<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақов Тәуелсіздік күні қарсаңында Сырдария өзенінің сол жағалауында орналасқан кредиттік көпқабатты салынған тұрғын үйлердің кілттерін салтанатты түрде табыстады. Бұл көпқабатты&nbsp; тұрғын үйлер «Нұрлы-Жер» бағдарламасы аясында салынған.
Соңғы жылдары Қызылордада 15 жаңа шағын аудан бой көтеріп, 7 мыңнан астам қызылордалық баспаналы болды. Айта кетейік, жыл басынан бері 1000 жуық пәтердің кілті табысталды.&nbsp; Тұрғын үйлердің жалпы ауданы – 10 мың 900 шаршы метр. Облыста жүзеге асқан құрылыс жұмыстарының 31,4 пайызы – Қызылорда қаласының үлесінде. Сол жағалаудағы жаңа қалада республикалық, облыстық бюджеттерден 820 пәтерлік 16 көпқабатты арендалық тұрғын үй мен 830 пәтерлік 17 көпқабатты кредиттік тұрғын үйдің құрылыстары жүргізілуде. Қаржыландырудың барлық көздері есебінен есепті мерзімде жалпы ауданы 381 мың 308 шаршы метр тұрғын үй пайдалануға берілді. Бұл өткен жылмен салыстырғанда&nbsp; 124,3 пайызға артқан.
Облыс әкімі Қуанышбек Ысқақов жаңа қоныс иелерін құттықтап, жылы лебізін жеткізді.
<blockquote>
 “Бүгін 60 пәтерлік көпқабатты 4 тұрғын үйдің кілттерін табыстағалы тұрмыз. Сүйікті қаламызда жаңа нысандарды&nbsp; салып, сол жағалауда жаңа қала салу идеямызға қолдау көрсетіп,алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындары атынан алғысымды айтамын. Құрметті жерлестер! Қоныс тойларыңыз құтты болсын! Қуаныштарыңыз көбейе берсін”,- деді облыс әкімі Қуанышбек Ысқақов.
</blockquote>
Бүгін үйлі болғандардың басым бөлігі жас отбасылар.Олардың ішінде дәрігерлер мен ұстаздар, құқық қорғау саласының қызметкерлеріде бар.Үйлі болған қызылордалықтар да қуаныштарымен бөлісіп,лебіздерін айтты.
Жаңа тұрғын үйге қоныстанушыларға ҚР еңбегі сіңген құрылысшысы, құрылыс саласының ардагері, қаланың Құрметті азаматы Ж.Оразбаев батасын берді.
<img src="https://kyzylorda-news.kz/wp-content/uploads/2019/12/13akimatui2.jpg" alt="" />
<img src="https://kyzylorda-news.kz/wp-content/uploads/2019/12/13akimatui3.jpg" alt="" />
<img src="https://kyzylorda-news.kz/wp-content/uploads/2019/12/13akimatui4.jpg" alt="" />

Қызылордада 240 отбасы баспаналы болды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордалық кәсіпкер Мұрат Сәрсенбаев екі бірдей ерекше марапаттың иесі атанды.
ҚР Президенті Қасым-Жомарт Тоқаевтың Жарлығымен:Мемлекеттік және қоғамдық қызметтегі сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін қызылордалық «Абай Дәулет» ЖШС директоры Мұрат Абайұлы Сәрсенбаев «Құрмет» ордені мемлекеттік наградасымен наградталды.
Мұнан өзге, кәсіпкер ҚР Ақпарат және қоғамдық даму министрлігі «Рухани жаңғыру» бағдарламасының «Туған жер» арнайы жобасын іске асыру мақсатында ұйымдастырған «Жомарт жүрек» сыйлығының “ЖЫЛ МЕЦЕНАТЫ” номинациясы бойынша&nbsp; лауреат атанды.
Қайырымдылық демеу көрсету аясында «АбайДәулет» ЖШС компаниясымен жыл сайын жетім балаларға, көп балалы отбасыларға, зейнеткерлерге, басқа да мұқтаж жандарға қомақты қаржылық көмек көрсетілуде.
Жалпы, «АбайДәулет» компаниясы әлеуметтік жауапкершілік пен әлеуметтік саясатты қалыпты жүргізуді бизнесті дамытудың ұзақ перспективадағы негізгі талабы деп қарастырады. Әлеуметті сала мен күріш өңдейтін ауылдарды дамыту компанияның басым бағыттарының бірі болып табылады.&nbsp;&nbsp;
Серіктестіктің негізгі міндеттері – әлеуметтік инфрақұрылымды қайта салу және дамыту, абаттандыру және көркейту, кадрларды дайындау, денсаулық сақтау мен спорт салалары, шағын және орта бизнесті дамыту. &nbsp;
2018 жылы «Абай Даулет» ЖШС-нің негізін қалаушы құрылтайшылардың шешімі бойынша түрлі бағыттардағы жобалар іске асырылған.
Атап айтқанда, Сырдария ауданына қарасты Бесарық ауылына абаттандыру, көгалдандыру, аялдама салу шаралары қабылданып, ауылдағы мәдениет үйіне, балабақшаға күрделі жөндеу жұмыстары жүргізіліп, балалар үшін ұлттық киімдер, жаңа оқу жылына мектепке құрал-жабдықтар алынды. Мұнан өзге, Сырдария ауданына қарасты Бесарық, Тоқмағанбетов, Сейфуллин ауылдарының балалары үшін ағылшын тілі орталықтары ұйымдастырылып, Ульсана Ұлттық Университетінде студенттер оқытылуда.
Спорт компанияның қайырымдылық бағыттарының бірі болып табылады. Компания тұрақты түрде Қызылорда қаласындағы және Бесарық ауылдық округіндегі спорт үйірмелеріне қаржылай қолдау көрсетіп келеді, және де жыл сайын жаңадан қосымша спорт орталықтарын ашуда.&nbsp; Сырдария ауданы Бесарық ауылында – «Бокс», «Таэквондо», «Дзюдо» секциялары, Қызылорда қаласында – Қ.Мұхамеджанов атындағы мектеп-гимназиясында және №253 орта мектепте «Таэквондо» секциялары ашылды. &nbsp;
Сонымен қатар, компания Қармақшы ауданына қарасты ІІІ-Интернационал ауылына қомақты қаржы салып, ауылды абаттандырды, көгалдандырды, қырман мен көлікжайды жөндеп, жарықтандыру орнатты, балаларға арналған ойын алаңын салып, тұрмысы төмен отбасыларға көмек көрсетті.
М.Сәрсенбаевтың басшылығымен және тікелей қатысуымен «Абай Дәулет» ЖШС-гі қалдықсыз өнім өндіру жүйесіне көшті. Бұрын күріш қауызын арнайы құрал болмағандықтан тастауға мәжбүр болған мекеме бүгінде бұл мәселенің де шешімін тапты.
«Абай Дәулет» ЖШС-і Қызылорда қаласындағы 10 жыл бойы қараусыз қалған зауытты күрделі жөндеуден өткізіп, іске қосқан. Алғашында 7-8 адам жұмыс жасайтын зауыттың жұмысшыларының саны бүгінде 100-ге жеткен.
<img src="https://kyzylorda-news.kz/wp-content/uploads/2019/12/13gosnagrada2.jpg" alt="" />

Қызылордалық кәсіпкер мемлекеттік «Құрмет» орденіне ие болды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда облыс әкімі Қуанышбек Ысқақовтың қатысуымен ҚР мәслихаттарының 25 жылдығына арналған “Жергілікті өкілді орган-мәслихаттардың өңір дамуындағы орны мен рөлі” тақырыбында&nbsp; ғылыми-практикалық конференция өтті.
Конференция жұмысына облыстық мәслихаттың бұрынғы хатшылары, ардагерлер, облыстық мәслихаттың 1-6 шақырылым депутаттары, аудандық мәслихаттардың 1-6 шақырылым хатшылары, ғалым-ұстаздар&nbsp; қатысты.
Мәслихаттар институтының негізі 1993 жылы желтоқсанда «Қазақстан Республикасының жергілікті өкілді және атқарушы органдары туралы» Қазақстан Республикасы Заңының негізінде қаланды. Осыған орай, 1994 жылдың наурызынан бастап оған дейін жергілікті мәслихаттар қызметін атқарып келген облыстық, қалалық, аудандық кеңестердің уәкілеттілігі өкілді орган – мәслихаттарға берілді.
Конференция ашылуында «Жергілікті өкілді орган – мәслихаттардың өңір дамуындағы орны мен рөлі», «Халықтың өмір сүруін қамтамасыз етудегі жергілікті өкілді басқарудың рөлі мен маңызы», «Мәслихаттар мен қоғамдық кеңестер – өзін өзі басқару жүйесінің негізі»&nbsp; тақырыптарында баяндамалар тыңдалды.
<blockquote>
 “Мәслихат халық пен билік арасындағы алтын көпір бола отырып, өздерінің өкілеттік шеңберінде көптеген өзекті мәселелерді, қиын түйткілдерді, қордаланып қалған проблемаларды шешуге ықпал етті. Тәуелсіздікпен бірге толысып, билік буынымен берік, ел-жұртпен етене қызмет атқарып келе жатқан мәслихаттарға биыл 25 жыл толып отыр. Бұл тарих үшін қас қағым сәт болуы мүмкін. Алайда, өткен күндердің өлшемімен қарағанда осы уақыт аралығында халық игілігі үшін қаншама қыруар тірлік атқарылғанын аңғару қиын емес”,- деді облыс әкімі Қуанышбек Ысқақов.
</blockquote>
Сонымен қатар, конференция барысында&nbsp; аймақ басшысы Қуанышбек Досмайылұлы бірқатар халық қалаулыларын “Nur Otan” партиясының “Белсенді қызметі үшін” төс белгісімен, “Құрмет грамотасымен”, және ” Алғыс хаттармен” марапаттады.
<img src="https://kyzylorda-news.kz/wp-content/uploads/2019/12/13maslikhat2.jpg" alt="" />
<img src="https://kyzylorda-news.kz/wp-content/uploads/2019/12/13maslikhat3.jpg" alt="" />

Қуанышбек Ысқақов: Мәслихат халық пен билік арасындағы алтын көпір

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін облыс әкімі Қ.Ысқақовтың қатысуымен “Үлгілі ауыл” байқауы қорытындыланды. Байқау екі кезеңнен тұрады. Бірінші кезең – аудан (қала) ішілік, екінші кезең – облыстық. Облыстық комиссия аудан, қала әкімдіктері ұсынған ауылдық округтердің құжаттарымен танысып, бағалап, үздік ауылды анықтады.
Байқаудың мақсаты – жұртшылықтың қоршаған ортаны қорғау мен орнықты даму мәселелерiн шешуге жан-жақты қатысуын қамтамасыз ету. Айта кетейік, бұл шара республика бойынша тек Қызылорда облысында дәстүрлі түрде өткізіліп келеді. Оның басты ережесі тірек ауылдық елді мекендер арасында екі санат бойынша сондай-ақ, көгалдандыру, абаттандыру жұмыстарымен және санитарлық тазалықтың жай-күйі бойынша бағаланды.
<blockquote>
 “Ауылдардың жағдайын жақсартып, ауыл халқының тұрмысын көтеру үшін «Ауыл – Ел бесігі» жобасы қарқынды жұмыс істеуде. Елбасының тікелей бастамасымен қолға алынған жоба шеңберінде елді мекендерді дамытуға бағытталған ауқымды істер жүргізілуде. «Ауыл – Ел бесігі» арнайы жобасын жүзеге асыруға 2019 жылы аймағымызда 1,9 млрд.теңге, оның ішінде республикалық бюджеттен 1,7 млрд. теңге қаралды . 2020 жылға «Ауыл – Ел бесігі» арнайы жобасын іске асыруға 1,6 млрд.теңгеге 4 елді мекен бойынша 31 жоба іріктелді. Сонымен қатар, бүгін жеңімпаз болып танылған ауылдық округтерге берілген қаржылай сыйақының 80 пайызы сол ауылдың көркейіп-көгалдануына, абаттануына, санитарлық тазалығына жұмсалуы тиіс”,- деді облыс әкімі Қ.Ысқақов.
</blockquote>
Байқауға барлығы 8 елді мекен оның 7 тіректі елді мекен қатысты.
Тіректі елді мекендер бойынша жеңімпаздар: 1 орын- Интернационал (10 млн.теңге), 2 орын- Аққұм(7,5 млн.теңге), 3 орын- Ақжарма (5 млн.теңге). Ал елді мекендер бойынша жеңімпаздар: 1 орын- Таң(10 млн.теңге), 2 орын- Гигант(7,5 млн.теңге), 3 орын- Қожакент ауылы(5 млн.теңге). Ынталандыру сыйлығын Қазалы ауданындағы Қарашеңгел (Жалаңтөс Баһадүр) мен Өркендеу (Жанкент) ауылдары иеленді. Сыйақысы (2 млн.теңге).
<img src="https://kyzylorda-news.kz/wp-content/uploads/2019/12/12yzdikaul2.jpg" alt="" />

Қызылорда облысының үздік ауылы анықталды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бүгін облыс әкімі Қ.Ысқақовтың төрағалығымен облыстық маслихаттың кезекті 40 сессиясы өтті.
Күн тәртібінде 23 мәселе қаралды. Оның ішінде 2020-2022 жылдарға арналған облыстық бюджет жобасын қалыптастыру, Арал, Шиелі, Жаңақорған аудандарында құрылысы жоспарланған жобаларға мемлекеттік-жекешелік әріптестік бойынша мемлекеттік міндеттемелерді қабылдау және т.б мәселелері талқыланып, жыл көлемінде атқарылған жұмыстар қорытындыланды.
Аймақ басшысы облыс бюджетінде нақты қай салаларға басымдық берілетіні туралы айтты. Сонымен қатар, негізгі күш халықтың әл-ауқатын жақсартуға жұмсалатынын жеткізді.
<blockquote>
 “2020-2022 жылдарға арналған облыстық бюджет жобасын қалыптастыру барысындағы басты міндет халықтың әл-ауқатын жақсарту, оның ішінде азаматтардың барлық өтініш-тілектерін жедел әрі тиімді қарастыратын “Халық үніне құлақ асатын мемлекет” тұжырымдамасын іске асыру болып табылады. Сонымен қатар, алдағы үш жылдық кезеңге арналған бюджетті қалыптастыру процесінде көзделген қаражаттың 50% кем емесін азаматтардың өзекті әлеуметтік проблемаларын шешуге бағыттау туралы Мемлекет басшысы Қасым-Жомарт Кемелұлы Тоқаевтың тапсырмасы басшылыққа алынды. Әлеуметтік саланың шығыстары 2020 жылға жалпы шығындар көлемінің 50 пайыздан кем емес жоспарланды”,- деді облыс әкімі Қ. Ысқақов.
</blockquote>
2020-2022 жылдарға арналған жергілікті бюджеттің ерекшелігі – 2020 жылдың 1 қаңтарынан бастап үкімет пен өңірлер арасындағы бюджетаралық қатынастар аясында шағын және орта бизнестен алынатын корпоративтік табыс салығы жергілікті бюджеттерге беріледі. Енді жергілікті органдар кәсіпорындардың санын ұлғайтуға және өндірісті кеңейтуге мүдделі болуы тиіс. Яғни, жергілікті шағын және орта бизнесті дамытуға жақсы ынталандыру болады, бұл өңірді дамытуға және халықтың қажеттілігіне көбірек қаржы бөлуге мүмкіндік береді.
<blockquote>
 “Өңірдің орта мерзімді кезеңге қойылған әлеуметтік – экономикалық даму міндеттерін ескере отырып, үш жылға арналған облыстық бюджет шығыстарының басымдықтары ретінде қорғаныс, қоғамдық қауіпсіздік, білім, денсаулық, әлеуметтік қамсыздандыру, мәдениет, ауылшаруашылығы, кәсіпкерлік салаларына берілетін болады”,- деді аймақ басшысы.
</blockquote>
<img src="https://kyzylorda-news.kz/wp-content/uploads/2019/12/12akimatsessiya2.jpg" alt="" />

Қызылорда облысында бюджеттің 50 % әлеуметтік салаға жұмсалады

<a href="https://kyzylorda-news.kz/">Kyzylorda-news.kz.</a> Қызылорда облысында қуаты жылына 197,1 мың тонна шыны өндіретін зауыт 2020 жылдың шілде айында іске қосылады. Бұл туралы Өңірлік коммуникациялар қызметінің ақпарат алаңында «Orda Glass Ltd» ЖШС-нің басқарма төрағасы Ержан Сағынбаев мәлімдеді.
<blockquote>
 “Қазіргі таңда құрылыс жұмыстарына 11 мердігер компаниядан 219 жұмысшы жұмылдырылды.Құрылыс заттарының басым бөлігі жергілікті жерден алынып жатыр. Жұмысшыларға да бар жағдай жасалған. Зауыт&nbsp;толық іске қосылғанда 160 адам жұмыспен қамтылады.Сонымен қатар, шыны зауытының құрылысына бас мердігер ретінде Чайн Триумф Интернешнл Инжиниринг қытайлық трансұлттық компаниясы тартылды.Үстіміздегі жылдың 4 желтоқсанында серіктестік өкілдерінің “StewartEngineers” вице-президенті Волтером Дениэлмен кездесуі өтті. Нәтижесінде, екі тарап ортақ шешімге келді”,- деді Ержан Сағынбаев.
</blockquote>
Мұнан өзге, шыны зауытын газ және сумен жабдықтау, электр желілерін, автожол және байланыс орнату үшін жұмыстар жүргізілуде.

Қызылордада 2020 жылы шыны зауыты іске қосылады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Үкіметке Сексеуіл кентінде теміржолды кесіп өтіп мектепке баратын оқушылардың мәселесін шешуді тапсырды.
<blockquote>
 «Egemen Qazaqstan» газетіндегі «Темір жолды жағалап топ бала жүр» атты мақаладан Сексеуіл кентінде 360 бала күнделікті мектепке бару үшін 13 рельсті кесіп өтетінін оқыдым. Бұл – өте өзекті мәселе. Оны шешу үшін Үкімет нақты шаралар қабылдауы қажет», деп жазады Президент <a href="https://twitter.com/TokayevKZ/status/1204775721790513152">Twitter</a>-дегі парақшасында.
</blockquote>
Қызылорда облысының Арал ауданындағы Сексеуіл кенті – темір жол бойындағы ірі тораптық стансаның бірі. Станса арқылы өтетін «Бейнеу – Жезқазған» темір жолы пайдалануға берілгелі бері мұндағы халық саны да өсті.
<blockquote>
 «Сексеуіл арқылы ірі темір жол торабы өтеді. Кенттегі 3 мек­тептің (№87, 31 және 177 мектеп) барлығы кенттің негізгі бөлігінде орналасқандықтан, жаңа ауданда тұратын 360 оқушы сабаққа келу үшін күнде 13 рельсті кесіп өтеді. Мұның ойын баласы үшін қауіпті екені айтпаса да түсінікті. Әрі 3 мектептегі бала саны да шамадан тыс көбейді», делінген аталмыш мақалада.
</blockquote>

Қасым-Жомарт Тоқаев Сексеуіл кентінде мектепке теміржолдан өтіп баратын оқушылар мәселесін шешуді тапсырды

<a href="https://kyzylorda-news.kz/">Kyzylorda-news.kz.</a> Кәсіпкер Айнұр Қожагелдиева аталған сауда үйін&nbsp; салуға бекінгенде алдында осыншалықты қиындық кездеседі деп ойламады да. Сауда нарығында 20 жылдық тәжірибесі бар кәсіпкер тауарларын жалға алған орында емес, өз нысанында сатуды ұйғарып, қала аумағынан жеке адамнан жер телімін, дайын эскиздік жобасымен бірге сатып алады. Алайда аталмыш аумақта құрылыс жұмыстарын бастаған сәттен жергілікті атқарушы орган тарапынан кедергіге ұшырайды.
Кәсіпкерлер палатасына өтінішпен жүгінген Айнұр Қожагелдиеваға Палата мамандары жан-жақты заңгерлік көмек көрсетіп, жобасын 9 ай көлемінде барлық инстанцияда сүйемелдеу жұмыстарын жүргізді.
Нәтижесінде кәсіпкер жаңа нысанын 40 млн.теңгеден астам қаржыға салып, толықтай іске қосты. Жаңадан ашылған екі қабатты нысанда тұрмыстық киімдердің түр-түрі бар. Одан өзге жуынатын, қолданатын химиялық заттар секілді жанға не керек, барлығы бар.
Нысанның салтанатты ашылу шарасында Кәсіпкерлер палатасының директоры Ғалымбек Жақсылықов, қалалық кәсіпкерлік және туризм бөлімінің басшысы Алмасбек Есмаханов, Палата жанындағы Кәсіпкерлердің құқықтарын қорғау және сыбайлас жемқорлыққа қарсы іс қимыл жөніндегі кеңес төрағасы Болат Нұрхожаев және өзге де қала тұрғындары қатысып, кәсіп иесінің жұмысына сәттілік тіледі.
Айнұр Қожагелдиева «Алтынай» сауда үйін салу арқылы 12 адамды тұрақты жұмыспен қамтып отыр. Сауда үйінің ашылу салтанатына орай ол тұрмысы төмен отбасыларға тегін киім-кешектер таратты. Кәсіпкер алдағы уақытта өңірде өндіріс орындарын да ашуды көздеп отыр.
<img src="https://kyzylorda-news.kz/wp-content/uploads/2019/12/11saudaui2.jpg" alt="" />
<img src="https://kyzylorda-news.kz/wp-content/uploads/2019/12/11saudaui3.jpg" alt="" />
<img src="https://kyzylorda-news.kz/wp-content/uploads/2019/12/11saudaui4.jpg" alt="" />

Қызылордада көп кедергіге тап болған кәсіпкердің «Алтынай» сауда үйі ақыры ашылды (ФОТО)

<a href="https://kyzylorda-news.kz/">Kyzylorda-news.kz.</a> Қызылордадағы Достық үйінде Александр Пушкиннің 220 жылдығына арналған «Пушкинді оқу және құрметтеу» атты театрландырылған қойылым өтті.
Достық үйінің фойесінде облыстық Ә.Тәжібаев атындағы әмбебап кітапханасы мен А.С.Пушкин атындағы қалалық орталық кітапханасының әзірлеуімен кітап көрмесі ұйымдастырылды. Көрмеде А.С.Пушкин атындағы қалалық орталық кітапханасының қорындағы 118 жылдан бері сақталған 1901 жылы Санкт-Петербургте жарық көрген «Русские поэты» кітабы, облыстық Ә.Тәжібаев атындағы әмбебап кітапханасының қорындағы 1926, 1928, 1935 жылдары жарық көрген «Пушкин хаттары» кітабының түпнұсқасы мен көшірмелері қойылды. Бүгінгі күні облыстық әмбебап кітапханасында Ұлы ақынның 394 аталымы, 728 данасы сақталған.
Қойылым аясында Пушкин бейнесі сомдалды. И.В.Панфилов атындағы №5 мектеп-лицейінің оқушылары қойылым көрсетті. Мұнан соң «Я вас любил..» өлеңіне арналған романс көрсетілімі болды.
Ж.Нұрманов атындағы №198 орта мектептің оқушылары екі дәуірдің диалогын құрды. Ал, «Абылай хан» колледжінің студенті Пушкиннің «Ескерткіш» өлеңін оқыды. Пушкиннің өлеңдерінен музыкалық шығармалардың ғажайып топтамасын жасаған композитор Георгий Васильевич Свиридовтің «Пушкин вальсіне» М.Мәметова гуманитарлық колледжінің студенттері вальс биледі.
Кеш соңында «Славян мәдени орталығы» қоғамдық бірлестігінің жетекшісі Галина Щербакова театрландырылған қойылымға қатысып, белсенділік білдірген колледж, мектеп ұстаздары мен жастарына алғысын білдіріп, марапаттады.
<img src="https://kyzylorda-news.kz/wp-content/uploads/2019/12/11pushkin2.jpg" alt="" />
<img src="https://kyzylorda-news.kz/wp-content/uploads/2019/12/11pushkin3.jpg" alt="" />
<img src="https://kyzylorda-news.kz/wp-content/uploads/2019/12/11pushkin4.jpg" alt="" />
<img src="https://kyzylorda-news.kz/wp-content/uploads/2019/12/11pushkin5.jpg" alt="" />

Қызылордада Пушкиннің 220 жылдығы аталып өтті

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақовтың төрағалығымен «Қызылорда облысына инвесторлар тарту және инвестициялық ахуалды жақсарту жөніндегі» өңірлік Кеңес отырысы өтті. Оған банк жүйесінің директорлары мен ірі және шағын кәсіп иелері қатысты.
Күн тәртібінде «Казах Кэмел» («Qazaq Camel») серіктестігінің «Түйе сүтінен құрғақ ұнтақ өндіру» жобасы мен «АБК Промсервис» («ABK Promservice») серіктестігінің «Қызылорда қаласында шыны-пластикалық желілік және сорғы-компрессорлық жоғары қысымды құбырларды өндіру зауытының құрылысы» жобасы ұсынылды.
Өңірлік Кеңестің басты мақсаты – инвестициялық жобалардың шешілмеген мәселелерін қарап, тиімді шешім қабылдау. Биыл Кеңестің 3 отырысы өткізіліп,4 инвестициялық жоба: «Байқоңыр» еркін экономикалық аймағын құру және инвестиция тарту мен инвесторларды сүйемелдеуге жауапты ұйым, «Кәсіпкерлерге қызмет көрсету орталығының» мәселелері қаралған. Нәтижесінде Жалағаш («Номад Солар» ЖШС) және Шиелі аудандарында («Байқоңыр Солар» ЖШС) күн электр станцияларының құрылыстары басталып, желтоқсан айында іске қосылуы жоспарлануда. Сонымен қатар, Қармақшы ауданындағы құс фабрикасына («Қармақшы құс» ЖШС) электр желілерін жүргізу үшін мемлекеттік бюджеттен 245,1 млн.теңге бөлінген. Ал, «Кәсіпкерлерге қызмет көрсету орталығы» инвесторларды сүйемелдеуге жауапты фронт-офис болып бекітілген.
30 қараша мен 1 желтоқсан аралығында өңірдің инвестициялық басты іс-шарасы «Қызылорда: тұрақты өрлеу, инвестициялық ынтымақтастық үшін жаңа мүмкіндіктер» тақырыбында XI «Baikonyr Invest» форумы өтті. Форум аясында облыстың инвестициялық ахуалы таныстырылып, инвестиция қажет ететін жобалар мен жергілікті тауарөндіруші кәсіпорындардың көрмелері ұйымдастырылған. Нәтижесінде құны 100 млрд.теңгені құрайтын 24 меморандум мен 1 келісім-шартқа қол қойылды.
<blockquote>
 “Атап өту қажет, ҚР Тұңғыш Президенті-Елбасы Нұрсұлтан Әбішұлы Назарбаев алдағы 5 жыл ішінде Қазақстан Республикасының жалпы ішкі өнімдегі инвестицияның үлесін 2024 жылға қарай 30 пайызға дейін арттыруды тапсырды. Осыған орай, бүкіл республика бойынша инвестиция көрсеткіші жоғары межемен бекітілді. Біздің облыс 2020 жылы 481 млрд.теңге инвестиция тартуы қажет”,- деді облыс әкімі Қ.Ысқақов.
</blockquote>
Күн тәртібінде қаралған жобалар аясында өңір экономикасына 3,3 млрд.теңге инвестиция тарту көзделген. Сондай-ақ, жобалар аясында 101 адам жұмыспен қамтылады деп күтілуде.
<blockquote>
 “Инвестициялық Кеңес – бизнес пен мемлекеттік органдар арасындағы іскерлік алаңға айналды. Кеңес отырысында қаралған инвестициялық жобалардың өзекті мәселелерінің нақты шешілуі – біздің бірлескен жұмысымыздың нәтижесі”,- деді аймақ басшысы.
</blockquote>
<img src="https://kyzylorda-news.kz/wp-content/uploads/2019/12/11akinvsovet2.jpg" alt="" />
<img src="https://kyzylorda-news.kz/wp-content/uploads/2019/12/11akinvsovet3.jpg" alt="" />

Қызылордада инвесторлар тарту жөніндегі өңірлік кеңес отырысы өтті

Қызылорда қаласы
13 желтоқсан сағат 11:00. «Тәуелсіздік теңдігім» атты мерекелік театрландырылған қойылым және концерттік бағдарлама. А.Тоқ­ма­ғамбетов атын­дағы мәдениет үйі.
13 желтоқсан сағат 16:00. «Тәуелсіздік – елімнің ерлік жолы» атты тарихи-танымдық сабақ. Облыстық тарихи-өлкетану музейі.
13 желтоқсан сағат 17:00. 16 желтоқсан – Қазақстан Республикасының Тәуелсіздігі күніне арналған мерекелік салтанатты шара. Н.Бекежанов атындағы қазақ музыкалық драма театры.
Арал ауданы
12 желтоқсан сағат 15:00. 16 желтоқсан – ҚР Тәуелсіздік күніне орай «Елімнің бақытын тербеткен – Тәуелсіздік» атты салтанатты жиын. Арал аудандық мәдениет үйі.
13 желтоқсан сағат 15:00. Тәуелсіздік күніне арналған «Тәуелсіз елдің жалынды жастары» атты мерекелік концерт. Арал аудандық мәдениет үйі.
&nbsp;Қазалы ауданы
11 желтоқсан сағат 11:00. «Тұғыры биік Тәуелсіздік!» атты салтанатты жиын. Әйтеке би кенті, Р.Бағланова атындағы мәдениет орталығы.
&nbsp;Қармақшы ауданы
14 желтоқсан сағат 16:00. 16 желтоқсан – Қазақстан Республикасы Тәуелсіздігі күніне арналған «Ел бақытын тербеткен – Тәуелсіздік» атты мерекелік салтанатты жиын.
Жосалы кенті, Ш.Төлепова атындағы мәдениет үйі.
Жалағаш ауданы
13 желтоқсан сағат 16:00. «Тәуелсіздік – азаттығым, таң нұрым» атты салтанатты жиын. Жалағаш кенті, Қ.Қазантаев атындағы аудандық мәдениет үйі.
Cырдария ауданы
13 желтоқсан сағат 16:00. «Тәуелсіздігіміз мәңгілік» атты мерекелік салтанатты шара. Сырдария аудандық мәдениет үйі.
Шиелі ауданы
12 желтоқсан сағат 17:00. «Тәуелсіздік тәу етер қасиетім, киелім!» атты мерекелік концерт. Шиелі кенті, «Арман» мәдениет үйі.
&nbsp;13 желтоқсан сағат 16:00. Тәуелсіздік күніне орай «Тәуелсіз байтақ елім – Қазақстан!» атты театрландырылған көрініс және салтанатты кеш. Шиелі кенті, Б.Қабылұлы атындағы аудандық мәдениет үйі.
Жаңақорған ауданы
13 желтоқсан сағат 11:00. Қазақстан Республикасы Тәуелсіздігі күніне арналған мерекелік салтанатты шара. Жаңақорған ауданы, М.Көкенов атындағы аудандық мәдениет үйі.

Қызылорда облысында 16 желтоқсан – Қазақстан Республикасының Тәуелсіздігі күніне орай өткізілетін салтанатты шаралар

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Ауыр атлетикадан Қазақстан құрамасы Катар кубогы турниріне қатысады. Аталған турнирде 2020 жылғы Токио Олимпиадасына жолдама беріледі, деп хабарлайды <a href="http://lenta.inform.kz/kz/auyr-atletika-il-ya-il-in-katar-kubogyna-katysady_a3592963">ҚазАқпарат</a>.
Катар кубогында олимпиадалық салмақ дәрежесінде жүлделер үлестіріледі. Оған қазақстандық құрама мүшелері толық құрамда бара алмайды. Дүбірлі додада еліміздің атынан бақ сынайтын спортшылар қатарында төрт дүркін әлем чемпионы Илья Ильин 96 келіде жарыс жолына шығады. Ал 61 келіде Игорь Сон, 81 келіде Нижат Рахимов пен Денис Уланов, 109 келіде Ибрагим Берсанов жарыс көрігін қыздырады. Аталмыш турнирде қыздар арасынан Екатерина Быкова (76 келі) және Раушан Мешітханова (87 келі) бақ сынайды.
Катар кубогы 19-24 желтоқсан аралығында өткізіледі.

Қазақстан және Қызылорда облысының жаңалықтары: Басты жаңалықтар old