<a href="https://kyzylorda-news.kz/">Kyzylorda-news.kz.</a> Қаржы министрлігінің мобильді қосымшалардың көмегімен жүргізілетін қазақстандықтардың ақша аударымдарын тексеруге қатысты жасаған мәлімдемесі дүкен иелерін қорқытып қойды деп хабарлайды&nbsp;<a href="https://kaz.nur.kz/1826645-aksa-audarymyn-tekseremiz-seneunikterdi-szi-dken-ielerin-sosytty.html">KAZ.NUR.KZ</a>.
Бүгінгі таңда еліміздің көптеген тұрғындары кез-келген қызмет үшін дүкендерде төлемдерді карта немесе телефон нөмірі арқылы жүзеге асырады. Жақында ғана қаржы министрлігі бөтен адамдардан кімге жиі ақша түсетінін тексеру туралы жоспарымен бөліскен еді.
Мұндай жаңалық сауда орындарына бірден әсерін тигізген. Facebook қолданушысының бірі Алматыдағы дүкендердің бірінде түсірілген фотоны жариялады. Суреттегі кадрда картаның көмегімен төлем жасауға болмайтыны туралы хабарлама жазылған.
<blockquote>
 “Біздің халқымызды қорқыту өте оңай болып шықты. Ұлттық банк пен Қаржы министрлігі өкілдерінің бір-екі сөзі жетеді. Бұрын ол жерден жемістер алатынмын, терминал жоқ, кетіп қалдым.&nbsp;@kaspi.kz бекем бол!”, – деп жазды алматылық.
</blockquote>
Жазба талқыға түсіп, әлеуметтік желі арқылы тарап кетті.
<blockquote>
 “Шенеуніктер мәлімдемесі адамдарды қорқытатынының айқын көрінісі. Алдымен бір шешімін ұсынып, сосын барып мәлімдеу керек қой”, – деді желі қолданушысы.
</blockquote>
Басқа комментаторлар да енгізілгелі отырған жаңашылдыққа қатысты наразылықтарын білдірді.
<blockquote>
 “Егер барлық салық ашық болғанда ғой – не нәрсеге жұмсалып жатыр, қайда кетіп жатыр, бәрі қуана төлеуші еді. Егер біздің салықтарымыз&nbsp;100% мектептерге, ауруханаларға, жолға және т.б. – бұл бөлек, былайынша адамдардың неге салық төлегісі келмейтінін түсінуге болады”, – деді фолловерлер.
</blockquote>
Пікір жазушылар қатарында мемлекеттік бақылауды жақтаушылар да табылған. Олардың ойынша, дүкендер сатып алу үшін чек беруге міндетті болғандықтан, мұндай операциялар заңсыз.
<blockquote>
 “Әңгіме салықты төлегісі келмейтіндерде… Каспи аударымдар үшін сонша уайымдайдынтарды түсінбеймін. Банктік терминал болмаған жағдайда қолма-қол ақшасыз есеп айырысу үшін көптеген шешімдер бар, сол&nbsp;QR. Бұл жағдайда салықтар төленеді, фискалдық чек беріледі, барлығы дұрыс”, – деді комментаторлардың бірі.
</blockquote>
Еске сала кетейік, бұған дейін қаржы министрлігі Kaspi банкімен бірлесе отырып, қолма-қол&nbsp;ақшасыз аударым жасауды заңдастыру&nbsp;жолын қарастырып жатқанын хабарлаған болатынбыз.
Сондай-ақ Қаржы вице-министрі Берік Шолпанқұлов сенат кулуарында банк картасы арқылы аударылатын төлемдердің&nbsp;тексерілетінін мәлімдеген.
<img src="http://kyzylorda-news.kz/wp-content/uploads/2019/11/11magaziny2.jpg" alt="" />

Kaspi.kz қосымшасын тексереміз дегенді естіген дүкен иелері одан жаппай бас тартып жатыр

<a href="https://kyzylorda-news.kz/">Kyzylorda-news.kz.</a> Облыстық Қазақстан халқы ассамблеясының ұйымдастыруымен Қоғамдық келісім кеңесінің мүшелері аймақта жүргізіліп жатқан әлеуметтік маңызы бар 4 құрылыс нысанының жұмыс сапасына қоғамдық бақылау жүргізді.
Облыстық Қазақстан халқы ассамблеясы жанынан құрылған Қоғамдық келісім кеңесі облыс әкімі бекіткен Жол картасын жүзеге асыру мақсатында аймақтағы жүргізіліп жатқан әлеуметтік маңызы бар құрылыс нысандарына тиісті бағасын берді.
Кеңес мүшелері құрылысы қарқынды түрде жүріп жатқан облыстық ішкі істер департаментінің әскери және арнайы дайындығы бойынша оқу-жаттығу полигонына ат басын тіреді.
Одан кейін Жаппасбай батыр көшесіндегі 600 орындық мектепке барды. Аталған екі нысан да осы жылдың желтоқсан айына дейін пайдалануға беріледі. Облыстық құрылыс, сәулет және қала құрылысы басқармасының маманы Болат Доспанов &nbsp;жұмыс барысымен таныстырды.&nbsp; 600 орынға арналған мектеп нысанының бөлмелері кең әрі жарық, қолданылған құрылыс материалдары да сапалы. Білек сыбана еңбек етіп жатқан құрылысшылардың әрқайсысы өз жұмысын сапалы орындап жатыр. Білім шаңырағы соңғы құрылыс талаптарына сай жаңа жобамен салынуда.
Кеңес мүшелері үшінші нысан теннис орталығына барды. Теннис орталығындағы қарқынды жүріп жатқан жұмыстарға да оң бағасын беріп, ел игілігі үшін жасап жатқан жұмыстарына сәттілік тіледі.
Осыдан кейін кеңес мүшелері Сырдарияның сол жағалауында бой көтеріп жатқан тұрғын үйлермен танысты.
Қоғамдық келісім кеңесінің мүшелері алдағы уақытта да осы бағытта ықпалды да пәрменді жұмыс жүргізетін болады.
<img src="http://kyzylorda-news.kz/wp-content/uploads/2019/11/11exkursiya2.jpg" alt="" />
<img src="http://kyzylorda-news.kz/wp-content/uploads/2019/11/11exkursiya3.jpg" alt="" />

Қоғамдық келісім кеңесінің мүшелері қоғамдық бақылау жүргізді

<a href="https://kyzylorda-news.kz/">Kyzylorda-news.kz.</a> Қызылорда қаласында қазақ күресінен ерлер және әйелдер арасында Қазақстан Республикасының Чемпионаты басталды.
Ұлттық күрестің бас додасын ҚР ақпарат және қоғамдық даму министрі, ҚР қазақ күресі федерациясының президенті Дәурен Абаев құттықтау сөзімен ашты.
Чемпионат Республикада қазақ күресін бұқаралық негізде дамыту және оны халықаралық жарыстың деңгейіне дейін жеткізу, қазақ күресі арқылы салауатты өмірді насихаттау және адамдардың денсаулығын нығайту, қазақ күресі негізінде басқа спорт түрлеріне лайықты ізбасарлар дайындау мақсатында өтіп жатыр. 
Аталған шараны ҚР мәдениет және спорт министрілігінің Спорт және дене шынықтыру комитеті, ҚР қазақ күресі федерациясы, Қызылорда облыстық Спорт және дене шынықтыру басқармасы ұйымдастырып жатыр.
Чемпионатқа еліміздің барлық өңірінен келген 500-ге жуық балуан жекелей және командалық негізде күш сынасады.
Бүгін 90, 100, +100 келі салмақ дәрежесіндегі балуандар өзара күш сынасады. Айбек Нұғымаров, Мұхит Тұрсынов, Мақсат Исағабылов, Асыл Барменовтар өнер көрсетеді.
<img src="http://kyzylorda-news.kz/wp-content/uploads/2019/11/11kures2.jpg" alt="" />
<img src="http://kyzylorda-news.kz/wp-content/uploads/2019/11/11kures3.jpg" alt="" />
<img src="http://kyzylorda-news.kz/wp-content/uploads/2019/11/11kures4.jpg" alt="" />

Қызылордада қазақ күресінен ел чемпионаты басталды

<a href="https://kyzylorda-news.kz/">Kyzylorda-news.kz.</a> Дүйсенбіде Қазақстанның басым бөлігінде ауа райы құбылмалы болады.
Атмосфералық фронттардың өтуіне байланысты республиканың басым бөлігінде тұрақсыз ауа райы сақталады. Жауын-шашын жауады.
Шығыста жел күшейеді, бұрқасын, көктайғақ болады. Тек республиканың оңтүстік-батысы мен батысында күн ашық болады. Кей жерлерде тұман түседі.
Шығыс Қазақстан облысының кей жерлерінде тұман, көктайғақ, бұрқасын күтіледі. Жел екпіні 15-20 м/с дейін күшейеді.
&nbsp;Қарағанды, Павлодар облыстарының кей жерлерінде тұман, көктайғақ, жаяу бұрқасын күтіледі, жел жылдамдығы секундына 15-20 метр шамасында болады.
Ақмола облысының кей жерлерінде тұман, көктайғақ, жаяу бұрқасын болады. Түнде және таңертең жел 15-20 м/с дейін жетеді. Қостанай облысының кей жерлерінде тұман түсіп, көктайғақ болады. Түнде жаяу бұрқасын күтіледі, жел екпіні – 15-20 м/с.
&nbsp;Ақтөбе, Солтүстік Қазақстан облыстарының кей жерлерінде тұман, көктайғақ күтіледі.
Алматы облысының кей жерлеріне түнде және таңертең тұман түсіп, көктайғақ болады.
Батыс Қазақстан, Атырау, Маңғыстау облыстарының кей жерлерінде тұман күтіледі, Маңғыстау облысында күндіз жел 15-20 м/с дейін күшейеді.
Қызылорда, таңертең және күндіз Түркістан, Жамбыл облыстарының кей жерлерінде жел екпіні 15-20 м/с жетеді, Жамбыл облысының кей жерлеріне тұман түседі.

Дүйсенбіде ауа райы қандай болады

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Жастар орталығы» ғимаратында алғашқы буккроссинг-аймағы ашылды.
Салтанатты шараға Қызылорда облысының жастар саясаты мәселелері басқармасының басшысы Қуаныш Жанұзақов,&nbsp; Қазақстан телерадио академиясының «Алтын жұлдыз» белгісінің иегері, Қазақстан Жазушылар одағы Қызылорда облыстық филиалының директоры Қаршыға Есімсейітова және Жастар ресурстық орталығының директоры Бауыржан Мастеков қатысты.
Буккроссинг – кітаптармен алмасу үрдісі. Оны жүзеге асыру үшін бұрын оқыған кітапты ашық буккроссинг-аймағына апарып, оның орнына басқа, оқымаған&nbsp; кітаптарды алуға болады.
Буккроссинг-аймағына тиесілі тағы 2 шкаф «КазПочта» АҚ Қызылорда облыстық филиалы және «Ақмешіт» институтына қойылды.
Шара барысында бірнеше кітаптың авторы, Халықаралық Жазушылар одағының мүшесі, ақын қаламгер, тележурналист ҚаршығаЕсімсейітова жастармен кездесу өткізді.
Айта кетейік, бүгінде руспубликаның барлық аймағында «Social Development Center»&nbsp; Қоғамдық қорының қолдауымен буккроссинг-аймақтары ашылып келеді. Бұл аймақ ҚР Ақпарат және қоғамдық даму министрлігінің қолдауымен «Азаматтық бастамаларды қолдау» коммерциялық емес АҚ-ның гранттық қаржыландыруы аясында жүзеге асуда.
<img src="http://kyzylorda-news.kz/wp-content/uploads/2019/11/8book2.jpg" alt="" />
<img src="http://kyzylorda-news.kz/wp-content/uploads/2019/11/8book3.jpg" alt="" />
<img src="http://kyzylorda-news.kz/wp-content/uploads/2019/11/8book4.jpg" alt="" />
<img src="http://kyzylorda-news.kz/wp-content/uploads/2019/11/8book5.jpg" alt="" />
<img src="http://kyzylorda-news.kz/wp-content/uploads/2019/11/8book6.jpg" alt="" />

Қызылордада буккроссинг-аймағы ашылды

<a href="https://kyzylorda-news.kz/">Kyzylorda-news.kz.</a> ҚР Премьер-Министрдің орынбасары Бердібек Сапарбаевтың төрағалығымен Екінші дүниежүзілік соғыстағы Жеңістің 75 жылдығын Қазақстан Республикасында атап өту және оған дайындықты ұйымдастыру жөніндегі Ведомствоаралық комиссияның отырысы өтті, деп хабарлайды Үкімет басшысының&nbsp;ресми&nbsp;сайты.
Қорғаныс министрінің бірінші орынбасары – Қарулы Күштердің Бас штабының бастығы Мұрат Бектанов тиісті шаралар Жоспарының жобасы туралы ақпаратты ұсынды. Атап айтқанда, Жеңістің мерейтолық жылында мынадай іс-шаралар жоспарланған:
әскери шеру өткізу;
ЕДС жылдары қаза тапқан қазақстандық жауынгерлердің ескерілмей қалған молаларын және көмілмей қалған қалдықтарын анықтау бойынша іздеу жұмыстарын жүргізу;
ардагерлердің ТМД елдерінің аумағында өткізілетін шараларға қатысуы;
ардагерлерге әлеуметтік көмек көрсету;
мерейтойлық медальдар тапсыру, мәдени-бұқаралық шаралар ұйымдастыру.
Жоспар жобасында барлығы 67 іс-шара қарастырылған.
Бердібек Сапарбаев әрбір облыста Жеңістің мерейтойлық жылын атап өтуге дайындық жөніндегі өңірлік комиссиялардың жұмысын ұйымдастыру қажеттігін айтты.
Сонымен қатар, вице-премьер Еңбек және халықты әлеуметтік қорғау министрлігіне әкімдіктермен және «ҚР Ардагерлер ұйымы» РҚБ Орталық кеңесімен бірге Жеңістің 75 жылдығына орай соғыс ардагерлері мен мүгедектеріне бірдей бір реттік төлем сомасын белгілеу мәселесін пысықтауды тапсырды.
<blockquote>
 «ҰОС ардагерлерін, тыл еңбеккерлерін, тарихи миссияны орындап, фашизмді жеңуге үлес қосқан қазақстандықтарды ардақтау жалпы мемлекеттік ауқымдағы шара. Біз күш-жігерімізді оларды жан-жақты қолдауға бағыттауымыз қажет. Ешбір ардагер назардан тыс, қамқорлықсыз қалмауы тиіс», – деді Бердібек Сапарбаев.
</blockquote>
Кеңесті қорытындылаған вице-премьер Жеңістің мерейтойлық жылын атап өту бойынша барлық шаралар еліміздегі қоғамдық-саяси тұрақтылықты қамтамасыз етуге, қоғамның ҚР Тұңғыш Президенті – Елбасы мен Мемлекет басшысының саясатына бағытталуына, жас ұрпақтың бойында ұлтжандылық сезімді нығайтуға бағытталуы тиіс екенін жеткізді.
ВАК отырысына сонымен қатар қорғаныс, ішкі істер, қаржы, еңбек және халықты әлеуметтік қорғау министрліктерінің, «ҚР Ардагерлер ұйымы» РҚБ Орталық кеңесінің және басқа да мүдделі мемлекеттік органдардың өкілдері, сондай-ақ облыс әкімдерінің, Нұр-Сұлтан, Алматы, Шымкент қалалары әкімдерінің орынбасарлары қатысты.

Жеңістің 75 жылдығына орай ардагерлерге бір реттік қаржылай төлем беріледі

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың қатысуымен Толыбек Қуанышбаев атындағы ғылыми-білім беру жеке қорының қаржылық қолдауымен Қорқыт Ата атындағы Қызылорда мемлекеттік университетінде «Химия-биологиялық зерттеулер ғылыми-білім беру» орталығы ашылды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Аймақтың рухани-ағарту, ғылым-білім саласында өзіндік орны бар, қолтаңбасы қалған азамат, білім беру саласына &nbsp;зор үлес қосқан педагог-ғалым, химия ғылымдарының кандидаты, доцент, Қазақстан Республикасының білім беру ісінің үздігі Толыбек Досайұлы Қуанышбаевтың есімі университеттің «Химия-биологиялық зерттеулер» орталығына берілді. &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Толыбек Досайұлы еңбек жолын Сырдария ауданының Тереңөзек кентіндегі №36 орта мектепте химия пәнінің мұғалімі болып бастаған.&nbsp; 1976-80 жылдары Н.В.Гоголь атындағы Қызылорда педагогикалық институтының химия кафедрасының аға лаборанты, 1983 жылдан бастап химия кафедрасында оқытушы болды. &nbsp;1986-89 жылдары – Д.И.Менделеев атындағы Еңбек Қызыл Ту және Ленин орденді Мәскеу химия-технологиялық институтының аспиранты болып, 1990 жылы кандидаттық диссертациясын қорғап, химия ғылымдарының кандидаты дәрежесін алған. &nbsp;1993 жылдан бастап, өмірінің соңына дейін Қорқыт ата атындағы Қызылорда гуманитарлық университетінің «Жаратылыстану және экология», кейіннен Қорқыт Ата атындағы Қызылорда мемлекеттік университеті Жаратылыстану факультеті деканы қызметін абыроймен атқарған.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Орталықтың ашылуында аймақ басшысы ұлағатты ұстаздың есімін ұлықтау, өнегелі өмірін бүгінгі ұрпаққа үлгі ету ортақ міндет екенін айтты.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; “Тұңғыш Президентіміз Нұрсұлтан Әбішұлы Назарбаевтың «Жалпақ жұртыңды, исі алашыңды құрметтеу алдымен өзің тұрған өлкенің тарихын, табиғатын танудан, адамдарын ардақтаудан басталады» деген сөзі бар. Олай болса, өткенге құрмет көрсету – өнегеліктің белгісі. Толыбек Досайұлы&nbsp; Қуанышбаевтың есімін жаңғырту – ұлағатты ұстазға деген ұлы құрмет!&nbsp; «Жақсының аты, ғалымның хаты өлмейді» дейді даналарымыз. Осындай тағылымды шаралар арқылы жастарымыздың ой-санасында өткенге – құрмет, үлкенге – ізет деген тәрбиелік мәні зор ұғымдарды қалыптастыра аламыз”,- деді облыс әкімі Қуанышбек Ысқақов.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сонымен қатар, шарада «Ғалым. Ұстаз. Азамат» атты естелік кітаптың тұсаукесер рәсімі өтті.
<img src="http://kyzylorda-news.kz/wp-content/uploads/2019/11/8akimattan2.jpg" alt="" />
<img src="http://kyzylorda-news.kz/wp-content/uploads/2019/11/8akimattan3.jpg" alt="" />
<img src="http://kyzylorda-news.kz/wp-content/uploads/2019/11/8akimattan4.jpg" alt="" />
<img src="http://kyzylorda-news.kz/wp-content/uploads/2019/11/8akimattan5.jpg" alt="" />

Қызылордада  химия-биологиялық зерттеулер ғылыми-білім беру орталығы ашылды

<a href="https://kyzylorda-news.kz/">Kyzylorda-news.kz.</a> Бүгін, 8 қарашада, Қырғызстан астанасы Бішкектің орталығында үш жарылыс болды. Жарылыс салдарынан адамдар зардап шеккен. Алайда әзірге олардың нақты саны белгісіз, деп хабарлайды <a href="https://stan.kz/bishkektin-ortaliginda-ush-kushti-zharilis-boldi-video-323992/">Stan.kz</a>.&nbsp;
Жарылыс Шу мен Еркіндік даңғылдарының қиылысындағы «Антошка» жылдам тамақтану орнында орын алған.&nbsp;
Куәгерлердің сөзінше, бастапқыда бір жарылыс болған. Біраз уақыттан кейін тағы екі жарылыс болыпты. Салдарынан дәмхана өртке оранды.&nbsp;
Қазіргі уақытта оқиға орнында өрт сөндірушілер жұмыс істеп жатыр. Хабарланғандай, жарақаттанған екі адам қауіпсіз жерге шығарылған.&nbsp;
Жедел медицина орталығының директоры Искендер Шаяхметовтың мәліметінше, жарылыстан бір адам көз жұмған.&nbsp;
<blockquote>
 «Қазіргі уақытта бір адамның көз жұмып, тағы 15 адамның зардап шеккені белгілі», – дейді Шаяхметов.
</blockquote>
Орталық директорының сөзінше, көз жұмған адам дәмханада жұмыс істеген. Ол алған күйік жарақатының салдарынан оқиға орнында тіл тартпай кетіпті.
Өрт сөндірушілердің алдын ала мәліметі бойынша, дәмханадағы газ баллондары жарылған болуы мүмкін.

Бішкектің орталығында үш жарылыс болды (ВИДЕО)

<a href="https://kyzylorda-news.kz/">Kyzylorda-news.kz.</a> Қызылордада бірнеше пәтер ұрлығын жасаған азамат ұсталды. 34 жастағы күдікті бұрын сотты болған, деп хабарлайды облыстық Полиция департаментінің баспасөз қызметі
Ол үй иелері болмаған уақытта, аулаларына кіріп үй ішіндегі бағалы заттар мен велосипедтерді&nbsp; қолды еткен.
Тексеру барысында күдіктінің облыс орталығында жасалған осы тектес басқа да 6 қылмысқа қатысы бар екендігі анықталды. Айғақ заттар тәркіленді.
<blockquote>
 &nbsp;«Қазіргі уақытта күдікті уақытша ұстау изоляторына қамаққа алынды. Барлық фактілер бойынша ҚР Қылмыстық кодексінің 188-бабының 2-бөлігі (ұрлық) бойынша сотқа дейінгі тергеп-тексеру амалдары жүргізілуде», – делінген хабарламада.
</blockquote>

Қызылордада 6 рет қылмыс жасаған ұры ұсталды

<a href="https://kyzylorda-news.kz/">Kyzylorda-news.kz.</a> Қызылордалық полицейлер автокөлік жүргізушісін пара беру үстінде ұстады.
Автокөлік жүргізушісі әкімшілік хаттама толтырмауын сұрап патрульдік полиция қызметкерлеріне пара ұсынған.
<blockquote>
 «Күдікті кінәсін толық мойындап, оған қатысты «ешқайда кетпеу және өзін дұрыс ұстау» түріндегі бұлтартпау шарасы қолданылды, – делінген облыстық Полиция департаментінің хабарламасында.
</blockquote>
Аталған дерек бойынша Өзіндік қауіпсіздік басқармасымен Қазақстан Республикасы Қылмыстық Кодексінің 367-бабының 1-бөлігімен (пара беру) сотқа дейінгі тергеп-тексеру жүргізіліп, мән-жай анықталуда.

Қызылордалық тұрғын пара беру үстінде ұсталды

&nbsp;&nbsp;&nbsp;<a href="https://kyzylorda-news.kz/">Kyzylorda-news.kz.</a> Кәсіпкерлер палатасы мен «Біліктілік орталығының» қызылордалық ауыл шаруашылығы тауарөндірушілері үшін ұйымдастырылған қорытынды семинары жылқы шаруашылығына арналды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Өңірдегі жылқы шаруашылығымен айналысатын шаруалар қатысқан шарада ет және сүт өнімі бағытындағы жылқылардың жергілікті тұқымдарының асыл тұқымдылық, өнімділік сапасы, сондай-ақ оларды жетілдіру жолдары түсіндірілді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Оқыту семинарына «Қазақ мал шаруашылығы және жылқы шаруашылығы ғылыми-зерттеу институты» ЖШС-нің жетекші ғылыми маманы, ауыл шаруашылығы ғылымдарының кандидаты Амангелді Тұрабаев арнайы шақыртылды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Шарада Кәсіпкерлер палатасы директорының агроөнеркәсіп кешен мәселелері жөніндегі орынбасары Пірмұхаммед Сыздықов осы кезге дейін ауылшаруашылығы саласында егін егумен айналысып келе жатқан өңірде мемлекеттік қолдаудың арқасында соңғы 5 жылдықта мал шаруашылығы бағытында да кешенді шаралар қабылданып жатқандығын жеткізді. Нәтижесінде жылқы өсімі өткен жылдың осы кезеңімен салыстырғанда биыл 12,8 пайызға артқан.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Семинарда ғалым Амангелді Тұрабаев мал өсіру әдістеріне тоқталып, оның маңыздылығына баса назар аударды.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Мал өсірудің үш әдісі бар. Олар таза тұқымды мал өсіру, будандастыру арқылы малдың сапасын арттыру, түраралық будандастыру әдістері. Қазір елімізде селекционерлер көбейіп кетті. Мал өсірудің ерекшеліктерін білмей, екі тұқымды алып будандастырудың нәтижесінде сапасыз, жарамсыз тұқымдар алынуда. Негізі біздің «қазақ» тұқымды жылқыларымыз жыл бойы далада жүріп, қосымша қоректендіруді қажетсінбей ақ сапалы ет бере алады. Қазақтың жылқыларын жылқының өзге тұқымдарымен будандастыру нәтидесінде тектік қорын азайтып алдық. Қазір енді қайтадан қолға алып, осы асыл тұқымды мал басын арттыруды көздеп отырмыз. Осындай оқыту-семинарлары да сол үшін қажет», – дейді Амангелді Тұрабаев.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ауыл шаруашылығы тауарөндірушілеріне арналған шарада мұнан өзге ветеринариялық шараларды жүргізу, мал басы туралы барлық мәліметтерді жинақтайтын арнайы чиптер, мал тұқымын асылдандыру, қолдан ұрықтандырудың пайдасы қаралып, мал шаруашылығымен айналысатын кәсіпкерлерге өзге де құнды ақпараттар берілді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Семинарда тәжірибелік алаң ретінде «Таңқаман» шаруа қожалығы таңдалып, онда өсіріліп жатқан асыл тұқымды жылқылар шараға қатысушыларға көрсетілді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Айта кету керек, құрылғанына он жыл болған «Танқаман» ЖШС-і бүгінде малды асыл тұқымдандыру бағытында жұмыс жасауда. Қазір 284 бас жылқы өсіріп, оның жүз аналығынан 75 құлын алып отыр. «Танқамандықтар» таза асыл тұқымды жылқы өсіріп отырған Ақтөбе мен Қарағандыдағы шаруа қожалықтарынан «мұғалжар» және «жабы» тұқымды аналық және аталық малдар алып, өздерінің жылқы шаруашылығын дамытуда. Шаруа қожалығы мамандары атқарып отырған жұмыстарының нәтижесінде бүгінде таза пайдаға шығып отырғандықтарын жеткізуде.
<img src="http://kyzylorda-news.kz/wp-content/uploads/2019/11/8zhylky2.jpg" alt="" />
<img src="http://kyzylorda-news.kz/wp-content/uploads/2019/11/8zhylky3.jpg" alt="" />

Қызылордалық кәсіпкерлерге асыл тұқымды жылқы өсіру жолдары түсіндірілді

<a href="https://kyzylorda-news.kz/">Kyzylorda-news.kz.</a> &nbsp;&nbsp;Қызылордада қазақ күресінен ерлер мен əйелдер арасында ҚР чемпионаты өтеді. Жарыс 11-14 қараша күндері «Евразия» спорт кешенінде өтеді.
Ел чемпионатына Нұр-Сұлтан, Алматы, Шымкент қалалары мен еліміздің барлық облысынан 500-ге жуық спортшы қатысады. Спортшылар 16 салмақ дәрежесінде шеберлік байқасады.
Дүбірлі бəсекеге қазақ күресінен 4 дүркін әлем чемпионы Айбек Нұғымаров, әлем чемпионы Мұхит Тұрсынов, 2 дүркін әлем чемпионы Ғалымжан Абдрахманов, Азия чемпиондары Мақсат Исағабылов, Нариман Тұтқышев, Қазақстан чемпионы Нұрым Сəлімгереев қатысады.
Қызылорда облысының намысын 40 спортшы қорғайды. Жарыс 11 қараша күні сағат 10.00-де басталады.

Қазақстан және Қызылорда облысының жаңалықтары: Басты жаңалықтар old