<a href="https://kyzylorda-news.kz/">Kyzylorda-news.kz.</a> Қызылорда облыс әкімі Қуанышбек Ысқақов баспана кезегінде тұрған байқоңырлықтарға тұрғын үй кілттерін табыстады. Бұл көпқабатты тұрғын үйлердің жалпы ауданы 15 мың 700 шаршы метрді құрайды. 5 үй мен инженерлік инфрақұрылым үшін 2,1&nbsp; млрд&nbsp; теңге қаржы бөлінген.
Көпқабатты тұрғын үйлерді пайдалануға беру салтанатына облыс әкімімен бірге облыс әкімінің орынбасары, ҚР Президентінің «Байқоңыр» кешеніндегі арнаулы өкілі Б.Намаев пен Байқоңыр қаласы әкімшілігі басшысының міндетін атқарушы В.Лопаткин де қатысты.Нысанның құрылыс-монтаж жұмыстарын қаржыландыру «Нұрлы жер» бағдарламасы аясында жүзеге асырылған.&nbsp; Жылу және ыстық сумен қамтамасыз ету үшін табиғи газбен автономды бу қазандығы орнатылған. Бүгінгі күні Байқоңыр қаласында пәтер кезегіне 1252 адам тіркелген.
Баспаналы болған жұлдызды қалашық тұрғындарын құттықтаған аймақ басшысы, бұл Байқоңырда соңғы 30 жылда салынған алғашқы тұрғын үй құрылысы екенін атап өтті.
<blockquote>
 &nbsp;«Келесі 2020 жылы осы жақсы бастаманы одан әрі жалғастырып, тағы бес көқабатты&nbsp; тұрғын үй салуды жоспарлап отырмыз. Бүгінде осы қалада тұрып, әр салада еңбек етіп жатқан елу мыңға жуық қазақстандық азаматтар бар. Бірнеше жылдан бері кезекте тұрған жерлестеріміз баспаналы болып, тұрмыс жағдайын жақсартып, үлкен қуанышқа бөленуде. Жұлдызды қаланы жаңа нысандармен толықтырып, жаңарту идеямызға қолдау көрсетіп, алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындарының атынан алғысымызды айтамыз. Қоныстарыңыз құтты болсын»,- деді облыс әкімі Қуанышбек Ысқақов.
</blockquote>
<img src="https://kyzylorda-news.kz/wp-content/uploads/2019/12/9baikonyrpater2.jpg" alt="" />
<img src="https://kyzylorda-news.kz/wp-content/uploads/2019/12/9baikonyrpater3.jpg" alt="" />
<img src="https://kyzylorda-news.kz/wp-content/uploads/2019/12/9baikonyrpater4.jpg" alt="" />

Байқоңырдағы Қазақстан азаматтарына тұрғын үй кілттері табысталды

<a href="https://kyzylorda-news.kz/">Kyzylorda-news.kz</a> ақпараттық агенттігінің 8 желтоқсанға арналған жұлдыз-жорамалы.
Тоқты
Бұрын сізді жарты жолда қалдырған адаммен кездесіп, онымен біраз әңгімелесесіз. Бірақ барлық шындығыңызды айтып қоймаңыз.
Торпақ
Бүгін біраз жерде болып, біршама мәселені шеше аласыз. Егер жақындарыңыз үй шаруасына көмектесер болса, шаршағаныңызды сезбей қаласыз.
Егіздер
Бүгін ірі көлемде сауда жасамаңыз. Не болмаса қарыз қайтармаңыз. Себебі өзіңіз қаржы жағынан қиналып қалуыңыз мүмкін. Сондықтан мұны кейінге қалдырыңыз.
Шаян
Бүгін өзіңіздің сүйікті ісіңізбен айналысасыз. Бұл іс кейін қосымша қаражат әкелетін табыс көзі болмақ. Сондықтан барлығын жан-жақты ойластырғаныңыз жөн.
Арыстан
Көшеде жүргенде немесе көлік жүргізгенде сақ болыңыз. Сондай-ақ спортпен шұғылдану барысында да дене жарақатын алу қауіпі бар.
Бикеш
Бүгін барынша сыпайы болыңыз. Әсіресе жаңа танысқан адамыңызбен әңгіме барысында мәдениеттілік сақтағаныңыз жөн.
Таразы
Бүгін жалқаулық танытасыз. Егер ауа райы жанға жайлы болса, табиғат аясында демалыс ұйымдастырыңыз немесе демалыс саябағына барыңыз.
Сарышаян
Үй шаруасынан демалатын кез келді. Жол дорбаңызды жинап, саяхатқа шығыңыз. Не болмаса, алыстағы туған-туысты аралап, қыдырыңыз.
Мерген
Бүгін алаңсыз демалыңыз. «Жұмысым аяқталмады» деп қиналмаңыз. Түстен кейін сізге көмек көрсететіндер табылады. Сондықтан көңіл-күйіңізді түсірмеңіз.
Тауешкі
Бүгін ішпыстырарлық жиынға немесе кездесуге барасыз. Егер мүмкіндік болса, бұл жиынға барудан бас тартыңыз. Бірақ ұйымдастырушыларды ренжітіп алмаңыз.
Суқұйғыш
Бүгін сіздің жолыңыз болады. Барлық мәселелер мен кикілжіңдер сізді айналып өтеді. Сондай-ақ бүгін ірі көлемде сауда жасап, үй ішін жаңалайсыз.
Балықтар
Бүгін көңілді, белсенді адамдармен әңгімелесіңіз. &nbsp;Егер отбасылы болсаңыз, үй ішіндегі барлық мәселені шешіп алыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қ.Ысқақовтың қатысуымен «Жедел әрекет ету орталығы» коммуналдық мемлекеттік мекемесіндегі «109» және «112» қызметтерінің ресми ашылуы ұйымдастырылды. Салтанатты шараға ҚР цифрлық даму, инновациялар және аэроғарыш өнеркәсібі вице-министрі Абылайхан Оспанов та қатысты.
Жоба аясында «101», «102», «103» жедел желілері қосылып, бір жүйе «112» байланысына біріктірілген. Шұғыл қызметтердің барлық автокөлігі GPS жабдықталған. Енді шұғыл қызметтердің барлық шақырулары бірыңғай “112” нөмірі бойынша қабылданады. Бұл бірыңғай жүйенің мониторингі шақырушы тұлғаның мекен- жайын көрсетуге, орналасқан жерге жақын экипажды автоматты түрде анықтауға мүмкіндік береді, сонымен қатар, өтініш берушіге келудің оңтайлы картасын, жолын ұсынады. Осы жобаны іске асырудың экономикалық тиімділігі бір терезе қағидаты бойынша жедел қызметтерді шақыруды ұйымдастыру және шақыруларды қабылдау мен өңдеу уақытын 30% қысқартуды көздейді. Сондай-ақ, “102” қызметінің әрекет ету уақыты – 5 минутқа дейін, “103” қызметін – 8 минутқа дейін қысқартып, сапалы қызметті ұсынуға бағытталған. Бұл ретте шақыртылған қоңырауларға қызмет көрсетуді бақылау тиімділігі 25% артып, жалған шақырулар саны 45% қысқарған.
Сонымен қатар, ағымдағы жылдың сәуір айында мемлекеттік органдардың халықпен тиімді байланыс механизмдерін орнату бағытында “109 – бірыңғай байланыс орталығын” құру жұмыстары басталды. Бұл жүйе арқылы қаланың инфрақұрылымына қызмет көрсету үдерісіне тартылған барлық коммуналдық қызметтерді: жылу, электр, сумен жабдықтау, су бұру, қоқыс, люктер, жол шұңқырлары, қоғамдық көлік мәселелері біріктіріледі. Енді, тұрғындардан келіп түсетін барлық арыз, шағым,өтініштері “109” бірыңғай нөмірі бойынша қабылданады. Оператор жүйеге өтінімді енгізеді және автоматты түрде осы мәселені шешуі тиіс ұйымға жолдайды. Бұған дейін қала тұрғындары кем дегенде 24 коммуналдық және авариялық қызмет ұйымдарының, 40 облыстық басқармалар мен қалалық бөлімдердің телефон нөмірлерін білуі қажет болса, енді қәзіргі уақытта “109” нөмерін терсе болғаны, коммуналдық салаға қатысты барлық шағымы тыңдалып, өтініші орындалады. “109” бірыңғай байланыс орталығының функцисы өтінішті телефон арқылы ғана емес, сонымен қатар барлық әлеуметтік желілермен қабылдайды.
<blockquote>
 “Аталған “109”, “112” нөмерлеріне келіп түсетін шақыртуларды талдау және олардың орындалуына мониторинг жүргізу, облыс әкімдігінің “Ахуалдық орталығы” жүйесімен біріктірілген, онда бақылау және шешімдер қабылдау процесіне, әсіресе ірі коммуналдық апаттар, жол-көлік оқиғалары, су тасқыны жағдайлары, дауылдар және басқа да табиғи құбылыстар кезінде жылдам көмек көрсетуге септігін тигізбек. Цифрлық технологияларды қолдану бізге тұрғындардың өмір сүру сапасын жақсартуға мүмкіндік береді”,- деді облыс әкімі.
</blockquote>
<img src="https://kyzylorda-news.kz/wp-content/uploads/2019/12/6akimat1092.jpg" alt="" />
<img src="https://kyzylorda-news.kz/wp-content/uploads/2019/12/6akimat1093.jpg" alt="" />
<img src="https://kyzylorda-news.kz/wp-content/uploads/2019/12/6akimat1094.jpg" alt="" />

Қызылордада «109» және «112» жедел әрекет ету орталығы ашылды (ФОТО)

<a href="https://kyzylorda-news.kz/">Kyzylorda-news.kz.</a> Қызылордада облыс әкімі Қ.Ысқақовтың қатысуымен А.Тоқмағанбетов атындағы мәдениет үйінде «6 желтоқсан – ҚР Прокуратурасы күні» мерекесіне арналған салтанатты жиын ұйымдастырылды.
Шараға «Нұр Отан» партиясы облыстық филиалы төрағасының бірінші орынбасары, үйлестіру кеңесінің мүшелері, прокуратура органдарының ардагерлері, облыстық, қалалық, аудандық прокурорлар мен табиғатты қорғау, көлік және әскери прокуратуралардың қызметкерлері қатысты.
1991 жылдың 6 желтоқсанында арнайы қаулымен Қазақ КСР-ның Бас прокурорына бағынатын бірыңғай прокуратура органдарының жүйесі құрылды. 1992 жылғы 17 қаңтардағы Қазақстан Республикасының Жоғарғы Кеңесінің Қаулысымен прокуратура Жоғарғы Кеңеске есеп беретін, заңдардың орындалуына жоғарғы қадағалауды жүзеге асыратын орган болып, ал, 1994 жылы 12 ақпанда Тұңғыш Президент–Елбасы Нұрсұлтан Әбішұлы Назарбаевтың қаулысымен Қазақстан Республикасының Құқықтық реформаның мемлекеттік бағдарламасы бекітілді. Бұл құжатта прокуратура органдарын реформалаудың негізгі қағидалары анықталды.
Аймақ басшысы барлық прокуратура саласының ардагерлері мен қызметкерлерін құттықтап, жылы лебізін жеткізді.
<blockquote>
 “Прокуратура органдары бүгінгі таңда құқықтық саясатты, азаматтардың конституциялық құқығын қорғау, заңдылық пен тәртіпті сақтау саласында өз міндеттерін ойдағыдай атқарып келеді. Осы жылдар ішінде прокуратура органдары өзінің қалыптасу жолдарынан өтті. Прокуратураның беделі еселеп өсіп, оның әлеуметтік маңыздылығы арта түсті. Елбасы және Мемлекет басшысы қойып отырған маңызды міндеттерді орындай отырып, прокуратура заңдылық пен құқықтық тәртіпті қамтамасыз етуде мемлекеттің сенімді тірегі болды деуге болады. Прокурор еңбегі өте жауапты және маңызды екені белгілі. Сіздер елімізде заңдылықтың, құқықтық тәртіптің сақталуын қадағалап, қоғамдағы тұрақтылықты қамтамасыз етіп келесіздер “,- деді облыс әкімі Қ.Ысқақов.
</blockquote>
Шарада сала қызметкерлеріне облыс әкімінің Алғыс хаты, Бас Прокурордың және облыс прокурорының марапаттары табысталды.
<img src="https://kyzylorda-news.kz/wp-content/uploads/2019/12/6akimattorj2.jpg" alt="" />
<img src="https://kyzylorda-news.kz/wp-content/uploads/2019/12/6akimattorj3.jpg" alt="" />
<img src="https://kyzylorda-news.kz/wp-content/uploads/2019/12/6akimattorj4.jpg" alt="" />

Қызылордада Қазақстан Республикасының Прокуратурасы күніне орай салтанатты шара өтті (ФОТО)

<a href="https://kyzylorda-news.kz/">Kyzylorda-news.kz.</a> “Мұз айдыны” спорт кешенінде гір көтеру жəне қол күресінен ересектер арасында ҚР кубогы өтуде.
Жарысқа еліміздің барлық өңірлерінен 300-дей спортшы 30 салмақ дəрежесінде күш сынасуда.
Ел кубогының ашылу салтанатына облыс əкімінің орынбасары Наурызбай Байқадамов пен гір көтеру жəне қол күресінен ҚР мемлекеттік жаттықтырушысы Серік Ерішұлы қатысып, қатысушыларға сəттілік тіледі.
Жарыстың жеңімпаздары мен жүлдегерлері ҚР Дене шынықтыру жəне спорт комитетінің диплом, медаль, кубогымен марапатталады.
Бүгін гір спорты сайысы жеңімпаздарының есімі белгілі болады.
<img src="https://kyzylorda-news.kz/wp-content/uploads/2019/12/6girkubok2.jpg" alt="" />
<img src="https://kyzylorda-news.kz/wp-content/uploads/2019/12/6girkubok3.jpg" alt="" />

Қызылордада гір спорты жəне қол күресінен ел кубогы басталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов облыстық көпбейінді ауруханасында болып, кардиохирургиялық орталықтың ашылғынына 10 жыл толуына орай, облыс тұрғындарына көрсетіліп жатырған медициналық көмектің сапасымен танысты. Бұл туралы облыс әкімінің баспасөз қызметі хабарлады.
Оның ішінде жүрек қан тамырлары ауруларына, жедел инфаркті анықтауда компьютерлік тамограф және қан тамырларын рентген сәулелері арқылы тексеріп, жүрек ауруларын анықтауда шұғыл және жоспарланған жоғары технологиялық көмекке қол жетімділігін қамтамасыз ететін ангиограф аппаратының жұмыс нәтижесін көрді.
Облыстық көпбейінді ауруханасына жаңадан қойылған компьютерлі тамограф қондырғысына жергілікті бюджеттен 440 млн теңге қаралса, қан тамырларын рентген сәулелері арқылы тексеріп, жүрек ауруларын анықтайтын ангиографиялық аппараты мемлекеттік-жекеменшік әріптестік негізінде алынған. Дүниежүзілік Денсаулық ұйымының көрсеткіші бойынша, жүрек қан тамырлары ауруларынан болатын өлім-жітімді азайту үшін 1 млн халыққа 1000 ота жасалуы қажет деп көрсетілген. Облысымыздың 800 мың тұрғынына есептегенде жыл сайын 800 ота жасалуы қажет. Ол үшін әрбір 250 мың тұрғынға шаққанда 1 ангиографиялық аппарат қажет етіледі. Биыл мемлекеттік-жекеменшік әріптестік негізінде алынған 2 ангиографиялық аппараттың көмегімен халыққа көрсетілетін медициналық көмектің сапасы артады деп күтілуде. Ангиограф аппаратының бірі облыс орталығында, бірі Қазалы ауданында жұмыс істеуде.
<blockquote>
 “Елбасы және Мемлекет басшысы тапсырмаларына сәйкес халықтың денсаулығы басты назарда болу қажет. Бұндай құрал бұрын біздің өңірімізде болмаған. Жаңадан алынған аппараттар аймақ тұрғындары үшін қызмет ету керек. Алдағы уақытта да бюджет қаражатынан осындай заман талабына сай келетін құралдарды сатып алуды қарастырамыз.”,- деді облыс әкімі Қ.Ысқақов.
</blockquote>
2007-2009 жылдары Қазақстан Республикасында кардиологиялық және кардиохирургиялық көмектi дамытуға арналған мемлекеттік бағдарламасы қабылданды. Осы бағдарлама аясында 2009 жылдың 6 желтоқсанында облыстық медицина орталығының құрамында кардиологиялық орталық ашылды. Дәл сол күні Қызылорда облысының туа бітті жүрек ақауымен туылған 13 жасар тұрғынына алғашқы рет ота жасалған. 2009-2011 жылдар аралығында облысқа алыс-жақын шет елдердің, республикалық орталықтартың профессорлары, доценттері, арнайы мамандары келіп түрлі мастер-кластар ұйымдастырып, түрлі оталар жасаған. Сонымен қатар, аймақ дәрігерлері де шет мемлекеттерге, республикалық арнайы орталықтарға барып білімдерін жетілдіріп, 2011 жылдан бастап ота жасауға кіріскен.
<img src="https://kyzylorda-news.kz/wp-content/uploads/2019/12/6akimatoms2.jpg" alt="" />
<img src="https://kyzylorda-news.kz/wp-content/uploads/2019/12/6akimatoms3.jpg" alt="" />

Облыс әкімі көп бейінді ауруханада жаңадан алынған кардиологиялық аппараттармен танысты (ФОТО)

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қ.Ысқақовтың қатысуымен «Smart Qyzylorda: Аймақтың цифрлық трансформациясы» тақырыбында бірінші облыстық IT форумы өтуде. Аталған шараға ҚР Цифрлық даму, инновациялар және аэроғарыш өнеркәсібі вице-министрі А.Оспанов, шетелдік және отандық ІТ қауымдастықтары мен жергілікті атқарушы органдарының өкілдері қатысты.
IT форумның мақсаты – мемлекеттік сектор мен елдің бизнес-қауымдастық өкілдерінің арасында цифрландыру бойынша тәжірибелерімен бөлісіп, идеялармен алмасуға арналған бірыңғай алаң құру. Форум аясында Малайзия, Татарстан елдерінен келген спикерлер цифрландыру саласында өздерінің тәжірибелері туралы айтты. Сонымен қатар, ІТ форум алаңында Қызылорда облысындағы «Цифрлық Қазақстан» мемлекеттік бағдарламасы аясында цифрландыру жобаларының тұсаукесері мен көрмесі ұйымдастырылып, «Ақылды қаланы» қалыптастыру бойынша шетелдік, отандық IT компаниялардың үздік тәжірибесі бойынша арнайы бағдарлама ұсынылды.
<blockquote>
 “Бүгінгі “Smart Qyzylorda: Аймақтың цифрлық трансформациясы ” тақырыбындағы форум ” адами капиталды дамытуға, аймақта жүзеге асырылған жобаларды тұрғындарға таныстыруға, ТМД мемлекеттерімен тәжірибе алмасуға, жобаларға кәсіпкерлерді, инвесторларды тартуға және де Стартап жобаларды қолдауға бағытталатын болады. Форум барлығымыз үшін нәтижелі және пайдалы болатынына сенімдімін “,- деді облыс әкімі Қ.Ысқақов.
</blockquote>
Форум аясында облыс әкімі Қ.Ысқақов «Smart Qyzylorda» мобильдік қосымшасын іске қосты. «Smart Qyzylorda» біріктірілген ақпараттық жүйесі – қаланың тұрғындары мен қонақтарын біртұтас біріктірілген жүйе арқылы түрлі салалардағы қызметтерді пайдалануға мүмкіндік береді.
Сондай-ақ, форумда өңірде ауыл шаруашылығын цифрландыру бағыты бойынша жүзеге асырылған Қазақстандағы тұңғыш цифрлы күріш ақтау зауытының және «Акмауа Smart Farm» фермасының жұмыстары таныстырылды.
«Мағжан и К» ЖШС цифрлы күріш ақтау зауыты сағатына 5 тонна күрішті өндеуге қуатты және кәсіпорында Оңтүстік Кореяның «DAEWON GSI» күріш өндірудегі цифрлы технологиясы пайдаланылады, барлық процестер автоматтандырылған жүйе арқылы басқарылады. Шиелі ауданындағы «Ақмая» шаруа қожалығы FMIS – «ақылды ферма» зияткерлік геоақпараттық форманы қолданатын пилоттық шаруашылық. Ол жедел навигацияны, өріс деректерін толық талдауды және өндірістік процестердің мониторингін қамтиды. Аталған форум шеңберінде ағымдағы жылдың 30 қарашасында өткен «SMART QYZYLORDA HACKATHON» байқауының жеңімпаздарын ҚР Цифрлық даму, инновациялар және аэроғарыш өнеркәсібі вице-министрі А.Оспанов марапаттады.
<img src="https://kyzylorda-news.kz/wp-content/uploads/2019/12/6akimatforum2.jpg" alt="" />
<img src="https://kyzylorda-news.kz/wp-content/uploads/2019/12/6akimatforum3.jpg" alt="" />

Қызылордада бірінші аймақтық ІТ форум өтуде

<a href="https://kyzylorda-news.kz/">Kyzylorda-news.kz.</a> Димаш Құдайберген Ресейдің «Виктория» сыйлығында екі номинацияны жеңіп алды.
Қазақстандық әнші қуанышты жаңалығымен Instagram парақшасында бөлісті.
<blockquote>
 «Құрметті достар, мен аса қуанышпен сіздерге ресейлік «Виктория» музыкалық премиясында екі аталымда – «Классикалық музыкада жылдың әншісі» және «Жыл жаңалығы» бойынша жеңіске жеткенімді жеткізгім келеді. Менің барша әлемдегі тыңдармандарыма қолдауларыңыз үшін үлкен рақмет! Бұл жеңісімді әлемдегі барша тыңдармандарым #dears-қа арнадым», – деп жазды Димаш.
</blockquote>
Сондай-ақ, ол Ресейдегі командасына және композитор Игорь Крутойға ризашылығын білдірді.
«Виктория» – өткен жылдың қорытындысы бойынша үздік кәсіби өнерпаздарды – музыканттарды, орындаушыларды, композиторларды, ақындарды, продюсерлерді, журналистерді таңдайтын Ресейдегі алғашқы және жалғыз сыйлық.

Димаш Құдайберген «Виктория» сыйлығының екі номинациясын жеңіп алды

Қазақстан Президентінің Германияға сапары барысында жалпы құны 2,4 млрд долларды құрайтын отыз экономикалық құжатқа қол қойылды, деп хабарлайды <a href="http://lenta.inform.kz/kz/prezidenttin-germaniyaga-saparynda-2-4-mlrd-kuraytyn-30-kuzhatka-kol-koyyldy_a3591952">ҚазАқпарат</a>.
Бұл туралы бейсенбі кешке журналистерге Kazakh Invest ұлттық компаниясының басқарма төрағасы Бауыржан Сартбаев қол қою рәсімнен кейін айтып берді.
<blockquote>
 «Мемлекет басшысының Германияға ресми сапары аясында жалпы құны 2,4 млрд доллар отыз экономикалық құжатқа қол қойылды. Оның ішінде қайта өңдеу және машина жасау секілді салалар бар», – деді Б.Сартбаев.
 «Олардың басым бөлігі өзара байланысты және жоғары қосымша құны бар өнім өндіреді», – деп атап өтті Kazakh Invest ұлттық компаниясының басқарма төрағасы.
 «Сондай-ақ бүгін қол қойылған басты құжаттардың бірі – Kazakh Invest пен Герман экономикасының шығыс комитеті арасында инвестиция саласындағы ынтымақтастықты нығайту жөніндегі бірлескен жоспар. Ол салалардың басым бағытын және нақты ынтымақтастық жобаларын анықтайды», – деп тоқталды ол.
</blockquote>
Айта кетерлігі, Герман экономикасының шығыс комитеті ГФР-дың Орталық, Шығыс, Оңтүстік шығыс Еуропа, Оңтүстік Кавказ және Орталық Азиядағы 29 мемлекеттегі экономикалық мүддесіне жауапты.

Қасым-Жомарт Тоқаев Германияға сапарында 2,4 млрд долларды құрайтын 30 құжатқа қол қойды

<a href="https://kyzylorda-news.kz/">Kyzylorda-news.kz</a> ақпараттық агенттігінің 6 желтоқсанға арналған жұлдыз-жорамалы.
Тоқты
Бүгін ойыңызға не келеді, соны жүзеге асырасыз. Киноға барыңыз, көрме тамашалаңыз немесе үйіңізге қонақ шақырыңыз.
Торпақ
Кез келген шаруаға бас қатырасыз. Ұсақ-түйек тірлікпен айналысасыз. Күніңіз сонымен өтеді. Өзіңізді көп шаршатпаңыз.
Егіздер
Басшылықпен және әріптестермен тіл табысу қиынға соғады. Бұл қиындықтан шығуға достарыңыз көмектеседі.
Шаян
Бүгін ешкісге сенбеңіз. Тіпті жұлдызнамаға да сенуге болмайды. Сондықтан түйсігіңіздің айтқанын істеңіз.
Арыстан
Аяқталмаған жұмысты үйге алып кетіңіз. Сонда ғана берілген тапсырмаларды тез орындай аласыз. Тапсырма бастан асады.
Бикеш
Бүгін барлығы өз жоспарыңыз бойынша жүзеге асады. Жұмысыңыз нәтижелі болмақ. Жұмыста белсенді болыңыз.
Таразы
Серіктесіңізге көп сенім артпаңыз. Тек өз күшіңізге сеніңіз. Сонда ғана барлық кедергілердің алдын аласыз.
Сарышаян
Бүгін маңызды әрі жауапкершілікті қажет ететін шешім қабылдамаңыз. Өйткені шешіміңіз оң нәтиже бермейді.
Мерген
Бүгін ешқайда асықпаңыз. Әсіресе сүйікті адамыңызға көңіліңізді білдіруде асығыстық жасамаңыз.
Тауешкі
Бүгін өзгелерді ойлап бас қатырмайсыз. Қайта олар сізді ойлайтын болады. Сонымен қатар оларға сізді мазалауды сұраңыз.
Суқұйғыш
Бүгін көпшіліктің ортасында жүріңіз. Қоғаммен тығыз байланыста болыңыз. Жалғыз жүріп жол тапқанша, көппен бірге адасыңыз.
Балықтар
Бүгін екінші жартыңызды табасыз. Екеуіңіздің көзқарасыңыз бір жерден шыққаны дұрыс. Сонда ғана түсініспеушілік орын алмайды.

<a href="https://kyzylorda-news.kz/">Kyzylorda-news.kz.</a> Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы «Мемлекеттік қызмет және сыбайлас жемқорлыққа қарсы іс-қимыл мәселелері бойынша Қазақстан Республикасының кейбір заңнама актілеріне өзгерістер мен толықтырулар енгізу туралы» Заңға енгізілген жаңашылықтар туралы айтты.
<blockquote>
 «Осы Заңның қабылдануымен Қазақстанда сыбайлас жемқорлыққа қарсы күрестің жаңа кезеңі басталды деп сеніммен айта аламын. Тәуелсіз Қазақстан тарихында тұңғыш рет басшылардың қол астындағы қызметкерлері үшін жауапкершілігі заңнамалық деңгейде бекітілген», – деді Ардақ Ерсейтов.
</blockquote>
Бұдан былай, саяси мемлекеттік қызметкерлер –&nbsp; министрлер мен олардың орынбасарлары, облыстардың, Нұр-Сұлтан, Алматы, Шымкент қалалары мен облыс әкімдері мен олардың орынбасарлары, аудандар әкімдері олардың тікелей бағынышты қызметкерлері сыбайлас жемқорлық құқық бұзушылық жасан дағдайда міндетті түрде отставкаға шығуға сұрану керек.
<blockquote>
 «Заңның жаңа редакциясына сәйкес, бірінші басшы оның тікелей бағынышты қызметкеріне қатысты соттың айыптау үкімі күшіне енгеннен соң күнтізбелік 10 күн ішінде немесе ақталмайтын негіздер бойынша қылмыстық іс тоқтатылғаннан кейін отставкаға кетуге міндетті», – екендігін Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы хабарлады.
</blockquote>
Қазақстан Республикасының Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірінші орынбасары Бақытжан Ниязов қандай тұлғалар тікелей бағыныштылар ретінде қарастырылатынығын түсіндірді:
– орталық мемлекеттік органның басшысы (министр) үшін – бұл оның орынбасарлары, жауапты хатшы немесе аппарат басшысы, аймақтық бөлімшелердің басшылары;
– облыс, республикалық маңызы бар қалалар, астана әкімі үшін – оның орынбасарлары, аппарат басшысы, ауданның (облыстық маңызы бар қаланың) әкімі;
– орталық мемлекеттік орган басшысының орынбасары (вице-министр) оның қарамағындағы бөлімше немесе тәуелсіз құрылымдық бөлімше басшысы сыбайлас жемқорлық қылмыс жасаған кезде қызметінен кетеді;
– облыс әкімінің орынбасары жергілікті бюджеттен қаржыландырылатын атқарушы органдардың басшыларына жауап береді;
– Аудан әкімі өзінің орынбасарларына, аппарат басшысына, жетекшілік ететін аудандық атқарушы органдардың басшыларына, ауыл, кент, ауылдық округтердің әкімдеріне жауап береді.
Айта кету керек, «Мемлекеттік қызмет туралы» Заңға сәйкес, мемлекеттік қызметшіні осы лауазымға тағайындаған лауазымды тұлғаға орнынан кету туралы өтініш жіберіледі. Отставканы қабылдау немесе қабылдамау – бұл саяси қызметкерді қызметке тағайындаған адамның құзыреті.
<blockquote>
 «Тікелей бағынышты қызметкерлер сыбайлас жемқорлық құқық бұзушылық жасаған жағдайда, саяси емес, бірақ А және Б корпусының әкімшілік мемлекеттік қызметшілері болып табылатын барлық өзге басшыларға тәртіптік жауапкершілік қарастырылған», – деп айтты спикер.
</blockquote>
Бұдан бұрын, 2019 жылдың 20 мамырында сыбайлас жемқорлыққа қарсы іс-қимыл мәселелері бойынша мемлекеттік органдардың басшыларының қатысуымен өткен кездесуде Қазақстан Республикасы Президенті Қасым-Жомарт Тоқаев Мемлекет бағынышты қызметкерлердің сыбайлас жемқорлыққа жол бергені үшін мемлекеттік органдардың бірінші басшыларының отставкаға кету институтын енгізудің маңыздылығын атап өтті.

Басшылар өз қызметкерлерінің сыбайлас жемқорлық әрекеттері үшін жауап береді

Kyzylorda-news.kz ақпараттық агенттігінің 5 желтоқсанға арналған жұлдыз-жорамалы.
Тоқты
Бүгін өзіңізді құрметке бөлеп, демалыңыз. Жай демалып қана қоймай, өзіңізді ханзада немесе ханшайымдай сезініңіз.
Торпақ
Бүгінгі көңіл-күйіңіз ерекше. Барлық мәселе оңынан шешіліп, күніңіз тыныштықта өтеді. Ешкімнің сөзіне ермеңіз.
Егіздер
Бүгін барлық шаруаны кейінге қалдырып, демалғаныңыз жөн. Сонымен қатар қаржы мәселесін де кейінге қалдырыңыз.
Шаян
Бүгін тәкаппарлық мінезіңізді ешкім көтермейді. Әсіресе сүйіктіңізге жылы-жұмсақ мінез танытыңыз. Сончда ғана сүйікті боласыз.
Арыстан
Бүгін қонаққа барасыз. Түрлі тағамдардан дәм татасыз. Сырқаттанып қаламын деп қорықпаңыз. Дегенмен өзіңізді байыпты ұстап үйреніңіз.
Бикеш
Бүгін өзіңіздің әзілкештігіңіздің арқасында барлық мәселеден оңай құтыласыз. Ашуланып тұрған жандардың өзін жадыратасыз.
Таразы
Өзгелердің мәселесіне бас қатырмаңыз. Сонымен қатар бұрынғы проблемаларды да ойға алмаңыз. Нақты іске көшіңіз.
Сарышаян
Егер біреуге ренжіп қалған болсаңыз, ойыңызды ашық айтыңыз. Оған барлығын айтып түсіндіріп көріңіз. Ол сізді түсінетін болады.
Мерген
Бүгін сізге қастық ойлайтындар көп. Сондықтан аяқтан шалу сынды кедергілер кездесуі мүмкін. Бірақ сіз ашуланбайсыз.
Тауешкі
Өз мәселелеріңізді басқаларға артпаңыз. Оларды шешу жолдарын сізден басқа ешкім білмейді. Сондықтан өзіңізге сеніңіз.
Суқұйғыш
Туған-туыс сіздің өздеріне көп көңіл бөлгенін қалайды. Бұл сіздің сабырыңызды қашыруы мүмкін. Алайда оған бола ашуланбаңыз.
Балықтар
Бүгін кез келген ақпаратқа сеніп қалмаңыз. Барлығын сүзгіден өткізіп, керегін алып, керек емесіне бас қатырмаңыз.

Қазақстан және Қызылорда облысының жаңалықтары: Басты жаңалықтар old

Байқоңырдағы Қазақстан азаматтарына тұрғын үй кілттері табысталды

Жұлдыздар не дейді?

Қызылордада «109» және «112» жедел әрекет ету орталығы ашылды (ФОТО)

Қызылордада Қазақстан Республикасының Прокуратурасы күніне орай салтанатты шара өтті (ФОТО)

Қызылордада гір спорты жəне қол күресінен ел кубогы басталды

Облыс әкімі көп бейінді ауруханада жаңадан алынған кардиологиялық аппараттармен танысты (ФОТО)

Қызылордада бірінші аймақтық ІТ форум өтуде

Димаш Құдайберген «Виктория» сыйлығының екі номинациясын жеңіп алды

Қасым-Жомарт Тоқаев Германияға сапарында 2,4 млрд долларды құрайтын 30 құжатқа қол қойды

Жұлдыздар не дейді?

Басшылар өз қызметкерлерінің сыбайлас жемқорлық әрекеттері үшін жауап береді

Жұлдыздар не дейді?