Kyzylorda-news.kz. Облыс әкімі Нұрлыбек Нәлібаев «Қазақстан іскер әйелдер қауымдастығының» төрайымы Раушан Сәрсембаевамен кездесіп, бірқатар мәселелерді талқылады.
Басқосуға облыстық мәслихат депутаты Аида Әбибуллаева, «Қазақстан іскер әйелдер қауымдастығының» облыс бойынша төрайымы Манат Алмашева қатысты.
Аймақ басшысы барлық салада ерлермен иық тіресе еңбек етіп, қоғамның бел ортасынан табылып жүрген әйелдер қауымының орны ерекше екенін тілге тиек етті.
Кездесуде Раушан Сәрсембаева көпбалалы аналарды кәсіппен айналысуға тегін үйрету және саясаткер әйелдер клубын ашу туралы ұсыныс айтты.
Жиын соңында аймақ басшысы қоғам игілігіне бағытталған ұсыныстарды қолдайтынын жеткізді.

Нұрлыбек Нәлібаев «Қазақстан іскер әйелдер қауымдастығының» төрайымымен кездесті

<a href="https://kyzylorda-news.kz/">Kyzylorda-news.kz.</a> Бүгін Өңірлік коммуникациялар қызметінің ақпарат алаңында ҚР Парламент Сенатының депутаты Мұрат Бақтиярұлы жалпыхалықтық референдумға байланысты БАҚ өкілдерімен бірге дөңгелек үстел өткізді.
Жиын барысында Конституцияға енгізілетін өзгерістер мен толықтырулардың маңыздылығы айтылып, қоғамдағы түйіткүлді мәселелер кеңінен қозғалды. Сондай-ақ, Мұрат Бақтиярұлы халыққа референдумның өзектілігін түсіндіру керектігін де тілге тиек етті.
<blockquote>
 «ҚР Президенті Қасым-Жомарт Тоқаев 5 мамырда Ата-Заңымызға өзгеріс енгізу туралы республикалық референдум өткізу жөнінде Жарлыққа қол қойды. Бұл Тәуелсіз ел атанған 30 жыл ішінде ауқымды саяси шешім болмақ. Мемлекет басшысының наурыз айындағы Жолдауында саяси реформаның өзгеретінін және экономикалық тұрғыда нақты әрекеттер жүргізілетінін айтты. Осыған сәйкес, Конституциядағы 98 баптың 33-не өзгерістер енгізіледі. Жалпы биліктің 3 тармағы бар. Бірінші, билік тармақтарының арасындағы қарым-қатынасты оңтайландыру. Екінші, біздің азаматтарымызды мемлекеттік билікке тарту мәселесі. Үшінші, адам және адам құқықтары. Осы бағытта саяси жүйеде өзгеріс орын алады. Сонымен қатар қоғам арасында тіл мәселесі әлі күнге дейін өзектілігін жойған емес. Бізге дейінгі тіл жанашырлары да Парламент төрінде мәселе көтеріп, халықтың сөзін жеткізді. Қазақ тілінің мәртебесін көтеру үшін өз тілімізге сұраныс тудыртуымыз керек. Ол үшін кез келген халыққа қызмет жасайтын мекемелерде қазақ тілін білмейтін қызметкерлерді жұмысқа алмау керек. Бұл депутаттар мен мемлекеттік қызметкерлерге де қатысты мәселе. Елімізде халықтың әл-ауқатын көтеру бағытында бірқатар шаралар қабылданды. Тиісінше, 2025 жылға дейін дәрігерлер мен БАҚ өкілдерінің табысы бірнеше есеге өспек. Алда болатын жалпыхалықтық референдумға баршаларыңызды шақырамын. Еліміздің болашағы – ел азаматтарының қолында», – деді ҚР Парламент Сенатының депутаты Мұрат Бақтиярұлы.
</blockquote>

Мұрат Бақтиярұлы: Еліміздің болашағы &#8211; ел азаматтарының қолында

<a href="https://kyzylorda-news.kz/">Kyzylorda-news.kz.</a> ҚР басым бөлігінде жаңбыр, найзағай, бұршақ, дауыл, екпінді жел, облыстың оңтүстік-батысында шаңды дауыл, түнгі уақытта тұман күтіледі, деп хабарлайды Қазгидромет.
Еліміздің солтүстік-шығысы мен орталығына антициклон жотасы әсер етеді, жауын-шашынсыз ауа райы күтіледі.
Күндіз Қызылорда облысының солтүстігінде желдің жылдамдығы 15-20 м/с, шаңды дауыл соғады. Қызылорда облысының орталығында төтенше өрт қаупі сақталады.

20 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қармақшы ауданында «Қорқыт ата» мемориалдық кешенінде және аудандық тарихи-өлкетану мұражайында тағылымы мол, мәдени көпшілік іс-шаралар өтті.
Айтулы күнде «Қорқыт ата» мемориалдық кешенінде ашық есік күні мен «Қорқыт: Ақиқат пен аңыз» атты іс-шара ұйымдастырылды. Мәдени іс-шараға аудан басшысы Әділбек Ерсұлтанов қатысып музей қызметкерлерін кәсіби мерекелерімен құттықтап, алдағы жұмыстарына сәттілік тіледі.
Мерекелік іс-шарада жас жыршылар жырдан шашу шашып, «Тұсау кесер» салтының көрінісі қойылып, викториналық ойындар мен ұлттық спорт түрлерінен сайыстар ұйымдастырылды. Сондай-ақ, Қазақстан Республикасының суретшілер одағының мүшесі, саяхатшы М.Төтеевтің шеберлік сағаты өтті.
Әрі қарай мәдени көпшілік іс-шаралар тізбегі аудандық тарихи-өлкетану мұражайында «Музей – мәдени құндылықтар мекені» атты іс-шарамен жалғасты.
Іс-шарада «Қасиет қонған Қармақшы» композициялық көрінісі қойылып, мұражай ғимаратында көркем сурет залының ашылу салтанаты өтті. Сондай-ақ, Сыр сүлейлері Тұрмағамбет Ізтілеуұлының 140 жылдығы және Балқы Базар Оңдасұлының 180 жылдығына орай жырдан шашу шашылды. 
Сонымен қатар, музей күніне орай арнайы көрмелер ұйымдастырылып, «Музей түні» жобасы аясында мұражайдың экспозициялық залдары бойынша сағат 00.00-ге дейін экскурсиялар ұйымдастырылды.
<img src="https://kyzylorda-news.kz/wp-content/uploads/2022/05/mwzej2.jpg" alt="" />
<img src="https://kyzylorda-news.kz/wp-content/uploads/2022/05/mwzej1.jpg" alt="" />
<img src="https://kyzylorda-news.kz/wp-content/uploads/2022/05/mwzej3.jpg" alt="" />
<img src="https://kyzylorda-news.kz/wp-content/uploads/2022/05/mwzej3-1.jpg" alt="" />
<img src="https://kyzylorda-news.kz/wp-content/uploads/2022/05/mwzej4.jpg" alt="" />

Қармақшыда музей күні аталып өтті

<a href="https://kyzylorda-news.kz/">Kyzylorda-news.kz.</a> Бүгін Қазақстан территориясына антициклон ықпалын тигізеді, деп хабарлайды Қазгидромет.
Еліміздің басым бөлігінде жаңбыр, солтүстік пен оңтүстік-шығыста қатты жаңбыр жауады, найзағай, бұршақ, дауыл, желдің күшеюі, батыс, солтүстік пен орталықта түнде және таңертең тұман түседі.
Күндіз Қызылорда облысының орталығында желдің күші 15-20 м/с болады. Сондай-ақ өрт қауіпі жоғарлайды.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қызылордада Байзақ Момынбаев атындағы № 278 ақпараттық технология мектеп-лицейінде кәсіпкерлер палатасы мен облыстық білім басқармасының бастамасымен «Оқу-өндірістік комбинат» жобасы жүзеге асырылып жатыр. Жобамен танысқан кәсіпкерлер өңірдегі білім беру ұйымдарында оқу-өндірістік комбинатын қайта жандандыруды ұсынды. Бизнес өкілдері жоба жастардың жұмысшы мамандықтарына қызығушылығын арттырады деп санайды.
Пилот жобаның нәтижесін көруге Қызылорда облысы кәсіпкерлер палатасының директоры Пірмұхаммед Сыздықов, облыстағы қоғамдық тамақтандыру және қызмет көрсету саласы қауымдастығының төрайымы Ақмарал Әбдіразақова мен Жеңіл өнеркәсіп кәсіпорындары қауымдастығының төрайымы Дина Махатова келді.
Мектеп директоры Эльмира Азатбаева жоба аясында аспаз, тігінші, жүргізуші мамандықтарына машықтанып жатқан 60-қа жуық оқушыны, олардың жұмыстарын таныстырды.
Мектепте аталған мамандықтар үшін арнайы өндірістік база, қажетті құрал-жабдықтар бар. Жобаға қатысушы жастар мерекелік кәдесыйлар мен логотип, эмблемаларды, өрнек, жазуы бар футболкалар әзірлеуді, киім тігуді, тәтті тоқаштар пісіруді, көлік жүргізуді үйренген. Кездесуде дайындаған өнімдерін қонақтарға көрсетті.
Білім беру ұйымының басшысы алдағы уақытта оқушылар дайындаған тауарларды монетизациялауды жоспарлап отырғанын жеткізді. Ол үшін мектеп арнайы есепшотын ашып, құжаттарын жасақтап жатыр. Кәсіпкерлер палатасының бизнес-тренері Жеңіс Сүйіндіков оқушыларға біліктілігін кіріс көзіне айналдыруға қатысты шағын тренинг өткізіп, кеңес берді.
<blockquote>
 «Оқушыларға кәсіби бағдар беру – қазіргі уақытта Үкіметте қозғалып жатқан маңызды мәселелердің бірі. Негізгі мақсат – жоғары сынып оқушыларына жұмысшы мамандықтарды таныстыру. Мектепаралық оқу-өндірістік комбинат болашақта түлектің жақсы өмір сүруіне көмектесіп, саналы түрде орта немесе жоғары арнайы білім алуға, мансапқа қол жеткізуге мүмкіндік беретін маман болуға септігі тиеді деп үміттенеміз. Пилот жобаны енгізуге Кәсіпкерлер палатасыбастама жасаған болатын. Жұмыс берушілердің ұсыныстарын ескере келе, оқу-өндірістік комбинаттың қызметін жүргізу үшін нормативтік-құқықтық актілер қабылдауға қатысты тиісті мемлекеттік мекемелерге ұсыныс береміз», – деді Кәсіпкерлер палатасының директоры Пірмұхаммед Сыздықов.
</blockquote>
Танысу жұмыстарынан кейін Палата басшысы мен кәсіпкерлер, облыстық білім басқармасының өкілі Сырым Асқаров жобаны облыстың өзге де білім беру ұйымдарына енгізу мәселесін шешу жолдарын талқылады. Кәсіпкерлер өндірістік базаларын жастарға тәжірибе алаңы ретінде ұсынуға дайын екенін жеткізді.
<img src="https://kyzylorda-news.kz/wp-content/uploads/2022/05/img_5928-scaled.jpg" alt="" />
<img src="https://kyzylorda-news.kz/wp-content/uploads/2022/05/img_5835-scaled.jpg" alt="" />

Қызылордада «Оқу-өндірістік комбинат» жобасы жүзеге асырылып жатыр

<a href="https://kyzylorda-news.kz/">Kyzylorda-news.kz.</a> Бүгінде Сырдария өзенінен облыс аумағына секундына 520 текше метр су тасталуда. Қазіргі таңда Шардара су қоймасында 4,81 млрд.текше метр су, Көксарай су реттегіш қоймасында 139 млн.текше метр су жинақталды. Ал Қызылорда су торабынан Сырдарияның төменгі ағысына жіберілген су көлемі 56 текше метрді құрады. Су деңгейінің азаюына байланысты ауыл шаруашылығы дақылары, оның ішінде күріш дақылын 78 346 гектарға егу межеленген.
<blockquote>
 Шардарадан жоғары орналасқан су қоймаларында жинақталған су көлемі 16,7 млрд.текше метр. Бұл өткен жылмен салыстырғанда 0,1 млрд.текше метрге артық. Сырдария өзені бассейіндегі ең үлкен су қоймасы Тоқтағұлда 10,0 млрд.текше су бар. Бүгінгі кезде Көксарай су реттегішінде жинақталған судың көлемі 140 млн.текше метрді құрады, – деді Арал-Сырдария бассейіндік инспекциясының бөлім басшысы Сейітхан Абуов.
</blockquote>
Соңғы жылдары Сырдария өзеніндегі судың тапшылығы көлдердің құрғауына, ауыл шаруашылығы дақылдарының азаюына әкелуде. Осыған сәйкес су тапшылығына байланысты 20 жоба іске асырылмақ.
<blockquote>
 Биыл жалпы ұзындығы 1 034 шақырымды құрайтын 162 каналды тазалау жұмыстары жүргізілуде. Жаңақорған ауданында Сырдария өзеніндегі үрмелі су тоспасының істен шығуына байланысты Келінтөбе магистралды каналы суландырылмақ. Сондай-ақ, Келінтөбе магистралды каналының 9,2 шақырымы тазаланып, қосымша секундына 14-15 текше метр су беру көзделген, – деді облыстық табиғи ресурстар және табиғат пайдалануды реттеу басқармасының бөлім басшысы Жұлдызай Айтжанова.
 Облыс бойынша барлық каналдардан секундына 424 метр секунд су алынуда. Дегенмен, Сырдария өзенінде күрделі су тапшылығы болуы мүмкін. Әсіресе бұл жағдай Жалағаш, Қармақшы, Қазалы аудандарында қатты сезіледі. Облыстық ауыл шаруашылығы басқармасының мәліметіне сәйкес, 55 927 гектарға күріш дақылы егіледі. Қала және аудандар бойынша күріш дақылын егу жұмыстарын 1 маусымға дейін аяқтау туралы хат жолданды. Қарапайым шаруа иелері де су тапшылығын ескеріп, егіс көлемін азайтуы керек. Олай етпеген жағдайда қиын жағдайға ұшырауы мүмкін, – деді «Қазсушар» РМК Қызылорда облыстық филиалы директорының орынбасары Жорабек Ерназаров.
</blockquote>

Сырдария өзеніндегі су деңгейі төмендеп барады

<a href="https://kyzylorda-news.kz/">Kyzylorda-news.kz.</a>&nbsp; ҚР Білім және ғылым министрлігі білім беру ұйымдарының қауіпсіздігін қамтамасыз ету мақсатында террористік тұрғыдан осал нысандарды қорғау жөнінде нұсқаулық бекітті. Осыған сәйкес, облыстағы білім ордаларын тексеру жұмыстары 13 мамырдан басталады. Бұл туралы Өңірлік коммуникациялар қызметінде өткен брифингте облыстық білім басқармасының бөлім басшысы Берік Мәмбетов мәлімдеді.
<blockquote>
 ҚР Білім және ғылым министрлігімен білім беру ұйымдарында террористік тұрғыдан осал нысандарды қорғау бойынша арнайы қаулы қабылданды. Осының негізінде техногендік сипаттағы қауіпті жою бойынша өзара іс-қимылды ұйымдастыруға қойылатын талаптар, төтенше жағдай орын алғанда қызметкерлер мен білім алушылардың іс-қимыл алгоритмі жан-жақты қарастырылған. Сондай-ақ, 300 адамға дейінгі білім беру ұйымдары жіті бақыланады, – деді Берік Мәмбетов.
</blockquote>
Білім ордалары тиісті талаптарды қатаң түрде сақтауға міндетті. Кемінде 700 адамнан асатын террористік тұрғыдан осал нысандар күзет мекемесімен үш жылға дейін келісшарт жүргізуі тиіс.
<blockquote>
 Өткізу режимінің тәртібін обьектінің әкімшілігі әзірлеп, кіріп шығу тәртібіне сай қатаң бақылануы тиіс. Сондай-ақ, жылдық іс шара жоспары бекітілуі маңызды. Бейнебақылау жүйелері үздіксіз жұмыс істеп, дабыл қағу құралдары орталықтандырылған бақылау пультіне қосылуы керек, – деді облыстық полиция департаментінің экстремизмге қарсы іс-қимыл басқармасының маманы Ілияс Тұрмаханов.
 Аталған нұсқаулық бекітілгеннен бастап сәуір және мамыр айларында облыстық білім басқармасы және полиция департаментімен барлық білім беру ұйымдарының басшыларына түсіндірме жұмыстары жүргізілді. Нұсқаулық негізінде қойылатын талаптар тексеріліп, террористік тұрғыда осал нысандар күшейтілген режимде бақыланады, – деді облыстық жұмылдыру дайындығы басқармасының бөлім басшысы Ардақ Әбішева.
</blockquote>

Білім беру ұйымдарында бала қауіпсіздігі қалай сақталады?

<a href="https://kyzylorda-news.kz/">Kyzylorda-news.kz.</a> Ұлттық Банк заманауи өнерді қолдау және Батырхан Шүкеновті мәңгі есте қалдыру мақсатында 18 мамырдан бастап Street art. BATYR BEINESI коллекциялық монеталарын сатылымға шығарады.
Биыл әнші-композитор, аңыз адамның туғанына 60 жыл. Осыған орай Batyr Beinesi монетасы жарық көрді.
Мұның басты маңыздылығы заманауи өнер мен Батырхан Шүкеновті мәңгі есте сақтау.
Монетаның дизайнында Қазақстан стрит-артының ең жарқын жұмыстарының бірі – REPAS командасының «Батыр бейнесі» граффитиі бейнеленген.
Әнші 2015 жылдың 28 сәуір күні Мәскеу қаласындағы іс-сапарында кенеттен жүрегі тоқтап өмірден озды. Көзі тірі болса 60 жасқа толар еді.

Батырхан Шүкеновтің 60 жылдығына орай коллекциялық монета шықты

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылордада №9 дарынды балаларға арналған облыстық «Білім-инновация» лицей-интернатында мемлекет және қоғам қайраткері Сейілбек Шаухамановты еске алу іс-шарасы өтті. Бірнеше жыл Сыр өңірін басқарып, аймақтың дамуына зор үлес қосқан ел азаматының атындағы білім ордасында С.Шаухамановтың ескерткіш-мүсініне тағзым гүлі қойылып, тарихи қоғамдық музейдің жұмысы таныстырылды.
Жиынға облыс әкімі Нұрлыбек Нәлібаев, облыстық мәслихат хатшысы Наурызбай Байқадамов, облыстық Ардагерлер кеңесінің төрағасы Серік Дүйсенбаев, медицина саласының құрметті ардагері Тұрғанбай Маханов, Сейілбек Шаухамановтың жұбайы Жұпаркүл Сматова мен зиялы қауым өкілдері қатысты.
Аймақ басшысы Сейілбек Шаухаманұлының дара еңбек жолы мен өңір дамуына қосқан елеулі үлесін атап өтіп, тау тұлғаның аты халық жадында мәңгілік жаңғыратынын жеткізді.
<blockquote>
 – «Тау алыстаған сайын биіктейді» деген тағылымы мол тәмсіл бар. Бар өмірін Сыр бойының өркендеуіне арнап, әділеттіліктің, адалдық пен туралықтың, кемелдіктің, кемеңгерліктің үлгісін көрсеткен үлкен парасат иесі Сейілбек Шаухаманұлы осы сөзге дәлел бола білді. Ол – туған жері Сыр өңірінің дамуы, гүлденіп, көркеюі үшін барын салды. Сейілбек ағамыздың елге сіңірген қажырлы еңбегін, еселі қызметін көріп, қалың Сыр жұртшылығы «Шаршамайтын Шаухаманов» атап кеткен еді. Бұл – халықтың берген шынайы бағасы.
 Ұлт жанашыры, Сырдың абыз ақсақалы атанған Сейілбек Шаухамановтың рухына қандай құрмет көрсетсек те бәрі жарасымды. Көрнекті қайраткерге Сыр жұртшылығы атынан бүгінгі жасаған тағзым ниетіміз қабыл болсын!, – деді облыс әкімі.
</blockquote>
Қайраткердің үзеңгілес жолдасы болған медицина саласының құрметті ардагері Тұрғанбай Маханов пен Сейілбек Шаухаманұлының жұбайы Жұпаркүл Сматова оның жоғары адами қасиеттері мен өнегелі өмірінен сыр шертті.
Сыр жұртшылығы атынан мемлекет және қоғам қайраткері Сейілбек Шаухамановтың ескерткіш-мүсініне облыс әкімінің тағзым гүлі қойылды.
Іс-шара соңында жиналған жұрт Сейілбек Шаухаманұлының еңбек жолы мен өмірлік ұстанымын дәріптейтін тарихи қоғамдық музейінің жұмысымен танысты. Музейде ардагердің жеке құжаттары мен жазбалары, жинақ ретінде шығарған кітаптары мен өзге де құнды жәдігерлер сақтаулы тұр.
<img src="https://kyzylorda-news.kz/wp-content/uploads/2022/05/2-1.jpg" alt="" />
<img src="https://kyzylorda-news.kz/wp-content/uploads/2022/05/5-1.jpg" alt="" />
<img src="https://kyzylorda-news.kz/wp-content/uploads/2022/05/3-1.jpg" alt="" />

Мемлекет және қоғам қайраткері Сейілбек Шаухамановтың есімі ұлықталды

<a href="https://kyzylorda-news.kz/">Kyzylorda-news.kz.</a> Қызылорда облысында Әйелдер кәсіпкерлігін дамыту орталығынан екі айда 105 адам кеңес алды.
Кеңес алушылардың басым бөлігі – қала тұрғындары. Орталыққа келген қыз-келіншектердің 38 пайызы кәсіппен айналысушылар, қалғандары ісін ашуды жоспарлап отыр.
Кәсіпкерлер палатасындағы Іскер әйелдер кеңесінің төрайымы Жанна Аманова кәсіпкер қыз-келіншектерге ментор болып, бағыт-бағдар беріп жатқанын жеткізді.
<blockquote>
 «Әйелдер кәсіпкерлігін дамыту орталығы – мықты жоба. Қазір кәсібін ашқысы келетін арулардың қатары артып келеді. Мысалы, Қызылорданың өзінде кеңес алған жүзден астам қыз-келіншектің 60 пайыздан астамы жаңадан іс бастап көрмекмек. Осы кеңес алған қызылордалықтардың арасында сауалнама жүргізу барысында кәсіптерін ашу, жетілдіру үшін арнайы оқыту курстарын ұйымдастыруды, соның ішінде SMM курсын оқытуды сұрады. Өткен аптада Кәсіпкерлер палатасының алаңында оқыту курсын өткіздік. Аталған шараға қызылордалық қыз-келіншектерден бөлек, еліміздің басқа өңірлерінен онлайн қатысқандар да болды. Барлығы 45 адам оқыды», – дейді ментор Жанна Аманова.
</blockquote>
Ментор курсқа қатысушыларға әлеуметтік желінің әлеуетін пайдаланып, кәсібін, өнімін таныстыру, насихаттау, тұтынушылар табу, жалпы SMM стратегиясын жасауды үйреткен. Алдағы уақытта курсқа қатысушылардың әрқайсымен тәлімгерлер арнайы жұмыс істейді.
Әйелдер кәсіпкерлігін дамыту орталығының мамандары жыл соңына дейін бірнеше оқыту курсын өткізуді жоспарлап отыр. Ол үшін аймақтағы қыз-келіншектер орталыққа келіп немесе хабарласып, қызығушылық танытқан саласы бойынша сұраныс жасай алады.
Айта кету керек, Әйелдер кәсіпкерлігін дамыту орталығы еліміздің барлық өңірінде ашылған. Жобаны Азия даму банкінің қаржылай қолдауымен Қазақстандағы БҰҰ Даму бағдарламасы мен «Атамекен» ҰКП жүзеге асырып жатыр.
Аймақта кәсіппен айналысамын деген қыз-келіншектер Қызылорда облысы кәсіпкерлер палатасындағы Әйелдер кәсіпкерлігін дамыту орталығынан кеңес ала алады. Мекенжайы: Қызылорда қ., Қорқытата көш.,123, 1-қабат («Бизнеске арналған Үкімет» ғимараты), 8/7242/400202. Кеңесші: Нұрханова Жадыра Мейрамбекқызы, 8 705 116 19 10 (Whatsapp).

Қызылордада 2 айда жүзден аса әйелге кәсіпке қатысты кеңес берілді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Қазақстанның еңбек сіңірген қайраткері, Қызылорда қаласының Құрметті азаматы, ұлағатты ұстаз Әлима Әбдіқалықованы мерейлі 70 жасқа толуына орай құттықтап, құрмет білдірді.
Аймақ басшысы білім саласында өзіндік қолтаңбасын қалдырған мерейтой иесіне жүрекжарды тілегін арнап, аймақтың ең жоғары марапаты «Құрмет грамотасын» табыстады.
<blockquote>
 «Құрметті Әлима Жақыпқызы! Сізді Сыр жұртшылығы атынан мерейлі жасыңызбен шын жүректен құттықтаймын! Мәншүк Мәметова атындағы жоғары педагогикалық колледжі өз тарихында қалыптасқан дәстүрлерді дамыта отырып, облыстың және республиканың жалпы білім беретін оқу орындары үшін білікті кадрлар дайындауға бар күш-жігеріңізді жұмсадыңыз. Сіз басшылық еткен уақытта колледжде республика бойынша алғашқылардың бірі болып интернет желісіне қосылған электронды оқу залы, мультимедиялық лингофондық кабинеттер құрылды. Киелі оқу орны Өзіңіздің жетекшілігіңізбен Сыр өңірінің мақтанышы ғана емес республикаға белгілі білім ордасына айналды. Сіздің өнегелі еңбек жолыңыз жас ұрпаққа қашан да үлгі. Сізге ұзақ ғұмыр, зор денсаулық, отбасыңызға құт-береке, амандық тілейміз», – деді Нұрлыбек Нәлібаев.
</blockquote>
Жиында облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев, Қорқыт ата атындағы Қызылорда университетінің профессоры Қазыбай Құдайбергенов мерейтой иесінің өмірінен естеліктер айтып, ақжарма тілектерін жеткізді.
Іс-шара соңында Әлима Әбдіқалықова елдің мүддесі үшін қызмет жасау үлкен бақыт екенін айтып, көрсетілген құрметке алғысын білдірді.
Әлима Жақыпқызы ұзақ жылғы табысты еңбегі үшін Президент Жарлығымен «Ерен еңбегі үшін» медалімен, «ҚР білім беру ісінің Құрметті қызметкері» белгісімен, «Ыбырай Алтынсарин» төсбелгісімен, «ҚР Еңбек сіңірген қайраткері» құрметті атағымен марапатталып, 2013 жылы «Қызылорда қаласының құрметті азаматы» атанды.
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-21.20.32.jpeg" alt="" />
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-21.20.33.jpeg" alt="" />
<img src="https://kyzylorda-news.kz/wp-content/uploads/2022/05/whatsapp-image-2022-05-16-at-21.20.33-2.jpeg" alt="" />

Қазақстан және Қызылорда облысының жаңалықтары: Басты жаңалықтар old

Нұрлыбек Нәлібаев «Қазақстан іскер әйелдер қауымдастығының» төрайымымен кездесті

Мұрат Бақтиярұлы: Еліміздің болашағы – ел азаматтарының қолында

20 мамырға арналған ауа райы болжамы

Қармақшыда музей күні аталып өтті

Бейсенбіге арналған ауа райы болжамы

Қызылордада «Оқу-өндірістік комбинат» жобасы жүзеге асырылып жатыр

Сырдария өзеніндегі су деңгейі төмендеп барады

Білім беру ұйымдарында бала қауіпсіздігі қалай сақталады?

Батырхан Шүкеновтің 60 жылдығына орай коллекциялық монета шықты

Мемлекет және қоғам қайраткері Сейілбек Шаухамановтың есімі ұлықталды

Қызылордада 2 айда жүзден аса әйелге кәсіпке қатысты кеңес берілді

Ұлағатты ұстаз Әлима Әбдіқалықова 70 жасқа толды

Қазақстан және Қызылорда облысының жаңалықтары: Басты жаңалықтар old

Нұрлыбек Нәлібаев «Қазақстан іскер әйелдер қауымдастығының» төрайымымен кездесті

Мұрат Бақтиярұлы: Еліміздің болашағы &#8211; ел азаматтарының қолында

20 мамырға арналған ауа райы болжамы

Қармақшыда музей күні аталып өтті

Бейсенбіге арналған ауа райы болжамы

Қызылордада «Оқу-өндірістік комбинат» жобасы жүзеге асырылып жатыр

Сырдария өзеніндегі су деңгейі төмендеп барады

Білім беру ұйымдарында бала қауіпсіздігі қалай сақталады?

Батырхан Шүкеновтің 60 жылдығына орай коллекциялық монета шықты

Мемлекет және қоғам қайраткері Сейілбек Шаухамановтың есімі ұлықталды

Қызылордада 2 айда жүзден аса әйелге кәсіпке қатысты кеңес берілді

Ұлағатты ұстаз Әлима Әбдіқалықова 70 жасқа толды

Мұрат Бақтиярұлы: Еліміздің болашағы – ел азаматтарының қолында