<a href="https://kyzylorda-news.kz/">Kyzylorda-news.kz.</a> Бүгін Қызылорда қаласындағы &nbsp;А.Тоқмағамбетов атындағы қалалық мәдениет үйінде республикалық ақындар айтыс өтіп жатыр.
&nbsp;Алтын Орданың 750 жылдығына және ұлы ақын Абай Құнанбайұлының 175 жылдық мерейтойына арналған жыр додасының бас ұйымдастырушысы – Қызылорда қаласының әкімдігі.
«Ұлы даланың ұлағаты» атты республикалық ақындар айтысын екі дүркін “Алтын домбыра” иегері, айтыскер ақын Мұхтар Ниязов жүргізіп жатыр.
Ал, Қазақстанның Еңбек сіңірген қайраткері, жырау Алмас Алматов, Қазақстанның Еңбек сіңірген қайраткері Дәулеткерей Кәпұлы, ақын, Қазақстан жазушылар одағының мүшесі Дүйсенбек Аяшұлы қазылық етуде.
Өнер додасына еліміздің бірқатар қалалары мен өңірлерінен Бекарыс Шойбеков, Дидар Қамиев, Рүстем Қайыртайұлы, Нұрмат Мансұров, Дидар Аббасов, Біржан Байтуов, Ержеңіс Әбдиевтер қатысуда.
Айтыс басталар алдында Қызылорда қаласының әкімі Нұрлыбек Нәлібаев республикалық айтыстың ашылуымен қатысушыларды құттықтап, табыс тіледі.
Айтыстың алғашқы жұбы Нұр-Сұлтан қаласынан Нұрмат Мансұров пен түркістандық Бекарыс Шойбеков.

Қызылордада республикалық ақындар айтысы өтіп жатыр

<a href="https://kyzylorda-news.kz/">Kyzylorda-news.kz.</a> Қызылорда облысында республикалық&nbsp; «Жолда қабылдау»&nbsp; акциясы өтуде.
Мобильдік қабылдау кезінде тұрғындарға&nbsp; Армения, Қырғызстан, Беларусь, Ресейден әкелінген көліктердің біздің Қазақстанда рәсімделу тәртібі түсіндірілуде. Сондай-ақ, электрондық үкімет порталы арқылы мемлекеттік қызметтердің қолжетімдігі туралы құқықтық кеңестер беріліп жатыр.
<img src="https://kyzylorda-news.kz/wp-content/uploads/2020/02/14priemnadoroge2.jpg" alt="" />
<img src="https://kyzylorda-news.kz/wp-content/uploads/2020/02/14priemnadoroge3.jpg" alt="" />
<img src="https://kyzylorda-news.kz/wp-content/uploads/2020/02/14priemnadoroge4.jpg" alt="" />

Қызылордалықтарға шетелдік көліктерді рәсімдеу тәртібі түсіндіріліп жатыр

<a href="https://kyzylorda-news.kz/">Kyzylorda-news.kz.</a> Аймақ басшысы&nbsp; Қ.Ысқақов облыстық Қоғамдық кеңес мүшелерімен кездесті. Кездесуде Қазақстан Республикасы Үкіметінің қаулысымен бекітілген 2019-2022 жылдарға арналған облыстың әлеуметтік-экономикалық дамуының кешенді жоспары туралы айтып, өңдеу өнеркәсібі, агроөнеркәсіптік кешен мен тұрғын үй құрылысы бағытындағы атқарылған жұмыстарға тоқталды.
Жыл қорытындысымен, жалпы экономикалық дамудың 7 көрсеткіші бойынша Қызылорда облысы үздік 8 облыстың қатарында.
Аймақ басшысын Қоғамдық кеңес мүшелерімен кездесуде &nbsp;2019 жылы облыс экономикасына 400 млрд.теңгеден астам инвестиция салынғандығын айтты. Бұл 2018 жылға қарағанда 17,4 пайызға артық. Қызылорда облысы инвестициялар өсімінің қарқыны бойынша жоғары өсу динамикасы бар үздік 4 өңірдің қатарында. 2019 жылы өңірдің әлеуметтік-экономикалық даму қарқынын сипаттайтын барлық негізгі көрсеткіштері бойынша оң нәтижелерге ие болды. Атап айтқанда, 25 әлеуметтік нысанның құрылысы, оның 12-сінің құрылысы өткен жылы аяқталса, қалған 13-і биыл іске асады деп жоспарлануда.
Облыс әкімі Қ.Ысқақов Қоғамдық кеңес мүшелеріне есеп беру барысында мұнай өндірудегі шығын салдарын жою мақсатында шикізаттық емес секторды әсіресе экспортқа бағытталған өндірістерді дамытуға баса назар аударудамыз деп айтты.
<blockquote>
 “Осы жылдың көктемінде ас тұзын өңдеу және йодтау зауытын іске қосамыз. 2020 жылы жылына 4 мың тонна балық өңдейтін цехты, қуаты 1500 тонна құс етін өндіретін құс фабрикасын, ірі қара мал өсіретін кешенді аяқтау жоспарлануда. Сонымен қатар, &nbsp;түйе сүтінен құрғақ сүт шығаратын өндірісі мен шыны пластикалық желілік және жоғары қысымдағы сорғы-компрессорлық трубалар өндірістерінің құрылысы басталмақ. Шетелді қоса алғанда, өнімге сұраныстың өсуін ескере отырып, Арал қаласында ас тұзын шығаратын қуаты 120 мың тонна үшінші испан цехының және де еліміздегі алғашқы калцийлендірілген сода шығаратын зауыт министрліктің рұқсатымен құрылысы басталады” ,- деді облыс әкімі Қ.Ысқақов
</blockquote>
Өңірде агроөнеркәсіптік кешен өнімі әлемнің 19 еліне жіберілуде. Ал, экспортталатын өнім тізбесі соңғы жылдары 3-тен 19 түрге дейін көбейген. 2019 жылдың қорытындысымен ауыл шаруашылығы өнімінің экспорт көлемі 7%&nbsp; өскен. Өңделген өнім үлесі экспорттың 90-нан аса пайызын құрауда.
Өткен жылы облыста 760 мың шаршы метр тұрғын үй пайдалануға берілді.Қызылорда қаласындағы Сырдария өзенінің сол жағалауын игеру әлі де жалғасуда. Бүгінгі күні 2234 пәтерлі 48 көпқабатты тұрғын үйдің құрылысы аяқталды. Оның ішінде 18 үй (784 пәтер)жеке инвесторлар есебінен пайдалануға берілді.
Аймақ басшысы тұрғын үй кезегінде тұрғандар саны көп екенін айтты. Қазіргі таңда, Қызылорда облысы бойынша тұрғын үйге мұқтаж 30118 азамат (Қызылорда қаласы бойынша – 25395 азамат) тұрғын үй алу кезектілігіне тіркелген. Сондықтан осы мәселені шешу бағытында қарқынды жұмысты жалғастырылатынын айтты.
Кездесу барысында &nbsp;өңір басшысы “Байқоңыр” еркін экономикалық аймағын құру, “Қорқыт Ата” әуежайында халықаралық талаптарға сай жолаушылар терминалын салу,&nbsp; 2019-2021 жылдарға арналған өңірлік Әлеуметтік жол картасы мәселелеріне де тоқталды. Қоғамдық кеңес мүшелері де ойларын ортаға салып, ұсыныстарын жеткізді. Аймақ басшысының атқарып жатқан жұмыстарына оң бағаларын беріп, өңірдің дамуы үшін бірлесіп жұмыс істеуге атсалысатындықтарын білдірді.
<img src="https://kyzylorda-news.kz/wp-content/uploads/2020/02/14kogamdykkenes2.jpg" alt="" />
<img src="https://kyzylorda-news.kz/wp-content/uploads/2020/02/14kogamdykkenes3.jpg" alt="" />

Қызылорда облысының әкімі қоғамдық кеңес алдында есеп берді

<a href="https://kyzylorda-news.kz/">Kyzylorda-news.kz.</a> Биыл қазанда өтетін Ұлттық халық санағы екі кезеңнен тұрады. Бұл туралы ҚР Ұлттық экономика министрлігі Статистика комитетінің төрағасы Нұрболат Айдапкелов айтты, деп хабарлайды <a href="http://lenta.inform.kz/kz/biyl-kazan-ayynda-ulttyk-halyk-sanagy-otedi_a3614224">ҚазАқпарат</a>.
<blockquote>
 «2020 жылы Қазақстан Республикасының Ұлттық халық санағын өткізу уақыты мен кезеңі. Халық санағы шартты екі кезеңнен тұрады. Дайындық кезеңі 1-30 маусым аралығында болады. Бұл кезеңде интервьюерлер үйлерді аралап, онда тұратын тұрғындардың нақты санын анықтайды. Осы кезеңде санақты аудандарға бөлу дайындық жүргізіледі, – дейді Нұрболат Айдапкелов Орталық коммуникациялар қызметінде өткен баспасөз конференциясында.
</blockquote>
Ол санақты аудандарға бөлудеген өңірдегі әрбір елді мекеннің аумағын санақты өткізу үшін нұсқаушылық және есептік учаскелерге бөлу екенін айтты.
<blockquote>
 «Екінші, яғни негізгі кезең 1-30 қазан аралығында болады. Қазан айының 1 мен 15 аралығында, яғни тікелей халық санағының алғашқы 15 күнінде интернет-сауалнама жүргізіледі. Интернет-сауалнамада респонденттер өзіне және отбасы мүшелеріне Интернет желісі арқылы sanaq.gov.kz арнайы сайтында санақ парақтарын өз бетінше толтырады. Сонымен бірге, сайтта респонденттерге арналған түсіндірмелер мен арнайы виртуалды көмекші де бар. Интернет-сауалнамамен қатар 1-30 қазан аралығында интервьюерлер жаппай сауалнама жүргізеді. Сауалнама жауаптары планшетке енгізіледі. Интернет арқылы мәліметтер берген респонденттер интервьюерлер жүргізетін сауалнамаға қатыспайды. Халыққа сауалнама жүргізу барысында респондентті сәйкестендіру үшін сұралатын адамның ЖСН-і пайдаланылады. Сауалнама аяқталғанда халық санағынан өткені туралы анықтама беріледі», – дейді ол.
</blockquote>

Биыл қазан айында Ұлттық халық санағы өтеді

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2020 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы Жарлыққа қол қойды. Бұл туралы Ақорданың баспасөз қызметі хабарлайды.
Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2020 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы
«Қазақстан Республикасының қорғанысы және Қарулы Күштері туралы» 2005 жылғы 7 қаңтардағы Қазақстан Республикасы Заңының 5-бабы 2-тармағының 11) тармақшасына және «Әскери қызмет және әскери қызметшілердің мәртебесі туралы» 2012 жылғы 16 ақпандағы Қазақстан Республикасы Заңының 31-бабына сәйкес ҚАУЛЫ ЕТЕМІН:
1. Әскери қызметтің белгіленген мерзімін өткерген мерзімді әскери қызметтегі әскери қызметшілер 2020 жылдың наурыз – маусымында және қыркүйек – желтоқсанында Қазақстан Республикасының Қарулы Күштері, Қазақстан Республикасының Ішкі істер министрлігі, Қазақстан Республикасының Ұлттық қауіпсіздік комитеті, Қазақстан Республикасының Мемлекеттік күзет қызметі қатарынан запасқа шығарылсын.
2. Әскерге шақыруды кейінге қалдыруға немесе одан босатылуға құқығы жоқ он сегіз жастан жиырма жеті жасқа дейінгі ер азаматтар 2020 жылдың наурыз – маусымында және қыркүйек – желтоқсанында Қазақстан Республикасының Қарулы Күштеріне, Қазақстан Республикасының Ішкі істер министрлігіне, Қазақстан Республикасының Ұлттық қауіпсіздік комитетіне, Қазақстан Республикасының Мемлекеттік күзет қызметіне мерзімді әскери қызметке шақырылсын.
3. Жергілікті атқарушы органдар тиісті жергілікті әскери басқару органдары арқылы 2020 жылдың наурыз – маусымында және қыркүйек – желтоқсанында азаматтарды мерзімді әскери қызметке шақыруды жүргізуді ұйымдастырсын және қамтамасыз етсін.
4. Қазақстан Республикасының Үкіметі, Қазақстан Республикасының Ұлттық қауіпсіздік комитеті, Қазақстан Республикасының Мемлекеттік күзет қызметі мерзімді әскери қызметті өткеру үшін Қазақстан Республикасының Қарулы Күштеріне, Қазақстан Республикасының Ішкі істер министрлігіне, Қазақстан Республикасының Ұлттық қауіпсіздік комитетіне, Қазақстан Республикасының Мемлекеттік күзет қызметіне әскерге шақырылған Қазақстан Республикасының азаматтарын жөнелтуді және мерзімді әскери қызметтің белгіленген мерзімдерін өткерген әскери қызметшілерді шығаруды қаржылай және материалдық қамтамасыз етуді ұйымдастырсын.
5. Осы Жарлық алғашқы ресми жарияланған күнінен бастап қолданысқа енгізіледі.
Қазақстан Республикасының Президенті&nbsp;&nbsp; Қ.Тоқаев
Нұр-Сұлтан, Ақорда, 2020 жылғы 12 ақпан № 266

Президент жаңа жарлыққа қол қойды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қ.Ысқақов аймақтың шығармашылық өкілдерімен кездесті. Ә.Тәжібаев атындағы облыстық ғылыми әмбебап кітапханасында өткен шараға ақын-жазушылар қатысып елдің, аймақтың дамуына, рухани,мәдени өміріне қатысты ойларын ортаға салды.
Бүгінде «Nur Otan» партиясы жанынан республикалық және облыстық деңгейде «Miras» қоғамдық кеңесі жұмыс істейді. «Nur Otan» партиясы жаңа жаңғыру бағдарламасына сәйкес зиялы қауым өкілдерін рухани дамуға қатысты мәселелерді шешуге жұмылдыру жұмыстарын қолға алып отыр.
Аймақ басшысы Сыр өңірі – Қорқыт бабаның қобыз сарыны мен өзінің жыраулық мақамы үзілмеген, қазақ әдебиетінің негізін қалаған Сәкен, Бейімбет, Сәбит Мұқановтардың ізі қалған, Әбділда мен Асқарды, Зейнолла, Қалтай, Әбдіжәмілді дүниеге әкелген киелі топырақ екенін айтты.
<blockquote>
 “Осы уақытқа дейін ұлттың әдебиетін жасаған қарымды қаламгерлердің көші үзілген емес, заман талабына сай тынысы ашылып, бағыты кеңейіп келеді. Міне, солардың көзіндей болып әдебиет пен өнердің, мәдениет пен ғылымның кәусарынан сусындаған шығармашылық иелері өздеріңіз, бүгінгі Тәуелсіз еліміздің жаршысындай болып отырсыздар. Қазақ әдебиетінде Сыр өңірі қаламгерлерінің де алар орны ерекше және аймақтың шығармашылық интеллигенциясының ұсыныстары мен пікірлері бойынша алдағы уақытта да бірлесе жұмыс істеуге біз дайынбыз”,- деді облыс әкімі Қ.Ысқақов.
</blockquote>
Кездесуде Қаршыға Есімсейітова Қазақстан Жазушылар одағы Қызылорда облыстық филиалының атқарған жұмыстары мен ұсыныстары туралы айтты. Мәселен, “Әдебиет үйін” салу, Сол жағалаудан «Руханият» аллеясын ашу мен Сыр қаламгерлерін мектептерде, жоғары оқу орындарында жастарға таныстырып “Жазушының мәртебесі” сабағын өткізіп отыру мәселесін көтерді. Сонымен қатар, сатирик – ақын, қарымды қаламгер Орынбасар Әлжіктің 60 жасқа толуына орай шығармашылық кеш өткізу үшін қолдауды сұрады. Аталған ұсыныстар жауапты сала басшыларымен сараланып, тиісті жұмыстар жүргізілетінін айтты аймақ басшысы. Ал, Орынбасар Әлжіктің мерейтойын биылғы жылы өткізілетін қоғамдық-саяси маңызды шаралардың күнтізбелік жоспарына енгізуді тапсырды.
Сондай-ақ, бүгін өңір басшысы Қызылорда облыстық мемлекеттік архиві, “Сыр Медиа” ЖШС баспаханасы мен облыстық ішкі саясат басқармасының Дін мәселелерін зерттеу мен ақпараттық-талдау орталықтарының, облыстық “Сыр бойы” және “Кызылординские вести” газеттері редакцияларының жұмыстарымен танысты. Содан соң, облыстық көркем-сурет галереясындағы Алтын Орданың – 750 жылдығы, Абай Құнанбайұлының – 175 жылдығына арналған “Қанат жайған руханият” атты көрмені тамашалап, Ә.Тәжібаев атындағы облыстық ғылыми-әмбебап кітапханасында болды.
Динара МАХАНОВА
<img src="https://kyzylorda-news.kz/wp-content/uploads/2020/02/12oblakimkezdesu3.jpg" alt="" />
<img src="https://kyzylorda-news.kz/wp-content/uploads/2020/02/12oblakimkezdesu4.jpg" alt="" />
<img src="https://kyzylorda-news.kz/wp-content/uploads/2020/02/12oblakimkezdesu1.jpg" alt="" />
<img src="https://kyzylorda-news.kz/wp-content/uploads/2020/02/12oblakimkezdesu5.jpg" alt="" />

Аймақ басшысы шығармашылық өкілдерімен кездесті

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Қуанышбек Ысқақов «Сыр медиа» ЖШС-ның жұмысымен танысты. Серіктестікке қарасты редакцияларды арнайы аралап, баспаханадағы газет басылу процесін көрді.
Мемлекеттік мүддені қалың көпшілікке жеткізіп, қоғамдағы өзгерістерге сай көзқарас қалыптастыруда аймақтық медианың маңызы зор. Осы орайда облыстағы бірнеше басылымды бір шаңырақ астына топтастырған «Сыр медиа» серіктестігі елдік мұраттарға қызмет ету жолында сенім биігінен түскен емес.
Он жылға жуық тарихы бар медиабірлестік құрамында әуелгі жылдары бір өзеннің қос саласындай қатар өрілген «Сыр бойы» және «Кызылординские вести» газеттері болды. 2013 жылы оған қалалық, аудан­дық ресми басылымдар қосылып, жұмыс ауқымы кеңейді. Облыс әкімдігінің қол­дауы нәтижесінде содан бері «Сыр медиа» еліміз бойынша өнімін өз баспаханасынан шығарып, өзі тарататын іргелі ұйымға айналды.
«Сыр медиа» ЖШС мем­лекеттік саясатты, республика мен өңір жаңалықтарын ха­лық­қа дер кезінде мазмұнды түрде жеткізу қызметін қа­зіргі заман талаптарына сәй­кес жаңашылдықпен жүр­гі­зіп келеді. Бүгінде бар­лық басы­лымның сайттары, сондай-ақ 2011 жылы ашылған «Kyzylorda-news.kz» ақпарат агент­тігі саясат, экономика, білім беру, денсаулық сақтау, спорт, мәдениет және өзге де салалар бойынша қоғамның тыныс-тіршілігі туралы оқыр­манға жедел әрі сенімді ақпарат таратуды жолға қойды.Бүгінде 500-ден астам адам еңбек ететін «Сыр медиа» серіктестігі ел игілігіне жарайтын бастамаларымен қалың бұқараға жақсылықтың жаршысы, ұлағатты істердің ұйытқысы ретінде белгілі.
Облыс әкімі «Сыр медиа» серіктестігінің жұмысына жан-жақты қаныққан соң «Сыр медиа» академиясында» медиахолдинг ұжымымен кездесті. Жүздесуде «Сыр медиа» ЖШС-ның бас директоры Аманжол Оңғарбаев серіктестіктің атқарып келе жатқан жұмыстары туралы егжей-тегжейлі баяндап берді. Жиын соңында облыс әкімі медиахолдингтің атқарып келе жатқан жұмыстарына оң бағасын беріп, алғысын жеткізді.
<img src="https://kyzylorda-news.kz/wp-content/uploads/2020/02/01-1.jpg" alt="" />
<img src="https://kyzylorda-news.kz/wp-content/uploads/2020/02/02.jpg" alt="" />
<img src="https://kyzylorda-news.kz/wp-content/uploads/2020/02/03.jpg" alt="" />
<img src="https://kyzylorda-news.kz/wp-content/uploads/2020/02/05.jpg" alt="" />
<img src="https://kyzylorda-news.kz/wp-content/uploads/2020/02/06.jpg" alt="" />
<img src="https://kyzylorda-news.kz/wp-content/uploads/2020/02/07.jpg" alt="" />
<img src="https://kyzylorda-news.kz/wp-content/uploads/2020/02/08.jpg" alt="" />
Суреттерді түсірген Нұрболат НҰРЖАУБАЙ

Қызылорда облысының әкімі «Сыр медиа» серіктестігінде болды (ФОТО)

<a href="https://kyzylorda-news.kz/">Kyzylorda-news.kz.</a> &nbsp;Бұл туралы Мемлекет басшысы Қасым-Жомарт Тоқаевтың қатысуымен өтіп жатқан волонтерлердің «Birgemiz» республикалық фронт-кеңсесінің ашылу салтанатында айтылды.
Айта кетсек, Президент елордада волонтерлерге арналған фронт-кеңсенің ашылу салтанатына қатысып жатыр.

Қасым-Жомарт Тоқаев Қазақстандағы волонтерлер қозғалысының құрметті елшісі атанды

<a href="https://kyzylorda-news.kz/">Kyzylorda-news.kz.</a> Елордада Қазақстан Президенті Қасым-Жомарт Тоқаевтың қатысуымен волонтерлердің «Birgemiz» республикалық фронт-кеңсесінің ресми ашылуына арналған шара басталды, деп хабарлайды <a href="https://lenta.inform.kz/kz/prezident-elordadagy-volonterler-front-kensesinin-ashylu-saltanatyna-katysuda_a3613676">ҚазАқпарат</a>.
ЭКСПО көрмесінің «Art Hub» павильонында орналасқан фронт-кеңсенің ашылуы барысында «QQAZVOLUNTEER.KZ» онлайн платформасының қызметі және волонтерліктің «Bilim», «Qamqor», «Úmit», «Sabaqtastyq», «Taza Álem» және «Saulyq» 7 салалық бағыты бойынша алаңдары таныстырылады. Аталған жобаларды жүзеге асыру аясында азаматтардың нақты жергілікті мәселелерді шешудегі талпынысын қолдау үшін шағын гранттар бөлу қарастырылуда.
Фронт-кеңсе бүкіл Қазақстанның волонтерлері үшін кеңес беру, әдістемелік, оқыту және ақпараттық орталыққа айналатын болады. Сондай-ақ, ол волонтерлік жобалар мен оқыту бағдарламаларын үйлестіру, мониторинг жасау, волонтерлікті ілгерілету бойынша бірыңғай ақпараттық саясатты жүргізеді және бірыңғай Call-орталықтың жұмысын ұйымдастырады.
<img src="https://kyzylorda-news.kz/wp-content/uploads/2020/02/12frontoffis2.jpg" alt="" />

Президент елордадағы волонтерлер фронт-кеңсесінің ашылу салтанатына қатысуда

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов қалаға қарасты елді мекендерді аралады. Басты мақсат – тұрғындардың өтініш-тілектерін тыңдап, бірқатар әлеуметтік нысандардың жұмысымен танысу.
Алдымен аймақ басшысы Ақжарма ауылдық округіндегі Баймұрат батыр ауылындағы мемлекеттік-жекеменшік әріптестік аясында салынған 150 орындық мәдениет үйінде болды. Бұл ауылдық округтің елді мекендерінде ауыз су, кәріз жүйелерінің мәселесі толық шешілген, енді «Ауыл – ел бесігі» бағдарламасы аясында Талдыарал ауылына 9 көшеге тас төсеу және электр жабдығын жүргізу жоспарлануда.
Мұнан кейін аймақ басшысы тұрғын саны 6 мыңнан асатын Ақсуат ауылдық округінде болды. «Өңірлерді дамыту бағдарламасы» шеңберінде бұл ауылдық округтегі бірнеше көшеге жөндеу жұмыстары жүргізіліп, жарық бағаналары жаңартылған. Сонымен қатар балабақшаға баратын балалар саны артуына байланысты балабақша мәселесі де толық қарастырылған. Дегенімен, ауыл тұрғындары өңір басшысымен кездесуде табиғи газ тарту мәселесін көтерді. Аймақ басшысы табиғи газға қосылу үшін биылғы жылы да республикалық бюджеттен қаржы қаралғандығын айтты. Алдағы уақытта құрылыс-монтаж жұмыстары басталатын болады.
Өңір басшысының тұрғындармен кездесуі Тасбөгет кентінде жалғасты. Мұндағы мәселелер кенттің жаңадан қалыптасқан аумағына жалпы ұзындығы 17 шақырымды құрайтын электр желісін жүргізу, жаңа емхана мен көшелердегі жолға малта тас төсеу және №5 олимпиадалық резерв спорт мектебіндегі спортшыларға жағдай жасау қажеттігін айтты.
Облыс әкімі ары қарай Белкөл кентінің тұрғындарымен кездесіп, ұсыныс-тілектерін тыңдады. Белкөлдіктер жалпы ұзындығы 7,8 шақырымды құрайтын 10 көшеге орташа жол жөндеу жұмыстарын жүргізу, орталық көшеге жаяу жүргіншілер жолын орналастыру мен К.Әбдіқадыров көшесі тұрғындарына теміржол өткелінен жаяу жүргіншілерге арналған көпір салу мәселесін айтты. Сондай-ақ, «Зеленая» көшесіне түнгі жарық бағаналарын орнату мен «Балапан» балабақшасын күрделі жөндеуден өткізу қажеттігін жеткізді.
Теміржол, аспалы көпір мәсесіне қатысты қала әкімі Нұрлыбек Нәлібаев тиісті министрлікке ұсыныс жолданғанын атап өтті.
Ал, Қарауылтөбе ауылдық округінде ауыз су, жол, көркейту-көгалдандыру бағыты бойынша жұмыстары жолға қойылған. Ауылдық округ тұрғындары өтініш- тілектерін тыңдауға келген аймақ басшысына алғыстарын айтып, жаңа клуб үйі салынса деген тілектерін жеткізді. Сонымен қатар, аймақ басшысы Қосшыңырау, Қызылжарма ауылдық округтерімен Талсуат елді мекенінде де болды.
Мұнан кейін өңір басшысы 3 елді мекенге біріккен, 3500 аса тұрғыны бар Қызылөзек ауылдық округінде болды.Айнакөл, Қараөзек, Жаңаарық елді мекендеріндегі жол мәселесі шешілген. Алайда тұрғындар ауылдық округке қарасты 3 елді мекенді ілеспе газбен қамту мәселесі туралы сауалдарын қойды. Аймақ басшысы 2019 жылы республикалық бюджеттен теңге қаржы бөлінгендігін айтты.
<blockquote>
 «2019 жылға республикалық бюджеттен 2 жобаны аяқтауға және Жосалы, Жалағаш, Тереңөзек аудан орталықтары мен Жақсықылышты газдандыру жобасын бастауға қаржы қарастырылды. Бұдан бөлек, аталған жобаларды қаржыландыру үшін облыстық бюджеттен де қаржы бөлінді. Алдағы уақытта көгілдір отынға барлық аудандар мен қалаға қарасты елді мекендер де қосылатын болады», – деді облыс әкімі Қуанышбек Ысқақов.
</blockquote>
<img src="https://kyzylorda-news.kz/wp-content/uploads/2020/02/12akimat2.jpg" alt="" />
<img src="https://kyzylorda-news.kz/wp-content/uploads/2020/02/12akimat3.jpg" alt="" />
<img src="https://kyzylorda-news.kz/wp-content/uploads/2020/02/12akimat4.jpg" alt="" />
<img src="https://kyzylorda-news.kz/wp-content/uploads/2020/02/12akimat5.jpg" alt="" />
<img src="https://kyzylorda-news.kz/wp-content/uploads/2020/02/12akimat6.jpg" alt="" />

Қызылорда облысының әкімі елді мекендерді аралады

<a href="https://kyzylorda-news.kz/">Kyzylorda-news.kz.</a> Қазіргі таңда Сырдария өзенінде су деңгейі төмен. Қауіп төндіріп тұрған жоқ. Десе де солтүстік өңірлерде болуы мүмкін су тасқынымен күресуге Қызылорда облысы төтенше жағдайлар департаменті көмек қолын созуға әзір.
Бүгінде өрт сөндірушілер мен құтқарушылар&nbsp; техникалардың, қондырғылар мен құрылғылардың дайындығын пысықтау мақсатында саптық қарау өткізілді.
Жұмылдырылатын 61 қызметкер 6 бірлік техника, 5 қайық, 12 мотопомпа және топтың автономды түрде жұмыс жүргізу үшін азық-түлік және жанар-жағармай қоры тағы бар. &nbsp;
Саптық қарау барысында Қызылорда облысы ТЖД бастығы азаматтық қорғау полковнигі О.Бержанов су тасқыны қаупі бар аймақтарға көмекке &nbsp;дайын екенін жеткізді.
<img src="https://kyzylorda-news.kz/wp-content/uploads/2020/02/11sudengei2.jpg" alt="" />

Қызылордалық құтқарушылар су тасу қаупі бар солтүстік өңірлерге көмекке әзір

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қ.Ысқақов бизнес-қауымдастық өкілдерімен кездесті. Жиынға жас кәсіпкерлер, осы саладағы мемлекеттік және мемлекеттік емес мекемелер мен ұйымдар, бірлестіктер, қаржы ұйымдарының басшылары қатысты.
2018 жылдан бастап өңірде ауыл тұрғындарының тұрақты жұмыспен қамтылуын, жұмыссыздықтың азаюын, салық базасының құрылуын, жергілікті бюджеттің нығаюын қамтамасыз ету мақсатында Жаппай кәсіпкерлікті дамытудың үшжылдығы жарияланды.
Мемлекет басшысының тапсырмасына сәйкес 2025 жылы шағын және орта кәсіпкерліктің жалпы өңірлік өнімдегі үлесін 35 пайызға жеткізу міндеті қойылған.
Аймақ басшысы өңірдің ірі кәсіпорындарында шығарылатын өнім көлемін ұлғайтып, сол арқылы ілеспе өндіріс орындарын құру қажеттігін айтты.
<blockquote>
 “Күріш өсіру зауыты аясында күріш лапшасы, күріш ұны, күріш майы, күріш сабанынан қап шығаратын ілеспе кәсіпорындар ашылуы тиіс. Өзіміздің елімізден экспортталатын күріш өнімдері қайта өңделіп, бірнеше есе бағада өзімізге импортталады. Бұдан бөлек, өңірімізде асыл тұқымды мал өсіріп, шұжық және сүт өнімдерін өндіріп, еліміздің ішкі нарығынан айтарлықтай орын алған кәсіпорындар жетерлік. Бірақ, бұл шаруашылық аясында жүн, тері өндірістері мүлдем дамымаған. Елімізде қолданыстағы заңнамаларға енгізілген өзгерістерге сәйкес, 2025 жылдан бастап полиэтилен өнімдері қолданыстан шығарылмақ. Осыған сәйкес, полиэтилен өнімін алмастыратын өндімдері шығаратын өндіріс көзін дамыту қажет “,- деді облыс әкімі Қ.Ысқақов.
</blockquote>
Жиында өңірдің кәсіпкерлік саласына қатысты өзекті мәселелер бойынша кәсіпкерлер ұсыныс-пікірлерін айтты. Сонымен қатар, спикерлер жеңіл өнеркәсіп, білім беру, медицина, цифрландыру, сауда және туризм салаларындағы проблемалар туралы баяндады.
Облыс әкімі Қ.Ысқақов өңірде кәсіпкерлік саласын дамытуға басымдық бергеннен кейін, қай жағынан болмасын өзге өңірлермен салыстырғанда алдыңғы қатарда болуға қажет екендігін және ол үшін мемлекет тарапынан барлық қолайлы жағдайлар жасалынып отырғандығын айтты.
<blockquote>
 “Біздің басты міндетіміз – бизнесті жүргізу үшін қолайлы жағдай жасау. Тисінше кәсіпкерлікті дамыту бағытындағы жұмыстар әрқашан жалғасын тауып, жылдан-жылға күшейетін болады. Біз әрдайым бірлескен нәтижелі жұмыстар мен өзіміздің тарапымыздан кәсіпкерліктің дамуына қатысты мәселелерді шешуге, қолдау көрсетуге, қандай да бір идеяларыңыз болса оларды талқылауға әрқашан дайынбыз”,-деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2020/02/11akimat2.jpg" alt="" />

Қазақстан және Қызылорда облысының жаңалықтары: Басты жаңалықтар old