<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қазақстан Республикасының Тәуелсіздігі күні мерекесі қарсаңында еліміздің, Сыр өңірінің өркендеуіне аянбай үлес қосып жүрген белсенді әйелдер қауымымен, іскер әйел-аналармен, қыз-келіншектермен «Әйел-қоғам тірегі» атты кездесу өткізді.
<blockquote>
 «Елбасымыздың «Әйелдер Тәуелсіздік жылдарының бәрінде менің ең сенімді тірегім болды» деген сөзі бар. Бүгінде әйелдер қауымы отбасының ұйытқысы болып қана қоймай, Тәуелсіз Қазақстанның дамуына үлес қосып, қоғамдық-саяси, әлеуметтік-экономикалық және рухани-мәдени салада табысты еңбек етіп келеді. Қазақстан Республикасы Парламент Сенатына алғаш рет Ақмарал Әлназарова сайланса, Мәжілісте жерлестеріміз Балайым Кесебаева мен Наталья Жұмаділдаевалар бар. Сонымен бірге, биылғы жылы облыстық басқармалардағы әйел басшылардың саны 1-ден 6-ға көбейді. Ал, аумақтық департаменттердегі бірінші басшылықта 5 әйел отыр. Бұл басқарма, департамент басшыларының 21,5 пайызы. Мұндай басқосулар нәзік жандылардың көкейінде жүрген көп сауалының жауабын табуына, жетістіктерімен бөлісіп, тәжірибе алмасуға мүмкіндік беретіні сөзсіз», – деді облыс әкімі Гүлшара Әбдіқалықова.
</blockquote>
Облыста 812 мыңнан астам тұрғын болса, оның 405 мыңға жуығы әйелдер. Экономикалық белсенді халықтың үлесі 452 мыңнан аса, оның ішінде 217 мыңнан астамы әйелдер болып есептеледі.
Сондай-ақ, медицина қызметкерлерінің 87 пайызы, педагогтардың 73 пайызы әйелдер болса, жалпы бюджеттік сала қызметкерлерінің 60 пайызы нәзік жандылардың үлесінде.Облысымызда 54 157 шағын және орта кәсіпкерлік субъектісі тіркелген болса, оның ішінде шамамен 22 мыңнан астамы әйел кәсіпкерлер.
Сонымен қатар, «Еңбек» мемлекеттік бағдарламасы және «Қызылорда» өңірлік инвестициялық орталығы арқылы 95 кәсіпкер әйелге төмен пайызбен несиелер берілді. Бизнеске көпбалалы аналар да тартылуда. «Еңбек» бағдарламасы бойынша бизнес-идеяларды іске асыруға 602 көпбалалы ана грант алды.
Кездесу барысында облыстың құрметті азаматы, «Ұрпақтан ұрпаққа» қоғамдық бірлестігінің төрайымы Алмагүл Божанова, облыстық әйелдер кеңесінің төрайымы Райкүл Байназарова, «Бойтұмар – Ханым» қоғамдық бірлестігінің төрайымы Рахима Ахметова, облыстық Іскер әйелдер Ассоциациясының төрайымы Манат Алмашева, облыстық Қазақстан халқы Ассамблеясы жанындағы Аналар кеңесінің төрайымы, «Сыр аналары» қоғамдық қорының құрылтайшысы, «Тілдерді оқыту орталығы» МКҚК директоры Нұрсауле Мұсаева, облыстық кәсіпкерлер палатасы жанындағы Іскер әйелдер кеңесі төрайымының орынбасары, «Beauty academy by Dinara Almussayeva» әсемдік мектебінің директоры Динара Алмусаева, «Сәт сервис» ЖШС директоры Роза Иманова, «Казспецстройэкспертиза» ЖШС директоры Гүлзагира Әбдірайымова, «Ас-Ка» ЖШС директоры Дана Махатова, «Қызылорда» оптомаркетінің құрылтайшысы Нейля Жусупова, жеке кәсіпкерлер Ақмарал Алибаева, Гүлдана Бисенова, Жанат Токмеилова, Ұлбазар Әбілда және көпбалалы ана Әсем Баймаханова облыс әкімінің Алғыс хатымен марапатталды.Сондай-ақ, облыс әкімінің Алғыс хаты республикалық Іскер әйелдер Ассоциациясының президенті Раушан Сәрсембаева, Маңғыстау облысының кәсіпкері Юлия Халиева, Ақмола облысының кәсіпкері Раушан Қожанова мен аудандардағы кәсіпкер қыз келіншектеріне табысталды.
Шараға қатысушылар әйелдердің қоғамдық-саяси өмірдегі ролі, отбасы құндылығын насихаттау және жас отбасылардың арасындағы ажырасулардың алдын-алу бағытындағы жұмыстар, көпбалалы аналарға беріліп жатқан қолдаулар, қарапайым заттар экономикасы, аграрлық сектордағы әйелдер бірлестігі және басқа да маңызды мәселелер туралы айтып, пікірлерін білдірді.
Айта кетейік, кездесуде кәсіпкер қыз-келіншектердің өнімдерінен көрме ұйымдастырылды.
<img src="https://kyzylorda-news.kz/wp-content/uploads/2020/12/130705948_2960054004097649_2731549089143456156_o.jpg" alt="" />
<img src="https://kyzylorda-news.kz/wp-content/uploads/2020/12/130273499_2960054330764283_4684677077469121506_o.jpg" alt="" />
<img src="https://kyzylorda-news.kz/wp-content/uploads/2020/12/130763458_2960054574097592_6078635897562997907_o.jpg" alt="" />
<img src="https://kyzylorda-news.kz/wp-content/uploads/2020/12/130936540_2960054987430884_7043727987305767240_o.jpg" alt="" />

Қызылорда: Тәуелсіздік күні қарсаңында бірқатар әйелдер қауымы марапатталды

<a href="https://kyzylorda-news.kz/">Kyzylorda-news.kz</a>. Қызылорда облысында 2021 жылдың 1 қаңтарынан бастап судың тарифі төмендейді. Бұл туралы ҚР Ұлттық экономика министрлігінің Табиғи монополиялардың реттеу комитетінің баспасөз қызметі хабарлады.
Тарифтің қолданылу мерзімі өткен жағдайда, табиғи монополия субъектісі, бекітілген инвестициялық бағдарламаны іске асыруға тартылған қарыздар бойынша негізгі борышты өтеуге бағытталған қаражатты қоспағанда, бекітілген инвестициялық бағдарламаны іске асыруға бағытталған қаражатты (амортизациялық аударымдар мен пайданы) есепке алмастан, уәкілетті орган бекіткен тариф бойынша реттеліп көрсетілетін қызметтерді ұсынады («Табиғи монополиялар туралы» Қазақстан Республикасының Заңының 15-бабы 3-тармағы).
Заңның аталған нормасын басшылыққа ала отырып, Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті Қызылорда облысында қызмет көрсететін «Теміржолсу-Қызыл-Орда» ЖШС-і үшін суды таратушы желілер арқылы беру қызметіне қолданыстағы тарифті 8,2 пайызға немесе қосымша құн салығынсызз 1 текше метрге 282,44 теңгеден 259,35 теңгеге дейін төмендетіп тариф және тарифтік смета бекітті.
Тариф 2021 жылдың 1 қаңтарынан бастап қолданысқа енгізіледі.

Қызылордада келесі жылдан бастап су тарифі төмендейді

<a href="https://kyzylorda-news.kz/">Kyzylorda-news.kz</a>. Қызылорда облысында «Ашық бюджеттер интерактивті картасы» жобасы аясында 698 мекеменің бюджеті арнайы платформаға енгізілді. Бұл туралы Қызылорда облысы бойынша Сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов мәлімдеді.
Кез келген адам тиісті салаға бөлінген қаржыны көре алады. Жоба іске қосылғаннан бастап денсаулық сақтау және құрылыс салаларына байланысты 3 өтініш және 2 ұсыныс түсті. Барлығына тиісті жауаптар берілді.
<blockquote>
 “Аймақта сыбайлас жемқорлық дерегі біршама азайды. Яғни, өткен жылы 103 қылмыс, ал биыл 63 жағдай тіркелді. Сондай-ақ, арнайы мониторинг топ және «Ақмешіт – адалдық алаңы» жобасы мүшелерінің қатыстырылуымен сыбайлас жемқорлыққа қарсы 14 мониторинг жүргізілді. Нәтижесінде 45 ұсыным берілді. Бұған қоса, «Protecting bussines and investments» аясында инвесторлардың жалпы құны 554,3 млрд теңгені құрайтын 21 инвестициялық жоба қаралды. Жоба аясында кәсіпкерлерден 61 өтініш келіп түсті, оның 33-і қанағаттандырылды, қалған 28-і бойынша тиісті түсініктемелер берілді. Сонымен қатар, салық органдарында тіркеу, мемлекеттік жылжымайтын мүлікті жалға беру бойынша тендерге қатысу және жер мәселелері бойынша 4 кәсіпкерге көмек көрсетілді”, – деді облыс бойынша Сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов.
</blockquote>
<img src="https://kyzylorda-news.kz/wp-content/uploads/2020/12/130277177_1186202995108544_6262031168762071593_o.jpg" alt="" />

Қызылордада сыбайлас жемқорлық дерегі азайды

<a href="https://kyzylorda-news.kz/">Kyzylorda-news.kz</a>. М.Мәметова атындағы педагогикалық жоғары колледжінде Білім басқармасы мен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірлесуімен “Парасатты отбасы” байқауының жеңімпаздары марапатталды.
Жиынға облыс әкімінің орынбасары Наурызбай Байқадамов, департаментінің басшысы Ардақ Ерсейітов, білім басқармасының басшысы Ақзира Қасымова қатысып, отбасы құндылығының маңыздылығы туралы ой бөлісті.
Байқау отбасындағы парасаттылық құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, қоғамдағы сыбайлас жемқорлықтың алдын-алуды өскелең ұрпақтың бойына бала кезден қалыптастыру мақсатын көздейді.
«Парасатты отбасы» байқауының ІІІ орын иегері Арал ауданынан Әбдіжалеловтер отбасы иеленсе, ІІ орын Шиелі ауданынан Абдурахмановтар отбасына бұйырды. Ал, І орын Қазалы ауданы, Асқаровтар отбасы лайық деп танылды. Сонымен бірге бірнеше отбасы арнайы номинациялармен марапатталды.
<img src="https://kyzylorda-news.kz/wp-content/uploads/2020/12/130708510_1019717621864776_6114893272882490606_n.jpg" alt="" />

Қызылордада «Парасатты отбасы» конкурсының жеңімпаздары анықталды

*<a href="https://kyzylorda-news.kz/">Kyzylorda-news.kz.</a> Бүгін Мемлекет басшысы Қасым-Жомарт Тоқаевтың қатысуымен республикалық Волонтер жылының қорытынды жабылу рәсімі өтті.*
Онлайн форматтағы жиында Президент қиын кезеңде қайырымдылығын аямаған, бірліктің нағыз үлгісін көрсете білген барша азаматқа, азаматтық қоғам белсенділеріне, соның ішінде волонтерлерге ерекше алғысын білдірді. Шарада әр аймақтың белсенді жастары онлайн режимінде қатысып, еріктілік қызметіне арналған өз жобалары мен бастамаларының нәтижелерін баяндады.
Елордадағы фронт-кеңсе орталығына жиналған еріктілер пандемия кезеңінде қолға алған әлеуметтік-қоғамдық бағыттағы жобалары мен ұсыныстарын жеткізіп, волонтерлер жылында әр аймақтың атқарған жұмыстарын тілге тиек етті. Жиында әр облыстың еріктілері тікелей байланысқа шығып, жыл көлемінде атқарылған жұмыстары мен ерекше жобаларын атап өтті. Мемлекет басшысы қоғамдық өмірдің дамуына қажет игі бастамалар мен қайырымдылық жобаларды жалғастырудың маңыздылығын атап өтіп, еріктілік қызметін жетілдіруге арналған «Жол картасын» қабылдау қажеттігін атап, жиынды қорытындылады.
Шарадан кейін облыс әкімі Гүлшара Әбдіқалықова өңірде азаматтық белсенділік танытып, күрделі кезеңде қайырымдылық танытқан азаматтардың еңбегін атап өтті.
Бүгін міне өздеріңізбен бірге Президент Қасым-Жомарт Кемелұлы Тоқаевтың қатысуымен өткен Волонтер жылының ресми жабылу салтанатына куә болдық. Осы тұста игі бастамалардың басында жүрген 1000-ға жуық аймақ волонтерлеріне шынайы ризашылығымды білдіремін. Мұның барлығы – еткен еңбектің, төккен тердің жемісі. Баршаңызға алғыс білдіреміз,-деді облыс әкімі Гүлшара Әбдіқалықова.
Салтанатты жиында әлеуметтік және қоғамдық пайдалы міндеттерді шешуге үлес қосқан волонтерлер мен волонтерлер тобын, отандық және халықаралық волонтерлік ұйымдарды көтермелеуге бағытталған «Жыл волонтері» халықаралық сыйлығы табысталды. Әлемнің түкпір-түкпірінен мыңдаған үміткерлер арасынан Сыр елінің 3 волонтері сыйлық иегері атанды. Олардың қатарында «Жылы жүрек жастар» қоғамдық бірлестігінің жетекшісі, BIRGEMIZ:QAMQOR бағытының жетекшісі Сағатбек Сиюов, Қармақшы аудандық аурухана бөлімінің бас акушері, волонтер Әсем Мерекова мен К.Рүстембеков атындағы Жыраулар үйінің маманы, волонтер Айдынбек Скендиров бар.
Сонымен бірге облыс әкімі пандемия кезеңінде қоғамдық қызметтің бел ортасынан табылған 3 белсенді жасқа «Халық алғысы» төсбелгісін табыстады. Еңбегімен ерекшеленген «Жастар ресурстық орталығы» КММ-і директорының орынбасары Талғат Тлес, «Jas Otan» Жастар қанаты» облыстық филиалының кеңесшісі Асем Какарманова, «Өңірлік коммуникациялар орталығы» КММ-нің маманы Ержан Жамбыл құрметке бөленді.
Айта кетейік, Қызылорда облысы республика бойынша осы жылдың басында алғашқылардың бірі болып 700-ге жуық еріктіні біріктіретін “Сыр еріктілері штабын” құрды. Мемлекет басшысының қолдауымен мыңнан астам қайырымдылық шарасы ұйымдастырылды.Еріктілер мен кәсіпкерлер тарапынан аз қамтылған, көмекке мұқтаж жандарға 11 баспана салынды. “Birgemiz Qyzylorda” қоры арқылы 24 мыңнан астам отбасына көмек көрсетілді.
<img src="https://kyzylorda-news.kz/wp-content/uploads/2020/12/130776362_2957950554307994_687433726537228645_o.jpg" alt="" />
<img src="https://kyzylorda-news.kz/wp-content/uploads/2020/12/130606670_2957961704306879_3960285571106218040_o.jpg" alt="" />
<img src="https://kyzylorda-news.kz/wp-content/uploads/2020/12/130713687_2957951227641260_8203440348259454364_o.jpg" alt="" />
<img src="https://kyzylorda-news.kz/wp-content/uploads/2020/12/130870009_2957951050974611_3584557884850772751_o.jpg" alt="" />

Волонтер жылы қорытындыланып, үздіктер марапатталды

<a href="https://kyzylorda-news.kz/">Kyzylorda-news.kz.</a>&nbsp;Короновирус инфекциясымен күреске атсалысқан 100 медицина қызметкеріне Ақмола облысы, Бурабайда орналасқан Щучинск демалыс орнына тегін жолдама берілді.
Сондай-ақ, кәсіподақ ұйымдарының мүшелеріне 30 пайыздық жеңілдікпен демалыс орындарына жолдама қарастырылды. Бұл туралы Өңірлік коммуникациялар қызметінің ақпараттық алаңында облыстық кәсіподақтар орталығының төрағасы Серік Сермағамбетов мәлімдеді.
Төтенше жағдай жарияланған наурыз айынан бастап облыстағы кәсіподақ ұйымдарымен барлығы 37 453 500 теңге қаражат қолдау шараларына жұмсалды. Оның ішінде 28 миллион 851 мың қаражатқа қайырымдылық көмек көрсетілсе, 8 миллион 602 мың қаражат кәсіподақ ұйым мүшелеріне бетперде, антисептик секілді қорғаныш құралдары алынды. Пандемияға байланысты облыстық кәсіподақтардың арнайы штабы құрылды. Еңбек ұжымдарындағы ахуалға қатысты күнделікті мониторинг жүргізді.
<blockquote>
 “Өздеріңіз білесіздер, карантин талаптары күшейтілген тұста көпшілігі қашықтықтан жұмыс жасады. Жұмысшылардың ақылы, ақысыз демалысқа шығуы, қашықтықтан жұмыс жасауы, еңбекке жарамсыздық туралы шұғыл ақпараттар жинақтадық. Түрлі мәселелер туындады. Вахталық жұмыскерлердің жұмыс режимдері, олардың тесттен өтуі, жұмысқа бармаған жұмыскерлердің жалақысы сақталуы, қаладағы үздіксіз жұмыс жасайтын стратегиялық маңызы бар жұмыс орындарының, медицина мекемелері жұмыскерлерінің жұмысқа қатынауы. Кемшіліктерді дер кезінде анықтап, қалыпқа келтіруіне атсалыстық. Арнайы қызу желісін іске қостық. Бүгінге дейін 886 хабарлама түсіп, барлығына жауап берілді”, – деді облыстық кәсіподақтар орталығының төрағасы Серік Сермағамбетов.
</blockquote>
<img src="https://kyzylorda-news.kz/wp-content/uploads/2020/12/130311131_1184831758579001_7006550631807099234_o.jpg" alt="" />

Қызылордада 100 медицина қызметкеріне тегін жолдама берілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің орынбасары Серік Ахмет қаладағы «Айтбай» мешіті және православие шіркеуінің жұмысымен танысып, дін қызметкерлеріне Тәуелсіздік күніне арналған мерекелік марапаттарды табыстады.
Бір жарым ғасырлық тарихы бар «Айтбай» мешітінің жанынан қосымша ғимарат салынып жатыр. Жаңа ғимаратта дәрісхана мен кітапхана орналасады. Сонымен қатар мешіт ауласына абаттандыру жұмыстары жүргізілуде.
Дін өкілдерімен кездесу барысында облыс әкімінің орынбасары зайырлы мемлекеттегі, мәдениетаралық және конфессияаралық келісімді сақтауда, егемен елдің дамуына өз үлесін қосып жүрген сала өкілдерін облыстың «Құрмет» грамотасымен, облыс әкімінің «Алғыс хатымен», «Қазақстан халқы Ассамблеясының 25 жылдығы» медалі марапаттады.
<blockquote>
 “Алдымен сіздерді алда келе жатқан Қазақстан Республикасының «Тәуелсіздік күні» мерекесімен құттықтаймын. Сонымен бірге биылғы жылы Қазақстан Мұсылмандары діни басқармасының құрылғанына 30 жыл толды. Дін – адамзат пен қоғам үшін мәдени өркениеттің маңызды ошағы. Сондықтан, ел тәуелсіздігінің 30 жылдық тұрақты дамуы жолында қоғамда бейбітшілік пен келісімді сақтауда Сіздердің де еңбектеріңіз ерен деп білеміз”, – деді облыс әкімінің орынбасары Серік Ахмет.
</blockquote>
Құрметке бөленгендердің қатарында «Зекет» қайырымдылық қорының облыстағы жетекшісі Оңталап Жидебаев та бар. Ол жабыққан жандардың жанынан табылып, 18 отбасының баспана мәселесін шешуге үлес қосты.
<img src="https://kyzylorda-news.kz/wp-content/uploads/2020/12/130299553_1184828538579323_9025922929688763537_o.jpg" alt="" />
<img src="https://kyzylorda-news.kz/wp-content/uploads/2020/12/130319523_1184828428579334_5964296758209260550_o.jpg" alt="" />
<img src="https://kyzylorda-news.kz/wp-content/uploads/2020/12/130319530_1184828468579330_8446785049319986679_o.jpg" alt="" />
<img src="https://kyzylorda-news.kz/wp-content/uploads/2020/12/130301495_1184828381912672_3958988198608982411_o.jpg" alt="" />
<img src="https://kyzylorda-news.kz/wp-content/uploads/2020/12/130409758_1184828295246014_8710924186179260004_o-1.jpg" alt="" />

Қызылордада дін қызметкерлері марапатталды

<a href="https://kyzylorda-news.kz/">Kyzylorda-news.kz.</a> Қазалы ауданы Әйтеке би кентінен 1 қабатты 4 пәтерлі 10 жалдамалы тұрғын үй құрылысы жүргізілуде.
«Нұрлы жер» бағдарламасы аясында қаржы бөлінген. Жобада бір үйде 4 пәтер, 10 үй, барлығы 40 пәтер қаралған. Жалпы ауданы 2284,6 шаршы метр. Әр пәтер екі және үш бөлмелі.
Жалпы, кентте 2017 жылы 18 пәтерлік 5 тұрғын үйдің құрылысы басталып, өткен жылы халық игілігіне берілді. Биыл тағы 1 тұрғын үй пайдалануға беріліп, 18 отбасы баспанамен қамтамасыз етілді. Яғни, 2019 жылы 5 арендалық тұрғын үй 31 көпбалалы отбасыға, оның ішінде 18-і ата-ана қамқорлығынан айырылған және жетім балаға, 31-і әлеуметтік осал топқа, 10-ы апаттық деп танылған тұрғын үйлері бар азаматқа, ал биыл 4-і көпбалалы отбасыға, 5-і ата-ана қамқорлығынан айырылған, жетім балаға, 4-і әлеуметтік осал топқа, 5-і бюджеттік сала қызметкеріне беріледі.
Сондай-ақ, Қазалы қаласы мен Әйтеке би кентінде 2 қабатты 12 тұрғын үй құрылысы салынады. Қазіргі таңда тұрғын үйдің жоба-сметалық құжаттары әзірленуде.

Қазалыда 10 тұрғын үй салынуда

<a href="https://kyzylorda-news.kz/">Kyzylorda-news.kz.</a> Облыс халқына халықаралық стандарттарға сайкес дер кезінде сапалы тиімді шұғыл медициналық көмек көрсету және оны дамыту мақсатында Қызылорда облысында жедел жәрдем көмегін жаңартуға арналған пилоттық жоба оң нәтижемен жүзеге асырылды.
Шұғыл медициналық көмек көрсету қызметі бір жерден басқарылатын бірыңғай жүйеге біріктірілгенге дейін қала мен ауылдың халқына медициналық көмек көрсетуде айырмашылық болды.
Жедел жәрдем қызметін орталықтандырудың арқасында қазіргі таңда облыс орталығы мен аудандарда жедел жәрдем қызметі бір деңгейде көрсетіліп отыр. Қызылорда облысының қала, аудандар және алыс елді мекендерінің халқы жедел жәрдем топтарының дәрі-дәрмектермен, медициналық құрал-жабдықтармен бірдей жабдықталуына байланысты бірдей, толық көлемде шұғыл медициналық көмек алуда.
Облыс бойынша жедел жәрдем стансасында 49 жедел жәрдем тобы жұмыс атқарады. Оның 18 дәрігерлік (4 мамандандырылған кардиотобы, 4 педиатриялық топ), 31 фельдшерлік топтар. 
Жалпы қызметкерлер саны 923, оның 77 дәрігер, 501 орта буынды мамандар, 345 басқа қызметкерлер.
Стансаның барлық қызметкерлері, оның ішінде аудандық бөлімшелердің қызметкерлері халықаралық стандарттарға сәйкес реанимацияның барлық түрлерін, акушерлік патология, балалардың шұғыл жағдайы бойынша 100% оқытылды.
Қызылорда облыстық медициналық жедел жәрдем стансасы жедел жәрдем топтарының қан айналым жүйесі аурулары бойынша науқастарға көмек көрсету толық жолға қойылған. Барлық қала және аудандық бөлімдер медициналық құрал-жабдықтармен, оның ішінде дефибриллятор, ара қашықтан түсіретін телеметрия функциялы ЭКГ аппараттарымен қамтамасыз етілді. Жәрдем топтары тромболитикалық препаратпен толық қамтылды.

Қызылорда: Жедел жәрдем қызметі оңтайландырылуда

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте коронавирус жұқтырған 712 науқас тіркелді.
Бір күн бұрын 773 адамнан вирус табылғаны туралы хабарланған болатын. &nbsp;&nbsp;&nbsp;
Өңірлер бойынша мәлімет:
<ul>
<li>Нұр-Сұлтан қаласы – 67,</li>
<li>Алматы қаласы – 67,</li>
<li>Шымкент қаласы – 2,</li>
<li>Ақмола облысы – 60,</li>
<li>Ақтөбе облысы – 10,</li>
<li>Алматы облысы – 28,</li>
<li>Атырау облысы – 29,</li>
<li>Шығыс Қазақстан облысы – 100,</li>
<li>Жамбыл облысы – 16,</li>
<li>Батыс Қазақстан облысы – 43,</li>
<li>Қарағанды облысы – 28,</li>
<li>Қостанай облысы – 77,</li>
<li>Қызылорда облысы – 2,</li>
<li>Маңғыстау облысы – 5,</li>
<li>Павлодар облысы – 106,</li>
<li>Солтүстік Қазақстан облысы – 68,</li>
<li>Түркістан облысы – 4.</li>
</ul>
Жалпы ел бойынша ауырғандар саны – 136 983.

Қызылордада 2 адам коронавирус инфекциясын жұқтырған

Kyzylorda-news.kz. Ауыр атлет Илья Ильин Ұлттық ғылыми-практикалық дене тәрбиесі орталығының дене шынықтыру саласындағы ғылыми зерттеу жұмыстары зертханасының бас ғылыми қызметкері болып тағайындалды. Қызылордалық зілтемірші жаңа қызметі туралы жаңалықты “<a href="https://www.instagram.com/p/CIYlGrvBfqW/?igshid=evxhmkiagwrm">Instagram</a>” парақшасында жариялады.
<blockquote>
 “Тағайындау! Ильин Илья Александрович ҚР БҒМ “Ұлттық ғылыми-практикалық дене тәрбиесі орталығы” РМҚК дене шынықтыру саласындағы ғылыми зерттеу жұмыстары зертханасының бас ғылыми қызметкері лауазымына тағайындалды”, – делінген жазбада.
</blockquote>
Биыл 10 қыркүйекте Ильин қазақстандық спортшылар одағының Қызылорда облысы бойынша филиалын басқаратынын мәлімдеген еді. Танымал спортшы туған жерінде спортты дамытуға қатысты үлкен жоспарларының бар екенін жеткізді.
Айта кетейік, зілтеміршінің негізгі қызметі – Қызылорда облыстық дене шынықтыру және спорт басқармасына қарасты «Мұз айдыны» спорт кешенінің директоры.

Илья Ильин жаңа қызметке тағайындалды

<a href="https://kyzylorda-news.kz/">Kyzylorda-news.kz</a>. Өңірде жыл басынан бері өрт қауіпсіздігінің алдын алу мақсатында 813 нысан тексерілді. Тексеру барысында 2029 бұзушылық анықталды. Яғни, өрт қауiпсiздiгi талаптарын бұзған жеке және заңды тұлғаға қатысты әкімшілік іс қозғалып, айыппұл салынды.
<blockquote>
 “Нұсқама талаптарын орындамаған мекемелерге 25 хаттама толтырылып, әкімшілік сотқа жолданды. Оның 20-ына айыппұл салынды. Бесеуінің ісі сот қарауында. Сондай-ақ, департамент қызметкерлері 69 192 тұрғын үй секторына өрт қауіпсіздігін сақтау мақсатында түсіндірме жұмыстарын жүргізді. Тұрғын үй мен пәтерлерде өрттің шығуына негізгі себептер: тұрмыстық электр және газ аспаптарын пайдалану кезінде, пештердің дұрыс орнатылмауы мен қолдану кезіндегі өрт қауіпсіздігі ережелерінің бұзылуы, мас күйінде темекі тарту салдарынан туындайды”,-деді облыстық ТЖД бастығының орынбасары Саид Молдақараев.
</blockquote>

Қазақстан және Қызылорда облысының жаңалықтары: Басты жаңалықтар old