<a href="https://kyzylorda-news.kz/">Kyzylorda-news.kz.</a> Елімізде төтенше жағдайдың жариялануына байланысты қоғамдық орындардың қызметіне бірқатар шектеулер енгізілгені мәлім. Осыған орай, Қызылорда облысы Полиция департаменті қызметкерлерінен мобильді топ құрылып, олармен жүргізілген түнгі рейд барысында облыстың 100-ге жуық кафе-мейрамханалары тексерілді.
Тексеру барысында 4 кафе иесі енгізілген төтенше жағдай режиміне қарамастан өз жұмысын жалғастырғаны анықталды. 2 дерек облыс орталығында анықталса, 2 дерек Қазалы ауданында орын алды.
Аталған мекемелердің әкімшілігіне Қазақстан Республикасы Әкімшілік құқықбұзушылық туралы кодексінің 476 бабымен (төтенше жағдай режимін бұзу) әкімшілік хаттамалар толтырылды. Тиісті шара қолдану үшін жинақталған құжаттар сотқа жолданды.
<blockquote>
 «Ірі сауда нысандарына олардың жұмыс істеу уақыты бойынша 10.00-ден 18.00-ге дейін, киім-кешек базарлары үшін 11.00-ден 17.00-ге дейін шектеу енгізілді. Дәмхана мен мейрамханаларға келушілердің саны 50 адамнан аспауы тиіс және қабылдау уақыты 22.00-ге дейін ғана жалғасады. Аталған шектеулерді орындамағаны үшін ҚР ӘҚБтК-нің 476-бабы бойынша (төтенше жағдай режимін бұзу) 10 АЕК айыппұл немесе 15 тәулікке қамау түрінде жаза көзделген. Билік өкілдерінің заңды талаптарына бағынбағаны үшін тәртіп бұзушыларға ҚР ҚК 379-бабы бойынша 2000 АЕК көлемінде айыппұл немесе екі жылға бас бостандығынан айыру жазасы тағайындалады», – деп мәлімдеді біздің ақпарат агенттігіне Қызылорда облысы Полиция департаментінің баспасөз қызметі.
</blockquote>
Осы ретте, Қызылорда облысының Полиция департаменті құқық қорғау органдарының іс- әрекеттеріне түсіністікпен қарауды және төтенше жағдай кезінде азаматтардың қауіпсіздігі мен тәртібін қамтамасыз етуге байланысты қажетті шектеулерге назар аударуды сұрайды. Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда.
Айта кетейік, Мемлекет басшысы Қ.Тоқаевтың елімізде төтенше жағдай режимін жариялануына байланысты Қызылорда облысы Полиция департаментінің жеке құрамы қызмет атқарудың күшейтілген тәртібіне ауыстырылды.
<img src="https://kyzylorda-news.kz/wp-content/uploads/2020/03/4-kafe-kyzyloda-2-min-scaled.jpg" alt="" />
<img src="https://kyzylorda-news.kz/wp-content/uploads/2020/03/4-kafe-kyzyloda-3-min-scaled.jpg" alt="" />
<img src="https://kyzylorda-news.kz/wp-content/uploads/2020/03/4-kafe-kyzyloda-5-min-scaled.jpg" alt="" />
<img src="https://kyzylorda-news.kz/wp-content/uploads/2020/03/4-kafe-kyzyloda-4-min-scaled.jpg" alt="" />

Қызылордада төтенше жағдай режимін бұзған 4 кафе иесі жауапқа тартылды (ФОТО)

<a href="https://kyzylorda-news.kz/">Kyzylorda-news.kz.</a> Қазақстанда тағы 2 адам коронавирус жұқтырды. ҚР Денсаулық сақтау министрлігінің мәліметінше, Covid-19 індетінің тағы екі фактісі Алматы қаласында расталған.
<blockquote>
 «Оның бірі – 1998 жылы туған қыз бала. Студент. Ыстанбұл-Алматы рейсімен 15 наурызда ұшып келген. Екіншісі – 1974 жылғы әйел адам. 10 наурыз күні Мәскеуден Алматыға ұшып келген. Екеуі де қазір стационарда. Жағдайы жақсы», –&nbsp;деді&nbsp;<a href="https://www.facebook.com/MinzdravRK/videos/203924737530188/?epa=SEARCH_BOX"></a>Диас Ахметшәріп министрліктің <a href="https://www.facebook.com/MinzdravRK/videos/203924737530188/?epa=SEARCH_BOX">ресми парақшасында.</a>
</blockquote>
Бүгінгі таңда Қазақстанда коронавируспен ауыратындар саны 35-ке жетті. Оның ішінде 17 жағдай – Алматыда, 18 факті – Нұр-Сұлтанда тіркеліп отыр.

Қазақстанда коронавирус жұқтырғандардың саны 35 адамға жетті

<a href="https://kyzylorda-news.kz/">Ky</a><a href="https://kyzylorda-news.kz/">zylorda-news.kz.</a> Еліміздегі төтенше жағдай режимінде қоғамның тіршілігін қамтамасыз ететін, қауіпсіздік пен құқықтық тәртіпті бақылайтын мекемелерден, жекелеген БАҚ-тан өзге мемлекеттік, квазимемсектор қызметшілерінің 70%-ын қашықтан жұмыс істеуге көшірген жөн. Бұл туралы ҚР Президенті Қасым-Жомарт Тоқаев&nbsp;<a href="https://twitter.com/TokayevKZ?ref_src=twsrc%5Egoogle%7Ctwcamp%5Eserp%7Ctwgr%5Eauthor">Twitter</a>&nbsp;парақшасында жазды.
<blockquote>
 «ТЖ режимінде қоғамның тіршілігін қамтамасыз ететін, қауіпсіздік пен құқықтық тәртіпті бақылайтын мекемелерден, жекелеген БАҚ-тан өзге мемлекеттік, квазимемсектор қызметшілерінің 70%-ын қашықтан жұмыс істеуге көшірген жөн. Жеке кәсіпорындарға да осындай шараны қолдану ұсынылады» – деді Президент.
</blockquote>
Айта кетейік, бүгін еліміздің Нұр-Сұлтан және Алматы қалаларына <a href="https://kyzylorda-news.kz/kogam/nur-sultan-zhaene-almaty-qalalary-karantinge-zhabyldy-50219/">карантин режимі енгізілді.</a>

Тоқаев мекемелердегі қызметкерлердің 70%-ын қашықтан жұмыс істеуге көшіруді тапсырды

<a href="https://kyzylorda-news.kz/">Kyzylorda-news.kz.</a> 2020 жылдың I тоқсанға бекітілген әлеуметтік маңызы бар азық-түлік тауарлар бағасының шекті мәнінен өнімдердің бөлшек саудада бағасы 15% жоғарылаған жоқ. Бұл туралы өңірлік коммуникациялар қызметінің ақпарат алаңында өткен баспасөз конференциясында Ауыл шаруашылығы басқармасы басшысының міндетін атқарушы Сейілбек Нұрымбетов мәлімдеді.
<blockquote>
 «Бүгінгі күні тұрақтандыру қорында 1199,9 тонна өнім көлемі бар. Қазіргі уақытта астық нарығындағы қалыптасқан қымбатшылық жағдайға байланысты өңірлік тұрақтандыру қорына алынған ұн әлеуметтік нан пісіретін наубайханаларға төмен бағада беріліп, ресми статистикаға сәйкес бөлке нанның орташа бағасы 71,5 теңге. Әлеуметтік дүкендерде – нан 55 теңгеден», – деді Сейілбек Серғазыұлы.
</blockquote>
Сондай-ақ, биыл кәсіпкерлік субъектілерге несие беру жаңа қағидасына сәйкес әлеуметтік нанның бағасын тұрақтандыру үшін ұн өндіруші кәсіпорындарға үздіксіз ұнмен қамтамасыз етуге, астық қорларын қалыптастыру үшін жергілікті бюджеттен 100,0 млн. теңге қаржы бөлініп тиісті ұн өндірілуде. Қазіргі таңда, облыс орталығында 26 әлеуметтік дүкен жұмыс істейді. Жыл ішінде 20 дүкен салу жоспарлануда.
Төтенше жағдайға байланысты, тауарөндірушілер өнімдерін делдалсыз сату мақсатында барлық әлеуметтік дүкендерді тікелей тауар өндірушілерге және көтерме сауда субъектілеріне, жеке кәсіпкерлерге беру жұмыстары жүргізілуде. Мұнан өзге, әлеуметтік дүкендердегі өнімдердің бағасына апта сайын мониторинг жүргізіліп, тұрақты бақылауда тұр.
<blockquote>
 «Мониторинг бойынша нарықта картоптың орташа бағасы -120 теңге, жуа – 80 теңге, сәбіз – 100 теңге болса, әлеуметтік дүкендерде картоп – 83 теңге, жуа – 75 теңге, сәбіз – 82 теңгеден сатылып жатыр. Сондай-ақ, тұрақтандыру қорына қарасты, Қызылорда қаласындағы әлеуметтік дүкендерде наубайханалардың босату бағасында нан 55 теңгеден сатылса, макаронның килограмы 150 теңгеден, күріш 200 теңгеден, қант 170 теңгеден, бірінші сортты ұн 122 теңгеден және өсімдік майы литрі 340 теңгеден сатылуда.
 Қазіргі таңда, жұқпалы вирус ауруының (коронавирус) таралу қаупінің салдарынан өнімдердің тапшылығын (дефицит) болдырмау және АҚШ доллары курсының жоғарылауы салдарынан әлеуметтік маңызы бар тауарлардың нарықтағы бағасының қымбаттау қаупін алдын-алу үшін тұрақтандыру қорына қосымша қажетті 537,6 млн. теңгенің 3903 тонна өнім көлемдерін сатып алу жұмыстары жүргізілуде», – деді Сейілбек Серғазыұлы.
</blockquote>
Оның ішінде, жалпы 242,9 млн. теңгені құрайтын 1 619 тонна азық-түлік өнімдерін сатып алуға келісім-шарт жасалған, оның 1000 тоннасы бірінші сортты ұн, 51 тонна өсімдік майы,68 тонна қарақұмық жармасы және 500 тонна күріш.
Сонымен қатар, 164,8 млн. теңгені құрайтын 2 089 тонна азық-түлік өнімдерін сатып алу үшін тауар өндірушілермен келіссөздер жүргізілуде, оның 134 тонна қант, 50 тонна макарон, 1000 тонна картоп, 500 тонна пияз, 300 тонна сәбіз, 100 тонна қырыққабат, 4 тонна тұз және 1 тонна сарымсақ.
Бұдан бөлек, жалпы 129,8 млн. теңгеге 195 тонна азық-түлік өнімдерін тауар өндірушілерден сатып алу шаралар атқарылуда. Оның ішінде, 100 тонна 2,5% сүт, 30 тонна 2,5% қатық,10 тонна сүзбе, 5 тонна сары май, 100 мың дана жұмыртқа, 20 тонна тауық еті, 20 тонна сиыр еті, 10 тонна қойдың еті.
Сонымен қатар, жергілікті бюджет есебінен «Өңірлік инветициялық орталық» (РИЦ) арқылы 200,0 млн. теңге қаржыны заем негізінде беру бойынша жұмыстар жүргізілуде, ұсыныстар қаралуда.
Нәтижесінде әлеуметтік маңызы бар азық-түлік өнімдері нарықтан 20 пайызға дейін төмен бағада сатылу жоспарлануда.
Тұрақтандыру қорының өнімдерін сапалы сақтау үшін, сыйымдылығы 2000 тонналық көкөніс сақтау қоймасының құрылысы аяқталды, қазіргі уақытта қойма ішіне тауарлар кіргізілуде.
Жалпы тұрақтандыру қорының өнімдерін тұрғындарға тиімді бағада ұсынылып, нарықтағы өнімдердің бағасын тұрақтандыру бағытындағы атқарып жатқан шаралар өзінің оң әсерін беруде.
ҚР Ауыл шаруашылығы министрлігі тарапынан ауыл шаруашылығы өнімдерін ел аумағына алып келуге және Қазақстан арқылы транзиттеуге шектеу енгізілмегендігі хабарланды.
<img src="https://kyzylorda-news.kz/wp-content/uploads/2020/03/qyzylordada-26-aelewmettik-dueken-zhumys-istejdi-ishine.jpg" alt="" />

Қызылордада азық-түлік түрлерін арзан бағада сататын 26 әлеуметтік дүкен жұмыс істейді

<a href="https://kyzylorda-news.kz/">Kyzylorda-news.kz.</a> «Берлин-Минск-Алматы» авиарейсі арқылы 13 наурызда ұшып келген 2018 жылғы кішкентай қыз баладан коронавирус инфекциясы анықталды, деп хабарлайды <a href="https://www.inform.kz/kz/kazakstanda-eki-zhasar-kyz-baladan-koronavirus-anyktaldy_a3625874">ҚазАқпарат.</a>
<blockquote>
 «Коронавирус жұқтырған тағы үш адам тіркелді. «Берлин-Минск-Алматы» ұшағы арқылы 13 наурызда ұшып келген 2018 жылғы кішкентай қыз бала Алматы қаласындағы балалар инфекциялық ауруханасына жатқызылды. Екінші науқас – 1966 жылы туған азамат Мәскеуден бізге 10 наурыз күні ұшып келген. Ол Алматыда көпсалалы медициналық орталыққа жатқызылды. Үшінші науқас 1956 жылы туған азамат. Ол да Мәскеуден 10 наурыз күні ұшып келді», – деп хабарлады ҚР Денсаулық сақтау министрлігінің ресми өкілі Диас Ахметшәріп.
</blockquote>
Оның айтуынша қазіргі уақытта Алматыда 11, Нұр-Сұлтанда 2 науқас тіркелді. Бүгінгі күнде елде коронавирус жұқтырудың 13 жағдайы расталды.
Сондай-ақ, Қазақстанда <a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">Төтенше жағдай жарияланып</a>, азаматтардың 15 сәуірге дейін ел аумағынан шығуына тыйым салынды.
ҚР Президенті Қасым-Жомарт Тоқаев ел халқына <a href="https://kyzylorda-news.kz/sayasat/qasym-zhomart-toqaevtyng-el-halqyna-zholdaghan-uendewining-tolyq-maetini-49873/">үндеу жолдады</a>.

Қазақстанда екі жасар қыз баладан коронавирус анықталды

<a href="https://kyzylorda-news.kz/">Kyzylorda-news.kz.</a> Қызылордалық полицейлер жергілікті тұрғындармен бірлескен жұмысының арқасында жоғалған балықшыны тапты.
Ағымдағы жылдың 6 наурыз күні Шиелі ауданының тұрғыны кезекші бөліміне өз танысын іздестіру туралы арыз түсірген. Онда 5 наурыз күні кешкі сағат 17:00 уақыт шамасында Қызылорда қаласынан Жезқазған тас жолымен шамамен 60-70 шақырымында орналасқан Телікөл көліне балық аулауға кеткен азамат Қызылорда қаласына қарай жаяулатып кеткені, осы уақытқа дейін үйіне оралмағандығы жөнінде көрсеткен.
<blockquote>
 «Туысқандарының ұсынған фотосы, мәліметтеріне сәйкес бағыт-бағдар жасалып, кешенді іздестіру&nbsp; жұмыстары жүргізілді. Жедел-іздестіру іс-шараларын тез арада жүргізу қажет болғандықтан, жоғалған азаматты анықтау мақсатында Төтенше жағдай департаменті, волонтерлар, тұрғындардың көмегін алуға шешім қабылданды», – делінген Қызылорда облыстық Полиция департаментінің баспасөз қызметінің хабарламасында.
</blockquote>
Полиция қызметкерлері тұрғындармен бірлескен іздестіру іс-шараларының нәтижесінде жоғалып кеткен азаматтың қайда екендігі 12 наурыз күні анықталды. Іс-шаралар нәтижесінде Шиелі ауданы, Балаби ауылының тұрғыны Бақытжан Палымбетов Сұлутөбе ауылына қарасты Барша көлінің аумағында бір орыс азаматты көргендігі жайлы ұялы хабар берген.
Полиция қызметкерлері және тұрғындардың арқасында жоғалған тұрғын үйіне оралды. Оның денсаулығында ешқандай қауіп жоқ.

Қызылордада жоғалған балықшы табылды

<a href="https://kyzylorda-news.kz/">Kyzylorda-news.kz.</a> Ірі сауда нысандарына азаматтар маскамен ғана кіргізілетін болды. Бұл туралы бүгін Орталық коммуникациялар қызметіндегі брифингте ҚР Сауда және интеграция министрі Бақыт Сұлтанов айтты.
<blockquote>
 «Ірі сауда нысандары мынадай талаптарды сақтауы тиіс: өз аумақтарына келушілерді тек маскамен ғана жіберулері тиіс. Келушілерде маска болмаса тегін маска ұсынып, коронавирустың алдын алу бойынша жадынама таратулары қажет. Барлық кіріп-шығатын есіктерге тепловизорлар орнатулары керек», – деді Бақыт Сұлтанов.
</blockquote>
Оның атап өтуінше, ірі сауда нысандары, оның ішінде азық-түлік базарлары сағат 10-нан 18-ге дейін, азық-түлік емес тауарлар сататын базарлар сағат 11-ден 17-ге дейін жұмыс істейді.

Қазақстандықтар ірі сауда нысандарына маскамен ғана кіргізіледі

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы Дүниежүзілік денсаулық сақтау ұйымы коронавирус инфекциясының пандемиясын жариялануына орай сауалдары туындаған кәсіпкерлерге төмендегі байланыс телефондарына хабарласуға болатындығын жеткізеді:
Эл.пошта: kyzylorda@atameken.kz
Қызылорда қаласы:
тел.: 87242-400981
сот. 8-777-764 33 11
Аудандар:
Арал ауданы
тел.: 87243-379199
сот. 8-778-730 89 80
Қазалы ауданы
тел.: 87243-879243
сот. 8-701-347 36 46
Қармақшы ауданы
тел.: 87243-779120
сот. 8-777-234 51 98
Жалағаш ауданы
тел.: 87243-179199
сот. 8-705-177 62 67
Сырдария ауданы
тел.: 87243-679179
сот. 8-747-533 05 07
Шиелі ауданы
тел.: 87243-279255
сот. 8-702-277 42 59
Жаңақорған ауданы
тел.: 87243-579120
сот. 8-775-656 55 22
Байқоңыр қаласы
тел.: 8336-2223527
сот. 8-702-446 63 27
Айта кету керек, Азаматтардың денсаулығын сақтау және Қазақстанда коронавирустың таралуымен күрес жүргізу мақсатында «Атамекен» ҰКП басшылығы барлық бизнес-процестерді сақтай отырып, ұйымның жұмысын қашықтықтан жұмыс істеу режиміне мүмкіндігінше ауыстыру бойынша шешім қабылдады.
Еске салсақ, 11 наурызда Дүниежүзілік денсаулық сақтау ұйымы коронавирус инфекциясының пандемиясын жариялады. Келесі күні Қазақстан Үкіметі күшейтілген санитарлық-дезинфекциялық режим мен оған қатысты арнайы шаралардың енгізілгені туралы хабарлады. Осыған байланысты орталық аппарат және өңірлік палаталардың барлық жұмыс процестері қашықтықтан жұмыс істеу режиміне ауыстырылады.
Ұлттық палатада жұмыс орнына қажеттілік бойынша шығатын қызметкерлерге кезекшілік режимі қарастырылған, қорғану құралдары – маскалар мен қол гигиенасына арналған құралдар беріледі.
Кәсіпкерлерге арналған қызметтердің көрсетілу тәртібі:
<ul>
<li>Кәсіпкерлерге қызмет көрсету орталығының қызметі services.atameken.kz сайтында онлайн форматына ауыстырылады. Облыс орталықтарында кезекші қызметкерлер ғана жұмыс істеп, онлайн қызметтермен қалай пайдалану қажет екенін көрсетіп, түсіндіретін болады. Аудан орталықтарында мұндай функцияны филиалдар директорлары мен кеңесшілер атқарады;</li>
<li>«Бастау», «Бизнес Мектеп» (осыған дейін «Бизнес Кеңесші», Бизнес Өсу») бағдарламалары бойынша оқуға қатысу өтінімдері email арқылы онлайн қабылданады. Мекенжайларды өңірлік палаталардан телефон арқылы немесе 1432 нөмірі арқылы анықтауға болады;</li>
<li>Сертификаттау қызметтері бойынша өтінімдер – онлайн режимінде қабылданады, ал консультацияларды өңірлік кәсіпкерлер палаталарында телефон арқылы алуға болады, төтенше қажеттілік орын алған жағдайда кезекші қызметкер кәсіпкерге сол жерден кеңес береді;</li>
<li>&nbsp;Барлық жұмыс жиналыстар онлайн режимге ауысады.</li>
</ul>
Коронавирус өршуі салдарынан кәсібі зардап шеккен кәсіпкерлер үшін Ұлттық палата базасында Отандық бизнеске жағымсыз әсерді азайту жөнінде жедел штаб жұмысын жалғастырады. Қазіргі таңда штаб кәсіпкерлердің проблемалары мен тәуекелдері туралы ақпаратты, сондай-ақ бизнеске келтірілген зардапты азайту бойынша ұсыныстарды жинау және талдаумен айналысып жатыр.
&nbsp;Бұдан бөлек, штаб күнделікті негізде бизнеске қатысты ағымдағы ситуация жайында ақпараттандыратын болады. Ақпаратты Ұлттық кәсіпкерлер палатасының ресми сайтынан atameken.kz, әлеуметтік желілерде&nbsp;Facebook&nbsp;және&nbsp;Instagram, сондай-ақ штаб жетекшісінің орынбасары –&nbsp;Шыңғыс Темірдің&nbsp;парақшасынан&nbsp;табуға болады.
Барлық кәсіпкерлерді&nbsp;сілтемедегі&nbsp;сауалнаманы&nbsp;толтырып, таратуды, сондай-ақ, «Атамекен» ҰКП call-орталығына 1432 хабарласуды сұраймыз. Сонымен қатар call-орталықтан қажетті бөлімдердің нөмірлері, мекенжайлары мен электронды пошталарын нақтылауға болады.

Кәсіпкерлер палатасы онлайн жұмысқа көшті: қызылордалық кәсіпкерлер қандай нөмірлерге хабарласа алады?

<a href="https://kyzylorda-news.kz/">Kyzylorda-news.kz.</a> Қызылордалық полицейлер мал ұрлаған үш қаскөйді ұстады.
Қызылорда қалалық басқармасы Тасбөгет полиция бөлімінің қызметкерлерімен жүргізілген рейдтік іс-шара кезінде 13 наурызда 05:00 сағат шамасында «ВАЗ-2114» автокөлігін тоқтатып, тексеру барысында жүк салғышынан құжатсыз, бір бас ірі қара малын алып бара жатқаны анықталды. Тексеру барысында Қызылорда қаласының тұрғындары, аталған малды Талдыарал елді-мекенінде белгісіз үйдің мал қорасынан ұрлап, өткізу мақсатында Қызылорда қаласына алып келгендері белгілі болды.
<blockquote>
 «Үш күдікті оқиға орнында ұсталды. Айғақты зат алынды. Қазіргі уақытта күдіктілер уақытша ұстау изоляторына оқшауландырылды. Жедел-іздестіру шаралары барысында күдіктілердің басқа да мал ұрлығы дерегіне қатыстылығы тексеріліп жатыр.Осы фактіге қатысты ҚР Қылмыстық кодексінің 188/1-бабы 3-бөлігіне “Ұрлық” сәйкес сотқа дейінгі тергеу жүргізілуде», – делінген полиция департаменті баспасөз қызметінің хабарлауынша.
</blockquote>

Қызылордада мал ұрлығына күдіктілер анықталды

<a href="https://kyzylorda-news.kz/">Kyzylorda-news.kz.</a>&nbsp;Ел біріншілігінің екінші турында “Қайсар” “Оқжетпеске” қонаққа барды.
Стойчо бапкер бұл ойында құрамға өзгеріс орнатты. Алғашқы турда алаңға шыққан Режиналдоның орнына бірінші минуттан Александр Колевке сенім артты. Жанкүйерлерсіз басталған матчта қонақтар сауатты ойнап, кездесудің 10-минутында есеп ашты.&nbsp;Ілияс Әмірсейтовтың қапталдан асырған добына шабуылшы Элгуджа Лобжанидзе бірінші жетіп, Абжанов қорғаған қақпадан саңылау тапты.
Кездесудің екінші жартысында Карпович құрамдағы бар шабуылшыларын алаңға шығарғанымен қасқырлар қорғаныста сыр бермеді. Осылайша “Қайсар” кезекті жеңісіне жетіп, турнирлік кестеде 3-орынға жайғасты.

«Қайсар» «Оқжетпесті» жеңді

<a href="https://kyzylorda-news.kz/">Kyzylorda-news.kz.</a> Ералы Тоғжанов бастаған үкімет делегациясы бүгін Қызылорда облысында болды.
Қазақстан Республикасы Премьер-Министрінің орынбасары Сыр өңіріне сапары барысында облыстағы туберкулезге қарсы диспансерде және жұқпалы аурулар ауруханасында болып, бірқатар кездесулер өткізді.
<blockquote>
 «Біздің елімізде коронавирустың таралуын болдырмау үшін шұғыл шаралар қабылданғанын білесіздер. Өкінішке қарай, Қазақстанда коронавирус қаупі туралы ақпарат расталды. Бүгін біздің алдымызда коронавирустық пневмонияға қарсы тұру маңызды міндеті тұр», – деп атап өтті Ералы Тоғжанов.
</blockquote>
Аурудың алдын алу үшін еліміздің аймақтарында оқшаулануға арналған ауруханалар дайындалған. Бұған дейін хабарланғандай, облыстардағы барлық медициналық мекемелер белсенді жұмыс істеп, шекаралық карантин бекеттері құрылды, медицина қызметкерлері оқытылып, жеке қорғаныс құралдарымен қамтамасыз етілді.
Қызылорда облысында коронавирустық инфекция тіркелмеген. Облыста 100 орындық провизорлық стационар және 400 орындық карантин орталығы қажетті құрал-жабдықтармен, медициналық қорғаныс құралдарымен және дәрі-дәрмектермен жабдықталған. Сонымен қатар ҚР Үкіметі қабылдаған шараларға сәйкес коронавирустық инфекцияның таралуын болдырмау үшін қажетті шаралар қабылдануда.
Қазақстан Республикасы Премьер-Министрінің орынбасары короновирус инфекциясы бар науқастарға медициналық көмек көрсетуге арналған медициналық ұйымдардың дайындығы мен жабдықталу деңгейімен танысу нәтижелері бойынша қажетті дәрі-дәрмектермен және медициналық ұйымдарды қажетті медициналық жабдықтармен, жеке қорғаныс құралдарымен қамтамасыз етудің маңыздылығын атап өтті.
Сондай-ақ инфекциялық ауруханалардың пациенттерді қабылдауға дайындығы мен қажет болған жағдайда қосымша орындарды жедел беру қажеттілігі және эпидемиологиялық жағдайға тұрақты мониторинг жүргізуге ерекше назар аударылды.
Премьер-Министрдің орынбасары Ералы Тоғжановтың Қызылорда облысының әкімі Қуанышбек Ысқақовпен және мұнай-газ секторының өкілдерімен кездесуінде жаңа мұнай кен орындарын игеру, осы салаға жаңа технологияларды енгізу, сондай-ақ мұнай сервисіндегі тарифтерді индекстеу мәселелері ерекше өзекті болды.
Қуанышбек Ысқақовтың айтуынша, Қызылорда облысында орташа жалақы 150 235 теңгені құрайды, бұл ел бойынша орташа деңгейден төмен.
Жалпы, жұмыспен қамтуды қамтамасыз ету мақсатында ағымдағы жылы мемлекеттік бағдарламаларды жүзеге асыру аясында 13 мыңнан астам жаңа жұмыс орындарын құру жоспарлануда.
Сонымен қатар, облыс әкімдігі жұмыс орындарын сақтау туралы 3 мыңға жуық ірі және орта кәсіпорындармен меморандумдарға қол қойған. Облыстың 30 ірі және орта кәсіпорындармен жұмысшылардың бақыланатын ағымына арналған Жол картасына қол қойылды. Аталған карта бойынша кәсіпорындардан жұмысшылардың жұмыстан босатылған кезінде олардың мүдделері кадрлық қажеттілікке сәйкес қолдау табады.
Ералы Тоғжанов өңірлерді дамыту мәселелері ел басшылығының ерекше бақылауында екенін атап өтті.
<blockquote>
 «Облыста дағдарысқа қарсы шараларды жүзеге асыру үшін, әсіресе өндіріс нысандарының тұрақты жұмыс істеуі мен жұмыс орындарын сақтау тұрғысынан кешенді шаралар қабылдау қажет. Өндіріс көлемінің қысқаруына байланысты жұмысшылардың босатылуына жол берілмейді. Бұл күрделі мәселе», – деп атап өтті ҚР Премьер-Министрінің орынбасары.
</blockquote>
Өңірдегі кездесулердің қорытындысы бойынша Қазақстан Республикасы Премьер-Министрінің орынбасары Ералы Тоғжанов Энергетика министрлігіне және облыс әкімдігіне бірқатар проблемалық мәселелерді шешуде мұнай-газ саласының өкілдерімен ынтымақтастықты күшейтуді тапсырды.
Ең алдымен, өндіріс жоспарларын қайта қарау және мұнай бағасының өзгеруіне байланысты дағдарысқа қарсы жол карталарын әзірлеу тапсырылды.
Еңбек міндеттемелерін орындау аясында Ералы Тоғжанов еңбек дауларын болдырмау, жұмыс орындарын сақтау және кәсіпорындардың жұмысшыларына уақтылы жалақы төлеу жөнінде нақты шаралар қабылдауды тапсырды.
Сондай-ақ коронавирустық инфекцияның жергілікті жерлерде енуіне және таралуына жол бермеуге бағытталған шараларды күшейту қажеттілігі айтылды.
Еске салайық, ҚР Президенті Қасым-Жомарт Тоқаевтың тапсырмасымен Премьер-Министрдің басшылығымен елдегі экономикалық жағдайдың дағдарысқа қарсы жоспарын әзірлеу үшін <a href="https://kyzylorda-news.kz/kogam/qasym-zhomart-toqaev-shughyl-aereket-etw-shtabynyng-kengesin-oetkizdi-49448/">жедел әрекет ету штабы құрылды</a>.
Мемлекет басшысы Үкіметке халық алдындағы барлық міндеттемелерді толығымен орындауды, жұмыспен қамтуды және әлеуметтік тұрақтылықты қамтамасыз ету жөніндегі шараларды күшейтуді тапсырды.
Айта кетейік, 13-15 наурызда Қазақстан Республикасы Премьер-Министрінің орынбасары Ералы Тоғжанов бастаған үкімет делегациясы Маңғыстау, Атырау, Ақтөбе, Батыс Қазақстан және Қызылорда секілді Қазақстанның бес облысында болды.

Ералы Тоғжанов бастаған үкімет делегациясы Қызылорда облысында болды

<a href="https://kyzylorda-news.kz/">Kyzylorda-news.kz.</a> Ақордада Мемлекет басшысы Қасым-Жомарт Тоқаевтың қатысуымен жедел әрекет ету штабының отырысы өтті, деп хабарлайды <a href="http://lenta.inform.kz/kz/memleket-basshysy-balasymen-uyde-otyruga-mazhbur-ata-analardy-aky-tolenetin-enbek-demalysyna-zhiberudi-tapsyrdy_a3624515">ҚазАқпарат.</a>
Отырыс барысында Президент баласымен үйде отыруға мәжбүр ата-аналарды ақы төленетін еңбек демалысына жіберуді тапсырды. Мемлекет басшысы жұмыс берушілермен осы тапсырманы іске асыру шеңберінде жұмыс жүргізуді жүктеді.
Сонымен қатар Үкімет фискалды механизмдер арқылы кәсіпорындарды қолдау шараларын қабылдауға міндеттелді. Қасым-Жомарт Тоқаев сондай-ақ, медициналық мекемелер мен азаматтарды қажетті дәрі-дәрмекпен қамтамасыз ету мәселесін жедел шешуді жүктеді.

Қазақстан және Қызылорда облысының жаңалықтары: Басты жаңалықтар old