<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақов бизнес-қауымдастық өкілдерімен кездесті. Шараға ірі, орта және шағын кәсіпкерлік субъектілері, кәсіпкерлік саласындағы мемлекеттік мекемелер, қаржы институттарының басшылары қатысты.
Өткен жылы жаңа тұрақты жұмыс орындарын құру, жұмыссыз азаматтардың санын азайтуға ықпал жасау, аймақта шағын және орта бизнестің үлесін ұлғайту мақсатында жаппай кәсіпкерлікті дамытудың үшжылдығы жарияланды. Биыл үшжылдықтың екінші жылы қорытындылануда. Бұл кезеңдерде облыста кәсіпкерлік саласын дамытып, бизнеске барынша қолайлы жағдай жасауда бизнес өкілдері біршама жетістіктерге жетті. Жаппай кәсіпкерлікті дамыту аясында екі жыл қатарынан кешенді «Жол картасы» әзірленіп, әртүрлі қаржы көздерінен 32 млрд. теңге, осы жылы 34 млрд. теңге қаралған. Сондай-ақ, осы жылы 2 433 жұмыссыз, өзін-өзі жұмыспен қамтыған азаматтар ісін бастауға мемлекеттік бағдарламалар аясында 1 млрд. 75 млн. теңге көлемінде қайтарымсыз грант қаражаттарын иеленген. Сонымен қатар, облыс бойынша 1035 аса жұмыссыздар мен өзін-өзі жұмыспен қамтыған азаматтарға, кәсіпкерлерге 4 млрд. теңгеге жуық шағын несиелер де қарастырылған. Тұрақты бизнестің 134 жобасына екінші деңгейлі банктерден 5 млрд. теңгеден астам несие қаражаты бағытталып, «Бизнестің жол картасы 2020», «Қарапайым заттардың экономикасы» бағдарламалары аясында аз пайыздық несие берілген. Жыл басынан бері 6 мыңға жуық жұмыссыз, өзін-өзі жұмыспен қамтыған азаматтар кәсіпкерлік негіздерінде оқытылған.
Естеріңізге сала кетейік Тәуелсіздік күніне орай өткен республикалық “Алтын сапа-2019” байқауында “СКЗ-U” және “Абай Дәулет” ЖШС үздіктер қатарынан көрінді. Сонымен қатар, аймақ басшысы кәсіпкерлік саласындағы бірқатар жетістіктерге тоқталып, алдағы атқарылатын шаралар туралы айтты.
<blockquote>
 “Жыл басынан бері жұмыс істеп тұрған шағын және орта бизнес субъектілерінің саны 3 081 бірлікке ұлғайып, бүгінде 45 423 бірлікті құрады. Өткен жылдың сәйкесті кезеңімен салыстырғанда өсім 6,7%. Облыстың экономикалық белсенді халқының үштен бір бөлігі, яғни 91 мыңнан аса бөлігі шағын және орта бизнесте жұмыспен қамтылып, 163 млрд. теңгенің өнімі өндірілді. Мемлекет басшысы ел экономикасындағы шағын және орта бизнестің үлесін 2025 жылы 35 пайызға жеткізу қажеттігін атап өтті. Соңғы 5 жыл ішінде өңірімізде шағын және орта кәсіпкерліктің жалпы өңірлік өніміндегі үлесі 4,9 пайызға ұлғайып, 2018 жылдың қорытындысымен 16,9 пайызды құрады. Биылғы жылдың 6 айындағы көрсеткіш 4,9 пайыз болды”,- деді облыс әкімі Қ.Ысқақов.
</blockquote>
Сондай-ақ, шарада кәсіпкерлік саласын дамытуға қосқан үлесі үшін бірқатар бизнес-қауымдастық өкілдері және кәсіпкерлік саласындағы мемлекеттік мекеме басшылары облыс әкімінің Алғыс хаттарымен марапатталды.
<img src="https://kyzylorda-news.kz/wp-content/uploads/2019/12/23akimatkasipker2.jpg" alt="" />
<img src="https://kyzylorda-news.kz/wp-content/uploads/2019/12/23akimatkasipker3.jpg" alt="" />
<img src="https://kyzylorda-news.kz/wp-content/uploads/2019/12/23akimatkasipker4.jpg" alt="" />

Қызылорда облысы әкімінің бизнес-қауымдастық өкілдерімен жыл сайынғы дәстүрлі кездесуі өтті (ФОТО)

Kyzylorda-news.kz. Облыс әкімі Қ.Ысқақов «Q-med» емдеу мекемесінің жаңа орталығының ашылу салтанатына қатысты.
«Q-MED» медициналық орталығы 2016 жылдың мамыр айында Новосибирск қаласындағы Ашот Папикович Хачатрянның «Халықаралық Денсаулық Академиясы» клиникасының аналогы бойынша ашылған. 2018 жылдың қаңтарынан бастап атауы «Q-MED» Медициналық Орталығы болып өзгерген.
Аталмыш емдеу мекемесінде ересектер мен балаларға бірегей емдеу-сауықтыру бағдарламалары қолданылады. Орталық ем алушылардың иммунитетін табиғи қалпына келтіруге негізделген бағдарлама арқылы жұмыс істейді. Соңғы төрт жылдың ішінде орталықта 4600 адам кеңес алып, 3600 науқас кешенді емдеуден өткен.
Орталықтың ашылуымен құттықтаған аймақ басшысы қажетті кеңес пен дертіне шипа іздеген азаматтарға қызметін ұсынып отырған емдеу мекемесінің жұмысына сәттілік тіледі.
«Бірінші байлық – денсаулық» дейді халқымыз. Ұлт пен ұрпақ саулығын алдыңғы орынға қойған мемлекетімізде медицина саласына барынша қолдау жасалған. Облыс бюджетінің де басым бөлігі денсаулық сақтау саласына жұмсалады. Бүгінде халыққа сапалы қызметін ұсынатын жеке клиникалар да көбейіп келеді. Соның бір дәлелі “Q-MED” медициналық орталығы екінші жаңа ғимаратының ашылуы. Бұл бастаманың тек медицина жағынан ғана емес, әлеуметтік жағынан да тиімділігін айту керек. Яғни, орталық бүгінгі күні 25 адамды жұмысқа тартса, оның ішінде жастар практикасымен келіп орналасқан 14 жас маман және 4 мүмкіндігі шектеулі азаматты тұрақты жұмыспен қамтуда. Сонымен қатар, өңірдегі мемлекеттік және жеке медициналық колледждер студенттері практикадан осы орталықта өтуде» -, деді облыс әкімі Қ.Ысқақов.
<img src="https://kyzylorda-news.kz/wp-content/uploads/2019/12/23akimat2.jpg" alt="" />
<img src="https://kyzylorda-news.kz/wp-content/uploads/2019/12/23akimat3.jpg" alt="" />
<img src="https://kyzylorda-news.kz/wp-content/uploads/2019/12/23akimat4.jpg" alt="" />

Қызылордадағы «Q-MED» клиникасының жаңа орталығы ашылды (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақстанның Тұңғыш президенті Нұрсұлтан Назарбаевқа “Бейбітшілік кілемі” табысталды. Ұлт көшбасшысы ерекше сыйлықты Біріккен Араб Әмірліктерінің Қазақстандағы төтенше және өкілетті елшісі Мұхаммед әл-Джабердің қолынан алды.
Елбасының баспасөз қызметінің мәліметінше, Назарбаевтың елшімен кездесуі барысында екі жақты қатынастарды нығайтудың, Қазақстан мен БАӘ арасындағы өзара тиімді ынтымақтастықты дамытудың, мәдени байланыстарды кеңейтудің маңыздылығы жайлы айтылды.
<blockquote>
 “Қазақстан тәуелсіздігін алғаннан бері біздің қарым-қатынасымыз өте қарқынды дамып келеді. Біз әрдайым БАӘ басшылығымен тығыз байланыста болдық. Осының арқасында елдеріміз арасындағы визасыз режим мәселесін шештік, рейстердің санын көбейттік. Бұл туристердің артуына жол ашып, тұтастай экономикалық қатынастардың кеңеюіне әсер етті, – деді Нұрсұлтан Назарбаев.
</blockquote>
Ал Мұхаммед аль-Джабер БАӘ басшылығы атынан Қазақстанның одан әрі табысты дамуы мен өркендеуін тілей отырып, Нұрсұлтан Назарбаевты және Қазақстан халқын Тәуелсіздік күнімен құттықтады.
<blockquote>
 “Қазақстан Орталық Азиядағы маңызды серіктестердің бірі. Біз визасыз режим туралы келісімге қол жеткізуді оң бағалаймыз. Бұл кәсіпкерлер арасындағы байланыстарды жеңілдетуге және инвестициялық белсенділікке ықпал етеді”, – деді елші.
</blockquote>
Сонымен қатар, дипломат Нұрсұлтан Назарбаевқа мәртебелі шейх Фатима бинт Мұхаммед бин Заидтің гуманитарлық жобасы аясында жасалған “Бейбітшілік кілемін” табыстады. Гуманитарлық жоба кілем тоқудың дәстүрлі қолөнерін насихаттауға және соғыс бейнелерінің осы өнерге енуіне қарсы тұруға бағытталған. Жоба аясында қолөнершілер бейбіт және гүлденген өмір туралы өздерінің көзқарастарымен кілемдер тоқиды.
<img src="https://kyzylorda-news.kz/wp-content/uploads/2019/12/20nazarbayev2.jpg" alt="" />

Нұрсұлтан Назарбаевқа &#8220;Бейбітшілік кілемі&#8221; сыйға берілді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақстан Жазушылар одағының Қызылорда облыстық филиалының төрағасы, Қазақстан Журналистер одағының мүшесі, белгілі тележурналист, ақын Қаршыға Есімсейітованың 60 жасқа толуына арналған «Менің әлемім» атты шығармашылық кеші өтеді.
Қаршыға Есімсейітова «Қазақстан пионері» (қазіргі «Ұлан») газетінде, «Қазақстан мектебі» журналында, Республикалық халық &nbsp;шығармашылығы орталығында, Қазақ радиосының балалар мен жастар редакциясында қызмет еткен. Қазір &nbsp;«Қазақстан – Қызылорда» телеарнасының редакторы. «Таңбалы тас», «Қорқыт», «Мұстафа Шоқай», «Сыр &nbsp;өңірінің тұлғалары» атты сериялы деректі фильмдердің авторы. Республика баспасөзінде өлеңдері 1978 жылы &nbsp;тұңғыш жарияланды.
&nbsp;1986 жылы «Қарлығаш» ұжымдық жинағына өлеңдері енген. 1994 жылы «Аңсаған атамекенім» атты кітабы &nbsp;жарық көрді. 1997 жылы Журналистика саласындағы еңбегі үшін Журналистика академиясының «Алтын &nbsp;жұлдызын» иеленген. Ақынның кеші Н.Бекежанов атындағы қазақ музыкалық академиялық драма театрында 20 желтоқсан сағат 17:00-де өтеді.

Қызылордада ақын Қаршыға Есімсейітованың шығармашылық кеші өтеді

<a href="https://kyzylorda-news.kz/">Kyzylorda-news.kz.</a> Ақтөбеде қазақ күресінен өткен Əлем чемпионатында аралдық Нұрым Сəлімгереев алтын медаль иеленіп, елдің абыройын асқақтатты.
100 келі салмақ дəрежесінде шеберлік байқасқан Нұрым ақтық сында Грузия елінің спортшысы Давид Лориашвилиді таза жеңіспен ұтты. 
Осы жеңісіне орай ҚР халықаралық дəрежедегі спорт шебері нормативін орындады.
Сондай-ақ, ол дзюдо жəне самбо спортынан ҚР спорт шебері. 
Жоғары спорт шеберлігі мектебінде тəлім алатын Нұрымның бапкері ҚР еңбек сіңірген жаттықтырушысы Болат Кенеев.

Нұрым Сəлімгереев &#8211; Əлем чемпионы

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Облыс әкімі Қ.Ысқақов Тәуелсіздік күні қарсаңында баламалы негіздегі сағатына 50 мВт дейін күн энергиясынан қуат алатын «Байқоңыр Солар» электр станциясының ашылуына қатысты.
Күн электр станциясы – экологиялық тұрғыда таза, дыбыссыз, қауіпсіз әрі пайдалануға ыңғайлы, және өз құнын жүз пайыз ақтайтын тиімді қондырғы. Оның басты артықшылығы – алынатын энергия көзінің қалыпқа келе алатындығында және белгілі бір шектеулі ресурсқа тәуелді емес. Шиелі ауданындағы аталмыш жобаның құны 23 млрд.теңге. Нысанның жалпы ауданы – 150 гектар.
Аймақ басшысы аталмыш жобаның тиімділігі мен маңыздылығы туралы айтты.
<blockquote>
 “Электр станциясының іске қосылуы еліміздегі жаңартылған энергия көздерінің үлесін арттыру, «жасыл» технологияларға көшу бағытында жасалған зор қадам деп білу керек. Ендеше, болашақта аймақ тұрғындары баламалы энергия көздерін тұтыну деңгейін одан әрі дамыта беретініне сенімдімін!”,-деді облыс әкімі Қ.Ысқақов.
</blockquote>
Сонымен қатар, жаңа жобаның іске асуы арқасында 23 адам тұрақты жұмыспен қамтылады.
<img src="https://kyzylorda-news.kz/wp-content/uploads/2019/12/18elstansa2.jpg" alt="" />
<img src="https://kyzylorda-news.kz/wp-content/uploads/2019/12/18elstansa3.jpg" alt="" />

Қызылорда облысында күн электр станциясы іске қосылды

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақов Жаңақорған және Шиелі аудандарында жұмыс сапарымен болды. Жаңақорған ауданының Қожакент пен Сунақата ауылдық округтеріндегі мемлекеттік-жекешелік әріптестік шеңберінде салынған спорт кешендерінің ашылу салтанатына қатысты.
Мемлекеттік-жекешелік тетігі ел экономикасын көтеріп, оны әртараптандыруға және кәсіпкерлерді ірі инвестициялық жобаларға тарта отырып, мемлекетпен бірлесе бизнесті жаңа белеске шығаруға септігін тигізуде. Осындай мемлекеттік-жекешелік әріптестік жоба аясында Жаңақорған ауданының Қожакент және Сунақата ауылдық округтерінде спорттық-сауықтыру кешені пайдалануға берілді.
Облыс әкімі Жаңақорғандықтарды жаңа спорт нысандардың ашылуымен құттықтап,жылы лебізін жеткізді.
<blockquote>
 “Тәуелсіздік күні қарсаңында Қожакент ауылындағы спортсүйер қауым үшін арнайы спорттық-сауықтыру кешенін ашып отырмыз. Сыр өңірінде мемлекеттік-жекешілік әріптестік аясында жүздеген маңызды әлеуметтік нысандар ашылып, ел игілігіне берілуде. Осындай серпінді жобалар Жаңақорған ауданында да жүзеге асырылуда. Биылғы жылдың басында Сүттіқұдық ауылдық округінде бой көтерген спорт нысандары осыған дәлел. Міне, бүгін Қожакент ауылында да заманауи талаптарға сай спорт кешені ашылып отыр. Спортқа жаны құмар жас ұрпақты қуанышқа бөлеп, 13 тұрғынды жұмыспен қамтып, 300-ден астам жасөспірімге волейбол, бокс, ауыр атлетика, белбеу күресі, қазақ күрестерінен тәлім-тәрбие беретін, еліміздің жігерлі жастарын дайындайтын жаңа спорт кешені құтты болсын! “,- деді облыс әкімі Қ.Ысқақов.
</blockquote>
Сонымен қатар, дәл осы күні Сунақ ата ауылдық округінде де 
мемлекеттік- жекешелік әріптестік аясында жаңа спорт кешені пайдалануға берілді. Жаңа нысандардың іске қосылуы ауыл тұрғындарын тұрақты жұмыспен қамтып, жастарды спортқа баулуға қызмет ететін болады.
<img src="https://kyzylorda-news.kz/wp-content/uploads/2019/12/18zhanakorkeshen2.jpg" alt="" />
<img src="https://kyzylorda-news.kz/wp-content/uploads/2019/12/18zhanakorkeshen3.jpg" alt="" />
<img src="https://kyzylorda-news.kz/wp-content/uploads/2019/12/18zhanakorkeshen4.jpg" alt="" />

Жаңақорған ауданында екі спорт кешені пайдалануға берілді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Облыс әкімі Қ.Ысқақов пен ҚР Денсаулық сақтау вице-министрі О.Әбішевтің қатысуымен Қызылорда облысы, Шиелі ауданында 150 орындық аурухананың ашылу салтанаты өтті.
Құрылысы 2017 жылдың желтоқсан айында басталған аудандық аурухананың жобалық құны 5 млрд 5 млн теңгені құрайды. Жаңа медициналық мекемеде барлық қызмет түрі көрсетілетін болады. Ауруханада қолданыста бұрын да болған, бірақ, қызметі бірнеше есе жетілдірілген лапроскопиялық ота жасайтын видеостойка, жаңа туған нәрестеден бастап ересектерге дейін қолдануға болатын жасанды желдендіру аппараттары, шала туған нәрестелерді бірқалыпты жылуда ұстап тұратын кювездер, ауыр ждағдайдағы науқастардың жатуына ыңғайлы автоматты түрде көтеріліп-түсетін функционалды кереуеттерден бөлек, жаңа техникалық жабдықтармен қамтылған.
Аймақ басшысы аудан халқын жаңа нысанның ашылуымен құттықтап, денсаулық саласында атқарылып жатқан жұмыстар туралы айтты. Атап өту керек, Сыр өңірі әлеуметтік салаға қаржы бөлуден аймақтар арасында көш бастап тұр.
<blockquote>
 «Әлеуметтік саладағы ең маңызды бағыт – денсаулық сақтау қызметінің сапасы мен оның қолжетімділігін қамтамасыз ету. Сондықтан, халықтың медициналық қызметке берген бағасын тұтастай мемлекетке, яғни билікке берілген баға деп қабылдау керек. Мемлекет басшысы «Ақылды қалалар», цифрлық активтер құралдары сияқты тың технологиялық құбылыстарға бейімдеу, цифрлық қызметтердің жаһандық нарығына қатысу үшін ашық юрисдикция ретінде өзіндік брендке айналуы тиіс деп тапсырған болатын. Осы орайда, аймағымыздағы медициналық орталықтар цифрлық қызмет көрсету жұмысына көшті. Баршаңызды азаматтарымыздың денсаулығын жақсартып, қуаныш сыйлау үшін беріліп отырған жаңа аурухананың ашылуымен құттықтаймын!», – деді облыс әкімі Қ.Ысқақов
</blockquote>
Емдеу мекемелерінің материалдық техникалық базасын жақсарту мақсатында ауданаралық аурухананың жаңа ғимаратына құны 2 млрд 226 млн. теңге болатын құрал-жабдықтар беріліп отыр.
<blockquote>
 «Бүгін Шиелі ауданындық ауруханасының ашылуы салтанатына келіп отырмыз. Бұл ең алдымен Мемлекет басшысының және облыс әкімінің қолдауымен іске асқан жоба. 2025 жылға дейін облыс орталығында ғана емес, аудан мен елді мекендерде де жаңа ауруханалардың құрлысын жүргізу жоспарда бар. Өздеріңізге белгілі, келер жылдан бастап үлкен жоба іске асады. Ол-міндетті әлеуметтік медициналық сақтандыру. Ем алу, қымбат дәрі дәрмек 2020 жылдан бастап қол жетімді болмақ. Мемлекет тарапынан бұл азаматтарға жасалған үлкен қолдау деп ойлаймын» – деді ҚР Денсаулық сақтау вице-министрі О.Әбішев.
</blockquote>
<img src="https://kyzylorda-news.kz/wp-content/uploads/2019/12/18aurukhana2.jpg" alt="" />
<img src="https://kyzylorda-news.kz/wp-content/uploads/2019/12/18aurukhana3.jpg" alt="" />
<img src="https://kyzylorda-news.kz/wp-content/uploads/2019/12/18aurukhana4.jpg" alt="" />

Қызылорда облысында 150 орындық аурухана ашылды

Kyzylorda-news.kz. Облыс әкімі Қуанышбек Ысқақовтың қатысуымен Н.Бекежанов атындағы қазақ музыкалық драма театрында Қазақстан Республикасының Тәуелсіздігі күніне арналған “Тәуелсіздік – тұмарым, Мәңгілік ел – тұрағым!”&nbsp; атты мерекелік шара ұйымдастырылды.
&nbsp;Биыл еліміздің Тәуелсіздік алғанына 28 жыл толып отыр. Осы жылдар ішінде Тәуелсіз Қазақстан етек-жеңін жинап, әлем картасында өз орнын қалыптастырды. Елбасының саясатымен еліміз этносаралық, конфессияаралық келісімдер мен толеранттылықтың ерекше үлгісін жасай біліп, бейбітшілік ордасына айналды.&nbsp;
Салтанатты шарада аймақ басшысы облыстың&nbsp; бірқатар азаматтарына мемлекеттік наградалар тапсырды. Сонымен қатар, Қазақстан Республикасының мемлекеттік хатшысы, мемлекет және қоғам қайраткері Қырымбек Көшербаевқа, режиссер, Қазақстан Республикасының еңбек сіңірген қайраткері Хұсейін Әмір-Темірге және еңбек ардагері, Қазақстанның еңбек сіңірген қайраткері Қорғанбек Қайруллаевқа «Қызылорда облысының құрметті азаматы» атағы берілді.
&nbsp;“Қазіргі таңда әлемде 252 ел бар, оның 195 &nbsp;ғана тәуелсіз, дербес мемлекет ретінде өмір сүруде. 1991 жылдың 16 желтоқсанында Қазақстан тәуелсіз, демократиялық, зайырлы және құқықтық мемлекет мәртебесіне ие болды және әлемдік аренадағы ұстанымын берік бекітіп, бірлік пен гүлденудің символына айналды.Тәуелсіздік жылдарында төл Конституциямызды қабылдап, шекарамызды шегендедік. Арқа төсіне Елордамызды көшіріп, Мемлекеттік Рәміздерімізді бекіттік, төл теңгеміз айналымға түсті. Сонымен қатар, Тұңғыш Президентіміз – Елбасы Нұрсұлтан Әбішұлы Назарбаев «Алаштың анасына» балаған қасиетті Сыр өңірі де экономикасының құрылымын өзгертіп, қарқынды дамуға бет алды. Биыл ақпан айында Қауіпсіздік Кеңесінің отырысында аймағымыздың даму мәселелері арнайы қаралып, Қызылорда облысының кешенді дамуына қатысты бірқатар мәселелер Қазақстан Республикасы Үкіметінің қаулысымен бекітілген 2019-2022 жылдарға арналған облыстың әлеуметтік-экономикалық дамуының кешенді жоспарына енгізілді. Кешенді жоспар нәтижесінде өңіріміздің даму қарқыны артып, халқымыздың әлеуметтік-экономикалық жағдайы жақсаратын болады. “,- деді облыс әкімі Қ.Ысқақов.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Салтанатты жиын жергілікті&nbsp; өнерпаздардың қатысуымен мерекелік концертке ұласты.
<img src="https://kyzylorda-news.kz/wp-content/uploads/2019/12/bek_8841.jpg" alt="" />
<img src="https://kyzylorda-news.kz/wp-content/uploads/2019/12/bek_8774.jpg" alt="" />
<img src="https://kyzylorda-news.kz/wp-content/uploads/2019/12/bek_8238.jpg" alt="" />

Қызылордада Тәуелсіздік күні аталып өтті

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев бизнестің әлеуметтік жауапкершілігі жөніндегі «Парыз» республикалық конкурсының бас жүлдесін табыстады.
Сонымен, аталған байқаудың гран-при иегері ретінде «Еуразиялық топ» танылды. Мұнымен қоса, «Парыз» байқауының «Үздік әлеуметтік жауапты кәсіпорын» аталымында жеңімпаз ретінде Қызылорда облысындағы «Абзал и К» компаниясы марапатталды.
Бұдан бөлек, Президент Қасым-Жомарт Тоқаевтың қолынан «Алтын Сапа» сыйлығының «Үздік индустриялық жоба» арнайы сылығы бойынша Қарағанды облысындағы «Бёмер Арматура» ЖШС марапат алды. Сонымен қатар, «Үздік инновациялық жоба» арнайы сыйлығында Қызылорда облысындағы «СКЗ-U» ЖШС жеңімпаз болды.
Айта кетейік, «Үздік әлеуметтік жауапты кәсіпорын», «Еңбекті қорғау саласындағы үздік кәсіпорын», «Үздік ұжымдық шарт» және «Қоршаған ортаға қосқан үлесі үшін» 4 номинациядан тұратын «Парыз» байқауын ҚР Еңбек және халықты әлеуметтік қорғау министрлігі 2008 жылдан бері өткізіп келеді. Әр номинация үшін ірі, кіші және орта кәсіпкерлік субъектілері санаттары бойынша үш номинация беріледі.
Ағымдағы жылы конкурсқа қатысуға 446 өтінім келіп түсті, оның ішінде: 141 кәсіпорын – ірі кәсіпкерлік субъектілері болса, 305 кәсіпорын – шағын және орта бизнес субъектілері.

Қызылордалық қос компания &#8211; &#8220;Парыз&#8221; конкурсының жеңімпазы

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақылықтың қаймағы бұзылмаған Қызылорда өңірінен шыққан Сон Яна есімді жерлесіміз шетелдіктерді тамсандырды. Қалай дейсіз бе?&nbsp;
Сыр перзенті Сон Яна Американың Оклахома штатындағы UCO университетде білім алады. Бүгінде 3-курс студенті. Оқуда озат Янаның ұлты басқа болғанымен, қазақ халқына деген құрметі ерекше. Мұның дәлелі, ол жуырда ғана оқу орнында өткен арулар байқауында ұлтымызды ұлықтап, ұлттық дәстүрлерімізді дәріптеп, үздіктер қатарынан көрінді. Сахнада қазақтың ұлттық биі «Қамажайды» билеп, сан жылдық мәдениет, әдемілік пен шеберлікті ұштастырған өнерімізге көпшілікті сүйсіндірді.
Жерлесіміздің айтуынша, сұлулар сынға түскен сағатта ерекше толқыныста болыпты. Себебі, көрермендер ұзақ уақыт қошемет көрсетіп, таңданыстарын жасырмаған. Соның нәтижесінде қазақстандық ару топ жарып, І орын иемденген. &nbsp;Айта кетейік, шетелде ұлттық өнерімізді танытып, салт-дәстүрді дәріптеген Сон Яна Қызылорда қаласындағы&nbsp;№198 мектептің түлегі.
<img src="https://kyzylorda-news.kz/wp-content/uploads/2019/12/13syraruy2.jpg" alt="" />

Сыр аруы америкалықтарды тамсандырды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бүгін облыс әкімі Қ.Ысқақов 11 желтоқсан күні жеке қабылдауында болып, жұмысқа орналасуға, өз кәсібін ашуға көмек сұраған Бақыткүл Қосаеваның үйіне барды.
Қосаева Бақыткүл Жандарбекқызы 1992 жылы туылған, қол арбадағы І-топ мүгедегі. Мамандығы “техник-программист”. Қармақшы ауданы, Қуаңдария ауылынан Қызылорда қаласына 2014 жылы көшіп келген. Мамандығы бойынша кәсіп ашуға көмек сұраған Бақыткүл Қосаеваға «Менің кәсібім» жобасы аясында өз кәсібін ашуға қолдау көрсетіп, демеушілер есебінен компьютер, түсті принтер, ламинатор мен қағаз қиятын аппараттарын алып берді.
Тәуелсіздік мерекесі қарсаңында Бақыткүл Қосаева көрсетілген қолдауға алғысын айтты.Мүмкіндігінің шектеулі болуына қарамастан, еңбек етемін деген ниеті үшін аймақ басшысы да ризашылығын жеткізіп, Бақыткүл өз замандастарына үлгі бола алатын жан екенін атап өтті.
<blockquote>
 “Өз кәсібімді ашсам деген тілегімді орындап, түрлі аппаратарды сыйлаған облыс әкімі мен демеушілерге үлкен алғыс айтамын. Облыстық жұмыспен қамтуды үйлестіру және әлеуметтік бағдарламалар басқармасы оқытқан курс пен “Ұшқын” мүгедектер қоғамы арқылы 1,5 жыл жұмыс істеген тәжірибиемнің арқасында бұл кәсіпті дөңгелетіп кететініме сенемін. Қоғамдық қабылдауда айтылған өтінішіме жауап бергендеріңіз үшін алғыс айтамын”,- деді Бақыткүл Қосаева.
</blockquote>
<img src="https://kyzylorda-news.kz/wp-content/uploads/2019/12/13akimatkasipker2.jpg" alt="" />

Қазақстан және Қызылорда облысының жаңалықтары: Басты жаңалықтар old

Қызылорда облысы әкімінің бизнес-қауымдастық өкілдерімен жыл сайынғы дәстүрлі кездесуі өтті (ФОТО)

Қызылордадағы «Q-MED» клиникасының жаңа орталығы ашылды (ФОТО)

Нұрсұлтан Назарбаевқа “Бейбітшілік кілемі” сыйға берілді

Қызылордада ақын Қаршыға Есімсейітованың шығармашылық кеші өтеді

Нұрым Сəлімгереев – Əлем чемпионы

Қызылорда облысында күн электр станциясы іске қосылды

Жаңақорған ауданында екі спорт кешені пайдалануға берілді

Қызылорда облысында 150 орындық аурухана ашылды

Қызылордада Тәуелсіздік күні аталып өтті

Қызылордалық қос компания – “Парыз” конкурсының жеңімпазы

Сыр аруы америкалықтарды тамсандырды

Өз кәсібін ашуға қолдау көрсетілді

Қазақстан және Қызылорда облысының жаңалықтары: Басты жаңалықтар old

Қызылорда облысы әкімінің бизнес-қауымдастық өкілдерімен жыл сайынғы дәстүрлі кездесуі өтті (ФОТО)

Қызылордадағы «Q-MED» клиникасының жаңа орталығы ашылды (ФОТО)

Нұрсұлтан Назарбаевқа &#8220;Бейбітшілік кілемі&#8221; сыйға берілді

Қызылордада ақын Қаршыға Есімсейітованың шығармашылық кеші өтеді

Нұрым Сəлімгереев &#8211; Əлем чемпионы

Қызылорда облысында күн электр станциясы іске қосылды

Жаңақорған ауданында екі спорт кешені пайдалануға берілді

Қызылорда облысында 150 орындық аурухана ашылды

Қызылордада Тәуелсіздік күні аталып өтті

Қызылордалық қос компания &#8211; &#8220;Парыз&#8221; конкурсының жеңімпазы

Сыр аруы америкалықтарды тамсандырды

Өз кәсібін ашуға қолдау көрсетілді

Нұрсұлтан Назарбаевқа “Бейбітшілік кілемі” сыйға берілді

Нұрым Сəлімгереев – Əлем чемпионы

Қызылордалық қос компания – “Парыз” конкурсының жеңімпазы