<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында автожол саласын дамыту мәселелері қаралды. Көлік министрі Марат Қарабаев қолға алынған жобалар туралы баяндама жасады.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға бірқатар тапсырма берді.&nbsp;<blockquote>«Қызылорда облысының аумағындағы жергілікті маңызы бар автомобиль жолдарының ұзындығы 3580 шақырым. Оның 1014 шақырымы – республикалық, 555 шақырымы – облыстық, 2011 шақырымы – аудандық маңызы бар автомобиль жолдары. Биылға республикалық бюджеттен қаржыландыруға 101 жоба ұсынылды. Жол инфрақұрылымын дамытуға 33 млрд. 300 млн. теңге бөлініп, 266 шақырым автомобиль жолдары, көшелер және көпір өткелдері жөнделуде», – деді аймақ басшысы.</blockquote>Жиында облыс аумағындағы жол салу және қайта жаңғырту жобаларының іске асырылу барысы қаралды. Орындалу мерзімі кешіккендері үшін жауапты тұлғалар тиісті тәртіптік жауапкершілікке тартылмақ.&nbsp;Облыстық жолаушылар көлігі және автомобиль жолдары басқармасына Қызылорда қаласы, аудан әкімдіктерімен бірлесіп, биылғы меже – жақсы жағдайдағы жолдар үлесін 92 пайызға жеткізу тапсырылды. Анықталған кемшіліктер шұғыл арада жөнделуі тиіс.Мұнан бөлек, мәжілісте күн тәртібінен тыс коммуналдық мекемелердің қызметі, қоғамдық тәртіпті сақтау және елді мекендердің санитарлық тазалығы мәселелері қаралып, жауапты мекеме басшыларына тиісті тапсырмалар жүктелді.Бұған дейін облыс аумағындағы саябақтарды жаңартудың, оларды көркейту-көгалдандырудың жобасын жасап ұсыну туралы тапсырма берілген болатын. Саябақтарды атына сай саялы орынға айналдыру ісінде шалағайлық басым, жаз ортасы болса да жауаптылар асығар емес. Демалыс маусымында көпшілік жиналатын мұндай орындар таза, жанға жайлы болуы тиіс.&nbsp;Жаз басталғалы суға кету оқиғалары да жиі тіркелуде. Белгіленбеген орындарға суға түскеннің, судағы қауіпсіздікті сақтамағанның соңы қайғылы жағдайға ұрындыруда. Бұл ретте де құзырлы мекемелер жауапкершілігіне айтылар сын жетерлік.Кейінгі уақытта қала және аудан орталықтарының, ауылдардың тазалығына қатысты мәселе күн тәртібінен түспей келеді, айналаны күтіп ұстау жөнінде тапсырмалар нақтыланып берілуде. Бірақ кемшіліктер түбегейлі түзетілген жоқ. Бүгінгі жиында жоғарыда аталған кемшіліктерге жол бергені үшін барлық аудан әкімдеріне сөгіс жарияланды.6 шілде күні Орталық стадиондағы "Қайсар – Жеңіс" командалары арасындағы ойында электр жарығы сөніп қалған. Бұл жағдай көпшілік жиналатын іс-шарадан бұрын желілердің жай-күйін жіті бақыламағандықтан орын алды. Осы кемшілікке жол берген облыстық спорт, дене шынықтыру және туризм басқармасының басшысы Жанмұрат Сейіловке, «КРЭК» АҚ-ның басшысы Батыржан Қаракөзовке қатаң сөгіс жарияланды.Оқушылардың суға кетуіне, білім саласында орын алған кемшіліктерге байланысты облыстық білім басқармасының басшысы Асқарбек Есжановқа да қатаң сөгіс берілді.Фото: Қызылорда облысы әкімінің баспасөз қызметі

Бірнеше басшыға қатаң сөгіс берілді 

<a href="https://kyzylorda-news.kz/">Kyzylorda-news.kz</a> Мемлекет басшысы «Қазақстан Республикасының кейбір заңнамалық актілеріне ойын бизнесі, лотерея қызметі, денсаулық сақтау, мемлекеттік еңбек инспекциясы, мемлекеттік бақылау және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.Заң арқылы халықтың ойынға тәуелділігін төмендетуге бағытталған шектеуші және ынталандырушы нормалар енгізіледі. Атап айтқанда, құмар ойындарға/бәс тігуге қатысуына тыйым салынатын адамдар санатының тізімі кеңейтілді. Енді олардың қатарына Борышкерлердің бірыңғай тізілімінде тұрған тұлғалар (атқарушылық іс жүргізу бойынша борышкерлер туралы мәліметтерді қамтитын электрондық деректер банкі) қосылды. Сонымен қатар сыбайлас жемқорлыққа қарсы шектеу енгізу арқылы жауапты мемлекеттік лауазымды атқаратын, мемлекеттік функцияларды орындауға уәкілеттік берілген адамдардың, оларға теңестірілген адамдардың құмар ойындарға/бәс тігуге қатысуына шектеу қойылады.Бұдан былай мемлекеттік қызметшілер, әскери қызметшілер, арнайы және құқық қорғау органдарының қызметкерлері, бюджеттік ұйымдардың басшылары құмар ойындарға/бәс тігуге қатыса алмайды. Бұл шектеуді сақтамағаны үшін оларды жұмыстан шығару шарасы қарастырылған. Ойын бизнесін ұйымдастырушылардың қызметін реттеу тетіктері күшейтілді. Туризм және спорт министрлігі ойын мекемесінің, букмекерлік кеңсенің, тотализатордың, ставкаларды қабылдау және құмар ойындардың/бәс тігудің бірыңғай ережелерін бекітеді.Букмекерлік кеңселер мен тотализаторлардың жарнамаларына шектеу қойылды. Атап айтқанда, букмекерлік кеңселер мен тотализаторларды сыртқы (көрнекі) жарнамасына, сондай-ақ олардың қызметін көлік құралдарында, бұқаралық ақпарат құралдарында, кино -, видео-және анықтамалық қызмет көрсету орындарында жарнамалауға тыйым салынады.Тек букмекерлік кеңсе немесе тотализатор орналасқан жердегі сыртқы жарнамаға; спорт ғимараттарының ішінде және спортшылардың киімінде; спорттық тақырыпқа маманданған және ресми тіркелген БАҚ-та, сондай-ақ отандық телеарналар халықаралық спорттық жарыстарды тікелей трансляция жасаған кезде жарнамалауға рұқсат етіледі.Сонымен қатар лотерея қызметін реттеу тетіктері жаңартылды. Нақтырақ айтқанда, тұрғын үйлерде, жатақханаларда, ғибадат үйлерінде, мәдениет ұйымдарының ғимараттары мен құрылыстарында, әлеуметтік объектілерде (білім беру, денсаулық сақтау), сондай-ақ олардан жүз метр қашықтықтағы радиуста лотерея билеттерін таратуға және лотерея терминалдарын орнатуға тыйым салынады. Өскелең ұрпақтың денсаулығын энергетикалық сусындардың зиянды салдарынан қорғау үшін мұндай сусындарды 21 жасқа дейінгі адамдарға сатуға тыйым салынады.Фото: Akorda

Мемлекет басшысы жаңа Заңға қол қойды

<a href="https://kyzylorda-news.kz/">Kyzylorda-news.kz</a> Қызылордада Ұлттық домбыра күнінде «Домбыра – халық мұрасы» фестивалі өтті. Жаңарған Орталық алаңдағы тағылымды іс-шараға ҚР Парламенті Мәжілісінің депутаты Мұрат Ергешбаев, ардагерлер, облыстық қоғамдық кеңес мүшелері, зиялы қауым, азаматтық қоғам өкілдері мен белсенді жастар қатысты.Облыс әкімі Нұрлыбек Нәлібаев жерлестерін мерекемен құттықтап, әр қазақтың асыл қазынасы - домбыраның қасиетті Сыр елі үшін ерекше маңызын атап өтті.<blockquote>«Мемлекет басшысы Қасым-Жомарт Кемелұлы өз сөзінде «Азаматтарымыздың рухы әрқашан биік болуы үшін мәдениетімізге, яғни руханиятымызға баса мән бергеніміз жөн» деген болатын. Биыл «Алаштың анасы» атанған қасиетті Сыр өңірінде «Руханият жылы» жарияланды. Мерейлі жыл аясында тек мәдени-көпшілік шаралар ғана емес, ауқымды жобалар жүзеге асырылады. Наурыз мерекесінде 1000 орындық «Өнер» орталығы пайдалануға берілді. Қызылорда қаласының сол жағалауынан облыстық тарихи-өлкетану музейі ғимаратының құрылысы басталды. Жыл соңына дейін Сыр өңірінің жазба мәдениетін насихаттайтын «Алаш әдебиеті» музейі ашылады. Барлық 7 ауданда музей, кітапхана, архив, неке қию залы, ардагерлер және аналар, жастар орталықтарын біріктіретін, типтік үлгідегі «Руханият» орталықтары салынуда. Облыс орталығында «Шығармашылық академиясы», 2 ауданда Оқушылар үйі мен Өнер мектептерінің құрылысы жүруде. «Саутс ойл» компаниясының демеушілігімен мәдени мұраның, ұлттық өнердің кемелденуіне өзіндік үлесін қосқан Қазанғап атындағы Қызылорда музыкалық жоғары колледжінің жаңа ғимараты салынуда. Былтырдан бері қасиетті мекеннің абыройын асырып, бақ-беделін сақтауға үлес қосып жүрген мәдениет және өнер, әдебиет өкілдеріне облыс әкімінің «Тұран» арнайы сыйлығын табыстауды бастадық. Аудандардағы өнер ұжымдарына 100 домбыра тарту етілді. Мемлекет басшысының «Адал азамат» тұжырымдамасы аясында республикада алғашқы болып 171 мәдениет үйі мен клубтарда 7 бағыт бойынша «Адал адам – мәдени-тәрбие беру орталығы» жобасы іске асырылуда», - деді аймақ басшысы.</blockquote>Мерекелік кеште Базардың термесі, Жиенбайдың жыр бастауы, «Жез киік», «Терісқақпай», «Сарыарқа» секілді туындылар орындалды.Айта кетейік, облыстағы мәдениет үйлері мен клубтарда 100-ден аса жыр-терме, домбыра үйірмесі жұмыс жасап, оларда 1000-нан астам балалар мен жасөспірімдер дәстүрлі өнерге тәрбиеленуде. Облыс көлемінде ұлт аспаптар оркестрлері, фольклорлық ансамбльдер және этно-топтар халыққа рухани-мәдени қызмет көрсетіп келеді. Кешелі бері Сыр аспанын дала дауылпазы - домбыра үніне толтырған «Сыр толқыны» республикалық күйшілер байқауы ұлт өнерін тағы бір биікке көтере түсті.Өңірде айтыс өнері мен жыраулық дәстүр көші әлі күнге үзілген жоқ. Кеңестік дәуірде айтыстың ақтаңгері атанған жерлесіміз Манап Көкеновке «Қазақстанның халық ақыны» құрметті атағы берілсе, тәуелсіздік жылдарында Мұхтар Ниязов «Алтын домбыраны» үш мәрте жеңіп алып, Сыр жеріндегі айтыстың бүгінгі мерейін асырды. Қорқыт бабадан бастау алған жәдігер өнерді жалғастырушы Сыр сүлейлерінің әрқайсысы бүгінде дәстүрлі жыршылық пен термешіліктің бір-бір мектебіне айналды. Ұлт қазынасын сақтап, әрі қарай дамыту мақсатында биыл Сыр мәдениетінің алтын тамыры саналған жыраулық дәстүр өкілдері үшін "Жыраулар үйі" ашылды. Бұл шаңырақ бабалар мұрасын ұрпақтан-ұрпаққа жалғап, ұлттық брендіміз - жыраулық өнерді насихаттауға арналған бірден-бір рухани орынға айналуда.<img src="https://knadmin.beoblood.kz/uploads/1_d3325826b2.jpg" alt="1.jpg"><img src="https://knadmin.beoblood.kz/uploads/2_8c0a429d4e.jpg" alt="2.jpg"><img src="https://knadmin.beoblood.kz/uploads/4_534255e042.jpg" alt="4.jpg"><img src="https://knadmin.beoblood.kz/uploads/5_2b77eb2309.jpg" alt="5.jpg">Қызылорда облысы әкімінің баспасөз қызметі &nbsp; &nbsp;&nbsp;&nbsp;

Қызылордада Ұлттық домбыра күні атап өтілді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> ЭКСПО аумағында 6 шілде күні сағат 18:00-де «Open Air» мерекелік концерті өтеді. Концерт аяқталғаннан кейін дрондар шоуын өткізу жоспарланып отыр, деп хабарлайды <a href="https://baq.kz/astanada-6-shilde-kuni-drondar-shouy-otedi-335655/">BAQ.KZ.</a></h4>Дрондар шоуының болжамды уақыты – сағат 22:15-те (22:30). Дрондар шоуы үшін аспанға радиомен басқарылатын 1250 аппарат ұшырылады, оның 70-і – пиротехникалық дрон. Бұл – дрон симбиозы мен пиротехниканың жаңа технологиясы. Шоу қазақстандық және шетелдік композиторлардың әуенімен үндестірілетін болады.Шоу демеушілік қаражат есебінен ұйымдастырылады.Фото: gov.kz

Астанада 6 шілде күні дрондар шоуы өтеді

<a href="https://kyzylorda-news.kz/">Kyzylorda-news.kz</a>&nbsp; &nbsp;Облыс әкімі Нұрлыбек Нәлібаев Денсаулық сақтау ісінің үздігі, медицина саласының ардагері Асылбек Тоғызбаевты мерейтойымен құттықтады. Іс-шараға ардагерлер мен зиялы қауым өкілдері, Асылбек Тоқмырзаұлының әріптестері қатысты.Аймақ басшысы мерейтой иесінің халық денсаулығын сақтаудағы ерен еңбегін атап өтіп, ізгі тілегін жеткізді.«Сырбойлықтар еңбекпен келген абыройдың қадірін біледі, қасиетін жоғары бағалайды. Бүгін саналы ғұмырын осы салаға арнаған, Денсаулық сақтау ісінің үздігі, Қызылорда қаласының Құрметті азаматы, «Құрмет» орденінің иегері Тоғызбаев Асылбек Тоқмырзаұлы мерейлі 75 жасқа толды. Халқымыз алғыс арқалаған, ілтипатқа бөленген өзіңіздей ел ағаларымен мақтанады. Сізге тілеулес азаматтардың, ақ-адал ниетті жерлестеріңіздің атынан бүгінгі мерейтойыңызбен шын жүректен құттықтап, деніңізге саулық, отбасыңызға амандық тілейміз!», – деді Нұрлыбек Машбекұлы.Іс-шарада мерейтой иесіне Қызылорда облысының Құрмет грамотасы табысталып, жұбайы, медицина саласының ардагері Мейрамкүл Ерғалиқызына сый-құрмет көрсетілді.Асылбек Тоқмырзаұлын Қызылорда облысының Құрметті азаматы Бақберген Досманбетов, сала ардагерлері Еркебай Аяпов, Абдулла Шүленбаев құттықтады.Асылбек Тоғызбаев 1949 жылы Тереңөзек ауданында дүниеге келген. Ақтөбе мемлекеттік медицина институтының «Емдеу ісі» факультетін бітірген. Студент кезінен орта буын қызметкер болып Ақтөбе балалар ауруханасының хирургия бөлімінде жұмыс істеген.Дәрігерлік еңбек жолы 1973 жылы Қызылорда облыстық ауруханасының анестезиология-реаниматология бөлімінде басталған. Мұнда 1982 жылға дейін дәрігер, одан кейін қан құю бөлімінің меңгерушісі болып қызмет етті. 1982-1990 жылдары бас дәрігердің ұйымдастыру-әдістемелік жұмыстар жөніндегі орынбасары болды. Ал, 1990-1994 жылдары Жаңақорған аудандық ауруханасының бас дәрігері, 1994-1997 жылдары облыстық аурухана бас дәрігерінің кеңес беру-диагностикалық орталығы жөніндегі орынбасары, 1997-2008 жылдары облыстық ЖИТС орталығының, 2008-2017 жылдары Қызылорда қалалық ауруханасының бас дәрігері қызметтерін атқарды.Асылбек Тоқмырзаұлының денсаулық сақтау саласындағы еңбек өтілі жарты ғасырға жуықтайды. Ел мүддесі жолындағы ерен еңбегі мемлекет тарапынан лайықты бағаланып, «Денсаулық сақтау ісінің үздігі», Қызылорда қаласының Құрметті азаматы атанды, «Құрмет» орденімен марапатталды.Фото: Қызылорда облысы әкімінің баспасөз қызметі

Облыс әкімі медицина саласының ардагерін мерейтойымен құттықтады

<a href="https://kyzylorda-news.kz/">Kyzylorda-news.kz</a>&nbsp; ҚР Президентінің кеңесшісі Ернар Баспаевтың төрағалығымен өткен мәжілістің күн тәртібінде «Жайлы мектеп» ұлттық жобасын және «Таза Қазақстан» республикалық акциясын іске асыру барысы талқыланды.Айта кетейік, «Жайлы мектеп» ұлттық жобасы аясында облыста 12 300 орынға арналған 21 мектеп салу жоспарланған. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы басталады деп күтілуде. Қызылорда облысының әкімдігі мектептерге инфрақұрылым жеткізу бойынша жергілікті бюджеттен 118,4 млн. теңге бөліп, жоба-сметалық құжаттары әзірленді. Сараптама қорытындысы алынды. Әрі қарай инфрақұрылым жүргізуге жергілікті бюджеттен 1,7 млрд. теңге қаржы бөлініп, қазір 7 мектептің құрылыс-монтаж жұмыстары аяқталды. Маусым айының соңына дейін 3 мектептің сыртқы инженерлік желілері құрылысы аяқталады деп жоспарлануда.Мемлекет басшысының бастамасымен жүзеге асырылған «Таза Қазақстан» республикалық экологиялық акциясына аймақ жұртшылығы белсене қатысуда. Тазалық акциясын жыл соңына дейін жалғастырудың іс-шаралар жоспары бекітілді.Оның аясында өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары жүргізілді. Бес кезеңнен тұратын «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» апталықтары ұйымдастырылды. Акцияға 300 мыңнан аса ерікті, қоғам қайраткерлері, бюджет саласы мен кәсіпорын қызметкерлері қатысты. 12 мың тоннадан астам қоқыс қалдығы шығарылып, елді мекендердегі скверлер мен парктер, тарихи- мәдени ескерткіштер, әлеуметтік нысандар, өнеркәсіп және бизнес нысандары, су объектілері, аулалар мен көшелердің бойы тазартылды.Көркейту-көгалдандыру кезінде өңірдің климатына жерсінетін көшеттер егілді. Акция аясындағы шаралар республикалық және жергілікті бұқаралық ақпарат құралдарында кең көлемде ақпараттандырылуда.Тазалық шараларының сапасын арттыру мақсатында әзірленген «Таза Қазақстан» онлайн платформасын іске қосуға Қызылорда облысы толық дайын.Фото:&nbsp;Қызылорда облысы әкімінің баспасөз қызметі

Мемлекет басшысының тапсырмаларын орындау барысы қаралды

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен мәжілісте өңірде қолға алынған жобаларға, алдағы жоспарланған жұмыстардың дайындығына қатысты бірқатар өзекті мәселе талқыланды.Аймақ басшысы жуырда Сыр өңіріне жұмыс сапармен келген Үкімет басшысы облыстың әлеуметтік-экономикалық дамуына оң баға бергенін атап өтті.–Өздеріңіз білесіздер, 27 маусым күні ресми жұмыс сапармен келген Үкімет басшысы аймақтағы жұмыстармен танысып, оң бағасын берді. Алдағы уақытта да қарқынды бәсеңдетпей, межеленген жобаларды уақытылы іске асыру қажет, – деді Нұрлыбек Машбекұлы.Жиында құрылысы салынатын жаңа нысандар, «Таза Қазақстан» республикалық акциясын жүзеге асыру және тазалық жұмыстарын жіті назарда ұстау, таяуда пайдалануға берілетін Қан орталығын қажетті медициналық құрал-жабдықтарымен қамтамасыз ету, тағы басқа мәселелер талқыланды. Жауапты мекеме басшылары жұмыс барысын баяндап, тиісті тапсырмалар берілді.Облыс әкімі жоспардағы мақсат-міндеттерді мерзімінде орындау қажеттігін айтып, ұсыныстарды жетекшілік жасайтын орынбасарлармен және орталық атқарушы органдармен алдын-ала келісуді тапсырды. Фото: Қызылорда облысы әкімінің баспасөз қызметі

Аймақтың маңызды мәселелері талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Мәжілісіне «AMANAT» партиясынан сайланған депутаттар Мархабат Жайымбетов, Мұрат Ергешбаев, Мұрат Әбеновпен, «Ауыл» партиясынан сайланған депутаттар Серік Егізбаев, Жигули Дайрабаев, Ерболат Саурықовпен кездесті.Кездесуде өңірде атқарылған жұмыстар мен алдағы жоспарлар талқыланды. Аймақ басшысы атқарушы органдар саяси партиялармен тығыз жұмыс жасап, олардың бастамаларына әрдайым қолдау көрсететінін атап өтті.«Президентіміздің, Үкімет басшысының, Парламенттің қолдауымен халықтың әлеуметтік жағдайын жақсарту, инфрақұрылым объектілерін жаңарту бойынша ауқымды жұмыстар іске асуда. Бүгінде облыс бюджеті 708 млрд теңгеден асты. Бар-жоғы 2 жылдан сәл астам уақытта 236,8 млрд теңгеге немесе 53,7 пайызға ұлғайды. Қаражаттың басым бөлігі халықтың игілігіне, әсіресе, инфрақұрылымдық жобаларды жүзеге асыруға жұмсалуда. Бюджетті жоспарлауда әлеуметтік бағытқа басымдық берілді. 2022 жылы әлеуметтік салаға 275,3 млрд теңге бағытталса, 2024 жылы бұл қаржы 428,1 млрд теңгеге жетті. Өсім 152,8 млрд теңге, бұл – жалпы бюджеттің 63,9 пайызы. Оның ішінде, білім беру саласына 307,9 млрд теңге, денсаулық сақтау саласына 22 млрд теңге, әлеуметтік көмек және әлеуметтік қамсыздандыруға 44,9 млрд теңге, мәдениет, спортқа 53,3 млрд теңге қаралды.Өткен 5 айдың қорытындысына қарасақ, негізгі макроэкономикалық көрсеткіштердің өсімі қамтамасыз етілді. Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі 2023 жылдың қыркүйек айынан бастап оң динамикаға шықты. Өсім өңдеу өнеркәсібі есебінен қалыптасты. Өңдеу өнеркәсібіндегі өсім бойынша 2022 жылы өңір республикада 11-орында болса, 2023 жылы 1-орыннан көрінді», – деді Нұрлыбек Машбекұлы.Өз кезегінде, халық қалаулылары аймақта барлық сала бойынша қарқынды даму байқалатынын атап өтіп, облыс басшысының бастамаларына сәттілік тіледі.Фото:&nbsp;Қызылорда облысы әкімінің баспасөз қызметі

Аймақ басшысы халық қалаулыларымен кездесті

&nbsp;<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы бірқатар нысанды аралады.Алдымен өткен жылы пайдалануға берілген «Анаға тағзым» орталығына барды. Аналардың құрметіне бой көтерген орталық кәсіпкер Марат Дүйсенбаевтың демеушілігімен салынды. Президент тапсырмасына сәйкес бұл ғимаратта «Әйелдердің креативті индустрия орталығы» жұмысын бастады. Мемлекет басшысы Сыр өңіріне жұмыс сапары кезінде жаңа нысанның жұмысымен танысып, мұндай орталық жастарға тәлім-тәрбие беруде маңызды рөл атқаратынын айтты.<blockquote>«Анаға тағзым» орталығы ең алдымен тұрғындарға пайдалы болуы керек. Бастамаларын уақыт талабымен үндестіріп, жаңартып, жандандырып күнделікті жұмыс істеуі тиіс. Келушілерге жаңа идея, жаңа мүмкіндіктер ұсыну арқылы бағыты айқындала түспек», – деді аймақ басшысы.</blockquote>Одан әрі Нұрлыбек Машбекұлы өткен жылы дербес мекеме болып құрылған Теннис орталығына барды. Еске салсақ, Мемлекет басшысының тікелей бақылауындағы бұқаралық спортты дамытуға қатысты бастамаларды жүзеге асыру мақсатында облыс әкімінің қолдауымен мәдениет және спорт басқармасы жанынан теннис түрлері бойынша балалар мен жасөспірімдер спорт мектебі құрылды. Қазір орталықта 297 бала спортпен тегін шұғылданып, халықаралық, республикалық жарыстарға қатысып, жүлделі орындарға ие болуда.Балалар мен жасөспірімдердің тенниске қызығушылығын арттыру үшін жазғы теннис орталығын қайта жаңғыртудан өткізуге қаржы бөлінетін болды. Жаңғыртылған орталық спорттың осы түрімен айналысуға ұмтылған талапкерлерге жаңа мүмкіндіктер ұсынады.Алдағы уақытта қосымша үстел теннисі мен бадминтон бөлімшелері ашылады. Еске салсақ, Наурыз мерекесі қарсаңында Сыр өңірінде жаңа үстел теннисі орталығының құрылысы басталды.Әрі қарай облыс әкімі жуырда күрделі жөндеуден өткен «Орталық бейітке» барды.«Өлі риза болмай, тірі байымайды» деген сөз бар. Тұрғындармен кездесуде бейіт айналасын абаттандыру, кіреберіс жолын жөндеу туралы мәселе көтерілді. Бұл орынды күтіп ұстаудан аруақтарға құрметіміздің деңгейі көрінеді. Сондықтан осы жұмыстарды ұйымдастыруға жіті мән берілді», – деді Нұрлыбек Машбекұлы.Еске салайық, күрделі жөндеу жергілікті кәсіпкерлердің демеушілігімен жасалды. Бейіт аумағы абаттандырылып, көгалдандырылып, кіреберіс жол салынды. Оған 110 млн теңге қаржы жұмсалды.Елімізде Мемлекет басшысының бастамасымен қолға алынған «Таза Қазақстан» республикалық экологиялық акциясы жалғасуда. Апта сайын барлық елді мекенде өтетін сенбіліктерге мекеме, кәсіпорын қызметкерлері, еріктілер, жастар белсене қатысып, көркейту-абаттандыру жұмыстары атқарылуда.Фото: Қызылорда облысы әкімінің баспасөз қызметі

Аймақ басшысы қаладағы нысандарды аралады

&nbsp;<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының, Үкіметтің тұрақты қолдауымен және облыс әкімінің үйлестіруімен қала өмірінде өскелең өріс қанат жайды. Қарқынды құрылыс алаңына айналған шаһарымыз өсіп-өркендеумен қатар, еліміздегі ең таза қаланың бірі атанды. Оның бір дәлелі – «Таза Қазақстан» республикалық экологиялық акциясы арқылы ауқымды жұмыстар атқарылып, алдағы уақытқа да мол міндеттер жүктелді.«Акция – науқандық шара емес. Бұл бастаманы өмірлік дағдыға айналдыруымыз қажет». Міне, осындай ұстаныммен қала әкімі Серік Қожаниязов жексенбі күні шаһардағы сквер-аллеялар мен саябақтарды аралап, абаттандыру және көгалдандыру барысында атқарылған істің нәтижелерін, әлі де жасалуы тиіс жұмыстардың жайын сүзгіден өткізді.Алдымен қалалық мәдени және демалыс паркіндегі тазалық талаптарының орындалуына және ойын алаңдары мен аттракциондардың техникалық қауіпсіздігіне назар аударды.<blockquote>«Жаз маусымында қала халқының уақыттарын тиімді, әрі көңілді өткізуін қамтамасыз ету мақсатында барлық жағдай жасалуда. Десе де, саябақ таза демалыс аймағы болу керек. Жаз – еркін тынығуға қолайлы мекен іздейтін маусым. Саябақ сауда-саттық орны емес, ол тынығушылардың талғамына сай жабдықталып, сапалық стандарты сақталуы қажет» – деді, Серік Салауатұлы.</blockquote>Қыркүйек айынан бастап облыс әкімінің тапсырмасына сәйкес, осы паркте қайта жаңғырту жұмыстары басталады. Осылайша демалыс орталығы жаңаланып, жайлы тынығу орнына айналады.Мұнан кейін Серік Салауатұлы Б.Шөкенов атындағы саябақтың көріктендіру жұмыстарын көрді. Қала тұрғындары үшін табиғат аясында тынығуға мол мүмкіндік сыйлаған саябақтың эстетикалық күйі де қалыпқа келтірілуде.<blockquote>«Саябақтағы санитарлық тазалық шаралары жыл бойы жүргізілуі тиіс. Бұл жұмыстарды босаңсытуға болмайды» – деді, Серік Салауатұлы сала басшыларына.</blockquote>Мұндағы жасыл-желекті күтіп, балақтау, уақытылы аяқ су беру күнделікті атқарылуы қажет. Ашығын айту керек, аталған парктегі жерасты су ұңғымасында уақытша орын алған ақауға байланысты аяқ су кеш берілді, салдарынан талдарға күтім жасалмады. Мәселеге орай, «Жасыл-Қызылорда» мекемесіне «Сарқырама» каналы арқылы судың бағытын бұрып, биік жерлерге мотопомпаларды пайдалану тапсырылды.«Қорқыт ата» мемориалы аллеясы қаладағы демалыс орындарының бірі болса да, мақсатты пайдаланылмай келеді. Яғни, көпшілік кең көлемде тыныға бермейді. Себеп – саябақтың бүгінгі күйі халықты баурайтындай жағдайда болмай тұр. Осыған орай, сәулетшілердің ұсынған заманауи дизайнымен жаңғырту жұмыстары жүргізіледі. Бұл игі бастаманы жақын күндері бастау жоспарға енгізілген.<blockquote>«Аймақ басшысының тегеурінді талабымен, кәсіпкердің демеушілігімен жақында Орталық алаң қайта жаңғырып, ел игілігіне берілді. Қандай керемет, халықтың өмір сүру сапасын арттыру жолындағы маңызды қадам деп атасақ жарасымды. Бұл жердегі бір әттеген-айы, демалыс орындарын тиімді, сапалы, мәдениетті пайдалана алмауымыздан болып тұр. Қарасаңыз, бас-аяғы базар-ошар секілді бей-берекет дүние қаптап кетті. Біз мұндай берекесіздікке жол бермейміз. Демалыс аймағында халық еркін демалуы керек. Өз кезегінде «Қорқыт ата» мемориалы аллеясын да орталық алаң секілді қала халқының сүйікті орнына айналдыратын боламыз» – деді, Серік Салауатұлы.</blockquote>ҚР Тұңғыш Президент саябағы қазір халықтың қарасы үзілмейтін, отбасылық демалыс орны. Жасыл желекке оранған саябақта тынығушылар саны күн санап артып келеді. Шағын мерейтойларды атап өтудің де мүмкіндігі мол. Бір өкініштісі, қоршаған ортаға саналы көзқарасты қалыптастыруда және туған жердің тазалығын сақтау, табиғатын қорғауда әлі де бейқамдық бар. Осы жайларды ескерген қала әкімі саябақ көлемін кеңейту, ішкі тәртіп пен тазалықты сақтау мәселелерін жолға қоюды алға тартты.«Елге деп салынған әрбір нысан өз мақсатында жұмыс істеуі керек. Саябақты заманауи саябақ келбетінде көргенге не жетсін!? Сол үшін ешқандай қажеттілік пен мұқтаждық туындауы тиіс емес. Әрлеу керек пе, әрлейміз, абаттандыру десеңіз, оны да жасаймыз. Сонда ғана халық сұранысындағы демалыс мүмкіндігін сыйлай аламыз. Бұл жұмыстардың атқарылуына аймақ басшысы жан-жақты қолдау жасап отыр»– деді, шаһар басшысы.Президент паркінен денсаулық саябағына дейінгі аралық толық қамтылған, жан-жағында автокөліктер тұрағы бар, гүлзарлармен көмкерілген көркем келбет қалыптастырамыз. Оған мүмкіндік жеткілікті. Алдағы уақытта әрбір нысан зерттеле отырып, халықтың сұранасына сай тиісті үдеден шығуға жұмыс жасалады, – деп, бүгінгі сапардың сарабын жасады.Фото: Нұрболат Нұржаубай

Саябақтар мен гүлзарлар қайта жаңғыртылады

<a href="https://kyzylorda-news.kz/">Kyzylorda-news.kz</a>&nbsp; Бүгінде Қызылорданы көркейту, көгалдандыру, таза ұстау мәселесіне ерекше ден қойылып, тиісті шаралар қолға алынған. Қала іргесі кеңейіп, жаңа мөлтек аудандардың саны артуда. 2017 жылдан бері сол жағалау қарқынды құрылыс алаңына айналды. Қазірдің өзінде білім ордасы, Жастар орталығы, саябақтар мен үйлер тұрғындар игілігіне берілген.Мемлекет басшысының тапсырмасымен бастау алған «Таза Қазақстан» акциясы шеңберінде апта сайын сенбіліктер ұйымдастырылуда. Өйткені, бұл жай ғана маусымдық акция емес, халықтың экологиялық мәдениетін, тазалыққа, ең бастысы, тәртіпке деген жауапкершілігін арттыруды көздейді. Мемлекет басшысы: «Қазақстанымыз таза болуы қажет. Бұл жұмыстар елорда және ірі қалаларда ғана емес, аудандар мен ауылдарда да ұдайы ұйымдастырылуы тиіс», – деп атап өтті. Осыған орай, акцияны жалғастырудың облыстық іс-шаралар жоспары бекітіліп, жұмыс жыл соңына дейін үздіксіз жүргізілмек.Қазір Қызылорда қаласы аумағындағы санитарлық тазалық жұмыстарының бөлінісі жасалды. Ол бойынша әлеуметтік және кәсіпкерлік нысандардың қасбетін қалыпқа келтіру, көше, жол бойы тазалығын қамтамасыз ету, жол белгілерін түзету ұйымдастырылмақ. Облыстық басқарма басшылары өздеріне қарасты мекемелердің тазалығын, абаттандырылуын, қасбеттерінің талапқа сай болуын тұрақты бақылауда.Облыс орталығы тазарып, көркейгенін, бұл бастамаға көңіл толатынын тұрғындар да, қала қонақтары айтады. Мұның барлығы – кейінгі жылдары қолға алынған жұмыстардың нәтижесі.2 МИЛЛИОН АҒАШ ЕККЕН БЕКТАЙ АТАҚызылордада кейінгі жылдары бой көтерген тұрғын үй кешендерінің саны артты. «Арай», «Астана», «Бәйтерек» сынды жаңа мөлтек аудандардағы аулаларды абаттандыруды жұртшылық өз қолына алған. Мысалы, Бердіқожа Кенжебаев өзі тұрған үйдің ауласын жайқалтып қойған. Сегіз жыл бұрын көшіп келген қала тұрғыны ағаш егу, абаттандыру жұмыстарын сол кезде-ақ бастап кетіпті.«Қызылордада ағаш өсіру қиын. Өзім де талай көшет ектім, шықпады. Ерінбей қайта-қайта талпынып, нәтижеге жеттім. Қазір ауламыз жасыл желекке малынып тұр», – дейді қала тұрғыны.85 жастағы Бектай Сүлейменов те қаланы абаттандыру, көркейту жұмыстарына өз бастамашылдығымен атсалысады. Бұрынғы агроном бүгінге дейін 2 миллион ағаш өсіріпті. Біразының көшеті елді мекендер көшелерінде жайқалып тұр.«Күн сайын 8 гектар жерді айналып, ағаштардың күтімін жасаймын. Шыбық егемін, суарамын, шөбін отаймын. Әуежайға бара жатқан жолдағы ағаштардың бәрі – менің көшеттерім», – дейді Б.Сүлейменов.Қалада бірнеше шақырымдық орталық көшелер бар. Абай даңғылы шаһардың бір басынан екінші басына созылып, басқа да көшелермен жалғасады. Ойын-сауық орталығы да, саябақ та, жағажай да, аквапарктер де осы көшенің бойында. Халық кешқұрым оның бойымен серуендегенмен, мұнда бірде-бір қоқыс кезікпейді. Бұл – қызылордалықтардың тазалық мәдениетінің көрсеткіші.САРАПШЫЛАР БАҒАСЫМемлекет басшысы Қасым-Жомарт Тоқаевтың «Таза Қазақстан» бастамасы аясында Президент Телерадиокешені «Таза қала» атты ауқымды тележобаны қолға алды. Алғашқы түсірілім Тараз, Шымкент, Түркістан, Қызылорда қалаларында басталды.«Таза қала» тележобасы аясында еліміздің барлық өңірлердегі тазалық жұмыстары бағалануда. Бағдарламадағы деректер эколог, урбанистерге, арнайы сарапшыларға тапсырылады. Мамандар көшедегі тазалық пен тәртіп, коммуналдық қызметтің жұмыс жүйесі, абаттандыру, халық мәдениеті, қала эстетикасы секілді бес критерий бойынша бағалайды. Бұл шығарылымды да Парламент Мәжілісінің депутаты Ерболат Сатыбалдин, «Жасыл даму» АҚ қалдықтарды басқару департаментінің директоры Сәбит Қашқынбаев, урбанист Тұрсын Жиенбаева арнайы көрді және қаланың хал-ахуалына өз бағаларын берді.<blockquote>«Қаланың келбеті өте жақсы, эстетикалық жағынан да талғаммен өсіп келеді. Бірақ ескі қаланың да проблемаларын ұмытпау керек, әсіресе кәріз жүйелері, қатты қалдықтарды жинау мен шығаруда мәселе бар. Қызылорда ауа райының қолайсыздығына, топырақ құнарының төмендігіне қарамастан, қыруар қаражат бөліп, көгалдандыруға, абаттандыруға ұмтылып жатыр. Бағалауда осы ұмтылыстарын ескердім және Қызылорда қаласы кейін көк желекке оранған қала боларына сенемін», – дейді Ерболат Сатыбалдин.</blockquote>Сарапшылар қатты қалдықтарды өңдеу мен сұрыптау мәселесі басқа қалалармен ұқсас екенін, қоқыс жәшіктері мен инфрақұрылым жетіспейтінін айтты.«Сонымен бірге, қала халқының еңбекқорлығын байқадым. Төмен баға қаланың эстетикасына, соның ішінде ғимараттардың келбеті мен жағдайына қойылады», – деді урбанист Т. Жиенбаева.Жалпы есепте Қызылорда қаласы 20 ұпаймен көш басына орнықты.

«Таза қала»: Қызылорда өңірлер арасында үздік атанды

<a href="https://kyzylorda-news.kz/">Kyzylorda-news.kz</a> &nbsp;Қаланы ұқыпты ұстау – санитарлық талап қана емес, мәдениет пен талғамның белгісі. Осы орайда «Таза қала» тележобасы Алаштың алғашқы астанасы болған Қызылорда қаласына жетті. Бағдарламада тілшілер қаланың көрікті, жасыл желек жайқалған, сәулетті тұстарын көрсетуге және шаң басқан, қоқыс толған орындарын да табуға тырысады. Бұл туралы <a href="https://kaz.inform.kz/news/taza-kala-kizilordada-sir-elnn-tazaligi-singa-tust-bb9d1d/">Kazinform</a> сайты хабарлады.&nbsp;Қала келбетіСоңғы 10 жыл көлемінде Қызылорданы көркейту, көгалдандыру, тазалығын қалыпта ұстау мәселесіне ерекше ден қойылып, тиісті шаралар қолға алынып келеді. Жылдан жылға жаңа мөлтек аудандардың саны да артып жатыр. 2017 жылдан бастап қаланың сол жағалауы қарқынды құрылыс алаңына айналды. Қазірдің өзінде білім ордасы, жастар орталығы, саябақтар мен тұрғын үйлер көптің игілігіне берілген.Қызылордада «Таза Қазақстан» акциясының шеңберінде апта сайын сенбіліктер ұйымдастырылып тұрады. Әрбір тұрғыны өзіне жақын, ыңғайлы ортаны таңдап, бірер сағат уақытын бөліп тазалық жұмыстарына атсалыса алады. Саябақтар, базар, орталық алаң негізінен таза. Қала негізінен таза. Әйтсе де, арагідік шашылған, жәшікке сыймай жатқан қоқыс байқалды. Базар маңындағы ретсіз қойылған дүңгіршектер атауы да қала эстетикасына үйлеспей тұр.Жергілікті тұрғындар шаһардың тазалығы мен эстетикасына сын боларлық өзге де проблемаларды атады. Мәселен Абай даңғылы бойында «Универсам» мөлтек ауданы бар. Кеңестік кезеңде салынған үйлерге бес жыл бұрын модернизация жасалған. Оған қажетті қаражат тұрғындардың қалтасынан алынған. Бірақ бұл жұмыстарға халықтың көңілі толмайды. Себебі жаңарту барысында үйдің сыртқы келбеті ғана жаңарып, жертөледегі құбырлар, ішкі подъездер мен ішкі аула өзгеріссіз қалған.2016 жылы салынған «Құралай» тұрғын үй кешені салыстырмалы түрде жаңа үйлердің қатарында. Қала орталығындағы, жоғары санатты үй болып да саналады. Алайда тұрғындар кәріз жүйесіндегі қолқаны қабатын иістен зардап шегіп отыр. Кәріз жүйесіне күрделі жөндеу жұмыстары жүргізілсе де, мәселе шешілмепті. Коммуналдық қызмет те бұл мәселеден ат тонын ала қашады екен.Әйтсе де, қаладағы ескі үйлер мәселесі кезең кезеңімен шешіліп келеді. Халық арасында «Южный» атанып кеткен шағын ауданның 1975 жылы салынғанына сену қиын. Қызылды-жасылды сырланған үйлердің ауласы да көз қуантады. Балалар ойнайтын алаңқай, үлкендерге самалжайлар орнатылған. Бұл аулада қоқыс атаулыны көрмейсіз. Бағдарламаға сұхбат берген тұрғындар тазалықшылар жұмысына дән риза екенін айтуда. Жалпы алғанда сауалнамаға қатысқан қызылордалықтар соңғы жылдары жүргізіліп жатқан тазалық жұмыстарына көңілі толатынын айтты.2 миллион ағаш еккен Бектай атаҚызылорда қарқынды құрылыс алаңына айналды. Соңғы жылдары бой көтерген тұрғын үй кешендерінің саны артып келеді. «Арай», «Астана», «Бәйтерек» сынды су жаңа мөлтек аудандар ел игілігіне берілді. Ал сондағы аулаларды абаттандыруды жұртшылық өз қолына алған екен. Мысалы Бердіқожа Кенжебаев өзі тұрған үйдің ауласын жайқалтып жіберген. Сегіз жыл бұрын көшіп келген қала тұрғыны ағаш егу, абаттандыру жұмыстарын сол кезде ақ бастап кетіпті.<blockquote>«Қызылордада ағаш өсіру қиын. Өзім де талай шыбық ектім, шықпады. Ерінбей қайта-қайта талпынып, нәтижеге жеттім. Қазір ауламыздың көгеріп, жасыл желекке малынып тұр», - дейді қала тұрғыны.</blockquote>85 жастағы Бектай Сүлейменов те еш қайтарымсыз қаланы абаттандыру, көркейту жұмыстарына атсалысады. Ақсақал бұрын агроном болып қызмет еткен және бүгінгі күнге дейін 2 миллион ағаш өсіріпті. Біразының көшеті сыр елінің көшелерінде жайқалып тұр.<blockquote>«Күн сайын 8 гектар жерді айналып, ағаштардың күтімін жасаймын. Шыбық егемін, суарамын, шөбін отаймын. Әуежайға бара жатқан жолдағы ағаштардың бәрі менің көшеттерім», - дейді Б. Сүлейменов.</blockquote>Қалада бірнеше шақырымға созылған орталық көшелер бар. Абай даңғылы – шаһардың бір басынан екінші басына созылып, басқа да көшелермен жалғасып жатқан жол. Қаланың ауқымды ойын-сауық орталығы да, саябағы, жағажай, аквапарктері де осы көшенің бойында. Халық кешқұрым осы сквердің бойында серуендейді. Дегенмен, мұнда бір де бір қоқыс кезікпеді. Бұл қызылордалықтардың тазалық мәдениетінің көрсеткіші.Әкім не дейдіҚызылорда қаласын 8 жыл басқарып, кейінірек облыс тізгінін қолға алған Нұрлыбек Нәлібаев «Таза қала» бағдарламасына арнайы сұхбат берді және тұрғындарды толғандырған өзекті сұрақтарға жауап берді.<blockquote>«Универсам мөлтекауданында негізінен 1964 жылғы ескі үйлер орналасқан. Жертөлені тазарту біздің жоспарымызда бар. Өйткені жылу да, су да жертөле арқылы өтеді. Қаладағы көптеген үйлер негізінен ескі, сондықтан жертөлені де бірге жөндеп кетеміз. Нақты «Универсам» аймағы биыл жасалады», - деп уәде берді облыс әкімі.</blockquote>Ал «Құралай» кешеніндегі кәріз мәселесі облыс әкіміне таңсық болып шықты. Сол жерде облыс басшысы қала әкімі Серік Қожаниязовты шақырып мәселені реттеуді тапсырды.Абай Құнанбайұлы мен Мұратбаев көшелерінің қиылысындағы үйлердің жағдайы басшы назарында екен.<blockquote>«Күнделікті әлеуметтік желіні қарап отырамыз. Ол үшін арнайы бекітілген қызметкер бар, өзім де күніне 1-2 сағат жеке қараймын. Тұрғындардың арыз-шағымын көрсем, күн демей, түн демей, жауапты адамдарға тапсырма беремін. Менің ұялы телефонымның нөмірін бүкіл қызылордалықтар біледі. Өмір боғласын кемшіліктер, ақаулар болады. Дегенмен біз жылдам реакция беріп, қалпына келтіруге тырысамыз», - дейді Н. Нәлібаев.</blockquote>Сарапшылар бағасы«Таза қала» бағдарламасындағы барлық деректер эколог, урбанист секілді арнайы сарапшыларға тапсырылады. Мамандар көшедегі тазалық пен тәртіп, коммуналдық қызметтің жұмыс жүйесі, абаттандыру, халық мәдениеті, қала эстетикасы секілді бес критерий бойынша бағалайды. Бұл шығарылымды да Парламент Мәжілісінің депутаты Ерболат Сатыбалдин, «Жасыл даму» АҚ қалдықтарды басқару департаментінің директоры Сәбит Қашқынбаев, урбанист Тұрсын Жиенбаева арнайы көрді және қаланың хал-ахуалына өз бағаларын берді.<blockquote>«Қаланың келбеті өте жақсы, эстетикалық жағынан да талғаммен өсіп келеді. Бірақ ескі қаланың да проблемаларын ұмытпау керек, әсіресе кәріз жйүелері, қатты қалдықтарды жинау мен шығаруда мәселе бар. Қызылорда ауа райының қолайсыздығына, топырақ құнарының төмендігіне қарамастан, қыруар қаражат бөліп, көгалдандыруға, абаттандыруға ұмтылып жатыр. Бағалауда осы ұмтылыстарын ескердім және Қызылорда қаласы кейін көк желекке оранған қала боларына сенемін», - дейді Ерболат Сатыбалдин.</blockquote>Сарапшылар қатты қалдықтарды өңдеу мен сұрыптау мәселесі басқа қалалармен ұқсас екенін, қоқыс жәшіктері мен инфрақұрылым жетіспейтінін айтты.<blockquote>«Сонымен бірге, қала халқының еңбекқорлығын байқадым. Төмен баға қаланың эстетикасына, соның ішінде ғимараттардың келбеті мен жағдайына қойылады», - деді урбанист Т. Жиенбаева.</blockquote>Жалпы есепте Қызылорда қаласы 20 ұпаймен өңірлер арасында көш бастап тұр.Айта кетейік, Мемлекет басшысы Қасым-Жомарт Тоқаевтың «Таза Қазақстан» бастамасы аясында Президент Телерадиокешені «Таза қала» ауқымды&nbsp;<a href="https://kaz.inform.kz/news/taza-kala-prezident-teleradiokeshennn-zhana-zhobasi-244bb0/">тележобасын</a> қолға алды. Алғашқы түсірілім Тараз, Шымкент, Түркістан, Қызылорда қалаларында <a href="https://kaz.inform.kz/news/taza-kala-prezident-teleradiokeshennn-zhana-zhobasi-244bb0/">басталды</a>.Фото: Нұрболат Нұржаубай

Қазақстан және Қызылорда облысының жаңалықтары: Басты жаңалықтар old