<a href="https://kyzylorda-news.kz/">Kyzylorda-news.kz.</a> Биыл Қазалы қаласындағы «Өрімтал» балабақшасы типтік жобада салынған жаңа ғимаратқа көшеді.
Қазіргі таңда 140 орындық балабақшаның құрылысы қарқынды жүргізілуде. Бас мердігер «СМП – Қызылорда» ЖШС ғимараттың қабырға кірпішін қалау жұмыстарын толық аяқтап, төбе шатырын жабуда. Сонымен қатар, ішкі сылақ жұмыстарын жүргізуде.
Балабақша ғимараты қазан айының соңына дейін пайдалануға беріледі деп жоспарлануда.
<blockquote>
 «Биыл ауданда 4 нысан халық игілігіне пайдалануға беріліп, қазіргі таңда 17 нысанның құрылыс жұмыстары жүргізілуде. Аудандағы құрылыс саласында айтарлықтай өсім бар. Дәлірек айтқанда, осы жылы құрылыс жұмыстарның көлемі – 2,5 млрд. теңгені құрап, 11,3 пайызға артты. Нәтижесінде 17 нысанның құрылыс жұмыстары басталды. Оның 7-і өткен жылдан өтпелі болса, 10 нысан жаңадан бой көтереді», деді аудан әкімі Мұхтар Оразбаев.
</blockquote>
Айта кетейік, бүгінде Қазалы ауданының әлеуметтік-экономикалық жағдайы қарқынды дамып келеді. Өнеркәсіп өнімінің көлемі – 106,9 пайызға, ал өңдеу өнеркәсібі – 107,6 пайызға артты. Сондай-ақ, ауданда шағын және орта кәсіпкерлік нысандарының саны – 5299 бірлікті құрап, оның 95,6 пайызы тұрақты жұмыс істеуде.
<img src="https://kyzylorda-news.kz/wp-content/uploads/2022/09/063532fd-6623-431e-b011-c3a8828171c8.jpg" alt="" />

Қазалы қаласында 140 орындық балабақша салынып жатыр

Kyzylorda-news.kz. Қостанай облысының Әулиекөл ауданындағы орман шаруашылықтарының бірінде қарағай мен құрғақ шөп тұтанып, арты алапат өртке ұласты, деп хабарлайды ҚазАқпарат.
Қостанай облысында орман өрті 2 қыркүйек күні басталды. Сағат 15:10-да Басаман және Семиозерное шаруашылықтарының аумағында ағаш пен құрғақ шөп өртенді.
<blockquote>
 «Осы күні бір жағы күн 36 градусқа дейін қатты ысып, жел секундына 26 метрге дейін күшейіп, метеорологиялық жағдай күрделене түсті. Өртенген аумақтың көлемі 9 400 гектарды құрады. Орманың жалпы аумағы 70 мың гектар»,-деді ТЖМ өкілдері.
</blockquote>
Оқиға орнында жедел штаб құрылып, оның құрамына ҚР Төтенше жағдайлар министрі Юрий Ильин мен өзге де бірқатар мемлекеттік органдардың басшылары кірді. Өртті сөндіруге Қостанай, Ақмола, Қарағанды және Солтүстік Қазақстан облыстарының жеке құрамы жұмылдырылды.
Өрт орман алқабынан елді мекендерге тарап, жағдайды күрделендіре түсті. Осыған байланысты негізгі күш Аманқарағай мен Новонежинка елді мекендерін өрттен қорғауға жұмылдырылды.
Озерное ауылынан 1841 адам, Аманқарағай ауылының солтүстік бөлігінен 1000 адам, Калинино ауылынан 228, Лесное ауылынан 363 адам қауіпсіз жерге көшірілді.
Эвакуацияланғандардың барлығы Әулиекөл орта мектебі мен мектеп-интернатына орналастырылды және олар тамақпен қамтамасыз етілді.
Кешірек Юрий Ильин өрттің елді мекендерге тарап, өрт сөндірушілер 60 үйді өрттен аман алып қалуға күш салып жатқанын хабарлады.Өрттен зардап шекккендерге аймақта шұғыл желі іске қосылып, психологтардың жұмысы ұйымдастырылды.
Жолдың нашар көрінуіне байланысты билік өкілдері «Қостанай- Әулиекөл» трассасын жауып тастады.Қостанай облысына 15 автоцистерна, екі вахта автобусы, 1 қызметтік көлік, Нұр-Сұлтан қаласының Төтенше жағдайлар департаментінен 98 адам жіберілгені хабарланды.
<blockquote>
 «Сағат 22:00-дегі жағдай бойынша Әулиекөл ауданына Ақмола облыстық Төтенше жағдайлар департаментінен 9 техника мен 50 адам келді. Солтүстік Қазақстаннан 6 техника мен 50 адам, қосымша Атбасар мен Новоишимка ауылдарынан екі өрт сөндіруші пойыз келді. Сағат 21:00-де №51 және №82 жолаушылар пойыздары тоқталды»,-деп хабарлады ТЖМ жедел штабынан.
</blockquote>
Жергілікті әкімдік қазір жергілікті деңгейде төтенше жағдай жариялау мәселесін ойластырып жатыр.
Қостанай облысында сондай-ақ Мемлекет басшысы Қасым-Жомарт Тоқаев қатысуы керек болатын Ахмет Байтұрсынұлының 150 жылдығымен байланысты іс-шаралар да кейінге қалдырылды.
Мемлекет басшысы мұнда енді басқа мақсатпен, яғни өртпен күрес бағытында атқарылып жатқан жұмыстармен танысу үшін келеді.
Үкімет төтенше жағдайдың салдарымен күреске қаржы бөлетін болады.

Қостанай облысында бір тәуліктен бері өрт сөндіріліп, адамдар қауіпсіз аумаққа көшіріліп жатыр

Kyzylorda-news.kz. Бүгін ҚР Премьер-Министрі Әлихан Смайловтың төрағалығымен Президенттің «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын іске асыруға арналған жиын өткізілді.
Үкімет басшысы Жолдауды іске асыру жөніндегі Жалпыұлттық жоспардың жобасын әзірлеуді және халықтың әл-ауқатын арттыруға бағытталған жүйелі және салалық шаралар кешенін қабылдауды тапсырды.
Селекторлық жиыннан кейін облыс әкімі Нұрлыбек Нәлібаев Мемлекет басшысының халыққа Жолдауынан туындайтын міндеттер мен тапсырмаларын іске асыруға арналған отырыс өткізді.Жиынға мемлекеттік мекеме, құқық қорғау органдары басшылары, зиялы қауым, саяси партия өкілдері қатысты.
Аймақ басшысы Президент Жолдауында саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар нақтыланып, алдағы міндеттерді айқындап бергенін жеткізді.
<blockquote>
 «Біз Президент Жолдауында айтылған барлық бағдар бойынша нақты шаралар қабылдап, сапалы іске асырамыз. Мемлекет басшысының қабылдауында болғанымда өңірде 7 ай қорытындысымен өнеркәсіп өндірісінің көлемінен басқа барлық әлеуметтік-экономикалық көрсеткіште өсім қалыптасқанын жеткіздім. Өздеріңіз білесіздер, осыған дейін Президент аймақта халықтың табысы төмендеп кеткенін айтып, жұмысты жандандыруды тапсырған еді. 2021 жылы халық табысы 99,9 пайызды құраса, жүйелі жұмыстың нәтижесінде биыл өсім орын алып, тұрғындардың нақты табыс көлемі 116,1%-ға артты», – деді НұрлыбекНәлібаев.
</blockquote>
Жиында облыстық мәслихат депутаты, Ұлттық құрылтай мүшесі Қылышбай Бисенов, облыстық мәслихат хатшысы Наурызбай Байқадамов сөз алып, Жолдауда көрсетілген міндеттер ел экономикасына серпін беретінін жеткізіп, ұсыныстарын ортаға салды.
Аймақ басшысы өңір экономикасы шикізаттық бағыттан, яғни мұнай тәуелділігінен әлі де шыға алмауының салдарын жою үшін «Шыны зауыты» айналасында шыны, «Кальцийлендірілген сода» жобасы айналасында химия өндірісін, Шалқия қорғасын-мырыш және Баласауысқандық ванадий кен орындарында кен байыту комбинаттарының құрылысын жүргізе отырып, металлургия кластерлерін құруға толық мүмкіндіктер бар екенін қаперге салды. Бұл ретте Нұрлыбек Нәлібаев бірінші орынбасары Серік Қожаниязовқа жаңа кен орындарын барлау жұмыстарын орталық атқарушы органдармен қайта пысықтауды тапсырды.
Аймақта электр желілері, ауыз су және жылу желілерінің тозу деңгейі де үлкен мәселе. Алдын ала есептеу көрсеткендей, тек электр жүйелерінің тозу деңгейін 68 пайыздан 30 пайызға дейін төмендету үшін 153 млрд.теңге қаржы қажет. Мұнан бөлек, ауылдарды газдандыру және ауыз су апару мәселесі бар.Облыс әкімі Нұрлыбек Нәлібаев орынбасары Мархабат Жайымбетовке тозығы жеткен инфрақұрылымдарды жаңғыртуды инвестиция тарту арқылы шешуді тапсырды.
Жолдаудың екінші бағыты – нақты секторды дамыту. Жиында облыс әкімі инвестиция тарту мәселесіне арнайы тоқталды.
Биылғы жылы өңірге тартылуы тиіс 373,5 млрд. теңге инвестиция көрсеткіші 7 айда 42%-ға орындалды. Межелі көрсеткішке қол жеткізу үшін қала, аудан әкімдіктеріне инвестиция тартудың Жол картасы бекітілді. Сондай-ақ, Президент тапсырмасына орай білім және медицина саласына инвестиция тарту жұмыстары өңірде күшейтілмек.
Мұнай-газ саласына да инвестиция тарту кемшін қалмайды. Бұл үшін аймақта 4 көмірсутекті кен орны жеке инвестиция есебінен зерттелмек.
<blockquote>
 «Облыстық деңгейде құны 227 млрд. теңге болатын 2 ірі инвестициялық жобаның іске асырылуы шешілді. Түрік инвесторлары есебінен жаңа жылу электр орталығы және Болат Өтемұратов қоры есебінен «Қорқыт Ата» әуежайы жаңа терминалы салынады. Осындай ірі жобалар бізде санаулы емес, кем дегенде әр ауданда біреуден болуы қажет.Әкімдер белсенді түрде инвестиция тарту бағытында жұмыс жасаңыздар! Шетелдік ірі инвесторлармен кездесіп, келіссөздер жүргізіңіздер! Тек нақты нәтиже болуы керек», – деді Нұрлыбек Нәлібаев.
</blockquote>
Жолдау жүктеген тағы бір міндет – жастарды жұмыспен қамту. Келер жылдан бастап жастар кәсіпкерлігін қолдауға жылдық 2,5%-бен жеңілдетілген шағын несие берудің тетігі іске қосылмақ.
Нұрлыбек Нәлібаев бірінші орынбасары Серік Қожаниязовқа бизнесте жүрген және кәсіпке енді бейімделіп жүрген жастармен кездесу өткізіп, олардың ұсыныстарын тыңдап, талқылау нәтижесімен өңірдің экономикалық ерекшелігіне қарай жастармен іске асырылатын әлеуетті жобалардың тізімін әзірлеуді тапсырды.
Жиында ауыл шаруашылығы мәселелері де қаралды. 2023 жылдан бастап «Ауыл халқының табысын арттыру жөніндегі жобаны масштабтау бойынша шағын кредиттер беру» республикалық бюджеттік бағдарламасы жүзеге асады. Бұл бағытта келесі жылы республикалық бюджеттен облысқа 3 млрд.теңге қаржы бөліну көзделуде.
Аймақ басшысы бөлінген қаржының тиімділігін арттыру мақсатында әр ауданнан 2-3 ауылдық округтерді белгілеп, пилоттық режимде нақты жобалар жүзеге асырылуы тиіс екенін атап өтті. Сондай-ақ, аудан және қала әкімдеріне бір ай көлемінде нақты ауылдық округтерді анықтап, жобалардың бағыттарын белгілеп, тиісті есептері мен қажетті қаражат көлемін ұсынуды тапсырды.Білім беру саласының өзекті мәселелері де сөз болды. Аймақта 2 мен 6 жас аралығындағы балалардың балабақшамен қамтылу көрсеткішін ұлғайту, тәрбиешілердің әлеуметтік мәртебесін арттыру бағытында өңірдегі барлық балабақшаға толықтай сараптама жүргізіп, нақты талдау жасау тапсырылды.
Жиын соңында аймақ басшысы аймақ экономикасына тікелей әсер ететін Арал теңізінің жағдайы, «Батыс Еуропа – Батыс Қытай» автомагистралінің Қызылорда қаласынан Ақтөбе облысының шекарасына дейінгі учаскесін екінші санаттан бірінші санатқа ауыстыру, жаңа көп бейінді аурухана салу мәселелерін орнықты шешу алдағы міндет екенін жеткізді.
Айта кетейік, Президент Жолдауын іске асыруға арналған Ұлттық жоспар аясында облыстық деңгейде арнайы жоспар әзірленеді.
<img src="https://kyzylorda-news.kz/wp-content/uploads/2022/09/fb_img_1662204899079.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662204902591.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662204906115.jpg" alt="" />

Нұрлыбек Нәлібаев: Жолдау талабы &#8211; нақты істің нәтижесімен маңызды

Kyzylorda-news.kz. Қыркүйек айының алғашқы жексенбісі – мұнай-газ саласы қызметкерлерінің күні. Қызылорда облысының әкімі Нұрлыбек Нәлібаев төл мереке қарсаңында сала мамандарымен кездесті.
Басқосуда аймақ басшысы мұнай-газ секторындағы ахуал және Президент Жолдауында жүктелген міндеттерді талқылады.
<blockquote>
 «Мемлекет басшысы Жолдауда жер қойнауын игеру саласының инвестициялық тартымдылығын арттыру міндет қойды. Мұнай қорлары сарқылып, мұнай көлемі төмендеудің шарықтау шегіне келген осы кезеңде геологиялық зерттеу жұмыстарын жүргізу, мұнай-газ саласын дамытуға инвестиция тарту біздің өңір үшін атқарылатын басты жұмыс. Қазіргі таңда республикалық бюджет есебінен Шу-Сарысу және Арал шөгінді бассейндерін геологиялық зерделеу жұмыстары жүргізілуде. Сырдария бассейні бойынша келер жылы геологиялық зерттеу жұмыстарын бастау жоспарлануда. Үш бассейнді зерттеу нәтижесі – мұнай-газ қорының шоғырланған учаскелерін нақты анықтап береді. Бұл жеке инвесторлар үшін өте қолайлы, олар қысқа мерзімде мұнай мен газды өндіру кезеңіне өтуге мүмкіндік алады.Энергетика вице-министрінің өңірге іс-сапары кезінде газды сатып алу бағасын арттыруға қатысты мәселені көтеріп, «QazaqGaz» басшылығымен келісімге келдік. Жыл соңына дейін бұл мәселе оңтайлы шешілетін болды», – деді облыс әкімі Нұрлыбек Нәлібаев.
</blockquote>
Жиында аймақтың мұнай-газ саласында ұзақ жыл еңбек еткен қызметкерлер ҚР Энергетика министрлігінің салалық наградаларымен және «Қызылорда облысының Құрмет грамотасымен» марапатталды. Атап айтсақ, «Мұнай-газ кешенін дамытуға қосқан үлесі үшін» медалі 2 азаматқа табысталса, 8 сала үздіктеріне Құрмет грамотасы берілді.Сондай-ақ, мерекелік басқосуда сала ардагері Ғалым Байманов көрсетілген құрметке алғыс білдіріп, ақжарма тілегін арнады.
Айта кетейік, бүгінгі күні аймақта мұнай-газ секторында 14 мыңнан астам қызметкер жұмыс істейді.
<img src="https://kyzylorda-news.kz/wp-content/uploads/2022/09/fb_img_1662175979829.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175982939.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175985698.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175988227.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175992318.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175995031.jpg" alt="" />

Қызылордада мұнай-газ саласының қызметкерлері марапатталды

<a href="https://kyzylorda-news.kz/">Kyzylorda-news.kz.</a> Қызылорда облысында өндірістің 70 пайызын мұнай-газ саласы құрайды. Осы салада 14 мыңнан астам адам жұмыспен қамтылып отыр. Дегенмен, қазіргі таңда кен орындарының сарқылуы байқалуда. Соңғы 8 жылда мұнай өндіру 60 пайызға қысқарды. Бұл туралы бүгін Өңірлік коммуникациялар қызметінде өткен баспасөз конференциясында облыстық кәсіпкерлік және өнеркәсіп басқармасының басшысы Мұса Қалдарбеков мәлімдеді.
<blockquote>
 «Сондықтан перспективалы учаскелерді белсенді зерттеуге инвесторларды тарту бірінші кезектегі міндет деп санаймыз. Осыған байланысты, республикалық бюджет есебінен Шу-Сарысу және Арал шөгінді бассейндерін геологиялық зерттеу бойынша жұмыстар жүргізілуде. Сырдария бассейні бойынша 2021 жылы жобалық-сметалық құжаттамалары әзірленген. Геологиялық зерттеу жұмыстары келесі жылы басталуы жоспарлануда», – деді Мұса Оспанұлы.
</blockquote>
Өз кезегінде, бұл зерттелген учаскелер жеке инвесторлар үшін мұнай-газ әлеуетін нақты бағалауға мүмкіндік береді. Сондай-ақ, мұнай өндіру көлемін арттыру мақсатында «ҚазМұнайГаз» ҰҚ» АҚ тереңдігі 5,5 мың метр ұңғыманы бұрғылау жұмыстары осы жылы басталды.
Облыста бекітілген газ қорлары 46,9 млрд. м3 (оның ішінде: ілеспе газ – 14,3 млрд., еркін газ – 13,2 млрд., газ қалпақтары – 19,2 млрд.) және тағы шамамен 140 млрд. м3 болжамды қорларын құрайды.
Қазіргі таңда, Энергетика министрлігінің «мұнай-газ кешеніндегі мемлекеттік инспекциясының Оңтүстік өңіраралық басқармасы» облыс аймағында мұнай операцияларын жүргізу, уран өндіру, газ және газбен жабдықтау, мұнай өнімдерінің жекелеген түрлерін өндіру және магистралдық құбырларды пайдалану салаларында мемлекеттік бақылау функцияларын атқарып келеді.
Осы мекеменің басшы міндетін атқарушы Қуаныш Рахманбаевтың айтуынша, өткен жылы басқармамен мұнай операцияларын жүргізу саласында 6 профилактикалық бақылау жүргізілген. Нәтижесінде 33 заң бұзушылық анықталған. Ілеспе газдарды рұқсатсыз немесе рұқсат талаптарын бұза отырып жағу салдарынан 31 120 480 теңге көлемінде мемлекетке келтірілген залал өндірілді. Сонымен қатар, бүгінде Қызылорда аймағында (Қызылорда, Ұлытау, Түркістан) көмірсутектерді барлау және өндіруге барлығы 53 келісім-шарт жасалды.
<img src="https://kyzylorda-news.kz/wp-content/uploads/2022/09/304803930_1609411856120987_4458634531989588723_n-1.jpg" alt="" />

Қызылордада соңғы 8 жылда мұнай өндіру 60 пайызға қысқарды

Мемлекет басшысы Қасым-Жомарт Тоқаевтың Қазақстан халқына Жолдауы

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қасым-Жомарт Тоқаевтың қатысуымен ҚР Парламенті палаталарының бірлескен отырысы басталды. Отырыста Президент Қазақстан халқына Жолдауын жариялайды.
Мемлекет басшысының Жолдауы <a href="https://www.youtube.com/watch?v=-0qwLoUpCAs">тікелей эфирде</a> көрсетіліп жатыр.
Бүгінгі жиынға депутаттық корпустан бөлек, Мемлекеттік кеңесші Ерлан Қарин, ҚР Премьер-Министрі Әлихан Смайылов бастаған Үкімет мүшелері толық құрамда келген.
Сонымен қатар Конституциялық Кеңес пен ҚР Жоғарғы сотының төрағалары мен мүшелері, ҚР Президентіне тікелей есеп беретін және бағынатын орган басшылары, мемлекеттік ұйымдар басшылары, азаматтық қоғам өкілдері де қатысып отыр.
Сондай-ақ Мәжілістің 107 депутатының 100-і және Сенаттың 55 депутатының 50-і қатысып отыр.

ҚР Парламенті палаталарының бірлескен отырысы басталды

<a href="https://kyzylorda-news.kz/">Kyzylorda-news.kz.</a> Бүгін еліміздің мектептері мен оқу орындарында жаңа оқу жылы басталды. Дәстүрге сай 1 қыркүйек елімізде алғашқы қоңырау салтанатты шарасы ретінде аталып өтіледі.
Жаңа оқу жылында Қызылорда облысы бойынша 18 мыңға жуық бала бірінші сыныптың табалдырығын аттады. Осы ретте қазақ тілінде оқытатын мектептерде бірінші сынып оқушылары қазақ тілінде, орыс тілінде оқытатын мектептерде – қазақ және орыс тілдерінде оқытылатын болады. Қазақ мектептерінде орыс тілі пәні 2 сыныптан бастап оқытылатын болса, ағылшын тілі 3 сыныптан бастап оқу жоспарына енгізілмек. Сонымен қатар, қаладағы үш ауысымда оқытатын 6 мектептен басқа барлық білім беру ұйымдары 5 күндік оқу аптасына ауыстырылды.
Сонымен қатар биыл өңірдегі 30 колледжде 20 мыңға жуық студент білім алады деп күтілуде. Қазіргі уақытта техникалық және кәсіптік білім беру ұйымдарына оқуға түсу үшін өтініштерді қабылдау аяқталды. Нәтижесінде, оқуға түсу үшін 6198 өтініш түссе, оның 4989-ы мемлекеттік білім грантына болса, 1209-ы ақылы негізде білім алуға құжат тапсырған.
Айта кетейік, Қызылорда облысында жаңа оқу жылының қарсаңында 3 жаңа мектеп ашылады. Ал жыл соңына дейін 5 мемлекеттік және 1 жеке мектепті пайдалануға беру жоспарланып отыр.

Білім күні: Қызылордада 3 жаңа мектеп ашылды

Kyzylorda-news.kz. Мемлекет басшысы Қасым-Жомарт Тоқаев бүгін Парламент палаталарының бірлескен отырысында Қазақстан халқына Жолдауын жариялайды.
Жолдаудың негізгі бөлігі еліміздің әлеуметтік-экономикалық дамуына арналады.
Бұған дейін белгілі болғандай, бүгін, 1 қыркүйек күні Парламент палаталарының бірлескен отырысы өтеді. Тиісті өкімге Мәжіліс төрағасы Ерлан Қошанов қол қойды.
Президент Жолдауы тікелей эфирден көрсетіледі.

Мемлекет басшысы бүгін Қазақстан халқына Жолдау жариялайды

Kyzylorda-news.kz. 1 қыркүйекте Қазақстанның басым бөлігінде бұлтты және құрғақ ауа райы күтіледі. Тек солтүстік-батыста, солтүстікте атмосфералық фронттардың өтуіне байланысты найзағай ойнап, жаңбыр жауады. Республика бойынша кей жерлерде жел күшейеді, деп хабарлайды Қазгидромет.
Атап айтқанда, Қызылорда, Түркістан, Ақтөбе облыстарының басым бөлігінде, Атырау облысының батысында, оңтүстігінде, Батыс Қазақстан облысының оңтүстігінде, солтүстігінде, шығысында, Абай, Қостанай, Қарағанды облыстарының оңтүстігінде төтенше өрт қаупі болжанады.

1 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қызылорда облысының әкімі Нұрлыбек Нәлібаевты қабылдады.
Президентке облыс әкімі аймақтың әлеуметтік-экономикалық жағдайы мен даму перспективалары, инвестиция тарту, мұнай қорының сарқылуына байланысты газ өндіру, жаңа геологиялық зерттеу жұмыстары туралы баяндады.
Аймақтың негізгі макроэкономикалық көрсеткіштерінде 7 айдың қорытындысы бойынша оң динамика бар. Атап айтқанда, былтырмен салыстырғанда тартылған инвестициялар көлемі 111,5 пайыз, өндеу өнеркәсібінің көлемі 105,5 пайыз өскен.
Нұрлыбек Нәлібаев мұнай қорының сарқылуы салдарынан мұнай өндіру көлемінің кемуінің орнын толтыру үшін сейсмикалық барлау, газ қорларын игеру жұмыстары қолға алынғанын жеткізді.
Инвесторлармен жұмыс қарқын алып келеді. Президенттің тапсырмасына сәйкес, құны 215 миллиард теңгені құрайтын, қуаты 240 мегаватт жаңа жылу электр орталығы салынып, 2025 жылы тапсырылады. Сонымен қатар жеке инвестор есебінен 11,8 миллиард теңгеге Қызылорда қаласы әуежайының жаңа терминалы 2024 жылы халық игілігіне берілмек.
Облыс әкімі Сырдария өзенінің жоғарғы ағысында орналасқан мемлекеттер арасындағы келіссөздер нәтижесінде су көлемі былтырғы деңгейден артқанын жеткізді. Аймақта суды аз қажет ететін майлы және жемдік дақылдар алқаптарын ұлғайтуға басымдық беріліп, бақша және көкөніс алқаптарының көлемі көбейген. Сондай-ақ күріш саласын дамытудың жаңа бағдарламасы әзірленбек.
Мемлекет басшысына баяндалған тағы бір мәселе – еңбек дауларын шешу. Аймақтағы ірі 49 кәсіпорынмен меморандумға қол қойылды. Алдағы уақытта қызметкерлердің еңбекақысын кезең-кезеңімен арттыру көзделген.
Биыл облыста 9 мектеп, 1 Оқушылар үйі, 2 балабақша пайдалануға беріліп, 11 дене шынықтыру кешені, 6 мәдени нысанның құрылысы жүріп жатыр.
Қасым-Жомарт Тоқаев облыс әкіміне өңірдегі тұрақты әлеуметтік-экономикалық дамуды қамтамасыз етуді тапсырды.

Мемлекет басшысы Қызылорда облысының әкімі Нұрлыбек Нәлібаевты қабылдады

<a href="https://kyzylorda-news.kz/ru/">Kyzylorda-news.kz</a>. 1 қыркүйекте Мемлекет басшысы Қасым-Жомарт Тоқаев Қазақстан халқына жолдау жасайды, деп хабарлайды Ақорда.
<blockquote>
 «Мемлекет басшысы Қасым-Жомарт Тоқаевтың Қазақстан халқына Жолдауы 1 қыркүйекте сағат 11:00-де республикалық телеарналардан, ақпарат агенттіктерінің сайттарынан тікелей эфирде көрсетіледі. Сонымен қатар ҚР Президенті Баспасөз қызметінің әлеуметтік желілердегі ресми парақшаларынан жедел ақпарат таратылады» делінген хабарламада.
</blockquote>

Қазақстан және Қызылорда облысының жаңалықтары: Басты жаңалықтар old

Қазалы қаласында 140 орындық балабақша салынып жатыр

Қостанай облысында бір тәуліктен бері өрт сөндіріліп, адамдар қауіпсіз аумаққа көшіріліп жатыр

Нұрлыбек Нәлібаев: Жолдау талабы – нақты істің нәтижесімен маңызды

Қызылордада мұнай-газ саласының қызметкерлері марапатталды

Қызылордада соңғы 8 жылда мұнай өндіру 60 пайызға қысқарды

Мемлекет басшысы Қасым-Жомарт Тоқаевтың Қазақстан халқына Жолдауы

ҚР Парламенті палаталарының бірлескен отырысы басталды

Білім күні: Қызылордада 3 жаңа мектеп ашылды

Мемлекет басшысы бүгін Қазақстан халқына Жолдау жариялайды

1 қыркүйекке арналған ауа райы болжамы

Мемлекет басшысы Қызылорда облысының әкімі Нұрлыбек Нәлібаевты қабылдады

Жолдау тікелей эфирден көрсетіледі

Қазақстан және Қызылорда облысының жаңалықтары: Басты жаңалықтар old

Қазалы қаласында 140 орындық балабақша салынып жатыр

Қостанай облысында бір тәуліктен бері өрт сөндіріліп, адамдар қауіпсіз аумаққа көшіріліп жатыр

Нұрлыбек Нәлібаев: Жолдау талабы &#8211; нақты істің нәтижесімен маңызды

Қызылордада мұнай-газ саласының қызметкерлері марапатталды

Қызылордада соңғы 8 жылда мұнай өндіру 60 пайызға қысқарды

Мемлекет басшысы Қасым-Жомарт Тоқаевтың Қазақстан халқына Жолдауы

ҚР Парламенті палаталарының бірлескен отырысы басталды

Білім күні: Қызылордада 3 жаңа мектеп ашылды

Мемлекет басшысы бүгін Қазақстан халқына Жолдау жариялайды

1 қыркүйекке арналған ауа райы болжамы

Мемлекет басшысы Қызылорда облысының әкімі Нұрлыбек Нәлібаевты қабылдады

Жолдау тікелей эфирден көрсетіледі

Нұрлыбек Нәлібаев: Жолдау талабы – нақты істің нәтижесімен маңызды