<a href="https://kyzylorda-news.kz/">Kyzylorda-news.kz.</a> ҚР Президентінің Жарлығымен Бердібек Сапарбаев Жамбыл облысының әкімі қызметіне тағайындалды. Ол Қазақстан Республикасы Премьер-Министрінің орынбасары қызметінен босатылды, деп хабарлайды Ақорданың баспасөз қызметі.
Бердібек Мәшбекұлы САПАРБАЕВ 1953 жылы 9 ақпанда Қызылорда облысы Жаңақорған ауданы Бесарық ауылында дүниеге келді.
1977 жылы Алматы Халық шаруашылығы институтын «Экономика және материалдық-техникалық жабдықтау» мамандығы бойынша бітірді. Экономика ғылымдарының докторы, профессор.
Еңбек жолын Қызылорда облысының Задарьинский совхозының жұмысшысынан бастады (1969-1971 жылдары); әскери қызметін өткерді (1971-1973 жылдары). Институтты бітірісімен Республикалық мемлекеттік еңбек жинақтау кассалары (гострудсберкассы) басқармасында экономист (1977); ҚазКСР Қаржыминінде экономист, аға экономист, жетекші, бас экономист, бөлім бастығының орынбасары (1977-1988 жылдары); жоспарлау-қаржы басқармасының бастығы, Бас экономика басқармасының бастығы, Қазақстан Республикасы Білім министрінің орынбасары (1988-1993 жылдары); Президент Аппараты бөлімі мен Қазақстан Республикасы Министрлері кабинеті меңгерушісінің орынбасары (1993); Қазақстан Республикасы Министрлер кабинетінің Істер басқармасының Қаржы, еңбек және әлеуметтік қорғау бөлімі меңгерушісінің орынбасары және меңгерушісі (1994-1995 жылдары) болды.
Қазақстан Республикасы Министрлер кабинеті Аппаратының басшысы (1995); Қызылорда облысының әкімі (1995-1999 жылдары); Оңтүстік Қазақстан облысының әкімі (1999-2002 жылдары) қызметтерін атқарды;
Қазақстан Республикасы Кедендік бақылау агенттігінің төрағасы, Қазақстан Республикасы Қаржы вице-министрі – Кедендік бақылау комитетінің төрағасы (2002-2006); Премьер-Министр Кеңсесі басшысының орынбасары – Қазақстан Республикасы Парламентіндегі Үкіметтің Өкілі (2006-2007); Қазақстан Республикасының Экономика және бюджеттік жоспарлау вице-министрі (2007 жылы ақпан – 27 тамыз). 2007 жылдың тамызынан Қазақстан Республикасының Еңбек және халықты әлеуметтік қорғау министрі. 2009-2014 жылдары – Шығыс Қазақстан облысының әкімі. 2014-2015 жылдары – Қазақстан Республикасы Премьер-Министрінің орынбасары.2015-2019 жылдары – Ақтөбе облысының әкімі. 2019 жылдың ақпан-тамыз айларында Қазақстан Республикасының Еңбек және халықты әлеуметтік қорғау министрі болды.
2019 жылдың тамыз айынан бастап ҚР Премьер-Министрдің орынбасары қызметін атқарды.
«Құрмет» (1999), «Парасат» (2007) ордендерімен, «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Республикасының Конституциясына 10 жыл» (2005) медальдарымен марапатталған.

Бердібек Сапарбаев Жамбыл облысының әкімі қызметіне тағайындалды

<a href="https://kyzylorda-news.kz/">Kyzylorda-news.kz.</a> &nbsp;10 ақпанда Қордай ауданының Ауқатты ауылында ҚР премьер-министрінің орынбасары Бердібек Сапарбаев бастаған Үкімет комиссиясы Қордай ауданының Қаракемер, Масанчи, Ауқатты, Сортөбе, Бұлан батыр ауылдарының ақсақалдарымен кездесу өткізді, деп хабарлайды <a href="https://primeminister.kz/kz/news/sovet-aksakalov-sozdadut-v-kordayskom-rayone">primeminister.kz</a>.&nbsp;&nbsp;
Жиынға облыс әкімі Асқар Мырзахметов, ауыл ақсақалдары, беделді тұрғындар, ардагерлер кеңестерінің төрағалары, орталық мемлекеттік органдардың басшылары, Парламент депутаттары қатысты.
Кездесуде проблемалық мәселелерді шешу жолдары, қоғамда келісім мен бірлікті сақтау талқыланды. Ақсақалдар жастармен рухани тәрбие жұмыстарында кемшіліктер бар деген тоқтамға келді, осының салдарынан тұрмыстық кикілжің барша жұртқа жария болған оқиғаға айналды.&nbsp;
Ақсақалдар аталған елді мекендерді қамтитын бірлескен Ақсақалдар кеңесін құру туралы келісімге келді. Бұл ауылдардағы тұрмыстық проблемаларды ауыл ақсақалдары ортақ кеңесте шешетін болады. Олар жастармен тәрбие жұмыстарын жүргізіп, Қордай ауданында тұратын барлық ұлттардың арасында бірлік рухын нығайту үшін бірлескен мәдени-спорттық сипаттағы ойын-сауық шараларын ұйымдастыру міндеттемелерін алды.&nbsp;
<blockquote>
 «Біз бала кезден доспыз, бірге өстік, бірге жұмыс істедік, қайғыда да, тойда да бірге жүреміз. Жастар бір-бірімен араласуы керек, сонда олар бір-біріне жақындай түседі. Біз 11 ақпанда Сортөбеде бас қосуға келістік. Біз өз ақсақалдарымызды, олар өздерінің ақсақалдарын алып келеді. Алдағы уақытта қайталанбауы үшін туындаған барлық мәселелерді талқылаймыз», – деді қоғам қайраткері, аудандық Ардагерлер кеңесінің төрағасы Әбдібек Сейілханов.&nbsp;&nbsp;
</blockquote>
Масанчи ауылының тұрғыны Луу Исхар да қоғамда бірліктің сақталуына қатысты өз ойын жеткізді.&nbsp;
<blockquote>
 «Үстел басында бас қосып, мәселеге нүкте қою үшін барлық құрметті ақсақалдар жиналады. Арғы күні Масанчиде мешітте бас қосамыз. Неліктен мешітте? Біз барлығымыз мұсылманбыз, достықты нығайтып, Құран оқып, осындай жағдайлар қайталанбауы үшін бата беру үшін мешітте жиналамыз. Жүз қырық жылдай бірге тату өмір сүріп жатырмыз, адамдық қасиеттері жоқтардың кесірінен осындай жағдай орын алды. Бұл біз үшін өте айыпты жағдай болды. Біз бұл мәселелердің барлығын шешуге тырысамыз»,&nbsp;–&nbsp;деді ол.
</blockquote>
Осы ауданнан шыққан кәсіпкерлер туған өлкесін қалпына келтіру және дамыту үшін қаржылай және материалдық көмек көрсетуге ниет білдірді.&nbsp;
<img src="https://kyzylorda-news.kz/wp-content/uploads/2020/02/10sovetaksakalov2.jpg" alt="" />
<img src="https://kyzylorda-news.kz/wp-content/uploads/2020/02/10sovetaksakalov3.jpg" alt="" />
<img src="https://kyzylorda-news.kz/wp-content/uploads/2020/02/10sovetaksakalov4.jpg" alt="" />

Қордай ауданында ақсақалдар кеңесі құрылады

<a href="https://kyzylorda-news.kz/">Kyzylorda-news.kz.</a> Достық үйінде Қызылорда облыстық Қазақстан халқы ассамблеясының ұйымдастыруымен Ашық есік күні өтті. Оған облыстық этномәдени бірлестік жетекшілері мен мүшелері, медиация, Қоғамдық келісім кеңесінің белсенділері, «Жаңғыру жолы» жастар қозғалысы, ғылыми-сараптамалық топ, журналистер мен сарапшылар клубы және тағы басқа құрылым мүшелері қатысты.
Ашық есік күнінде Достық үйіне алғашқы болып жоба жетекшісімен бірге болашақ жас ғалым, №212 орта мектебінің 11 сынып оқушысы Айзат Нұрбол келді. Айзат 1937 жылы тағдыр теперішіне ұшыраған, Сыр еліне Қиыр шығыстан жер аударылған кәріс этносының өкілдерінің кешегі мен бүгінін өз еңбегіне арқау етпекші. Осы орайда ол «Дарын» республикалық ғылыми-практикалық орталығының ұйымдастыруымен өтіп жатқан ғылыми жобалар байқауының республикалық кезеңінде өз жобасын жоғары деңгейде қорғауы үшін «Қазақстан кәрістер қауымдастығы» Қызылорда облыстық филиалы жетекшісінің орынбасары Матвей Цойдан тың деректер мен мәліметтер алды. Өз кезегінде Матвей Николаевич Айзатқа бірлестіктің атынан Сыр еліндегі кәрістер туралы жазылған тарихқа толы кітапты сыйға тартты.
Ашық есік күні «Абай қазынасына саяхат» клубының тұсаукесері болып өтті. Клубқа Абай мұрасын сүйіп оқитын 35&nbsp; адам мүше болып қабылданды.
Ынтымақ ұясына келген барша қауым облыстық Қазақстан халқы ассамблеясының 25 жылда жеткен жетістіктерінен ақпар алды. Облыстағы этномәдени бірлестік өкілдерінің жұмыстарымен етене танысып, жұмыс бөлмелерін көрді. Сонымен бірге Достық үйінің мұражайын, кітапхана, тіл кабинетіндегі сабақ жүру барысын, мәжіліс, концерт залдарын, би үйірмелерін, белсенді ұзақ өмір сүру орталығының жұмысын көрді.
Облыстық ассамблеяның негізгі әрі маңызды бағыттары медиация, Қоғамдық келісім кеңесі, «Жаңғыру жолы» жастар қозғалысы, Аналар кеңесінің жұмыстарымен танысып, мол мағлұмат ала алды.
Ашық есік күніне келген қонақтар Қазақстан халқы Ассамблеясының 25 жылдық мерейтойымен құттықтап, татулығы мен бірлігі жарасқан еліміз көркейе берсін, жасалып жатқан игілікті шаралар жандана берсін деген ақ тілектерін жаудырды.
<img src="https://kyzylorda-news.kz/wp-content/uploads/2020/02/10dod2.jpg" alt="" />
<img src="https://kyzylorda-news.kz/wp-content/uploads/2020/02/10dod3.jpg" alt="" />
<img src="https://kyzylorda-news.kz/wp-content/uploads/2020/02/10dod4.jpg" alt="" />

Достық үйінде Ашық есік күні өтті

<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласындағы Достық үйінде «Абай қазынасына саяхат» клубының тұсаукесері болып өтті. Клубқа 35&nbsp; адам мүше болып қабылданды.
Қызылорда облыстық Қазақстан халқы ассамблеясының ұйымдастыруымен өткен мазмұнды шараға филология ғылымының кандидаты, доцент, абайтанушы Сара Бақтиярқызы, ұлы ақынның 200 өлеңін жатқа білетін жас филолог Елена Пак, Қоғамдық келісім кеңесінің мүшесі Александр Абанин, Абайдың бейнесін әсем бейнелейтін жас қылқалам шебері Жайна Балықбаева, Назарбаев Зияткерлік мектебінің мұғалімі Меруерт Маратова, өзге де Абай шығармасын сүйетіндер және БАҚ өкілдері қатысты.
Тағылымы мол шараны «Қоғамдық келісім» КММ аға сарапшысы, клуб жетекшісі Шакизат Абдраманова және Қорқыт ата атындағы ҚМУ «Филология» факультетінің студенті Елена Пак жүргізді.
Ең бірінші клубтың мақсат-міндеттері, алдағы жұмыс-жоспарлары таныстырылды.
Клубтың ашылуымен құттықтай отырып, ұлы Абайдың шығармашылығы туралы абайтанушы Сара Бақтиярқызы сөз сөйледі. Абай мұрасы бүгінгі жас буын барда өлмейді, өшпейді дей келе, бүгінгі клуб мүшелігіне қабылданған барша&nbsp; Абай сүйер қауымға Абайдай дананың кәусар бұлағынан сусындап мәңгі жасап, мәңгі жаңара беріңдер деп ақ тілегін тіледі.
Абайдың Пушкин, Лермонтовпен ұштастырған бейнесі жөнінде Қоғамдық келісім кеңесінің мүшесі Александр Абанин ой бөлісті.
Танымдық шарада клуб мүшелері караокемен «Көзімнің қарасы» әнін әсем орындап, көңіл тебірентті.
Абай – ұлттық мәдениетіміз бен тарихымыздағы ерекше тұлға екенін барлығымыз білеміз. Біртуар қайталанбас тұлғаның адамзаттық, ақындық, халықтық мұрасы айтылар ойға сыймас, қыр-сыры мол дүние. Осы ретте қатысушылар ұлы ақын жайлы білімдерін ортаға салып, қойылған сұрақтарға жауап берді. Үлкені де кішісі де зор қызығушылықпен қатысты.
Әлеуметтік желіден клубтың ашылуы жөніндегі хабарландыруды көрген жас өрендердің, Абайға жүрегі&nbsp; жақын&nbsp; жандардың ақын шығармаларынан үзінділері және Абайға арналған ұрандары тыңдалды.
Сонымен бірге, «Сыр қамқоры» балабақшасынан бүлдіршіндер келіп, клубтың ашылуына орай арнайы әзірлеген қойылым қойды. Көрермендер тарапынан өнерлі бүлдіршіндерге деген қошемет толассыз болды.
Тұсаукесерде&nbsp; ұлы ақының бейнесін өзіндік танымы арқылы бейнелеп көрсеткен жас қылқалам шебері Жайна Балықбаеваға қатысушылардың ілтипаты ерекше болды.
Клубтың соңында мүшелікке қабылданған 35 адамға арнайы әзірленген «Абай клубының мүшесі» куәлігі табысталды.
Динара МАХАНОВА
<img src="https://kyzylorda-news.kz/wp-content/uploads/2020/02/10abaikluby2.jpg" alt="" />
<img src="https://kyzylorda-news.kz/wp-content/uploads/2020/02/10abaikluby3.jpg" alt="" />
<img src="https://kyzylorda-news.kz/wp-content/uploads/2020/02/10abaikluby4.jpg" alt="" />
<img src="https://kyzylorda-news.kz/wp-content/uploads/2020/02/10abaikluby5.jpg" alt="" />

Қызылордада оқырмандарға арналған Абай клубы ашылды

<a href="https://kyzylorda-news.kz/">Kyzylorda-news.kz.</a> &nbsp;Кеше Алматы, Қызылорда, Жамбыл және Түркістан облыстарының тұрғындары жарықсыз қалған болатын.&nbsp;
Энергетика министрлігінің баспасөз қызметі хабарлағандай, желіде “KEGOC” ұлттық операторының&nbsp; 500 кВ-ы сөндірілгендіктен, төрт облыстың тұрғындары жарықсыз қалған.
<blockquote>
 “Қазіргі уақытта шектеу алынды, электр энергиясын беру қалпына келтірілді. Абоненттерді қосып жатырмыз”, – деді баспасөз қызметі.
</blockquote>

Қызылорда кеше неге жарықсыз қалды?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов қала әкім Нұрлыбек Нәлібаевтың халық алдындағы есеп беру кездесуіне қатысты.
Аймақ басшысы облыс орталығында жүргізіліп жатқан жұмыстарға оң баға берді. Мәселен, соңғы жылдары Қызылорда қаласында тұрғын үй құрылысы қарқынды дамып, халықты баспанамен қамту көрсеткіші басқа өңірлермен салыстырғанда көш алда.
Қуанышбек Досмайылұлы облыс орталығында атқарылып жатқан жұмыстарға тоқталып, қолға алынуы тиіс жұмыстарды да айтты. Соңғы жылдары жаңадан шағын аудандар бой көтеріп, 10 мыңға жуық қызылордалық жаңа пәтерге ие болды. Негізгі капиталға салынған инвестиция көлемі 156 млрд 441 млн теңгені құрап, 110,7 пайызға артқан. Былтырғы жылы атқарылған құрылыс жұмыстарының көлемі 53 млрд 330 млн теңгеге жеткен. Сол жағалаудан «Болашақ» университетінің&nbsp; кампусы, 320 орындық балабақша, 700 орындық «Оrda school» жеке бастауыш мектебі ашылған.
<blockquote>
 «2019 жылы Қызылорда қаласы бойынша өнеркәсіп өнімінің көлемі 712,2 млрд.теңгені құрап, өткен жылмен салыстырғанда 12,7% төмендеген (87,3%). Өңдеу өнеркәсібі саласына тек облыс бойынша ғана емес, жалпы мемлекеттік деңгейде үлкен көңіл бөлініп, көптеген мемлекеттік қолдау шаралары көрсетілуде. Сондықтан, біз бұл саладан оң көрсеткіштер сипатындағы қайтарымды күтеміз», – деді облыс әкімі.
</blockquote>
Ағымдағы жылы Үкіметтің кеңейтілген мәжілісінде Президент Қасым-Жомарт Кемелұлы «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында көрсетілген Елбасы саясатының сабақтастығы мен заман талабына сай жаңашылдық қағидасын ұстана отырып, елдің қоғамдық-саяси жаңғыруымен жаңа реформа жүргізу қажеттігін айтқан болатын. Бұл мақсатқа жету үшін «мықты Президент, ықпалды Парламент және есеп беретін Үкімет» формуласы арқылы тыңдаушы мемлекет концепциясын іске асыруды ұсынды. Осы орайда Мемлекет басшысы қойған міндеттерді жүзеге асыруда халықпен арадағы диалогты нығайту, олардың мұң-мұқтажын тыңдау және көкейдегі мәселелерді шешу әкімдердің басты міндеті.
<blockquote>
 &nbsp;«Айта кету қажет, қазіргі таңда веб-портал арқылы келіп түсетін, әлеуметтік желілерде көтерілетін ұсыныс-пікірлер, проблемалық мәселелер аз емес. Олардың ішінде көп кездесетіні – қоғамдық көлік мәселесі. Тұрғындардың өтініш-тілектері әрдайым назарда. Қоғамдық көлік қатынасын дамыту, тұрғындардың сұранысын қанағаттандыру мақсатында «Қызылорда Автобус Паркі» серіктестігіне орта сыйымдылықтағы қосымша жаңа автобустар алуға облыстық бюджеттен 209 млн теңге бөлінді. Сондай-ақ, қоғамдық көліктердегі тазалық пен сапалы қызмет көрсету және жаңа шағын аудандарда қоғамдық көліктерді бағыттау мәселесі кезек күттірмей ​ шешуді қажет етеді», – деді облыс әкімі Қуанышбек Ысқақов.
</blockquote>
Қаладағы ең өзекті мәселелердің бірі – шалғай аудандардағы &nbsp;көшелерге жол салу. Аймақ басшысы қала әкіміне тұрғындардың ұсыныстарын тыңдап, оларды тез арада шешу мүмкіндігін қарастыруды тапсырды.
Сонымен қатар, аймақ басшысы қаланы көгілдір отынмен қамту көрсеткіші 95 пайызға жеткендігін айтты. Былтырғы жылы қала маңындағы Қарауылтөбе ауылы газға қосылды. Бұған дейін қалаға қарасты Тасбөгет, Бөлкөл кенті, Қызылжарма, Талсуат ауылдық округтері көгілдір отынмен қамтамасыз етілген.&nbsp; Енді биылғы жылы Ақсуат ауылдық округін көгілдір отынға қосу жоспарлануда.
Дәстүр бойынша халыққа есеп беру кездесуінде Қызылорда қаласының әкімі Нұрлыбек Нәлібаев инфрақұрылымды дамыту, тұрғын үй құрылысы және облыс орталығының әлеуметтік-экономикалық дамуының басқа да бағыттары туралы баяндады, қала тұрғындарының ұсыныстары мен сұрақтарына жауап берді.
<img src="https://kyzylorda-news.kz/wp-content/uploads/2020/02/7akimattan1.jpg" alt="" />

Аймақ басшысы қала әкіміне өзекті мәселелерді шешуді тапсырды

<a href="https://kyzylorda-news.kz/">Kyzylorda-news.kz.</a> Өткен жылдың қорытындысымен Қызылорда облысына тартылған инвестиция көлемі 400 млрд теңгені құрап, бұл көрсеткіш 2018 жылдың есепті кезеңімен салыстырғанда 17,4% өсті.
Инвестициялардың өсуі негізінен инфрақұрылымдық, индустриялық жобаларға және мұнай компаниялары мен басқада салаларға тартылған инвестиция есебінен қамтамасыз етілуде.
2018 жылдың есепті кезеңімен салыстырғанда инвестицияның номиналды өсімі 1,2 есеге көбейіп, өткен жылы көзделген меже толығымен орындалды. 
Қазіргі таңда Қызылорда облысында шетелдік капиталдың қатысуымен жалпы құны 276,1 млрд тенге құрайтын 7 инвестициялық жоба іске асырылуда. Олардың қатарында «Компания Гежуба Шиелі Цемент», «Орда Гласс» , «АралСода», «Балауса», «Номад Солар», «НЕС», «Байконыр Солар» ЖШС бар. 
Сыртқы инвестиция тартуда да қарқынды жұмыстар атқарылуда. 2019 жылы көрсеткіш 12% ұлғайғаны байқалады.
Айта кету керек, үстіміздегі жылы «Негізгі капиталға инвестициялардың нысаналы индикаторын бекіту туралы» меморандумға сәйкес облысқа 481 млрд теңге инвестиция тарту жоспарлануда.
Динара МАХАНОВА

Қызылорда облысында инвестиция көлемі артуда

<a href="https://kyzylorda-news.kz/">Kyzylorda-news.kz.</a> &nbsp;Қазақстанның тұңғыш президенті – Елбасы Нұрсұлтан Назарбаев 18 наурыз күні Nur Otan партиясы саяси кеңесінің кеңейтілген отырысын өткізеді. Бұл туралы Елбасының баспасөз хатшысы Айдос Үкібай хабарлады.
<blockquote>
 “Nur Otan партиясының төрағасы, Елбасы Нұрсұлтан Назарбаев 2020 жылдың 18 наурызында партия саяси кеңесінің кеңейтілген отырысын шақыру туралы қаулыға қол қойды. Партияның негізгі міндеттері талқыланады”, – деді Айдос Үкібай.
</blockquote>
<img src="https://kyzylorda-news.kz/wp-content/uploads/2020/02/7nurotan2.jpg" alt="" />
Бұған дейін Назарбаев Nur Otan партиясы төрағасының бірінші орынбасары Бауыржан Байбекті қабылдаған болатын. Тұңғыш президентке партия активінің сапалық құрамын жақсарту бойынша жұмыс пен саяси кеңестің кеңейтілген отырысына дайындық туралы есеп берілді.

Нұрсұлтан Назарбаев өткізетін үлкен жиынның уақыты белгілі болды

<a href="https://kyzylorda-news.kz/">Kyzylorda-news.kz.</a> Бүгін Нұр-Сұлтан қаласында IV QAZFORUM 2020 конференциясы өтіп жатыр. Бұл туралы «Kyzylorda-news» ақпараттық агенттігінің тілшісі Фариза Омарова елордадан хабарлады.
ҚР-дағы АҚШ Елшілігі және Қазақстан Баспасөз клубы ұйымдастырған дәстүрлі шара қазақ тілді онлайн-медианы дамыту мәселелеріне арналған.
Жыл сайын форумға қазақ тілді БАҚ өкілдері, блогерлер мен сайттардың бас редакторлары қатысады. Олар жергілікті және шетелдік спикерлерден кәсіби тұрғыда тәжірибе алмасатын болады.
Бүгінгі форумға Қазақстанның түкпір-түкпірінен 200-ден астам медиамаман жиналды. Форумның тақырыбы – «Жаңа онжылдықтағы БАҚ: өзгерту уақыты және өзгеру уақыты». Онда қазақтілді БАҚ дамуының жаңа тенденциялары талқылаланады деп күтілуде.
IV QAZFORUM шымылдығын АҚШ елшісі Уильям Мозер ашты.
Шара қонақтары National Geographic Qazaqstan ұсынған фотосуреттер көрмесін тамашалауға мүмкіндік алды.
Форумның бірінші бөлігінде “Қазақ қоғамына қандай медиа қажет?” деген тақырыпта талқылау өтті. Қатысушылар “Интернет пен жаһандық цифрландыру ғасырында жаңа медиа медиа дәстүрлі БАҚ-ты алмастырды ма?” деген сұраққа жауап іздеп көрді. Осыған қоса іс-шараның екінші сессиясы сарапшылар БАҚ жетістіктеріне әсер ететін факторларға қатысты өз зерттеулерінің нәтижесін ұсынды.
QAZFORUM 2020 екінші сессиясы «Digital дәуірдегі біздің медиа» деген тақырыпқа өтуде.
Осы сессияда талқыланатын сұрақтардың бірі – «Жаңа он жылдықта табысты болу үшін медиа нарығының қазақ тілді сегментінде нені өзгерту қажет?». Сессия модераторы – саясаттанушы Айдос Сарым. Спикерлер ретінде Асхат Еркімбай (аймақтық медиа кеңесші, «Internews Kazakhstan»), Айгерім Жұмағұлова («Отырар» медиахолдингінің директоры),&nbsp; Қанат Сахария («Media Holding «Atameken Business» ЖШС бас директоры) және Ержан Қалымбайұлы («ULYS» диджитал журналының бас редакторы) қатысуда.
Асхат Еркімбай сессия барысында Орталық Азия елдеріндегі медиа тұтыну мен медиасауат бойынша әлеуметтік зерттеу нәтижесімен бөлісті.
Форум аясында қатысушылар үшін YouTube-те контент жасау, деректер базасымен зерттеулер жүргізу және мемлекеттік сатып алу бойынша мастер-кластар ұйымдастырылған.

Нұр-Сұлтанда IV QAZFORUM 2020 конференциясы өтуде (ВИДЕО)

<a href="https://kyzylorda-news.kz/">Kyzylorda-news.kz.</a> «Фрегат» үдемелі блогы мен британдық компанияның OneWeb ғарыш аппараты тиелген «Союз-2.1б» зымырантасығышы Байқоңыр айлағынан ғарышқа аттанды, деп хабарлайды <a href="https://www.inform.kz/kz/oneweb-sputnikteri-baykonyr-aylagynan-garyshka-ushyryldy_a3612007">ҚазАқпарат</a>.
«Союз 2.1б» зымырантасығышы белгіленген уақытта, яғни 7 ақпан күні сағат 03:42-де Байқоңыр ғарыш айлағының №31 алаңынан ұшырылды.
Роскосмос бұл оқиғаны тікелей эфирден көрсетті.
Стартқа 40 минут қалғанда «Роскосмос-ТВ» көрермен назарына Байқоңыр айлағындағы дайындық жұмысы туралы видеосюжеттерді, Роскосмос пен OneWeb компаниясының ынтымақтастығы туралы мамандармен сұхбатты, «Союз 2.1б» зымырантасығышы орнатылған Байқоңыр алаңынан тікелей эфирді ұсынды.
Нысан штаттық режимде ұшырылды. Тікелей эфир репортажын жүргізушілердің сөзіне сенсек, зымырантасығыштың алдыңғы екі басқышы белгіленген уақытта бөлініп шыққан, ал «Фрегат» үдемелі блогының бөлігі спутниктермен бірге старттан кейін арада 10 минут өткенде ажырады.
Ұшырылымның циклограммасына сәйкес одан кейінгі 3,5 сағатта ғарыш аппараттары «Фрегат-М» үдемелі блогынан бөлінеді, сөйтіп орбитадағы өз нүктелеріне жайғасады.
OneWeb төменорбиталды ғарыш аппараттары жер бетіндегі тұтынушыларды тікелей спутник байланысы арқылы жылдамдығы жоғары интернетпен қамтамасыз етуге арналған. Компания жалпы саны 500-ден астам спутникті Жер айналасындағы орбитаға шығарып, 2020 жылдан бастап оларды коммерциялық мақсатта пайдалануды көздеп отыр. OneWeb 2021 жылдан бастап Жерді 24-сағаттық байланыспен қамтымақ.
Еске сала кетейік, кеше «Союз МС-13» ғарыш кемесінің экипажы белгіленген уақытта Жезқазған қаласының маңына қонған болатын.

OneWeb спутниктері Байқоңыр айлағынан ғарышқа ұшырылды

<a href="https://kyzylorda-news.kz/">Kyzylorda-news.kz.</a> &nbsp;8 ақпан күні ауыр атлетикадан халықаралық бірлік чемпионаты басталады, деп хабарлайды <a href="https://olympic.kz/kk/article/10867">Olympic.kz</a>.
Аталған додаға қатысатын Қазақстан құрамасы қазіргі таңда Шымкент қаласында дайындықтарын пысықтап жатыр.
Өзбекстан астанасы Ташкентте ел сапынан 4 спортшы шығады. Игорь Сон (61 кг), Илья Ильин (102 кг), Ибрагим Берсанов (109 кг) және Раушан Мешітханова (81 кг). Турнир 12 ақпанға дейін жалғасады.

Илья Ильин Ташкентте өтетін халықаралық турнирге қатысады

<a href="https://kyzylorda-news.kz/">Kyzylorda-news.kz.</a> Бүгін Достық үйінің мәжіліс залында Қызылорда облыстық Қазақстан халқы ассамблеясы жанындағы ғылыми-сараптамалық топтың отырысы өтті.
Отырыста ҒСТ құрамы қайта қаралып, жаңа мүшелермен толықтырылды. Ағымдағы жылға арналған жұмыс жоспары бекітілді. Ұлы Отан соғысындағы Жеңістің 75 жылдығына арналған монографияны екі тілде жариялау жоспарға енді.
<img src="https://kyzylorda-news.kz/wp-content/uploads/2020/02/6dostykuii2.jpg" alt="" />
<img src="https://kyzylorda-news.kz/wp-content/uploads/2020/02/6dostykuii3.jpg" alt="" />
<img src="https://kyzylorda-news.kz/wp-content/uploads/2020/02/6dostykuii4.jpg" alt="" />

Қазақстан және Қызылорда облысының жаңалықтары: Басты жаңалықтар old