<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің бірінші орынбасары Серік Қожаниязовтың қатысуымен облыстық мәслихаттың кезектен тыс XVІІІ сессиясы өтті. Сессияны облыстық мәслихат хатшысы Наурызбай Байқадамов жүргізді.
Жиынға облыстық мәслихат депутаттары, басқарма басшылары қатысты.
Күн тәртібінде 4 мәселе қаралды. Атап айтсақ, «Қызылорда облысының құрметті азаматы» атағын беру, Қызылорда облысындағы жасыл екпелерді күтіп-ұстау және қорғау, қалалар және елді мекендердің аумақтарын абаттандырудың қағидаларын бекіту, облыстық сайлау комиссиясының құрамына өзгерістер енгізу және Қызылорда облысының әкімдігі жанындағы мемлекеттік рәміздер жөніндегі комиссияның дербес құрамына өзгерістер енгізу туралы.
Әр мәселе бойынша жауапты сала басшылары баяндама жасады. Жиында аппарат басшысының міндетін атқарушы Ерлан Қарабалаев депутаттарға «Құрметті азамат» атағына лайық деп ұсынылған азаматтардың еңбегі мен өңірге жасаған жетістіктерін тізбелеп берді.
С.Қожаниязов ұсынылған 7 кандидаттың әрбірі Тәуелсіз Қазақстанның даму жылнамасында өзіндік із қалдырып, мемлекет мүддесіне қызмет етудің абыройлы жол екенін дәлелдеп, қоғам құрметіне ие болған тұлғалар екенін айтып, депутаттарды қолдауға шақырды.
«Биыл үміткерлердің саны көп көрінуі мүмкін. Бұл атаққа кезінде осындай көлемде бірнеше рет ұсыныс жасалып, берілген болатын. Құрметті атаққа лайықты қайраткерлеріміз жеткілікті. Осы уақытқа дейін жинаған абыройларының жемісін көргені жақсы дәстүр деп санаймыз.
Бұл марапаттарды атаулы күндерде яғни педагогтердің Тамыз мәслихаты, Конституция күнінде, «Алтын Күз» және «Рәміздер күнінің 30 жылдығы» мерекелік даталарда салтанатты түрде табыстайтын боламыз,-деді С.Қожаниязов.
Ұсынылған кандидаттар арасында саналы ғұмырын білім саласына арнаған қос ардагер Төлепберген Қасымов пен Марк Подольский, ауылшаруашылығы саласының дамуына сүбелі үлес қосып, ел игілігі жолында қызмет еткен Жарылқасын Шәріпов, белгілі сәулетші, ҚР Мемлекеттік Елтаңбасының авторы Жандарбек Мәлібеков пен Түркі әлеміне ортақ жауһар туындылардың әлемнің танылуына және кейінгі ұрпаққа насихаттауда айрықша қолтаңбасы бар профессор Алмасбек Алматов бар.
Сонымен қатар А.Сызғанов атындағы ұлттық хирургия орталығының директоры, ғалым Болатбек Баймаханов және туған жерді түлетуге зор үлес қосқан кәсіпкер Имамзада Шағыртаев ұсынылды. 
Депутаттар барлық кандидаттарды лайық деп танып, қолдап дауыс берді.
<img src="https://kyzylorda-news.kz/wp-content/uploads/2022/08/300511418_366563285664922_2698555675821806780_n.jpg" alt="" />
<img src="https://kyzylorda-news.kz/wp-content/uploads/2022/08/300158675_366563232331594_3458306651284032031_n.jpg" alt="" />

Қызылорда облыстық мәслихаттың кезектен тыс XVІІІ сессиясы өтті

<a href="https://kyzylorda-news.kz/">Kyzylorda-news.kz.</a> Археологтар Жанкент қалашығы VII ғасырда бой көтергенін анықтады.
Қызылорда облысындағы ортағасырлық Жанкент қаласының орнында археологиялық қазба жұмыстары биыл да өз жалғасын тапты.
Зерттеушілер жаратылыстану ғылымдары әдістерін қолданып, Жанкенттің абсалюттік жасын анықтады. Бұған дейінгі деректерде көне қаланың ІХ-ХІ ғасырларда бой көтергені айтылса, жаңа зерттеулер шаһардың іргетасы VІІ ғасырда қаланғанын көрсетті.
Ескерткіш бүгінде төрт жерден қазылып, археологтар заманауи инновациялық құрал-жабдықтардың көмегімен зерттеу жұмыстарын жүргізіп жатыр. Табылған жәдігерлер археологиялық зерттеулер зертханасында өңделіп, облыстық тарихи-өлкетану мұражайына беріледі.
Айта кетейік, жобаның ғылыми жетекшілері археология ғылымдарының докторы, профессор Генрих Харке, тарих ғылымдарының кандидаты Әзілхан Тажекеев және тарих ғылымдарының кандидаты, профессор Ирина Аржанцева. Зерттеу жұмыстарына Тюбинген университетінің, Ресейдің Жоғары Экономика мектебінің, Мәскеу мемлекеттік университетінің және Қорқыт ата атындағы Қызылорда университетінің студенттері мен 35 ғалым қатысып жатыр.
Жанкент қорғаны&nbsp;– республикалық сипаттағы археологиялық ескерткіш.&nbsp;Қазалы ауданы&nbsp;территориясындағы&nbsp;Өркендеу ауылдық округінің&nbsp;орталығына іргелес жатқан биік төбе сияқты топырақ басқан қорғанның орнында VІІ – ХІV ғасырларда Жанкент, Янгикент қаласы өмір сүрген. Түрікмен тарихшысы Абұлғазы Баһадүрдің айтуынша, оғыз еліне жүздеген жыл астана болып келген, Сыр өзенінің аяғында тұратын ұлы мұра – Жанкент қаласы еді. Оғыздар осы жерді ерте заманнан мекендеп, патшалары астана қала – Жанкентте отырған. Жанкент шаһары Сыр өзенінің сол жақ бетінде, Қазалы қаласынан 15 шақырым жерде жатыр.
<img src="https://kyzylorda-news.kz/wp-content/uploads/2022/08/p1959649-scaled.jpg" alt="" />
<img src="https://kyzylorda-news.kz/wp-content/uploads/2022/08/p1959706-scaled.jpg" alt="" />

Археологтар Жанкент қалашығы VII ғасырда бой көтергенін анықтады

<a href="https://kyzylorda-news.kz/">Kyzylorda-news.kz.</a> Биылғы жаңа оқу жылында Қызылорда облысындағы 295 мемлекеттік, 16 жекеменшік мектепте 182 мыңға жуық оқушы білім алады деп күтілуде. Бұл көрсеткіш өткен оқу жылымен салыстырғанда 5 мың оқушыға артып отыр. Оның ішінде 1-сыныпқа 18 мыңға жуық бала қабылданады. Бұл туралы бүгінгі өткізілген брифингте облыстық білім басқармасы басшысының орынбасары Бағдат Бердаулетов хабарлады.
Барлық білім беру ұйымдары жаңа оқу жылына толық дайын. Қажетті санитарлық гигиеналық заттармен қамтылған. Жөндеу жұмыстары да толық жүргізіліп, қыркүйек айына дейін жұмыстар аяқталады. Сондай-ақ, мектептер 100 % интернет желісіне қосылып, бес оқушыға бір компьютер арақатынасында 44 127 компьютерлік құрылғылармен қамтамасыз етілген, – деді Бағдат Камбозұлы.
Қазіргі таңда оқулық және оқу-әдістемелік кешендермен қамту бойынша тиісті жұмыстар жүргізілуде. 13 баспамен 86 келісім-шарт жасалынып, 1,4 млрд.теңге қаржыға 637 313 дана оқулық алынуда. Барлық оқулықтар 25 тамызға дейін жеткізіліп, оқушыларға үлестірілетін болады.
Айта кетейік, апатты деп танылған Арал ауданындағы №71 және Жаңақорған ауданындағы №169 мектептің ғимараттары жаңа оқу жылы қарсаңында тапсырылады. Сондай-ақ, Арал ауданындағы апатты жағдайдағы №248 мектептің құрылысы бүгінде жеке инвестор есебінен басталса, Қазалыдағы №94 мектептің жоба-сметалық құжаттар әзірленуде.
<img src="https://kyzylorda-news.kz/wp-content/uploads/2022/08/mektep1.jpg" alt="" />
<img src="https://kyzylorda-news.kz/wp-content/uploads/2022/08/mektep.jpg" alt="" />

Қызылордада мектептер жаңа оқу жылына дайын

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында мұнай өнімдерін ұрлаған тұрғын сотталды.
Кәсіпкер 4 тонна дизель отынын құжатсыз өткізбек болған жерінде қолға түскен еді.
Тергеу барысында оның бұған дейін де құны 93 млн теңге болатын, 402 тонна жанармайды заңсыз сатқаны белгілі болды. Көлеңкелі бизнеспен айналысқан тұлғаның барлық заңсыз әрекеті дәлелденіп, сот үкімімен 2 жыл 8 ай мерзімге бас бостандығынан айырылды.
<blockquote>
 «Құрметті азаматтар! Мұнай және мұнай өнімдерін заңсыз тасымалдау, сатып алу, сату және сақтау фактілері анықталған жағдайда Агенттіктің сенім телефондарына және ҚМА аумақтық департаменттеріне хабарлауыңызды сұраймыз», – дейді ҚР Қаржылық мониторинг агенттігінің ресми өкілі Әлібек Әбділов.
</blockquote>
<a href="https://24.kz/kz/zha-aly-tar/o-am/item/559865-yzylorda-oblysynda-m-naj-rla-an-k-sipker-sottaldy">Хабар 24</a>

Қызылордада мұнай ұрлаған кәсіпкер сотталды

<a href="https://kyzylorda-news.kz/ru/ekonomika-ru/hod-podgotovki-k-novomw-wchebnomw-godw-nahoditsja-pod-kontrolem-161900/"></a><a href="https://kyzylorda-news.kz/">Kyzylorda-news.kz.</a>**** *Қызылорда қаласының әкімі Асылбек Шаменовтың тұрғындармен кездесуі қалаға іргелес жатқан Қосшыңырау және Қарауылтөбе ауылдарында жалғасты. Қала әкімі алдымен Қосшыңырау елді мекенінде болып, халықтың талап-тілектерін тыңдады.*
Көтерілген өзекті мәселелердің бірі – ауылды көгілдір отынға қосу. Бұл жұмыстар бойынша жоба-сметалық құжаттары әзірленген. Мемлекеттік сараптаманың оң қорытындысы алынған. Енді құрылыс жұмыстарына 685,6 млн. теңге қажет. Қаражатты республикалық бюджеттен бөлу жөнінде жедел шаралар атқарылуда.
Кездесуде тұрғындар мектепті күрделі жөндеуден өткізу, дәрігерлік амбулатория салу қажеттілігі турасында сауалдарын жолдады. Қала әкімі аталған нысандар жөнінде нақты жұмыстардың қолға алынғандығын жеткізді.
Қарауылтөбе ауылында «Ауыл – ел бесігі» бағдарламасы аясында типтік үлгідегі 150 орындық клубтың құрылысы жүруде. Сәуір айында іргетасы қаланған жаңа мәдениет ошағын жыл аяғына дейін халық игілігіне пайдалануға беру жоспарланып отыр. Клуб үйінің салынуына ризашылығын білдірген тұрғындар қала әкіміне бірқатар ұсыныс-пікірлерін жеткізді. Қала басшысы Асылбек Шаменов көтерілген мәселелердің мүмкіндігінше тез шешілу жолдары қарастырылатынын айтты.
<img src="https://kyzylorda-news.kz/wp-content/uploads/2022/08/298977534_3158655354401201_8958019084310393331_n.jpg" alt="" />
<img src="https://kyzylorda-news.kz/wp-content/uploads/2022/08/299787816_3158655461067857_341159811444633708_n.jpg" alt="" />
<img src="https://kyzylorda-news.kz/wp-content/uploads/2022/08/299834313_3158655411067862_3674214742679224833_n.jpg" alt="" />

Қызылорда қаласының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp;1 қыркүйек – Білім күніне небәрі екі апта уақыт қалды. Аймақта биыл 182 мың оқушы білім алмақ. Қызылорда облысының әкімі Нұрлыбек Нәлібаев жаңа оқу жылында балалар еш кедергісіз білім алуы қажет екенін алға тартты. Әсіресе, мектептердегі күрделі жөңдеу жұмыстарының уақытылы аяқталуын қатаң бақылауға алды. Бүгін аймақ басшысы бірқатар нысандарды аралап, атқарылған жұмыстарды көзбен көрді.
Биыл өңірдегі 6 мектепте күрделі жөңдеу жұмыстары жүруде. Бұл үшін бюджеттен 2,1 млрд. теңге қаржы бөлінген. №10 Ы.Алтынсарин атындағы мектепке барған облыс әкімі білім ордасының оқу процесіне әзірлігін бақылады. Аймақ басшысы жыл сайын апатты мектептерді жойып, жаңа мектептердің желісі көбейтуге басымдық берілетінін айтты.
<blockquote>
 «Оқушылардың қуанышына ештеңе жетпейді. Мектепке қомақты қаржы бөлінгендіктен, күрделі жөндеу жұмыстары өте сапалы орындалуы керек. Себебі оқу жылына білім беру нысандарының дайындығы Үкімет басшысының тікелей назарында. Демографиялық өсімнің нәтижесінде қалада ықшам аудандар көбейіп, мектептерде орын тапшылығы мәселесі туындағаны жасырын емес. Бұл ретте апатты жағдайдағы 4 мектептің екеуінің ғимаратын жаңа оқу жылында табыстаймыз. Тоқабай ауылындағы бір апатты мектеп мәселесін жеке инвестор арқылы шештік. Жерлесіміз, меценат азамат өз қаражаты есебінен 550 млн.теңгені құрайтын 100 орындық мектеп құрылысын бастады. Мұнан өзге, Қазалы ауданындағы тағы бір мектептің жобалық-сметалық құжаттары әзірленуде. Сондай-ақ, қала мектептеріндегі орын тапшылығын жою үшін 4 мектептің жанынан қосымша ғимарат салуға шешім қабылданды. Себебі жаңа мектеп салу қымбатқа түседі. Қазіргі таңда 600 және 375 орындық 2 мектептің жоба-сметалық құжаттары аяқталып, мердігер компаниялар бекітілуде. Ал, қалған 2 білім ұясының жобалық-сметалық құжаттамасы әзірленуде», – деді Нұрлыбек Нәлібаев.
</blockquote>
Өңір басшысы балалар жылына тарту ретінде демеушілер есебінен өңірде 80 спорттық ойын алаңы салынатынын жеткізді. Яғни Қызылорда қаласында 1 млрд. теңгеге 50-ге тарта, аудандарда 600 млн. теңгеге 30-дан астам спорттық-ойын алаңы бой көтереді. Мұнан бөлек, демеушілердің қолдауымен аймақта 45 млрд. теңгеге 391 жоба әзірленді. Ең бірінші кезекте ауыз су, электр жарығы, жол сапасы мен елді мекендерді газдандыру жұмыстары жүргізіледі. Бұл жобалар келесі жылдан бастап іске асырылады.
Әрі қарай облыс әкімі аймақтағы ірі өндіріс орны шыны зауытына да барды. Өткен жылдың желтоқсан айында зауыттың күйдіру пеші техникалық іске қосылған. Алайда, пешті қосу-реттеу барысында ақаулар анықталып, қажетті күйдіру қондырғысына тапсырыс беріліп, жеткізілді.
Аймақ басшысы Нұрлыбек Нәлібаевтың тапсырмасы негізінде зауытты іске қосу үшін биылғы жылдың 25 шілдесінде арнайы Штаб құрылғанын жеткізді. Мұндағы мақсат – зауытты іске қосу кезінде туындаған мәселелерді шұғыл түрде шешу.
Әкімдік өз құзыреті шегінде инженерлік инфрақұрылымды жеткізіп беруге жауапты. Осы ретте, зауытқа қажетті электрэнергия, байланыс желісі, автомобиль жолы, су және кәріз жүйелері жеткізілді. Сыртқы темір жол тұйығы құрылысы аяқталды. Енді кезекте екінші тараптар техникалық және авторлық бақылау өкілдерінің берген ескертулерін жою жұмыстарын жеделдетуі керек. Себебі газ келгеннен кейін, пешті қайта іске қосып, жағу үшін қабылдау актісін рәсімдеп, бітіруі қажет.
Өңір басшысы сала мамандарымен пікірлесіп, ауқымды зауытты іске қосу үшін қажетті шараларды жылдам қабылдау керек екендігін жеткізді.
<blockquote>
 «Шынын айтқанда, зауытты іске қосу процесі тым ұзап кетті. Бар мүмкіндікті пайдаланып, зауытты іске қосуымыз қажет. Бұған дейін уәде көп берілгенімен, нәтиже болмады. Халық асыға күтіп отыр. Сондықтан қалайда өндірісті аяқтауға тиіспіз. Аптасына екі рет штаб өткізіп, өзекті мәселелерді талқылау қажет. Бәрі де менің тікелей бақылауымда болады», – деді Нұрлыбек Нәлібаев.
</blockquote>
Айта кетейік, жоспар бойынша шыны зауытының бірінші өнімі қазан айында шығарылмақ.
<img src="https://kyzylorda-news.kz/wp-content/uploads/2022/08/img-20220816-wa0030.jpg" alt="" />
<img src="https://kyzylorda-news.kz/wp-content/uploads/2022/08/img-20220816-wa0070-1.jpg" alt="" />
<img src="https://kyzylorda-news.kz/wp-content/uploads/2022/08/img-20220816-wa0072-1.jpg" alt="" />
<img src="https://kyzylorda-news.kz/wp-content/uploads/2022/08/img-20220816-wa0071-1.jpg" alt="" />

Нұрлыбек Нәлібаев: Мектептердің күрделі жөндеу жұмыстары сапалы аяқталуы керек

<a href="https://kyzylorda-news.kz/">Kyzylorda-news.kz.</a> Бүгін Үкімет басшысы Әлихан Смайловтың төрағалығымен өткен жиында биылғы жылдың қаңтар-шілде айындағы әлеуметтік-экономикалық даму қорытындысы және республикалық бюджеттің атқарылу барысы қаралды. Отырысқа онлайн режимде бірқатар министрлер мен барлық өңірдің әкімдері қатысты.
Жиында Ұлттық экономика министрі Әлібек Қуантыров, Ұлттық банк төрағасының орынбасары Ақылжан Баймағамбетов баяндама жасап, негізгі көрсеткіштерге тоқталды. Айталық, Қызылорда өңірі негізгі капиталға салған инвестиция көлемі және тұрғын үйді пайдалануға берудің көлемі бойынша алдыңғы қатарда. Әлихан Смайылов инфляцияны тежеу үшін қажетті құралдар бар, бұл ретте мемлекеттік органдар мен әкімдіктер оларды тиімді пайдалануы тиіс екенін айтты.
Үкімет отырысынан кейін аймақ басшысы Нұрлыбек Нәлібаев өңірде бірқатар әлеуметтік-экономикалық көрсеткіштер төмендегенін ескертіп, сала басшыларына жиын өткізді.
<blockquote>
 «Өңдеу саласындағы өндірісті арттыру тетіктерін анықтау міндеті тұр. Құрылыс жұмыстары қалада қызу жүргізілуде. Жүргізіліп жатқан құрылыстардың статистикалық органдарда есепке алынуын қамтамасыз ету керек. Жуырда ғана барлық аудан әкімдерін жеке-жеке қабылдап, бұл мәселелер егжей-тегжейлі қаралды. Тиісті тапсырмалар берілді. Осы тапсырмалардың сапалы орындалуын қамтамасыз ету керек. Барлық аудандар мен Қызылорда қаласының әкімдеріне экономикалық өсімді ай сайын қамтамасыз ету бойынша шаралар қабылдауды тапсырамын. Биыл пайдалануға берілуі жоспарланған әлеуметтік нысандардың мерзімінде берілуін, индустрияландыру бағдарламасы шеңберінде 2022 жылға жоспарланған жобаларды іске қосылуын қамтамасыз ету қажет. Әлеуметтік маңызы бар азық-түлік өнімдеріне бағаны тұрақтандыру бойынша жұмыстарды күшейту керек», – деді Нұрлыбек Нәлібаев.
</blockquote>
Сонымен қатар облыс бюджетінің игерілуі бойынша да атқарылған жұмыстар сөз болды.
Облыс әкімі бюджет қаражатының уақытылы игеріліп, мақсатты жұмсалуын қамтамасыз ету бойынша бірқатар тапсырма берді.
<img src="https://kyzylorda-news.kz/wp-content/uploads/2022/08/fb_img_1660641721772.jpg" alt="" />
<img src="https://kyzylorda-news.kz/wp-content/uploads/2022/08/fb_img_1660641730185.jpg" alt="" />
<img src="https://kyzylorda-news.kz/wp-content/uploads/2022/08/fb_img_1660641726762.jpg" alt="" />

Нұрлыбек Нәлібаев: Әлеуметтік маңызы бар азық-түлік өнімдеріне бағаны тұрақтандыру бойынша жұмыстарды күшейту керек

<a href="https://kyzylorda-news.kz/">Kyzylorda-news.kz.</a> Қызылорда облыстық перинаталдық орталығында неонатолог дәрігерлер тәжірибе алмасып, жаңа туылған сәбилерде жиі кездесетін сырқат түрін талқылады.
Неонатальды көмекті қажет ететін науқас нәрестелерге жоғары мамандандырылған медициналық көмек көрсетуді жақсарту мақсатында Жамбыл облыстық көпбейінді ауруханасының перинаталдық құрылымының неонатолог дәрігері Талғат Толықбаев Қызылорда облыстық перинаталдық орталығына келіп, неонатолог дәрігерлермен кездесу өткізіп, тәжірибе алмасты.
Дәрігер Талғат Жорабекұлы нәрестелер жансақтау бөлімшесін аралап, жұмыстарымен танысып, ауыр жағдайдағы сәбилердің жағдайларын талқылады.
Тәжірибе алмасу жоғары жиілікті осцилятор әдісімен тыныс алуды қолдау, балалардағы жедел бүйрек жетіспеушілігінде интенсивті емдеудің ерекшелілігі, балаларда орталық тамырды катетерлеу әдісін ультрадыбыстық бақылау, шоктар, респираторлы көмек тақырыбындағы дәрістерге жалғасты.
Сонымен қатар неонатолог-дәрігер экстремальды төмен және өте төмен салмақты нәрестелерді күтудің принциптері, ана сүтімен тамақтандыруды насихаттау және оны ұстану қағидаттары туралы да айтып өтті.
<img src="https://kyzylorda-news.kz/wp-content/uploads/2022/08/0c789134-7b56-4585-ae01-721b8fce9e45.jpg" alt="" />
<img src="https://kyzylorda-news.kz/wp-content/uploads/2022/08/6ab2c6f4-e5d4-4a39-a384-5e638c993210.jpg" alt="" />
<img src="https://kyzylorda-news.kz/wp-content/uploads/2022/08/344b1923-806d-4ed9-8240-804c26e41406.jpg" alt="" />

Қызылордалық неонатолог дәрігерлер тәжірибе алмасты

<a href="https://kyzylorda-news.kz/">Kyzylorda-news.kz.</a> Ауқымды Солтүстік Батыс антициклон әсерінен Қазақстанның басым бөлігінде жауын-шашынсыз ауа райы, сонымен қатар температуралық фонның ақырындап төмендеуі күтіледі, деп хабарлайды Қазгидромет.
Фронталды бөліктерге байланысты республикамыздың шеткі солтүстік аудандары мен шығысында жаңбыр жауып, найзағай болады, екпінді жел соғады. Республика бойынша кей жерлерде түнгі сағаттарда тұман күтіледі.
Күндіз Батыс Қазақстан облысының оңтүстігінде, Атырау облысының шығысында өте қатты ыстық сақталады.
Күндіз Маңғыстау облысында, Ақтөбе облысының оңтүстік-батысында қатты ыстық сақталады, Алматы облысында қатты ыстық күтіледі.
Қызылорда облысының басым бөлігінде, Түркістан облысының оңтүстігінде, шығысында, Атырау облысының батысында, шығысында, Батыс Қазақстан облысының оңтүстігінде, Алматы облысының шығысында, Жетісу облысының оңтүстігінде төтенше өрт қаупі сақталады.

16 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;«Назарбаев Зияткерлік мектептері» дербес білім беру ұйымының Басқарма төрайымы Күләш Шәмшидинова Қызылорда қаласындағы NIS-тің жаңа директоры Жаңбыржан Бекболатовты педагогикалық ұжымға таныстырды.
Жаңбыржан Сәрсенұлы NIS жүйесінде 2009 жылдан бері жұмыс істейді, мамандығы – шет тілі мұғалімі. Семей қаласындағы Зияткерлік мектепте ағылшын тілі пәні мұғалімі, директордың орынбасары, сондай-ақ орталық аппаратта Зияткерлік мектептерді дамыту департаментінде қызмет етті. Елордадағы Халықаралық мектеп директорының орынбасары лауазымында аккредиттеу және CIS-пен ынтымақтастық орнату, оқушылардың жобалық және ғылыми-зерттеу іс-әрекеті мен мұғалімдердің педагогикалық тәжірибесін дамыту және өзге де маңызды басымдықтармен айналысты. Қазақ, орыс, ағылшын тілдерін меңгерген.
Күләш Ноғатайқызы педагогикалық ұжымды алты жыл басқарған Бақыт Жұматайды NIS жүйесіндегі үздік директорлардың бірі ретінде атап өтті. Бақыт Әмірханұлы үшін жаңа оқу жылы айтарлықтай ерте басталды, ол АҚШ-тағы ең жетекші зерттеу университеттерінің бірі – Michigan State University докторантурасына оқуға түсіп, PhD бағдарламасы бойынша кәсіби білімін жалғастыруда.

Қызылордадағы Зияткерлік мектеп директоры лауазымына Жаңбыржан Бекболатов тағайындалды

<a href="https://kyzylorda-news.kz/">Kyzylorda-news.kz.</a>&nbsp;2021-2022 оқу жылының қорытындысы бойынша Қызылорда облысы көлемінде 7 506 оқушы мектеп бітіріп, олардың 6 570-і ҰБТ-ға қатысты.
Тестілеу нәтижесімен жоғары оқу орындарына 5 439 оқушы құжат тапсырып, 4 082 талапкер мемлекеттік білім беру грантына қол жеткізді. Бұл көрсеткіш өткен оқу жылымен салыстырғанда грант иегерлерінің саны – 233 түлекке көбейіп отыр.
Гранттардың бөлінісі бірнеше басым бағыттарға қарай тағайындалды. Атап айтқанда, 1 562 талапкерлер педагогика саласына гратқа түссе, медицина мамандығына 328, ауыл шаруашылығы және техникалық мамандықтарға 1500 оқушы грант иегері атанған.
Айта кетейік, 2021-2022 оқу жылының қорытындысы бойынша «Алтын белгі» белгісін алған түлектердің 160–ы, яғни 41,1 %-ы педагогикалық бағыттағы мамандықтарға оқуға қабылданған.
<img src="https://kyzylorda-news.kz/wp-content/uploads/2022/08/grant-1.jpg" alt="" />

Қызылорда облысында 4 082 талапкер грант иегері атанды

<a href="https://kyzylorda-news.kz/">Kyzylorda-news.kz.</a>&nbsp;15 тамыз күні республиканың басым бөлігінде күн ыстық болады, деп хабарлайды Қазгидромет.
Күндіз Батыс Қазақстан облысының оңтүстігінде, Атырау облысының шығысында қатты ыстық болады.
Күндіз Маңғыстау, Алматы облыстарында, Ақтөбе облысының батысында, Жетісу облысында қатты ыстық күтіледі.
Қызылорда облысында, Түркістан облысының шығысында, оңтүстігінде, Атырау облысының батысында, шығысында, Батыс Қазақстан облысының оңтүстігінде, Алматы облысының шығысында, Жетісу облысының оңтүстігінде төтенше өрт қаупі сақталады.

Қазақстан және Қызылорда облысының жаңалықтары: Басты жаңалықтар old