<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова ауыр атлетикадан Әлем кубогінің жеңімпаздары Рахат Бекболаев пен Айсамал Сансызбаеваны қабылдады.
Аймақ басшысы пандемия кезеңіне қарамастан Сыр спортшылары онлайн жарыста да бақ сынап, аймақ абыройын асырып жүргенін ерекше атап өтті. Сондай-ақ, спорттағы жарқын жетістіктер мен толайым табыстардың артуына жаттықтырушылардың еңбегі зор екенін тілге тиек етті.
<blockquote>
 “Қазіргі уақытта коронавирус пандемиясы кезеңіндегі уақытша шектеулерге қарамастан облыс спортшылары республикалық, халықаралық онлайн жарыстарға қатысып, белсенділіктерін көрсетуде. Соның бір дәлелі – 11-18 қараша аралығында Перудің Лима қаласында ауыр атлетикадан жасөспірімдер арасында өткен онлайн Әлем кубогында жерлестеріміз Рахат Бекболаев үшінші мәрте Әлем рекордын жаңартса, Айсамал Сансызбаева қыздар арасында Кубоктың «Үздік спортшысы» атанып, жеңістің биік тұғырынан көрінді.Әрине, жеңіс еңбексіз келмейді. Спортшыларымыздың үздіксіз жаттығып, жарысқа жауаптылықпен қарап, білікті жаттықтырушылар Арман Абдраев мен Нұржан Смахановтың дайындық процесін дұрыс ұйымдастыруының нәтижесінде осындай жетістіктерге қол жеткізіп отырмыз,-деді облыс әкімі Гүлшара Әбдіқалықова.
</blockquote>
Лима қаласындағы байрақты бәсекеге 61 елден 399 спортшы қатысқан. Дүниежүзілік жарыста Қазақстанның намысын 7 спортшы қорғады, оның 4-уі- қызылордалықтар. Жыл басынан бері Сыр спортшылары ҚР чемпионаттары мен кубоктарында 293 медаль жеңіп алса, Азия чемпионаттарында 23 медальға қол жеткізді. Мұнан бөлек, аймақ спортшылары, боксшы Қамшыбек Қоңқабаев пен балуан Дәулет Ниязбеков Токио Олимпиадасына 2 лицензия алды. Ал, Алматы қаласында өткен Қазақстан чемпионатында Сыр спортшылары еркін күрестен жалпы командалық есепте І орынды жеңіп алды.
Қабылдау барысында облыс әкімі қос спортшы Рахат Бекболаев пен Айсамал Сансызбаевамен пікірлесіп, алдағы жоспарларын тыңдады. Спорттағы әрбір жетістіктері мен кезекті жеңістерін ерекше атай отырып, Әлем кубогінің жеңімпаздарына ноутбук табыстады.
Айта кетейік, Айсамал Сансызбаева 2003 жылы 7 тамызда Қызылорда облысы, Шиелі ауданы Бидайкөл ауылында дүниеге келген. Қазіргі таңда мектеп-интернат-колледждің 1-курсында оқиды. Ауыр атлетикадан ҚР халықаралық дәрежедегі спорт шебері. Жасөспірімдер арасында Қазақстан чемпионы. Рахат Бекболаев 2004 жылы 14 қаңтарда Қызылорда қаласында дүниеге келген. Қазақ гуманитарлық заң жəне техникалық колледжінің студенті. Ауыр атлетикадан ҚР спорт шебері. Жастар арасында ҚР құрама команда мүшесі. Жасөспірімдер арасында Əлем чемпионы.
<img src="https://kyzylorda-news.kz/wp-content/uploads/2020/12/129647592_2945187172250999_5350341833677958764_o.jpg" alt="" />

Гүлшара Әбдіқалықова ауыр атлетикадан Әлем кубогінің жеңімпаздарын қабылдады

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова «Қазақтелеком» АҚ Оңтүстік өңірлік телекоммуникация дирекциясының бас директоры Үсенхан Әубәкіровпен кездесті.
Кездесуде өңір басшысы Президент Қасым-Жомарт Кемелұлының биылғы Жолдауындағы цифрлық теңсіздікті жою, интернетке барынша қолжетімдікті және сапалы байланысты қамтамасыз ету жөніндегі тапсырмасына сәйкес аймақта атқарылып жатқан жұмыстарды атап өтті.
“Қазіргі таңда облыстағы 230 ауылдық елді мекеннің 170-і кең жолақты интернетпен қамтамасыз етілген. Мемлекеттік-жекешелік әріптестік аясында өңірде 73 елді мекеннің мемлекеттік органдары талшықты-оптикалық байланыс желісімен қамтамасыз етіліп, оның 14-не «Қазақтелеком» акционерлік қоғамы талшықты-оптикалық байланыс желісін жүргізді. Бүгінде жоғары жылдамдықты интернет желісімен қамтамасыз ету мәселесі бойынша шешімін таппаған 39 елді мекенді және шалғай орналасқан 14 елді мекенді жоғары жылдамдықты интернетпен қамтамасыз ету мүмкіндігін қарастыруыңызды ұсынамыз – деді облыс әкімі Гүлшара Әбдіқалықова.
Өткен жылдың наурыз айында Қызылорда облысының цифрлық технологиялар басқармасы мен “Қазақтелеком” АҚ Оңтүстік өңірлік телекоммуникациялар дирекциясы арасында “Қызылорда облысының мемлекеттік органдарына талшықты-оптикалық байланыс желісін жүргізу” туралы мемлекеттік-жекешелік әріптестік шарты жасалған. Бүгінде шарта көрсетілген құрылыс жұмыстары толығымен аяқталып, 69,7 км талшықты-оптикалық кабельдер жүргізіліп, аймақтағы мемлекеттік органдардың 77 объектісі интернет желісіне қосылды.
Облыс бойынша білім беру және денсаулық сақтау нысандары толығымен 100% интернетке қосылған. Қазіргі уақытта бюджеттік ұйымдарды емес, халықты (мектеп жасындағы балалар, студенттер және т.б.) сапалы интернетпен қамтамасыз ету мәселесі өткір тұр. Сондай-ақ, білім беру саласында “Қауіпсіз мектеп” жобасы бойынша орта білім беру мекемелерін бейнебақылау жүйесімен қамтамасыз ету жобасы кезең-кезеңімен іске асырылуда. Ағымдағы жылы облыстық бюджеттен 70 мектепке бейнебақылау камераларын орнатуға 250 млн.теңге бөлінді. Бүгінгі таңда мемлекеттік сатып алудың ашық конкурстары өткізіліп, камераларды орнату жұмыстары жүргізілуде.
«Қазақтелеком» АҚ Оңтүстік өңірлік телекоммуникация дирекциясының бас директоры Үсенхан Әубәкіров Smart City жобасы аясында атқарылатын жұмыстарды баяндады. Замануи LoRaWAN технологиясын қолдану, интерактивті есептеу аспаптарын орнату, ақылды жарықтандыру, ақылды тұрақтар сынды коммерциялық ұсыныстар зерделеніп жатқандығын жеткізді.
<img src="https://kyzylorda-news.kz/wp-content/uploads/2020/12/22d1ce130d0bc7329292a3a394078915_original.293522.jpg" alt="" />

Гүлшара Әбдіқалықова: Шалғай елді-мекендерді интернет байланысымен қамтуды жеделдету қажет

<a href="https://kyzylorda-news.kz/">Kyzylorda-news.kz</a>. Заңсыз ойын ұйымдастыруға қатысты кезекті қылмыстық іс бойынша сот үкім кесті. Бұл заңсыз әрекет Қызылорда облысы бойынша экономикалық тергеу департаменті қызметкерлерімен үстіміздегі жылдың тамызында анықталған болатын.
Қызылорда қаласының тұрғыны балаларға арналған компьютерлік ойын клубы түрінде өз жеке кәсібін ашқан. Қаланың орталық көшелерінің бірінен жалға ғимарат алып, оған 14 компьютер қойған соң кәсібінің астарын Қазақстан Республикасының «Ойын бизнесі туралы» заңына қайшы әрекеттерге бұрған. Экономикалық тергеу департаментінің криминалист&nbsp; мамандары жүргізген зерттеулер нәтижесінде бұл компьютерлерге ұтыс тігілетін құмар ойындар жүктелгені және онлайн ойындар жасалғаны дәлелденді.
№2 Қызылорда қалалық сотының үкімімен&nbsp; Қазақстан Республикасы Қылмыстық кодексінің 307 бабы 1 бөлігінде қарастырылған қылмыстық әрекеттері үшін (ойын мекемесiн заңсыз ашу немесе заңсыз ұйымдастыру, құмар ойындарын ұйымдастыру және өткізу) заңсыз ойын ұйымдастырған азаматтың 1 жылға бас бостандығы шектелді. Сонымен қатар сотпен пробациялық бақылау және 100 сағаттық мәжбүрлі еңбекке тарту тағайындалды.&nbsp;&nbsp;
Ойын орнынан алынған 14 компьютер құрылғыларымен, 4 ұялы телефон және модем, кассадан алынған 177700 теңге ақша мемлекет пайдасына тәркіленді.
Айта кетейік, 2020 жылдың 9 айында қоғамға елеулі залал келтіретін заңсыз ойын бизнесін ұйымдастыру дерегімен 6 қылмыстық іс тіркелген.

Балаларға заңсыз ойын ұйымдастырған қызылордалыққа үкім шықты

Халықаралық мүгедектер күні бүкіл әлемде жыл сайын 3 желтоқсанда атап өтіледі.
Дүниежүзілік денсаулық сақтау ұйымының бағалауы бойынша, бір миллиардтан астам адам – әлем халқының шамамен 15% – ы мүгедектіктің қандай-да бір түріне ие.
Қызылорда облысында 30 мыңнан астам мүгедек бар. Олар міндетті әлеуметтік медициналық сақтандыру жүйесінде сақтандырылған.
ҚР «МӘМС туралы» заңының 26-бабына сәйкес, I, II, III топтардағы мүгедектігі бар адамдар мемлекет жарналар аударатын азаматтардың 15 жеңілдік санаттарының қатарына кіреді. Мәліметті толығырақ <a href="https://fms.kz/kk/content/azamattardyn-zhenildigi-bar-sanattary">мына</a>.) сілтеме арқылы білуге болады.
Сонымен қатар, заңның 27-бабына сәйкес, мүмкіндігі шектеулі адамдар қатарындағы жеке кәсіпкерлер МӘМС жарналарынан босатылды, сондай-ақ жұмыс берушілерге мүгедектігі бар қызметкерлер үшін МӘМС-ға аударымдар төлеудің қажеті жоқ.
Азаматтардың осы санатына барлық медициналық қызметтердің қол жетімді. Медициналық көмек көрсетуден бас тартқан жағдайда Әлеуметтік медициналық сақтандыру қорына «Qoldau – 24/7» мобильдік қосымшасы арқылы жүгінуді сұраймыз.&nbsp;
<img src="https://kyzylorda-news.kz/wp-content/uploads/2020/12/osms-strahovka-app-kaz.jpg" alt="" />

3 желтоқсан &#8211; Халықаралық мүгедектер күні

<a href="https://kyzylorda-news.kz/">Kyzylorda-news.kz.</a> Биыл газбен жабдықтау жобаларын іске асыру үшін бюджеттен 4,5 млрд теңге бөлінді.
Бес мыңнан астам халық тұратын Арал ауданының Жақсықылыш кентіне газ берілді. Жосалы, Жалағаш және Тереңөзек кентін газдандыру жұмыстары жүргізілді. Үш аудан орталығы көгілдір отынға келер жылы қосылатын болады. Сонымен қатар, «Жұмыспен қамту жол картасы» бағдарламасы аясында Қазалы ауданындағы Ғани Мұратбаев, Шиелі ауданындағы Байсын елді мекендеріне газ беру жоспарлануда.
Қала іргесіндегі Наурыз және Махамбет елді мекендерін газдандыруға арналған жобалық-сметалық құжаты дайындалса, Қармақшы ауданының Төретам және Ақай, Шиелі ауданының Алғабас, Ақмая, Қодаманов елді мекендерін газдандыруға құжаттамасы әзірленуде.
<blockquote>
 “Негізі жоспар бойынша облысқа 13 АГРС салу қарастырылған. Қазір Арал, Қазалы, Байқоңыр, Жаңақорған, Шиеліде салынып тұр. Жалағаш пен Тереңөзекке біреуі орнатылса, қалада екеуі жұмыс жасап тұр. Қазір Сексеуіл кентіне, Шиелідегі Шоқай ауылына салуды жоспарлап жатырмыз. Өйткені, ол жерлерде халық саны көп, басқа ауылдар жақын орналасқан. Облыс орталығында 2 жылу орталығы, 190 шақырым жылу құбыры бар. Биыл бу қазандықтары мен 7,8 шақырымды құрайтын жылу құбыры күрделі жөндеуден өткізілді”, – деді облыстық энергетика және тұрғын үй-коммуналдық шаруашылық басқарма басшысының орынбасары Ерлан Жоламанов.
</blockquote>
Жылу маусымы биыл мерзімінен ерте берілді. Дегенмен, тұрғындар арасында жылудың, газдың қысымына байланысты көңілтолмаушылық бар.
<blockquote>
 “Қалада екі АГРС бар. Екеуі бір-біріне қосылмаған. Сол жағалауда газдың қысымының азайып кететіні сондықтан. Қысым әртүрлі болғандықтан қалада да мұндай мәселе кездеседі. Бірақ тұрғындар жылу маусымының алдында құбырын, моржаларын тазарту секілді жұмыстарды тұрақты жүргізбейді. Оның да кесірі тиеді. Ал орталықтандырылған жылуға қосылған үйлердің өжірелері суға толып қалатынынан болады. Бұл бағытта биыл біраз жұмыс атқарылды. 32 көпқабатты тұрғын үй жаңғыртудан өтті”, – деді Ерлан Жоламанов.
 “Облыс орталығына көгілдір отын келгеніне он жылдан асты. Әдепкіде, газ есептегіш құралдарына «Смарт карта» қолданылған. Оның қызмет көрсету мерзімі аяқталды. Қазір механикалық есептегіш түріне ауыстырып жатырмыз. Оның артықшылығы көп. Біріншіден онлайн төлем жасауға ыңғайлы. Екіншіден, әр айдың басында бағдарламаны жаңарту үшін жасалатын бұғаттауға жол берілмейді”, – деді «ҚазТрансГаз Аймақ» АҚ ҚОФ апатты-диспетчерлік қызметінің басшысы Базарбек Ерімбетов.
</blockquote>

Қызылорда: Үш аудан орталығы көгілдір отынға қосылады

<a href="https://kyzylorda-news.kz/">Kyzylorda-news.kz</a>. Биыл облыста мәжбүрлі еңбек және 14 жасқа толмаған балалардың еңбегін пайдалану фактілері бойынша жеке және заңды тұлғалардан өтініштер тіркелмеген. Бұл туралы Өңірлік коммуникациялар қызметінің ақпараттық алаңында облыстық еңбек саласын бақылау басқармасының басшысы Төреахмет Жолымбетов баяндады.
<blockquote>
 “Полиция органдарының адам саудасына қарсы күрес желісі мәліметі бойынша жыл басынан бері 5 жеңгетайлық және 1 бас бостандығынан заңсыз айыру қылмыстық іс тіркеліп, тергеу амалдары жүргізілуде. Сонымен қатар, облыс аумағында адам саудасымен байланысты қылмыстарды ескерту, жолын кесу, анықтау және ашу бағытында құзырлы органдарымен бірлескен жедел-іздестіру іс-шараларын өткізудеміз. Яғни, адамдарды еңбекке қанау мақсатында заңсыз бостандығынан айыру деректерін анықтау, жолын кесу бағытында облысымызда 3671 шаруа қожалықтың 2876-сы тексерілді”, – деді Төреахмет Сайлаубайұлы.
</blockquote>
Мәжбүрлі еңбек пен адам саудасының құрбаны болмау үшін, миграция қызметіне тіркелу, кез-келген қызметті жасамас бұрын келісім-шарт жасасу, жұмысқа қабылдаушы ұйым мен тұлғалар жайлы хабардар болу, еңбек шартын жасасу, бөтен тұлғаларға ешқашан жеке куәлік пен өзге де жеке құжаттарды бермеу өте маңызды екенін ескерген жөн.

Қызылордада адам саудасына қатысты 6 дерек тіркелді

<a href="https://kyzylorda-news.kz/">Kyzylorda-news.kz</a>. Футболдан ел біріншілігі аяқталды. Премьер-лигада аймақ намысын қорғаған «Қайсар» командасы 7 орынмен аяқтады. Бірінші лигада бақ сынаған «Байқоңыр» командасы оңтүстік дивизионда 6-орынға, «Қайсардың» жастар құрамы екінші лиганың батыс дивизионында 2-орынға тұрақтады.
Жыл басында «Қайсар» футбол клубының бюджеті 4 млрд. теңгені құрады. Алайда әлемдік ахуалға байланысты команданың қаржылық жағдайы оңтайланып, 34 процентке, яғни 1 млрд 362 млн теңгеге қысқарды. Пандемия кезінде спорт сайыстары уақытша тоқтатылып, тамыз айында футбол біріншілігі қайта жалғасты. Командадағы футболшылардың келісім-шарты 15 қарашада аяқталды. Дегенмен, команданың негізгі құрамдағы ойыншылары соңғы тур ойындарына қатысуға келісімдерін берді. Маусымның соңғы ойынында бас бапкер Стойчо Младенов команда құрамында болмады. Себебі әлемдік ахуалдың өршуіне байланысты Болгария мемлекеті 27 қарашада толыққанды жабылатын болғандықтан, болгар маманы өз еліне қайту мәжбүр болды.
<blockquote>
 “Келер жылы «Қайсардың» қаржылық жағдайы 1 млрд. 600 млн. теңге болады деп жоспарлануда. Сонымен қатар биылғы жоспарды орындамағындықтан, бас бапкер Стойчо Младеновпен келісім шарт ұзартылмайды. Енді бас бапкер лауазымына орналасу үшін жергілікті жаттықтырушыларға Сұлтан Әбілдаев, Ерлан Шойтымов және Қанат Шерімбетовке мүмкіндік берілмек. Сондай-ақ, командадағы маңызды ойыншыларды сақтап қалуға әрекет етілуде. Бүгінде Думан Нәрзілдаев, Ілияс Әмірсеитов, Шоқан Абзалов, Марсель Исламқұлов, Нұрымжан Салайдын секілді ойыншылармен келісімге келдік. Команданың биылғы лидерлері Элгуджа Лобжанидзе, Бағдат Қайыров, Александр Марочкин, Александр Заруцкиймен келіссөздер жүргізілуде, – деді облыстық дене шынықтыру және спорт басқармасының басшысы Жақсылық Оспанов.
 «Қайсар» футбол клубының алдағы дайындығына «Байқоңыр» командасынан Елжас Сарбай, Ерболат Серік, Аян Құлмағанбетов, Руслан Дүйсенбаев және Бекзат Құрманбекұлы шақыртылады. Келер маусымда өнер көрсететін жаңа футболшылар «Қайсардың» оқу-жаттығу жиынында сұрыпталатын болады. Негізінен жергілікті футбол мектебінің түлектеріне басымдық береміз. Бұған қоса, қазақстандық және ТМД елдерінің ойыншыларын қарастырамыз, – деді «Қайсар» ФК директоры Серік Досманбетов.
</blockquote>
<img src="https://kyzylorda-news.kz/wp-content/uploads/2020/12/128976957_1181204928941684_2736387604579217302_o.jpg" alt="" />

«Қайсар» премьер-лиганы 7 орынмен аяқтады

<a href="https://kyzylorda-news.kz/">Kyzylorda-news.kz</a>. WhatsApp мессенджерінде алдағы уақытта екі апталық локдаун енгізілетіні туралы хабарлама тарап жатыр. Онда тіпті азық-түлік дүкендері де жабылып, дәріханалар ғана бұрынғы режимде жұмыс істейтіні айтылған, деп хабарлайды&nbsp;<a href="https://sputnik.kz/">Sputnik Қазақстан</a>.
Денсаулық сақтау министрлігіне қарасты тауарлар мен көрсетілетін қызметтердің сапасы мен қауіпсіздігін бақылау комитеті бұл ақпаратты жоққа шығарды.
<blockquote>
 “Бұл жалған ақпарат. Қазіргі таңда қатаңдату шараларын қабылдау жоспарланып отырған жоқ. Бір де бір облыста мұндай мәселе көтерілмеді”, – деп хабарлады комитеттің ресми өкілі Ержан Байтанаев.
</blockquote>
Ол медициналық бетперде тағудың және әлеуметтік арақашықтықты сақтаудың маңыздылығын еске салды. Сондай-ақ, адамдар көп жиналатын жерлерге бармауға шақырды.

Қазақстанда екі апталық локдаун енгізіле ме?

<a href="https://kyzylorda-news.kz/">Kyzylorda-news.kz</a>. Қызылорда қаласы КБИ мөлтек ауданындағы жеке тұрғын үйдің бірінің әжетханасынан нәрестенің мәйіті табылды.
Қазақстан Республикасы Қылмыстық кодексінің 100 – бабымен (Жаңа туған баланы анасының өлтiруi) сотқа дейінгі тергеп–тексеру амалдары басталды. Күдікті анықталды. Оқиғаның барлық мән-жайлары тексерілуде. Тиісті сот–медициналық сараптамалар тағайындалды. Бұл туралы Өңірлік коммуникациялар қызметінің ақпараттық алаңында өткен брифингте Қызылорда ОПД Тергеу басқармасының бастығы Әбдібек Жаназаров мәлімдеді.
<blockquote>
 “Бізге хабарлама ағымдағы жылдың 1-ші желтоқсан күні сағат 23:21 минут кеткенде полиция департаменті кезекшісінен түсті. Департаменттің жедел-құтқару жасағы бөлімінен 6 қызметкер мен 1 техника апардық. Барған кезде анықталғаны тұрғын үйдің ауласындағы әжетханада кішкене нәресте жатқандығы белгілі болды. Құтқарушылар нәрестені шығарып алып, тергеу тобының қызметкерлеріне табыстады. Нәресте өлі табылды. Оны босанған адам ауруханада. Жағдайы орташа”, – деді облыстық ТЖД бастығының міндетін атқарушы Руслан Қайрақбаев.
</blockquote>

Қызылордада әжетханадан табылған нәрестенің мәйітіне қатысты қылмыстық іс қозғалды

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова халықаралық мүгедектер күніне орай Қызылорда қаласында кәсібін ашқан мүмкіндігі шектеулі азаматшаның цехына барып, ерекше жанға электронды арбаны тарту етті.
Аймақ басшысы І топ мүгедегі Тамара Ақмағанбетованың құс жастықтарды тазалап, қайта өндейтін «Мамық» цехының жұмысымен танысып, шағын өндірістің жұмыс процесін бақылады. Сондай-ақ, мүмкіндігі шектеулі азаматтарға кедергісіз орта қалыптастыру және оларды бизнеске бейімдеу мәселесінің ерекше назарда екенін жеткізіп, мерекемен құттықтады.
Тамара Ақмағанбетоваға 2012 жылы мойын омыртқасы мен басының арасында пайда болған ісік ауруының салдарынан І топ мүгегедектігі берілген. 2014 жылы Мүгедектерге арналған оңалту орталығында ем қабылдап жүрген сәттен «Даму» қоры арқылы кәсіп ашуға кеңес алып, «Бизнес кеңесші» жобасы арқылы мақтаны қайта өңдеп, көрпеше тігу ісін бастаған.
Ал, 2015 жылы «Бизнестің жол картасы – 2020» бағдарламасы аясында 1 млн теңге грантқа ие болып, құс жастықтарды тазалап, қайта жаңғыртуға мүмкіндік беретін «Мамық» салонын Шиелі ауданынан ашады. Кәсібіне деген сұраныстың артуына байланысты Тамара Асқарқызы 2019 жылы кәсібін Қызылорда қаласына ауыстырып, бизнес аясын кеңейткен. Бүгінде 3 азаматқа жұмыс көзін ұсынып отырған ерекше жан қыз жасауы, көрпе, көрпеше тігу ісін қолға алды. Келешекте тағы 3 маман алуды көздеп отыр. Облыс әкімі Гүлшара Әбдіқалықова мүмкіндігі шектеулі азаматша Тамара Ақмағанбетоваға шағын кәсіптік жандандырудағы қажырлы еңбегін ерекше атап өтті.
Айта кетейік, Қызылорда өңірінде 30 мыңнан астам мүгедектігі бар адам тіркелген. Оның 4372-сі әлеуметтік қызметпен, 194 мүгедек бала күндізгі жартылай стационар жағдайында үкіметтік емес ұйымдар арқылы қызметке алынған. Ал, жұмыспен қамту орталықтары арқылы 807 мүгедек жұмыспен қамтылды. Оның 190-ы тұрақты. 22 мүгедек әлеуметтік жұмыс орындарымен, 47 мүгедек жастар тәжірибесіне, 548 мүмкіндігі шектеулі азамат қоғамдық жұмыстарға тартылған.
Бүгінгі күні мүмкіндігі шектеулі азаматтардың өмірін жақсарту мен оларға кедергісіз орта құруға арналған Қызылорда облысының 2020-2025 жылдарға арналған Жол картасы қабылданды.
Еске салайық, жыл басынан бері облыс бойынша мүмкіндігі шектеулі азаматтарға 40 электронды арба берілді.
<img src="https://kyzylorda-news.kz/wp-content/uploads/2020/12/128702058_2942697352499981_8849166082593572791_n.jpg" alt="" />
<img src="https://kyzylorda-news.kz/wp-content/uploads/2020/12/129140160_2942697445833305_296101043592897471_n.jpg" alt="" />
<img src="https://kyzylorda-news.kz/wp-content/uploads/2020/12/129620578_2942697952499921_5352035975370148051_n.jpg" alt="" />
<img src="https://kyzylorda-news.kz/wp-content/uploads/2020/12/129481390_2942697782499938_6626154758199255947_n.jpg" alt="" />

Аймақ басшысы мүмкіндігі шектеулі жанға электронды арба тарту етті

<a href="https://kyzylorda-news.kz/">Kyzylorda-news.kz</a>. Жаңбыр жауып, жел тұрса, Қызылордада жарық жалп етіп сөнеді. Әсіресе, Байқоңыр қаласына іргелес орналасқан Төретам мен Ақай ауылының тұрғындары электр жарығының жиі өшетініне көп шағымданады, деп хабарлайды <a href="https://24.kz/kz/zha-aly-tar/o-am/item/439916-yzylorda-oblysynda-elektr-toraptary-zha-yrtylyp-zhatyr">«Хабар 24»</a>.
Мамандар оны қосалқы станциялар мен энергия таратушы желілердің тозығы жетуімен түсіндіреді. Осы ретте аймақ бойынша электр тораптарын қайта жаңғыртудың 3 жобасы жүріп жатыр. «Жосалы» қосалқы станциясы 50 мыңнан астам тұрғынды электр энергиясымен қамтамасыз етіп отырған маңызды нысан. Жарты ғасырдан бері жөндеу көрмеген торапқа «Өңірлерді дамыту» бағдарламасы аясында қуаттылығы жоғары трансформаторлар әкелінді. Ақай мен Төретамда да күрмеулі мәселе шешімін тапты. Өткен ғасырдың 60-70 жылдары салынып, Ресейдің меншігінде болып келген қуат таратушы станциялар облыс меншігіне алынды. 33 трансформатор орнатылып, 96 шақырым оқшауланған сым желісі тартылды. Сондай-ақ үйлерге жаңа есептегіш құралдары қойылып, байланыс және автоматты басқару жүйесі жаңартылды. Кезекші мамандар үшін жаңа ғимарат бой көтерді. Электр тораптарын жаңғыртып қана қоймай, қуаттылығын ұлғайту жобасының іске асуымен энергия тұтынудың сапасы мен қауіпсіздігі арта түспек. Мамандардың айтуынша, заманауи технологиялар есебінен электр тоғының ысырабын азайтуға да болады.
<blockquote>
 “4 мыңдық бір ғана трансформатор болса, қазір екі 6300-дік қойдық. Өйткені Төретам, Ақай елді мекені дамып келе жатыр. Қосалқы станцияның электр қондырғыларын автоматтандыру жұмыстары, қорғаныс құралдарының барлығы жаңа технология бойынша салынды. микропроцессорлық қорғаныс құралдары қойылды”, – электр тарату тораптары мекемесінің басқарма төрағасы Мұхитжан Кәрімбаев.
 “Ол жұмыстардың барлығы осы желтоқсанда аяқталады. Нәтижесінде Қармақшы ауданының Төретам, Ақай елді мекеніндегі электр энергиясының тұтынушылары сапалы, үздіксіз электр энергиясымен қамтамасыз етіледі. Келесі жылдары да Қызылорда облысы бойынша мемлекеттік бағдарламалардың аясында электр нысандарын жаңартуға жұмыс жасаймыз”, – облыстық энергетика және ТҮКШ басқармасының басшысы Руслан Нұрмағанбетов.
</blockquote>

Қызылордада электр тораптары жаңғыртылып жатыр

<a href="https://kyzylorda-news.kz/">Kyzylorda-news.kz</a>. Қызылорда қаласында полицейлер күннің суығында үйінен шығып кеткен 7 жасар баланы тауып, ата-анасына тапсырды.
1 желтоқсан күні сағат 19:30 шамасында Қызылорда қаласы Полиция басқармасына қала тұрғыны сағат 14:30 шамасында 2013 жылғы кәмелетке толмаған ұлы үйінен ойнауға шығып, кешке дейін қайта оралмағаны туралы хабарлама берді.
Аталған хабарлама бойынша Қызылорда қаласы ПБ-ның жеке құрамы құлақтандырылып, жедел іздестіру шарасын ұйымдастырды. Нәтижесінде, сағат 20:00 шамасында қала көшелерінің бірінде тұрғын үйдің ауласында ойнап жүрген жерінен жасөспірім патрульдік полиция қызметкерлерімен табылып, анасына тапсырылды.
Полиция басқармасының ювеналды полиция қызметкерлерімен анасымен түсіндірме жұмыстары жүргізілді.
Табылған баланың ата-анасы Қызылорда қалалық полиция басқармасының қызметкерлеріне жедел түрде атқарған жұмыстарына алғыстарын білдірді.

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова ауыр атлетикадан Әлем кубогінің жеңімпаздарын қабылдады

Гүлшара Әбдіқалықова: Шалғай елді-мекендерді интернет байланысымен қамтуды жеделдету қажет

Балаларға заңсыз ойын ұйымдастырған қызылордалыққа үкім шықты

3 желтоқсан – Халықаралық мүгедектер күні

Қызылорда: Үш аудан орталығы көгілдір отынға қосылады

Қызылордада адам саудасына қатысты 6 дерек тіркелді

«Қайсар» премьер-лиганы 7 орынмен аяқтады

Қазақстанда екі апталық локдаун енгізіле ме?

Қызылордада әжетханадан табылған нәрестенің мәйітіне қатысты қылмыстық іс қозғалды

Аймақ басшысы мүмкіндігі шектеулі жанға электронды арба тарту етті

Қызылордада электр тораптары жаңғыртылып жатыр

Қызылордалық полицейлер жоғалып кеткен 7 жасар баланы тапты

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова ауыр атлетикадан Әлем кубогінің жеңімпаздарын қабылдады

Гүлшара Әбдіқалықова: Шалғай елді-мекендерді интернет байланысымен қамтуды жеделдету қажет

Балаларға заңсыз ойын ұйымдастырған қызылордалыққа үкім шықты

3 желтоқсан &#8211; Халықаралық мүгедектер күні

Қызылорда: Үш аудан орталығы көгілдір отынға қосылады

Қызылордада адам саудасына қатысты 6 дерек тіркелді

«Қайсар» премьер-лиганы 7 орынмен аяқтады

Қазақстанда екі апталық локдаун енгізіле ме?

Қызылордада әжетханадан табылған нәрестенің мәйітіне қатысты қылмыстық іс қозғалды

Аймақ басшысы мүмкіндігі шектеулі жанға электронды арба тарту етті

Қызылордада электр тораптары жаңғыртылып жатыр

Қызылордалық полицейлер жоғалып кеткен 7 жасар баланы тапты

3 желтоқсан – Халықаралық мүгедектер күні