Kyzylorda-news.kz. Бүгін аймаққа жұмыс сапарымен келген ҚР Парламенті Сенатының депутаты Ақмарал Әлназарова облыстың үкіметтік емес ұйымдары өкілдерімен жүздесіп, азаматтық қоғамды дамыту бағытындағы мақсат-міндеттер тұрғысында пікірлесті.
«Азаматтық қоғамды дамыту – басым бағыттардың бірі» тақырыбында өткен кездесудің модераторлары «Қызылорда облысының үкіметтік емес ұйымдарының Альянсы Ассоциациясы» ЗТБ-нің төрайымы Анар Ізден және «Самұрық» инновациялық идеяларды дамыту орталығы» қоғамдық қорының директоры Жандос Тұсмағамбетов секция жұмысын жүргізсе, спикерлер ҚР Парламенті Сенатының депутаты Ақмарал Әлназарова мен облыстық Қоғамдық даму басқармасының басшысы Мира Қазбекова азаматтық қоғамды дамытудың тұжырымдамасын жетілдіру механизмдері, мемлекеттік әлеуметтік тапсырысты қалыптастыру, нәтижелерін бағалау қағидалары бойынша ой бөлісті.
Сонымен қатар, ҮЕҰ өкілдері тарапынан секция жұмыстары барысында азаматтық қоғамды дамытудың жаңа Тұжырымдамасының негізгі бағыттары, азаматтардың шешім қабылдауға қатысуы, қоғамдық бақылаудың тетіктері мен мүмкіндіктері, ҮЕҰ бәсекеге қабілеттілігі, даму переспективалары сияқты мәселелер қозғалды.
<img src="https://kyzylorda-news.kz/wp-content/uploads/2022/08/screenshot_20220824-234927_facebook.jpg" alt="" />
<img src="https://kyzylorda-news.kz/wp-content/uploads/2022/08/screenshot_20220824-234905_facebook.jpg" alt="" />

Азаматтық қоғамды дамыту – басты міндет

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында Қазақстан Республикасы Парламенті Сенатының депутаттары Ақмарал Әлназарова мен Мұрат Бақтиярұлының қатысуымен жиын өтті.
Жиында алғаш болып сөз алған Ақмарал Шәріпбайқызы аудандық мәслихат өкілдері мен өзге де қатысушыларды көкейде жүрген сауалдарын қойып, оның шешімін бірге іздеуге шақырды.
<blockquote>
 «Сыр елінің үмітін арқалап, депутат атанғалы талай мәселенің түйінін тарқатуға өз үлесімізді қостық. Тіпті өз атымыздан 140 депутаттық сауал жолдаған болатынбыз. Оның ішінде Қызылорда облысы бойынша Арал теңізінің ішінде фитомелоративтік жұмыстар жүргізу, Байқоңыр қаласының әлеуметтік жағдайы, Арал теңізі суының тартылуы, санитарлық авиация мәселелеріне назар аудартып, бірнешеуінің шешімін табуға атсалыстық. Алдағы қараша айында үкімет сағаты денсаулық саласына арналатын болады. Соған байланысты өз ұсыныстарыңыз болса тыңдауға дайынбыз», – деді Ақмарал Әлназарова.
</blockquote>
Келесі кезекте сөз алған Мұрат Бақтиярұлы аудандық мәслихат депутаттарының жаңарып-жасарғанына қуанатынын айтып, олардың жұмыстарына сәттілік тіледі. Сондай-ақ төртінші деңгейлі бюджеттің жұмысын сынға алып, өзі туып-өскен Бала би ауылын мысалға келтірді. Себебі аталған ауылдың бюджеті бар болғаны 1,5 млн теңгені құрап отыр. Сенатордың айтуынша, бұл өте төмен көрсеткіш.
<blockquote>
 «Бір жарым миллион теңгемен ауылдың бір жылдық мәселесін шешуге бола ма? Әрине болмайды. Сондықтан төртінші деңгейлі бюджет жұмыс істеп жатқан жоқ деген сөз. Бұл сіздердің кінәләріңіз емес. Үкіметтің, министрліктің жіберген қателігі», – деді Мұрат Бақтиярұлы.
</blockquote>
Сенатор аяқ су тапшылығы мәселесінің жыл өткен сайын өзекті болатынын да айтып өтті.
<blockquote>
 «Шиелі ауданы қауын мен қарбыздың, өзге де суды аз қажет ететін баубақша өнімдерінің отанына айналу керек», – деді ол.
</blockquote>
Сенатор көтерген үшінші мәселе мал өсірушілерге берілетін субсидия мәселесі болды. Мұрат Бақтиярұлының айтуынша, субсидия беру мәселесінде үлкен қателіктер жіберілген.
<blockquote>
 «Ірі шаруашылықтарға субсидия жыл сайын беріліп, ұсақ шаруашылықтар бұл көмек түрінен қағылып отыр. Осы себепті жүйені қайта қарап, субсидияны жаңадан ашылған шаруашылқтарға 3 немесе 5 жыл көлемінде аяқтанып кеткенше ғана беру керек», – деді сенатор.
</blockquote>
Мысал ретінде 2016 жылы аймақта теңдесі жоқ жоба ретінде ашылып, биыл қаражат жеткіліксіздігіне байланысты жұмысын тоқтатқан Насыр Мырзабековтың «Шиелі құс» фермасы келтірілді. Ферма министрлік бекіткен мөлшерге жете алмағандықтан құс шаруашылығына берілетін субсидиядан қағылып, ақыр аяғы жабылып қалған. Осы мәселені ескере отырып, сенатор субсидия беру мәселесінде айтарлықтай өзгерістер енгізу қажет дейді.
Мұрат Бақтиярұлы назар аударған төртінші мәселе дене шынықтыру пәні мұғалімдерін қысқарту мәселесіне қатысты айтылды. Себебі биылғы оқу маусымынан бастап министрлік тарапынан дене шынықтыру сабағынан қыздар мен ұлдарды біріктіріп оқыту шешімі қабылдаған. Осыған сәйкес республика бойынша 29 мыңнан астам дене шынықтыру пәні мұғалімдері қысқартуға ұшырамақ. Сенатор бұл мәселенің үлкен әлеуметтік төңкеріс алып келуі мүмкін екендігін айтып, «жоғарғы оқу орындарына берілетін білім гранттарының санын көбейтпестен бұрын түлектерді жұмысқа орналастырудың мүмкіндіктерін ойлаған дұрыс» деді. Сол себепті педагогикалық мамандықтарға емес, техникалық мамандықтарға арналған гранттар санын көбейту ұсынылды.
Жиын соңында аудандық мәслихат депутаттар тарапынан ауданда тазалыққа жауапты коммуналдық мекеме ашу, ана мен балаға төленетін жәрдемақыны бала кәмелетке толғанға дейін төлеу мәселесі көтерілді.

Сенат депутаттары Шиелі ауданына барды

<a href="https://kyzylorda-news.kz/">Kyzylorda-news.kz.</a> Қазақ елінің, оның ішінде Қызылорда облысындағы корей этностарының тарихына қызығушылық танытқан студенттерді топ жетекшісі, тарих ғылымдарының докторы Конг Сон Хунг бастап келді. Олар ең бірінші Достық үйіне келіп, онда этномәдени бірлестіктердің өкілдері және жастармен кездесті.
Қонақтарды Қызылорда облыстық қоғамдық даму басқармасының «Қоғамдық келісім» КММ директорының орынбасары Айбек Дайрабай, өңірлік корей этномәдени бірлестігінің орынбасарлары Денис Пак пен Елена Когай, өңірлік «Ассамблея жастар» ұйымының жетекшісі Елена Пак, Қорқыт ата университетінің халықаралық қатынастар тобының жетекшісі Тимур Кенішбай қарсы алды.
Кездесу модераторы Айбек Дайрабай екі ел арасындағы ынтымақтастыққа тоқталды. «Корейлердің Қиыр Шығыстан жер аударылғанына биыл 85 жыл толды. Осы уақыт аралығында қазақ елін өзінің туған Отаным деп санайтын бір емес, бірнеше ұрпағы өсіп, өңді. Облыстағы III-Интернационал, Гигант, Авангард кезінде күріш шаруашылығымен шұғылданатын ауылдардың ең алдыңғылары болып көзге түсті. Олардың барлығының еңбегі зая кеткен жоқ. Шаруашылықтарда мол өнім алу үшін еңбек еткен және басшылық жасаған Цай Ден Хак, Ким Ман Сам, Ким Ик Се, Ким Чон Ден барлығы 30-ға жуық корей этносының өкілдері Социалистік Еңбек Ері атағына ие болды», – деп өңірдің ауылшаруашылығын дамытуға үлес қосқан корей этностарын атап өтті.
Мұнан соң Кореядан келген студенттер Қызылорда қаласы және корей этномәдени бірлестігі туралы бейнесюжет тамашалады.
Өңірлік корей этномәдени бірлестігінің орынбасарлары Денис Пак пен Елена Когай сөз алып, өлкеміздің тарихына, мәдениетіне қызығушылық білдіріп келген жастарға ризашылықтарын білдірді.
Кездесуден соң делегация мүшелері Корей батырлары Хон Бом До мен Ге Бон У-дың мемориалдық кешеніне барып, гүл шоқтарын қойып, тағзым етті.
Онда корей студенттеріне өз елінің нағыз патриоты, аты аңызға айналған тарихи тұлға Хон Бом До туралы толықтай ақпарат берілді.
<img src="https://kyzylorda-news.kz/wp-content/uploads/2022/08/301131375_3286062061712951_8780336744602349177_n.jpg" alt="" />
<img src="https://kyzylorda-news.kz/wp-content/uploads/2022/08/301381428_3286062085046282_1225181764062884284_n.jpg" alt="" />

Қызылорда облысына Оңтүстік Кореядан бір топ студент келді

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 24 тамыз, сәрсенбіге арналған ауа райы болжамын жариялады, деп хабарлайды Қазгидромет.
Солтүстік батыс антициклон әсерінен Қазақстанның басым бөлігінде жауын-шашынсыз ауа райы сақталады.
Тек еліміздің оңтүстік-шығысында ғана атмосфералық фронттардың әсерінен күндіз жаңбыр жауып, найзағай жарқылдайды.
Республика бойынша кей жерлерде жел күшейіп, түнгі және таңғы уақытта солтүстікте, шығыста орталықта тұман түседі.
Түнде еліміздің солтүстігінде, орталығында, шығысында топырақ бетінде 2 градусқа дейін үсік сақталады.
Қызылорда облысында, Түркістан облысының оңтүстігінде, шығысында, Батыс Қазақстан облысының оңтүстік-батысында, Атырау облысының шығысында, Абай облысының оңтүстігінде төтенше өрт қаупі сақталады.
Күндіз Атырау облысының басым бөлігінде, Батыс Қазақстан облысының оңтүстік-батысында аптап ыстық болады.

Сәрсенбі күнгі ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Бүгін Үкімет басшысы Әлихан Смайловтың төрағалығымен «Жасыл Қазақстан» ұлттық жобасын іске асыру барысы мен жем-шөппен қамтамасыз ету және егін жинау науқанына дайындық мәселелері қаралған жиын өтті. Үкімет отырысына онлайн режимде министрлер мен барлық өңірдің әкімдері қатысты.
Жиында ведомоство басшылары күн тәртібіндегі мәселелер бойынша баяндама жасап, алдағы уақытта атқарылуы қажет жұмыстарды саралады.
Үкімет отырысынан кейін облыс әкімі жауапты сала басшылары мен қала, аудан әкімдеріне бірқатар нақты тапсырмалар жүктеді.
Сыр өңірінде «Жасыл Қазақстан» ұлттық жобасын жүзеге асыру шеңберінде 2022-2025 жылдарға арнайы іс-шаралар жоспары бекітілген.
Аймақ басшысы Ұлттық жобасы аясында Қызылорда облысына белгіленген іс-шараларды мерзімінде әрі сапалы атқару қажет екенін айтты.
«Қоғамда қалдықтарды бөлек жинау мәдениетін қалыптастыру мақсатында фракциялар бойынша (дымқыл және құрғақ) контейнерлерді орнату жұмыстарын жеделдету қажет. Қалдықтарды өңдеу мен кәдеге жарату үлесін арттыру үшін өңдеу инфрақұрлымын дамыту, соның ішінде жеке кәсіпкерлік субъектілерін тарта отырып кіші сұрыптау желілерін құру бойынша шаралар қабылдансын. Сонымен қатар биылғы жаңа оқу жылында орта мектеп бағдарламасында 6 сынып оқушыларын «Экология» курсымен қамтуты тапсырамын», – деді Н.Нәлібаев.
Облыс әкімі жем-шөппен қамтамасыз ету және егін жинау науқанына дайындық мәселелері қазіргі уақытта өзекті екенін айтып, қажетті бағыт-бағдар берді.
<blockquote>
 «Өздеріңіз білесіздер өткен жылы Арал ауданында жауын-шашынның болмауынан қуаңшылық орын алып, 598 бас мал шығыны орын алған болатын. Аталған жағдайды алдын алу мақсатында нақты шарлалар қабылдап, ерекше бақылауда ұстауымыз қажет. Бүгінгі күнге Арал және Қазалы аудандарында мал азығын дайындау барысы өткен жылмен салыстырғанда жоғары болғанымен, қазір уақытта басқа аудандарға қарағанда төмен деңгейде жүруде, сондықтан қажетті мал азығын дайындау жұмыстарын жеделдетіңіздер. Ал, егін жинау науқаны бағытындағы жұмыстарды белгіленген тәртіппен сапалы әрі жүйелі жүргізуіміз қажет», – деді Нұрлыбек Нәлібаев.
</blockquote>
Жиында ағымдағы жылғы күзгі дала жұмыстары мен егін орағына үкімет тарапынан кепілді бағамен бөлінген жағар-жанар майдың облысқа белгіленген кестеге сай жеткізілуін және зауыттардан тиісті уақытта тиелуін бақылауға алу, қажетті ауыл шаруашылығы техникаларымен толық қамтылуын және қосалқы бөлшектермен қамтамасыз етілуін қадағалау, мал қыстату науқанына қажетті жем-шөп қорының қажетті көлемде дайындау, қор жасақтау барысында өңірде жұмыс жасайтын күріш ақтау кәсіпорындарымен келісімдер жасау тапсырылды.
Сондай-ақ, облыс әкімі егінді жалға салатын агрегаттар мен астық комбайндарының үздіксіз жұмыс жасауы мен олардың қосалқы бөлшектермен қамтылуын және күзгі дала жұмыстарына қажетті дизель отынының уақытылы алыну, келесі жылдың егісіне қажет жоғарғы репродукциялы сапалы тұқым қорын дайындау, суармалы суды жеткізіп беру қызметіне ақы төлеу қарыздарын және кірістер (салық) органдарына берешектерін мерзімде өтеу, егін жинау жұмыстарын ағымдағы жылдың қазан айының 10-на дейінгі мерзімде аяқтау қажет екенін атап өтті.
Әртараптандыру бағытындағы дақылдар көлемін ұлғайту мәселесі де назардан тыс қалған жоқ. Аймақ басшысы: «Ер Әлі» шаруа қожалығындағы егіншілік саласын әртараптандыруға және егістікте суармалы суды үнемдеу технологияларын пайдаланудағы жүргізіліп жатқан жұмыстарды насихатап, тәжірибені кеңінен пайдалану қажет. Күріштің суды аз қажет ететін сортын өсіруді қолға алу маңызды», – деді.
Жиын соңында ирандық инвесторлармен бірлескен жүгері өсіру жобасын жалғастыру, егін шаруашылығын әртараптандыруға байланысты, Украина ғалымдарымен бірге ауыл шаруашылығы дақылдары сорттарын өңірімізде тәжірибе ретінде егуді қолға алу, облыс аумағында ветеринариялық-профилактикалық іс-шаралардың уақытылы орындалуын және эпизоотиялық ахуалды үнемі бақылауда ұстау туралы тапсырма берілді.
Мұнымен қоса, тамыз конференциясы мен білім күніне дайық барысы, «Алтын күз» іс-шарасын өткізу бойынша міндеттер айтылды.
<img src="https://kyzylorda-news.kz/wp-content/uploads/2022/08/301084154_369034825417768_1596788357320325641_n.jpg" alt="" />
<img src="https://kyzylorda-news.kz/wp-content/uploads/2022/08/301153451_369034758751108_5626278571257713795_n.jpg" alt="" />

Жем-шөппен қамтамасыз ету және егін жинау науқанына дайындық пысықталды

Kyzylorda-news.kz. Бүгін республиканың басым бөлігінде жел болады, деп хабарлайды Қазгидромет.
23 тамызда Қызылорда облысының орталығында жел солтүстіктен, солтүстік-шығыстан соғады, күндіз күші 15-20 м/с күтіледі. Облыстың басым бөлігінде төтенше өрт қаупі сақталады.

23 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда қаласында төрт метрлік құдыққа түсіп кеткен екі жасар баланы кездейсоқ өтіп бара жатқан жасөспірім құтқарып қалды.
Оқиға 19 тамыз күні орын алған. Баланың шұңқырға түсіп кеткенін көрген жасөспірім бірден құтқару үшін құдыққа түскен.
Жасөспірім баланы аман-есен алып шыққан. Өзі де еш жарақат алмаған. Құдыққа құлап кеткен баланың ата-анасы медициналық көмекті қажет етпеген.
Төтенше жағдайлар департаментінің бұл фактіні тіркемегені белгілі болды. Осыған байланысты батыр баланың аты-жөнін анықтау мүмкін болмаған.
Кейін белгілі болғандай, жас құтқарушы 15 жастағы Арман Аманжолов Арал ауданы Бөген ауылының тумасы екен. Жасөспірім облыс орталығына колледжге құжат тапсыру үшін келген. Сол күні ол көшеде келе жатып, кішкентай баланың анасының алдында жүгіріп жүргенін көреді. Бір уақытта анасы айқайлап, көмек шақырады.
<blockquote>
 «Мен кішкентай баланың құдыққа құлап кеткенін көрдім. Көп ойланбай, соңынан секірдім. Менде тек бір ғана ой: баланы құтқарып қалу болды», – дейді Арман Аманжолов.
</blockquote>
Осы уақытта көмекке ер адам келіп, кішкентай баланы, одан кейін Арманның өзін құдықтан шығарып алады.
Арман Аманжолов көп балалы отбасының кенжесі. Ол Қызылордаға М.Ықсанов атындағы Қызылорда политехникалық колледжіне инженер-электрик мамандығы бойынша оқуға түсу үшін келген. Қазір Арман комиссияның қорытындысын күтіп отыр.

Арман Аманжолов: Көп ойланбай, соңынан секірдім

Kyzylorda-news.kz. Синоптиктер 21 тамызға арналған ауа райы болжамын жариялады, деп хабарлайды Қазгидромет.
Таңертең және күндіз Қызылорда облысының орталығында солтүстік-шығыстан жел соғады, күші 15-20 м/с күтіледі. Облыстың басым бөлігінде төтенше өрт қаупі сақталады.

21 тамызға арналған ауа райы болжамы

Kyzylorda-news.kz. Сыр еліне жұмыс сапары аясында Ауыл шаруашылығы министрі Ербол Қарашөкеев пен Экология, геология және табиғи ресурстар министрі Серікқали Брекешов облыс әкімі Нұрлыбек Нәлібаевпен бірге Ақжарма ауылының тыныс-тіршілігімен танысып, шаруа қожалығындағы күріш зауытының жұмысын көрді.
Басты мақсат – ауылдағы абаттандыру жұмыстарымен және әлеуметтік нысандарымен танысу және шаруашылықтардың өнім өндірудегі тәжірибелерімен танысу.
Ақжарма шаруа қожалығы өз қаражаты есебінен ауылды көркейту-көгалдандыруға, су жүйелерін жөндеу мен тазалауға, әлеуметтік дүкен мен монша құрылысын салуға, орталық стадионды жөндеуге және өзге де әлеуметтік бағыттарға 310,6 млн.теңге бөлген. Сондай-ақ, құны 122,6 млн.теңге болатын күріш өңдеу зауыты мен астық сақтайтын қойма ғимараттарын салған. 
Мұнан кейін ведомоство басшылары Нағи Ілиясов ауылдық округіне барды.
2250 халқы бар Нағи Ілиясов ауылында «Нұрлы жол» және «Ауыл – Ел бесігі» бағдарламалары аясында 126,3 млн.теңгеге ауылдық округінің кіреберіс жолына күрделі жөндеу жұмыстары жүргізілсе, 39,7 млн.теңгеге көпбалалы отбасыларға 3 тұрғын үй салынған. Сондай-ақ, 525,9 млн.теңге қаражатқа 11 көше қайта жаңғырды. 
Ауылдың гүлденуіне қомақты үлес қосқан «Абзал және К» ТС-і жеке қаражаты есебінен ауылды абаттандыру және тұрғындарды әлеуметтік қамсыздандыру бағыттарына 797,2 млн.теңге қаржы бөлген. Айталық, 384 млн.теңгеге спорт кешенін салып, 137 млн.теңгеге ауылдық ғимарат жаңадан көтерді. Сондай-ақ, Ұлы Отан соғысында қаза тапқандарға арналған ескерткіш құрылысы жүргізілген.
Мұнан кейін министрлер Қызылорда қаласындағы су торабының қайта жаңарту жұмысымен танысты.
Плотина қиыршық ыспа құм үстіне темір бетонды конструкциясы темір және ағаш шпунттарға орналастырған. Қайта жаңғырту жұмыстарына бюджеттен 1 млрд.260 млн. теңге бөлінді. Жұмыстар толық орындалған жағдайда Қызылорда су торабынан төменгі ағысқа 1200 м³/с-тен 1900 м³/с-ке ұлғаятын болады.
Бүгінгі таңда Қызылорда облысындағы су шаруашылығы жағдайы тұрақты. Мәселен, Шардара су қоймасына Көкбұлақ су бекеті арқылы сәуір-тамыз айларында түскен су көлемі 3502 млн.м3 құрап, 19 тамыздағы жағдай бойынша 3611 млн. м3 құрады. Өткен жылдың вегетациялық кезеңінде су қоймасына барлығы 2,1 млрд. м3 су келіп түскенін атап өту қажет. Қабылданған шаралардың арқасында жалпы биыл вегетациялық кезең шығынсыз аяқталуда.
<img src="https://kyzylorda-news.kz/wp-content/uploads/2022/08/fb_img_1661007474724.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661007477051.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661007481807.jpg" alt="" />

Ауыл шаруашылығы және Экология  министрі Сыр еліндегі бірқатар нысандарды аралады

Kyzylorda-news.kz. Бүгін Сыр диқандары егінге орақ салды. Қызу еңбекті алғаш болып Сырдария ауданының шаруалары бастады. Орақ салу рәсіміне облыс әкімі Нұрлыбек Нәлібаев, ҚР Ауыл шаруашылығы министрі Ербол Қарашөкеев пен ҚР Экология, геология және табиғи ресурстар министрі Серікқали Брекешов қатысты. Сондай-ақ, ҚР Еңбек Ері Абзал Ералиев, сала ардагерлері мен ауыл шаруашылығы құрылымдарының өкілдері егіншілердің қуанышына ортақтасты.
Ел ырысы саналатын сары алтынды қамбаға жинау жұмыстарын «Ақжарма и К» фермерлік қожалығы бастады. Аймақ басшысы министрлермен бірге күріш алқабына барып, алғашқы орақ салу рәсімін өткізді. Нұрлыбек Нәлібаев Президенттің, Үкіметтің қолдауы негізінде биыл шаруалар былтырғыдай су тапшылығын көрмегенін тілге тиек етіп, Сыр диқаншыларына ақжарма тілегін арнады.
<blockquote>
 Облыс халқының басым бөлігі ауылда тұрғандықтан біз қашанда егін егу мен жинау науқандарын аса жауапкершілікпен өткіземіз. 
 Жыл басында күріш көлемін былтырғы 84 мыңнан 64 мың гектарға дейін түсіру жоспарланғанын жақсы білесіздер. Алайда ондай шешімнің аймақ халқы үшін зардаптарын болжай отырып біз ол қадамға бармадық яғни күріш көлемін 78,6 мың гектар көлемінде сақтап қалдық. Орын алған қиындықтарға қарамастан суды тиімді пайдалану, егістікті кезектеп суару, қашыртқыдағы суды екінші рет пайдалану қолға алынды. Бұған қоса, әртараптандыру бағытында суды аз қажет ететін мал азығы, көкөніс, бақша дақылдарының көлемін арттыруға жұмыс жасалды,-деді Н.Нәлібаев.
</blockquote>
Мұнан кейін меймандар егін жинауға арналған ауыл шаруашылығы техникаларымен, облыста өндірілетін агроөнім түрлерімен танысып, сала мамандармен пікір алмасты. 
Ведомоство басшылары өз кезегінде диқаншылардың ала жаздай еткен еңбегін жоғары бағалап, ел Үкіметі қысқа мерзім ішінде мемлекеттік бағдарламаларды одан әрі жандандыру міндетін қойғанын тілге тиек етті.
<blockquote>
 “Қызылорда – күріштің астанасы. Саралап қарасақ, 6,8 мың гектар Алматы облысында бар, Түркістан облысында да аз емес, шамамен 1,5 мың гектар. Ал, негізі 78,6 мың егіс алқабының бәрі, яғни 90% дәл осы Сыр өңірінде. Ең өзекті мәселе, яғни дренажды жүйелерді жақсартуға жеткілікті мән берілсе өнімділік одан да арта түседі. Бұл аймақта күріш өндіру өте жақсы деңгейде дамыған ішкі қажеттілікті де, экспортты да дамытып отырғаны осы шаруалардың зор еңбегін атап өту қажет,-деді Ербол Қарашөкеев.
</blockquote>
Егіс алқабындағы мерейлі сәт «Дала күні» cеминар-кеңесімен жалғасты. Шет елдің ғалымдары мен білікті мамандары және отандық кәсіпкерлер өзара тәжірибе алмасып, тиімді байланыс орнату мәселесін сөз етті.
Алқалы басқосуда облыс әкімі Ербол Қарашөкеевке су тапшылығы жағдайында күріш шаруашылығын одан әрі дамыту үшін арнайы бағдарлама қабылдау қажет екенін және Ы.Жақаев атындағы Қазақ күріш шаруашылығы ғылыми-зерттеу институтының жұмысын жандандыруда бірлескен шаралар қабылдауды алға тартты. 
Ал, Серікқали Брекешовке аймақтың 178 мың гектар инженерлік жүйеге келтірілген егістіктен айрылып қалу қаупі бар екенін жеткізді. Сол себептен суармалы жерлерді қалпына келтіру және айналымға қосу бойынша әзірленген жобалардың іске асуына ықпал етуді сұрады.
Биыл өңірдегі диқаншылар тұқым сапасын арттыруда украиндық ғалымдарымен бірге ауыл шаруашылығы дақылдары сорттарын тәжірибе ретінде егуді қолға алды. Бұл ретте Украина ауыл шаруашылығы ғылыми ұлттық академиясы күріш институтының директоры Владимир Дудченко әріптестік танытуға мүдделі.
Нұрлыбек Нәлібаев суды аз қажет өнімдерге басымдық беру арқылы өнімділік мәселесін жолға қоюға болатынын жеткізді. Айталық, аймақта жүгері егу суды қажет етеді, егер оны экспорттасақ оның табысы күріштен де қомақты болады. Сондықтан сала мамандары жүгері өндіру ісіне ерекше мән бермек. Бұл – әртараптандырудың нақты мысалы болмақ.
Сыр өңірінде су мәселесі проблемалық деңгейде болғаны рас. Дегенмен мемлекеттік қолдау шараларының нәтижесінде Қызылорда облысындағы су шаруашылығы жағдайы тұрақтанды.
<blockquote>
 “Су тапшылығының алдын алу мақсатында биыл 22 каналды механикалық тазалау, 41 ұңғыманы жөндеу және бұрғылау, сорғы қондырғыларын сатып алу жұмыстарын жүргізуге Үкімет резервінен 3,6 млрд. теңге бөлініп, тиісті жұмыстар атқарылуда. Қабылданған шаралардың арқасында жалпы биыл вегетациялық кезең шығынсыз аяқталуда,-деді Серікқали Брекешов.
</blockquote>
Облыста 188,5 мың гектарға егін орналастырылды. 
Бүгінде бидай, арпа, сұлы дақылдарын жинау аяқталса, мақсары, картоп, көкөніс, бақша, жүгері, мал азығы дақылдарын жинау жұмыстары жалғасуда.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілді. 
Айта кетейік, күзгі егін жинау және дала жұмыстары үшін қажетті жанар-жағар май қоры жеткілікті. Сондай-ақ, ауыл шаруашылығы техникалары күріш егісін оңтайлы мерзімде жинап алуға толық дайын. 
Алдағы егін жинау науқаны Сыр диқаншылар үшін қолайлы кезең болады деп болжанып отыр. Демек, науқанды 10 қазанда аяқтау жоспары белгіленді.
<img src="https://kyzylorda-news.kz/wp-content/uploads/2022/08/img-20220820-wa0000.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0002-1.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0003.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0001.jpg" alt="" />

Сыр елінде егінге орақ түсті

Kyzylorda-news.kz. Қасым-Жомарт Тоқаев Ресей Федерациясының Президенті Владимир Путинмен келіссөз жүргізді, деп хабарлайды Stan.kz.
Кездесуде екі ел басшысы Қазақстан-Ресей стратегиялық әріптестігінің өзекті мәселелерін жан-жақты талқылады. Сауда-экономикалық және инвестициялық ынтымақтастықты нығайтуға ерекше назар аударылды.Қасым-Жомарт Тоқаев екіжақты қарым-қатынастардың қарқынды дамып келе жатқанын атап өтті.
<blockquote>
 «Шын мәнінде, Қазақстан мен Ресей арасында стратегиялық серіктестік негізіндегі қарым-қатынас орнаған. Биыл біз дипломатиялық қарым-қатынас орнатудың өте маңызды датасы – 30 жылдығын атап өтіп жатырмыз. Осыдан 30 жыл бұрын Достық, ынтымақтастық және өзара көмек туралы шартқа қол қойылды. 2013 жылы осы Шарт елдеріміз арасындағы одақтастық қатынастар туралы сіз қол қойған жаңа құжатпен толықтырылды. Сондықтан қалыптасқан негіз өте жақсы», – деді Тоқаев.
</blockquote>
Қасым-Жомарт Тоқаев сауда-экономикалық ынтымақтастық табысты дамып келе жатқанына тоқталып, өнеркәсіп кооперациясы біздің көңілімізден шығатындай елеулі нәтижелерге жеткенін атап өтті. Мемлекет басшысының айтуынша, сауда динамикасы дұрыс жағынан дамып жатыр. Былтыр сауда көлемі 24,5 миллиард долларды құрады. Президент бұл көрсеткішпен Ресей біздің тауар айналымымызда бірінші орында тұрғанын айтты.
Сонымен қатар Қасым-Жомарт Тоқаев БҰҰ және басқа да халықаралық институттар арқылы белсенді ынтымақтасып келе жатқанымызға тоқталды.
<blockquote>
 «Биыл Қазақстан ТМД-ға төрағалық етеді. Қазан айында ТМД саммиті өтеді. Оған өзіңіз қатысасыз деген сенімдеміз. Оның үстіне Ресей Тәуелсіз Мемлекеттер Достастығында маңызды рөл атқарады. Бұл – шынымен де халықаралық форматтағы ынтымақтастықтың басым бағыты», – деді президент.
</blockquote>
Мемлекет басшысы қазіргі геосаяси жағдайдағы екіжақты ынтымақтастықты одан әрі нығайту мәселелеріне назар аударды.
<blockquote>
 «Геосаяси жағдайдың ерекшелігі үкіметтерімізге қосымша нұсқаулар беру үшін келісіп алу қажет екенін көрсетіп отыр. Олар бір-бірімен табысты қызмет етіп келеді. Дегенмен өмірдің өзі жаңа міндеттер қояды және олар шешуді қажет етеді. Жалпы, біздің ынтымақтастығымыздың дамып келе жатқанына қанағаттануға толық негіз бар. Мен бұл тұрғыда сізбен келісемін. Бізді ортақ шекара біріктіреді. Ол – әлемдегі ең ұзын, құрлықтағы толығымен делимитацияланған шекара. Біздің ынтымақтастығымыздың болашағына қатысты пессимистік болжамдар жасауға, әрине, негіз жоқ! Мен Қазақстан Республикасының Президенті ретінде барлық салалардағы екіжақты ынтымақтастығымызға қосымша серпін беруге ниеттімін», – деді Қасым-Жомарт Тоқаев.
</blockquote>
Владимир Путин Қасым-Жомарт Тоқаевқа шақыруын қабыл алып, Сочиге келгеніне алғысын білдірді.
<blockquote>
 «Шақыруымды қабыл алғаныңызға рақмет. Біз екеуіміз үнемі кездесіп тұрамыз. Жақында ғана жүздескен едік, бірақ біз Сочиде кездесуге келістік. Алдымызда өте ауқымды жұмыс бар. Ал биылғы жыл ерекше. Біз қазан айында дипломатиялық қарым-қатынастың 30 жылдығын атап өтеміз. Осы датаға орай түрлі іс-шаралар жоспарланып отыр. Біздің министрліктер мен ведомстволар белсенді жұмыс істеп жатыр. Үкіметаралық комиссия қарқынды жұмыс істеп келеді. Сыртқы істер, қорғаныс министрліктері бірлесіп түрлі іс-шараларды, соның ішінде ҰҚШҰ аясындағы бірлескен оқу-жаттығуларды және тағы басқаларын дайындап жатыр. Тауар айналымы өсіп келеді. Былтыр 34,4 пайызға өссе, биыл бес айда 9 пайызға дерлік, 8,8 пайызға өсті. Инвестициялар екі жақтан да артып келеді. Меніңше, Ресей инвестициясы 18 миллиард долларға жетті, ал Қазақстанның Ресейге салған инвестициясы төрт жарым миллиард шамасында. Қазақстанның сауда-экономикалық серіктестері арасында Ресей бірінші орында келеді. Біз сондай-ақ жақсы ірі жобаларды әзірлеп жатырмыз. Жоғары технологиялық салаларда, соның ішінде ғарыш саласында жұмыс істейміз. Жалпы, жұмыс барлық бағыттар бойынша айтарлықтай қарқынды әрі оң бағытта жүріп жатыр. Біздің кездесуіміз, әрине, біздің сенімді стратегиялық серіктестігімізді дамытуға қосымша серпін беретініне өте қуаныштымын», – деді Ресей басшысы.
</blockquote>

Тоқаев Путинмен келіссөздер жүргізді

Kyzylorda-news.kz. Бүгін солтүстік-батыс антициклонының ықпалымен Қазақстанның басым бөлігінде күн жауын-шашынсыз болады, деп хабарлайды Қазгидромет.
Елдің солтүстігінде, солтүстік-батысында, шығысында, оңтүстік-шығысында жаңбыр жауады, елдің шығысындағы таулы аудандарда жауын-шашын (жаңбыр, қар) болады. Республиканың оңтүстік-шығысындағы таулы аудандарда бұршақ жауады.
Республиканың кей жерлерінде жел күшейіп, солтүстікте, солтүстік-батыста, орталықта, елдің шығысында түнде және таңертең тұман түседі, солтүстікте, шығыста, республиканың орталығында түнде топырақ бетінде 2 градусқа дейін үсік жүреді.
Күндіз Маңғыстау облысының басым бөлігінде қатты ыстық болады.
Қызылорда, Түркістан облысының оңтүстігінде, шығысында, Маңғыстау облысының оңтүстігінде, Бесқарағай ауданында Абай облысының төтенше өрт қаупі сақталады.

Қазақстан және Қызылорда облысының жаңалықтары: Басты жаңалықтар old