Kyzylorda-news.kz. Бүгін Сыр елінде Жеңістің 77 жылдығына арналған «Ұлы Жеңіс – ұрпаққа аманат» атты салтанатты іс-шара өтті.
Тағзым алаңында майдангерлердің ерлігін еске алатын ескі әуендерден шағын топтамасы мен Қазанғап атындағы Қызылорда музыкалық колледжінің үрмелі аспаптар оркестрінің концерті ұйымдастырылды. Облыс әкімі Нұрлыбек Нәлібаев аймақ тұрғындарын мерекемен құттықтап, Жеңіс қаһармандарының ерлігі ешқашан ұмытылмайтынын жеткізді.
<blockquote>
 «Ардақты ардагердер, бүгінгі бейбіт өміріміз бен тыныш тіршілігіміз үшін өздеріңізге кейінгі ұрпақ атынан мың мәрте алғыс айтамыз. Сіздер сияқты жеңімпаз жауынгерлер ұрпағы, достық пен ауызбіршілікті ту еткен аға буынның жалғасы екенімізді әрдайым мақтан етеміз. Мемлекет басшысы, Жоғарғы Бас қолбасшы Қасым-Жомарт Кемелұлы Тоқаев айтқандай: «Аға буынның теңдессіз ерлігін құрметтеп, зұлмат соғыстың зардаптарын ұмытпау – біздің қастерлі борышымыз!». Осынау ерлікке толы Күн тарихымыздың мәңгі ұмытылмас парағы болып қала бермек», – деді аймақ басшысы.
</blockquote>
Сыр жұртшылығы атынан аймақ басшысы Нұрлыбек Нәлібаев, облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев, қала әкімі Асылбек Шәменов және құқық қорғау органдарының басшылары ескерткішке гүл қойып, бейбіт өмір жолында шейіт болған майдангерлердің рухына тағзым етті.
Айта кетейк, соғыс жылдары майданға Сыр елінен 70 мыңнан астам адам аттанса, 35 мың адам майдан даласынан оралмады. Сыр елінің 21 азаматы көзсіз ерлігі мен қаһармандығы үшін Кеңес Одағының Батыры, 2-уі «Даңқ» орденінің толық кавалері атанды. 20 мыңнан астам жерлесіміз орден, медальдармен марапатталды. Қазіргі таңда өңірде 7 Ұлы Отан соғысының ардагері тұрады. Ұлы Отан соғысының қатысушылары мен оларға теңестірілген 2902 ардагер бар.
<img src="https://kyzylorda-news.kz/wp-content/uploads/2022/05/fb_img_1652097210684.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652097202629.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652097199692.jpg" alt="" />

Қызылорда облысының әкімі Тағзым алаңында гүл шоғын қою рәсіміне қатысты

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев қазақстандықтарды 9 мамыр – Жеңіс күні мерекесімен құттықтады.
«Қымбатты отандастар! Сіздерді Жеңіс күнімен шын жүректен құттықтаймын!
9 мамырдың төл тарихымыздағы орны ерекше. Бұл – жанқиярлықпен ел қорғаған аталарымыз бен әкелеріміздің, әжелеріміз бен аналарымыздың рухына тағзым ететін күн. Бұл – фашизмді жеңген ерлердің ерен ерлігін жадымызда жаңғыртатын күн.
Сұрапыл соғыста халқымыз күш-жігерін сарп етіп, орасан зор шығынға ұшырады. Майдангерлердің қаһармандығы мен қайсарлығының, тыл еңбеккерлерінің жанкештілігінің арқасында жеңіске жеттік. Елдің азаттығы мен ұрпақтың жарқын болашағы үшін жанын пида еткен боздақтарымызды мәңгі есте сақтау – қасиетті борышымыз.
Өкінішке қарай, қан майданның қияметін басынан өткерген ардақты аға буынның қатары жыл өткен сайын сирей түсуде. Қазақстанда Жеңістің 77 жылдығын небәрі 376 ардагер, 68 347 тыл еңбеккері ғана қарсы алып отыр. Еліміздің барша азаматтары өздеріңізге бас иеді.
Мемлекет соғыс ардагерлеріне жан-жақты қолдау көрсетіп келеді. Олар қоғамымыздың да құрметін көріп, қамқорлығына бөленуге тиіс.
Баршаңызға зор денсаулық, бақ-береке тілеймін!
Жеңіс күні құтты болсын!», – делінген Президенттің құттықтауында.

Қасым-Жомарт Тоқаев: Боздақтарымызды мәңгі есте сақтау – қасиетті борышымыз

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 7 Ұлы Отан соғысының ардагері бар.
<img src="https://kyzylorda-news.kz/wp-content/uploads/2022/05/qabaq.jpg" alt="" />
<img src="https://kyzylorda-news.kz/wp-content/uploads/2022/05/toelegen.jpg" alt="" />
<img src="https://kyzylorda-news.kz/wp-content/uploads/2022/05/ljubov.jpg" alt="" />
<img src="https://kyzylorda-news.kz/wp-content/uploads/2022/05/tilewbergen.jpg" alt="" />
<img src="https://kyzylorda-news.kz/wp-content/uploads/2022/05/aebdirahman.jpg" alt="" />
<img src="https://kyzylorda-news.kz/wp-content/uploads/2022/05/jahija.jpg" alt="" />
<img src="https://kyzylorda-news.kz/wp-content/uploads/2022/05/saersenbek.jpg" alt="" />

Қызылорда облысында жеті майдангер бар

<a href="https://kyzylorda-news.kz/">Kyzylorda-news.kz.</a> Қызылорда қаласында жастар арасында атыс болып, үш адам қайтыс болды.
Оқиға 7 мамыр күні кешкі сағат 19:45-те орын алған.
Қызылорда облыстық Полиция департаментінің 102 кезекшілік бөліміне Титов қыстағы, Манап Көкенов көшесінің бойында орналасқан «Мейрамбек» азық-түлік дүкенінің алдында белгісіз адамды атып кеткендігі туралы хабарлама түскен.
<blockquote>
 «Жедел тергеу тобымен оқиға орнын қарау барысында М.Көкенов көшесінің бойында 1996 жылы туған Ернияз Боранбайдың аңшы мылтығымен басынан атылған және М.Көкенов көшесі №23 үйдің ауласында 1993 жылы туған Қуандық Жүсіповтың «Макаров» тапаншасымен бетінен атылған және аты-жөні анықталмаған, белгісіз азаматтың «Макаров» тапаншасымен кеудесінен атылған мәйіті анықталды. Сонымен қатар М.Көкенов көшесі №23 үйдің егесі 1975 жылы туған Қансейіт Мектепбаевтың екі аяғынан және 1999 жылы туған Аманжол Әшірметтің бір аяғынан атылған. Соңғы жедел жәрдем қызметімен Қызылорда қалалық ауруханасына жеткізілген. Қазіргі таңда жедел-тергеу тобымен іздестіру шаралары ұйымдастырылуда. Алған бағыт бойынша жұмыс жалғасуда. Алынған ақпарат қосымша жолданады», – делінген ақпаратта.
</blockquote>

Қызылордада жастар арасында атыс болып, үш адам қайтыс болды (ВИДЕО)

Kyzylorda-news.kz. ҚР Президенті Қасым-Жомарт Тоқаев Отан қорғаушы күнімен құттықтады, деп хабарлайды Ақорда.
«Құрметті қазақстандықтар! Сіздерді Отан қорғаушы күнімен шын жүректен құттықтаймын! Бұл – батыр бабалардың даңқты жолы мен бүгінгі буынның туған елге қызмет ету дәстүрін тоғыстыратын мереке.
Отан қорғау – қасиетті парыз әрі мәртебелі міндет. Халқымыз антына адал, сертіне берік перзенттерін ерекше қадірлейді.
Биыл Қазақстан Қарулы Күштерінің құрылғанына 30 жыл толып отыр. Осы кезеңде айбынды армиямыз қастерлі Тәуелсіздігіміздің және мемлекеттілігіміздің мызғымас қорғанына айналды.
Қорғаныс әлеуетімізді арттыру, сарбаздардың дайындығын күшейтіп, оларға жан-жақты қолдау көрсету – мемлекеттің басты міндеттерінің бірі. Бейбіт өміріміз бен тыныштығымызды, жеріміздің тұтастығын сақтау үшін қызмет етіп жүрген сардарлар мен сарбаздарға ризашылығымды білдіремін.
Ержүрек жауынгерлеріміз ел сенімін ақтайды деп сенемін! Баршаңызға бақ-береке және толағай табыс тілеймін», – деді Мемлекет басшысы.

Мемлекет басшысы: Отан қорғау – қасиетті парыз әрі мәртебелі міндет

Kyzylorda-news.kz. Елдік пен ерлік – егіз ұғым! Биыл Қазақстан Қарулы Күштерінің құрылғанына 30 жыл толды.
Атаулы мереке аясында Н.Бекежанов атындағы академиялық қазақ драма театрында салтанатты іс-шара өткізіліп, облыс әкімі Нұрлыбек Нәлібаев аймақтың майдангерлері мен сарбаздарын Отан қорғаушы күнімен құттықтап, бақ-береке тіледі.
<blockquote>
 «Сүйікті Отанымыздың шекарасының берік, халқының бейбіт болуында өз міндетін әуе кеңістігінде, құрылықта, теңізде, шекарада адалдықпен атқарып жүрген әскерімізге, әскери борышын өтеп жүрген сарбаздарға алғысымызды білдіреміз!Жаңа Қазақстанның мызғымас бірлігі мен тыныштығын, қауіпсіздігі мен бейбіт өмірін қас қақпай күзетіп, қорғанымыз болған ұлттық әскеріміздің айбыны арта берсін», – деді облыс әкімі.
</blockquote>
Салтанатты іс-шарада «Соғыстың соңғы көктемі» атты сахналық қойылым жиылған қауымға ой салды. Сондай-ақ, арнайы қонақ ретінде шақырылған Қазақстанның еңбек сіңірген қайраткері, әнші Айгүл Қосанова көрерменге мерекелік қуаныш сыйлап, жергілікті өнерпаздар әсем ән тарту етті.
<img src="https://kyzylorda-news.kz/wp-content/uploads/2022/05/fb_img_1651878066347.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651878072949.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651878094870.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651878098681.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651878103228.jpg" alt="" />

Қызылордада Отан қорғаушылар күніне арналған салтанатты жиын өтті

Kyzylorda-news.kz. Мемлекет басшысы Отан қорғаушы күніне арналған салтанатты жиында сөз сөйлеп, сардарлар мен сарбаздарды, ардагерлерді мерекемен құттықтады, деп хабарлайды&nbsp;<a href="https://www.akorda.kz/kz/kazakstan-prezidenti-otan-korgaushy-kunine-arnalgan-saltanatty-zhiynga-katysty-6435">Ақорда</a>.
<blockquote>
 «Осыдан отыз жыл бұрын Тұңғыш Президент Нұрсұлтан Әбішұлы Назарбаевтың Жарлығымен Қазақстанның Қарулы Күштері құрылды. Бұл мемлекеттігімізді нығайту жолындағы маңызды қадам болды», – деді Қасым-Жомарт Тоқаев.
</blockquote>
Президент егемендік алған кезде әскери әлеуеті мықты армия жасақтауға баса мән бергенімізді, отаншыл әрі кәсіби мамандардың арқасында бұл міндет ойдағыдай атқарылғанын атап өтті.
<blockquote>
 «Қорғаныс саласындағы негізгі мәселелер дер кезінде шешімін тапты. Осы маңызды жұмысқа еліміздің тұңғыш Қорғаныс министрі, Халық қаһарманы Сағадат Нұрмағамбетов өлшеусіз үлес қосты. Оның мол тәжірибесі Қарулы Күштеріміздің негізін қалауға зор септігін тигізді. Бүгінде «Жас ұлан» әскери мектебіне және Құрлық әскерлерінің әскери институтына Сағадат Нұрмағамбетовтің есімі берілген», – деді Президент.
</blockquote>
<img src="https://www.inform.kz/radmin/fotofiles/2022/05/06/2205061828220900g.jpg" alt="" />
Мемлекет басшысы айбынды армиямыз Тәуелсіздігіміздің қорғаны, Жаңа Қазақстанның тірегі екенін айтып, отаншыл әрі қайсар сарбаздарымыз ел қауіпсіздігін сенімді қорғап тұрғанына тоқталды.
<blockquote>
 «Олар батыр бабалардың даңқты жолын лайықты жалғастырып келеді. Қазақ үшін елдік пен ерлік – егіз ұғымдар. Батырлық – қанымызға сіңген қасиет. Қазыбек би айтқандай, «Біз – жерімізге жау тимесін деп, найзаға үкі таққан елміз». Ұлы дала ұландары қашанда ақ білектің күшімен, ақ найзаның ұшымен атамекенін қорғай білген. Алтайдан Атырауға дейінгі кең байтақ жерін ұрпаққа мирас еткен. Біз аманатқа адал болып, еліміздің тұтастығы мен тыныштығын сақтау үшін бәрін жасаймыз. Бұл – Қазақстанның әрбір азаматының қасиетті борышы», – деді Қасым-Жомарт Тоқаев.
</blockquote>
Президент еліміздің әскери доктринасы тек қорғанысқа бағытталғанын, ұлттық мүдделерді қорғау мәселесінде дипломатияға сүйенетінімізге ерекше мән берді. Қасым-Жомарт Тоқаевтың айтуынша, біздің сыртқы саясатымыз сындарлы, салмақты, елдің ұлттық мүддесін қорғауға бағытталғандықтан, мемлекеттердің бәрімен достық қарым-қатынас орнатып келеміз.
<blockquote>
 «Бірақ бұрын-соңды болмаған әлемдік геостратегиялық шиеленіс жағдайында еліміздің қорғаныс қабілетін арттырудың мәні зор. Әскери-техникалық саладағы халықаралық ынтымақтастықты дамыту – Қазақстан үшін маңызды. Бітімгерлік қызметінің арқасында Қазақстан армиясы әлемдік деңгейде танылды. 1990 жылдары біз Тәжікстанға алғаш рет бітімгерлік күш жібердік. Қазақстандық әскерилер БҰҰ мен ЕҚЫҰ миссиялары аясында табысты қызмет атқарды. Бүгінде біздің бітімгерлік контингент Ливан мен Батыс Сахарада жүр», – деді Мемлекет басшысы.
</blockquote>
<img src="https://www.inform.kz/radmin/fotofiles/2022/05/06/2205061828243101g.jpg" alt="" />
Президенттің пікірінше, мұның бәрі Қазақстанның бейбітшілік пен тұрақтылықты сақтауға елеулі үлес қоса алатын сенімді серіктес ретіндегі беделін нығайтады. Сонымен қатар Қарулы Күштерді жоғары технологиялық қару-жарақпен және техникамен қамтамасыз етуге үлкен мән береміз. Нақты ұрыс қимылдарында тиімділігін дәлелдеген қару үлгілерін сатып аламыз және отандық кәсіпорындарда шығарамыз.
<blockquote>
 «Бүгінде армиямыз әлемдік стандартқа сай жабдықталған. Сонымен қатар жаңа жаһандық сын-қатерлер Қарулы Күштеріміздің жауынгерлік қабілетін арттыру үшін оңтайлы шешімдер іздеуді талап етеді. Сондықтан, менің тапсырмам бойынша жоғары мобильді және гибридті соғыстар жүргізуге қабілетті арнайы операциялық жасақтар құрылды. Әлемдегі соңғы оқиғалардың тәжірибесін ескере отырып, біз әскери іс-қимылдардың стратегиясы мен тактикасын үнемі жетілдіріп отырамыз. Жеке құрам жүйелі түрде жауынгерлік дайындықты пысықтайды, ауқымды оқу-жаттығулар өткізіледі. Болашақ офицерлерді даярлаудың заманауи жүйесі құрылды», – деді Қасым-Жомарт Тоқаев.
</blockquote>
<img src="https://www.inform.kz/radmin/fotofiles/2022/05/06/2205061828267902g.jpg" alt="" />
Мемлекет басшысы әскери білім беру саласына арнайы тоқталды. Оның айтуынша, ұл-қыздарымыз республикалық әскери мектептерде Отан қорғау ісін меңгере бастайды және елімізде үздік әскери оқу орындары бар.
<blockquote>
 «Оның көш басында тұрған Ұлттық қорғаныс университеті қауіпсіздік саласындағы ірі ғылыми орталыққа айналды. Мемлекет әскери қызметшілердің әлеуметтік жағдайын жақсартуға баса назар аударып келеді. Оларға баспана беріледі, басқа да жеңілдіктер ұсынылады, лайықты жалақы төленеді. Жастар үшін әскери борышын өтеу және Қарулы Күштер қатарында келісімшартпен қызмет ету – абыройлы міндет. Шын мәнінде, армия – өмір мектебі ғана емес. Сонымен бірге мақсаты айқын және отаншыл жастардың болашағына жол ашады. Осы орайда, әсіресе, басшылық құрамға зор жауапкершілік жүктеледі. Сіздердің Отан алдындағы адал қызметтеріңіз жастарға үлгі-өнеге болып, айрықша ерік-жігер береді», – деді Президент.
</blockquote>
<img src="https://www.inform.kz/radmin/fotofiles/2022/05/06/2205061828283803g.jpg" alt="" />
Қасым-Жомарт Тоқаев Ұлы Жеңіс қарсаңында Отан қорғаушы күнін тойлаудың символдық мәні зор екенін, Екінші дүниежүзілік соғыс адамзат тарихында өшпес із қалдырғанын атап өтті. Президенттің айтуынша, соғыс кезінде халқымыз көзсіз ерлік пен қайсарлық көрсетті.
<blockquote>
 «Республикамызда соғысқа дейінгі жылдары құрылған зауыттар мен соғыс кезінде көшірілген кәсіпорындар армияны қамтамасыз етуде, Жеңісті жақындатуда зор рөл атқарды. Фашистік басқыншылармен шайқаста жанқиярлық ерлік көрсеткені үшін Қазақстаннан шақырылған 500-ден астам жауынгер Кеңес Одағының Батыры атағын алды. Қан майданда қазақтың арулары да ерлікпен шайқасты. Қаһарман қыздарымыз Әлия Молдағұлова мен Мәншүк Мәметованың аты аңызға айналды. Биыл Хиуаз Доспанованың туғанына 100 жыл толады. Ол – 300-ден астам әуе жорығын жасаған. Еліміз тәуелсіздік алғаннан кейін әйгілі ұшқышқа «Халық қаһарманы» атағы берілді. Бірақ әлі де көптеген отандасымыздың батырлығы лайықты бағаланбай келеді. Сондықтан тарихи әділдік орнату – Отан алдындағы қастерлі міндетіміз», – деді Қазақстан Президенті.
</blockquote>
<img src="https://www.inform.kz/radmin/fotofiles/2022/05/06/2205061828301804g.jpg" alt="" />
Мемлекет басшысы сол себепті, бүгін сұрапыл соғыстағы ерлігі еленбей қалған батырларымызға «Халық қаһарманы» атағын беру туралы Жарлыққа қол қойғанын айтып, атақты мергендер Төлеуғали Әбдібеков пен Ыбырайым Сүлейменов және атқыштар батальонының командирі Александр Несмияновтың есімдерін атап өтті.
<blockquote>
 «Осы қаһармандарымызға тиісті атақтарын беру – тарихи әділдікті орнату деген сөз. Біз даңқты ерлеріміздің рухына тағзым етеміз. Майдангерлер мен тыл еңбеккерлерінің ерлігін жадымызда жаңғырту – перзенттік парызымыз. Олардың өмір жолы ұрпаққа үлгі-өнеге бола береді», – деді Қасым-Жомарт Тоқаев.
</blockquote>
Президент сөзінің соңында жиынға қатысушыларды Отан қорғаушы күнімен және Жеңіс мейрамымен құттықтап, мерекелік концертті тамашалады.

Қасым-Жомарт Тоқаев: Бүгінде армиямыз әлемдік стандартқа сай жабдықталған

<a href="https://kyzylorda-news.kz/">Kyzylorda-news.kz.</a>&nbsp;Президент Қасым-Жомарт Тоқаев салтанатты рәсімге қатысушыларды&nbsp; Отан қорғаушы күнімен және Жеңіс мейрамымен құттықтап, еліміздің қауіпсіздігін қамтамасыз ету ісіндегі әскери қызметшілер мен арнаулы мемлекеттік органдар қызметкерлерінің үлесін ерекше атап өтті.
<blockquote>
 «Биыл Қазақстан Қарулы Күштерінің құрылғанына 30 жыл толып отыр. Осы кезеңде әскеріміз айбынды армияға айналды. Қырағы жауынгерлеріміз ел шебін қас қақпай күзетіп тұр. Олар мемлекеттігімізді нығайтуға зор еңбек сіңіруде. Қарулы Күштеріміз – Тәуелсіздіктің мызғымас тұғыры, елдіктің берік қалқаны», – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1651820565_KZ3_6146.jpg" alt="" />
Президент жақсы жабдықталған заманауи армия мемлекеттілігіміздің берік қорғаны екенін айтты.
<blockquote>
 – Геосаяси тұрақсыздық, жаңа сын-тегеуріндер мен қауіп-қатерлер жағдайында біз ұлттық мүддемізді қорғауға, мемлекетіміздің егемендігі мен аумақтық тұтастығын сақтауға дайын болуымыз керек. Сондықтан қорғаныс әлеуетін нығайту әрдайым біздің маңызды басымдығымыз болады, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1651820700_DSC_8055_2.jpg" alt="" />
Мемлекет басшысы күштік органдарда қызмет етудің абыройлы миссия және үлкен жауапкершілік екенін атап өтті. Оның айтуынша,&nbsp; Қазақстан Қарулы Күштерінің сарбаздары мен сардарлары өздерінің ептіліктері мен қабілеттерін тұрақты түрде шыңдай отырып, озық жауынгерлік шеберліктерін көрсетіп келеді.
Президент Екінші Дүниежүзілік соғыста 500-ге жуық жерлесіміз Кеңес Одағының батыры атанғанын, бірақ көптеген майдангеріміздің ерліктері түрлі себептерге байланысты елеусіз қалғанын еске салды.&nbsp;
<img src="https://www.akorda.kz/public/assets/media/uploadMedia/1651820565_KZ1_4637_2.jpg" alt="" />
Қасым-Жомарт Тоқаев жиынға қатысушы офицерлерге аты аңызға айналған үш ержүрек жауынгердің ерен ерлігі туралы айтты. Бұл майдангерлерге қаза болғаннан кейін бүгін «Халық қаһарманы» атағы берілді.
<blockquote>
 – Біріншісі – атақты мерген Төлеуғали Әбдібеков. Ол бір өзі майдан даласында 397 жаудың көзін жойған. Бұл ерлік тиісті құжаттармен дәлелденген. Қазақтың қаһарман ұлы қаза тапқаннан кейін Кеңес Одағының Батыры атағына ұсынылған. Бірақ, ерлігі ескерусіз қалды. Капитан Александр Несмиянов та ерекше ерлік пен қаһармандық көрсетті. Ол бораған оққа қарамастан, орда бекінген бүкіл батальонды өзімен бірге шабуылға көтерді. Жау қорғанысын бірінші болып бұзған Несмиянов жаудың 20 жауынгерімен жалғыз алысып, 13-інің көзін жойған. Қалғанын бас сауғалауға мәжбүр етті. Кезекті ұрыста ол жау шебінің тылына өтіп, басты қауіпті өзіне бұрды, сөйтіп жаудың қорғаныс шебін серіктерінің бұзып өтуіне мүмкіндік жасады. Ал ротаның екі командирі жараланған соң, басшылықты өз &nbsp;қолына алды. Александр Несмиянов үш рет Кеңес Одағының Батыры атағына ұсынылды, бірақ, әр кез оған әділетсіздік жасалып, елеусіз қалды. Жерлесіміз Ыбырайым Сүлейменов те құралайды көзге атқан нағыз мерген болған. Ол бір жылдың ішінде 289 жау әскерін жойды. Бұл ерлік те тарихи деректерде көрсетілген. Қазақтың қаһарман қызы Мәншүк Мәметова екеуі соңғы демі қалғанша жаумен арпалысып, қаза тапты. Батыр атағына екеуі қатар ұсынылғанымен, Ыбырайым Сүлейменовтің ерлігі жоғары деңгейде бағаланбады, – деді Президент.
</blockquote>
<img src="https://www.akorda.kz/public/assets/media/uploadMedia/1651820565_KZ1_4652_2.jpg" alt="" />
Қасым-Жомарт Тоқаев салтанатты іс-шараға қатысқан Төлеуғали Әбдібеков пен Ыбырайым Сүлейменовтің туыстарына Халық қаһарманының ерекшелік белгісі «Алтын жұлдыз» бен «Отан» орденін табыстады. Ал Александр Несмияновтың наградасы музей төрінен орын алады.
Төлеуғали Әбдібековтің туысы Айгүл Кемелбаева Қасым-Жомарт Тоқаевқа және даңқты атасының атын мәңгі есте сақтауға атсалысқан жауапты тұлғалардың бәріне алғысын айтты. Ыбырайым Сүлейменовтің қарындасы Айткүл Сүлейменова Мемлекет басшысына шын жүректен алғыс білдірді. Сондай-ақ Президентке зор денсаулық тілеп, Жаңа Қазақстанды құру ісінде табысқа жетуіне ниеттестік білдірді және сөзін «Біз Сізге сенеміз», – деп аяқтады.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;
<blockquote>
 – Бұл – шын мәнінде, тарихи әділдіктің салтанат құруы. Біз ерлеріміздің есімін жаңғыртып, оларды ұлықтай беретін боламыз. Өйткені, ерлік ешқашан ескірмейді. Майдангер аға буын кейінгі ұрпаққа әрдайым үлгі-өнеге, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1651821030_KZ4_4347.jpg" alt="" />
<img src="https://www.akorda.kz/public/assets/media/uploadMedia/1651820682_DSC_7051_2.jpg" alt="" />
<img src="https://www.akorda.kz/public/assets/media/uploadMedia/1651820690_DSC_6985_2.jpg" alt="" />
Сөзінің соңында Қасым-Жомарт Тоқаев мемлекетіміздің тұтастығы мен қауіпсіздігін қорғап жүрген еліміздің барша азаматына алғыс айтты.
Бұдан кейін Президент мемлекеттік наградаларды табыстап, офицерлерге әскери және арнаулы атақтар, сыныптық шендер берді.
<img src="https://kyzylorda-news.kz/wp-content/uploads/2022/05/shen-scaled.jpg" alt="" />
<img src="https://kyzylorda-news.kz/wp-content/uploads/2022/05/dank-orden-scaled.jpg" alt="" />

Қасым-Жомарт Тоқаев мемлекеттік наградалар, жоғары әскери және арнаулы атақтар, сыныптық шендер беру рәсіміне қатысты

ЖОБА: «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасының Заңы

Kyzylorda-news.kz. Бүгін Сыр елінде «Жастық жалынымыз – сүйікті Отанымызға!» атты республикалық патриоттық жастар форумы өткізілді. Басқосуға облыс әкімі Нұрлыбек Нәлібаев, ҚР Білім және ғылым бірінші вице-министрі Шолпан Каринова, Қазақстан Халқы Ассамблеясы Аналар кеңесінің төрайымы Назипа Шанаи, зиялы қауым өкілдері мен ардагер ұстаздар, белсенді жастар қатысты.
Форумды модератор «Qazaqstan» телеарнасының тележүргізушісі, М.Мәметова атындағы Қызылорда педагогикалық жоғары колледжі түлегі Ғалымжан Кеңшілік жүргізді.
Жиында сөз бастаған аймақ басшысы жаңашылдыққа қол созған дарынды жастардың бастамаларын қолдауға дайын екенін жеткізді.
«Жастармен жүздесіп, ой бөлісетін әрбір кездесудің маңызы мен үшін ерекше. Жастарға қолдау көрсету – біздің жұмысымыз ғана емес, басты міндетіміз. Мемлекет тарапынан жастарды қолдауға арналған бағдарламалардың барлығы олардың тұрмыс жағдайын түзеуге бағытталып отыр. Облыс әкімінің халықтың әлеуметтік осал және көп балалы отбасыларына арналған гранты 2 есеге артып, биыл 200-ге жетті. Кәсіпкерлікпен айналысам дейтін жастардың жобаларына облыстық бюджеттен 70 млн. теңге бөліп отырмыз. Мұнан бөлек, спортпен шұғылдануға да жағдай жасалуда. Тек қала, аудан орталықтарында ғана емес, ауылдық жерлерде де спорт нысандарының саны артып келеді. Біз қай кезде де жастардың бастамаларын қолдауға әзірміз», – деді Нұрлыбек Нәлібаев.
Форумда ҚР Білім және ғылым бірінші вице-министрі Шолпан Каринова түрлі интеллектуалдық сайыста топ жарған зерделі жастардың талпынысын жоғары бағалап, олардың ұсыныстарын ескеріп, министрлік тарапынан тиісті жұмыстар жүретінін айтты.
Басқосуда колледж студенті үйден оқитын балаларға арналған «Виртуалды шындық» жобасын таныстырды. Облыс әкімі мұндай әлеуметтік жобалардың келешек үшін маңызы жоғары екенін тілге тиек етіп, қолдау білдіретінін жеткізді. Сондай-ақ, үздік студент Биназир Алиханқызына Мәншүк Мәметова атындағы арнайы стипендияның сертификатын табыс етті.
Форумға қатысушы жастар атынан «ТОП – 100 студент» байқауының жеңімпазы Бекзат Ешмұратов пен «WorldSkills Kazakhstan-2021» сайысының күміс жүлдегері Камила Сақтапберген Үндеуін арнады.
<img src="https://kyzylorda-news.kz/wp-content/uploads/2022/05/fb_img_1651757867753.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757877468.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757880507.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757882746.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757885388.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757888064.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757893823.jpg" alt="" />

Нұрлыбек Нәлібаев дарынды оқушыға «Мәншүк» стипендиясын табыстады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың бейнеүндеуі жарияланды, деп хабарлайды&nbsp;<a href="https://www.akorda.kz/kz/memleket-basshysy-kasym-zhomart-tokaevtyn-beyneundeui-543912">Ақорда.</a>
***
Құрметті отандастар!
Баршаңызға мәлім, Мен биыл халыққа Жолдауымда саяси жаңғыру туралы ауқымды бағдарлама ұсындым. Бұл құжат қоғамда жан-жақты талқыланды. Сарапшылар қауымы және белсенді азаматтар осыған қатысты өз пікірін білдірді. Қалың көпшілік қолдау көрсетті.
Жолдауда айтылған бастамалардың негізгі мақсаты – саяси жүйемізді түбірімен өзгерту. Бұл халықтың көп жылғы талап-тілегінен туындап отыр. Азаматтарымыз мемлекетті басқару ісіне қатысуға кең мүмкіндік берілгенін қалайды. Сондай-ақ саяси үдерісті түбегейлі демократияландыру қажет деп санайды. Мұны тиімді жүзеге асыру үшін Ата заңымызға өзгерістер енгізу қажет.
Бір сөзбен айтқанда, конституциялық реформа жасау керек. Осыған орай менің тапсырмаммен арнаулы жұмыс тобы құрылды. Оған белгілі құқықтанушы ғалымдар, тәжірибелі сарапшылар және құзырлы органдардың өкілдері кірді.
Жұмыс тобы Негізгі заңға енгізілетін өзгерістер мен толықтырулардың жобасын әзірледі. Оны мұқият зерделеп, Конституциялық кеңеске жолдадық. Бұл орган өз қорытындысын ұсынды. Құжат жобасы Ата заң нормаларына сай келеді. Біз конституциялық реформаның шешуші кезеңіне қадам бастық. Енді Негізгі заңды өзгертуіміз керек. Шын мәнінде, мұның ел тағдыры үшін айрықша мәні бар.
Ата заң баптарының үштен бірі өзгереді. Ашығын айтсақ, Конституциямыз мүлде жаңа сипатқа ие болады. Сол себепті, мен республикалық референдум өткізу туралы бастама көтердім. Өйткені, мұндай ауқымды өзгеріс бүкіл халықтың шешімімен жүзеге асырылуға тиіс.
Барлық дамыған елде плебисцит тікелей халық билігінің айқын көрінісі саналады. Бірақ Қазақстанда демократияның бұл тиімді институтының әлеуеті толыққанды пайдаланылмай отыр.
27 жыл бұрын өткізілген референдумда қазіргі Ата заң қабылданды. Одан кейінгі барлық конституциялық реформа Парламентте мақұлданды. Негізінде, бұл заңды қалыптасқан тәжірибе. Бірақ дамудың жаңа кезеңінде, Жаңа Қазақстанды құру жолында еліміз үшін осындай аса маңызды шешімдерді бүкіл халық болып қабылдауымыз керек. Бұған кәміл сенемін. Сондықтан бүгін мен Конституцияға өзгерістер мен толықтырулар енгізу үшін 5 маусымда республикалық референдум өткізу туралы Жарлыққа қол қойдым.
Конституциялық түзетулер жобасы бойынша азаматтардың жаппай дауыс беруі біздің демократиялық қағидаттарды берік ұстанатынымызды білдіреді.
Алдағы референдум Қазақстанның болашағын айқындайды. Әрбір азаматымыз дауыс беріп, осы тарихи бетбұрысты жасауға өз үлесін қоса алады.
Конституциялық реформа барлық мемлекеттік модельді кешенді түрде өзгертуге бағытталған. Түзетулер «суперпрезиденттік» басқару үлгісінен ықпалды Парламенті және есеп беретін Үкіметі бар президенттік республикаға түбегейлі көшуді көздейді.
Конституциялық реформа биліктің өкілді тармағын айтарлықтай күшейтеді. Үйлесімді және теңгерімді жүйені нығайтады. Мәслихаттардың ықпалын арттырады.
Мәжіліс пен облыстық мәслихаттардың депутаттарын сайлаудың аралас мажоритарлы-пропорционалды моделі енгізіледі. Бұл қадам сайлаушылардың көзқарастары мен пікірлерін барынша толық қамтуға мүмкіндік береді.
Аудандық және қалалық мәслихаттардың депутаттарын сайлаудың мажоритарлық жүйесінің толықтай енгізілуі өңірлердің тыныс-тіршілігіне азаматтардың ықпал ету мүмкіндігін арттыруға жол ашады.
Конституцияның жаңарған нұсқасында Президенттің барлық саяси күштер мен партиялардан дербестігін бекіту көзделген. Мемлекет басшысының жақын туыстарына саяси лауазым иеленуге және квазимемлекеттік секторда басшылық қызмет атқаруға тыйым салынады. Сондай-ақ құқық қорғау саласы бойынша маңызды өзгерістер енгізіледі. Атап айтсақ, Конституциялық сот құрылады. Адам құқықтары жөніндегі уәкілдің, яғни омбудсменнің мәртебесі Ата заңмен айқындалады. Елімізде өлім жазасы мүлде жойылады. Мұның бәрі азаматтардың құқықтары мен бостандықтарын қорғау үшін жасалып жатыр. Алдағы конституциялық реформа ел дамуының жаңа кезеңі басталғанын көрсетеді.
Құрметті отандастар!
Біз бәріміз бір ел болып Жаңа Қазақстанды, Әділетті Қазақстанды құрамыз. Әрбір азаматтың құқығы қорғалатын мемлекет боламыз. Бәріне бірдей мүмкіндік береміз. Әркім қарым-қабілетіне сай қоғамнан өз орнын иеленеді. Халықтың ой-санасы жаңғырып, өмір салты өзгереді. Біз мемлекеттік жүйені жетілдіріп, қоғам мен биліктің тиімді диалогын орнатамыз. Осылайша, Екінші Республиканы қалыптастырамыз. Конституциялық реформа мұның бәрін табысты жүзеге асыру үшін қажет.
Қазіргі реформаның ерекшелігі – Президенттің өкілеттігін күшейту емес, мемлекетімізді жетілдіру, жаңғырту және нығайту. Мен баршаңызды елдің ертеңі, ұрпақтың келешегі үшін референдумға қатысуға шақырамын!
Ұлт мүддесіне сай бастамаларды қолдайсыздар деп сенемін!
Еліміздің жарқын болашағы – өз қолымызда!
Күшіміз – бірлікте!
Бірге болайық!
Береке-бірлігімізді нығайтайық!

Мемлекет басшысы бейнеүндеуінің толық мәтіні жарияланды

<a href="https://kyzylorda-news.kz/">Kyzylorda-news.kz.</a> Мемлекет Басшысының тапсырмасына сәйкес жалға берілетін тұрғын үй ақысын субсидиялау бағдарламасына өтініштер қабылдана бастады. Бұл жобаға қатысушы отбасы мүшелерінің 6 айдағы орташа табысы – 36 018 теңгеден аспауы тиіс. Бұл туралы Өңірлік коммуникациялар қызметінде өткен брифингте «Отбасы банкі» АҚ Қызылорда облыстық филиалының директоры Әділжан Сәулебаев хабарлады.
<blockquote>
 «Жалдау төлемдері бойынша мемлекеттік қолдауға 4 санаттағы азаматтар өтініш бере алады. Атап айтқанда, І және ІІ-топтағы мүгедек адамдар, мүмкіндігі шектеулі балалары бар немесе оларды тәрбиелеп отырған отбасылар, ата-анасының қамқорлығынан айырылған балалар, көп балалы отбасылар қатыса алады. Биыл азаматтарымызды қолдауға 50 млрд. теңгеден астам қаржы қарастырылған. Жаңа бағдарлама шамамен 70 мың адамды қамтиды. Олар жалдау ақысының 50 пайызын алады. Сондай-ақ, субсидия алуға үміткерлердің депозитінің болуы міндетті және отбасы банкінің тұтынушысы болуы тиіс», – деді Әділжан Сәулебаев.
</blockquote>
Айта кетейік, отбасы банк жалдамалы тұрғын үй субсидиясының мерзімі аяқталғанша ай сайын аударым жасайды. Құжаттың күшін мерзімінен бұрын жоюға рұқсат етілген.

Қазақстан және Қызылорда облысының жаңалықтары: Басты жаңалықтар old