Kyzylorda-news.kz. Елде бір тәулікте 689 адамнан коронавирус анықталды, деп хабарлайды coronavirus2020.kz сайты.
30 қараша, сағат 23:59-дағы эпидемиологиялық жағдай бойынша, Қазақстанда өткен тәулікте 689 адамнан ПТР-тест арқылы коронавирус анықталғаны белгілі болды.
Өңірлер бойынша:
Шығыс Қазақстан облысында – 16389 (+73),
Алматы қаласында – 16155 (+52),
Нұр-Сұлтан қаласында -16083 (+40),
Атырау облысында – 11652 (+19),
Қарағанды облысында – 11123 (+21),
Батыс Қазақстан облысында – 8077 (+39),
Солтүстік Қазақстан облысында – 6509 (+110),
Павлодар облысында – 6469 (+94),
Алматы облысында – 5748 (+34),
Шымкент қаласында -5367 (+2),
Қостанай облысында – 5387 (+88),
Ақмола облысында – 5253 (+90),
Жамбыл облысында – 4437 (+15),
Ақтөбе облысында -3488(+4),
Түркістан облысында – 3483(+5),
Маңғыстау облысында – 3435(+0),
Қызылорда облысында -3293(+3).
Жалпы ел бойынша ауырғандар саны – 132 348.

Қызылордада 3 адамнан коронавирус анықталды

Kyzylorda-news.kz. Қымбатты жерлестер! Сіздерді мемлекеттік мерекеміз 1 желтоқсан – Қазақстан Республикасының Тұңғыш Президенті күнімен шын жүректен құттықтаймын!
Тәуелсіз Қазақстанның әлем картасында өз орнын алып, жер жаһанға танылуында оның іргетасын қалып, шекарасын шегендеген Елбасымыз – Тұңғыш Президентіміз Нұрсұлтан Әбішұлы Назарбаевтың еңбегі орасан шексіз.
Біз үшін ең маңызды құндылықтар – елдің ауызбіршілігі мен бейбіт өмірдің арқасында алға нық адымдап, мемлекет ретінде дамуға мүмкіндік алдық.
Сондықтан да, Тәуелсіздік туы желбіреген 30 жылға жуық мерзім ішінде қол жеткізген зор жетістіктеріміздің бәрінің бастауында Елбасы тұр деп мақтанышпен айта аламыз. Осы ретте, Тұңғыш Президент күні мерекесінің ресми бекітілуі – халықтың Елбасына деген шынайы құрметі мен ыстық ықыласы.
Баршаңыздың Ұлы Даланы Мәңгілік елге айналдыруды мақсат еткен Тұңғыш Президентіміздің идеясы аясында бірігіп, сүйікті Қазақстанымыздың әлемдегі аса қуатты мемлекет болуына аянбай еңбек етіп, бірлігімізді, бейбітшілігімізді одан әрі сақтауға шақырамын.
Сіздерді Тұңғыш Президент күнімен құттықтай отырып, мықты денсаулық, отбастарыңызға бақ-береке, амандық, еңбектеріңізге табыс тілеймін.
Тәуелсіздігіміз тұғырлы, ғұмыры мәңгілік болсын!Еліміз еңселі, елін сүйген Елбасымыз аман болсын!

Гүлшара Әбдіхалықова Тұңғыш Президент күнімен қызылордалықтарды құттықтады

Kyzylorda-news.kz. Бүгін – Қазақстан Республикасының Тұңғыш Президенті күні. Осыдан тура 29 жыл бұрын елімізде бүкілхалықтық сайлау өтіп, тәуелсіз Қазақстанның Тұңғыш Президенті сайланған болатын.
Жалпы Тұңғыш Президент күні біздің елімізде ғана емес, әлемнің бірнеше мемлекетінде ресми түрде мереке ретінде аталып өтеді. Мысалы, Америка Құрама Штаттарындағы Президент күні мерекесі ертеден бар. АҚШ-тың алғашқы Президенті Джордж Вашингтон 22 ақпанда туғандықтан, бұл елде 1885 жылдан бастап 22 ақпан – Вашингтон күні деп атала бастаған. Американы алға сүйреген Авраам Линкольннің туған күні 12 ақпан екен. АҚШ халқы осы екі қайраткердің туған күнін біріктіріп, өткен ғасырдың 70-ші жылдарынан бастап ақпан айының үшінші дүйсенбісін Президент күні ретінде атап өтуді дәстүрге айналдырған. Әйтсе де Америкадағы халықтың көбі бұл мерекені Джордж Вашингтон күні ретінде атап өтеді.
Қазаққа бауырлас ел Түркия Республикасында да Мұстафа Кемал Ататүріктің Самсонға келіп, шетелдік басқыншыларға қарсы күрес жариялаған 19 мамыр күні (1919 жылы) – «Ататүрікті еске алу, жастар және спорт күні» атауымен тойланады.
Бұл күнге түріктер ресми түрде тәуелсіздік үшін күрес басталған күн ретінде қарайды. Ататүріктің өзі тірі кезінде ұлт үшін осынау маңызды күнге салмақ беріп, «Мен 19 мамырда туғанмын» деп айтып кеткен екен. Түркиядағы бұл мереке 1935 жылғы 24 мамырда «Ататүрік күні» атауымен тұңғыш рет аталып өткен. Дәл сол күні атаулы мерекемен қатар Ыстанбұлда Галатасарай мен Фенербахче командалары басқа спортшылармен бірге Спорт күнін өткізген еді.
Президент күні сонымен қатар Ұлыбритания және Нидерланды (Королева күні), Исландия, Ангола елдерінде аталып өтеді.
Тәуелсіз Қазақстанның тарихында президенттік сайлау бір күнде, бір ғана сәтте бола салған жоқ. Алдымен 1991 жылғы 16 қазанда Жоғарғы Кеңес «Қазақ ССР Президентін сайлау туралы» заңды қабылдады. Осы заңмен бірге 1991 жылдың 1 желтоқсанын Қазақ ССР Президентін сайлау күні ретінде белгілеген қаулы да шықты. Осылайша Қазақстан тарихында тұңғыш рет Республика басшысын жалпыға бірдей, тең және төте сайлау құқығы негізінде жасырын дауыс беру арқылы таңдауға жағдай жасалды.
1991 жылы 1 желтоқсан күні Қазақстан тарихындағы тұңғыш жалпыхалықтық сайлауда Нұрсұлтан Назарбаев жеңіп шықты. Сайлауға қатысқан халықтың 98,78 пайызы дауыс берді. 5-ші желтоқсан күні Орталық сайлау комиссиясы сайлаудың соңғы қорытындысын жария етті. Ол бойынша республикадағы 21 сайлау округіндегі сайлаушылар тізіміне 9 961 242 азамат енгізілген. Олардың ішінде сайлауға 8 788 726 адам немесе 88,23% дауыс беруге қатысқан. Сайлау нәтижесі бойынша Н.Назарбаевты қолдап сайлаушылардың 8 681 276-і дауыс берген, бұл дауыс беруге қатысушылардың 98,78% пайызын құрады. Осылайша, Нұрсұлтан Назарбаев барша халық сайлаған Қазақстанның Президенті мандатын тұңғыш рет иеленді. Тұңғыш Президенттің қызметіне ресми кірісуі мен Елбасының ант беру рәсімі 1991 жылдың 10 желтоқсанында өтті. Ал осыдан 6 күн өткенде Қазақстан Республикасы әлемге өз Тәуелсіздігін жариялады.
2011 жылғы 10 желтоқсанда Қазақстан Республикасы Парламенті депутаттарының бастамасымен «Қазақстан Республикасындағы мерекелер туралы» ҚР Заңына толықтыру енгізу туралы» ҚР Заңы қабылданған болатын. Осы заңда 1 желтоқсан Қазақстан Республикасының Тұңғыш Президенті күні мерекесі болып белгіленді. Яғни бүгін Тұңғыш Президент күні осымен 8-ші рет аталып өтеді.
<a href="https://www.inform.kz/kz/bugin-tungysh-prezident-kuni_a3724986">ҚазАқпарат</a>

Бүгін &#8211; Тұңғыш Президент күні

Kyzylorda-news.kz. Өңірде эпидемиологиялық ахуал тұрақты. Бүгінде инфекциялық стационардың анестезиологиялық және реанимациялық бөлімі керекті техникамен жабдықталған және 38 төсек орын бар. Қазіргі таңда, жансақтау бөлімінде ем алып жатқан науқас жоқ. Бұл туралы Өңірлік коммуникациялар қызметінің ақпараттық алаңында өткен брифингте облыс әкімінің орынбасары Наурызбай Байқадамов мәлімдеді.
<blockquote>
 “Еліміздегі эпид ахуал біршама күрделене бастағаны байқалады. Соңғы тәулікте 850-ге жуық науқас тіркелуде. Қыркүйек айында еліміз бойынша 71 адамға дейін төмендеген болатын. Яғни, бүгінде он үш есеге артуда. Пневмониямен қосқанда маусым айының бір күндік көрсеткішіне жеттік. Өткен аймен салыстырғанда вирус жұқтыру көрсеткіші 3,7 есеге өскен. Бес облыс коронавирустың “қызыл” аймағына енді. Шығыс Қазақстан, Солтүстік Қазақстан, Павлодар, Қостанай мен Ақмола облыстарында қатаң шектеу шаралары енгізілді. Алматы әзірге «сары аймақта» тұр. Ал, өңірде COVID-19 коронавирус инфекциясымен 3290 адам тіркелді. Әрбір анықталған науқастардың эпидемиологиялық ортасы есепке алынып, күнделікті саралануда. Эпидахуал тұрақты болуына қатысты арнайы іс-шаралар жасалып, жұмыстар жүргізілуде”, – деді Наурызбай Байқадамов.
</blockquote>
Бүгінде облыстағы медициналық ұйымдарда 60 рентген аппараты жұмыс жасайды. Сонымен қатар, қосымша 6 рентген және 4 дана флюро аппараты жергілікті бюджеттен алынатын болады.
<blockquote>
 “Жұқпалы дерттің таралуы вирустар көзге көрінбегенімен өте қауіпті. Олар кішкентай болғанымен мемлекетке өте үлкен көлемде зиян тигізе алады. Ал осыны түсінгісі келмейтіндердің рухани әлсіздігі вирустан да бірнеше есе қауіпті. «Дені саудың – жаны сау». Ал жаны сау адамның рухы әрдайым асқақ болары сөзсіз”, – деді облыс әкімінің орынбасары.
</blockquote>

Наурызбай Байқадамов: Өңірде эпидахуал тұрақты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова ел игілігі жолында қызмет етіп жүрген бірқатар азаматтарды «Конституцияның 25 жылдығы» медалімен марапаттады. Аймақ басшысы Тәуелсіздікті тұғырлы етуде Ата заңның берік темірқазыққа айналғанын, егеменді елдің дамуына үлес қосқан азаматтардың еңбегі зор екенін атап өтті.
<blockquote>
 “Бүгін біз ҚР Тұңғыш Президенті күні мерекесі қарсаңында кездесіп отырмыз. Ел басқару қашанда оңай болған емес. Ал, Тәуелсіздікке қолы жаңа жеткен мемлекетті қалыптастыру әлемдік деңгейдегі қайраткердің ғана қолынан келетінін тарих сан мәрте дәлелдеген. Сондықтан, егеменді ел болып қалыптасудың бастауында тұрған бұл мерекенің баршамыз үшін тарихи маңызы зор. Осыдан 25 жыл бұрын Елбасының бастамасымен егеменді еліміздің Конституциясын қабылдау халықтың таңдауына берілді және қазақстандықтар оны бірауыздан қолдады. Ата Заңымыздың арқасында біз халқымыздың әл-ауқатын арттырып, экономикамызды дамыта алдық, Ұлы Дала төрінде қуатты мемлекет құрып, ұлттарды бірлік пен тату тірлікке ұйыстыра білдік”,-деді облыс әкімі Гүлшара Әбдіқалықова.
</blockquote>
Жиында облыс әкімі Конституцияда бекітілген нормалар бүгінде өзінің өміршеңдігін, заман талабына лайық екенін жан-жақты дәлелдегенін тілге тиек етіп, еліміздің өсіп-өркендеуіне үлес қосқан азаматтарға Мемлекет басшысының Жарлығымен «Конституцияның 25 жылдығы» мерекелік медалімен марапаттап, құрмет көрсетті.
<blockquote>
 “Биылғы жыл да еліміз үшін сындарлы уақыт кезеңі болды. Еліміз үшін осындай күрделі кезеңде Сыр халқы да ата-бабамыздан қалған асыл дәстүрден жаңылмай, бір-біріне демеу болып, елдігін көрсетіп, бірлігін танытты. Біздің облысымыздан да қоғамдық тұрақтылықты нығайту мен еліміздің әлеуметтік-экономикалық, мәдени-рухани дамуына үлес қосқан бірнеше азамат осы марапатқа лайықты деп танылып отыр”,-деді аймақ басшысы.
</blockquote>
Мерейлі мереке қарсаңында құрмет төріне шығып, марапат иеленген азаматтардың қатарында Қазақстан Мұсылмандары діни басқармасының облыс бойынша бас имамы Болат Абуов, облыстық энергетика және тұрғын-үй коммуналдық шаруашылық басқармасының басшысы Руслан Нұрмағанбетов, облыстық тексеру комиссиясының мүшесі Талғат Ілиясов, облыстық тексеру комиссиясының мемлекетік аудиторы Қаламқас Нұрымбетова да бар. Сондай-ақ, өңірдің рухани-мәдени дамуына елеулі үлес қосып жүрген облыстық филармония әртісі Ақмарал Ноғайбаева, облыстық халық шығармашылығын дамыту және мәдени-продюсерлік қызмет орталығының сектор меңгерушісі Майра Сәрсенбаева, облыстық кәсіподақтар бірлестігінің төрағасы Серік Сермағанбетов, волонтер Динара Эшатова мерекелік медальмен марапатталды.
<img src="https://kyzylorda-news.kz/wp-content/uploads/2020/11/128348465_2937437293025987_3394056012659608949_o.jpg" alt="" />

Облыс әкімі бірқатар азаматтарды «Конституцияның 25 жылдығы» медалімен марапаттады

<a href="https://kyzylorda-news.kz/">Kyzylorda-news.kz.</a> Тұңғыш Президент Күні қарсаңында партияның барлық филиалдарында «Nur Otan» партиясының қатарына салтанатты қабылдау рәсімі өтті.
«Nur Otan» партиясы Қызылорда облыстық филиалының төрағасы, облыс әкімі Г.Әбдіқалықова Тұңғыш Президент күні қарсаңында партия қатарына жаңа мүшелерді салтанатты түрде қабылдады, оларды партия Төрағасының стратегиялық жоспарын жүзеге асыру жолында белсенді жұмыс жасап, аймақтың өсіп – өркендеуіне партия мүшесі ретінде лайықты үлес қосатындарына сенім білдірді. Сонымен қатар «Халық алғысы» төсбелгісінің иегерлерін марапаттады. 
Партия қатарын кәсіпкерлер, мұғалімдер мен ғалымдар, журналистер, студенттер толықтырды.
Салтанатты шараның алғы сөзінде облыс әкімі Гүлшара Әбдіқалықова алдымен барлық қатысушыларды ҚР Тұңғыш Президенті күнімен құттықтап, Тәуелсіз қазақ мемлекетінің саяси сахнасында ерекше орын алған тарихи тұлға, Елбасы Нұрсұлтан Әбішұлы Назарбаевтың еңбегіне тоқталып, алдағы міндеттерді атап өтті.
<blockquote>
 «25 қарашада өткен кезектен тыс ХХ съезде Партия Төрағасы Нұрсұлтан Әбішұлы партия жұмысын жаңғыртуды қорытындылады.Партиямыздың мықты лидерлері айқындалып, алдағы бағдарлама бекітілді.Бұл тұрғыда барлық партияластарымыз үшін Нұрсұлтан Әбішұлының ХХ съездеатап өткен жауапкершілік, жұдырықтай жұмылу, ортақ мұрат-мақсаттарға адалдық қағидалары басшылыққа алынуы тиіс.Партияның негізгі үш қағидасын ұстану бізге Елбасы саясатының сабақтастығын қамтамасыз етуге мүмкіндік береді. Сондықтан бүгінгі салтанатты шара партия қатарына жаңадан қабылданушыларға үлкен жауапкершілік жүктеумен қатар, алдағы жұмыстарды атқаруға мол күш – қуат берері сөзсіз», – деді облыстық филиал төрағасы.
</blockquote>
Жаңадан партия қатарына қосылған азаматтар атынан сөз алған Қызылорда қалалық М.Ералиева атындағы мәдениет үйінің директоры, республикалық «Серпер» сыйлығының игері, айтыскер ақын Нұрмат Мансұров «Nur Otan» – Елбасының, елдің партиясы, халықтың қамқоршысы екенін атап өтіп, партия қатарына қосылған әрбір азамат еліміздің дамуы, халқымыздың әл ауқатының артуы жолында алдына мақсат қойып, сол мақсатының орныдалуына жұмыс жасау керек екенін айтты.
Тұңғыш Президент күні қарсаңында елмен бірге дамып, халықпен қатар жасасып, заман талабына сай жаңарып, жаңғырып келе жатқан «Nur Otan» партиясының қатарына қабылданғаным үшін шексіз ризамын ,- деді, қуанышымен бөліскен Мансұр Нұрмат.
Айта кетейік, партия қатарына 13 азамат қабылданып, 4 адам «Халық алғысы төсбелгісімен марапатталды. Бүгінгі күні «Nur Otan» партиясы Қызылорда облыстық филиалына қарасты 11 филиалға жалпы саны 43 810 партия мүшесі тіркелген.
<img src="https://kyzylorda-news.kz/wp-content/uploads/2020/11/128658053_2937451319691251_3227315957823117059_o.jpg" alt="" />
<img src="https://kyzylorda-news.kz/wp-content/uploads/2020/11/128564716_2937451483024568_7726592651131894838_o.jpg" alt="" />
<img src="https://kyzylorda-news.kz/wp-content/uploads/2020/11/128396939_2937451193024597_64464306326229329_o.jpg" alt="" />

Қызылорда: «Nur otan» партиясының қатары толықты

Kyzylorda-news.kz. Бүгін облыс әкімі Гүлшара Әбдіқалықова 1 желтоқсан – Қазақстан Республикасының Тұңғыш Президенті күні қарсаңында тұрғындарға 50 пәтерлік екі үй табыс етті.
Шарада аймақ басшысы пәтер иелерін мерекемен және баспаналы болуымен құттықтап, Қызылорда қаласын қарқынды құрылыс алаңына айналдырған Сыр құрылысшыларына алғысын білдірді.
<blockquote>
 “Бұл күн – Тәуелсіз еліміздің тарихындағы Тұңғыш Президентімізді айқындаған айтулы күн, халықтық мереке. Әр қазақстандықтың санасында Тәуелсіздік ұғымының бір баламасы болса, ол Елбасының биік есімімен тікелей байланысты. Бүгінгі таңда Мемлекет басшысы Қасым-Жомарт Кемелұлы Тоқаев – Елбасының кемеңгерлік стратегиясын, өнегелі үрдісін лайықты жалғастырып, баршаға ортақ игілік пен өрлеудің, сабақтастықтың жарқын үлгісін көрсетуде. Қазақстан тәуелсіздік жылдарында толымды табыстарға қол жеткізсе, оған Сыр елі де өз үлесін қосып келеді. Соңғы жылдары аймағымыз қарқынды құрылыс алаңына айналды. Биылғы жылы облыста барлық қаржыландыру көздерінен 1946 пәтерді құрайтын 94 тұрғын үйдің құрылысы басталды. Қызылорда қаласында жыл басынан бері 580 пәтерді құрайтын 13 тұрғын үй пайдалануға берілді. Тағы бір мақтанышпен айтатын жаңалығымыз жыл аяғына дейін қаламызда 680 пәтерді құрайтын 14 арендалық тұрғын үйдің құрылысы аяқталып, қабылданады. Бүгінгі пәтер иелерін қуаныштарымен және 1 желтоқсан – Қазақстан Республикасының Тұңғыш Президенті күні мерекесімен шын жүректен құттықтаймын! Жаңа баспаналарыңыз татулық пен берекенің ордасы болып, қуаныш пен бақыт, құт пен ырыс салтанат құрсын”, – деді облыс әкімі Г.Әбдіқалықова.
</blockquote>
Пайдалануға беріліп жатқан қос үйдің құрылысы 2019 жылдың маусым айында басталған. Құны 1 млрд. теңге болатын жобаны «Авангард» ЖШС және «Дәнекер» ЖШС мердігер мекемелер жүзеге асырды. Пәтер кезегінде тұрған тұрғындар «Нұрлы жер» бағдарламасы арқылы баспанаға қол жеткізді.
Қазіргі таңда Қызылорда қаласында 1741 пәтерлік 38 көпқабатты тұрғын үйдің құрылысы жүргізілуде.
Сырдария өзенінің сол жағалауында құрылысы жүргізіліп жатқан 725 пәтерлік 15 көпқабатты тұрғын үйдің 14-і ағымдағы жылы пайдалануға беріледі. 2021 жылы СПМК-70 тұрғын ауданы бойынша 13 көпқабатты тұрғын үйдің құрылысы аяқталып, пайдалануға берілмек. Пәтер кілтін алып, жайлы баспанаға қол жеткізген қаладағы №144 мектеп мұғәлімі Бибігүл Садықова аймақ басшысына алғысын білдірді. Шара соңында қалалық ардагерлер кеңесінің төрағасы Сайлаубай Әбішев қуаныш иелерін құттықтап, бата берді.
<img src="https://kyzylorda-news.kz/wp-content/uploads/2020/11/128402174_2937446873025029_3604601948201700530_o.jpg" alt="" />
<img src="https://kyzylorda-news.kz/wp-content/uploads/2020/11/128775982_2937446846358365_772409998312962225_o.jpg" alt="" />

Тұңғыш Президент күні қарсаңында қызылордалық 100 отбасыға пәтер кілті табысталды

<a href="https://kyzylorda-news.kz/">Kyzylorda-news.kz.</a> Қызылорда облысында ҚР Тұңғыш Президент күніне орай 300-ге жуық мерекелік іс-шаралар ұйымдастырылады.
Пандемияға байланысты мәдени шаралар онлайн форматта өткізіледі. Яғни, мәдениет және өнер мекемелерінің фейсбук әлеуметтік желісіндегі ресми парақшалары мен YOUTUBE желісіндегі «Сыр шаңырағы» каналынан көрсетіледі.
<blockquote>
 “Аймақта Елбасының ерен еңбегін насихаттап, Тәуелсіз Қазақстанның қалыптасу тарихын таныту мақсатында «Елбасының дара жолы» виртуалды кітап көрмесі, «Менің Тұңғыш Президентім» атты онлайн экскурсия, «Тәуелсіздік және Тұңғыш Президент» тақырыбында фотокөрме, «Ақмешіт» музейі филиалында «Елбасы және Сыр елі», «Ел тірегі – Елбасы» виртуалды және құжаттық көрмелері өткізіледі. Сондай-ақ, «Елбасы сүйетін әуендер» атты мерекелік онлайн фильм концерт, «Менің өмірімдегі көшбасшы» мерекелік онлайн концерті мен «Жырдан шашу шашайық» атты жыршы-жыраулардың онлайн фестивалі, Ақан Сатаевтың «Елбасы жолы. Астана» көркем фильмінің көрсетілімі ұйымдастырылады. Айтулы күнге байланысты шаралардың барлығы карантиндік талапты сақтай отыра өткізіледі”, – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Мерекеге орай Н.Бекежанов атындағы қазақ академиялық музыкалық драма театрында Думан Рамазанның «Абылайханның арманы» спектаклінің премьерасы өтеді. Қойылымды көрермендер бүгін сағат 18:00-де және 1-ші желтоқсан күні сағат 15:00-де тамашалай алады.

Мира Әбуова: Елбасының ерен еңбегі насихатталады

<a href="https://kyzylorda-news.kz/">Kyzylorda-news.kz</a>. Бүгін «Өңірлік дамыту және Арал теңізінің солтүстік бөлігін қалпына келтіру» (САРАТС-2) жобасы талқыланды.
Жиынға ҚР Парламенті Сенатының депутаттары Мұрат Бақтиярұлы, Ақмарал Әлназарова, Экология, геология және табиғи ресурстар министрлігінің Су ресурстары комитетінің, Халықаралық Аралды құтқару қорының Қазақстандағы Атқарушы дирекциясының, Дүниежүзілік Банктің өкілдері, Мемлекетаралық су шаруашылығын үйлестіру комиссиясының Ғылыми-ақпараттық орталығы Қазақ филиалының директоры, мемлекет және қоғам қайраткері Н.Қыпшақбаев, жергілікті атқарушы органдардың басшылары, су шаруашылығы саласының ардаргерлері, экологтар, қоғам белсенділері қатысты.
Шараны облыс әкімінің орынбасары Бахыт Жаханов ашып, Арал теңізінің солтүстік бөлігін қалпына келтіру жобасының іске асыру барысы жөнінде баяндады. Қоғамда Солтүстік Арал теңізінің аумағын ұлғайтудың бір немесе екі деңгейлі нұсқалары бойынша әр түрлі пікір айтылып жүр. Басқосуда мамандардың пікірі тыңдалды.
Жалпы Дүниежүзілік Банк САРАТС-2 жобасы бойынша өткізілген талқылаулар мен кеңестердің негізінде жобаны «Өңірлік дамыту және Арал теңізінің солтүстік бөлігін қалпына келтіру» деп атауды ұсынды. Яғни, жобаға өзгертулер енгізіліп, Арал өңірінің әлеуметтік-экономикалық жағдайын жақсартуға бағытталған компоненттер қосымша қосылмақ.
Бүгінде Дүниежүзілік банкпен жобаның техника-экономикалық негіздемесін әзірлеуге 1,5 млн. доллар грант бөлінді. Қазіргі таңда Экология, геология және табиғи ресурстар министрлігі мемлекеттік органдармен бірлесіп, жобаның техника-экономикалық негіздеменің тапсырмас жобасыy әзірлеуде.
Дөңгелек үстелдің қатысушылары Арал теңізінің солтүсік бөлігін қалпына келтірудің бірнеше нұсқалары бойынша өз пікірлерін білдіріп, жобаның тез арада іске асырудың қажеттігін жеткізді.

&#8220;Саратс&#8221; жобасының екінші кезеңі талқыланды

<a href="https://kyzylorda-news.kz/">Kyzylorda-news.kz</a>. Бүгін Қазақстан Республикасының Энергетика министрі Нұрлан Ноғаев Қызылорда облысына жұмыс сапарымен келді. Министр Н.Ноғаев пен аймақ басшысы Г.Әбдіқалықова алдымен «Қызылорда электр тарату тораптары» акционерлік қоғамына барып, компания жұмысымен танысты.
Аталған нысан 1964 жылы пайдалануға берілген. Бүгінде онда 1016 адам қызмет атқарады. Компания аймаққа электр энергиясын беру және таратумен айналысады. Қазіргі таңда облыс бойынша электр желілері желілерінің ұзындығы 10 046,3 км құрайды, оның ішінде әуе желілері 9924,4 км, кабельдік желілері – 121,9 км құрайды.
Қазіргі таңда “Қызылорда электр тарату тораптары” АҚ-ның электр желілері мен жабдықтарының 72%-ның тозығы жеткен. Аймақтағы 1837 трансформаторлық қосалқы станциялардың 1239 бірлігі 25 жыл бұрын салынған. Аталған станциялардың тозуы 69%-ы тозған. 
Делегация “Қызылорда электр тарату тораптары” АҚ-ның музейін аралап, кәсіпорынның өткен тарихын шолды.
Мұнан соң министр мен облыс әкімі «Қызылордажылуэлектрорталығы» мемлекеттік коммуналдық кәсіпорнының жұмысымен көрді. Аталған орталық 1964 жылы іске қосылған және облыс орталығын орталықтандырылған жылумен қамтитын бірегей нысан. Орталыққа қарасты қала бойынша жылу желілерінің жалпы ұзындығы 186,8 км құрайды.
Аймақ басшысы Гүлшара Әбдіқалықова қос нысанды жаңғырту бойынша Энергетика министрі Нұрлан Ноғаевқа ұсыныстарын жеткізді.
<img src="https://kyzylorda-news.kz/wp-content/uploads/2020/11/00e882ae7eba2f7e5a19ddf8c5f69935_original.3659491-scaled.jpg" alt="" />
<img src="https://kyzylorda-news.kz/wp-content/uploads/2020/11/d19e2af1ad65b25d9fb27ab1e73f5d03_original.3689566-scaled.jpg" alt="" />

ҚР Энергетика министрі Нұрлан Ноғаев Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Гүлшара Әбдіқалықованың төрағалығымен аппарат мәжілісі өтті. Жиында 4 мәселе қаралып, сала басшылары атқарылған жұмыстарды баяндады. Отырысқа облыс әкімінің орынбасарлары мен салалық басқармалардың басшылары, онлайн режимде қала, аудан әкімдері қатысты.
Жиында алдымен 1 желтоқсан – ҚР Тұңғыш Президенті күні мен Тәуелсіздік күні мерекесін ұйымдастыру мәселесі тыңдалды. Облыс әкімінің орынбасары Серік Ахмет мерекені атап өтудің арнайы медиа-жоспары бекітілетінін және атаулы мерекеде түрлі деңгейдегі онлайн шаралар ұйымдастырылатынын жеткізді. Бұл ретте имидждік медиа-өнімдер әзірленіп, әлеуметтік желілерде, мессенджерлерде ақпараттандыру жұмыстары жүргізіледі.
Облыс әкімінің орынбасары Серік Ахмет мереке қарсаңында өңірде тақырыптық онлайн іс-шаралар, білім беру ұйымдарында дәрістер, дөңгелек үстелдер, имидждік жобалар ұйымдастырылып, онлайн концерттер, спектакльдер, музейлерде онлайн экскурсиялар, виртуалды көрмелер, онлайн спорттық жарыстар өтетінін жеткізді.
Екінші мәселе – «2020-2021 жылдарға арналған Жұмыспен қамтудың Жол картасы» бағдарламасының орындалу барысына арналды. Облыстық жұмыспен қамту және әлеуметтік бағдарламалар басқармасының басшысы Гаухар Қалмақова бағдарлама шеңберінде 291 жобаға 40,1 млрд.теңге бөлініп, тиісті жұмыстардың іске асқанын баяндады. Сонымен бірге жыл аяғына дейін бірқатар жобаларды аяқтау міндеті тұрғанын тілге тиек етті.
Бағдарлама арқылы әлеуметтік-мәдени салада 126 жоба, тұрғын үй-коммуналдық шаруашылық саласында 42 жоба, инженерлік-транспорттық саласында 70 жоба, абаттандыру бағытында 53 жоба іске асуда. Бүгінде 291 жобаның 162-сі аяқталып, пайдалануға берілді. Нәтижесінде 9553 адам жұмыспен қамтылды.
Отырыста басқарма басшысы еңбек биржасы арқылы азаматтарды жұмыспен қамту мәселесіне тоқталды. Өңірде халықты жұмыспен қамту орталықтары арқылы 188 адам жұмысқа орналасса, қоғамдық жұмыстарға 106 адам жіберілген. Ал, электрондық еңбек биржасы арқылы 134 адам жұмысқа қабылданды. 
Мұнан кейін Қызылорда облысы бойынша тексеру комиссиясының төрағасы Сәуле Құлымбетова 2017-2021 жылдарға арналған «Еңбек» мемлекеттік бағдарламасының 3-ші бағытының және «Жұмыспен қамтудың 2020-2021 жылдарға арналған жол картасының» іске асырылу тиімділігіне мемлекеттік аудит жүргізу барысын баяндады. Барлық деңгейдегі бюджетте бақылау мен мониторинг жүргізу тапсырмасының орындалу барысында анықталған мәселелерге тоқталды.
Аппаратық жиындағы үшінші мәселе мүгедектігі бар адамдарды әлеуметтік оңалту бағытында атқарылған жұмыстарға арналды. Сала басшысы Гаухар Қалмақова 2020 жылы мүгедектігі бар адамдардың жеке оңалту бағдарламасын орындауға бөлінген қаржы көлемі 1,5 есеге артқанын жеткізді. 
Бүгінгі күні өңірде 30283 мүгедектігі бар адамдар тіркелген. Оның ішінде ерекше қажеттілігі бар балалар саны – 5098. 9 ай ішінде жұмыспен қамту орталықтары арқылы 807 мүмкінді шектеулі азамат жұмыспен қамтылған. Ал, 6398 азамат электронды цифрлық қолтаңбалармен қамтамасыз етілген.
Жиын барысында облыс әкімі Гүлшара Әбдіқалықова елді-мекендерде инфрақұрылымдық жобаларды жүзеге асыру арқылы халықты жұмыспен қамту мәселесін жалғастыру қажеттігін және мүмкіндігі шектеулі азаматтарға қолайлы орта жасау бағытында кешенді шараларды іске асыру қажеттігін атап өтті. Сонымен бірге 3 желтоқсан – мүмкіндігі шектеулі жандардың халықаралық күніне орай облыстағы ерекше жандарға көңіл бөлу қажеттігін қаперге салды.
Отырыстың соңғы мәселесі бюджеттің игерілу бағытына қатысты өрбіді. Аймақ басшысы Гүлшара Әбдіқалықоваға облыстық қаржы басқармасының басшысы Елена Шаврова бюджеттің игерілу барысын баяндап, көрсеткіштерге тоқталды.
Жиын соңында Гүлшара Әбдіқалықова жыл аяғына дейін маңызды әлеуметтік және ірі инфрақұрылымдық жобаларды аятауды, бюджет қаражатын толыққанды игеру қажеттігін тағы да қаперге салып, сала басшыларына бірқатар тапсырмалар жүктеді.
<img src="https://kyzylorda-news.kz/wp-content/uploads/2020/11/127775937_2927839867319063_2269140806747766003_o.jpg" alt="" />

Қызылордада 9553 адам жұмыспен қамтылды

<a href="https://kyzylorda-news.kz/">Kyzylorda-news.kz</a>.&nbsp;Бүгін «Nur Otan» партиясының кезектен тыс XX съезі өтті. Партиямыздың ең жоғарғы органы болып табылатын съез жұмысы жоғары деңгейде өтті деп айтуымызға болады. Саяси шараға біздің өңірімізден 20 делегат бейнеконференция жүйесі арқылы қатысып, маңызды шешімдерді бірге қабылдады.
Өздеріңіз білесіздер, «Nur Otan» ел тарихындағы алғаш рет праймериз өткізіп, «Мықты лидерлер – Мықты партия» формуласын жүзеге асырды. Бұл қоғам белсенділерімен қатар елдегі қарапайым азаматтардың саясатқа араласуына жол ашты. Бүгінгі маңызды басқосуда праймеризде барлық өңірлерден жеңімпаз болып танылған 77 азамат Мәжіліске арналған партиялық тізімге енді. Партиялық тізімнің 61,1 % жаңа тұлғалармен толыққанына көз жеткіздік. 
Жиында сондай-ақ, ел дамуының негізгі міндеттері айқын көрініс тапқан «Өзгеріс жолы: баршаға лайықты өмір» атты партиямыздың Сайлауалды бағдарламасын қабылдадық.
Бұл бағдарлама Президент Қ.Тоқаевтың сайлауалды бағдарламасының қисынды жалғасы десек болады. Себебі бағдарламаның бастапқы жобасына Мемлекет басшысының 2020 жылғы Жолдауының 55 тапсырмасы қосымша енгізілген. 
Сайлауалды бағдарлама әлемдегі ең табысты партиялардың тәжірибесі ескеріліп, қоғамдық пікірмен санаса отырып дайындалған. Ерекше атап өтетін жәйт елімізде алғаш рет партия әрбір өңірдің сайлауалды бағдарламаларын әзірледі, ол 216 нақты жобадан тұрады. Аталған бағдарламалар жобасы праймериз барысында халықпен бірге кеңінен талқыланып, республика бойынша 17,5 мың ұсыныс пен талап-тілек түскен. Олардың барлығы өңірлік және негізгі Сайлауалды бағдарламаларда қамтылып отыр.
Жиында партияның өткен бесжылдықтағы қарқынды жұмыстары баяндалып, алдағы уақытта атқарылар негізгі міндеттер пысықталды. Ендігі біздің, барша нұротандықтардың міндеті осы жұмыстарды нәтижелі орындау.
Ләйлә ТӨРЕШОВА, 
«Nur Otan» партиясы Қызылорда облыстық филиалы төрағасының бірінші орынбасары

Қазақстан және Қызылорда облысының жаңалықтары: Басты жаңалықтар old

Қызылордада 3 адамнан коронавирус анықталды

Гүлшара Әбдіхалықова Тұңғыш Президент күнімен қызылордалықтарды құттықтады

Бүгін – Тұңғыш Президент күні

Наурызбай Байқадамов: Өңірде эпидахуал тұрақты

Облыс әкімі бірқатар азаматтарды «Конституцияның 25 жылдығы» медалімен марапаттады

Қызылорда: «Nur otan» партиясының қатары толықты

Тұңғыш Президент күні қарсаңында қызылордалық 100 отбасыға пәтер кілті табысталды

Мира Әбуова: Елбасының ерен еңбегі насихатталады

“Саратс” жобасының екінші кезеңі талқыланды

ҚР Энергетика министрі Нұрлан Ноғаев Сыр еліне жұмыс сапарымен келді

Қызылордада 9553 адам жұмыспен қамтылды

Ләйлә Төрешова: Партия қатары жаңа тұлғалармен толықты

Қазақстан және Қызылорда облысының жаңалықтары: Басты жаңалықтар old

Қызылордада 3 адамнан коронавирус анықталды

Гүлшара Әбдіхалықова Тұңғыш Президент күнімен қызылордалықтарды құттықтады

Бүгін &#8211; Тұңғыш Президент күні

Наурызбай Байқадамов: Өңірде эпидахуал тұрақты

Облыс әкімі бірқатар азаматтарды «Конституцияның 25 жылдығы» медалімен марапаттады

Қызылорда: «Nur otan» партиясының қатары толықты

Тұңғыш Президент күні қарсаңында қызылордалық 100 отбасыға пәтер кілті табысталды

Мира Әбуова: Елбасының ерен еңбегі насихатталады

&#8220;Саратс&#8221; жобасының екінші кезеңі талқыланды

ҚР Энергетика министрі Нұрлан Ноғаев Сыр еліне жұмыс сапарымен келді

Қызылордада 9553 адам жұмыспен қамтылды

Ләйлә Төрешова: Партия қатары жаңа тұлғалармен толықты

Бүгін – Тұңғыш Президент күні

“Саратс” жобасының екінші кезеңі талқыланды