Қазақстан боксында кадрлық өзгерістер орын алды. Париж Олимпиадасының қорытындысы бойынша кеңес өткізілді.Бас жаттықтырушы Мырзағали Айтжанов және бапкерлік құрамдағы 10 маман, ҚБФ вице-президенті Азиз Қожамбетов қызметтен босатылды.Қазақстанның еңбек сіңірген жаттықтырушысы Тұрсынғали Еділов Қазақстан бокс федерациясы президентінің кеңесшісі қызметіне тағайындалды.

Бокстан ерлер командасының бапкерлік құрамы толығымен жұмыстан шеттетілді

<a href="https://kyzylorda-news.kz/">Kyzylorda-news.kz</a> &nbsp;Бүгін аймақ басшысы Нұрлыбек Нәлібаевтың тапсырмасына сәйкес, облыс әкімінің орынбасары Бахыт Жахановтың төрағалығымен алдағы жылу беру маусымына жылу орталығы мен әлеуметтік нысандардың дайындығы, тұрғындарды көмірмен қамтамасыз ету және ауыз су мәселелері талқыланған жиналыс өтті.Дайындық бекітілген іс-шара жоспарына сәйкес жүргізілуде.Биыл жылумен қамту нысандарын жаңғыртуға 12 млрд.теңге қаржы қаралды. Қазіргі уақытта жұмыс 80 пайыз орындалды. Сонымен қатар, жылу желілерін жаңғыртуға бағытталған 6 жобаны іске асыруға бюджеттен қаржы бөлініп, 9,5 шақырым жылу желілері жаңғыртылуда. Облыс аумағындағы 1 067 әлеуметтік нысанның дайындығы 82 пайыз, көмірдің 207,3 мың тонна қоры бар.Бахыт Жаханов қала, аудан әкімдері мен сала басшыларына жылу беру маусымына дайындықты сапалы жүргізіп, мерзімінде аяқтауды, көмір тапшылығын болдырмауда өңірлік операторлармен тиісті жұмыс атқаруды тапсырды.Қазір халықты орталықтандырылған ауыз сумен қамту үлесі 98,4 пайыз. Бұл көрсеткіш бойынша өңіріміз республикада алдыңғы қатарда.Облыс аумағында орталықтандырылған ауыз су жүйесіне қосылмаған 26 елді мекен бар.Мемлекет басшысының тапсырмасына сәйкес бұл елді мекендерді 2025 жылдың соңына дейін сапалы ауыз сумен қамту мақсатында арнайы жол картасы әзірленіп, жұмыс атқарылуда.Осы бағытта Қызылорда қаласы және аудан әкімдеріне тиісті тапсырмалар берілді.<img src="https://knadmin.beoblood.kz/uploads/455044308_799578179030095_4568764521367435270_n_3297d79d96.jpg" alt="455044308_799578179030095_4568764521367435270_n.jpg">

Аймақта орталықтандырылған ауыз су жүйесіне қосылмаған 26 елді мекен бар

Kyzylorda-news.kz. 12 тамыз – Халықаралық жастар күніне арналған «Жастармен бірге» атты онкүндігі «OPEN AIR» жастар фестивалімен қорытындыланды. «Қазір елімізде жастар саясатына қатысты барлық мүмкіндік қарастырылған. Оның бір дәлелі – Мемлекеттік жастар саясаты туралы Заңға өзгерістер енгізіліп, жастар санаты 35 жасқа дейін ұзартылды. Сондай-ақ, жергілікті мемлекеттік органдарды бағалау көрсеткішіне «Жастардың даму индексі» қосылды». Бұл туралы Халықаралық жастар күніне орай өткен мерекелік шарада облыс әкімінің орынбасары Шахмардан Байманов айтып өтті.Шарада облыс әкімінің орынбасары қоғамның қозғаушы - жастарды мерекемен құттықтап, жылы лебізін білдірді. «Президентіміздің, Үкіметтің, облыс әкімінің қолдауымен аймақ жастарының әлеуметтік жағдайын жақсартуға бағытталған жобалар жүзеге асырылып келеді. Қазіргі таңдағы өзекті мәселелердің бірі - өңір жастарын қолжетімді тұрғын үймен қамтамасыз ету үшін аймақта алғаш рет «Сыр жастары» өңірлік тұрғын үй бағдарламасы» қабылданды. Нәтижесінде жыл басында 60 жас отбасы қоныс тойын тойласа, жақын күндері 40 жас отбасыға пәтер кілттері табысталмақ. Биылғы жылы білімді жастарымызды қолдау мақсатында дәстүрге айналған аймаққа қажетті мамандықтар бойынша облыс әкімінің 100 гранты тағайындалды. Жастардың кәсіпкерлік бастамаларын қолдау, оларға кәсіппен шұғылдануға қолайлы жағдай қалыптастыру мақсатында қаржылық қолдау бағдарламасы арқылы несие портфелі 3,7 млрд. теңге болатын жас кәсіпкерлердің 130 жобасы субсидияланды. 2,1 млрд. теңгеге жас кәсіпкерлердің 115 жобасы бойынша кепілдік шарты жасалса, «Аграрлық несие корпорациясы» арқылы жас кәсіпкерлердің 48 жобасы қаржыландырылды. 100 мың жасты жұмыспен қамту тапсырмасына сәйкес биыл аймағымызда 6 мыңға жуық жас жұмыспен қамтылады.​Бүгінде облыс көлемінде NEET санатындағы жастардың үлесін төмендетуге барынша күш-жігер жұмсалуда. Осы мақсатта арнайы Жол картасы қабылданады. ​Жастардың бос уақытын тиімді ұйымдастыру және мәдени-рухани дамуына барлық жағдай жасалуда. ​Соңғы екі жылдың өзінде көптеген әлеуметтік нысандар бой көтерді. ​Талантты жастарымызды қолдау мақсатында мың орындық «Өнер орталығы» салынса, қала және аудандарда 171 мәдениет үйі жанында «Адал адам» мәдени-рухани орталықтары өз жұмыстарын бастап кетті. ​Осы игі бастамалардың жалғасы ретінде биылғы жылы 7 ауданда «Руханият» орталықтары, музыкалық колледж, инновациялық шығармашылық орталығы, «Оқушылар сарайының» құрылысы жүруде. Жас отбасыларға отбасы құндылығын насихаттау, ұлттық құндылықтарды дәріптеу, «отбасы», «шаңырақ» ұғымының қадір-қасиетін түсіндіру мақсатында «Отбасы орталығы» және балауса бойжеткен қыз баладан ардақты асыл әжеге дейін бас қосатын тал бесік - тәрбие мектебіне айналған «Анаға тағзым орталығы» өз қызметін жүзеге асыруда. Байрақты бәсекелерде көк тумызды желбіретер болашақ чемпион жастарымыз үшін заманауи 10 мың орындық стадион, үстел теннисі орталығының құрылысы басталса, алдағы уақытта көп функционалды «Қызылорда арена» кешенін салу жоспарлануда. Жалпы былтырдың өзінде 9 спорт кешені қолданысқа беріліп, биыл 15 кешеннің құрылыс жұмыстары жүргізілмек. Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 21 мектеп салынады. Осының барлығы жастарымыздың игіліктері үшін!»,- деді өз сөзінде облыс әкімінің орынбасары. Мерекелік шара барысында Шахмардан Асқарұлы 4 жасқа ҚР Мәдениет және ақпарат министрлігінің, 10 жасқа облыс әкімінің алғыс хатын табыстап, «Тәуелсіздік ұрпақтары» облыстық сайысының 5 жеңімпазын марапаттады.Биыл Халықаралық жастар күні «Жастармен бірге» ұлттық онкүндік ретінде қала, аудандарда атап өтілуде. Әр күн белгілі бір тақырыпқа арналып, онкүндік аясында аймақта «Мүмкіндіктер алаңы» шарасы, «Таза Қазақстан» экологиялық акциясы, спорттық шаралар, «Дені сау жас – ел болашағы» атты медициналық кеңес беру, «Адал азамат» бейресми кездесулері, «Игі істер марафоны» қайырымдылық акциясы, «Түнгі кітапхана», «Ziyatker quest» интеллектуалды сайысы, «Донор бол» акциясы, «Аспан синема» шарасы өткізілді. Жалпы осы бағытта облыс бойынша 385 шара ұйымдастырылса, онда 50 мыңға жуық жастар қамтылған.Бүгінгі 3 мың жастың қатысуымен «Жастармен бірге» атты онкүндіктің қорытынды шарасы «Ilhan» және «Baha» секілді еліміздің танымал өнер жұлдыздарының және белгілі шоумендер Нұрлыбек пен Ақылбектің қатысумен өтті.<img src="https://knadmin.beoblood.kz/uploads/FB_IMG_1723488570055_c2c6459588.jpg" alt="FB_IMG_1723488570055.jpg"><img src="https://knadmin.beoblood.kz/uploads/FB_IMG_1723488566672_5cae425aed.jpg" alt="FB_IMG_1723488566672.jpg"><img src="https://knadmin.beoblood.kz/uploads/FB_IMG_1723488573625_9bff6ff979.jpg" alt="FB_IMG_1723488573625.jpg">

Халықаралық жастар күні «OPEN AIR» фестивалімен қорытындыланды

<a href="https://kyzylorda-news.kz/">Kyzylorda-news.kz</a> &nbsp;«AMANAT»партиясы Қызылорда облыстық филиалының кезектен тыс ХХХІV конференциясы өтті. Конференцияда Алмасбек Есмаханов партияның облыстық филиалының &nbsp;төрағасы болып сайланды.&nbsp;Есмаханов Алмасбек Әбілқасымұлы 1982 жылы 8 қаңтарда Қызылорда облысы, Қызылорда қаласында дүниеге келген. Білімі жоғары. 2005 жылы Қызылорда гуманитарлық университетінің қаржы және несие, 2009 жылы Қазтұтынуодағының Қарағанды экономикалық университетінің заңтану мамандықтары бойынша бітірген.2013 жылы Қазақстан Республикасы Президентінің жанындағы мемлекеттік басқару академиясының Мемлекеттік саясаттың ұлттық мектебі және АҚШ-тың Каролина штатының ДЮК университетінің «Саясаттану» мамандығы бойынша әлеуметтік білім магистрі академиялық дәрежесі берілген. Еңбек жолын 2006 қалалық экономика және бюджеттік жоспарлау бөлімінің маманы болып бастаған. 2007 – 2008 жылдары облыстық жұмыспен қамту және әлеуметтік бағдарламалар департаментінің жетекші, бас мамандары, 2008 – 2012 жылдары қала әкімі аппаратының ұйымдастыру – инспекторлық бөлімінің бас маманы, бас инспекторы, Тасбөгет кенті әкімінің орынбасары, бөлім басшысы, 2012 – 2014 жылдары Қарауыл төбе ауылдық округінің әкімі, 2014 – 2015 жылдары облыс әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы, бөлім басшысы, 2015-2018 жылдары Шиелі ауданы әкімінің орынбасары, 2018-2019 жылдары Қызылорда қаласы әкімдігінің аппарат басшысы, 2019-2020 жылдары қалалық мәдениет және тілдерді дамыту бөлімінің басшысы, қалалық кәсіпкерлік, өнеркәсіп және туризм бөлімінің басшысы, қалалық ішкі саясат бөлімінің басшысы лауазымдарында қызмет атқарған. 2020 жылы Шиелі ауданы әкімінің орынбасары қызметін атқарды. Бұған дейін Алмасбек Есмаханов Облыстық қоғамдық даму басқармасының басшысы қызметін атқарған.

Алмасбек Есмаханов «AMANAT»  партиясы облыстық филиалының төрағасы болды

<a href="https://kyzylorda-news.kz/">Kyzylorda-news.kz</a> ҚР Президентінің кеңесшісі Ернар Баспаевтың төрағалығымен өткен мәжілістің күн тәртібінде «Таза Қазақстан» республикалық экологиялық акциясын өткізудегі кейбір мәселелер мен "Жайлы мектеп" ұлттық жобасын іске асыру барысы талқыланды.«Жайлы мектеп» ұлттық жобасымен Қызылорда облысында 12 300 орынға арналған 21 мектеп салу жоспарланған. Биыл 6 900 орындық 10 мектеп, келесі жылы 5 400 орындық 11 мектеп пайдалануға беріледі деп күтілуде.Қызылорда облысының әкімдігі жергілікті бюджеттен 118,4 млн. теңге бөліп, мектептерге инфрақұрылым жеткізудің жоба-сметалық құжаттары әзірленді. Сараптама қорытындысы алынды. Инфрақұрылым жүргізуге жергілікті бюджеттен 1,7 млрд. теңге қаржы бөлініп, 10 мектепте құрылыс-монтаж жұмыстары аяқталды.Аймақта экологиялық акцияны ұйымдастырудың өңірлік іс-шаралар жоспары бекітілген. Оған қатысқан еріктілер, қоғам қайраткерлері, бюджет саласы мен кәсіпорындар қызметкерлері 13 мың тоннадан астам қоқыс қалдығын шығарып, скверлер мен парктерді, тарихи-мәдени ескерткіштерді, әлеуметтік, өнеркәсіп және бизнес нысандарын, су айдындарын, субұрқақтарды, арықтарды, аулалар мен көше бойларын тазартты. Тазалық шараларына 500-ден астам техника жұмылдырылды. Көркейту-көгалдандыру барысында өңір климатына жерсінетін қарағаш, терек және Сыр талының көшеттері егілді.Айналаның тазалығы, көркейгені ең алдымен, жергілікті тұрғындарға, демалыс маусымында емін-еркін ойнау үшін балаларға керек. Экологиялық акцияны бірреттік науқан ретінде қабылдаудың жөні жоқ. Бұл туралы Мемлекет басшысы «Шын мәнінде, елімізді көгалдандыру, абаттандыру – үлкен мемлекеттік маңызы бар іс. Бұл бүгін шығып, ертең ұмытып кететін бірреттік науқан емес. Аталған жұмыс тұрақты түрде жүргізіледі. Туған жерімізді таза ұстауымыз керек. Бұл – жалпыұлттық мәселе. Қазақстанымыз таза болуы қажет. Лас елге қонақ ретінде, инвестор ретінде ешкім келмейді. Бірақ, ең алдымен, Қазақстанның таза, көрікті болғаны біз үшін, яғни халық үшін керек. Бұл күнделікті өмір салтына айналуы қажет» деген болатын.Бүгінде демеушілік есебінен Қызылорда қаласындағы 28 ескі көпқабатты тұрғын үйдің қасбеттері заманауи панельмен жаңартылды, 20 үйдің ауласы абаттандырылды. Орталық алаңды жаңғыртуға демеушілік есебінен 1 млрд. теңге, облыстық бюджеттен 1 млрд. теңге жұмсалды. Осы күндері алаң көпшіліктің кешкі демалыс уақытын өткізетін орнына айналды.Қызылорда қаласындағы тарихи ғимараттың бірі – теміржол вокзалы мен перроны күрделі жөндеуден өткізілді. Балалардың игілігі үшін 80 ойын және спорт алаңы салынды. Тағы 17 үйдің ауласы абаттандырылып, 14 спорт-ойын алаңы салынып, 7 ойын алаңы жөнделді. Бұл жұмыстар биыл да жалғасын табуда. Мұнан бөлек, демеушілер есебінен 63 көпқабатты тұрғын үй мен 2 әлеуметтік нысанның қасбеттері заманауи үлгімен әрленуде. Аудандарда да көшелер абаттандырылып, ойын алаңдары мен скверлер салынуда.Өткен жылы ғимараттардың қасбетін, аялдамаларды әрлеудің, көшелерді жарықтандыру мен сырлаудың, безендірудің, балалар ойын және спорт алаңдарын салудың біркелкі дизайн коды бекітілді. Облыс орталығынан бастап барлық елді мекендегі ғимараттар, аулалар, ойын алаңдары, аялдамалар, жарық бағаналары бекітілген бірыңғай архитектуралық талаптарға сәйкестендірілді.Тазалық шараларының сапасын арттыру мақсатында «Таза Қазақстан» онлайн платформасы іске қосылған. Салалар бөлінісіне қарай бекітілген операторлар, модераторлар мен орындаушылар тұрғындардан түскен өтініштер негізінде уақытылы шара қабылдап, жауабын беруде.Фото: Қызылорда облысы әкімінің баспасөз қызметі

Қызылордалықтар экологиялық акцияға белсенді қатысуда

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев мұнай-газ саласының мамандарымен кездесіп, аймақтың әлеуметтік-экономикалық даму бағытындағы бірлескен жобаларды іске асыру мәселелерін талқылады. Кездесуге «ҚазМұнайГаз» ҰК» АҚ Басқарма төрағасының орынбасары Нұрсейіт Союнов қатысып, «Қазгермұнай» БК» ЖШС-ның жаңа бас директорын таныстырды.Нұрлыбек Машбекұлы «ҚазМұнайГаз» компаниясының басшылығына Сыр өңіріндегі ауқымды жобалар үшін алғыс білдірді.<blockquote>«ҚазМұнайГаз» акционерлік қоғамы Қызылорда облысының әлеуметтік-экономикалық дамуына айтарлықтай үлес қосуда. Қызылорда қаласының сол жағалауынан Оқушылар сарайының құрылысын қарқынды жүргізуде. Жақын күндері ғимаратты халық игілігіне беретін боламыз. Қайырымдылық акциясына да белсенді қатысып, жыл сайын 70 млн теңгеге жуық қаржы бөліп келеді. Еліміздегі су тасқыны кезінде батыс өңірлерге гуманитарлық көмек жөнелтті. 2022 жылы облыстағы мұнай компаниялары «Қазгермұнайдың» «Оңтүстік Ақсай» кен орнындағы шикі газды өндеу зауытына дейін газ құбырын жеткізу туралы Энергетика министрлігімен меморандумға қол қойған болатын. Қазір құбыр құрылысының жоба-сметалық құжаттамалары әзірленуде. Бұл бастама арқылы компания өңделетін газ қорын ұлғайтуға және облыстың әлеуметтік-экономикасының дамуына айтарлықтай үлес қосады», – деді Нұрлыбек Машбекұлы.</blockquote>Кездесуде «Қазгермұнай» БК» ЖШС бұрынғы бас директоры Ринат Ізмұханбетке Қызылорда облысының Құрмет грамотасы табысталды. Облыс әкімі компанияның жаңа басшысы Зияш Қияқбаевқа сәттілік тіледі.Қияқбаев Зияш Қалдыбекұлы 1967 жылы дүниеге келген. 1982 жылы Алматы индустриалды техникумынан «Металл кесетін станоктар мен автоматты желілерді монтаждау және пайдалану» мамандығын алған. 1989 жылы С.М.Киров атындағы Қазақ мемлекеттік университетінің «Шығыстану» факультетін, 1997 жылы Алматы менеджмент мектебінің «МВА» бағдарламасын аяқтаған.Еңбек жолын 1998-2006 жылдары «ҚазТрансОйл» АҚ жобаларды басқару департаментінің директорлығынан бастап, «Меркурий Инжиниринг» ЖШС директорының бірінші орынбасары, бас директоры болып жұмыс істеді. 2008-2009 жылдары «Қазақ мұнай және газ институты» АҚ жобалау жөніндегі атқарушы директоры, 2009-2012 жылдары «ҚазТрансГаз» АҚ бас директорының кеңесшісі, 2012-2014 жылдары басқару департаментінің директоры, техникалық қызмет басшысы лауазымдарын атқарды. 2014-2016 жылдары осы компанияның МТК және ТП ГТС директоры, 2016-2020 жылдары ҚР Энергетика министрлігі газ өнеркәсібі даму департаментінің директоры, 2020-2022 жылдары «Жетісу-ОблГаз» ЖШС бас директоры қызметінде болды. 2022 жылдан осы уақытқа дейін «ҚОР» МК» АҚ бас директорының кеңесшісі лауазымын атқарып келді.<img src="https://knadmin.beoblood.kz/uploads/9_8839cef12a.jpg" alt="9.jpg">Фото: Облыс әкімдігі

«Қазгермұнай» БК» ЖШС бас директоры таныстырылды

&nbsp;<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жұмыс сапарымен Астана қаласына барды. Сапар кезінде аймақ басшысы Президент Әкімшілігі, Үкімет және тиісті министрліктерге облыстың даму жобалары бойынша ұсыныстар енгізді.&nbsp;Дүйсенбіде Нұрлыбек Нәлібаев ҚР Премьер-министрінің орынбасары – Ұлттық экономика министрі Нұрлан Байбазаровпен кездесіп, аймақтың экономикалық өсіміне қатысты мәселелерді, алдағы жоспарды талқылады.Сейсенбіде ҚР Премьер-министрі Олжас Бектеновтің төрағалығымен өткен Үкімет отырысына қатысты. Күн тәртібінде газ саласын дамыту мәселелері талқыланды. Үкімет отырысынан кейінгі арнайы мәжілісте аталған мәселе бойынша аймақтағы жағдай қаралып, жауапты тұлғаларға бірқатар тапсырма берілді.&nbsp;Жиында сұйытылған газдың басқа облыстарға кетпеуін қадағалау, газ құю станцияларының тиісті заңнама талаптарын сақтауына мониторинг жүргізу қажеттігі ескертілді.Мұнан бөлек, елді мекендерді газдандыру жайы қаралды. Өткен жылдың қорытындысына қарасақ, тұрғындарды табиғи газбен қамту үлесі 75 пайыз болды, 12 елді мекен табиғи газға қосылды. Осылайша газдандырылған ауылдар саны 35-ке жетті.​ Биыл республикалық бюджеттен 20 жобаға 5,9 млрд теңге берілді. Бұдан бөлек, «Самұрық-Қазына» акционерлік қоғамы 16 газдандыру жобасын қаржыландыруға 24 млрд теңге бөлді. Жыл соңына дейін 11 ауылдық елді мекен табиғи газға қосылып, "көгілдір отынмен" қамту деңгейін 78 пайызға, газдандырылған елді мекен санын 46-ға жеткізу жоспарлануда.Бүгін облыс әкімі «Жайлы мектеп» ұлттық жобасын жүзеге асыру және жылу маусымына дайындық барысы талқыланған Президент Әкімшілігінің отырысына қатысты.Еске салайық, бұған дейін аймақ басшысы жауапты тұлғаларға сол жағалаудағы 900 орындық, Арал қаласындағы және Жаңақорған кентіндегі 600 орындық мектептерді 1 қыркүйекке дейін оқушылар игілігіне беруді, қалған 7 мектепті қараша айына дейін салып бітіруді жүктеген болатын.«Жайлы мектеп» ұлттық жобасы аясында облыста 12 300 орынға арналған 21 мектеп салу жоспарланған. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы басталады деп күтілуде. Қызылорда облысының әкімдігі мектептерге инфрақұрылым жеткізуге жергілікті бюджеттен 118,4 млн. теңге бөліп, жоба-сметалық құжаттары әзірленді. Сараптама қорытындысы алынды. Инфрақұрылым жүргізуге жергілікті бюджеттен 1,7 млрд. теңге бөлініп, 7 мектептің құрылыс-монтаж жұмыстары аяқталды.Жылы беру маусымына дайындық қарқынды жүруде. Бұл мақсатқа Үкімет барынша қолдау көрсетіп, сұратылған қаржы бөлінуде. Желілерді жаңғыртуға республикалық бюджеттен 6 млрд. 200 млн. теңге, «Қызылорда жылу-электр орталығының» «Bono energy» маркалы 3 бу қазандығын жаңғыртуға Үкімет резервінен 2 млрд. теңге, барлығы 8,3 млрд.теңге бөлінді.Биыл жылумен қамту нысандарын жаңғыртуға 12 млрд.теңге қаржы қаралды. Оның ішінде жоғарыда атап өтілгендей, республикалық бюджеттен 8,3 млрд.теңге, облыстық бюджеттен 3 млрд.теңге, «ҚЖЭО» өз қаржысы есебінен 566 млн.теңге. Жергілікті бюджет және кәсіпорын қаржысы есебінен 2 газотурбиналық қондырғының генераторы мен 11 қазандыққа күрделі жөндеу, 1 турбина мен 15 қазандыққа ағымдағы жөндеу жүргізілуде. Жылу желілерін жаңғыртудағы 6 жобаны іске асыруға 6 млрд. 900 млн. теңге қаржы бөлінді.Облыстағы 1 067 әлеуметтік нысанның дайындығы 51%, оның ішінде білім беру нысандары 48%, денсаулық сақтау 52%, мәдениет және спорт нысандары 55% әзір.Биыл «Қызылорда жылу-электр орталығының» газотурбиналық қондырғылары мен автономды қазандықтарын жөндеуге облыстық бюджеттен 2 млрд. теңгеге жуық қаржы бөлінді. Жауапты мекеме басшыларына осы жұмыстың сапалы әрі мерзімінде атқарылуын бақылау тапсырылды.Айта кету керек, Мемлекет басшысы Қасым-Жомарт Кемелұлының оңтүстік өңірлерде электр энергиясы тапшылығын болдырмау тапсырмасына және қолданыстағы орталықтың тозығы жетуіне байланысты түрік инвесторымен бірлесіп, құны 215 млрд теңге болатын жаңа жылу орталығының құрылысы басталғаны белгілі. Орталық 2025 жылы іске қосылады. Шетелдік инвестиция есебінен салынатын жаңа ЖЭО 240МВт электр қуатын өндіре алады. Жоба жүзеге асырылғанда Қызылорда облысы электр энергиясымен, Қызылорда қаласы жылу энергиясы және ыстық сумен толық қамтылатын болады.Биыл облыстағы 9 әлеуметтік нысанның қазандықтарын газға ауыстыруға қажетті қаржы бөлінді.Фото: Қызылорда облысы әкімінің баспасөз қызметі

Аймақ басшысы өңірдің экономикалық мәселелері бойынша Астана қаласына барды

<a href="https://kyzylorda-news.kz/">Kyzylorda-news.kz</a> &nbsp;Республикалық маңызы бар «Қызылорда-Жезқазған» жолы ұзақ жылдан бері күрмеуі шешілмей келген, халық арасында біраз талқыға салынған мәселелердің бірі еді. Мемлекет басшысы Қасым-Жомарт Тоқаев аталған автомобиль жолы құрылысын бастауды және жолаушылар қатынасына қолайлы, сапалы етіп салуды тапсырған болатын.&nbsp;Көлік министрі Марат Қарабаев Қызылорда облысына жұмыс сапарымен келіп, «Қызылорда-Жезқазған» автожолын қайта жаңғырту барысымен танысты. Сыр өңірін еліміздің орталығымен байланыстыратын күре жолдың ұзындығы – 424 шақырым. Қызылорда облысының аумағындағы 216 шақырымның 140 шақырымы осы жылы аяқталады. Жоба құны - 108,5 млрд. теңге.Бүгінде Ұлытау облысының аумағындағы сегіз учаскенің құрылысымен айналысатын төрт мердігер анықталған. Оларға биыл күзде жұмысқа кірісу міндеті қойылды.&nbsp;Ал Қызылорда облысындағы учаскелерде құрылыс жұмыстары 2022 жылы басталған. Оған шетелдік және жергілікті компаниялар жұмылдырылған. Бес асфальтбетон зауыты мен алты арнайы ұсақтау қондырғысы жұмыс жасайды. Аймақтағы бес учаскеде құрылыс қарқынды. Мердігерлерге 140 шақырымды биыл аяқтау міндеттелді.&nbsp;Бүгінде Қызылорда облысындағы жол учаскелеріне 120 шақырым жаңа асфальт төселді (төменгі қабат). Құрылысқа 900 маман және 450 арнайы техника жұмылдырылған.«Қызылорда-Жезқазған» автожолын қайта жаңғырту жұмыстарымен танысу барысында Көлік министрі М.Қарабаевтың қатысуымен арнайы мәжіліс өтті. Жиынға Қызылорда облысы әкімінің орынбасары А. Зебешев, Көлік министрлігі Автомобиль жолдары комитетінің төрағасы А. Тұрсынұлы, «ҚазАвтоЖол» ҰҚ» АҚ төрағасы Д.Иманшаев, Қызылорда облысының жолаушылар көлігі және автомобиль жолдары басқармасының басшысы Ж. Сыздықов, «ҚазАвтоЖол» ҰҚ» АҚ Қызылорда облысы филиалының директоры Е. Жүнісов қатысты.Сонымен қатар, кездесуде республикалық маңызы бар «Самара-Шымкент» автомобиль жолының Қызылорда қаласынан Ақтөбе облысы бағытындағы 566 шақырым бөлігін 4 жолақтыға (I-б техникалық санатқа) ауыстыру мәселесі қаралды. Жобалау-іздестіру жұмыстарын, техникалық-экономикалық негіздемесін, мердігерді осы жылы анықтау және жөндеу жұмыстарын 2025 жылдың 4-тоқсанында бастау жоспарлануда.Фото: Қызылорда облысы әкімінің баспасөз қызметі

Көлік министрі “Қызылорда-Жезқазған” жолының құрылыс барысын көрді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысына жұмыс сапарымен келген Су ресурстары және ирригация министрі Нұржан Нұржігітовке облыс әкімінің орынбасары Бахыт Жаханов Арал ауданы, Аманөткел ауылдық округі тұсындағы «Қамыстыбас» және «Ақшатау» көлдер жүйесін суландырудың жай-күйін таныстырды.Аталған көлдер жүйесінің аумағы – 40459 гектар, оның ішінде «Қамыстыбас» көлдер жүйесінің аумағы – 28029 гектар, «Ақшатау» көлдер жүйесінің аумағы – 12430 гектар.Еске салсақ, Арал ауданындағы 2021 жылғы қуаңшылыққа байланысты Сырдария өзенінің «Бұрмақұлақ» арнасы бөгеліп, «Аспай» ескі ағытқысы қалпына келтірілді. Осылайша көлдер жүйесі суландырылды.«Арал ауданындағы «Қамыстыбас» және «Ақшатау» көлдер жүйелерін суландыру үшін «Аманөткел» ауылының тұсына су торабын салу» жобасының техника-экономикалық негіздемесі әзірленіп, биыл «Мемсараптама» РМК-ға қарауға ұсынылған болатын. Жоба құны – 35 млрд.теңге. Республикалық бюджеттен жоба-сметалық құжат әзірлеу ұсынылды.Нұржан Нұржігітов «Қамыстыбас» пансионатында Арал ауданының тұрғындарымен кездесті. Кездесуде су шаруашылығы саласындағы өзекті мәселелер талқыланды.Биыл вегетация кезеңінде «Шардара» су қоймасына 3,7 млрд текше метр су түсуі болжанған еді. Осы жылдың 10 шілдесіндегі мәліметтерге қарағанда, нақты 3,8 млрд текше метр су түсіп, болжам 144 пайызға орындалды.Бүгінде «Шардараға» жоғарыдан секундына 204,7 текше метр су келіп, қоймадағы су көлемі 3 млрд текше метр болды. Бұл өткен жылдың сәйкес кезеңімен салыстырғанда 752 млн текше метрге артық.Облыс шекарасына өткен жылмен салыстырғанда 289 млн текше метр артық су түсті. Алқаптар вегетация кезеңінде сумен жеткілікті көлемде қамтылды. Өзен арқылы түскен артық су Арал теңізіне жіберілуде. Өткен жылы осы уақытта теңізге секундына 6 текше метр су жіберілсе, бүгінде 65-75 текше метр су баруда. Жыл басынан бері 1,3 млрд текше метр су құйылған.Әрі қарай министр «Әйтек» су торабы арқылы Солтүстік Аралға баратын су көлемін бақылап, Сырдария, Жалағаш аудандарының су пайдаланушыларымен кездеседі.Фото: Облыс әкімдігі

Су ресурстары және ирригация министрі Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаевтың бастамасымен жүзеге асырылып жатқан «Таза Қазақстан» республикалық экологиялық акциясы Сыр өңірінде қарқынды түрде жалғасуда.«Таза Қазақстан» экологиялық акциясына аймақтағы барлық мекеме ұжымдары, үкіметтік емес ұйым өкілдері, волонтерлер, қоғам белсенділері мен жастар және тұрғындар белсенді қатысуда.Бүгінгі таңда, қала аумағында 33 сквер-аллеялар, саябақтар мен демалыс орындары бар. Аталған нысандарды таза ұстау мақсатында «Тазалық патрулі» қозғалысы өз белсенділіктерін танытып келеді.««Тазалық патрулі» волонтерлық тобының бір құрамы тұрғындар мен кәсіптік нысан иелеріне көгалдандыру мен тазалау жұмыстарын тұрақты жүргізіп тұруға шақырып, түсіндірме жұмыстарын жүргізді.Мақсатымыз шаһар тұрғындарын өз ауласын, көшесін таза ұстау, өзгелерге үлгі болуды түсіндіру. Біз қаламыздың таза болғанын қалаймыз» – деді «Тазалық патрулі» волонтерлер қозғалысының капитаны Даулетиярова Фатима.Сырдария ауданы тұрғындары «Менің туған өлкем» атты тазалық акциясына қатысып, сенбілік жұмыстарына жоғары белсенділік танытты.Акцияға тұрғындар, аудан орталығындағы мекеме қызметкерлері, «Жасыл ел» еңбек жасағы, сондай-ақ, кәсіпкерлер де белсене атсалысты.Сырдария ауданы тұрғындарының демалыс орнына айналған «Орталық саябақ», «Тағзым» алаңы, орталық алаңдағы кіші архитектуралық формалар, кент көшелері мен арықтары тазаланып, көпірлер мен ойын алаңдары сырланып, «Жастар» аллеясына абаттандыру жұмыстары жүргізілді. Жаңаша өзгеріп жатқан «Тағзым» алаңындағы арықтар қайта қазылып, аяқ су жүргізілді. Кәсіпкерлер де тазалық жұмыстарына белсене қатысып, кәсіптік нысанның айналасын тазартып, ғимараттарын сырлады.«Жасыл ел» еңбек жасағы мен «Сырдария» волонтерлер тобының мүшелері орталық алаңдағы гүлзарларды суару және тазарту жұмыстарын жүргізді.«Биылғы маусымда «Жасыл Ел» еңбек жасағы бойынша 110 квота берілді. Алғашқы маусымда 27 жасты, шілде айында 40 жасты жұмыспен қамтыдық. «Жасыл Ел» еңбек жасағына 16-35 жас аралығындағы жастарды қабылдайды. Ол санатқа оқушылар, студенттер мен жұмыссыз жастар кіреді. Бүгінгі Тазалық акциясына «Жасыл Ел» жасағы мен «Сырдария жастары» еріктілер штабының мүшелері де өз үлесін қосуда. Бұндай акциялар өз жалғасына таба берсе дейміз!» - деді «Сырдария еріктілері» штабының жетекшісі Сейітжан Нұржан.Акцияға 900 адам қатысты. Сенбілік барысында елді мекен көшелеріндегі қоқыстар тазартылып, шөптерді шабу жұмыстары жүргізілді. Бұл жұмыстарға 14 техника жұмылдырылып, 11 тонна қоқыс шығарылды.Шиелі ауданы тұрғындары республикалық «Таза Қазақстан» экологиялық акциясы аясында туындаған «Игі істер» экомарафонына белсенді қатысып, тазалық жұмыстарын ұйымдастырды. Шара аясында аудан орталығының тазалығына жауапты мекеме тазалық мотокөліктерімен қамтамасыз етілді.Мотокөліктер үлкен көлемді қоқыс көліктері кіре алмайтын көшелердегі қоқысты тез арада тасымалдап, үлкен көліктерге жүктеу жұмыстарын атқаруда.Бүгінде аудан орталығы 4 аймаққа бөлініп, арнайы кестеге сәйкес белгіленген уақытында қоқыс жинақталуда. Аталған мотокөліктер қоқыстардың тұрып қалуының алдын алып, дер кезінде жинақтау жұмыстарына өз тиімділігін тигізуде.Бұған қоса, тазалық акциясына ерікті жастардан құралған 700-ден астам азамат қатысты.Сенбілікте көшелер мен саябақтар тұрмыстық қоқыстан тазартылып белгіленген орындарға шығарылды. Сондай-ақ, сенбілік жұмыстарының аясында көшелер, аллеялар мен саябақтарда, су айдындарында жабайы шөптер шабылып, тазартылды.Жалпы ақпаратАйта кету керек, Мемлекет басшысының бастамасымен жүзеге асырылған экологиялық акцияға барлығы 200 мыңнан аса еріктілер, қоғам қайраткерлері, бюджет саласы мен кәсіпорын қызметкерлері қатысты.Нәтижесімен, 8 мың тоннадан (8762) астам қоқыс қалдықтары шығарылып, елді мекендердегі 505 скверлер мен парктер, 225 тарихи мәдени ескерткіштер, 791 әлеуметтік нысандар, 1130 өнеркәсіп және бизнес нысандары, 289 су объектілері, 24 445 аулалар мен көшелердің бойы тазартылып, 900-ге жуық техника жұмылдырылып, 129 мыңнан аса (129&nbsp;358) өңірдің климатына сәйкес жерсінетін қарағаш, терек және сырталының көшеттері егілді.<img src="https://knadmin.beoblood.kz/uploads/1_4c94725e81.jpeg" alt="1.jpeg"><img src="https://knadmin.beoblood.kz/uploads/4_997a8bd733.jpg" alt="4.jpg"><img src="https://knadmin.beoblood.kz/uploads/6_423d024226.jpg" alt="6.jpg"><img src="https://knadmin.beoblood.kz/uploads/5_d5be4d8ba8.jpg" alt="5.jpg">Қызылорда облысының әкімдігі

Қызылорда облысында «Таза Қазақстан» республикалық экологиялық акциясы жалғасуда

<a href="https://kyzylorda-news.kz/">Kyzylorda-news.kz</a> &nbsp;Қоғамдық-саяси тұрақтылықты қамтамасыз ету, Қазақстан халқы Ассамблеясы мен этносаралық қатынас, мемлекеттік ақпараттық саясат, жастар саясаты мәселелері, сондай-ақ, азаматтық қоғам институттарын дамыту және қолдау, мемлекеттік тіл саясатын жүзеге асыру. Мұның барлығы да қоғамдық даму басқармасының атқаратын негізгі қызметтері. Облыс көлемінде атқарылып жатқан игі істердің ізіне үңілсек, қоғамдық даму басқармасының қолтаңбасын анық байқауға болады. Аймақтың бас ақпарат алаңында облыстық қоғамдық даму басқармасының басшысы Алмасбек Есмаханов 6 айда атқарылған жұмыстардың қорытындысын мәлімдеді.Брифинг барысында басқарма басшысы БАҚ қызметкерлерінің еселі еңбегін тілге тиек етті. Сондай-ақ Журналистер қауымының кәсіби мерекесі аясында атқарылған жұмыстарға тоқталды.<blockquote>– Биылғы жылдың 28 маусымында Бұқаралық ақпарат құралдары қызметкерлері күніне орай дәстүрлі «Қанатты қалам» іс-шарасы ұйымдастырылды. Мерекеде аймақтың ақпарат саласының дамуына елеулі үлес қосқан бірқатар БАҚ өкілі облыс әкімінің арнайы марапатына ие болып, құрмет төрінен көрінді. Мемлекет басшысының Жарлығымен «Ақмешіт ақшамы» газетінің бас редакторы Сәрсенкүл Бихожаева «Құрмет» орденімен, «Qyzylorda» телеарнасының бас инженері Бақытжан Шүкенов, «Сыр бойы» газетінің бас редакторы Қуат Шарабидинов «Ерен еңбегі үшін» медалімен марапатталды. Бірқатар БАҚ қызметкеріне облыс әкімінің, ҚР Мәдениет және ақпарат министрлігінің марапаттары табысталды. Мұнан бөлек, үздіктерге түрлі номинация берілді. Одан бөлек, биыл алғаш рет Сахитжан Бермағанбетов атындағы журналистер арасында кіші футболдан облыстық турнир өткізілді. Бұл жұмыстар алдағы уақытта да өз жалғасын таппақ,- деді Алмасбек Әбілқасымұлы.</blockquote>Брифингте Мемлекеттік тіл саясатын жүзеге асыру бағытында «Аймақта мемлекеттік тіл саясатын іске асыру» жобалары туралы айтылды.<blockquote>– Жалпы, мемлекеттік тілдің қолданыс аясын кеңейту, толыққанды қызметін қамтамасыз ету мақсатында түрлі форматта, барлығы 67 шараөткізіліп, оған 5000-ға жуық адам қамтылды. Мемлекет Басшысының Түркістан және Атырау қалаларында өткен Ұлттық Құрылтайларда ономастика саласы бойынша берген тапсырмалары негізінде бірқатар заңнамалық актілерге өзгерістер мен толықтырулар енгізілуде. Қазіргі таңда ономастика саласында өзектендірілген «Тарихи тұлғалар», «Жер-су атаулары», «Дәстүрлі атаулар» тізімдері мен Әдістемелік ұсынымдар басшылыққа алынуда,- деді Алмасбек Әбілқасымұлы.</blockquote>Фото:&nbsp;Қызылорда облысының Өңірлік коммуникациялар қызметі

Қоғамдық даму басқармасы іргелі істердің ізінде

&nbsp;<a href="https://kyzylorda-news.kz/">Kyzylorda-news.kz</a>&nbsp; ҚР Премьер-министрі Олжас Бектеновтің төрағалығымен өткен Үкімет отырысында газ саласын дамыту мәселелері талқыланды. Энергетика министрі Алмасадам Сәтқалиев қазіргі жағдай мен биылға арналған болжамды жоспар туралы баяндады. Үкімет отырысынан кейінгі арнайы мәжілісте аталған мәселе бойынша аймақтағы жағдай қаралып, жауапты тұлғаларға бірқатар тапсырма берілді.&nbsp;Энергетика министрлігінің 26 маусымдағы №233 бұйрығына сәйкес, 1 шілдеден бастап сұйытылған газ бағасы өсті. Нақтырақ айтқанда, өңірімізде шекті бөлшек сауда бағасы 1 литр үшін - 70 теңге, ал, облыс орталығынан 200 шақырымнан астам қашықта орналасқан шалғай аудандарда - 75 теңге. Тұтынушыларға арналған баға 9% өссе, газ желісі ұйымдары үшін газ өңдеу зауытынан сатып алынатын баға 12% қымбаттады. Қазір облыс аумағындағы 210 автогаз құю бекеті арқылы 25 оператор жұмыс жасайды. Шілде айына аймаққа 6 756 тонна газ бөлінді. Жиында сұйытылған газдың басқа облыстарға кетпеуін қадағалау, газ құю станцияларының тиісті заңнама талаптарын сақтауына мониторинг жүргізу қажеттігі ескертілді.Мұнан бөлек, елді мекендерді газдандыру жайы қаралды. Өткен жылдың қорытындысына қарасақ, тұрғындарды табиғи газбен қамту үлесі 75 пайыз болды, 12 елді мекен табиғи газға қосылды. Осылайша газдандырылған ауылдар саны 35-ке жетті. Биыл республикалық бюджеттен 20 жобаға 5,9 млрд теңге берілді. Бұдан бөлек, «Самрұқ-Қазына» акционерлік қоғамы 16 газдандыру жобасын қаржыландыруға 24 млрд теңге бөлді. Жыл соңына дейін 11 ауылдық елді мекен табиғи газға қосылып, "көгілдір отынмен" қамту деңгейін 78 пайызға, газдандырылған елді мекен санын 46-ға жеткізу жоспарлануда.Облыстық энергетика және тұрғын үй-коммуналдық шаруашылық басқармасына газдандыру жобаларын бақылауға алып, жұмыстың мерзімінде және сапалы жүргізілуін қамтамасыз ету тапсырылды. Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Басты жаңалықтар old