<a href="https://kyzylorda-news.kz/">Kyzylorda-news.kz.</a> Қызылордада облыстық Қазақстан халқы ассамблеясының ұйымдастыруымен «Мың бала» республикалық мәдени-ағарту жобасының өңірлік байқауының қорытындысы өтті. 
«Маңызы жоғары жобаны іске асыруда жыл басынан бастап облыс көлемінде түрлі форматта іс-шаралар өткізілді. Жазғы тынығу лагерлерінде ұлттық және спорттық ойын түрлерінен жарыстар, байқаулар ұйымдастырылды. Жобаға тартылған 500-ден аса жастар қазақстандық бірегейлік пен бірлікті нығайтудағы мемлекеттік тілдің маңыздылығын жете мән берді», – дейді байқауды ұйымдастырушылар. 
Бүгінгі «Асыл сөз» мектебі» бағдарламасы аясындағы облыстық «Тіл мерейі» байқауына 8 оқушы қатысып, бақ сынасты. Бірінші кезеңде оқушылар Отан, тіл, патриотизм тақырыптарында эссе жазды. Екінші кезеңде қойылымдық мәнерлеп оқу сайысында қатысушылар қазақ ақындарының шығармасынан үзінді оқыды. Ал, үшінші кезең «Ораторлық өнер» сайысында оқушылар берілген тақырып бойынша сөйлеу шеберлігін танытты. 
Өңірлік байқауға «Қоғамдық келісім» мекемесінің аға сарапшысы Шакизат Абдраманова, Қорқыт ата атындағы ҚМУ-дің аға оқытушысы, ф.ғ.к Әсия Алмауытова, облыстық ішкі саясат басқармасының тілдерді оқыту орталығының оқытушысы Гаухар Айдарова төрелік етті. 
Байқау барысында әділ-қазылар қатысушылардың сөйлеу мәнеріне, мәтіннің бейнелік жүйесі мен мазмұндық құрылымына, актерлік шеберлігіне, таңдап алынған шығарманың ерекшелігіне мән берді. 
Үш кезеңнің нәтижесі бойынша I орынды Қармақшы ауданындағы III Интернационал ауылының №108 орта мектебінің оқушысы Омар Латифов, II орынды Жаңақорған ауданындағы №56 орта мектептің оқушысы Диана Каюмджан, III орынды Қызылорда қаласындағы №198 орта мектептің оқушысы Дильшат Искаков қанжығасына байлап, облыстық Қазақстан халқы ассамблеясының атынан бағалы сыйлықтармен марапатталды. 
Ендігі кезекте әділ-қазылар алқасының шешімі бойынша іріктеуден өткен оқушылар Нұр-Сұлтан қаласында өтетін «Мың бала» республикалық мәдени-ағартушылық жобасының қорытынды шарасына қатысады деп күтілуде.
<img src="http://kyzylorda-news.kz/wp-content/uploads/2019/11/5mynbala2-1.jpg" alt="" />
<img src="http://kyzylorda-news.kz/wp-content/uploads/2019/11/5mynbala3-1.jpg" alt="" />
<img src="http://kyzylorda-news.kz/wp-content/uploads/2019/11/5mynbala4-1.jpg" alt="" />
<img src="http://kyzylorda-news.kz/wp-content/uploads/2019/11/5mynbala5-1.jpg" alt="" />
<img src="http://kyzylorda-news.kz/wp-content/uploads/2019/11/5mynbala6-1.jpg" alt="" />
<img src="http://kyzylorda-news.kz/wp-content/uploads/2019/11/5mynbala7-1.jpg" alt="" />

Қызылордада «Мың бала» өңірлік байқауының жеңімпаздары анықталды

<a href="https://kyzylorda-news.kz/">Kyzylorda-news.kz.</a> Биыл жазда шекаралас елді-мекенде тұратын ресейлік жүргізушілер Қазақстан аумағына келіп, бензин таситыны анықталған. Қазақстан билігі 2 қарашадан бастап алты айға көліктерге бензин мен дизель отынын шығаруға тыйым салды, деп хабарлайды <a href="https://kaz.zakon.kz/4993385-aza-stan-benzind-syrt-a-shy-aru-a-tyyym.html">Zakon.kz</a>. 
Бұл шектеулер «Қазақстан аумағынан мұнай өнімдерін шығару жөніндегі» энергетика, қаржы, ішкі істер министріктері мен ұлттық қауіпсіздік комитетінің ортақ бұйрығында жазылған. Құжат ақпараттық-құқықтық «Әділет» сайтында жарияланды. 
Бұл ресейлік және басқа шетелдік жүргізушілердің көліктеріне жанармай құюға тыйым салынады дегенді білдірмейді. Бірақ оларға 20 литрден артық канистрге бензин құюға тыйым салынады. 
Биыл жазда шекаралас елді-мекенде тұратын ресейлік жүргізушілер Қазақстан аумағына келіп, бензин таситыны анықталған. Себебі, елде өндірілетін бензин Ресейдікіне қарағанда әлдеқайда арзан болып шыққан. 
Сол кезде энергетика министрі Қанат Бозымбаев елде бензин бағасының арзандығынан Ресей, Өзбекстан және Қырғызстанға әкетіліп жатқанын айтқан. Оның сөзінше, әсіресе Ресеймен шекаралас елді-мекенге бензин құйып әкету үшін, күніне мыңдаған ресейлік көлік кіреді екен.

Қазақстанда бензинді басқа елге сатуға тыйым салынды

<a href="https://kyzylorda-news.kz/">Kyzylorda-news.kz.</a> Қызылорда облысына браконьерлердің соңына түсемін деп мерт болған «Охотзоопром» инспекторы Әділ Кенжеғұловтың денесін жер қойына тапсырды. Ер адамның бұл салада жұмыс істегеніне бір жыл да болмапты. Марқұмның артында кәмелетке толмаған үш баласы қалды, деп хабарлайды [«Астана»](http:// https://astanatv.kz/ru/news/51899/) телеарнасы. 
«Бүкіл өмірі алда еді. Оған үлкен үміт арттық. Балаларын жақсы көретін әке, ата-анасының қадірлі ұлы, қамқор аға болған еді. Артында кәмелет жасқа толмаған үш баласы әкесіз қалды», – дейді марқұмның ағасы Боранбай Тұрбаев. 
Марқұмның үйіне көңіл айту үшін апта бойы жан-жақтан келіп жатқандар көп. Инспекторды өлімінен кейін 3-дәрежелі «Айбын» орденімен марапаттады. Охотзоопромдағылардың айтуынша, марқұмның отбасына 12 миллион теңге көлемінде материалдық көмек беріледі. Сонымен қатар сақтандыру компаниясы Кенжеғұловтың балалары кәмелетке толғанша ай сайын әрқайсысына айлығы көлемінде төлем төлейді. 
«Биылғы жылы Әділ қызыл кітапқа енген ителгіні заңсыз аулаған шетелдіктер мен өз азаматтарымызды ұстады. Ол браконьерлермен барын салып күресетін еді. Өзін өз ісінің нағыз әрі мінсіз маманы ретінде көрсете білді», – дейді «Охотзоопром» ӨБ-нің Қызылорда өңірлік филиалының басшысы Берік Жорабеков. 
Еске сала кетсек, қазанның 25-іне қараған түні Қызылорда облысында 34 жастағы инспектор браконьерлерді қуу кезінде көз жұмған еді. Браконьерлерді қуып келе жатқанда, инспекторлар мінген көлік аударылып қалған.

Қызылорда облысында көз жұмған инспектордың артында үш баласы қалды

<a href="https://ru.kyzylorda-news.kz/">Kyzylorda-news.kz.</a> 2019 жылдың 3 қараша күні 19 сағат 25 минуттан бастап республикалық маңызы бар М-32 «Самара-Шымкент» автомобиль жолының 1357-1240 шақырымы аралығы ауа-райының нашарлауына байланысты барлық көлік құралдарының қозғалысына жол жабылды. Бұл Арал қаласынан бастап Ақтөбе облысының шекарасына дейінгі аралықты қамтиды жол жабылды.

Арал мен Ақтөбе аралығындағы жол жабылды

<a href="https://kyzylorda-news.kz/">Kyzylorda-news.kz.</a> Қызылордада 9 қарашада «Текті сөздің төресі – терме» республикалық жыршы-термешілер байқауы өтеді. 
Байқау ҚР тілдерді дамыту мен қолданудың 2011-2020 жылдарға арналған мемлекеттік бағдарламасы аясында ұйымдастырылады. 
Ұлттық тәрбие мен халықтық өнерді насихаттауға бағытталған бұл байқаудың басты мақсаты жаңа жыр-термелерді тудыру арқылы жыршылық, термешілік өнерге жаңаша серпін беру және әдеби тілді дамытуға, тіл мәдениетін жетілдіруге үлес қосу. 
Байқауда Жастар жылы және Сүгір жырау Бегендікұлының 125 жылдық мерейтойына орай тақырыптық бағыттардағы шығармалар орындалады. Сайысқа республиканың 14 облысынан және Нұр-Сұлтан, Алматы, Шымкент қалаларынан бір үміткер қатысып, бақ сынайды. Сонымен қатар өнер додасына өнертанушылар, жыршы-термешілер, қоғам қайраткерлері және зиялы қауым өкілдері қатысады. 
Байқау Қызылорда қаласы, А.Тоқмағамбетов атындағы мәдениет үйінде, 2019 жылдың 9 қараша күні, сағат 14:00-де өтеді.

Қызылордада республикалық жыршы-термешілер байқауы өтеді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов облыс орталығындағы әлеуметтік нысандарды аралап шықты. Алғашқы нысан – «Ана мен бала» орталығы. Облыс әкімі орталықтағы жөндеу жұмыстарын жыл аяғына дейін аяқтап, сапалы жүргізілуін қатаң тапсырды. 
«Сағат 10 болды, жұмысшылар әлі жоқ. Неліктен? Жөндеу жұмыстары сапалы әрі уақытылы ел игілігіне берілу үшін қатаң қадағалау қажет. Өткен аптада басталған жөндеу жұмысынан ілгерлеушілік көріп тұрғаным жоқ. Желтоқсанда ғимаратты тапсырамыз деп асығыс, шала- шарпы істелген жұмыс қажет емес. Басшылық жөндеу жұмысын басты назарға алсын», – деді облыс әкімі. 
Мұнан соң Қ. Досмайылұлы облыстық медициналық орталығында болып, дәрігерлердің келушілерге сапалы қызмет көрсетулерін қамтамасыз ету керектігін айтты. 
Дәрі-дәрмек, азық-түлік пен көмірдің бағасы, халыққа көрсетіліп отырған қызмет сапасы да назардан тыс қалған жоқ. Аймақ басшысы әлеуметтік дүкендер мен базарларды аралап, жағдайымен танысып шықты. Сонымен қатар, «Қызылорда тазалығы» ЖШС алынған жаңа арнайы техникаларды көріп, жылу орталығында да болды. Облыс орталығындағы көмір сататын арнайы орындардың жұмыстарын да назарына алды. 
Айта кету керек, аймақ басшысы нысандарды жауапты қызметкерлерге алдын – ала ескертусіз аралады. Ондағы мақсат- халыққа қызмет көрсететін осындай әлеуметтік объектілердің шынайы жұмысын көру, бағалау. 
Бүгінгі қала нысандарын аралау қорытындысы бойынша жауапты сала басшыларына тапсырмалар берілді. Сондай-ақ, бұл жұмыстардың барлығы Қуанышбек Досмайылұлының жеке қадағалауында болады.
<img src="http://kyzylorda-news.kz/wp-content/uploads/2019/11/4akimaralau2.jpg" alt="" />
<img src="http://kyzylorda-news.kz/wp-content/uploads/2019/11/4akimaralau3.jpg" alt="" />
<img src="http://kyzylorda-news.kz/wp-content/uploads/2019/11/4akimaralau4.jpg" alt="" />
<img src="http://kyzylorda-news.kz/wp-content/uploads/2019/11/4akimaralau5.jpg" alt="" />
<img src="http://kyzylorda-news.kz/wp-content/uploads/2019/11/4akimaralau6.jpg" alt="" />

Қызылорда облысының әкімі әлеуметтік нысандарды аралады

<a href="https://kyzylorda-news.kz/">Kyzylorda-news.kz.</a> Оңтүстік Каспий циклонның және онымен байланысты атмосфералық фронталды бөліктердің ықпалымен 4 қараша күні Қазақстанның басым бөлігінде жауын-шашын болады. Республиканың оңтүстігінде жаңбырдың соңы қарға ұласады. Жекелеген өңірлерде екпінді жел, тұман, көктайғақ, солтүстік-батыста, солтүстікте, орталықта және солтүстік-шығыста жаяу бұрқасын болжанады. 
«Қазгидромет» РМК мәліметінше, Ақмола, Қостанай, Павлодар, Қарағанды облыстарының кей жерлерінде көктайғақ, жаяу бұрқасын болады, жел 15-23 м/с күшейеді. 
Қостанай, Павлодар, Қарағанды облыстарында тұман күтіледі. Қызылорда облысының кей жерлерінде тұман, көктайғақ, 25 м/с екпіндегі жел болжанады. 
Жамбыл, Ақтөбе, күндіз және таңертең Алматы облыстарының кей жерлерін тұман басып, жел 15-22 м/с артады. 
Маңғыстау, Атырау, Батыс Қазақстан, түнде және таңертең Солтүстік Қазақстан облыстарының кей жерлерінде тұман күтіледі.