<a href="https://kyzylorda-news.kz/">Kyzylorda-news.kz.</a> Облыс&nbsp; әкімі Қ.Ысқақовтың қатысуымен Құқық бұзушылық профилактикасы жөніндегі ведомствоаралық комиссияның кезектен тыс жедел отырысы өтті.
Соңғы 10 күндікте облыста бірнеше күрделі жол апаттары орын алды. Оның салдарынан 12 адам қайтыс болып, 20 &nbsp;адам жарақат алған.&nbsp; Атап айтқанда, 21 қараша күні Қызылорда қаласы, Назарбаев даңғылының бойында «Тойота Камри» автокөлігінің жүргізушісі қоғамдық көліктің аялдамасына соғып, нәтижесінде аялдамада тұрған 5 адамның 3-уі оқиға орнында қайтыс болды. Бұл&nbsp; жол көлік оқиғасында зардап шекендердің 3 оқушылар. Сондай-ақ, күні кеше (3 желтоқсан) «Құмкөл-Қызылорда» автожолының бойында «Саутс Ойл» серіктестігіне қарасты жолаушы тасымалдайтын автобус аударылды. Салдарынан 8 адам қайтыс болып, 22 адам жарақат алды.
Аймақ басшысы Полиция департаменті мен жауапты басшыларға нақты тапсырмалар беріп, бұл жұмыстар жеке өзінің бақылауында болатынын жеткізді.
<blockquote>
 “Соңғы болған жол көлік оқиғасына&nbsp; Мемлекет басшысы тарапынан да назар аударылып, полиция мен жергілікті атқарушы органдардың құқық бұзушылық профилактика жұмыстарына қатысты ескертпелер айтылды. Ағымдағы жылдың 10 айының қорытындысымен облыстың жол-көлік оқиларының динамикасы 47% жоғарлап отыр, оның ішінде жарақат алғандар 43%, қайтыс болғандар 44% өскен. Полиция департаменті тарапынан берілген ұсыныстарға барынша қолдау көрсетіліп келеді. Тиісті қаржы бөлініп, материалдық- техникалық базаларыңыз жыл сайын жаңартылуда. Алайда нәтиже жоқ. Жұмыс осы қарқында қалатын болса, ҚР Ішкі істер минстрлігіне Полиция департаментінің жауапты басшыларының атқарып отырған лауазымдарына сәйкестігі жөнінде ұсыныс беретін боламын.”,- деді облыс әкімі Қ.Ысқақов.
</blockquote>
Комиссия отырысында&nbsp; облыс әкімі аппараты басшысының орынбасары &nbsp;С.Шотаев баяндама жасап, орын алған оқиғалар мен аталмыш саладағы көрсеткіштердің өсуі полиция органдары тарапынан профилактикалық жұмыстардың тиімсіздігінен екенін айтты. Құқықтық статистикаға сәйкес&nbsp; өңірде &nbsp;жыл сайын жол-көлік оқиғаларының өсімі байқалады.Мәселен, ағымдағы жылдың 10 айының қорытындысымен Қызылорда облысы бойынша жол-көлік оқиғаларының 485 дерегі тіркелген.&nbsp;
Бүгінгі жиында талдау нәтижесі бойынша облыстық полиция департаментіне және аудан, қала әкімдеріне жол жүру қауіпсіздік деңгейін жоғарлату мақсатында профилактикалық іс-шараларды күшейту ұсынылды.
<img src="https://kyzylorda-news.kz/wp-content/uploads/2019/12/4akimzhinalys2.jpg" alt="" />
<img src="https://kyzylorda-news.kz/wp-content/uploads/2019/12/4akimzhinalys3.jpg" alt="" />

Қ.Ысқақов: Полиция органдары  жұмысында  нәтиже болуы керек

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақов “Құмкөл-Қызылорда” автожолында орын алған жол көлік оқиғасы салдарынан зардап шеккен азаматтардың жағдайын білу үшін облыстық медициналық орталығы мен қалалық ауруханаға барды.
<blockquote>
 «Біздің тарапымыздан қажетті көмек көрсетілетін болады. Емдеу шаралары толықтай жасалады. Күш жігерлеріңізді жазылуға жұмсаңыздар. Тез сауығып, отбастарыңызға аман-есен оралуларыңызға тілектеспіз», – деді облыс әкімі Қ.Ысқақов.
</blockquote>
Облыстық көпбейінді ауруханасына 17 азамат түрлі дене жарақатымен жеткізіліп, оның ішінде 6 адам жансақтау бөліміне орналастырылды. 5 адамға қажетті ем шаралары көрсетіліп, үйіне қайтарылған. Қалалық ауруханаға 4 адам жеткізіліп, оның 2 жансақтау бөлімінде. Қазір оларға тиісті медициналық көмек көрсетілуде, қажетті дәрі-дәрмек толығымен қамтамасыз етілген.
Айта кету керек, оқиға орнына дер кезінде төтенше жағдайлар департменті, жол-патрульдік қызметі, медициналық орталық, жедел-жәрдем және санитарлық авиация қызметкерлері мен қажетті техника жұмылдырылды.

Қызылордадағы ірі жол апаты: Облыс әкімі зардап шеккендердің жағдайын сұрап барды

Халықаралық гепард күні
Жыл сайын атап өтіледі. Атаулы күн гепардтарды қорғаудың маңызы туралы ақпаратты тарату мақсатында бекітілген. Гепард құрлықты мекендейтін сүтқоректілердің ең жылдам өкілі ретінде танымал. Мысық тұқымдасына жататын жануардың жылдамдығы 110 км/сағатқа дейін жетеді. Бірақ олардың табиғаттағы саны тым азайып кеткендіктен, қажетті шаралар қолға алынбаса жойылып кету қаупі бар.
Қырғызстанда «Манас» эпосының күні
Бұл күн ел Парламентінің кеңесімен және Қырғызстан мәдениет, ақпарат және туризм министрлігінің бастамасымен Республика Үкіметінің 2015 жылдың 27 сәуіріндегі №259 қаулысымен бекітілген.
1919 жылы Семей губерниясы партия комитеті «Семей таңы» газетінің алғашқы саны жарық көрді. Содан кейін аптасына 3 рет шығатын болды. Еңбекшілерді революцияны қорғауға шақырды. 1923 жылы «Еңбекші жас» атты айдарын комсомол жастарына арнап шығарды. «Семей таңы» редакциясында Ж.Аймауытов, Ш.Тоқжігітов, С.Дөнентаев, М.Тұрғанбаев, Ш.Құдайбердіұлы, М.Әуезов жұмыс істеді.
1995 жылы Қазақстан Республикасының Президенті Н.Назарбаевтың Жарлығымен Женевадағы БҰҰ бөлімшесі мен басқа да халықаралық ұйымдар жанынан ҚР Тұрақты өкілдігі ашылды.
1995 жылы ҚР Президенті Н.Назарбаевтың Жарлығымен Қазақстан Республикасының Швейцария Конфедерациясындағы Елшілігі ашылды.
1998 жылы Қазақстан Республикасы Үкіметінің қаулысымен «Қазтеңізкөлікфлот» ұлттық теңіз кеме компаниясы» АҚ құрылды.
2013 жылы ҚР Ұлттық банкі «Шығыс күнтізбесі» сериясында 500 теңге номиналымен «Жылқы жылы» атты алтын және күміс естелік монеталарын айналымға енгізді.

4 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 4 желтоқсанға арналған жұлдыз-жорамалы.
Тоқты
Өзгелердің сөзіне ермеңіз. Тек өз қалағаныңызды жасап, түйсігіңізге жүгініңіз. Әйтпесе қиыншылықтарға тап боласыз.
Торпақ
Маңызды келіссөздерді кейінге қалдырғаныңыз жөн. Бүгін жайма-шуақ күй кешіп, арқаны кеңге салыңыз.
Егіздер
Күніңіз сәтті өтеді. Шығармашылықпен айналысып, қызықты күнді бастан өткізесіз. Жұмысыңыз жемісті болмақ.
Шаян
Бүгін көп ойланып-толғанудың қажеті жоқ. Барлық мәселе өздігінен шешілетін болады. Енді барлығы өзіңізге байланысты.
Арыстан
Бүгін өте маңызды қадам жасайсыз. Бұл мәселеге бей-жай қарауға болмайды. Сіздің арқаңызда көпшіліктің де мәселесі шешілетін болады.
Бикеш
Бүгін жұмысқа ден қоя алмайсыз. Айналаңыздағы адамдардың шуы сізге кедергі келтіруі мүмкін. Барынша көңіл бөлмеуге тырысыңыз.
Таразы
Бүгін көпшілік сізге қызыға қарайтын болады. Барлық жақындарыңыздың да, достарыңыздың да назары сізде болады.
Сарышаян
Бүгін өте сақ болыңыз. Өйткені жаныңыздағы адамдар сіздің заттарыңызды ұрлауы мүмкін. Ақша, қымбат бұйымдарға сақ болыңыз.
Мерген
Алдын ала ештеңе жоспарламаңыз. Дәл қазіргі сәт арқаны кеңге салып, демалатын уақыт.
Тауешкі
Бүгін барлық сырыңызды ақтарып, ішкі жан-күйзелісіңізді сыртқа шығаратын уақыт. Сіздің сөзіңізді тыңдайтын жандар табылады.
Суқұйғыш
Сізге не қажет екені тек өзіңізге ғана аян. Сонымен қатар қажет дүниені алыстан іздеудің қажеті жоқ. Себебі керек-жарақтың барлығы дәл қасыңызда.
Балықтар
Бүгінгі күніңіз сәтті өтеді. Сондықтан мәселелерге бола алаңдамасаңыз болады. Сонымен қатар ұйқыңызды қандырыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қызылорда облысында болған автобус апатынан қаза тапқандардың туыстарына көңіл айтты. Бұл туралы Президент <a href="https://twitter.com/TokayevKZ/status/1201761721733537792">Twitter</a>&nbsp;парақшасында жазды.
<blockquote>
 «Қызылорда облысында автобус апатынан қаза тапқан адамдардың туыстарының қайғысына ортақтасып, көңіл айтамын. Зардап шеккендердің отбасыларына қажетті көмек көрсетіледі. Жол қауіпсіздігі тиісті ведомстволар мен әкімдіктердің ерекше назарында болуы тиіс» деп жазды Қасым-Жомарт Тоқаев.
</blockquote>
<a href="https://kyzylorda-news.kz/oqigalar/qyzylordada-zholawshylar-avtobwsy-awdarylyp-7-adam-azhal-qushty-foto-35044/">Естеріңізге сала кетелік</a>, аталмыш оқиға&nbsp;бүгін таңғы 04.30 шамасында болды. Оқиға салдарынан 8 адам қаза тауып, 21 адам емдеу орындарына жатқызылды.
Оқиғаға байланысты ҚР Ішкі істер министрлігі&nbsp;түсінік берді.
Сондай-ақ, сегіз адамның өмірін қиған «Қызылорда-Құмкөл» жолындағы автобус апатына байланысты&nbsp;қылмыстық іс қозғалды.

Президент Қызылорда облысында жол апатынан қаза тапқандардың туыстарына көңіл айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Әлем барысы» әлем чемпионатының қола жүлде үшін белдесуінде Мақсат Исағабылов өзбек палуаны Мухсин Хисамиддиновті жеңді.
Мақсат Исағабылов жартылай финалда Айбек Нұғымаровқа, ал өзбек палуаны Мухсин Хисамиддинов Ресей палуаны Роман Бобиковке есе жіберген.
«Әлем барысы» чемпионатының биылғы жүлде қоры 20 миллион теңге. Жеңімпаз атанған балуанға 10 млн теңге және алтын белбеу, екінші орын иегеріне 6 млн теңге және үшінші орын иегеріне 3 млн теңге, сәйкесінше күміс және қола белбеулермен марапатталады.
Ал, «Жеңіске деген жігері үшін» атанған спортшыға 1 млн теңге беріледі. Сонымен бірге, жылдағы дәстүр бойынша жанкүйерлер арасында автокөлік ойнатылады.

«Әлем барысы»: Қола жүлде қызылордалық Мақсат Исағабыловта

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақовтың қатысуымен «Сыр үміті» облыстық жастар форумы өтті. Сонымен қатар, шара аясында “Жастар орталығы” жанынан продюсерлік орталық ашылды.
Биыл өз саласында жетістікке жеткен, көшбасшы аймақтың 125 жасы қала, аудан әкімдерінің арнайы сыйлықтарымен қатар, араға бірнеше жыл салып (2016 жылдан кейін) облыс әкімінің «Сыр үміті» сыйлығы мен республикалық Ғани Мұратбаев атындағы «Ғани сыйлығымен» марапатталды.
Облыста «Жастар жылын» өткізу жөніндегі кешенді іс-шаралар жоспарына ұсынылған 28 жаңа жобаның, 14 қаражат бөлініп, қолдау тапқан. Нәтижесінде Жастар жылы аясында аймақ жастарының ұсынысымен тұңғыш рет көршілес бес түркітілдес елдер (Әзірбайжан, Қырғызстан, Башқұрстан, Түркия, Татарстан) жастарының халықаралық фестивалі, республика бойынша Қызылорда облысы бастамашы болған халықаралық деңгейдегі тренерлерді шақырып, жас IT мамандарды даярлауға бағытталған жастар “IT эшелоны”, аймақтың туристік әлеуетін насихаттау, тарихи-мәдени орындарды таныстыруға бағытталған республикалық лагерь, облыс әкімінің жүлдесі үшін “Жайдарман” ойыншыларының республикалық әзіл кеші, көңілді тапқырлар алаңы қатысушыларымен ашық аспан астындағы жастар кеші, ауыл жастарының слеты, жастар еңбек бригадалары ұйымдастырылған. Сондай-ақ, жастардың стартап бизнес идеяларын жинақтап, инвесторлар алдында қорғауға ықпал ететін «Kyzylorda Business Hub» жаңа жобасы пилоттық режимде бірінші рет ұйымдастырылды.
Аймақ басшысы өз саласында жетістікке жетіп, марапатқа ие болған барша жастарды құттықтап, жылы лебізін жеткізді.
<blockquote>
 “Осы жылы аудандық деңгейдегі 3 жастар ресурстық орталығы қайта жаңғыртудан өтсе, Қызылорда қаласындағы Орталық жаңа ғимаратқа орналастырылды. Ал, Байқоңыр қаласы жастары үшін арнайы ғимаратты қайта жаңғыртудан өткізуге жобалық-сметалық құжаттама әзірлеуге бюджеттен қаржы бөлінді. Үстіміздегі жылы жастар бастамаларын қолдау мен олардың шығармашылығын арттыруға бағытталған әлеуметтік жобаларға қаралған қаржы көлемі 34 пайызға артты (241 млн. тг.). Бұл бағыттағы қаржыға жастар қоғамдық ұйымдары былтыр 37 жоба жүзеге асырса, биыл олардың саны 49 жетті. Сонымен қатар, Елбасының тапсырмасына сәйкес студент жастарды 2022 жылға дейін жатақханамен қамтамасыз ету бойынша мемлекеттік-жекешелік әріптестік аясында биыл 330 орынға арналған Қызылорда медицина жоғары колледжінің жатақхана құрылысы аяқталады. Желтоқсан айында пайдалануға берілетін болады”-, деді облыс әкімі Қ. Ысқақов.
</blockquote>
<img src="https://kyzylorda-news.kz/wp-content/uploads/2019/12/3syrumit2.jpg" alt="" />
<img src="https://kyzylorda-news.kz/wp-content/uploads/2019/12/3syrumit3.jpg" alt="" />

Қызылордада өз саласының 20 жас үздігі «Сыр үміті» сыйлығын алды (ФОТО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов ХІ Халықаралық “Baikonyr Invest” инвестициялық форумының салтанатты ашылуы мен пленарлық отырысына қатысты. Форумның биылғы тақырыбы – “Қызылорда: тұрақты өрлеу, инвестициялық ынтымақтастықтық үшін жаңа мүмкіндіктер”. Форум аясында жалпы құны 100 млрд. теңгеге жуық жобаларды жүзеге асыру үшін 25 мемарандум, 1 келісім-шартқа қол қойылды. Олардың қатарында өнеркәсіп саласында 14, агроөнеркәсіптік секторда 9, мемлекеттік жекешелік әріптестік бағыты бойынша 3 инвестициялық жобаларды жүзеге асыру туралы меморандумдар бар.
“Baikonyr Invest” – бұл жыл сайын 300 астам шетелдік және отандық бизнес-көшбасшыларының, инвестициялық компания басшыларының, ғылыми-зерттеу институттарының өкілдері мен экономиканың түрлі салаларындағы сарапшыларды басын қосатын ауқымды пікірталас алаңы.
Форумға шетелдік және отандық бизнес-қауымдастық өкілдері, инвестициялық компаниялардың басшылары (“К2АТ” ЖШС Корей компаниясы, “Total Eren” Француз компаниясы, “НЕС” Болгар компаниясы), ғылыми-зерттеу институттары өкілдері арнайы келген. Сондай-ақ, форум жұмысына алыс және жақын 10 мемлекеттен (Иран, Франция, Германия, Македония, Нидерланды Корольдігі, Корея, Канада, Словения, ҚХР, Ресей Федерациясы) инвесторлар қатысуда. Ал, Иран Ислам Республикасынан Төтенше және Өкілетті Елшілер Сабер Маджид Самадзаде және Корея Республикасынан Ким Дэ-Сик пен Нидерланды Корольдігінен Андре Карстенс, Солтүстік Македониядан Меджити Муарем арнайы шақырылған.
Форум барысында пленарлық отырыс пен кездесулер, әр салаға қатысты секциялық жиындар, инвесторлар мен жергілікті тауар өндірушілердің көрмесі ұйымдастырылды. Сондай- ақ, пленарлық отырыста “Байқоңыр “АЭА-жобаларды іске асыруға арналған перспективалы алаң”, “Ауыл шаруашылығында фермерлікті және мал шаруашылығы кластерін дамыту мүмкіндіктері”, ” Мемлекеттік – жекеменшік әріптестікті дамыту перспективалары” тақырыптары бойынша баяндамалар оқылды.
<blockquote>
 “Бұл біздің 11 инвестициялық форумымыз. Алғаш рет ” Baikonyr Invest ” форумын 2013 жылы өткіздік. Алдыңғы 10 форумның нәтижесі бойынша 130 астам меморандумға қол қойылды, облыс экономикасына 1 трлн астам инвестиция тартылды. Аймақта биылғы жылдың 10 айында атқарылған жұмыстардың негізгілерін атап өткім келеді. Қызылорда облысының ең маңызды артықшылықтарының бірі – тиімді логистикалық жағдайға ие екені белгілі. Бүкіл облыс арқылы су артериясы (Сырдария өзені), оның бойымен темір жол және “Батыс Еуропа – Батыс Қытай” халықаралық магистралінің 800 км астам ең үлкен учаскесі біздің өңір арқылы өтеді “-, деді облыс әкімі Қ. Ысқақов.
</blockquote>
Сонымен қатар, форум қатысушылары үшін “Байқоңыр” ғарыш айлағына және “Қорқыт ата” мемориалдық кешеніне экскурсиялық тур ұйымдастырылды.
<img src="https://kyzylorda-news.kz/wp-content/uploads/2019/12/3akinforum2.jpg" alt="" />
<img src="https://kyzylorda-news.kz/wp-content/uploads/2019/12/3akinforum3.jpg" alt="" />

Қызылордада ХІ халықаралық «Baikonyr invest» инвестициялық форумы өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов Қызылорда қаласындағы 700 орындық «Orda School» жеке бастауыш мектебінің ашылу салтанатына қатысты. Сонымен қатар, ҚР Парламенті Сенатының депутаттары және ҚР Білім және ғылым вице-министрі Ш.Каринова арнайы келіп, ҚР Парламенті Сенатының Төрағасы Д.Назарбаева мен вице-премьер Б.Сапарбаевтың құттықтау хаттарын табыстады.
Өңірде балабақшалардың желісі жыл сайын артып келеді. Оның 72 пайызы жеке сектордың үлесінде. Нәтижесінде, 3-6 жастағы балалар мектепке дейінгі тәрбиемен 100 пайыз қамтылған. Облыста үш ауысымды және апатты мектептердің мәселесі де толық шешілген. Аймақ мектептерінің 60 пайызы жаңа модификациялық пәндік кабинеттермен қамтамасыз етіліп, компьютерлер 100 пайызға жаңартылған.
Қазіргі таңда өңірімізде мемлекет пен жеке бизнес секторының арасында тығыз байланыс орнағаны белгілі. Бүгінгі күні Қызылорда қаласында 4 жеке мектеп жұмыс істейді. Мектептерде жан басына қаржыландыру бойынша мемлекеттік тапсырыстар берілген. Осы жұмыстардың алғашқы жемісі ретінде «Orda School» бастауыш мектебі құрылды. Мектептің даму стратегиясына сәйкес ауқымы кеңейіп, заманауи құрал-жабдықтармен жабдықталған 700 орындық жаңа ғимараты қаламыздың сол жағалауындағы жаңа қалада орналасқан.
<blockquote>
 “Тәуелсіздігімізді алған уақыттан бері Тұңғыш Президентіміз – Елбасы Нұрсұлтан Әбішұлы Назарбаевтың қамқорлығымен білім саласына, жас ұрпаққа сапалы білім беруге ұдайы көңіл бөлініп келеді. «Келешектің кілті – білімді ұрпақтың қолында» деген қағидат берік қалыптасты. Міне, соның дәлелі – бүгін тағы бір жаңа мектептің құрылысын аяқтап, пайдалануға бердік. Болашағымыз балаларымыз үшін олардың заманауи технологиямен жабдықталған жаңа ғимаратта сапалы білім алуына барлық жағдай жасалуда. Биылғы жылы тамыз айында Нұр-Сұлтан қаласында өткен республикалық тамыз конференциясында Қазақстан Республикасының Президенті Қасым-Жомарт Кемелұлы Тоқаев білім саласындағы бірқатар өзекті мәселелерге тоқталып, оларды кезең-кезеңімен шешуді тапсырды. Сондай-ақ, Мемлекет басшысы алғашқы Жолдауында педагогтардың мәртебесін көтеру, білім сапасын арттыру, еңбек нарығына сапалы мамандар даярлау, ауыл мектептерінің жағдайын жақсарту мәселелерімен бірге бала тәрбиесіне қатысты нақты басымдықтарды айқындап берді “,- деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/3ordascool2.jpg" alt="" />
<img src="https://kyzylorda-news.kz/wp-content/uploads/2019/12/3ordascool3.jpg" alt="" />
<img src="https://kyzylorda-news.kz/wp-content/uploads/2019/12/3ordascool4.jpg" alt="" />
<img src="https://kyzylorda-news.kz/wp-content/uploads/2019/12/3ordascool5.jpg" alt="" />
<img src="https://kyzylorda-news.kz/wp-content/uploads/2019/12/3ordascool6.jpg" alt="" />

Қызылордада 700 орындық «Orda school» жеке бастауыш мектебі ашылды (ФОТО)

<a href="https://kyzylorda-news.kz/">Kyzylorda-news.kz.</a> Бүгін «Қызылорда-Құмкөл» тасжолында жолаушылар автобусы аударылды. Бұл туралы ҚР ІІМ ТЖК баспасөз қызметі хабарлады.
<blockquote>
 «3 желтоқсанда сағат 05:25-те «Қызылорда-Құмкөл» тасжолында жолаушылар автобусының жүргізушісі көктайғақ салдарынан рульді басқара алмай, көлік аударылып қалған» делінген ТЖК таратқан хабарламада.
</blockquote>
Мәліметке сай, автобуста 35 жолаушы болған. Апаттан 7 адам ажал құшқан, оның бірі ауруханаға апара жатқан жолда жан тапсырған.
Автобус «Құмкөл-Қызылорда» бағытында кетіп бара жатқан.
Оқиға Қызылордадан 85 шақырым қашықтықта болған. Қызылорда облыстық ТЖД базасында жедел штаб ұйымдастырылды. (7242) 24-41-61, 70-03-28 телефондары бойынша жедел желі ашылды.
Оқиға орнында ТЖД жеке құрамының 13 адамы мен 4 техникасы, полиция қызметінің 6 қызметкері мен 2 техникасы, жедел жәрдем қызметінің 12 қызметкері мен 4 техникасы жұмыс істеп жатыр.
<img src="https://kyzylorda-news.kz/wp-content/uploads/2019/12/3autobus7adam2.jpg" alt="" />
<img src="https://kyzylorda-news.kz/wp-content/uploads/2019/12/3autobus7adam3.jpg" alt="" />
<img src="https://kyzylorda-news.kz/wp-content/uploads/2019/12/3autobus7adam4.jpg" alt="" />

Қызылордада жолаушылар автобусы аударылып, 7 адам ажал құшты (ФОТО)

Мүмкіндігі шектеулі жандардың халықаралық күні
1992 жылдың аяғында БҰҰ Бас Ассамблеясы мүгедектер онжылдығының (1983-1992) аяқталуына орай 3 желтоқсанды мүгедектер күні етіп жариялады. Кез келген мемлекеттің құндылығы мен ізгілігі балалар мен қарттарға, мүгедектерге деген қарым-қатынасымен айқындалады. Мүмкіндігі шектеулі жандардың халықаралық күні туғанынан өмірдің азабын тартқан жандарға тағы бір назар аударып, жанына желеу болуға мүмкіндік жасайды.
БҰҰ мәліметтері бойынша, әлемде 600 миллион мүгедек жан бар. Олардың 500 мыңға жуығы – қазақстандықтар.
Дүниежүзілік компьютерлік 3D-графика күні
Кәсіби немесе әуесқойлық деңгейде үш өлшемді компьютерлік графика құрумен айналысатын адамдардың ресми емес мерекесі.
Бұл мерекені атап өтуге бастамашы болған Alias System Corporation компаниясы. Күн кездейсоқ таңдалған жоқ. 3 саны мен December айының атауы 3D қысқарған атауын еске салады. Кейде ағылшын тілді дереккөздерде үш өлшемді графика құрметіне мереке 3December деп те аталады.
1993 жылы&nbsp;Бішкекте құрылған рухани байлықтың қайта түлеуіне жәрдемдесуші «Руханият» халықаралық қауымдастығы Қазақстан Президенті Нұрсұлтан Назарбаевқа «Жыл адамы» құрметті атағын берді.
1993 жылы&nbsp;Каспийдің қазақстандық қайраңында геологиялық барлау жұмыстарын жүргізу үшін Халықаралық консорциум құру туралы Келісімге қол қойылды. Шетелдік жеті компаниядан («Аджип», «Бритиш Петролеум», «Статойл», «Бритиш Газ», «Мобил», «Total», «Shell») және бұл жобаның операторы ретінде шыққанг «ҚазақстанКаспийШельфтен» құрылған консорциум аймақтың мұнай әлеуетін үшжылдық геологиялық зерттеу туралы келісімге қол қойды.
2009 жылы&nbsp;Қазақстанда тағы екі халықаралық пошта маркасы шығарылды.
Маркалар фауна мен флораға арналған. Олардың бетінде долана өсімдігі мен итаю бейнеленген. Әрқайсысы 180 теңгеден тұратын 100 мың данадан шығарылды.
Қазпошта маркаларында бұдан бұрын да суреттелген жануарлар мен өсімдіктердің барлық түрлері Қазақстанның Қызыл кітабына енген.
2013 жылы&nbsp;Қазақстан Республикасының Ұлттық банкі «proof» сапасымен номиналы 500 теңгелік «Шығыс күнтізбесі» монеталар сериясынан «Жылқы жылы» алтын және күміс ескерткіш монеталарын айналымға шығарды.
Күмістен және алтыннан жасалған екі монетаның бет және сырт жағындағы бейнелері бірдей. 
«Жылқы жылы» ескерткіш күміс және алтын монеталары – «Шығыс күнтізбесі» монеталар сериясын жалғастыратын төртінші монеталар.

3 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 3 желтоқсанға арналған жұлдыз-жорамалы.
Тоқты 
Бүгін тоқтылар үшін ауыр күн. Көп алданасыз. Жүйкеңіз көп жұқарады, сондықтан эмоцияға шектен тыс берілмеңіз. Біреудің сіз туралы айтқан сөздеріне көңіл бөлмеңіз. Сізбен сөзге келіп қалған жақындарыңызбен татуласқаныңыз жөн.
Торпақ 
Сіз үшін бүгінгі күн шиелініске толы болады. Сезіміңізді ақылыңызға жеңдіре алмай, ұрыс-керіске жол бересіз. Көңіл-күйіңіз болмаса да, жақындарыңызға әділетсіз болмаңыз. Ойланбай сөйлеп, оларды ренжітіп алудан сақтаныңыз.
Егіздер 
Денсаулығыңыз күрт нашарлайды. Басыңыз ауырып, өзіңізді жаман сезінесіз. Адамдармен қарым-қатынаста сақ болыңыз. Жалған ақпаратқа тап болып немесе алданып қалуыңыз мүмкін. Бүгін басшылықпен және әріптестеріңізбен бәстесудің қажеті жоқ.
Шаян 
Көптеген қиындыққа тап боласыз. Денсаулығыңыз да сыр береді. Бүгін суға неғұрлым жақын болғаныңыз жөн. Отбасыңызбен бірге моншаға немесе бассейнге барыңыз. Ол сіздің еңсеңізді басқан ауырлықтан құтылуға көмектеседі. Балаларыңызға ұрысудан аулақ болыңыз.
Арыстан 
Бүгін сіз үшін қиын күн. Кез келген істе белсенділік танытпаңыз. Оныңыз өзіңіздің басыңызға таяқ болып тиеді. Өзіңізге сын көзбен қараңыз. Әріптестеріңізбен сөзге келуден сақтаныңыз. Шындық болса да, жеке пікіріңізді айтқанда абай болыңыз.
Бикеш 
Сезімге көп ерік бермеңіз. Ол сізді тығырыққа тірейді. Бүгін ақылыңызды басқара алмайтын болғандықтан, ешкіммен жақын араласпаңыз. Жақындарыңызбен сөзге келуден аулақ болыңыз. Әйтпесе, үйіңізден береке кетеді.
Таразы 
Өте сәтті күн. Махаббатта жолыңыз болады. Бүгін қолға алатын жаңа бастамаларыңыз бен жоспарларыңыз сізден белсенді болуды талап етеді. Іскерлік қарым-қатынасыңыз артып, таныстарыңыз көбейеді. Тек күшіңізді орынсыз жұмсап, өзіңізді шаршатып алмаңыз. Материалдық жағдайыңыз жақсарады.
Сарышаян 
Бүгін күндегідег белсенді, шығармашылыққа көңіл бөлесіз. Айналаңызда болып жатқан көптеген оқиғалар сізге әсер етпей қоймайды. Көптен бері ойыңызда жүрген шығармашалық тапсырыстың шешімі табылады. Отбасыңыздағы құрылысты соңына жеткізесіз.
Мерген 
Физикалық жағынан көп күш түседі. Бүгін бастаған жұмысыңызға бөгде адамдар кедергі келтіруі мүмкін. Кез келген ұрыс-керістен аулақ болыңыз. Өзіңіздікін қагша дәлелдегіңіз келсе де, бәрібір сіздің пайдаңызға шешілмейді. Сондай-ақ, бүгін ішімдік ішпегеніңіз жөн.
Тауешкі 
Бүгін рухани, шығармашылық мүмкіндіктеріңіз артады. Ерлі-зайыптылардың қарым-қатынасы жаңа биікке көтеріледі. Әлеуметтік жағдайыңыз жақсарып, көптеген түйткілді мәселелер шешімін табады. Бүгінгі жаңа таныстық сіз үшін пайдалы әрі тиімді ұзақ мерзімді іскерлік байланыстың баспалдағы болады.ү
Суқұйғыш 
Демалысқа өте қолайлы күн. Өзіңізге көңіл бөліп, күш-қуатыңыз артады. Осы уақытқа дейін сізді қинап келген мәселелердің бәрі жақсы жағынан шешімін табады. Бір жеріңіз ауырса, дәрігердің көмегіне жүгініңіз. Өздігінен емделуге болмайды.
Балықтар 
Спортпен және кез келген физикалық жұмыспен айналысуға қолайлы күн. Бүгін күніңіз өте сәтті өтеді. Өзіңізді өте жақсы әрі тыныш сезінесіз. Ойламаған жерден болған жаңа таныстық пен күтпеген кездесулер бүгінгі күніңізді әсерлі ете түседі. Бірақ, сезіміңізге сақ болыңыз.

Қазақстан және Қызылорда облысының жаңалықтары: Басты жаңалықтар old

Қ.Ысқақов: Полиция органдары жұмысында нәтиже болуы керек

Қызылордадағы ірі жол апаты: Облыс әкімі зардап шеккендердің жағдайын сұрап барды

4 желтоқсан: Атаулы күндер мен оқиғалар

Жұлдыздар не дейді?

Президент Қызылорда облысында жол апатынан қаза тапқандардың туыстарына көңіл айтты

«Әлем барысы»: Қола жүлде қызылордалық Мақсат Исағабыловта

Қызылордада өз саласының 20 жас үздігі «Сыр үміті» сыйлығын алды (ФОТО)

Қызылордада ХІ халықаралық «Baikonyr invest» инвестициялық форумы өтті

Қызылордада 700 орындық «Orda school» жеке бастауыш мектебі ашылды (ФОТО)

Қызылордада жолаушылар автобусы аударылып, 7 адам ажал құшты (ФОТО)

3 желтоқсан: Атаулы күндер мен оқиғалар

Жұлдыздар не дейді?