<a href="https://kyzylorda-news.kz/">Kyzylorda-news.kz.</a> Қараша айының соңына дейін еліміздегі 10 ЖОО-да тексеру жүргізілетін болады, деп хабарлады ҚР Білім және ғылым министрлігінің баспасөз қызметі.
Ведомствоның мәліметінше, профилактикалық бақылау және бұрын-соңды анықталған бұзушылықтар аталған тексеру жұмыстарының негізі болып табылады.
Бүгінгі таңда 3 жоғары оқу орнында тексеру жұмыстары аяқталуда. Атап айтсақ, бұл «Қайнар» академиясы, Қызылордадағы «Ақмешіт» гуманитарлық-техникалық институты және «Азаматтық авиация» академиясы.
<blockquote>
 «Бұл оқу орындарынан заңнаманы өрескел бұзу фактілері анықталған жағдайда әкімшілік айыппұл салу және білім беру қызметі бойынша лицензияның қолданылуын уақытша тоқтату арқылы әкімшілік істер қаралатын болады», – делінген министрлік таратқан хабарламада.
</blockquote>
Қараша айының соңына дейін еліміздегі 7 жоғары оқу орнында тексеру жұмыстары жүргізіледі.

Қызылордадағы «Ақмешіт» институты жұмысын тоқтатуы мүмкін бе?

Kyzylorda-news.kz. Президенттік жастар кадр резервіне іріктеу кезеңдерінің бірі кандидаттардың көшбасшылық қасиеттерін, стратегиялық көзқарас деңгейін, уәждемесі мен құндылықтарын бағалауға бағытталған «Әлеуетті бағалау» болып табылады.
Бұл кезеңнің ерекшелігі оның бірнеше құрамдастан тұруы: жобаны таныстыру, эссе жазу және құзыреттілікті бағалау. Кезеңді үміткерлер ағымдағы жылғы 22 қазан – 3 қараша аралығында өтуге мүмкіндік алды. Аталған кезеңге 530 адам қатысты.
Айта кету керек, тестілеуді верификациялау кезеңінен бастап әрбір келесі кезеңге барынша мүмкін болатын 100%-дық мәннен белгіленген пайыз үлесі келеді.
Мысалы, верификацияға – 10%, жобаны таныстыруға – 9%, эссеге – 15%, құзыреттілікті бағалауға – 36%, әңгімелесуге – 30% келеді.
Қатысушылар жобаларды таныстыру және эссе жазуды pkrezerv.kz автоматтандырылған жүйесінде бейне және аудиофиксация арқылы онлайн өтті.
Эссе арқылы үміткерлер белгіленген мәселелер бойынша өзінің дәлелді көзқарасын, білгірлігі мен білімінің кеңдігін, сыни ойлау деңгейін, тұжырымдардың дәйектілігін және негізділігін дәлелдейді.
Жобаларды таныстыру үміткердің таңдап алынған лауазымдар тобына байланысты тиісті саланы немесе қызметтің бағыттарын дамыту бойынша көзқарасын бағалауға бағытталған.
Құзыреттілікті бағалау үшін жеке және топтық ассесмент құралдарын пайдалана отырып, кандидаттардың мінез-құлық индикаторлары арқылы қажетті дағдыларды анықтау үшін сертификатталған бағалаушылар тартылды. Құзыреттерді бағалаудың барлық рәсімі кәсіби супервизорлардың бақылауымен өтеді.
Мемлекеттік басқару академиясының Құзыреттілікті бағалау орталығының басшысы Динара Дауренбекова топтық асессментте қолданылған жаттығулар бірегей және серіктес – беделді халықаралық компаниямен «Президенттік жастар кадр резерві» жобасы үшін арнайы әзірлегендігін атап өтті.&nbsp;
<blockquote>
 «Бұл жобаға өте мұқият дайындалдық… Әдеттегі жұмысқа қабылдау кезіндегі сұхбатта анықтық 10-20% құрайды, себебі біз адаммен жай ғана сөйлескен кезде ол кез келген нәрсені айтып бере алады. Бірақ ол асессментке келгенде – біз сұрамаймыз, біз жай ғана бақылаймыз. Адамның бір нәрсені ойлап шығаруға ешқандай мүмкіндігі жоқ, себебі ол толығымен процеске қосылады. Біз жағдайды, жұмыс кеңестерін бейнелейміз, арнайы жаттығулар беріледі және адам шынайы қалпында болады, тек осындай жағдайда ғана адамның шын мәнінде қандай екенін бағалау оңай… Топта 8 адамнан жиналған уақытта біз топтық пікірталастар өткіздік. Әрбір топты бағалау үшін кем дегенде 4 бағалаушы, фасилитатор, әкімші және алып жүруші тартылды. Бұл топты сүйемелдеген пул…», – деп атап өтті Динара Дәуренбекова.&nbsp;
</blockquote>
Іріктеудің келесі кезеңі – үміткерлердің Сарапшылық комиссиямен әңгімелесуі 27 қараша – 13 желтоқсан аралығында өтеді.&nbsp; Осы кезеңге іріктеудің алдыңғы кезеңдеріндегі балдардың жиынтығы бойынша ең жақсы нәтижелерді көрсеткен 400 адамнан аспайтын адам жіберіледі.
Естеріңізге сала кетейік, бәсекеге қабілетті әрі жасампаз жастарға қолдау көрсету үшін Қазақстан Республикасы Президентінің бастамасымен елімізде «Президенттік жастар кадр резерві» жобасына іріктеу жүргізілуде.
Жоба Қазақстан Республикасының Мемлекеттік қызмет істері агенттігімен Астанадағы мемлекеттік қызмет саласындағы өңірлік хабтың қолдауымен іске асырылуда.
Резервке отыз бес жастан аспаған, жоғарғы білімі және бес жылдан кем емес еңбек өтілі бар Қазақстан Республикасының азаматы алынуы мүмкін.
Президенттік жастар кадр резервіне іріктеуге қатысу үшін бастапқы тіркеуден 13212 адам өтті, олардың 7312-і тіркеу рәсімін толық аяқтады. Қабілеттерді тестілеуге 5745 үміткер қатысты, оның ішінде верификация кезеңіне ең жоғары баллмен 902 адам жіберілді. Тестілеуді верификациялаудан кейін 549 қатысушы келесі іріктеу кезеңі – «Әлеуетті бағалауға» өтті.
Президенттік жастар кадр резервіне өткендер саяси және жоғары әкімшілік лауазымдарға, ұлттық холдингтар мен компаниялардың жоғары басқарушы лауазымдарына тағайындалуға мүмкіндік алады.

Президенттік жастар кадр резервіне үміткерлердің әлеуетін бағалау қалай өтті?

<a href="https://kyzylorda-news.kz/">Kyzylorda-news.kz</a>. Білім және ғылым вице-министрі Фатима Жақыпова басқа жұмысқа ауысуына байланысты қызметінен босатылады. Бұл туралы министрдің кеңесшісі Ерболат Мұхаметжан&nbsp;<a href="https://m.facebook.com/erbolatmyrza?fref=nf">Facebook</a>&nbsp;әлеуметтік желісіндегі парақшасында хабарлады.
<blockquote>
 «Білім және ғылым вице-министрі Ф.Н. Жақыпованы қызметінен босату мәселесі бойынша келесіні хабарлаймыз: қазіргі уақытта осы лауазымды тұлға басқа жұмысқа ауысуына байланысты ҚР Заңнамасына сәйкес атқарып отырған қызметінен босату бойынша келісу рәсімі жүргізілуде», – деп жазды ол.
</blockquote>
Еске сала кетейік, бұған дейін Парламент Сенатының депутаты Еділ Мамытбеков ҚР премьер-министрі Асқар Маминге жолдаған сауалында білім және ғылым вице-министрі Фатима Жақыпованың плагиат ісімен айналысатын сұрағанын хабарлаған болатынбыз.

ҚР Білім және ғылым вице-министрі қызметінен босатылады

<a href="https://kyzylorda-news.kz/">Kyzylorda-news.kz.</a> Атмосфералық ауа ағындардың бөліктердің өтуіне байланысты Қазақстанның басым бөлігінде құбылмалы ауа райы сақталады, деп хабарлайды Қазгидромет. 
Кей жерлерінде жауын-шашын жаңбыр және қар түрінде жауады, жел, тұман, көктайғақ, жаяу бұрқасын, тек республиканың оңтүстігі мен батысында жауын-шашынсыз болады. 
Ақмола, Қарағанды, Шығыс Қазақстан, Павлодар облыстарының кей жерлерінде тұман, көктайғақ, жаяу бұрқасын күтіледі, жел 15-20 м/с, күндіз Ақмола облысында 23 м/с дейін күшейеді. 
Солтүстік Қазақстан облысының кей жерлерінде – тұман, көктайғақ, жаяу бұрқасын, басым бөлігінде желдің жылдамдығы 23 м/с дейін жетуі ықтимал. 
Алматы, Жамбыл, Қызылорда, Манғыстау, Атырау, Батыс Қазақстан, Қостанай облыстарының кей жерлерінде тұман, Алматы облысының кей жерлерінде көктайғақ болады.

8 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР ІІМ Байқоңыр қаласындағы Өкілдігінің Әкімшілік полиция бөлімінің ювеналды полиция тобының инспекторларымен оқушылардың демалыс кезеңінде олармен қылмыстың жасалуына жол бермеу және кәмелетке толмағандардың жүріс тұрыстарына бақылау жасау мақсатында облыс көлемінде ағымдағы жылдың 31 қазан мен 02 қараша күндері аралығында «Жасөспірім» атты жедел-профилактикалық іс-шарасы өткізілді. 
Іс-шара өткізу барысында «Жастар ресурстық орталығы», Байқоңыр қалалық бөлімі және Қармақшы аудандық білім бөлімі қызметкерлерімен бірлесіп, Төретам кенті және Ақай ауылдық округінде орналасқан ойын-сауық орталықтары, дүкендер және мейрамханалары тексерілді. 
Сонымен қатар заңды өкілдерінің еріп жүруінсіз, тұрғын үй жайлардан тыс жерлерде жүрген кәмелетке толмағандарды анықтау мақсатында бірлескен рейдтік іс-шара жүргізіліп, барлығы 11 әкімшілік құқық бұзушылық туралы хаттама толтырылды.
<img src="http://kyzylorda-news.kz/wp-content/uploads/2019/11/7opm2.jpg" alt="" />
<img src="http://kyzylorda-news.kz/wp-content/uploads/2019/11/7opm3.jpg" alt="" />

Байқоңырда әкімшілік құқық бұзған кәмелетке толмағандар жазаланды

<a href="https://kyzylorda-news.kz/">Kyzylorda-news.kz.</a> Бүгінде қызылордалық кәсіпкерлер «Аға сеньорлар» компоненті бойынша жұмыс жасаудың тиімділігін түсініп, өз бизнесін дамытуға кеңінен қолдана бастады. 
Басқарудың жаңа әдістерін енгізу, өндіріс технологиялары, құрал-жабдықтар мен персоналды оқыту мәселелері бойынша жоғары білікті шетел мамандарын тарту арқылы жүзеге асатын жобаның әлеуетін пайдаланған кәсіпкерлердің бірі қызылордалық Айгүл Оңғарбаева. 
«Алтын ине» тігін шеберханасының иесі Айгүл Оңғарбаеваға Кәсіпкерлер палатасы Қырғызстаннан арнайы маман шақыртып берді. 
«Қырғызстаннан шақыртып отырған Вероника Ли осы жылы Қызылордаға келген үшінші шет елдік сарапшы. Бұған дейін өңірімізге Түркиядан Кенан Йылдырым мен Канададан Джон Иргенгиоро келіп, кәсіпкерлерімізге қызмет көрсетті. Айгүл Оңғарбаева тігін өндірісін ары қарай дамыту мақсатында тігіншілерінің біліктілігін арттыруды көздеп, Палатаға өтінішпен келген болатын. Біз ұсынған сарапшылардың ішінде кәсіпкер қырғызстандық маманды таңдады. «Аға сеньорлар» компонентіндегі биылғы жылы жаңалық бар. Бұдан кейін кәсіпкерлер Палата ұсынған сарапшылардан өзге, керек шет елдік маманды енді өздері де таңдай алады. Мысалы, кәсіпкер өзінің саласы бойынша біліктілігі жоғары шет елдік маманды біледі, алайда шақыртуға мүмкіндігі болмаса, онда Кәсіпкерлер палатасына келіп, өтініш білдіре алады. Әрі қарай Палата сол маманды кәсіпкер үшін өңірге шақырту жұмысын ұйымдастырып береді», – дейді Кәсіпкерлер палатасының сарапшысы Гүлнұр Құрмантаева. 
«Алтын ине» тігін шеберханасына келген шет елдік маман Вероника Ли әйелдер киімі дизайны бойынша модельер құрастырушы, тігін бизнесін ұйымдастыруға қатысты кеңесші. Қызылордаға сапары барысында ол тігіншілерге тез тігу әдісін үйрететін тренерлер дайындап шықты. 
«Бұл сапарымда кәсіпкерге тез тігу әдісіне үйрететін тренерлер дайындап бердім. Бұл әдістің басты ерекшелігі тігін тігуді енді ғана үйреніп отырған адам базалық дағдыларды 3-4 күн ішінде игеріп шығады. Олар тәжірибелі тігіншімен салыстырғанда 70 пайыз белсенді жұмыс жасай алады. Мамандарды екі апта оқыттым. Нәтижесінде аз күнде 4 тренер шықты. Олар алдағы уақытта тігіншілерді сапалы тігіс жолдарын шапшаң жүргізуге үйрететін болады», – дейді қырғызстандық маман Вероника Ли. 
Жиырма жылдан бері тігін саласында еңбек етіп жүрген Айгүл Оңғарбаеваның басқа қалаға көшіп кетуіне байланысты, Қызылордадағы кәсібі бәсеңдеп қалған болатын. Ол шет елдік маманды шақырту арқылы биыл тігіншілік кәсібін қарқынды дамытуды көздеуде. 
«Өндірісімді дамытып, тапсырыстарымды мерзімінде орындау үшін маған көп тігінші керек. Ол тігіншілердің өзіміздің қаладан болғанын қалаймын. Қызылорданың тауарларын өзге өңірлерге шығарсам деген жоспарым бар. Соны іске асыру мақсатында Вероника Лиді шақырттым. Шет елдік маманның бизнесіме пайдалы тұсы – тігіншілерден тренер жасауында. Бұдан кейін әр тігіншім өзіне 3-4 адамды тігінші ретінде тәрбиелеп ала алады», – дейді кәсіпкер Айгүл Оңғарбаева. 
Әзірге он адамды жұмыспен қамтып отырған кәсіпкер алдағы уақытта тігіншілердің қатарын арттырып, ұлттық нақышта қамзол, бешпент, той көйлектерін, мектеп оқушыларына арналған форма тігуді жоспарлап отыр. 
Айта кету керек, «Аға сеньорлар» компонентіне экономиканың басым бағыттарында өз қызметін жүзеге асыратын шағын және орта кәсіпкерлік субъектілері қатыса алады. Шет елдік сарапшыларды тарту бойынша шығындар республикалық бюджет есебінен төленеді. Аталмыш компонентке қатысты сауалдар бойынша Кәсіпкерлер палатасының маманы Гүлнұр Құрмантаеваға 8 /7242/ 40-09-81 байланыс телефоны арқылы хабарласуға болады.
<img src="http://kyzylorda-news.kz/wp-content/uploads/2019/11/7starshiye2.jpg" alt="" />
<img src="http://kyzylorda-news.kz/wp-content/uploads/2019/11/7starshiye3.jpg" alt="" />

Қызылордаға Қырғызстаннан келген «Аға сеньор» «Алтын иненің» жұмысын жандандырды

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының ұйымдастырумен «Қазақы дүниетаным және ххі ғасыр» ғылыми-танымдық конференциясы болып өтті. 
Оған облыс әкімінің орынбасары Наурызбай Байқадамов, зиялы қауым өкілдері, ЖОО-ның және ОАОО-ның оқытушы профессорлары, басқарма басшылары, облыстық ҚХА құрылымдары мен этномәдени бірлестіктердің мүшелері, БАҚ өкілдері қатысты. 
Конференция аясында қатысушылар Достық үйінің фойесінде С.Айтбаев атындағы көркемсурет галереясы қорындағы туындылардан “Кенеп бетіндегі ауыл көрінісі” атты көрмеvty танысты. 
Атап өту керек, бүгінгі күнге дейін еліміздің барлық аймақтарында бұл бағытта кешенді жұмыстар жүргізілуде. Қазақстан халқы Ассамблеясы «Рухани жаңғыру» бағдарламасын іске асыру бойынша «Қазақтану» жобасын жүзеге асыруда. Жоба Қазақстан халқын шоғырландыратын ортақ құндылықтарды қалыптастыруға бағытталған. 
Ол Қазақстан жұртшылығының бойында біртұтас ортақ құндылықтарды қалыптастырудың негізі ретінде қазақ халқының тарихын, мәдениетін, философиясын, этикасын дәріптеуге, сондай-ақ Қазақстан этностарының арасында «Рухани жаңғыру» бағдарламасының жобаларын ілгерілетуге бағдарланған. 
«Біз жиылсақ – көппіз. Жайылсақ – жоқпыз». Қазіргі кезеңде елдегі ынтымақ пен бірлік – басты құндылықтардың бірі. Тәуелсіздіктің баянды тірегі, дамудың даңғыл жолы,- деп алғы сөзін бастаған облыс әкімінің орынбасары Н.Сейітқалиұлы «Қазақтану» жобасының мән-мақсатын айтып өтті. «Бүгінде Қазақстан ұлы жұттан басталған зобалаңнан, одан кейінгі Ұлы Отан соғысы сұрапылында туған жерлерінен үдере көшкен сан-мың ұлысқа ортақ шаңырақ бола алды. Репрессия жылдарында жер аударылып, қазақ халқының мейірімділігі мен көңілінің дархандығы арқасында өмір жалғасын тапқан этнос өкілдеріне, соңғы кездері елімізде ұлтымыздың құндылықтарын бағалау, оның насихатын арттырып, ұлттық салт-дәстүр, ұлттық ұстанымдарымызды жаңғырту, таныту бағытына қарқынды жұмыстар жүргізілуде. 
«Қазақтану» ғылыми-ағартушылық жобасы алғаш рет Қазақстан халқы Ассамблеясының XXVI сессиясында ұсыныс ретінде көтерілді. Аталмыш жобаның барша қазақстандықтардың ортақ мәдени кодының, біртұтас құндылықтарының және жалпыұлттық тарихи санасының негізінде халықтың бірлігін нығайтуда маңызы зор. Қазақстан этностарының арасында қазақ халқының тарихын, философиясын, құндылықтарын, дәстүрлерін, гуманитарлық және адамгершілік принциптерін дәріптеу, жобаның негізгі мақсаты болып табылуда. Сонымен бірге, ұлттық құндылықтарымыз негізінде қазақ халқының ұлттық қасиетіне айналған қонақжайлылық, сенім мен достық секілді қасиеттерді дәріптеу арқылы жастардың бойына елжандылық сезімін күшейту. 
«Қазақтану» ғылыми-ағартушылық жобасының салтанатты тұсау кесу рәсімі Қазақстан Халқы Ассамблеясының бастамасымен Ақмола облысында бастау алған. Қоғамдық келісім мен жалпыұлттық бірліктің қазақстандық үлгісін насихаттауға арналған бұл жоба республикалық деңгейде маңызды. Конференцияның Сыр өңірінде өтуінде үлкен мән бар. Себебі, Елбасы Алаштың анасына балаған Сыр елі, қазақы өмірдің әлі күнге қаймағы бұзылмай сақталып келе жатқан қасиетті, құтты өңір. Іргетасының қаланғанына 201 жыл болған Қызылорда қаласының мәдениет пен өркениеттің ордасы болуы тегін емес», – деді облыс әкімінің орынбасары Наурызбай Байқадамов. 
Алғашқы баяндаманы «Қазақы дінитаным және ұрпақ тәрбиесі» тақырыбымен Темірбек Жүргенов атындағы қоғамдық қордың төрағасы, қоғам қайраткері Сапен Ансатов жасады. Ол конференцияның маңыздылығына тоқталып, Қазақстан этностарының арасында қазақ халқының тарихын, философиясын, құндылықтарын, дәстүрлерін, гуманитарлық және адамгершілік принциптерін дәріптеу, жобаның негізгі мақсаты екендігін алға тартты. 
Келесі сөз филология ғылымдарының докторы, профессор, Қорқыт Ата атындағы ҚМУ-нің «Қорқыттану және өлке тарихы» ҒЗИ-ның директоры, Қазақстанның еңбек сіңірген қайраткері Бағдат Кәрібозұлына берілді. Ол «Сыр елі – руханияттың бастау бұлағы» тақырыбында ой өрбітті. Ұлы Абай мен Базар жыраудың шығармаларындағы көркем тілдің ерекшелігіне тоқталып,қазақтану, ұлттану бағытында жұмыстар аясын кеңейту керектігін ортаға салды. 
Ал, Алматы қаласынан конференцияға арнайы келген өнертану кандидаты, Әбілхан Қастеев атындағы Мемлекеттік өнер музейінің ғылыми хатшысы Екатерина Резникова «Образы кочевой цивилизации в живописи Казахстана» тақырыбында ой өрбітті. Ол қазақ халқының көшпелі өркениетін сурет өнері арқылы көрсеткен белгілі суретшілердің еңбектерін зерттеп, зерделеп, Петербургте, Вашингтонда қорғап шыққан болатын. 
Сол еңбегін бүгінгі конференцияда қатысушылардың назарына ұсынды және Қазақстандағы көшпелілер өркениетін сурет арқылы әсерлі жеткізген Салихиддин Айтбаев, Қанафия Телжанов, Гүлфайруз Исмаилова сынды суретшілердің туындыларымен таныстырып өтті. 
Түркістан қаласынан арнайылап келген филология ғылымдарының кандидаты, Қожа Ахмет Ясауи атындағы халықаралық қазақ-түрік университетінің қауымдастырылған профессоры Жазира Исаева «Ұлы дала паремиологиясы және ұлттық код» тақырыбында баяндама жасады. Ол өз баяндамасында ұлттық таным жаңғыруы үшін ең бірінші тіл жетілуі тиіс деді. Ана тіліміздің өнер бояуын жоғалтып алмау үшін, қазақтың әрбір мақалының мән-мағынасына терең бойлау керектігін назарға алды. Әрбір ұлттың өзіне тән іштей данышпан рухы бар, сол рухтың ерекшелігін сыртқа шығарып, сақтап, ұрпақтан-ұрпаққа беруші күш – тіл екендігін шегелеп айтты. 
Философия докторы, Қорқыт Ата атындағы ҚМУ-нің «Дәстүрлі өнер» институтының директоры Ғани Байулов «Қазақ музыкасының даму генезисі» тақырыбын қозғай отырып, жаңаша идеяларымен бөлісті. 
Конференция соңы пікір алмасу, сұрақ-жауапқа ұласты.
<img src="http://kyzylorda-news.kz/wp-content/uploads/2019/11/7konf2.jpg" alt="" />
<img src="http://kyzylorda-news.kz/wp-content/uploads/2019/11/7konf3.jpg" alt="" />
<img src="http://kyzylorda-news.kz/wp-content/uploads/2019/11/7konf4.jpg" alt="" />
<img src="http://kyzylorda-news.kz/wp-content/uploads/2019/11/7konf5.jpg" alt="" />
<img src="http://kyzylorda-news.kz/wp-content/uploads/2019/11/7konf6.jpg" alt="" />
<img src="http://kyzylorda-news.kz/wp-content/uploads/2019/11/7konf7.jpg" alt="" />
<img src="http://kyzylorda-news.kz/wp-content/uploads/2019/11/7konf8.jpg" alt="" />

«Қазақы дүниетаным және ХХІ ғасыр» ғылыми-танымдық конференциясы өтті

<a href="https://kyzylorda-news.kz/">Kyzylorda-news.kz.</a> «Қазгидромет» РМК 7 қарашаға арналған ауа райы болжамын ұсынады. 
Атмосфералық ауа ағындардың өтуіне байланысты Қазақстанның басым бөлігінде құбылмалы ауа райы сақталады. Кей жерлерінде жауын-шашын жаңбыр және қар жауады. 
Тек республиканың оңтүстігі мен батысында жауын-шашынсыз болады. Кей жерлерде екпінді жел, тұман, көктайғақ, жаяу бұрқасын күтіледі. 
Ақмола, Қарағанды, Шығыс Қазақстан, Павлодар облыстарының кей жерлерінде тұман, көктайғақ, жаяу бұрқасын күтіледі, жел 15-20 м/с, күндіз Ақмола облысында 23 м/с дейін күшейеді. 
Солтүстік Қазақстан облысының кей жерлерінде – тұман, көктайғақ, жаяу бұрқасын, басым бөлігінде желдің жылдамдығы 23 м/с дейін жетуі ықтимал. 
Алматы, Жамбыл, Қызылорда, Манғыстау, Атырау, Батыс Қазақстан, Қостанай облыстарының кей жерлерінде тұман, Алматы облысының кей жерлерінде көктайғақ болжанады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.</a> kz. 1, 2, 3 және 4 қаңтар демалыс күні болады. ҚР Үкіметінің қаулысымен 2020 жылы демалыс күндерін ауыстыру кестесі бекітілді. Бұл туралы ҚР Премьер-Министрінің Баспасөз қызметі хабарлайды. 
«Демалыс күндері:
<ul>
<li>2020 жылдың 5 қаңтары жексенбіден 2020 жылғы 3 қаңтар жұмаға;</li>
<li>2020 жылдың 11 мамыры дүйсенбіден 2020 жылдың 8 мамыры жұмаға;</li>
<li>2020 жылдың 20 желтоқсаны жексенбіден 2020 жылғы 18 желтоқсан жұмаға ауыстырылсын», — делінген Қаулы мәтінінде. 
Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.</li>
</ul>

Қазақстандықтар жаңа жылда неше күн демалады?

<a href="https://kyzylorda-news.kz/">Kyzylorda-news.kz.</a> Кеше, яғни, 5 қараша күні «ҚазТрансГаз Аймақ» АҚ филиалының диспетчерінен Қызылорда қаласы Хон Бен До көшесі нөмірсіз мекен-жайда №6С газ таратқыш бекетіне КАМАЗ автокөлігі соғып, жоғарғы қысымды газ жүйесі зақымдалғаны туралы ақпарат түседі.
Аталған ақпарат бойынша, газдың ауа шығуы, оқиға орнында өрт ошағы орын алғаны және 2332 абонент және 1 өндірістік кәсіпорын газбен қамтамасыз ету тоқтатылғаны хабарланған. 
Қызылорда облыстық Төтенше жағдайлар департаментінің мәліметінше, бірыңғай кезекшілік диспетчерлік қызмет басқармасының жедел кезекшісі жедел әрекет ететін қызметтерді құлақтандырған. 
Оқу-жаттығуды өткізудің жоспарына сәйкес оқиға орны қоғамдық тәртіпті сақтау тобының күштерімен қоршауға алынып, төтенше жағдай аймағында автокөлік қозғалысы реттелген. 
Өртке қарсы қызметі автокөлікте орын алған өрт ошағын дер кезінде сөндіріп, құтқару тобы зардап шеккен жүргізушіні төтенше жағдай аймағынан медицина қызметкерлеріне жеткізеді. 
Газ жүйесіндегі авариялық-техникалық командасы зақымдалған жоғарғы қысымды газ жүйесін қалпына келтіру жұмыстарын жүргізді. Нәтижесінде қала тұрғындарын уақытылы газбен қамтамасыз ету жүзеге асырылып, оң шешімін тапты. 
Шараға 8 құрылым, 19 техника, 96 адам қатысқан.
<img src="http://kyzylorda-news.kz/wp-content/uploads/2019/11/6avariya2.jpg" alt="" />
<img src="http://kyzylorda-news.kz/wp-content/uploads/2019/11/6avariya3.jpg" alt="" />
<img src="http://kyzylorda-news.kz/wp-content/uploads/2019/11/6avariya4.jpg" alt="" />

Қызылордада газ құбырындағы апатты жағдай жойылды (ФОТО)

<a href="https://kyzylorda-news.kz/">Kyzylorda-news.kz.</a> Мәжіліс «Байқоңыр» кешенін жалға беру шартына өзгеріс енгізу туралы хаттаманы ратификациялау туралы заң жобасын мақұлдады. Енді Ресей Байқоңырда жалға алған 1,6 мың гектар жерді Қазақстан өз мақсатына пайдаланады, деп хабарлайды <a href="https://sputniknews.kz/society/20191106/11955839/Resey-gektar-zher.html">Sputnik Қазақстан</a>. 
Бүгін мәжілістің жалпы отырысында “1994 жылғы 10 желтоқсандағы Қазақстан үкіметі мен Ресей үкіметі арасындағы “Байқоңыр” кешенін жалға беру шартына өзгеріс енгізу туралы хаттаманы ратификациялау туралы” заң жобасы қаралды. 
Хаттамаға екі ел президенттерінің қатысуымен 2017 жлғы 9 қарашада Челябинскіде өткен форумда қол қойылды. 
Хаттамаға сәйкес, Ресей жалпы алаңы 11,6 мың гектар төрт жер учаскесін жалға алуды тоқтатылады. Төрт жер учаскесі Қазақстанның пайдалануына беріледі. 
“Жалпы алаңы 1 740 гектар екі учаске Қармақшы ауданы Төретам кентін кеңейту үшін, сондай-ақ 9 950 гектар екі учаске “Батыс Еуропа-Батыс Қытай” халықаралық транзит дәлізін, “Алматы-Мәскеу” теміржолын салу және “Бейнеу-Шымкент” газ құбырының желілік бөлігі үшін алынып отыр”, – деді заң жобасы бойынша баяндама жасаған ауыл шаруашылығы министрі Сапархан Омаров. 
Министрдің айтуынша, жер телімдері Қызылорда облысының дамуы үшін қажет. Осы шаралар өңірдің әлеуметтік жағдайына және экономикасына оң әсерін тигізеді. 
Сондай-ақ, шарттың екінші қосымшасында “Байқоңыр” кешенінің технологиялық және техникалық нысандарының, тасымалдағыш зымырандардан бөлінетін бөліктердің құлауы аудандарының координаттары көрсетілген.

Ресейге жалға берілген 11,6 мың гектар жер Қызылордаға қайтарылды

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалының төрағасы, облыс әкімі Қуанышбек Ысқақовтың төрағалығымен Саяси кеңес Бюросының кеңейтілген отырысы өтті. 
Онда кәмелетке толмағандарға қарсы жасалған қылмыстар және оның алдын алу бойынша атқарылған жұмыстар мен жастар арасындағы жұмыссыздық, орта арнаулы оқу орындарында білім алу мәселелері туралы да айтылды. 
Облыста кәмелетке толмағандарға қарсы жасалатын және жасөспірімдердің өздерімен жасалған қылмыстар азаймай отыр. Осыған орай, облыс әкімі ішкі істер департаментіне жұмысты күшейтуді тапсырып, облыстық полиция департаментінің бастығының орынбасары Ш.Амитовке бірқатар тапсырмалар берді. 
“Жастарға қатысты қылмыстардың профилактикалық шаралары күшейтілсін, тиісті мемлекеттік және қоғамдық ұйымдармен байланыс орнатылсын. Жасөспірімдерге қатысты жасалатын қылмыстардың алдын алу және оны жою шараларына барша қоғам болып атсалысуымыз керек. Облыстың ішкі істер органдарының материалдық техникалық базасын нығайту үшін жыл сайын қыруар қаржы бөліп отырмыз. Алайда, жұмыстарыңыздың нәтижесін көріп отырған жоқпын. Аталған бағыттағы жұмыстар күшейтіліп, үш ай мерзімде орындалу қажет. Бұл мәселе жеке өзімнің бақылауымда болады” – деді облыс әкімі Қуанышбек Ысқақов. 
Жиында 2018 жылдың 21 қыркүйегінде ҚР Үкіметімен 18 бен 29 жас аралығындағы NEET санатындағы жастар мен 2018 жылғы түлектерді қоғамға әлеуметтендіру және жұмыспен қамту туралы Жол картасын бекіту қаулысы қабылданды. Осыған орай, Қызылорда облысы бойынша NEET санатындағы жастармен жұмыс жүргізудің Жол картасы бекітілді. Бекітілген Жол картаның орындалуы бойынша облыстық жастар мәселесі басқармасының басшысы Қ.Жанұзақов баяндады. 
Аймақ басшысы NEET санатындағы жастармен жүргізіліп отырған шараларға көңілі толмайтындығын жеткізді. Бұл бағыттағы жұмыстар тікелей өзінін бақылауда болатынын айтып, нақты тапсырмалар жүктеді. 
“Дипломы бар NEET санатындағы жастардың көпшілігі бәсекеге қабілетсіз жергілікті колледждер мен жоғарғы оқу орындарының түлектері. Білім сапасы да бақылауда болуы керек. Сандық көрсеткіштермен қатар нақты жұмыстар жасалуы тиіс. Тиісті басқарма басшылары, қала мен аудан әкімдері баршаңыз NEET санатындағы жастармен жұмыс істеуге арналған нормативтік актілерді мұқият зерттеңіздер. Барлық аудандарда жастар ресурстық орталықтары бар. Жастар мәселелеріне 600 млн. теңгеден астам қаржы бөлінген. Мемлекет тарапынан қолдау жеткілікті, алайда нәтиже жоқ “,- деді облыс әкімі Қуанышбек Ысқақов. 
Сонымен қатар, кеңейтілген отырыста облыс әкімі тиісті мекемелердің ақпаратын мысалға ала отырып, жастармен жұмыс істеуде ведомствоаралық байланыстарды үйлестіруді міндеттеді.
<img src="http://kyzylorda-news.kz/wp-content/uploads/2019/11/6akimattan2.jpg" alt="" />
<img src="http://kyzylorda-news.kz/wp-content/uploads/2019/11/6akimattan3.jpg" alt="" />
<img src="http://kyzylorda-news.kz/wp-content/uploads/2019/11/6akimattan4.jpg" alt="" />
<img src="http://kyzylorda-news.kz/wp-content/uploads/2019/11/6akimattan5.jpg" alt="" />
<img src="http://kyzylorda-news.kz/wp-content/uploads/2019/11/6akimattan6.jpg" alt="" />

Қазақстан және Қызылорда облысының жаңалықтары: Басты жаңалықтар old