&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Биыл Қызылорда облысының 39 ауылдық елді мекенінде «Ауыл – ел бесігі» бағдарламасы шеңберіндегі 69 жобаны жүзеге асыруға 11 млрд. теңге қаралды.Жыл басынан бері 5,6 млрд теңге игерілді. Атап айтсақ, білім саласында 2, денсаулық саласында 1, мәдениет саласында 4, спорт саласында 8 жоба жүзеге асуда.Мұнан бөлек, электрмен қамту бойынша 14, газдандыру бойынша 1, ауыз сумен қамту бойынша 2 жоба қолға алынбақ. Көлік инфрақұрылымы саласында 35, абаттандыру саласында 2 жоба бар.Жоспар бойынша 36 жоба биыл аяқталып, пайдалануға берілетін болады. Олар – дәрігерлік амбулатория және медициналық бекетті, 2 спорт кешенін салу, 3 медицина мекемесін күрделі жөндеу, электрмен қамтудың 4, ауыз сумен қамтудың 1, білім беру нысанын күрделі жөндеудің 2 жобасы және көлік инфрақұрылымын дамыту бойынша 26 жоба..Қалғаны келесі жылы ел игілігіне табысталады.<img src="https://knadmin.beoblood.kz/uploads/2_e7685026fb.jpg" alt="2.jpg"><img src="https://knadmin.beoblood.kz/uploads/3_e638077c39.jpg" alt="3.jpg"><img src="https://knadmin.beoblood.kz/uploads/4_91886dccc2.jpg" alt="4.jpg">

«Ауыл – ел бесігі» жобасы аясында 69 жоба жүзеге асырылуда

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен мәжілісте «Жайлы мектеп» ұлттық жобасын іске асыру барысы талқыланды.Аймақ басшысы Президент тапсырмасымен жүзеге асырылатын ұлттық жобаны мерзімінде аяқтаудың ерекше маңыздылығын атап өтті.«Мектептерді сапалы етіп салып, дер уақытында аяқтау – бәрімізге ортақ абырой. Бұл білім ошақтарының пайдалануға берілуін халық асыға күтуде. Сол жағалаудағы 900 орындық, Арал қаласындағы және Жаңақорған кентіндегі 600 орындық мектептерді 1 қыркүйекке дейін оқушылар игілігіне беруіміз қажет. Қалған 7 мектепті қараша айына дейін салып бітіру – біздің басты міндетіміз», – деді Нұрлыбек Машбекұлы.Жиында жауапты тұлғалар мен мердігер мекеме басшылары құрылыс барысын баяндады. Облыс әкімі барлық жұмыс бекітілген кестеге сай әрі сапалы жүргізілуі тиіс екенін ескертті.Айта кетейік, «Жайлы мектеп» ұлттық жобасы аясында облыста 12 300 орынға арналған 21 мектеп салу жоспарланған. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы басталады деп күтілуде. Қызылорда облысының әкімдігі мектептерге инфрақұрылым жеткізуге жергілікті бюджеттен 118,4 млн. теңге бөліп, жоба-сметалық құжаттары әзірленді. Сараптама қорытындысы алынды. Инфрақұрылым жүргізуге жергілікті бюджеттен 1,7 млрд. теңге бөлініп, 7 мектептің құрылыс-монтаж жұмыстары аяқталды.Фото: Қызылорда облысы әкімінің баспасөз қызметі

«Жайлы мектеп» жобасын жүзеге асырудың жауапкершілігі жоғары

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев Қызылорда қаласындағы қайта жаңғырту жобаларымен танысты.Алдымен Ш.Есенов көшесіндегі орташа жол жөндеу жұмыстарын көрді. Биыл қаланың жол-көлік инфрақұрылымын дамыту үшін 41,2 млрд. теңге бөлінді. Қаржы 227 шақырым болатын 206 көшені қайта жаңғыртудан, күрделі және орташа жөндеуден өткізуге бағытталған. Бүгінде 95 көшеде жұмыс жүргізілуде.Нұрлыбек Машбекұлы Желтоқсан көшесіндегі жылу трассасын жөндеу жұмыстарын көрді. Бас мердігер "Ақмешіт-Мелиоратор" ЖШС магистральдық жылу желілерін жаңғыртуда. Жоба құны 787 млн теңгеге жуық.Биыл қала көшелерін, көпқабатты тұрғын үй аулаларын абаттандыру үшін облыстық бюджеттен 12,7 млрд. теңге қаралды. «Қорқыт Ата» әуежайының аумағын көркейту, қала, кент пен ауылдық округтердің 75 көшесіне жарық бағаналарын орнату, 59 көшеге жаяу жүргіншілер жолын салу жоспарланған. Құрылысы өткен жылы бастау алған 19 көпқабатты тұрғын үйдің ауласындағы жұмыстарды аяқтау үшін 237 млн. теңге бөлінген. Тағы 25 көпқабатты тұрғын үйдің ауласындағы ойын алаңдарын күрделі жөндеу үшін облыстық бюджеттен 1 млрд. теңге қаралған. Бұған қоса 215,8 млн. теңгеге 4 көппәтерлі тұрғын үйдің ауласы жөнделуде.Облыс орталығына 10 замануи аялдама салу үшін 52,5 млн. теңге қаралып, толығымен орнатылды. «Халық қатысатын бюджет» бағдарламасы шеңберінде 332,6 млн. теңгеге көшелерге науа тарту, орталық зиратты қоршау, көппәтерлі үйлерді абаттандыру қолға алынды.Қаланы көгалдандыру үшін құрылған «Жасыл Қызылорда» коммуналдық мемлекеттік мекемесіне биыл 702,2 млн. теңге қаржы берілді.Көркейту-көгалдандыру, абаттандыру жұмыстарымен танысқан аймақ басшысы барлық істі сапалы атқарып, мерзімінде аяқтауды тапсырды.Фото: Қызылорда облысы әкімінің баспасөз қызметі<img src="https://knadmin.beoblood.kz/uploads/5_c861098915.jpg" alt="5.jpg"><img src="https://knadmin.beoblood.kz/uploads/6_99574796b8.jpg" alt="6.jpg">

Облыс әкімі қайта жаңғырту жобаларымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Мәжілісіндегі «Қазақстан Халық партиясы» фракциясының депутаты Гаухар Танашевамен кездесті.Кездесуде өңірде атқарылған жұмыстар мен алдағы жоспарлар талқыланды. Аймақ басшысы атқарушы органдар саяси ұйымдармен тығыз жұмыс жасап, олардың бастамаларына әрдайым қолдау көрсететінін атап өтті.«Аймақта Президентіміздің, Үкімет басшысының, Парламенттің қолдауымен халықтың әлеуметтік жағдайын жақсарта түсу, инфрақұрылым объектілерін жаңарту бойынша ауқымды жұмыстар іске асырылуда. Облыс бюджеті 708 млрд теңгеден асты. Бар-жоғы екі жылдан сәл астам уақытта 236,8 млрд теңгеге немесе 53,7 пайызға ұлғайды. Ауқымды қаражаттың басым бөлігі халықтың жайлы тұрмысын қамтамасыз ететін инфрақұрылымдық жобаларға жұмсалуда. Бюджетті жоспарлауда әлеуметтік бағытқа басымдық берілген.2022 жылы өңір өңдеу өнеркәсібінің өсу қарқыны бойынша республикада 11-орында болса, өткен жылы 1-орынға көтерілді.Мемлекеттің ерекше қолдауы құрылыс саласының дамуына жаңа қарқын қосты. Өткен жылға бөлінген қаржы 2022 жылмен салыстырғанда 3,5 есе артып, 87,1 млрд. теңге болған еді. Биылға қаралған қаржы бұрын-соңды бұл салада болмаған деңгейге, яғни 119,3 млрд. теңгеге жетті. Осы сияқты әр саладағы серпінді жұмыстар тоқтаусыз жүргізіле береді», – деді Нұрлыбек Машбекұлы.Гаухар Шаймерденқызы облыс басшысының бастамаларына сәттілік тіледі.Айта кетейік, бүгінде атқарушы органдар саяси партиялармен, оның ішінде «Қазақстан Халық партиясы» облыстық филиалымен тығыз байланыста. Филиалға 6 мыңнан астам адам тіркелген. Облыстық мәслихатқа «Қазақстан Халық партиясынан» 1 депутат сайланды.Фото: Қызылорда облысы әкімінің баспасөз қызметі

Аймақ басшысы мәжіліс депутатымен кездесті

<a href="https://kyzylorda-news.kz/">Kyzylorda-news.kz</a>&nbsp; &nbsp;ҚР Президентінің кеңесшісі Ернар Баспаевтың төрағалығымен өткен мәжілістің күн тәртібінде еліміздегі «Жайлы мектеп» ұлттық жобасын және «Таза Қазақстан» республикалық акциясын іске асыру барысы талқыланды.Айта кетейік, «Жайлы мектеп» ұлттық жобасы аясында облыста 12 300 орынға арналған 21 мектеп салу жоспарланған. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы басталады деп күтілуде. Қызылорда облысының әкімдігі мектептерге инфрақұрылым жеткізуге жергілікті бюджеттен 118,4 млн. теңге бөліп, жоба-сметалық құжаттар әзірленді, сараптама қорытындысы алынды. Жергілікті бюджеттен 1,7 млрд. теңге қаржы бөлініп, 7 мектептің құрылыс-монтаж жұмыстары аяқталды.Мемлекет басшысының бастамасымен қолға алынған «Таза Қазақстан» республикалық экологиялық акциясы шеңберінде барлық елді мекенде бес кезеңнен тұратын «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» апталықтары ұйымдастырылды. Аймақ жұртшылығы белсене қатысқан акция қазіргі уақытта жалғасын табуда. Жыл соңына дейінгі іс-шаралардың жоспары бекітілген.Қызылорда қаласында демеушілік есебінен 1 млрд. 100 млн. теңгеге 28 ескі көпқабатты тұрғын үйдің қасбеттері заманауи панельмен қапталып, 1 млрд. теңгеге 20 көпқабатты тұрғын үйдің аулалары абаттандырылды. Орталық алаңды қайта жаңғыртуға демеушінің 1 млрд. теңге және облыстық бюджеттің 1 млрд. теңге қаржысы жұмсалды. Теміржол вокзалы ғимараты мен перроны күрделі жөндеуден өткізілді. Балалардың игілігі үшін 1 млрд 600 млн. теңгеге 80 ойын және спорт алаңы салынды.Жаңақорған ауданында демалыс паркі, Сырдария ауданы, Нағи Ілиясов ауылында «Еңбекшілер паркі» пайдалануға берілді. Қармақшы ауданы, Жаңажол ауылында орталық алаң және Жалағаш ауданы, Таң ауылында көшелер абаттандырылып, жарықтандырылды.Облыстық бюджеттен бөлінген 800 млн. теңгеге 17 көпқабатты тұрғын үйдің аулалары, 200 млн. теңгеге жуық қаржыға 14 спорт-ойын алаңы салынып, 7 ойын алаңы жөндеуден өткізілді. Бұл жұмыс биыл да жалғасын табуда.Демеушілер облыс орталығындағы 63 көпқабатты тұрғын үй мен 2 әлеуметтік нысанның қасбетін заманауи үлгімен әрлеуде. Аудандарда да көшелер абаттандырылып, ойын алаңдары мен скверлер салынуда.Қызылорда қаласының көшелерін, аулаларды абаттандыруға облыстық бюджеттен 12 млрд. 700 млн. теңге бөлінген.Экологиялық акцияны жалғастыру үшін коммуналдық қызмет мекемелерін жаңа техникамен қамтамасыз етудің маңыздылығы ескерілген. Өткен жылдан бері «Үлгілі елді мекен» конкурсын ұйымдастыру дәстүрге айналды. Конкурс үздіктеріне күнделікті тұрмысқа қажетті 29 арнайы техника табысталды. Биыл 436 млн.теңге бөлініп, 19 техника алынуда.Жыл соңына дейін Қызылорда қаласындағы коммуналдық мекемелерге (КРЭК, ТЭЦ) 15, абаттандыру мекемелеріне («Қызылорда тазалығы, «Жасыл Қызылорда», «Қызылорда су жүйесі») 67 арнайы техника әкелінбек. Бұған қоса, облыс орталығында және барлық ауданда «Үздік аула» дәстүрлі конкурсы өткізілуде.Тазалық шараларын бір реттік науқанға емес, өмір салтына айналдыру, яғни жұмыстарды сапалы әрі тыңғылықты орындау өте маңызды. Осы орайда іске қосылған «Таза Қазақстан» онлайн платформасы Қызылорда облысында жұмыс жасауда. Салалар бөлінісіне қарай бекітілген операторлар, модераторлар мен орындаушылар тұрғындардан түскен өтініштерді уақытылы қарап, тиісті шара қабылдауда.Фото:&nbsp;Қызылорда облысы әкімінің баспасөз қызметі

Қызылордада көркейту және абаттандыру жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.Қабылдауға келген 12 тұрғынның көтерген мәселелерінің қатарында үй алу, жол, жарықтандыру, жұмысқа орналасу және кәсіп жүргізу бар.Келушілердің ұсыныс-пікірі, өтініші мамандардың жіті назарында болады. Себеп-салдары зерттеліп, шешімі заң талаптары шеңберінде қарастырылады. Кей мәселеге қатысты түсіндірмені мамандар сол жерде берді.Мәселен, баспана алу жайын қозғаған 48 жастағы қала тұрғынына кезегі жақындағаны және үйді жыл аяғында алатыны түсіндірілді. Сондай-ақ, Хангельдин көшесіне электр жарығын жүргізуді сұраған тұрғынға да бұл мәселе жақын арада шешімін табатыны айтылды. Бүгінде көше жарығына бюджеттен тиісті қаржы қарастырылып, қыркүйек айында жүргізіледі деп жоспарлануда.Қабылдауға келген жалғызбасты ана «Бауыр циррозы» диагнозымен есепке алынған 15 жастағы қызына ота жасауға қаржылай көмек сұрады. Жеті жылдан бері іздеген донор табылған, енді емдеу шараларына қомақты қаржы қажет. Аймақ басшысы жауапты тұлғаларға тапсырма беріп, көмек көрсетілетінін айтты.Бүгінгі қабылдауға «Қазақ радиосының үздігі», Шиелі ауданының Құрметті азаматы Қатира Жәленова да келді. Ақын, қаламгер Нұрлыбек Машбекұлына өңірдің руханият саласын өркендетуге қатысты бірқатар ұсыныс айтты. Оның ұсыныс-пікірлері алдағы уақытта зерттеліп, қаралатын болады.Еске салайық, тұрғындар облыс әкімінің қабылдауына&nbsp;egov.kz порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.Фото: Қызылорда облысы әкімінің баспасөз қызметі

Облыс әкімі жеке қабылдау өткізді

<a href="https://kyzylorda-news.kz/">Kyzylorda-news.kz</a> &nbsp;Қазақстан премьер-министрі Олжас Бектенов жұмыс сапарымен Алматыға барды, деп хабарлайды <a href="https://el.kz/olzhas-bektenov-almatyny-sumen-qamtamasyz-etetin-rezervtik-zhuye-salu-barysyn-tekserdi_124553/">El.kz </a>ақпарат агенттігі.Сорғы стансасының аумағында Үкімет басшысы мегаполистің жоғарғы аудандарын сумен қамтамасыз етудің резервтік жүйесін салу жұмысының қарқынын тексерді. Жобаның маңызы жер үсті суларына тәуелділікке байланысты. Бұған дейін 2023 жылғы 18 тамызда Алматы қаласын дамыту мәселелері жөніндегі кеңесте селдің көбеюі және өзен суы лайлануының артуына байланысты президент қаланың жоғарғы бөлігіне ауыз су беруді шектемеу үшін аталған мәселені шешуге тапсырма берген болатын. Мәселен, Алматы 6 негізгі көзден: Үлкен және Кіші Алматы, Ақсай, Қарғалы өзендерінен және Алматы мен Талғар кен орындарының жерасты су жинағышы арқылы сумен қамтамасыз етіледі.&nbsp;Қала тұрғындарын сумен тұрақты әрі үздіксіз қамтамасыз ету мақсатында Талғар жерасты су жинағышынан тәулігіне 17 мың м3&nbsp;көлемінде қолданыстағы желілерді қосымша толықтыруға жағдай жасалды. Жоба қуаттылығы 15 мың м3 болатын жаңа 6 ұңғыма салуды және қуаттылықты 60%-ға&nbsp;арттыра отырып, 6 сорғы стансасындағы 14 сорғыны толық ауыстыруды көздейді.&nbsp;Қала әкімінің орынбасары Асқар Әмрин Президенттің резервтік жүйе туралы тапсырмасының орындалғанын баяндады. Мәселен, сумен жабдықтаудың ағымдағы жалпы қуаты тәулігіне&nbsp;1,3 млн м3-ты құрайды, ал қаланың орташа тұтыну нормасы – тәулігіне 700 мың м3.&nbsp;Сонымен қатар премьер-министрге Алматы қаласының барлық тұрғынын орталықтандырылған сумен қамту бойынша жүргізіліп жатқан жұмыс барысы туралы баяндалды. Өткен жылы 117 шақырым су құбыры&nbsp;салынып, 46 шақырымы жаңғыртылды, бұл Алматы тұрғындарының 99,3%-ын&nbsp;орталықтандырылған сумен қамтамасыз етуге мүмкіндік берді. Алатау, Бостандық және Наурызбай аудандарының тұрғындарын сумен қамту мәселесін шешу үшін 4 су жинағыш құрылысы мен жобасы жүргізілуде.&nbsp;Биыл 142 шақырым инженерлік коммуникация салу және 48 шақырым желіні жөндеу&nbsp;жоспарланған. Қабылданған шаралар жыл соңына дейін тұрғындардың 99,6%-ын&nbsp;орталық сумен қамтуға және желілердің тозу деңгейін 53,8%-ға&nbsp;дейін төмендетуге мүмкіндік береді.&nbsp;Үкімет басшысы халықтың ауыз суға қол жеткізуінің маңыздылығын атап өтіп, инженерлік инфрақұрылымды одан әрі жаңғырту жөнінде бірқатар тапсырма берді.<blockquote>Сумен қамту – стратегиялық мәселе. Қаланың тыныс-тіршілігін қамтамасыз ету жүйелерінің жұмыс істеуі – әкімдіктің басты міндеті. Өткен жазда мәселе бар екені байқалды. Сондықтан барлық басталған жобаларды аяқтау маңызды. Әкімдік әзірлеп жатқан Алматы қаласын сумен жабдықтау схемасында тұрғывндарды сумен түрлі баламалы көздерден қамтамасыз ету мүмкіндігі ескерілуі тиіс, — деп атап өтті Олжас Бектенов.</blockquote>Фото: el.kz

Олжас Бектенов Алматыны сумен қамтамасыз ететін резервтік жүйе салу барысын тексерді

<a href="https://kyzylorda-news.kz/">Kyzylorda-news.kz</a> Биыл 10 шілде – Ветеринария қызметкерлері күні алғаш рет аталып өтуде.Облыс әкімі Нұрлыбек Нәлібаев ветеринария ұйымдарына жаңа қызметтік автокөліктердің кілтін табыстау рәсіміне қатысып, сала қызметкерлерін кәсіби мерекемен құттықтады.«Президентіміз Қасым-Жомарт Кемелұлы Қазақстан халқына Жолдауында «Мал басының амандығы және өнімділігі жергілікті ветеринарлардың тиімді жұмысына байланысты. Бұл, түптеп келгенде, ауылдағы ағайынның әл-ауқатына тікелей әсер етеді», – деген болатын. Мемлекетіміз ветеринария саласын жетілдіруге аса үлкен мән бергенінің арқасында салада серпінді жұмыстар қолға алынды.<blockquote>Биыл 14 түрлі аса қауіпті жұқпалы ауруға қарсы ветеринариялық дәрі-дәрмек облысқа жеткізіліп, төрт түлік уақытылы алдын ала егілді. Сапалы атқарылған жұмыстардың нәтижесінде Дүниежүзілік жануарлар денсаулығы ұйымы облысымызға аусыл ауруынан таза аймақ мәртебесін берді. Бұл мал өнімдерінің экспорттық әлеуетін арттыруға оң септігін тигізеді. Облыста соңғы жылдары аса қауіпті аурулар тіркелген жоқ, эпизоотиялық тұрақтылық сақталуда. Бұл – сала мамандарының тынымсыз еңбегінің жемісі», – деді аймақ басшысы.</blockquote>Рәсімде қалалық, аудандық ветеринариялық станцияларға 26 жаңа автокөліктің кілті табысталды. Қоғам қайраткері Бекмырза Еламанов ветеринарларды мерекемен құттықтап, ізгі тілегін арнады. Үздік қызметкерлер ҚР Ауыл шаруашылығы министрінің, облыс әкімінің Алғыс хатымен және сала ардагерлері Қызылорда облысының Құрмет грамотасымен марапатталды.Айта кетейік, өңірдің ветеринария саласында 780 маман қызмет етеді. Екі жыл бұрын олардың жалақысы 60 мың теңге болатын, жыл сайын қаңтар, шілде, желтоқсан айларында ақысыз еңбек демалысына жіберілетін.Салада мамандарды тұрақтандыру үшін 2022 жылы жергілікті бюджеттен 724 млн теңге бөлініп, қызметкерлер жалақысы 40 пайызға өсті. Мемлекет басшысының зиянды еңбек жағдайында жұмыс істейтін мамандардың еңбекақысын көтеру жөніндегі тапсырмасына сәйкес 2022-2024 жылдары бюджеттен қосымша 1 млрд 634 млн теңге бөлініп, ветеринарлар жалақысы тағы 50 пайызға көбейді. Мекемелердің материалдық-техникалық базасын жаңартуға екі жылда облыстық бюджеттен 300 млн теңгеге жуық қаржы бөлініп, қызметтік автокөліктер мен құрал-жабдық алынды.Соңғы жылдары өңірде барлық саланың материалдық-техникалық базасын нығайтуға басымдық берілуде. Қоғамдық көлік мәселесін түбегейлі шешу үшін 300 автобус, мектеп оқушыларына 30 автобус, денсаулық сақтау саласына 120 жедел жәрдем көлігі, орманшыларға 95 техника алынды. «Үлгілі елді мекен» облыстық конкурсының жеңімпаздарына күнделікті тұрмысқа ең қажетті заманауи үлгідегі 29 арнайы техника берілсе, биыл 19 техника дайындалуда. Оған қоса «Қызылорда электр тарату тораптары» мекемесіне 24, «Қызылорда тазалығы» мекемесіне 20 техника пайдалануға берілді.Биыл жыл соңына дейін денсаулық сақтау ұйымдарына 150 жедел жәрдем көлігі, коммуналдық мекемелерге 15, абаттандыру мекемелеріне 67 арнайы техника сатып алынады.Еске салсақ, ветеринарларға өткен жылы да 30 қызметтік автокөлік берілген болатын.<img src="https://knadmin.beoblood.kz/uploads/8_1a40eb7a78.jpg" alt="8.jpg"><img src="https://knadmin.beoblood.kz/uploads/6_e7227fad68.jpg" alt="6.jpg"><img src="https://knadmin.beoblood.kz/uploads/7_a87ce3d0cb.jpg" alt="7.jpg"><img src="https://knadmin.beoblood.kz/uploads/5_159d17a5ea.jpg" alt="5.jpg"><img src="https://knadmin.beoblood.kz/uploads/4_ae84262dcf.jpg" alt="4.jpg"><img src="https://knadmin.beoblood.kz/uploads/3_393aa056cd.jpg" alt="3.jpg"><img src="https://knadmin.beoblood.kz/uploads/2_7d7dc12c0a.jpg" alt="2.jpg">Фото: Қызылорда облысы әкімінің баспасөз қызметі

Қызылордада ветеринария мекемелеріне 26 жаңа көлік табысталды

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында автожол саласын дамыту мәселелері қаралды. Көлік министрі Марат Қарабаев қолға алынған жобалар туралы баяндама жасады.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға бірқатар тапсырма берді.&nbsp;<blockquote>«Қызылорда облысының аумағындағы жергілікті маңызы бар автомобиль жолдарының ұзындығы 3580 шақырым. Оның 1014 шақырымы – республикалық, 555 шақырымы – облыстық, 2011 шақырымы – аудандық маңызы бар автомобиль жолдары. Биылға республикалық бюджеттен қаржыландыруға 101 жоба ұсынылды. Жол инфрақұрылымын дамытуға 33 млрд. 300 млн. теңге бөлініп, 266 шақырым автомобиль жолдары, көшелер және көпір өткелдері жөнделуде», – деді аймақ басшысы.</blockquote>Жиында облыс аумағындағы жол салу және қайта жаңғырту жобаларының іске асырылу барысы қаралды. Орындалу мерзімі кешіккендері үшін жауапты тұлғалар тиісті тәртіптік жауапкершілікке тартылмақ.&nbsp;Облыстық жолаушылар көлігі және автомобиль жолдары басқармасына Қызылорда қаласы, аудан әкімдіктерімен бірлесіп, биылғы меже – жақсы жағдайдағы жолдар үлесін 92 пайызға жеткізу тапсырылды. Анықталған кемшіліктер шұғыл арада жөнделуі тиіс.Мұнан бөлек, мәжілісте күн тәртібінен тыс коммуналдық мекемелердің қызметі, қоғамдық тәртіпті сақтау және елді мекендердің санитарлық тазалығы мәселелері қаралып, жауапты мекеме басшыларына тиісті тапсырмалар жүктелді.Бұған дейін облыс аумағындағы саябақтарды жаңартудың, оларды көркейту-көгалдандырудың жобасын жасап ұсыну туралы тапсырма берілген болатын. Саябақтарды атына сай саялы орынға айналдыру ісінде шалағайлық басым, жаз ортасы болса да жауаптылар асығар емес. Демалыс маусымында көпшілік жиналатын мұндай орындар таза, жанға жайлы болуы тиіс.&nbsp;Жаз басталғалы суға кету оқиғалары да жиі тіркелуде. Белгіленбеген орындарға суға түскеннің, судағы қауіпсіздікті сақтамағанның соңы қайғылы жағдайға ұрындыруда. Бұл ретте де құзырлы мекемелер жауапкершілігіне айтылар сын жетерлік.Кейінгі уақытта қала және аудан орталықтарының, ауылдардың тазалығына қатысты мәселе күн тәртібінен түспей келеді, айналаны күтіп ұстау жөнінде тапсырмалар нақтыланып берілуде. Бірақ кемшіліктер түбегейлі түзетілген жоқ. Бүгінгі жиында жоғарыда аталған кемшіліктерге жол бергені үшін барлық аудан әкімдеріне сөгіс жарияланды.6 шілде күні Орталық стадиондағы "Қайсар – Жеңіс" командалары арасындағы ойында электр жарығы сөніп қалған. Бұл жағдай көпшілік жиналатын іс-шарадан бұрын желілердің жай-күйін жіті бақыламағандықтан орын алды. Осы кемшілікке жол берген облыстық спорт, дене шынықтыру және туризм басқармасының басшысы Жанмұрат Сейіловке, «КРЭК» АҚ-ның басшысы Батыржан Қаракөзовке қатаң сөгіс жарияланды.Оқушылардың суға кетуіне, білім саласында орын алған кемшіліктерге байланысты облыстық білім басқармасының басшысы Асқарбек Есжановқа да қатаң сөгіс берілді.Фото: Қызылорда облысы әкімінің баспасөз қызметі

Бірнеше басшыға қатаң сөгіс берілді 

<a href="https://kyzylorda-news.kz/">Kyzylorda-news.kz</a> Мемлекет басшысы «Қазақстан Республикасының кейбір заңнамалық актілеріне ойын бизнесі, лотерея қызметі, денсаулық сақтау, мемлекеттік еңбек инспекциясы, мемлекеттік бақылау және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.Заң арқылы халықтың ойынға тәуелділігін төмендетуге бағытталған шектеуші және ынталандырушы нормалар енгізіледі. Атап айтқанда, құмар ойындарға/бәс тігуге қатысуына тыйым салынатын адамдар санатының тізімі кеңейтілді. Енді олардың қатарына Борышкерлердің бірыңғай тізілімінде тұрған тұлғалар (атқарушылық іс жүргізу бойынша борышкерлер туралы мәліметтерді қамтитын электрондық деректер банкі) қосылды. Сонымен қатар сыбайлас жемқорлыққа қарсы шектеу енгізу арқылы жауапты мемлекеттік лауазымды атқаратын, мемлекеттік функцияларды орындауға уәкілеттік берілген адамдардың, оларға теңестірілген адамдардың құмар ойындарға/бәс тігуге қатысуына шектеу қойылады.Бұдан былай мемлекеттік қызметшілер, әскери қызметшілер, арнайы және құқық қорғау органдарының қызметкерлері, бюджеттік ұйымдардың басшылары құмар ойындарға/бәс тігуге қатыса алмайды. Бұл шектеуді сақтамағаны үшін оларды жұмыстан шығару шарасы қарастырылған. Ойын бизнесін ұйымдастырушылардың қызметін реттеу тетіктері күшейтілді. Туризм және спорт министрлігі ойын мекемесінің, букмекерлік кеңсенің, тотализатордың, ставкаларды қабылдау және құмар ойындардың/бәс тігудің бірыңғай ережелерін бекітеді.Букмекерлік кеңселер мен тотализаторлардың жарнамаларына шектеу қойылды. Атап айтқанда, букмекерлік кеңселер мен тотализаторларды сыртқы (көрнекі) жарнамасына, сондай-ақ олардың қызметін көлік құралдарында, бұқаралық ақпарат құралдарында, кино -, видео-және анықтамалық қызмет көрсету орындарында жарнамалауға тыйым салынады.Тек букмекерлік кеңсе немесе тотализатор орналасқан жердегі сыртқы жарнамаға; спорт ғимараттарының ішінде және спортшылардың киімінде; спорттық тақырыпқа маманданған және ресми тіркелген БАҚ-та, сондай-ақ отандық телеарналар халықаралық спорттық жарыстарды тікелей трансляция жасаған кезде жарнамалауға рұқсат етіледі.Сонымен қатар лотерея қызметін реттеу тетіктері жаңартылды. Нақтырақ айтқанда, тұрғын үйлерде, жатақханаларда, ғибадат үйлерінде, мәдениет ұйымдарының ғимараттары мен құрылыстарында, әлеуметтік объектілерде (білім беру, денсаулық сақтау), сондай-ақ олардан жүз метр қашықтықтағы радиуста лотерея билеттерін таратуға және лотерея терминалдарын орнатуға тыйым салынады. Өскелең ұрпақтың денсаулығын энергетикалық сусындардың зиянды салдарынан қорғау үшін мұндай сусындарды 21 жасқа дейінгі адамдарға сатуға тыйым салынады.Фото: Akorda

Мемлекет басшысы жаңа Заңға қол қойды

<a href="https://kyzylorda-news.kz/">Kyzylorda-news.kz</a> Қызылордада Ұлттық домбыра күнінде «Домбыра – халық мұрасы» фестивалі өтті. Жаңарған Орталық алаңдағы тағылымды іс-шараға ҚР Парламенті Мәжілісінің депутаты Мұрат Ергешбаев, ардагерлер, облыстық қоғамдық кеңес мүшелері, зиялы қауым, азаматтық қоғам өкілдері мен белсенді жастар қатысты.Облыс әкімі Нұрлыбек Нәлібаев жерлестерін мерекемен құттықтап, әр қазақтың асыл қазынасы - домбыраның қасиетті Сыр елі үшін ерекше маңызын атап өтті.<blockquote>«Мемлекет басшысы Қасым-Жомарт Кемелұлы өз сөзінде «Азаматтарымыздың рухы әрқашан биік болуы үшін мәдениетімізге, яғни руханиятымызға баса мән бергеніміз жөн» деген болатын. Биыл «Алаштың анасы» атанған қасиетті Сыр өңірінде «Руханият жылы» жарияланды. Мерейлі жыл аясында тек мәдени-көпшілік шаралар ғана емес, ауқымды жобалар жүзеге асырылады. Наурыз мерекесінде 1000 орындық «Өнер» орталығы пайдалануға берілді. Қызылорда қаласының сол жағалауынан облыстық тарихи-өлкетану музейі ғимаратының құрылысы басталды. Жыл соңына дейін Сыр өңірінің жазба мәдениетін насихаттайтын «Алаш әдебиеті» музейі ашылады. Барлық 7 ауданда музей, кітапхана, архив, неке қию залы, ардагерлер және аналар, жастар орталықтарын біріктіретін, типтік үлгідегі «Руханият» орталықтары салынуда. Облыс орталығында «Шығармашылық академиясы», 2 ауданда Оқушылар үйі мен Өнер мектептерінің құрылысы жүруде. «Саутс ойл» компаниясының демеушілігімен мәдени мұраның, ұлттық өнердің кемелденуіне өзіндік үлесін қосқан Қазанғап атындағы Қызылорда музыкалық жоғары колледжінің жаңа ғимараты салынуда. Былтырдан бері қасиетті мекеннің абыройын асырып, бақ-беделін сақтауға үлес қосып жүрген мәдениет және өнер, әдебиет өкілдеріне облыс әкімінің «Тұран» арнайы сыйлығын табыстауды бастадық. Аудандардағы өнер ұжымдарына 100 домбыра тарту етілді. Мемлекет басшысының «Адал азамат» тұжырымдамасы аясында республикада алғашқы болып 171 мәдениет үйі мен клубтарда 7 бағыт бойынша «Адал адам – мәдени-тәрбие беру орталығы» жобасы іске асырылуда», - деді аймақ басшысы.</blockquote>Мерекелік кеште Базардың термесі, Жиенбайдың жыр бастауы, «Жез киік», «Терісқақпай», «Сарыарқа» секілді туындылар орындалды.Айта кетейік, облыстағы мәдениет үйлері мен клубтарда 100-ден аса жыр-терме, домбыра үйірмесі жұмыс жасап, оларда 1000-нан астам балалар мен жасөспірімдер дәстүрлі өнерге тәрбиеленуде. Облыс көлемінде ұлт аспаптар оркестрлері, фольклорлық ансамбльдер және этно-топтар халыққа рухани-мәдени қызмет көрсетіп келеді. Кешелі бері Сыр аспанын дала дауылпазы - домбыра үніне толтырған «Сыр толқыны» республикалық күйшілер байқауы ұлт өнерін тағы бір биікке көтере түсті.Өңірде айтыс өнері мен жыраулық дәстүр көші әлі күнге үзілген жоқ. Кеңестік дәуірде айтыстың ақтаңгері атанған жерлесіміз Манап Көкеновке «Қазақстанның халық ақыны» құрметті атағы берілсе, тәуелсіздік жылдарында Мұхтар Ниязов «Алтын домбыраны» үш мәрте жеңіп алып, Сыр жеріндегі айтыстың бүгінгі мерейін асырды. Қорқыт бабадан бастау алған жәдігер өнерді жалғастырушы Сыр сүлейлерінің әрқайсысы бүгінде дәстүрлі жыршылық пен термешіліктің бір-бір мектебіне айналды. Ұлт қазынасын сақтап, әрі қарай дамыту мақсатында биыл Сыр мәдениетінің алтын тамыры саналған жыраулық дәстүр өкілдері үшін "Жыраулар үйі" ашылды. Бұл шаңырақ бабалар мұрасын ұрпақтан-ұрпаққа жалғап, ұлттық брендіміз - жыраулық өнерді насихаттауға арналған бірден-бір рухани орынға айналуда.<img src="https://knadmin.beoblood.kz/uploads/1_d3325826b2.jpg" alt="1.jpg"><img src="https://knadmin.beoblood.kz/uploads/2_8c0a429d4e.jpg" alt="2.jpg"><img src="https://knadmin.beoblood.kz/uploads/4_534255e042.jpg" alt="4.jpg"><img src="https://knadmin.beoblood.kz/uploads/5_2b77eb2309.jpg" alt="5.jpg">Қызылорда облысы әкімінің баспасөз қызметі &nbsp; &nbsp;&nbsp;&nbsp;

Қызылордада Ұлттық домбыра күні атап өтілді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> ЭКСПО аумағында 6 шілде күні сағат 18:00-де «Open Air» мерекелік концерті өтеді. Концерт аяқталғаннан кейін дрондар шоуын өткізу жоспарланып отыр, деп хабарлайды <a href="https://baq.kz/astanada-6-shilde-kuni-drondar-shouy-otedi-335655/">BAQ.KZ.</a></h4>Дрондар шоуының болжамды уақыты – сағат 22:15-те (22:30). Дрондар шоуы үшін аспанға радиомен басқарылатын 1250 аппарат ұшырылады, оның 70-і – пиротехникалық дрон. Бұл – дрон симбиозы мен пиротехниканың жаңа технологиясы. Шоу қазақстандық және шетелдік композиторлардың әуенімен үндестірілетін болады.Шоу демеушілік қаражат есебінен ұйымдастырылады.Фото: gov.kz

Қазақстан және Қызылорда облысының жаңалықтары: Басты жаңалықтар old