар жасауды мақсат еткен жиында алдағы өтетін саяси науқанның салмағы сараланды.
Референдум – қоғам арасында қызу талқыланып, қолдау тауып отыр. Конституцияны бүкілхалықтық дауыс беру арқылы өзгерту халықтың еркін білдіруінің айқын көрінісі болатындығын, соңғы Жолдауда Президент тың саяси реформаларды жариялап, билік институттары арасындағы конституциялық құрылымды жетілдіруге мүдделі екенін танытты. Өзгеріс аз емес, соның бірі – Қазақстан суперпрезиденттік басқару формасынан қуатты Парламенті бар президенттік республикаға ауысады. Яғни Президенттің бірқатар өкілетіктері Парламентке өтетіндігі, осынша өзгеріс елде демкоратиялық процестерді жетілдіріп, биліктің көзі – халық деген принципті жүзеге асырады. Яғни, қоғам өз өкілдері арқылы маңызды шешімдерге араласады. Осыншалық ауқымды реформаларды заңмен бекіту үшін бізге референдум қажет. Себебі бұл тек Президент не Парламент шешетін мәселе емес, бұл – бүкілхалықтық деңгейдегі міндет екендігін атап өтті өз сөзінде партия филиалының Атқарушы хатшысы Л.Төрешова.
Мұнан бөлек диалог алаңына қатысқан ҮЕҰ өкілдері, журналистер, ғалымдар, облыстық, қалалық штабтың мүшелері және партия белсенділері де қатысып, өз пікірлерін партия алаңында ортаға салды.
Сондай-ақ, диалог алаңында спикерлер Мақсұт Нәлібаев, Сәрсенкүл Биқожа, Мұрат Насимов пен Сәулет Сахиев референдум арқылы мемлекет пен қоғамның өзара іс-қимылының жаңа моделіне көшу жүзеге асырылатындығы туралы кеңінен пікірлерін білдіріп, елге оң өзгеріс әкелуге септігін тигізетін түзетулер үшін дауыс беруге шақырды.
Алаң жұмысына қатысушылар өз ойларын ортаға салып, жаңа өзгерістерге өз дауыстарын беруге ынталы екендіктерін білдірді.

«TALQYLAU» диалог алаңында референдум маңыздылығы талқыланды

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев пен Садыр Жапаров шағын форматта өткен кездесуден кейін екі мемлекеттің ресми делегацияларының қатысуымен кеңейтілген құрамда келіссөз жүргізді, деп хабарлайды Ақорда.
Қасым-Жомарт Тоқаев қырғыз делегациясына ілтипат білдіріп, Садыр Жапаровтың екіжақты қатынастарды жаңа деңгейге көтеру жөніндегі бастамасын&nbsp; қолдайтынын айтты.
<blockquote>
 – Тәуелсіздік кезеңінен бері қазақ-қырғыз ынтымақтастығы барлық салада қарқынды дамып келеді. Осы байланысымыз стартегиялық серіктестік және одақтастық рухында нығая түсуде. Бұған қос халыққа ортақ құндылықтардың арқасында қол жеткіздік, – деді Мемлекетіміздің басшысы.&nbsp;
</blockquote>
<img src="https://akorda.kz/public/assets/media/uploadMedia/1653550163_DSC_2353.jpg_2.jpg" alt="" />
Қазақстан Президенті шағын форматта өткен келіссөздердің нәтижесіне көңілі толатынын атап өтіп, Қырғызстан Президентінің елімізбен арадағы көпжақты серіктестікті тереңдетуге деген ниетін жоғары бағалады.
<blockquote>
 – Мен өз тарапымнан Қазақстанның қазақ-қырғыз қатынастарын достық, тату көршілік және шынайы одақтастық рухында жан-жақты нығайтудың стратегиялық бағытына берік екенін атап өткім келеді, – деді Қасым-Жомарт Тоқаев.
</blockquote>
Қасым-Жомарт Тоқаев мемлекетаралық қатынастардың қарқынды дамып келе жатқанын айта келе, жоғары деңгейдегі өзара сенімді және белсенді саяси диалогқа, екі ел үкіметтерінің үйлесімді жұмысына тоқталды.
<img src="https://akorda.kz/public/assets/media/uploadMedia/1653550259_DOS_9582.jpg_2.jpg" alt="" />
Қасым-Жомарт Тоқаев қырғыз көшбасшысының Қазақстанға жасаған мемлекеттік сапарының қорытындысы бойынша қол жеткізілген уағдаластықтардың табысты жүзеге асырылып жатқанын айтты. Атап айтқанда, екі ел үкіметтері арасындағы байланыстардың жандануы, жаңғырған «Қордай – Ақ жол» өткізу бекетінің ашылуы, тұрақты гуманитарлық көмек көрсету және&nbsp; электр энергиясымен алмасу жөнінде сөз болды.
Сонымен қатар Мемлекет басшысы әлемдік экономиканың құбылмалы жағдайындағы ықпалдастықтың жаңа формаларына назар аударды.
Қазақстан Президенті өзара экспорттық номенклатураны кеңейту, қазақ-қырғыз шекарасындағы өткізу мүмкіндігін, соның ішінде кедендік рәсімдерге цифрлық шешімдерді енгізе отырып жақсарту арқылы тауар айналымын ұлғайту мәселелеріне тоқталды.
Бұдан бөлек Қасым-Жомарт Тоқаев облыстар мен өңірлер арасындағы кең ауқымды ықпалдастықты жолға қоюдың маңызды екенін атап өтті. Осы ретте, Президент Қазақстан мен Қырғызстан арасында бірінші Өңіраралық ынтымақтастық форумын тез арада ұйымдастырудың маңызды екенін айтты.
<img src="https://akorda.kz/public/assets/media/uploadMedia/1653550316_DSC_2436.jpg_2.jpg" alt="" />
Мемлекет басшысы өзара тиімді ұсыныстарды зерделеп және перспективті жобалардың тізімін жасай отырып, инвестициялық ынтымақтастықты жандандыруға шақырды. Қырғызстанда гидроэнергетикалық нысанды, атап айтқанда Қамбар ата ГЭС-ін бірлесіп салу соның бірі болуы мүмкін.
Келіссөздер барысында су дипломатиясы, ақпараттық технология саласындағы кооперацияны нығайту мәселелері қарастырылды.
Мәдени-гуманитарлық байланыстар бауырлас екі халықтың жақындай түсуіне маңызды үлес қосады. Мемлекет басшысы Бішкек қаласының орталығында қазақтың ұлы ақыны Абай Құнанбайұлының ескерткішін ашу жөніндегі шешімі үшін Садыр Жапаровқа алғыс білдірді. Екі ел президенттері бүгінгі келіссөздерден кейін осы монументтің салтанатты ашылу рәсіміне барады. Қасым-Жомарт Тоқаев өз кезегінде Нұр-Сұлтан қаласында Манасқа ескерткіш қойылатынын айтты.
Қасым-Жомарт Тоқаев Қазақстанның сегіз жоғары оқу орны Қырғызстанда өкілдіктерін ашуға ниет білдіріп отырғанын атап өтіп, қырғыз студенттері үшін бөлінетін квоталардың саны 50-ге дейін көбейгенін жеткізді.
<img src="https://akorda.kz/public/assets/media/uploadMedia/1653550389_KZ1_9013.jpg_2.jpg" alt="" />
Қырғызстан Президенті өз кезегінде екіжақты қатынастардың қарқынды дамып келе жатқанын айтты.
<blockquote>
 – Мемлекеттеріміз арасында ешқандай саяси қайшылық жоқ. Ең бастысы – осы. Қырғызстан мен Қазақстан күш біріктіре отырып, екіжақты байланыстарды одан әрі нығайтуды, сондай-ақ аймақтық тұрақтылық пен қауіпсіздікті нығайту үшін өңіраралық және халықаралық құрылымдар аясындағы конструктивті ықпалдастықты қамтамасыз ететіні жөнінде айқын түсінік бар, – деді Қырғызстан Президенті.
</blockquote>
<img src="https://akorda.kz/public/assets/media/uploadMedia/1653550646_KZ1_8970.jpg_2.jpg" alt="" />
Кездесу аясында Қазақстан мен Қырғызстан көшбасшыларына «Қарасу» және «Ақ-Тілек» өткізу бекеттерінің аумағында «Алатау» индустриялды сауда-логистикалық кешені құрылысының басталғаны туралы бейнесюжет көрсетілді. Бұл нысанның салынуы арадағы делдалдардың санын азайтуға, тұтынушылар үшін өнімнің өзіндік құнын төмендетуге және жеткізу жылдамдығын арттыруға мүмкіндік береді.
Келіссөздер қорытындысы бойынша Қасым-Жомарт Тоқаев пен Садыр Жапаров екіжақты ынтымақтастықты мейлінше жаңа деңгейге көтеруге, серіктестікті одан әрі жандандыруға және халықаралық аренадағы іс-қимылдарды үйлестіруге бағытталған бірлескен мәлімдемеге қол қойды.
Содан кейін мемлекет басшыларының қатысуымен ресми делегациялардың мүшелері мынадай құжаттарға қол қойды:
<ol>
<li>Қазақстан Республикасының Алматы облысының әкімдігі мен Қырғыз Республикасы Президентінің Ыстықкөл облысындағы өкілетті өкілінің аппараты арасындағы Ынтымақтастықты нығайтуға байланысты келісімді жасасу ниеті туралы хаттама.</li>
<li>Қазақстан Республикасы Түркістан облысының әкімдігі мен Қырғыз Республикасы Президентінің Ош облысындағы өкілетті өкілінің аппараты арасындағы Ынтымақтастық туралы меморандум.</li>
<li>Қазақстан Республикасы Жамбыл облысының әкімдігі мен Қырғыз Республикасы Президентінің Талас облысындағы өкілетті өкілінің аппараты арасындағы Ынтымақтастық туралы меморандум.</li>
<li>Қазақстан Республикасы Сауда және интеграция министрлігі мен Қырғыз Республикасының Экономика және коммерция министрлігі және «JOINT TECHNOLOGIES» Жауапкершілігі шектеулі серіктестігі арасындағы «Ақ тілек» және «Қарасу» автожол өткізу пункттері ауданындағы индустриялық сауда-логистикалық кешен инфрақұрылымына инвестиция тарту туралы меморандум.</li>
<li>Қазақстан Республикасының Ауыл шаруашылығы министрлігі мен Қырғыз Республикасының Ауыл шаруашылығы министрлігі арасындағы Өзара түсіністік туралы меморандум.</li>
<li>Қазақстан Республикасының Үкіметі мен Қырғыз Республикасының Министрлер кабинеті арасындағы Шекара маңы аумақтарында табиғи өрттердің профилактикасы және оларды сөндіру жөніндегі үкіметаралық келісім.</li>
<li>Қазақстан Республикасының Үкіметі мен Қырғыз Республикасының Министрлер кабинеті арасындағы Авиациялық іздестіру және құтқару саласындағы ынтымақтастық туралы үкіметаралық келісім.</li>
<li>Қазақстан Республикасының Үкіметі мен Қырғыз Республикасының Министрлер кабинеті арасындағы 2006 жылғы 4 шілдедегі&nbsp; Білім беру саласындағы ынтымақтастық туралы келісімге өзгерістер енгізу туралы Хаттама.</li>
<li>Қазақстан Республикасы мен Қырғыз Республикасы арасындағы 1996 жылғы 26 тамыздағы Азаматтық және қылмыстық істер бойынша өзара құқықтық көмек көрсету туралы шартқа өзгерістер мен толықтырулар енгізу туралы Хаттама.</li>
<li>&nbsp;Қазақстан Республикасы Сыртқы істер министрлігі мен Қырғыз Республикасының Сыртқы істер министрлігі арасында Дипломатиялық қатынастардың орнағанына 30 жыл толуына орай 2022 жылға арналған Сыртқы істер министрліктері арасындағы Бірлескен іс-шаралар жоспары.</li>
</ol>

Қазақстан мен Қырғызстан президенттері кеңейтілген құрамда келіссөз жүргізді

<a href="https://kyzylorda-news.kz/">Kyzylorda-news.kz</a>. Қызылордаға Кәсіпкерлер палатасының шақыртуымен келген Украинаның Ұлттық күріш зерттеу институтының директоры, экономика ғылымдарының докторы Дудченко Владимир, күріш зерттеу институтындағы тәжірибелік шаруашылық директоры Андрей Борейко, кәсіпкер Олександр Полохов аймақтағы су, ауыл шаруашылығы саласына жауапты мемлекеттік орган өкілдерімен, шаруалармен кездесті.
Шарада шаруашылықты әртараптандыру, суды тиімді басқару мүмкіндіктері, екі жақты сауда-саттық пен күріштің шығымдылығы талқыланды.
Сырдария суының тартылып жатқанынан хабардар украиналық ғалымдар су тапшылығын шешуге болатынын айтып, еліндегі тәжірибемен бөлісті.
<blockquote>
 «Бізде екі облыс күріш егумен айналысады. Суды тиімді пайдаланудың арқасында сіздермен салыстырғанда екі есе аз қолданамыз. Бұл жерде Үкімет, жергілікті атқарушы орган және кәсіпкерлер бірлесе шара қабылдағанда ғана нәтижеге жетуге болады. Мәселен, шаруашылық иелері жерлерін тегістеумен айналысса, ал әкімдік каналдарды қоршап, реконструкция жасап, астын бетондап, жауапты мекеменің балансына беру жұмыстарын ұйымдастырғаны жөн. Жалпы бұл мәселе Украинада арнайы мемлекеттік бағдарлама арқылы шешілген», – деді Владимир Дудченко.
</blockquote>
Кездесуде украиналық делегаттар күріш тұқымдарына қатысты толық ақпарат берді. Қазір қызылордалық дихандардың қолданып жүрген дәстүрлі тұқымдары гектарына 50-60 центнерден өнім берсе, Украинаның тұқымдарынан 105 күнде күрішті бастырып, 90 центнерге дейін өнім алуға болады. Өткен жылы Жалағаш ауданындағы «Ер Әлі» шаруа қожалығы осы тұқымды егіп, 90ц/га өнім алған.Шарада шаруаларға осы артықшылықтар айтылды.
Қонақтар қызылордалық кәсіпкерлермен сауда-саттық жағдайын да талқылады. Соңғы уақыттағы геосаяси ахуалға байланысты қызылордалық күріштің экспортқа шығуында айтарлықтай қиындықтар туындаған болатын. Екі ел өкілдері де байланысты қайта жандандыруға дайын екенін айтып, тауарды жеткізу бағытын келісті.
Сонымен қатар, мамандар ауыл шаруашылығын әртараптандыру мәселесін де талқыланды. Украинадан келген делегаттар Қызылордада жүзеге асыруға болатын бизнес жобаларды талқылады. Олар болашақта аймақта қант өндірісі секілді жобаларды жүзеге асырып көрмек.
<blockquote>
 «Украиналық әріптестеріміздің тәжірибесі бізге көп көмегін тигізеді деп үміттенеміз. Ең бастысы бүгінге әріптестік байланыс орнаттық. Алдағы уақытта тың тәжірибелерді облыстағы кәсіпкерлерге жеткізіп, бірге жүзеге асыру мүмкіндіктерін қарастыратын боламыз», – деді Қызылорда облысы кәсіпкерлер палатасының директоры Пірмұхаммед Сыздықов.
</blockquote>
Кездесу қорытындысымен қос тарап алдағы уақытта бірге жұмыс жасауға уағдаласты.
<img src="https://kyzylorda-news.kz/wp-content/uploads/2022/05/img_6118-1-scaled.jpg" alt="" />
<img src="https://kyzylorda-news.kz/wp-content/uploads/2022/05/img_6130-scaled.jpg" alt="" />

Қызылордалық диқандар украиналық әріптестерімен бірге күріш өнімділігін арттыруды көздейді

Kyzylorda-news.kz. Облыс әкімінің орынбасары Мархабат Жайымбетовтың төрағалығымен құрылыс нысандарының жобаларын қарау жөніндегі кеңестің кезекті отырысы өтті.
Жалағаш ауданының әкімі Асқарбек Есжанов әр жобаның маңыздылығына тоқталды. 
Құрылыс-монтаж жұмыстары бойынша 24 жоба, жоба-сметалық құжаттарды дайындау бойынша 29 жоба, құжаттарды әзірлеуді қажет ететін 12 жоба ұсынды. Сұралған қаржының құны 12,6 млрд теңге.
Алдыңғы кезекте әлеуметтік нысандардың жылу жүйелерін газға ауыстыру ұсыныстары қолдау тапты. Күрделі жөндеуді қажет ететін ғимараттардың жұмыстары кейінге шегерілді. Ауқымды жобалар республикалық бюджеттен және «Ауыл – ел бесігі» бағдарламасы бойынша қаржыландыруға жіберілетін болды.
Айта кету керек, кеңестің алдағы отырысында Арал, Шиелі, Жаңақорған аудандары және Қызылорда қаласының құрылыс нысандарының жобалары қаралады.

Жалағаш ауданы ұсынған 53 жоба кеңесте талқыланды

&nbsp;<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Президент Садыр Жапаровтың шақыруымен Қырғызстанға ресми сапармен келді.
<blockquote>
 «Қазақстан Президентін Бішкектің «Манас-2» халықаралық әуежайынан Қырғыз Республикасы Министрлер кабинетінің төрағасы – Президент Әкімшілігінің Басшысы Ақылбек Жапаров пен осы елдің бірқатар ресми тұлғасы қарсы алды» деп мәлім етті Мемлекет басшысының баспасөз қызметі.
</blockquote>
<img src="https://kyzylorda-news.kz/wp-content/uploads/2022/05/220526101148417e.jpg" alt="" />
<img src="https://www.inform.kz/radmin/fotofiles/a/2022/05/26/2205261011555972g.jpg" alt="" />
<img src="https://www.inform.kz/radmin/fotofiles/a/2022/05/26/2205261011532312g.jpg" alt="" />

Мемлекет басшысы Садыр Жапаровтың шақыруымен Қырғызстанға ресми сапармен барды

<a href="https://kyzylorda-news.kz/">Kyzylorda-news.kz</a>.&nbsp; Синоптиктер 26 мамырға арналған ауа райы болжамын ұсынды. Елімізде найзағай ойнап, жел күшейіп, қатты жаңбыр жауады. Бұршақ жауып, 2 градусқа дейін аяз болуы мүмкін. Аптап ыстық та болжанды.
<blockquote>
 Екатеринбург облысынан келетін циклон Қазақстан аумағына әсер етеді және республиканың батыс, солтүстік-батыс, солтүстік, оңтүстік облыстарында тұрақсыз ауа райын сақтайды. Жаңбыр жауады. Солтүстік-батыста найзағай ойнап, қатты жаңбыр жауады, жел күшейеді, бұршақ жаууы мүмкін. Батыста және солтүстік-батыста түнде және таңертең топырақ бетінде 2 градусқа дейін аяз болуы мүмкін. Еліміздің оңтүстігінде, солтүстігінде шаңды дауыл соғады.
</blockquote>
Қызылорда облысының орталығында жел екпіні 15-20 м/с күшейеді.

Қазақстан және Қызылорда облысының жаңалықтары: Басты жаңалықтар old

Облыс әкімі: Әрбір жоба тиянақты әрі сапалы аяқталуы тиіс