<a href="https://kyzylorda-news.kz/">Kyzylorda-news.kz.</a>&nbsp; Республиканың тек екі аймағында ТМД елдерінде теңдесі жоқ заманауи жаңа жылу электр орталығы салынбақ. Алғашқысы – Сыр елінде бастау алды.
Бүгінге дейін Қызылорда қаласындағы электр жылу орталығы 50-60 жылдан бері үздіксіз жұмыс жасайды. Сондықтан электр желілерінің де әбден тозығы жеткен. Бұл сөзсіз электр жүктемесіне салмақ салады. Өзекті мәселелерді өз уақытында назарға алған аймақ басшысы Энергетика министрлігімен тиісті жұмыстарды атқарып, бірлескен түрде оңтайлы шешім қабылдады. Таяуда ғана қос тарап бірлескен меморандумға қол қойған еді.
Ал, бүгін игілікті қадамның жалғасы ретінде облыс әкімі Нұрлыбек Нәлібаев пен «Акса Энерджи» компаниясының атқарушы комитетінің төрағасының орынбасары Коркут Озтуркмен Сыр елінде бұрын-соңды болмаған заманауи үлгідегі электр орталығының құрылысы басталатын жерге капсула салу рәсіміне қатысты.
Аймақ басшысы Президенттің тапсырмасына сәйкес мұндай ірі жобаның тек өңір үшін ғана емес республикаға маңызы бар екенін тілге тиек етті.
<blockquote>
 «Мемлекет басшысы оңтүстік өңірлерді үздіксіз электр энергиясымен қамтамасыз ету мақсатында 3 жыл ішінде қуаттылығы 1000 мегаваттан астам электр станцияларын салуды тапсырды. 
 Осы тапсырма аясында заманауи қондырғылар республиканың екі аймағында ғана салынады. Алғаш болып, біздің аймақта жүзеге асуда. Құны 215 млрд.теңгеден асатын жоба 36 ай ішінде аяқталады. Осылайша электр станцияны 2025 жылы ел игілігіне табыстайтын боламыз. 
 Аймақ игілігіне арнап салынатын жаңа нысанның іске асуына ұйытқы болған Энергетика министрлігіне және мүдделік танытқан компания басшысы Коркут Өзтүркмен мырзаға барша Сыр жұртшылығының атынан шынайы алғысымызды жеткіземіз»,-деді аймақ басшысы Н.Нәлібаев.
</blockquote>
Қуаттылығы 240 мегаватқа жететін жаңа нысан энергия жетіспеушілігін едәуір төмендетеді. Бұл Тәуелсіздік алған жылдары елімізде бюджеттен тыс қаржы көздерінен, яғни шетелдік инвесторлардың қаржысына іске асырылатын ең ауқымды теңдессіз жоба. 
Түрік компаниясының өкілі мұндай ауқымды жобаны іске асыру энергетикалық қауіпсіздікті және тарифті сақтауға мүмкіндік беретінін жеткізді.
<blockquote>
 «Қазақстан болашағы өте зор ел. Біз осы кезге дейін әлемнің бірнеше мемлекеттеріне энергетикалық бағытта ірі жобаларды іске асырдық. Енді Қазақстанда, оның ішінде Қызылорда өңірінде нысанды салуға ниеттіміз.
 Қызылордамен жасалған 15 жылдық келісім-шарт негізінде біз қаланың энергия мен жылу қажеттілігін қамтамасыз ететін боламыз. Бұл орталық энергетикалық қауіпсіздікті күшейтуге ерекше мүмкіндік береді»,-деді Коркут Озтуркмен.
</blockquote>
Игі іс-шарада мемлекет және қоғам қайраткері Бақберген Досманбетов бұл нысанды салу шешіміне келу халықтың көкейде жүрген мәселесін шешуге жол ашты деді.
<blockquote>
 «Әрине, қала тұрғындары үшін қанша жылдан бері жылуға, электр энергия бағытында қиындықтар туындап, әсіресе қыс мезгілінде проблемалар болатын. 60 жылдан бері қызмет етіп келген орталықтың әлеуеті жетпейтіні белгілі. облыс басшысының өз қаржысына ауқымды нысанды салуға ниетті инвесторды тауып, түрік бауырларымызды шақырғаны бүгінгі жиынның айғағы деп санаймын»,-деді Бақберген Досманбетов.
</blockquote>
Айта кетейік, тағы бір түрік компаниясымен бірге өңірде томат өндіретін зауыт салынбақ. Қазіргі таңда аталған жоба аясында 25-30 миллион доллар көлемінде инвестиция тарту бойынша келісімге келу жұмыстары жүзеге асуда.
<img src="https://kyzylorda-news.kz/wp-content/uploads/2022/09/305686152_379212807733303_3336603808610448745_n.jpg" alt="" />
<img src="https://kyzylorda-news.kz/wp-content/uploads/2022/09/305819129_379212777733306_6242622748611464663_n.jpg" alt="" />
<img src="https://kyzylorda-news.kz/wp-content/uploads/2022/09/305823802_379212884399962_1154652016686383861_n.jpg" alt="" />
<img src="https://kyzylorda-news.kz/wp-content/uploads/2022/09/305921757_379212791066638_5457766268520748989_n.jpg" alt="" />

Сыр елінде жаңа жылу-электр орталығының капсуласы салынды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында жастар арасындағы жұмыссыздық деңгейі 4 пайыз деңгейінде тұрақтады.
Президент Жолдауы аясында 2023 жылы 6 мыңға жуық жастар жұмыспен қамтылады. Сондай-ақ, жастардың өз кәсібін ашуына жәрдемдесу мақсатында жылдық өсімі 2,5 пайызды құрайтын шағын несие беріледі. Бұл туралы Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева мәлімдеді.
<blockquote>
 «Биылғы жылдың өзгерістеріне байланысты «Бастау-Бизнес» жобасы бойынша кәсіпкерлік негіздеріне оқу курстарына 9189 адам оқуға қатысып, бизнес жобаларын сәтті қорғап, 7045 адам сертификат алды. Бұл азаматтар жаңа бизнес-идеяларды іске асыруға берілетін мемлекеттік гранттаға қатысуға мүмкіндіктері бар. Биыл жаңа бизнес-идеяларды іске асыруға берілетін мемлекеттік гранттар көлемі 200-ден 400 айлық есептік көрсеткішке дейін ұлғайтылды. 2022 жылы жалпы 3437 адамға беру жоспарланса, оның 1468-і – жастардың үлесінде. Бүгінгі күнге аудандық және қалалық деңгейдегі грант мәселесі жөніндегі комиссия іріктеуінен өткізілуде. Грантқа құжат тапсыру электронды түрде болғандықтан, дерекқор арқылы 3 топқа бөлінген. Бүгінде екінші науқан аяқталуда», – деді Жанар Дәулетбаева.
</blockquote>
Айта кетейік, мемлекет басшысының Жолдауында айтылған «Отбасының цифрлық картасы» «Әлеуметтік кодекс» жобасы аясында 1 қыркүйектен бастап пилоттық режимде іске қосылған. Тұрғындарға жәрдемақылар мен әлеуметтік төлемдердің 9 түрі бойынша жаңа форматта қызметтер алу мүмкіндігі ұсынылуда. Облыстық жұмыспен қамтуды үйлестіру және әлеуметтік бағдарламалар басқармасы тарапынан «Күміс жас», «Ұрпақтар келісім шарты», «Бастау бизнес» жобалары бойынша жұмыстар жалғасуда.
<img src="https://kyzylorda-news.kz/wp-content/uploads/2022/09/305567145_1613028992425940_5945626573289009500_n.jpg" alt="" />

Қызылордада бизнес бастаушыларға қолдау көрсетіліп жатыр

<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронталды бөліктердің өтуімен еліміздің батысында, солтүстігінде найзағай ойнап, жаңбыр жуады, солтүстігінде қатты жаңбыр жауады, деп хабарлайды Қазгидромет.
Қазақстанның қалған аумағында күн жауын-шашынсыз болады. Республиканың басым бөлігінде жел күшейіп, күндіз солтүстігінде бұршақ жауып, дауыл тұрады.
Жамбыл, Қызылорда, Түркістан, Ақтөбе, Алматы, Жетісу, Ұлытау, Абай облысының оңтүстігі мен шығысында, Қарағанды облыстарының оңтүстігі мен шығысында және батысында төтенше өрт қаупі сақталады, Қостанай облысының оңтүстігінде жоғары өрт қаупі сақталады.
Күндіз Жетісу, Абай, Шығыс Қазақстан облыстарының басым бөлігінде, Алматы облысының солтүстігінде, оңтүстігінде, Жамбыл облысының батысында, солтүстігінде және оңтүстігінде қатты ыстық болады.
Нұр-Сұлтанда көшпелі бұлт шығып, түнде және таңертең жаңбыр жауады, найзағай ойнайды. Оңтүстік-батыста, батыстан жел соғады, күші 9-14, екпіні 15-20 м/с. Ауаның температурасы түнде 16-18, күндіз 18-20 градус жылы болады.
Алматыда көшпелі бұлт шығады, күн жауын-шашынсыз. Желдің жылдамдығы секундына 2-7 метр. Ауаның температурасы түнде 20-22, күндіз 33-35 градус жылы болады.
Шымкентте көшпелі бұлт шығып, күн жауын-шашынсыз болады. Шығыстан жел соғады, күші 8-13 м/с. Ауа температурасы түнде 19-21, күндіз 36-38 градус жылы болады.

7 қыркүйекке арналған ауа райы болжамы

Kyzylorda-news.kz. Бүгін Сыр өңірінен азық-түлік, құрылыс материалдары өзге де қажетті заттар тиелген жүк көлігі Қостанай өңіріне көмек ретінде жөнелтілді.
31 тоннадан астам азық-түлік өнімдері, ауыз су, жеке гигиеналық заттар, төсек жабдықтары мен құрылыс материалдары «AMANAT» партиясы филиалдары жанындағы қабылдау пункттерінде жиналды.
<blockquote>
 «Жалпы Қостанай өңірінде орын алған төтенше жағдайға байланысты «AMANAT» партиясы жылдам шешім қабылдап, 4 қыркүйектен бастап барлық өңірлерде гуманитарлық көмек жинау пунктерін ашқан болатын. Осы мақсатта «AMANAT» партиясының Қызылорда облыстық филиалымен Қызылорда қаласы, 7 аудан және Төретам кентінде, барлығы 9 гуманитарлық көмек қабылдау пункттері ашылып, азаматтардан келген көмектерді қабылдады. Бас аяғы 3 күн ішінде фракция мүшелері, партия белсенділері, жергілікті жомарт азаматтар ең қажетті және жолға жарамды заттарды қабылдау пункітіне жеткізуге үлкен үлес қосты. Мұнан бөлек, Қызылорда облысы әкімдігінің басшылық құрамы, Қорқыт ата атындағы Қызылорда университетінің ұжымы қостанайлықтарға бір күндік жалақыларын аударды. Бастауыш партия ұйымдары мен партия белсенділері қаржылай көмек көрсетті. Айта кету керек, қызылордалықтардың қайырым-көмегі мұнымен толастамайды. Бүгінде қаржылай және материалдық көмек көрсету шаралары жалғасуда»,- дейді Ләйлә Төрешова.
</blockquote>
Атап өту керек, сырбойылық аманаттықтар тарапынан қостанайлықтарға гуманитарлық көмек ретінде 11 тоннадан астам күріш,10 тоннадан астам ұн, май, макарон секілді азық – түлік өнімдері, 6 тонна құрылыс материалдары, 4 тонна ауыз су, сондай-ақ гигиеналық заттар,дәрі-дәрмек,жылы киім-кешектер мен ыдыс-аяқтар, тұрмыстық техникалық тауарлар жөнелтілді.
Аталған көмекті Қостанай облысына дейін жеткізу «Жастар Рухы» жастар қанаты аймақтық филиалының белсенділеріне жүктелді.
Барша атсалысқан жандарға шын жүректен алғысымызды айтамыз.
<img src="https://kyzylorda-news.kz/wp-content/uploads/2022/09/img-20220906-wa0063.jpg" alt="" />
<img src="https://kyzylorda-news.kz/wp-content/uploads/2022/09/img-20220906-wa0055.jpg" alt="" />
<img src="https://kyzylorda-news.kz/wp-content/uploads/2022/09/img-20220906-wa0062.jpg" alt="" />
<img src="https://kyzylorda-news.kz/wp-content/uploads/2022/09/img-20220906-wa0054.jpg" alt="" />

Сыр халқы қостанайлықтарға көмек көрсету үшін жұдырықтай жұмылды

<a href="https://kyzylorda-news.kz/">Kyzylorda-news.kz.</a>&nbsp;Сыр өңірінде соңғы жылдары жеке мектеп желісі жанданып келеді. Қазірдің өзінде 20 жеке мектеп жұмыс істеуде. Бүгін тағы бір білім ордасы ел игілігіне табысталды.
Қызылорда облысының әкімі Нұрлыбек Нәлібаев Қызылорда қаласындағы «BAITEREK SСHOOL» жеке мектебінің ашылу рәсіміне қатысып, оқу процесімен танысты.
Салтанатты іс-шараға зиялы қауым өкілдері, білім саласының ардагерлері, мектеп директорлары қатысты.
Аймақ басшысы адами капиталды дамыту сол арқылы білім саласын жетілдіру – мемлекеттің негізгі міндеттерінің бірі екенін атап өтіп, білім ордасын ашуға ниет білдірген жанашыр меценатқа алғысын білдірді.
<blockquote>
 «Баршаңызды жаңа оқу жылының басталуымен және «BAITEREK SСHOOL» жеке мектебінің ашылуымен шын жүректен құттықтаймын! Мемлекет басшысы Қасым-Жомарт Кемелұлы Тоқаев осы жылғы Жолдауында білім беру жүйесіне ерекше тоқталып, «Жайлы мектеп» ұлттық жобасы аясында 2025 жылға дейін 800 мың баланың заманауи мектепте оқуына жағдай жасаймыз» – деп атап өтті. 
 Бұл бағытта Сыр өңірінде қарқынды шаралар атқарылатын болады. Биылдың өзінде 4350 орынға арналған 6 мемлекеттік, 3 жеке мектеп пайдалануға берілуде. Алдағы үш жылда аймақта 32 мектеп салынса, оның 12-сі жеке мектеп. Күні кеше Арал ауданында жаңа мектеп, денешынықтыру кешені, жеке балабақша ашылды. Осы мектептен шыққан түлектер Сыр өңірінің атын әлемге танытатын, өзіндік дара қолтаңбасы бар лайықты азамат болып тәрбиеленсін», – деді Нұрлыбек Нәлібаев.
</blockquote>
Жиында қоғам қайраткері Бақберген Досманбетов мектеп салу игілікті іс екенін айтып, барша оқушыларға сәттілік тіледі. Ал, мектеп құрылтайшысы Шәркүл Иманбердиева әрбір бала лайықты әрі заманауи білім ошағында білім алуға лайықты екенін жеткізіп, ақжарма тілегін арнады. 
1500 орындық «BAITEREK SСHOOL» жеке мектебінің жалпы аумағы 8 500 м2 құрайды. Білім ордасында 120 педагог және 30 техникалық қызметкер бар. Бүгінгі күні мектепте 720 оқушы білім алады деп жоспарлануда.
Айту керек, Қызылорда облысында Балалар жылы аясында тарту ретінде демеушілер есебінен 1 млрд.теңгеге облыс орталығынан 50-ге тарта спорт алаңы, аудандарда 600 млн. теңгеге 30-дан астам ойын алаңы салынуда.
<img src="https://kyzylorda-news.kz/wp-content/uploads/2022/09/305581802_378595784461672_453343683176206194_n.jpg" alt="" />
<img src="https://kyzylorda-news.kz/wp-content/uploads/2022/09/305645284_378595724461678_43488200320843242_n.jpg" alt="" />
<img src="https://kyzylorda-news.kz/wp-content/uploads/2022/09/305637393_378595734461677_1184237588602424218_n.jpg" alt="" />
<img src="https://kyzylorda-news.kz/wp-content/uploads/2022/09/305485596_378595844461666_5168266972862457998_n.jpg" alt="" />
<img src="https://kyzylorda-news.kz/wp-content/uploads/2022/09/305767174_378595841128333_3193898798231820769_n.jpg" alt="" />
<img src="https://kyzylorda-news.kz/wp-content/uploads/2022/09/305800178_378595854461665_8013597121204685249_n.jpg" alt="" />

Қызылордада жаңа 1500 орындық мектеп ашылды

<a href="https://kyzylorda-news.kz/">Kyzylorda-news.kz.</a> Сырдария ауданы Асқар Тоқмағамбетов ауылында алғашқы орақ салу рәсімі өтті. «А.Тоқмағанбетов Жер» ЖШС диқандары егінге орақ салып, Сыр салысын шашпай-төкпей жинап алудың қамына кірісті.
Егінге орақ салу рәсіміне аудан әкімі Мұрат Ергешбаев, ауыл ақсақалдары, шаруашылық төрағалары мен шаруашылық еңбеккерлері қатысты.
Орақ салу шарасында аудан басшысы сөз сөйлеп, науқандық жұмысты бастаған асқарлықтарға құттықтау лебізін жеткізді.
<blockquote>
 «Ауданда Сыр күрішін егетін ірі шаруашылықтар жұмысы жолға қойылып, шаруасы шираған. 
 Солардың қатарындағы «А.Тоқмағанбетов Жер» ЖШС жыл сайын қамбаны астыққа толтырып, аудан мерейінің үстем болуына үлес қосуда. Биылғы жылы да шаруашылық диқандары мерей тұғырынан көрінеді деген сенімдеміз. Астықты шашпай-төкпей, ысырапсыз жинап алуға тілекшіміз. Қамба дәнге толсын», – деді аудан әкімі.
</blockquote>
Құттықтаудан кейін кұрметті меймандар алғашқы егін орағының лентасын қиып, астықтың мол болуына тілектестік білдірді.
Шаруашылық құрамында 54 адам жұмыспен қамтылып, биылғы жылы 500 гектар күріш дақылы егіліп, 170 гектар ескі жоңышқаны күтімге алды. Шаруашылық тек күріш егіп қана қоймай мал азықтық дақыл – жоңышқа да өндіріп келеді.
<img src="https://kyzylorda-news.kz/wp-content/uploads/2022/09/305446127_1196169247612632_7067571447786717703_n.jpg" alt="" />
<img src="https://kyzylorda-news.kz/wp-content/uploads/2022/09/305568143_1196169284279295_7217404924988925240_n.jpg" alt="" />
<img src="https://kyzylorda-news.kz/wp-content/uploads/2022/09/305757200_1196169157612641_469836814641750234_n.jpg" alt="" />

Мұрат Ергешбаев: Күріш егетін ірі шаруашылықтардың шаруасы шираған

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев Арал ауданына іссапармен барды.
Сапар барысында облыс әкімі Нұрлыбек Нәлібаев Aral Quarts кварц құмын байыту тау-кен комбинатына ат басын бұрды.
Жылына 120 мың тонна кварц құмын өндіретін кәсіпорын алғашқы кезеңде 40 маманды жұмыспен қамтыса, ІІ кезеңде 172 мың тонна құрғақ құрылыс ұнтағын шығаруға ден қойып, 88 маман еңбекке тартылды. Өндіріс орны ішкі нарықты 80 пайыз өніммен қамтиды.
Нұрлыбек Нәлібаев шыны зауытына қажетті өнімді осы өндіріс қамтамасыз етуі керек екендігін алға тартып, комбинат жұмысын бағдарлады.
Кәсіпорын айыны 5500-6000 тонна өнім өндіругк қауқарлы. Қазіргі таңда 3.5 мың тонна өнім дайындалған.
Сапар барысында аймақ басшысы Аралдың Қамыстыбас ауылдық округінде құтқару бөлімшесінің модульдік станциясының жұмысын көрді.
Тоғыз бөлмеден тұратын бөлімшеде медициналық пункт, кезекші диспечерлік және компрессорлық бөлме қамтылған. Аумағы 250 шаршы метрді құрайтын орталық төтенше жағдай кезінде тұрғындарға оперативті көмекті жылдам үйлестіруге мүмкіндік береді.
Арал ауданындағы сапары соңында облыс әкімі Нұрлыбек Нәлібаев аудан әкіміне Президент Жолдауынан туындаған міндеттерді уақытылы әрі сапалы орындауды тапсырды.
<img src="https://kyzylorda-news.kz/wp-content/uploads/2022/09/305608816_377986571189260_2081843237436600622_n.jpg" alt="" />
<img src="https://kyzylorda-news.kz/wp-content/uploads/2022/09/305652609_377986561189261_3459034008312337677_n.jpg" alt="" />
<img src="https://kyzylorda-news.kz/wp-content/uploads/2022/09/305527234_377986551189262_6621578771307563822_n.jpg" alt="" />
<img src="https://kyzylorda-news.kz/wp-content/uploads/2022/09/305549944_377986634522587_4297405761368416664_n.jpg" alt="" />
<img src="https://kyzylorda-news.kz/wp-content/uploads/2022/09/305569855_377991111188806_180522467876562162_n.jpg" alt="" />
<img src="https://kyzylorda-news.kz/wp-content/uploads/2022/09/305458542_377987594522491_8110782030603594359_n.jpg" alt="" />

Нұрлыбек Нәлібаев кварц құмын байыту тау-кен комбинаты мен модульдік станцияға барды

<a href="https://kyzylorda-news.kz/">Kyzylorda-news.kz.</a> **Қызылорда облысының әкімі Нұрлыбек Нәлібаев *Арал ауданына жұмыс сапары барысында* Аралқұм ауылдық округі, Шөміш елді мекеніндегі «Латон-Маркет» ЖШС-ның демеушілігімен салынған әмбебап кіші спорт алаңын көріп, ауыл тұрғындарымен кездесті.**
<blockquote>
 «Балаларға тарту ретінде өңірде парктер, скверлер салынуда. Жақында ғана Жаңақорғанда меценат 750 млн.теңгеге парк салу ісіне белсене кірісті. Ал, демеушілердің қолдауымен қалада 50, аудандарда 30 балалар алаңы бой көтереді. Тағы бір жанашыр азамат 1.5 млрд.теңгеге “Анаға тағзым” алаңын салып беруге ниет білдірді. Міне, осындай шағын алаңдарды балалардың игілігі үшін табыстау үлкен игілікті іс деп санаймыз», – деді Нұрлыбек Нәлібаев.
</blockquote>
Спорт алаңында 12 жас бір мезетте ойнай алады. Аумағы 800 шаршы метрді құрайтын теміртормен қапталған алаңда 6 жарықшам қойылып, газон төселген. 
Спорт алаңына келген жастар облыс әкімімен тілдесті.
Сонымен қатар, өңір басшысы Нұрлыбек Нәлібаев Аманөткел ауылдық округіне барып, «Ауыл – Ел бесігі» бағдарламасы аясында салынған дене шынықтыру және сауықтыру кешенінің ашылу рәсіміне қатысты.
<blockquote>
 «Спорт – ел мерейін асырып, абыройын арттыратын ауқымды сала. Өңірде «Балалар жылы» аясында демеушілердің қолдауымен 80 ойын алаңы салынуда. Арал ауданында соның 5-еуі жыл аяғына дейін аудан тұрғындарының игілігіне қызмет ететін болады. Бұл кешенде байрақты бәсекелерде, Олимп шыңында Көк Туымызды желбіретер даңқты спортшылар жаттығып шығарына сенімдімін! Жаңа спорт ғимараты құтты болсын»,- деді аймақ басшысы.
</blockquote>
Нұрлыбек Машбекұлы спортпен шұғылдануға ниетті жастармен жүздесіп, пікірлесті. Мұнда бір мезетте 40 баланың спортпен шұғылдануға мүмкіндігі бар. Яғни баскетбол, волейбол, шағын футбол ойнай алады. Айту керек, мұндай денешынықтыру-сауықтыру кешені Жақсықылыш кенті мен Қамыстыбас елді мекенінде салынуда.
<img src="https://kyzylorda-news.kz/wp-content/uploads/2022/09/305585571_377984954522755_3298838221813189892_n.jpg" alt="" />
<img src="https://kyzylorda-news.kz/wp-content/uploads/2022/09/305437174_377987154522535_7884782342735225683_n.jpg" alt="" />
<img src="https://kyzylorda-news.kz/wp-content/uploads/2022/09/305497574_377987144522536_1307402072258973524_n.jpg" alt="" />
<img src="https://kyzylorda-news.kz/wp-content/uploads/2022/09/305562580_377987217855862_292716545186538815_n.jpg" alt="" />

Арал ауданында дене шынықтыру және сауықтыру кешені пайдаланылуға берілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда өңірінде жаңа мектептер мен балабақшалар желісі көбеюде. Бүгін Арал ауданына жұмыс сапарымен барған облыс әкімі Нұрлыбек Нәлібаев ел ағаларымен бірге бірқатар әлеуметтік нысандарды ашты.
Аймақ басшысы алдымен бүгінге дейін апатты деп танылған мектептің орнына жаңадан салынған №71 орта мектебіне барып, оқушыларға игі тілегін арнады.
<blockquote>
 “Мемлекет үшін де, адам үшін де бала өмірінен қымбат байлық жоқ. Сондықтан да, өткен жылы мектеп ғимаратының құрылысы басталып, өз уақытына сай жаңа оқу жылында пайдаланылуға берілді. Осы кезге дейін №71 мектеп-интернатының ескі мектеп ғимараты апатты деп танылып келді. Енді ол қауіп жойылды. Елдің ардагерлері мен ұстаз қауымының сұранысы толық өтелді. 
 Білім жолында еңбекқорлықтың өлшеусіз үлгісін көрсетер ұстаздар қауымының ұрпақ тәрбиелеу ісіндегі еңбектеріне сәттілік тілеймін!”,- деді Н.Нәлібаев.
</blockquote>
Өңірде апатты деп танылған 4 мектептің 3-еуінің биыл шешімі табылып, оның екеуі қыркүйек айында табысталмақ.
Аралдағы Тоқабай елді мекенінде пайдалануға жарамсыз деп танылған №248 орта мектеп жеке инвестор есебінен қайта салынуда. Айту керек, Тоқабай ауылындағы 11 сынып оқушыларының барлығы биыл мемлекеттік грант иегері атанды.
Мұнан бөлек, алдағы 3 жылда Арал ауданының өзінде 8 мектептің құрылысы жүргізіліп, жаңа нысандар бой көтермек. Оның ішінде, «асарлату» әдісімен салынған Сапақ ауылдық округіндегі №69 орта мектеп пен Мергенсай елді мекеніндегі №58 орта мектебі келесі жылы салынатын мектептер тізімінде тұр. Жалпы Сыр елінде алдағы 3 жылда 32 мектеп салынбақ.
Аймақ басшысы Аралға сапары барысында Жақсықылыш кентіндегі «Асылым» жеке балабақшасының ашылу рәсіміне қатысты. Жаңадан бой көтерген нысан 140 бүлдіршінге лайықталған. Облыс әкімі ауыл тұрғындарын жаңа нысанның ашылуымен құттықтап, білім саласына инвестиция құйған кәсіпкерге алғыс білдірді.
Бүгінде Арал өңірі 3 пен 6 жас аралығындағы бүлдіршіндердің балабақшамен 100 пайыз қамтыған ауданның бірі.2025 жылға қарай ауданда 16 жеке балабақша және 4 мектеп жанынан шағын орталық ашылмақ.
<img src="https://kyzylorda-news.kz/wp-content/uploads/2022/09/305747066_377983544522896_2988004966863274062_n.jpg" alt="" />
<img src="https://kyzylorda-news.kz/wp-content/uploads/2022/09/305656552_377983727856211_7684884929647434419_n.jpg" alt="" />
<img src="https://kyzylorda-news.kz/wp-content/uploads/2022/09/305704366_377983561189561_161723128327211657_n.jpg" alt="" />
<img src="https://kyzylorda-news.kz/wp-content/uploads/2022/09/305099122_377983564522894_7478439975240548790_n-1.jpg" alt="" />
<img src="https://kyzylorda-news.kz/wp-content/uploads/2022/09/300131147_377983724522878_7016035266703217772_n.jpg" alt="" />
<img src="https://kyzylorda-news.kz/wp-content/uploads/2022/09/305434324_377984407856143_4424794490848072324_n.jpg" alt="" />
<img src="https://kyzylorda-news.kz/wp-content/uploads/2022/09/305389892_377984321189485_7434495895293621300_n.jpg" alt="" />
<img src="https://kyzylorda-news.kz/wp-content/uploads/2022/09/305465008_377984554522795_4776918282717478448_n.jpg" alt="" />
<img src="https://kyzylorda-news.kz/wp-content/uploads/2022/09/305765507_377984541189463_5255771018918146045_n.jpg" alt="" />

Аралда жаңа мектеп пен балабақша пайдалануға берілді

<a href="https://kyzylorda-news.kz/">Kyzylorda-news.kz.</a> Бүгін 5 қыркүйек – Қазақстан халқы тілдерінің мерекесіне және ұлт ұстазы Ахмет Байтұрсынұлының 150 жылдығына орай Қызылордада «Мемлекеттік тіл – ел бірлігінің негізі» тақырыбында пленарлық мәжіліс өтті.
Жиын «Достық» үйі ғимаратының фойесінде кітап көрмесінен басталып, сөреге қойылған құнды құжаттар мен фотолардың тарихымен танысты. Сондай-ақ, ұлт ұстазы Ахмет Байтұрсынұлы жайлы бейнеролик көрсетілді. Жиынның алғысөзін Қызылорда облысы әкімінің орынбасары Нұрымбет Сақтағанов алды. Облыстық қоғамдық даму басқармасының басшысы Мира Жомартқызы модераторлық еткен пленарлық мәжіліске тіл жанашырлары, қоғам зиялылары, жоғары және орта оқу орындарының оқытушылары, этномәдени бірлестік жетекшілері мен өкілдері, жастар және БАҚ өкілдері қатысты.
Мемлекеттік тіл мәртебесін көтеру бағытында жүйелі жұмыс жасап жүрген «Халықаралық «Қазақ тілі» қоғамы» қоғамдық бірлестігі Қызылорда облыстық филиалының төрағасы С.Аңсат «Аймақтағы мемлекеттік тілдің мәселелері» тақырыбында баяндама жасады. Одан кейін Қорқыт ата атындағы Қызылорда университетінің қазақ тілі мен әдебиеті және журналистика кафедрасының қауымдастырылған профессоры, филология ғылымдарының кандидаты, доцент Аман Абасилов «А.Байтұрсынұлының қоғамдық-саяси және ғылыми қызметінің Қызылорда кезеңі» тақырыбындағы ауқымды баяндамасымен жалғастырды. Өз кезегінде облыс әкімі жанындағы әйелдер істері және отбасылық-демографиялық саясат жөніндегі комиссия мүшесі Н.Мұсаева «Ұлттық руханияттың негізі – тіл», ақын, облыстық «Сыр бойы» газетінің аға тілшісі Д.Аяшұлы «Бұқаралық ақпарат құралдарындағы тіл қолданысы», Шиелі ауданындағы «Самғау» жеке мектебінің мұғалімі Т.Нуштаева «Мемлекеттік тілді құрметтеу – парызымыз» тақырыптарында хабарлама оқыды.
Жиын соңында бірқатар тіл жанашырлары марапат биігінен көрінді. Атап айтқанда, Қорқыт ата атындағы Қызылорда университетінің доценті, филология ғылымдарының кандидаты Алдажар Әбілов пен облыстық «Сыр бойы» газетінің аға тілшісі Дүйсенбек Аяшұлына ҚР Ғылым және жоғары білім министрлігінің Тіл саясаты комитетінің «Құрмет грамотасы» табысталды. Одан өзге мемлекеттік тілдің қолданыс аясын кеңейту бағытындағы жұмыстарға белсене араласып жүрген бірқатар азаматтар облыстың «Құрмет грамотасы» және облыс әкімінің «Алғыс хатымен» марапатталды.
<img src="https://kyzylorda-news.kz/wp-content/uploads/2022/09/305296437_1611749245887248_8755953439662886482_n.jpg" alt="" />
<img src="https://kyzylorda-news.kz/wp-content/uploads/2022/09/305498365_1611750085887164_2013597559091453272_n.jpg" alt="" />
<img src="https://kyzylorda-news.kz/wp-content/uploads/2022/09/305640804_1611749859220520_313031541811375297_n.jpg" alt="" />

Ахмет Байтұрсынұлының 150 жылдығына орай пленарлық мәжіліс өтті

<a href="https://kyzylorda-news.kz/">Kyzylorda-news.kz.</a> Шұғыл әрекет ету штабы отырысынан кейін Мемлекет басшысы орман өртінен зардап шеккен Аманқарағай ауылының аумағын аралады, деп хабарлады Ақорда.
Мемлекет басшысы Әулиекөл ауылындағы мектепте орналасқан эвакуациялау пунктінде зардап шеккен азаматтармен кездесіп, гуманитарлық көмек тарату пунктінің жұмысымен танысты.
<img src="https://akorda.kz/public/assets/media/uploadMedia/1662368259_KZ1_2351.jpg_2.jpg" alt="" />
<img src="https://akorda.kz/public/assets/media/uploadMedia/1662368044_KZ1_2433.jpg_2.jpg" alt="" />
Зардап шеккендермен кездесу барысында Қасым-Жомарт Тоқаев Үкімет қиын жағдайды еңсеру үшін барлық шараларды қабылдайтынын айтты.
<blockquote>
 – Өкінішке қарай, үлкен өрт болды. Дегенмен тиісті көмек көрсетіледі. Сіздердің баспанасыз қалғандарыңызды білемін. Үкімет екі, екі жарым айда сіздерге бұрынғыдан әлдеқайда жақсы жаңа үйлер салып береді, – деді Мемлекет басшысы.
</blockquote>
Президент еріктілермен әңгімелесіп, оларға көрсеткен көмегі үшін алғыс айтты.
<img src="https://akorda.kz/public/assets/media/uploadMedia/1662368114_KZ1_2532.jpg_2.jpg" alt="" />
<img src="https://akorda.kz/public/assets/media/uploadMedia/1662368114_KZ1_2559.jpg_2.jpg" alt="" />
<img src="https://akorda.kz/public/assets/media/uploadMedia/1662368114_KZ1_2583.jpg_2.jpg" alt="" />
<img src="https://akorda.kz/public/assets/media/uploadMedia/1662368114_KZ1_2524.jpg_2.jpg" alt="" />

Қасым-Жомарт Тоқаев Қостанай облысында орман өртінен зардап шеккен азаматтармен кездесті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қостанай облысына жұмыс сапарымен келді.
Баспасөз қызметінің&nbsp;<a href="https://t.me/bort_01/2644">мәліметінше</a>, Президент сапар барысында Әулиекөл ауданындағы өрт сөндіру жұмыстарымен танысады.

Қазақстан және Қызылорда облысының жаңалықтары: Басты жаңалықтар old