<a href="https://kyzylorda-news.kz/">Kyzylorda-news.kz</a> ақпараттық агенттігінің 1 желтоқсанға арналған жұлдыз-жорамалы.
Тоқты
Үнемшіл болыңыз. Өз қаражатыңыз болмаса да, өзгенің материалдық шығынға ұшырауына жол бермеңіз.
Торпақ
Бүгін барлық шаруаны атқаруға тырысыңыз. Жұмысқа да, үй шаруасына да үлгеруге болады.
Егіздер
Бүгін біраз шаруаны бітіріп, алдағы күндерге жоспар құрасыз. Сонымен қатар жақындарыңызға қол көмек көрсетесіз.
Шаян
Бүгін денсаулығыңызға көп көңіл бөліңіз. Тек дәрігерлердің ғана айтқанына құлақ аспай, өз түйсігіңізді де тыңдаңыз.
Арыстан
Жаңа серіктестермен жұмыс жасау үшін ашық, ойыңызды дұрыс жеткізе білуіңіз керек. Сонымен қатар тыңдай біліңіз.
Бикеш
Егер сүйіктіңіз отырысқа немесе ата-анасымен танысу кешіне шақырса, бас тартпаңыз. Бұл кездесу көңілді өтпек.
Таразы
Бүгін тәуекелге бел байлап, ойдағыны жүзеге асырасыз. Бірақ бұл шаруа барлық күш-жігеріңізді алады. на пустяки.
Сарышаян
Жақын адамыңызды түсіну қиынға соғады. Дәл қазір оған жағдайды түсіндірудің қажеті жоқ.
Мерген
Бүгін үй шаруасы да, жұмыс та шаршатады. Ішіңіз пысып, басқа іспен айналысқанды қалайсыз.
Тауешкі
Айналаңыздағы адамдардың алдауына түсіп қалмаңыз. Барлығын ақылмен шешіңіз, қулыққа бармаңыз.
Суқұйғыш
Кез келген істе ойланып-толғанасыз. Тіпті болмашы шаруаның өзін күрделендіріп жіберуіңіз мүмкін.
Балықтар
Ешкім ештеңені дәлелдеудің қажеті жоқ. Себебі олар сізге бәрібір сенбейді. Сондықтан барлығын уақыт еншісіне қалдырыңыз.

Жұлдыздар не дейді?

Химиялық қару құрбандарын еске алу күні
Бұрын Химиялық қару құрбандарын еске алу күні 29 сәуірде тойланатын. Өйткені 1997 жылғы сәуірдің 29-ында Химиялық қаруды әзірлеу, өндіру, жинау және қолдануға тыйым салу және оны жою туралы конвенция күшіне енген болатын. Химиялық қаруға тыйым салатын конвенцияға әлемдегі барша ел қосылды деуге болады. 2015 жылы Химиялық қаруға тыйым салу ұйымының кезекті сессиясында 29 сәуірді ХҚТҰ құрылған күн ретінде тойлап, Химиялық қару құрбандарын еске алу күнін 30 қарашаға көшіру туралы шешім қабылданды.
Халықаралық ақпаратты қорғау күні және Копьютерлік қауіпсіздік күні
Бұл мерекені алғаш рет 1988 жылы Американың Компьютерлік жабдықтар қауымдастығы жариялаған. Бұл жылы құрушысы Морристің атауын алған «құрттың» бірінші жаппай эпидемиясы тіркелген. Копьютерлік қауіпсіздік күнінің мақсаты – пайдаланушыларға өз компьютерлері мен онда сақтаулы ақпаратты қорғау қажеттілігі туралы еске салу. Міндеті – компьютерлік қауіпсіздік мәселелеріне қатысты ақпаратты тарату.
1970 жылы&nbsp;Екібастұзда (Павлодар облысы) «Богатырь» разрезінің іске қосу кешені пайдалануға берілді.
Әлемдегі ең ірі деп танылған «Богатырь көмір» компаниясының разрезі энергетикалық шикізаттың сенімді жеткізушісі. Оның көмірімен Қазақстанның – 11, Ресейдің – 6 электр стансасы жұмыс істейді.
2011 жылы&nbsp;Алматы ресми түрде 2017 жылғы 28-ші Бүкіләлемдік қысқы Универсиада астанасы болып жарияланды.
2014 жылы&nbsp;даңқты балуан, 1980 жылғы грек-рим күресінен Олимпиада чемпионы Жақсылық Үшкемпіров «Әлемнің үздік балуаны» атағына ие болды.
Бұл марапатты әйгілі спортшыға «Бірлескен күрес әлемі» деп аталатын халықаралық күрес федерациясы табыстады.
2015 жылы&nbsp;Астанада 1992 жылы шығарылған Қазақстанның почта маркаларының көрмесі өтті.

30 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 30 қарашаға арналған жұлдыз-жорамалы.
Тоқты
Бүгін шаршаңқысыз. Тіпті теледидардың басқару тетігін (пульт) алуға да шамаңыз жоқ. дегенмен жинақталып, өз-өзіңізге келіңіз.
Торпақ
Сіздің ойыңызды ешкім тыңдағысы жоқ. Оған себеп ойыңыздың тым күрделілігі немесе қызықсыз болуы да мүмкін.
Егіздер
Бүгін сіз тым еркесіз. Сізге сүйіктіңіздің махаббаты мен еркелетуі жетіспей тұрғандай. Серігіңіздің жаныңызда болғанын қалайсыз.
Шаян
Бүгін ағзаңызды тазартуға қолайлы күн. Таңертеңнен бастап ашығуға кірісіңіз. Бүл денсаулығыңызды нығайтуға көмектеседі.
Арыстан
Тек бүгінгі күніңізді ойламай, алдағы күндерге де жоспар құрыңыз. Ойларыңызды жүзеге асыруға тырысыңыз.
Бикеш
Бүгін жұмысыңыз алға басады. Сонымен қатар біліміңізді жетілдіруге қолайлы уақыт. Қолыңыздан барлығы келеді.
Таразы
Бүгін эмоцияға көп берілесіз. Өзіңізді барынша сабырлы қалыпта ұстауға тырысыңыз. Өзіңізді шаршатпаңыз.
Сарышаян
Қазіргі жұмысыңызға жаныңызды салып жүргеніңіз белгілі. Алайда оны елеп жатқан ешкім жоқ. Мүмкін жұмыс ауыстырарсыз.
Мерген
Бүгін барлығын жаңадан бастағаныңыз жөн. Жеке өміріңізге өзгерістер енгізіңіз. Жаңа орта табуға тырысыңыз.
Тауешкі
Бүгін өз арманыңыздағы адаммен жолығасыз. Кездесу кешінде салмақты болыңыз. Көп сөйлемеңіз.
Суқұйғыш
Бүгін өз іс-әрекетіңіздің дұрыс-бұрыстығын білу үшін түйсігіңізге жүгініңіз. Сонда ғана барлық сұрағыңызға жауап табасыз.
Балықтар
Өзіңіз жақсы көретін жанға барынша ұнауға тырысыңыз. Оған сіздің тапқыр қасиетіңіз ұнауы мүмкін.

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігінің төрағасы Алик Шпекбаев пен Қызылорда облысының әкімі Қуанышбек Ысқақовтың қатысуымен Қорқыт Ата атындағы Қызылорда мемлекеттік университетінде «Парасаттылық мектебі» ашылды.
Университетте қазіргі таңда жалпы 5300 студент білім алуда. 2017 жылы «Бизнес-Start» инновациялық жобаларды жүзеге асыру орталығы (бизнес-инкубатор) ашылды. Бизнес-инкубатор бүгінгі күнге дейін 85 білім алушылар 25 бизнес-жобаны жүзеге асырып, 14 шағын кәсіпкерлік субъектісі ашылды. Жас кәсіпкерлердің өз бизнестерін бастауға мүмкіндіктер жасалуда.
Соңғы 2 жылда Қорқыт Ата атындағы ҚМУ ғалымдары алған патент саны 50-ді құрайды.&nbsp;Университет ғалымдарының «Инновациялық жобалар каталогы» дайындалып 500 данасы шығарылып, технологияларды коммерциаландыру бойынша қызығушы отандық және шетелдік мекемелер мен бизнес-құрылымдарға ұсынылған.
<blockquote>
 «Біз Сіздер сияқты санасы сергек, ойы орамды, жүрегі жалынды жастардың қолдауымен ғана жемқорлықтан арыла аламыз. Оқуда дана, еңбекте дара, елге пана болыңыздар», – деді Алик Шпекбаев.
</blockquote>
Қызылорда облысында өскелең ұрпақты рухани-адамгершілік және азаматтық-патриоттыққа тәрбиелеу мақсатында өңірдегі 293 жалпы білім беру ұйымында «Адал ұрпақ» ерікті мектеп клубтары жұмысын жүргізсе, 32 арнаулы орта және жоғарғы оқу орындарында «Саналы ұрпақ» клубтары құрылған.
Осылайша, жемқорлыққа қарсы 30 мыңнан астам жастың басы біріктірген жоба жүзеге асуда.
Сонымен қатар, Алик Шпекбаев «Адал ұрпақ» еріктілер клубының облыстық штабының белсенділерімен кездесіп, жастарға өмірде жетістікке жету үшін адал еңбек етудің, жас кезден бастап әр жеткіншектің бойына әділеттілік, парасаттылық және адалдық құндылықтарын сіңірудің маңыздылығын айтты.
<img src="https://kyzylorda-news.kz/wp-content/uploads/2019/11/29parasat2.jpg" alt="" />
<img src="https://kyzylorda-news.kz/wp-content/uploads/2019/11/29parasat3.jpg" alt="" />
<img src="https://kyzylorda-news.kz/wp-content/uploads/2019/11/29parasat4.jpg" alt="" />

Қорқыт Ата атындағы Қызылорда мемлекеттік университетінде «Парасаттылық мектебі» ашылды

<a href="https://kyzylorda-news.kz/">Kyzylorda-news.kz.</a> Қазақстан Республикасы сыбайлас жемқорлыққа қарсы іс-қимыл агенттігінің төрағасы Алик Шпекбаев Сыр еліне жұмыс сапарымен келді.
Аймақ басшысы Қуанышбек Ысқақов пен Қазақстан Республикасы сыбайлас жемқорлыққа қарсы іс-қимыл агенттігінің төрағасы Алик Шпекбаев облыс орталығында жаңадан бой көтерген сыбайлас жемқорлыққа қарсы қызметтің «Сервистік орталығының» ашылу салтанатына қатысты. Сонымен қатар, сол жағалаудағы бірқатар нысандарды аралап көрді.
<blockquote>
 «Мемлекет Басшысы сыбайлас жемқорлықты жою бойынша нақты міндеттерді белгілеп, негізгі бағыттарды айқындады. Жаһандану заманында мемлекеттің аса маңызды тапсырмаларын орындайтын осындай органға біз барынша қолдау көрсетуіміз қажет. Мінекей осы мақсатта, жергілікті бюджеттен 62 млн. теңге бөлініп, Қызылорда қаласында «Сервистік орталық қызметінің» жаңа ғимараты бой көтеріп отыр. Жаңа заман талабына сай салынған бұл ғимаратта Сыбайлас жемқорлыққа қарсы қызметі мен халық арасындағы байланыс одан әрі нығайтылып, жаңа қарқынмен жұмыс жасайтындығына сенімдімін. Сондықтан, орталықтың ашылуы Сыр еліне пайдалы болмақ»,- деді облыс әкімі Қуанышбек Ысқақов.
</blockquote>
Одан әрі қарай Қазақстан Республикасы Сыбайлас жемқорлыққа қарсы іс-қимыл агенттігінің төрағасы Алик Жатқамбайұлы “Кәсіпкерлер үйінің” жұмысымен танысып, кәсіпкерлермен кездесті. Еркін пікір алмасу форматында ұйымдастырлған кездесуде: Өңірлік кәсіпкерлер кеңесінің төрағасы, «Далатекс» серіктестігінің директоры Ділмұхамед Абизов, кәсіпкерлердің құқығын қорғау және сыбайлас жемқорлыққар қарсы күрес кеңесінің төрағасы, Болат Нұрқожаев, «КазСпецСтройЭкспертиза» серіктестігінің директоры Гүлзағира Әбдіраймова кәсіпкерлік саласын қолдаудағы оң өзгерістерге тоқталып, ұсыныс- пікірлерімен бөлісті.
Сонымен қатар, Алик Жатқамбайұлы сол жағалауда орналасқан облыстық «Жастар ресурстық орталығының» жұмысымен танысып, «Ақынның қаламы- адалдық алаңы» атты облыстық жас ақындар мүшәйрасының жеңімпаздарын марапаттады. Естеріңізге сала кетейік аталмыш байқау 2019 жылдың 16 қазан күні бастау алған болатын. Осы кезеңге дейін 62 өлең мен 55 үміткер бақ сынаған.
Қазақстан Республикасы Сыбайлас жемқорлыққа қарсы іс-қимыл агенттігінің төрағасы А. Шпекбаев 29 қараша күні облыс орталығындағы бірқатар әлеуметтік нысандарды аралап, Шиелі ауданындағы «Гежуба Шиелі Цемент» зауытының жұмысымен танысады деп жоспарлануда.
<img src="https://kyzylorda-news.kz/wp-content/uploads/2019/11/29alik2.jpg" alt="" />
<img src="https://kyzylorda-news.kz/wp-content/uploads/2019/11/29alik3.jpg" alt="" />
<img src="https://kyzylorda-news.kz/wp-content/uploads/2019/11/29alik4.jpg" alt="" />
<img src="https://kyzylorda-news.kz/wp-content/uploads/2019/11/29alik5.jpg" alt="" />
<img src="https://kyzylorda-news.kz/wp-content/uploads/2019/11/29alik6.jpg" alt="" />
<img src="https://kyzylorda-news.kz/wp-content/uploads/2019/11/29alik7.jpg" alt="" />

Қызылордада сыбайлас жемқорлыққа қарсы қызметтің &#8220;Сервистік орталығы&#8221; ашылды

<a href="https://kyzylorda-news.kz/">Kyzylorda-news.kz.</a> Қазақстан Республикасының Мемлекеттік хатшысы&nbsp; Қырымбек Көшербаев «Сыр бойы» және «Кызылординские вести» газеттерінің 90 жылдық мерейтойымен құттықтады.
&nbsp;«Сыр бойы» және «Кызылординские вести» газеттерінің ұжымдарына
Құрметті газет редакцияларының ұжымы!
Сіздерді облыстық «Сыр бойы» және «Кызылординские вести» газеттерінің жарық көргеніне 90 жыл толған торқалы тойларыңызбен шын жүректен құттықтаймын.
Алты Алаштың анасы саналған Сыр өңірінің тыныс-тіршілігін халыққа жеткізіп келе жатқан қос басылымның тарихы тереңде жатыр. Аталған ата басылымдар Қызылорда жүртшылығына ғана емес, еліміздегі көзі қарақты оқырман қауымға етене таныс. Қос газет ғасырға жуық уақытта аймақтың жарқын жетістіктері мен жасампаз істерін тасқа басып, өлкенің жылнамасын жасауға еңбек сіңіріп келеді.
Байырғы басылымдар өскелең ұрпаққа өнеге көрсетер тәрбие құралы және жас дарынды қанаттандыратын шығармашылық шеберхана 
ретінде де ерекшеленеді. Осының арқасында қасиетті құтхана ұлт зиялыларының бірнеше буынының тұлға болып қалыптасуына игі ықпалын тигізді.
Облыс өмірінен жан-жақты ақпарат беріп отырған «Сыр бойы» және «Кызылординские вести» газеттерінің редакция ұжымдары алдыңғы буын салып кеткен кәсіби сара жолды абыроймен жалғастырып, талғамы биік оқырман сұранысын қанағаттандырып, сапалы дүниелерімен сусындатып келе жатқаны қуанышты жайт.
Қызылорда облысының қос басылымында қажырлы қызмет еткен ардагерлер мен бүгінгі жас буынды және газеттер оқырмандарын айтулы 90 жылдық мерейтоймен құттықтай отырып, баршаңызға еңбекте табыс, шығармашылық шабыт, отбасыларыңызға бақыт тілеймін!
Құрметпен,
Қазақстан Республикасының Мемлекеттік хатшысы&nbsp; Қырымбек КӨШЕРБАЕВ

Қырымбек Көшербаев қос басылымның мерейтойымен құттықтады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақовтың қатысуымен қайырымдылық жасаушылар мен меценаттардың III облыстық форумы өтті. Шара аясында «Қайырымдылық балалар көзімен» суреттер көрмесі мен «Қайырымдылықтың озық тәжірибелері» ақпараттық стенді ұсынылды.
Аймақта &nbsp;жыл басынан бері жомарт жандардың қолдауымен 686 қайырымдылық шарасы ұйымдастырылған, нәтижесінде 40 520 мұқтаж жанға 514,7 млн теңгенің көмегі көрсетілген. Сонымен қатар, Қазақстан халқы Ассамблеясының бастамасымен қайырымдылық жасаушы меценаттарды насихаттау, қолдау жүйесі жұмыс істеуде. «Үлкен ел – үлкен отбасы» жалпыұлттық жобасы шеңберінде «20 игі іс» акциясы, «Тайқазан» эстафетасы, «Қайырымды ел» жобалары сәтті өткізіліп, «Қамқор» акциясы аясында Ұлы Отан соғысы және еңбек, тыл ардагерлеріне көмек беру жұмыстары тұрақты түрде жүргізіліп келеді. Сондай-ақ, Ұлы Даланың дәстүрлеріне негізделген «Қайырымдылық керуені» жалпыұлттық науқаны халықтық қолдауға ие болуда.
<blockquote>
 &nbsp;«Қайырымдылықты жанына жалау етіп, аймақтың өркендеуіне үлес қосып жүрген азаматтар туралы «Қайырымдылықтың алтын кітабын» әзірлеуіміз қажет. Себебі, өскелең жас ұрпаққа аға буын азаматтардың ел үшін жасаған еңбектерін, толымды жетістіктерін үлгі ету баршамызға ортақ міндет», – деді облыс әкімі Қуанышбек Ысқақов.
</blockquote>
Апат айтып келмейді. Түркістан облысы, Арыс қаласының әскери бөлімінде орын алған төтенше жағдай бейқам отырған жұртты баспанасыз қалдырды.
<blockquote>
 &nbsp;«Қабырғасы қайысқан қазақстандықтар жедел көмек көрсету мақсатында апат орын алған Арыс маңынан табылды. Қысылтаяң&nbsp; сәтте бір үдеден табылатын адами қасиеттің, ең бастысы елдіктің, береке мен бірліктің белгісін танытты. Арыстықтардың иығына түскен ауыртпалық барша елдің басын біріктіре, топтастыра түсті. Арыстықтарға риясыз пейілмен көмек білдірген шынайы қолдаушылардың қатарында Қызылорда облысының халқы да болды. Оқиға туралы хабар тараған сәттен бастап арнайы штаб құрылып, зардап шеккен тұрғындарға гуманитарлық көмек көрсету жұмыстарын қолға алды. Облыстық Қазақстан халқы Ассамблеясының белсенділері де 1 млн теңгеге жуық қаржылай және материалдық көмек көрсетті», – деді аймақ басшысы.
</blockquote>
Форуым аясында қайырымдылық көрсетіп жүрген бірқатар азаматтар «Жылдың қайырымды адамы», «Денсаулық сақтау саласына қолдау көрсеткені үшін»,&nbsp; «Жыл меценаты», «Аймақтың өркендеуіне қосқан үлесі үшін», «Спортты дамытып, оны қолдағаны үшін», «Жылдың қайырымды компаниясы»,&nbsp; «Ардагерлерге көрсеткен құрметі үшін», «Отбасыларды қолдауға қосқан үлесі үшін», «Жыл еріктісі», «Мүмкіндігі шектеулі жандарға көрсеткен қамқорлығы үшін» номинациялары бойынша марапатталып, облыс әкімінің Алғыс хаттары табысталды.

Қызылордада қайырымдылық жасаушылар мен меценаттардың III облыстық форумы өтті

<a href="https://kyzylorda-news.kz/">Kyzylorda-news.kz.</a> Аймақ аттас басылым – «Кызылординские вести» газетінің 90 жылдық кезеңін сараласақ, көп дүниені, атап айтқанда, облыстағы баспасөз тарихын, сарғайған парақтарда қатталған тағылымды, бүгінгі медиадағы дәстүр сабақтастығын көз алдыңызға әкеледі. Бұл – Алашқа ана, талайға пана болған қасиетті өңірдің өмір бүлкілімен біте қайнасып жатқан қазыналы шежіре.
Өткен ғасырда «Ленинский путь» атты шағын газеттерден бастау алған басылым осынау жылдар ішінде қызығы мен қиындығы мол үлкен жолдан өтті. Газет «Путь Ленина» болып шыққан әр жылдары қызылордалықтардың ел ырысын молайту жолындағы ерен еңбегінің насихатшысы болды.
«Кызылординсике вести» газетінің тарихы 1930 жылдың 1 қаңтарынан бастау алады. Дәл осы күні Қызылорда қаласында «Ленинский путь» газетінің бірінші саны жарық көрді.
Бұл басылым да алғашқыда партия, кеңес және округтік комитеттердің ресми органы саналды.
Округтік комитеттің «Ленинский путь» газетінің жарыққа шығуы Қызылорда округтік комитеті партиясының бірінші хатшысы, қоғам және мемлекет қайраткері Абдолла Розыбакиевтің идеясымен жүзеге асты.
Басылымның алғашқы редакторы болып В. Клопотюк тағайындалды.
Бұл газет өз тарихында бірнеше рет жабылып, қайта ашылуымен оқырмандардың ерекше есінде қалды. Басылым алғашқы рет 1930 жылдың 15 қыркүйегінде округтердің жойылып, жаңа аудандық бөліністің пайда болуымен жабылған.
Екі жылдық үзілістен соң, 1932 жылдың 23 қазанында «Ленинский путь» газетін қайта жарыққа шығару туралы шешім қабылданады. Басылым сол уақытта не бары 250-300 данамен ғана жарыққа шығады.
1933 жылдың 2 ақпанында облыстық екі газетті ұстап тұруға қаржының жеткіліксіздігіне байланысты орыс тілді басылымды жабу туралы бұйрық шығады.
1938 жылы жаңадан құрылған облыс орталығының әкімшілігі Қызылорда қаласы болып бекітілуіне байланысты, облыстық комитеттің бюросы екі тілде газет шығаруды қолға алады. Қазақ тілінде бұрыннан жарық көріп келе жатқан «Ленин туы» газетінің атауы «Ленин жолы» болып өзгертіледі де, ал, орыс тілінде бұрын жабылып қалған «Ленинский путь» газеті қайтадан ашылады. Сол 1938 жылы «Ленинский путь» газетінің таралымы бұрын-соңды болмаған 8700 данаға жетіп, газет тек Қызылорда облысына ғана емес, Мәскеу, Ленинград, Куйбышев, Оренбург секілді қалаларға дейін тарайды. Дәл осы жылдары «Ленинский путь» газетінің атағы бүкіл КСРО-ға жайылды.
1964 жылы республикадағы әкімшілік-территориялық өзгерістерге байланысты газет уақытша жабылып, 1965 жылдың 2 наурызында қайта ашылған. Осы күні газеттің таралымы 13000 данамен таралып, «Путь Ленина» деген жаңа атаумен жарық көрді.
1975 жылы 3 маусымда газеттің 10 мыңыншы данасы жарыққа шықты. Басылым сол жылы Қазақ ССР Жоғарғы кеңесінің Құрмет Грамотасымен марапатталды.
Ал, 1980 жылдың 22 қаңтарында газеттің жарық көргеніне 50 жыл толуына орай КСРО Жоғарғы кеңесі Президиумының Жарлығымен «Путь Ленина» газеті «Құрмет белгісі» («Знак Почета») орденімен наградталды. Басылымды аталған орденмен марапаттау туралы Жарлыққа Президиум төрағасы Л. Брежнев, хатшысы М. Георгадзе қол қойған. Газеттің таралымы сол жылдары 18000 данаға дейін жеткен.
1991 жылы Қазақ елі қол жеткізген тәуелсіздікпен бірге, «Путь Ленина» газеті де еркіндікке қол жеткізіп, құлашын кеңге сермеп, жаңаша тыныстай бастады. Сол жылдың күзінде басылым атауы «Кызылординсике вести» болып өзгерді.
Ел егемендігін алып, тәуелсіз мемлекетке айналған, қай өңірге де оңайға соқпаған елең-алаң тұста облысымыздың қайта түлеп, жаңғырып, жаңаруына да газет тілшілері белсене атсалысты. Сол қиын уақыттың салмағын газет журналистері бірге көтеріп, басылымның игі дәстүрлерін сақтап қалды. Ол кезең қазір облыс тарихының жарқын беті ретінде жазылып қалғаны – газет ұжымы үшін үлкен мәртебе.
Бүгінгі таңда аталған басылым тәуелсіздік аясында өркендеген Қазақ елінің іргелі өңірі Қызылорда облысының келешегі зор, берекесі мол бүгіні мен ертеңін жаңа қырынан жазып келеді.
Бір сөзбен айтқанда, бүгінгі «Кызылординские вести» газеті – Елбасы мен Мемлекет басшысының саясатын халыққа жеткізіп отырған, айтар ойы салмақты, заманауи дизайнмен әдіптелген басылым.
<blockquote>
 Ерекше атап өтерлігі – әр жылдары басылымның атауы өзгеріп отырғанмен, қазыналы өмірдің төл газеті бір орында қайырлап, не тұралап қалған жоқ. Талай-талай шыңдалу белестерінен өтті. Қалай аталса да, халықтың көзі мен құлағы, сенімді мінбері бола білді.
</blockquote>
«Kyzylorda-news.kz» ақпарат агенттігінің ұжымы да Сыр елінің ата басылымы «Кызылординские вести» газетінің 90 жылдығымен құттықтай отырып, басылымдағы әріптестерімізге шығармашылық табыстар тілейміз!
<img src="https://kyzylorda-news.kz/wp-content/uploads/2019/11/28kv2.jpg" alt="" />
<img src="https://kyzylorda-news.kz/wp-content/uploads/2019/11/28kv3.jpg" alt="" />
<img src="https://kyzylorda-news.kz/wp-content/uploads/2019/11/28kv4.jpg" alt="" />
<img src="https://kyzylorda-news.kz/wp-content/uploads/2019/11/28kv5.jpg" alt="" />
<img src="https://kyzylorda-news.kz/wp-content/uploads/2019/11/28kv6.jpg" alt="" />
<img src="https://kyzylorda-news.kz/wp-content/uploads/2019/11/28kv7.jpg" alt="" />
<img src="https://kyzylorda-news.kz/wp-content/uploads/2019/11/28kv8.jpg" alt="" />
<img src="https://kyzylorda-news.kz/wp-content/uploads/2019/11/28kv9.jpg" alt="" />
<img src="https://kyzylorda-news.kz/wp-content/uploads/2019/11/28kv10.jpg" alt="" />
<img src="https://kyzylorda-news.kz/wp-content/uploads/2019/11/28kv11.jpg" alt="" />
<img src="https://kyzylorda-news.kz/wp-content/uploads/2019/11/28kv12.jpg" alt="" />
<img src="https://kyzylorda-news.kz/wp-content/uploads/2019/11/28kv13.jpg" alt="" />

«Кызылординские вести» газеті: қасиетті өлкенің қазыналы шежіресі (ФОТО)

<a href="https://kyzylorda-news.kz/">Kyzylorda-news.kz.</a> Уақыт деген ұлы күш тарихқа тағы бір зер салудың сәтін әкелді. Өйткені, аймақ аттас ата басылым – «Сыр бойы» газеті 90 жасқа толды.
Ғасырға жуық ғаламат кезең саралай отырсаңыз, көп дүниені көз алдыңызға жайып бермек. Бұл – Алашқа ана, талайға пана болған қасиетті өңірдің өмір бүлкілімен біте қайнасып жатқан қазыналы шежіре.
Алғашқы саны 1929 жылдың 1 шілдесінде Қызылорда қаласында жарық көрген басылым әдепкіде партия, кеңес комитеттерінің және кәсіпкерлер бюросының органы саналған. Десе де, Жаңақорған, Қармақшы, Қазалы аудандарынан хабар таратып тұрды. Ал, 1930 жылғы 101-санынан бастап біраз уақытқа дейін Қызылорда, Шиелі, Тереңөзек, Аламесек, Қармақшы, Қарсақбай, Қазалы, Арал аудандық партия, кеңес комитеттері одақтарының органына айналды.
Газеттің алғашқы редакторы – фельетонист Жиенғали Тілепбергенов. Ол кісімен кейіндері есімдері жалпақ жұртқа танылған әдебиет сыншысы, жазушы-ғалым Әуелбек Қоңыратбаев, ақын Асқар Тоқмағанбетов, Абдолла Құрманаевтар қызмет істеді. Басылымның беделі көтерілді, таралымы артты. 1932 жылдың қаңтарында газет атауы «Ленин туы» болып өзгертілді. 1938 жылы облыс құрылғаннан кейін 22 наурыздан бастап облыстық «Ленин жолы» газеті деп аталды. Оның 1939 жылдың 2 ақпанындағы №26 (239) санына редактор ретінде М.Сәтбаев қол қойған. Редакцияның мекен-жайы Қызылорда қаласындағы Дзержинский көшесі 10 үй болатын. 1939 жылдар «Ленин жолының» жаңа кезеңге аяқ басу сәттері саналады. Жоғары білімді З.Жарқынбаев, Б.Әлменов, Ж.Құлымбетов сынды қаламгерлердің қызметке келіп, шабыттарын шыңдай түсуі, басылымға өзіндік серпін әкелді. Жылдан жылға беделі артып, оқырманның рухани олжасын толықтырды. Ал, Ұлы Отан соғысы жылдарында «Барлығы да майдан үшін, барлығы да жеңіс үшін!» деген жалпыхалықтық ұранға бұл ұжымның қосқан үлесі аз емес. Сол жылдарда газет бетінде халықтық поэзия жанры кеңінен насихатталды. Халық батырлары туралы мақалалар жиі жарық көрді. Елдің рухын көтеруге аянбай қызмет жасады. Редакцияда қызмет атқаратын біршама журналистер майданға аттанды. Д.Тасекеев, А.Нұрекеев, Б.Әлменов, Ә.Жанұзақов, Қ.Алдоңғаровтар сұрапыл соғыстан абыроймен елге оралса, К.Шоматов, Ә.Аманбаев, Ә.Қарқынбаев секілді журналистер Отан үшін кеудесін оққа төседі. Соғыстан кейінгі жылдары ел еңсесін көтеруге рухани күш-жігер берген газеттің ықпалы аз болған жоқ. Сол жылдары басылым Қызылорда облыстық комитеті мен еңбекшілер депутаттарының облыстық кеңесінің органы саналды. Ол кезде газеттің әр данасы 20 тиын еді. Белгілі ақын Ә.Оңалбаев, М.Киікбаев, Ж.Шакенов. Ж.Құлымбетов, С.Алдабергенов, С.Сейтенов сынды азаматтар редакцияда қызмет етті.
Елуінші жылдардың басында газеттің хабар тарату қызметі, оның ауқымдылық өлшемі өсе бастады. Журналистер одақтағы, республикадағы, облыстағы оқиғаларды кеңінен насихаттады. Әлемде болып жатқан ТАСС хабарлары арқылы газеттің әр санында жарияланды. Облыстық деңгейдегі шараларға басымдық беріліп, ел-жұрт өңірдің тыныс-тіршілігімен кеңінен танысты. Мәселен, ауылшаруашылық жұмыстарын механикаландыру, суландыру жүйелерін реттеу, олардағы кемшіліктерді жою журналистердің жіті назарына алынды. Газетте арнаулы «Әдебиет беті» ашылып, онда жергілікті ақын-жазушылардың еңбектері жарыққа шықты. Сын мен сынаққа да көңіл аударылды. Бұл жылдарда газет оқырмандары Қ.Бөршиев, А.Қойшыбаев, Н.Есімова, М.Қарақонақова, З. Өмірбеков, Ж.Жаңабергенов, Ж.Ахметов, О.Нұрқабаев, М.Исаев, Қ.Ажаров, А.Тоқмағанбетов, Ш.Ералиев сынды қаламгерлердің мақалаларын оқып жүрді. Сол кездерде арнайы беттермен қатар «Біздің календарь» деген айдар арқылы ұлы адамдар жайлы мақалалар берілген екен. Оны Н.Гоголь атындағы пединституттың оқытушылары дайындап тұрған. Спорт тақырыбы да назардан тыс қалмай, тіпті Англияда футболдан өткен әлем біріншілігі жөнінде жаңалықтар да жазылып отырды.
1962 жылдың тамыз айында газетке&nbsp; белгілі журналист кейіннен республикалық «Социалистік Қазақстан» газетінің бас редакторы болған Ұзақ Бағаев басшылыққа келді. Ұжымда А.Құрманаев, Ш.Қайырбеков, Н.Уәлиев, Н.Оспанов, М.Сәрсенов, С.Есмаханов, А.Ержан, З.Сахиев, Д.Сапаров, Ә.Айдаров, Қ.Мырзахметұлы, Ш.Дәрмағанбетов, А.Сопыбеков, Қ.Бәкіров секілді журналистер қызмет атқарды. Олар түрлі-түрлі тақырыптарды кеңінен қамтып, қызықты репортаждар, очерктер, публицистикалық мақалалар жазды. Газеттің аудандардағы белсенді тілшілерінің саны көбейді. Осылайша «Ленин жолы» газетінің оқырман аудиториясы кеңейе түсті. Алпысыншы жылдардың соңында газетке жазылу бағасы – 6 айға 2 сом 64 тиын болып бекітілген.
Жетпісінші жылдар да газетке жаңа мазмұндық сапа әкелді. Әсіресе тілшілер еңбек адамдарымен белсене араласып, олардың өмірінен қызғылықты очерктер мен мақалалар жазды. «Малшы еңбегі – мақтаныш» деген айдар талай шопанның шынайы еңбегін әйгіледі. Мұның қабатында күрішшелер еңбегі де үзбей жарияланып тұрды. Сонымен бірге, республикада басқа облыстардың тыныс-тіршілігіне арналған беттер ұйымдастырылған. Мәселен, 1970 жылдың тамыз-қыркүйек айларында Қарағанды, Целиноград, Гурьев, Оңтүстік Қазақстан, Жамбыл облыстары жайлы арнайы бет дайындалған. Сол кезеңде айтыс өнеріне де мән беріліп, облыстық ақындар айтысында сөз қағыстырған жаңақорғандық М.Көкенов пен шиелілік Ш.Өтеевтің сөз айтысы да жарық көрген екен.
Газет редакторлығына Қалқабай Әбенов келгеннен кейін де басылым өз биігін алуға белсене қызмет ете берді. «Бұлар сендерге қызмет етеді» деген айдар түрлі мамандық иелерінің тіршілігіне үңілді. «Қала проблемасы» айдары орталықтың ойсыраған мәселелерін нысанаға алды. Редакцияның шығармашылық құрамы нығайды. Ш.Рахметбеков, А.Сәдібекұлы, А.Мәдединов, Қ.Сүйеніш. Р.Бекбергенова, Қ.Мырзахметұлы, М.Исаев, Ү.Әбшенов, Б.Омарәлиев, Қ.Әбдешов, Д.Смайылов, Ж.Түменбаев, Ә.Рахымбекұлы, Н.Байғараев, Ә.Уәлиұлы, Ә.Айдаров, Ә.Бәйменов тәрізді журналистер белсене еңбек етті. 1973 жылы редакция жаңа қонысқа көшіп, Коммунистік проспектісі (қазіргі Абай даңғылы) 60 үйге орналасты. Сол кездері газеттің таралымы 40 мың данаға жетті.
Бертін келе газет редакторы Қ.Әбеновті Нұрділді Уәлиев алмастырды. Газет өзінің таралымын одан әрі ұлғайтып, 1983 жылы 53 мың дана болды. Газетте жаңа толқын қалыптасты. Ж.Рахматулла, Қ.Сыдықов, А.Кіребаев, Ж.Ақсақалов, Ж.Әлмашұлы, О.Мақсұтұлы, Қ.Данабаев, Н.Рахмет, С.Бихожа, М.Нұрханов, А.Қарабалаев сынды алғыс журналистер жұмыс істеді. Ал, Ш.Дәрмағанбетов, Ү.Әбшенов, Қ.Ысмайылов, Р.Жарылқасынов тәрізді тәжірибелі мешікті тілшілер аудан өмірінен үзбек мақалалар жолдап тұрды.
Сексенінші жылдардың соңында Кеңес Одағының сетіне бастағаны мәлім. Талай жыл Одақтың қарарларын басып, әбден мезі болған мемлекеттік басылымдар да енді еркіндікке қол жеткізе бастады. Осындай өзгерістер тұсында, мәселен, 1989 жылы газет 65450 данамен тараған екен.
&nbsp;1991 жылы ел Тәуелсіздікке қол жеткізді. Сол жылдың 20 сәуірінде белгілі ақын, журналист Әскербек Рахымбекұлы газет редакторлығына тағайындалды. Тәуелсіздікпен бірге газет өзінің байырғы «Сыр бойы» атауын қайта иеленді. Жаңа қоғамның қалыптасу кезеңінде басылым бетінен жаңалықтарға көп орын беріліп, ұжым үлкен белсенділікпен қызмет етті.
1996 жылдың басында белгілі журналист-жазушы Жақсылық Рахматулла бас редакторлық қызметке кірісті. Республика, облыс өңіріндегі маңызды оқиғалар, жедел хабарлар газет бетінен орын алды. Сол уақыттағы сұраныстарға сай газет жанынан қосымша басылымдар шығарылды. 1998 жылдың қарашасынан газет компьютерлік терімге көшті. Редакцияға жас толқын өкілдері келді. Д.Аяшұлы, Қ.Әбдуов, А.Тұңғышбаева, Ә.Үмбет секілді журналистер қызмет ете бастады.
Жаңақорған, Шиелі аудандарында Н.Елтай, Арал, Қазалы аудандарында Ж.Жақып меншікті тілші қызметін атқарды.
Жаңа ғасырдың жаңашыл сұраныстарына облыстық басылым өз дәрежесінде үн қосып, қоғам мен билік арасындағы алтын көпір арқауын сәтті сабақтастыра алды. 2008 жыл мен 2018 жыл аралығында газетке Серік Пірназар, Жолдасбек Ақсақалов, Нұрболат Аманжолов және Жұматәлі Әбдіраман бас редакторлық етті. Ал, 2010 жылы «Сыр медиа» ЖШС құрамына енді. Жаңа құрылымға сол кезден бастап Аманжол Оңғарбаев жетекшілік етіп келеді.
Аймақта мемлекеттік ақпараттық саясатты жүргізудің тың тәсілі бүгінде өз жемісін беріп отыр. 2013 жылы серіктестік жаңа Шығармашылық үйіне көшті. Қаламгерлер үшін ерекше сый болған еңселі ғимаратқа қазақтың біртуар перзенті Темірбек Жүргеновтің есімі берілсе, сол жылдың басында аймақтағы барлық аудандық ресми басылымдар серіктестік құрамына бірікті. Қазірде «Сыр Медиа» ЖШС өзіне қарасты газеттерді жаздыру, тарату қызметін қатар жүргізіп келеді. Әрине, тоқсан жылдық тарих аз дүниенің ауқымы емес. Ең бастысы, Тәуелсіздікпен бірге «Сыр бойы» атауын иеленген аймақтың ата басылымы дәстүрлі жолы,басты ұстанымынан айнымақ емес. Ол – егемен елдің бірлігі мен ынтымағы, қасиетті өңірдің жарқын жетістігі жолындағы қалам қуаты.
«Kyzylorda-news.kz» ақпарат агенттігінің ұжымы да Сыр елінің ата басылымы «Сыр бойы» газетінің 90 жылдығымен құттықтай отырып, басылымдағы әріптестерімізге шығармашылық табыстар тілейміз!
<img src="https://kyzylorda-news.kz/wp-content/uploads/2019/11/28sb2.jpg" alt="" />
<img src="https://kyzylorda-news.kz/wp-content/uploads/2019/11/28sb3.jpg" alt="" />
<img src="https://kyzylorda-news.kz/wp-content/uploads/2019/11/28sb4.jpg" alt="" />
<img src="https://kyzylorda-news.kz/wp-content/uploads/2019/11/28sb5.jpg" alt="" />
<img src="https://kyzylorda-news.kz/wp-content/uploads/2019/11/28sb6.jpg" alt="" />
<img src="https://kyzylorda-news.kz/wp-content/uploads/2019/11/28sb7.jpg" alt="" />
<img src="https://kyzylorda-news.kz/wp-content/uploads/2019/11/28sb8.jpg" alt="" />
<img src="https://kyzylorda-news.kz/wp-content/uploads/2019/11/28sb9.jpg" alt="" />
<img src="https://kyzylorda-news.kz/wp-content/uploads/2019/11/28sb10.jpg" alt="" />
<img src="https://kyzylorda-news.kz/wp-content/uploads/2019/11/28sb11.jpg" alt="" />
<img src="https://kyzylorda-news.kz/wp-content/uploads/2019/11/28sb12.jpg" alt="" />
<img src="https://kyzylorda-news.kz/wp-content/uploads/2019/11/28sb13.jpg" alt="" />
<img src="https://kyzylorda-news.kz/wp-content/uploads/2019/11/28sb14.jpg" alt="" />
<img src="https://kyzylorda-news.kz/wp-content/uploads/2019/11/28sb15.jpg" alt="" />
<img src="https://kyzylorda-news.kz/wp-content/uploads/2019/11/28sb16.jpg" alt="" />

«Сыр бойы» газеті: әр парағы – жасампаз өңірдің жарқын жылнамасы (ФОТО)

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Қуанышбек Ысқақов Батыс Тұзкөл кен орнында орналасқан,&nbsp; жалпы қуаты 16,5 МВт құрайтын электр станциясының ашылу салтанатына қатысты.
Батыс Тұзкөл кен орнындағы газ турбиналық электр станциясына&nbsp; тапсырыс беруші мекеме «Тузколь Мунай Газ Оперейтинг» ЖШС мен «Петро Казахстан инк» компаниялары. Бас мердігер «Транс Азия Констракшн» ЖШС мекемесі. Электр станцияның құрылысы 2018 жылдың 5 желтоқсанында басталған. Газ турбиналы&nbsp; электростанциясының жиынтық қуаты 16,5 МВт.
Аймақ басшысы барша сала мамандарын жаңа жобаның жүзеге асырылуымен құттықтап, осы ірі жобаны жүзеге асырушыларды облыс әкімінің Алғыс хатымен марапаттады.
<blockquote>
 &nbsp;«Мұнайдың&nbsp; өндіріле бастағанына ғасырдан астам уақыт болды. Ал, қара алтынды өндіру, игеру Сыр өңірінде қолға алынғанына ширек ғасырдан асты. Осы мерзім ішінде аймағымызда мұнайды игерумен оннан аса шетелдік компания айналысып келеді. Бұл өз кезегінде жергілікті мыңдаған тұрғынға жұмыс көзі болып отыр. Мұның сыртында қаншама сервистік компаниялар оларға қызмет көрсетеді. Сондай-ақ,облыс тайқазанына түсетін салық көлемінің артуына да үлесін тигізді.&nbsp; Осылайша, «қара алтыннан» түсетін қыруар қаржы есебінен аймақтың әлеуметтік-экономикалық әлеуеті артып, бір ғана Қызылорда қаласы соңғы жылдары көркейіп, өзгерді. Компаниялардың әлеуметтік жауапкершілігі негізінде атқарылып жатқан істер мақтауға тұрарлық»-, деді облыс әкімі Қуанышбек Ысқақов.
</blockquote>
Сонымен қатар, аймақ басшысы кен орнындағы жұмысшылардың жағдайымен танысып, жатын орын, асхана, өрт сөндіру депосын аралап көрді.
<img src="https://kyzylorda-news.kz/wp-content/uploads/2019/11/27akimattan2.jpg" alt="" />
<img src="https://kyzylorda-news.kz/wp-content/uploads/2019/11/27akimattan3.jpg" alt="" />
<img src="https://kyzylorda-news.kz/wp-content/uploads/2019/11/27akimattan4.jpg" alt="" />

Қызылордада газ трубиналық электр станциясы іске қосылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Дарын» мемлекеттік жастар сыйлығының иегерлері анықталды. Олардың қатарында қызылордалық спортшылар да бар.
ҚР Үкіметінің 2019 жылғы 22 қарашадағы №868 қаулысымен Қазақстан Республикасы Үкіметінің 2019 жылғы «Дарын» мемлекеттік жастар сыйлығын берілді.
Айта кетерлігі, сыйлық жемісті ғылыми, шығармашылық, қоғамдық қызметі, сондай-ақ жоғары спорттық жетістіктері үшін жастарға беріледі.
«Эстрада» номинациясы бойынша
Әділхан Құрманғалиұлы Макин – Қазақстан Республикасының Мәдениет және спорт министрлігі «Т.Қ. Жүргенов атындағы Қазақ ұлттық өнер академиясы» республикалық мемлекеттік мекемесінің 3-курс студенті
Марат Төреханұлы Айтімбай – Қазақстан Республикасының Мәдениет және спорт министрлігі «Қазақконцерт» мемлекеттік концерттік ұйымы» республикалық мемлекеттік қазыналық кәсіпорнының солисі, конферансье «Классикалық музыка» номинациясы бойынша
Данара Ерұланқызы Мұсахан – Қазақстан Республикасы Мәдениет және спорт министрлігінің «Құрманғазы атындағы Қазақ ұлттық консерваториясы» республикалық мемлекеттік мекемесі «Музыкатану және композиция» кафедрасының аға оқытушысы, философия докторы (PhD)
&nbsp;Әзімбек Қалдыбекұлы Жамбаев – Қазақстан Республикасының Мәдениет және спорт министрлігі «Қазақ ұлттық өнер университеті» республикалық мемлекеттік мекемесінің 1-курс магистранты
«Халық шығармашылығы» номинациясы бойынша
Мейірбек Бектұрсынұлы Сұлтанхан – айтыскер
Жарас Болатұлы Сатыбалдиев – «Батыс Қазақстан облысы мәдениет басқармасының Ғ. Құрманғалиев атындағы облыстық филармониясы» мемлекеттік коммуналдық қазыналық кәсіпорнының әртісі, дирижер
«Әдебиет» номинациясы бойынша
&nbsp;Жадыра Төкенқызы Байбұланова – «Хабар агенттігі» акционерлік қоғамы «Хабар 24» телеарнасының редакторы
&nbsp;Бекзат Болатжанұлы Смағұлов – Қазақстан Республикасы Мәдениет және спорт министрлігінің Мәдениет және өнер істері департаменті музыка өнері басқармасының сарапшысы
«Театр және кино» номинациясы бойынша
Алтынгүл Ерболқызы Серкебаева – Нұр-Сұлтан қаласы әкімдігінің «Қ. Қуанышбаев атындағы Мемлекеттік академиялық қазақ музыкалық драма театры» мемлекеттік коммуналдық қазыналық кәсіпорнының актрисасы
Аян Өмірәлі Өтепберген – Қазақстан Республикасының Мәдениет және спорт министрлігі «М. Әуезов атындағы Қазақ мемлекеттік академиялық театры» республикалық мемлекеттік қазыналық кәсіпорнының актері
&nbsp;«Спорт» номинациясы бойынша
Элизабет Байтаққызы Тұрсынбаева – мәнерлеп сырғанаудан 2019 әлем вице-чемпионы, Төрт құрлық чемпионатының күміс жүлдегері, қысқы Универсиада-2019 күміс жүлдегері
Қамшыбек Бисенбайұлы Қоңқабаев – Қазақстан Республикасының еңбек сіңірген спорт шебері, Әлем чемпионатының екі дүркін күміс жүлдегері (2017, 2019), Азия чемпионатының екі дүркін күміс жүлдегері (2017, 2019), бокстан Қазақстан Республикасы құрамасының капитаны
«Дизайн және бейнелеу өнері» номинациясы бойынша
Айжан Қуанышәліқызы Жүзбай – «Жүзбай дизайн» жауапкершілігі шектеулі серіктестігінің директоры, бас дизайнер, «Қазақ сән қауымдастығы» заңды тұлғалар бірлестігінің президенті
Сырым Еламанұлы Мүсіреп – Қазақстан Республикасының Мәдениет және спорт министрлігі «Қазақ ұлттық өнер университеті» республикалық мемлекеттік мекемесінің «Мүсін» мамандығы бойынша 4-курс студенті «Журналистика» номинациясы бойынша
Мырзабек Нағашыбекұлы Түсіпов – «Хабар» агенттігі» акционерлік қоғамының «Хабар» телеарнасы бағдарламалар өндірісі бөлімінің редакторы
Айбек Серікұлы Тасқалиев- Ақтөбе облыстық қоғамдық-саяси «Ақтөбе» газетінің тілшісі «Қоғамдық қызмет» номинациясы бойынша.
Нұрсұлтан Құдайбергенұлы Ибрагимов – «Қазақстан Республикасы Ұлттық спорт қауымдастығы» заңды тұлғалар бірлестігінің бас хатшысы.
&nbsp;Түстікбаев Ілияс Нұрболұлы – «Қазақстанның студенттер альянсы» республикалық студенттік қозғалысы» қоғамдық бірлестігінің президенті.
«Ғылым» номинациясы бойынша
Қанат Нұрлан – Қазақстан Республикасы Үкіметінің Өкілетті өкілінің бағыты бойынша «Біріккен ядролық зерттеулер институты» халықаралық үкіметаралық ұйымын Н. Н. Боголюбов атындағы теориялық физика зертханасының кіші ғылыми қызметкері.
Ерасыл Ерланұлы – Қазақстан Республикасының Білім және ғылым министрлігі «әл-Фараби атындағы Қазақ ұлттық университеті» коммерциялық емес акционерлік қоғамының Физика-техникалық факультеті плазма физикасы, нанотехнология және компьютерлік физика кафедрасының 2-курс PhD докторанты.
Еске сала кетсек, Қазақстан Республикасы Үкіметінің «Дарын» мемлекеттік жастар сыйлығының 2019 жылға арналған мөлшері әр номинация бойынша 600 мың теңге сомасында белгіленген.

Қызылордалық спортшылар «Дарын» мемлекеттік жастар сыйлығының иегері атанды

<a href="https://kyzylorda-news.kz/">Kyzylorda-news.kz.</a> Үш жылдан астам уақыттан бері өңірімізде «Болат Өтемұратов жеке қоры» «Асыл Мирас» аутизм орталығы, аутистік спектрі бұзылған балаларға ақысыз негізде қызмет көмек көрсетуде.
Орталықта аутистік спектрдің бұзылуын (АСБ) анықтаудың өзіндік «ADOS-2» диагностикалық әдістемесі бар. Қажет болған жағдайда түзету көмегіне арналған түрлі бағдарламалармен жұмыс жасайды. Орталықтың әр маманы күнделікті балалардың үлгерімін есепке алып, бақылап отырады. Диагностикадан өту үшін анықтама немесе жолдама қажет емес, кез келген ата-ана Орталықтың көмегіне жүгіне алады.
Еске сала кетейік, бұған дейін <a href="https://kyzylorda-news.kz/kogam/oezderining-boelek-aelemi-bar-awtizm-dertine-shaldyqqan-qyzylordalyq-balalardyng-oemiri-twraly-ne-bilemiz-foto-32946/">«Өздерінің бөлек әлемі бар»: Аутизм дертіне шалдыққан қызылордалық балалардың өмірі туралы не білеміз?»</a> атты мақаламызда аутизм құбылысы және «Асыл мирас» орталығы туралы жазған болатынбыз.
«Асыл Мирас» аутизм орталығының мекен-жайы: Күләш Байсейітова көшесі, 113а.
Байланыс: +7 771 993 4194, 8(7242) 26 – 44 – 88

Қазақстан және Қызылорда облысының жаңалықтары: Басты жаңалықтар old

Жұлдыздар не дейді?

30 қараша: Атаулы күндер мен оқиғалар

Жұлдыздар не дейді?

Қорқыт Ата атындағы Қызылорда мемлекеттік университетінде «Парасаттылық мектебі» ашылды

Қызылордада сыбайлас жемқорлыққа қарсы қызметтің “Сервистік орталығы” ашылды

Қырымбек Көшербаев қос басылымның мерейтойымен құттықтады

Қызылордада қайырымдылық жасаушылар мен меценаттардың III облыстық форумы өтті

«Кызылординские вести» газеті: қасиетті өлкенің қазыналы шежіресі (ФОТО)

«Сыр бойы» газеті: әр парағы – жасампаз өңірдің жарқын жылнамасы (ФОТО)

Қызылордада газ трубиналық электр станциясы іске қосылды

Қызылордалық спортшылар «Дарын» мемлекеттік жастар сыйлығының иегері атанды

«Асыл мирас» аутизм орталығы ақысыз негізде қызмет көмек көрсетуде

Қазақстан және Қызылорда облысының жаңалықтары: Басты жаңалықтар old

Жұлдыздар не дейді?

30 қараша: Атаулы күндер мен оқиғалар

Жұлдыздар не дейді?

Қорқыт Ата атындағы Қызылорда мемлекеттік университетінде «Парасаттылық мектебі» ашылды

Қызылордада сыбайлас жемқорлыққа қарсы қызметтің &#8220;Сервистік орталығы&#8221; ашылды

Қырымбек Көшербаев қос басылымның мерейтойымен құттықтады

Қызылордада қайырымдылық жасаушылар мен меценаттардың III облыстық форумы өтті

«Кызылординские вести» газеті: қасиетті өлкенің қазыналы шежіресі (ФОТО)

«Сыр бойы» газеті: әр парағы – жасампаз өңірдің жарқын жылнамасы (ФОТО)

Қызылордада газ трубиналық электр станциясы іске қосылды

Қызылордалық спортшылар «Дарын» мемлекеттік жастар сыйлығының иегері атанды

«Асыл мирас» аутизм орталығы ақысыз негізде қызмет көмек көрсетуде

Қызылордада сыбайлас жемқорлыққа қарсы қызметтің “Сервистік орталығы” ашылды