Kyzylorda-news.kz. Түскі сағат 13:00-дегі мәлімет бойынша қызылордалық сайлаушылардың 48,70 пайызы дауыс беріп, өз таңдауларын жасады. Бұл туралы облыстық сайлау комиссиясының төрағасы Ғалым Баймырзаев мәлімдеді.
Облыста 492198 саулайшы бар. Бұл жалпы халықтың 60,7 пайызы. Қазіргі таңға дейін 239 623 сайлаушы дауыс беріп үлгерді. Аймақта 376 сайлау учаскесі бар. Саяси науқанда облыс бойынша 1466 ұлттық байқаушы мен сенімді өкіл жұмыс істеуде. Сайлау учаскелерінде санитарлық қауіпсіздік талаптар сақталған.

Қызылорда: Сайлаушылардың 48,70 пайызы дауыс берді

Kyzylorda-news.kz. ҚР Парламенті Мәжілісінің және барлық деңгейдегі мәслихат депутаттарының сайлауына аймақ халқы белсенді қатысуда. Қазіргі уақытқа дейін яғни сағат 11:00-де сайлаушылардың 28,8 пайызы өз таңдауын жасады. Яғни, 141983 адам дауыс берді.
Бұл туралы облыстық сайлау комиссиясының төрағасы Ғалым Баймырзаев мәлімдеді.Жалпы, облыста сайлаушылардың саны – 492198. Бұл аймақ халқының 60,7 пайызы. Өңірде 376 сайлау учаскесі бар.
Сайлау комиссиясының 2821мүшесі қызмет көрсетуде. Оның 1128-і арнайы оқу курстарынан өткен болатын. Аймақта 13 мыңға жуық мүмкіндігі шектеулі сайлаушы бар. Олардың учаскеге келіп, өз таңдауын жасауы үшін 30-ға жуық инватакси қызмет көрсетуде.
Айта кетейік, қарт кісілер және науқастығы бар азаматтар үшін жылжымалы жәшік қызмет көрсетуде.

Қызылордалық сайлаушылардың 28,8 пайызы өз таңдауын жасады

Kyzylorda-news.kz. Бүгін облыс әкімі Гүлшара Әбдіқалықова ҚР Мәжіліс және мәслихат депутаттарының кезекті сайлауында дауыс берді. Аймақ басшысы № 101 мектепте орналасқан № 263 сайлау учаскесіне барып, өз таңдауын жасады.
ҚР Президентінің 2020 жылдың 21 қазанындағы Жарлығына сәйкес ағымдағы жылдың 10 қаңтарында Мәжіліс және мәслихат депутаттарының кезекті сайлауы өтіп жатыр.
Биылғы саяси науқанға мемлекеттік тіркеуден өткен 5 партия өкілдері қатысуда. Орталық сайлау комиссиясы өткізген жеребеге сәйкес партиялар келесідегідей ретпен орналасқан: «Қазақстан Халық партиясы», «Nur Otan», «Ауыл», «Ақ жол», «Адал». 
Жалпы облыста 9 аумақтық сайлау комиссиясы, 376 сайлау учаскесі құрылған. Бүгінгі күні сайлаушылардың саны 492 мыңнан асты.
Дауыс беру орындарында барлық санитарлық талаптардың сақталуы бақылауға алынған. Бұған дейін ҚР Бас мемлекеттік санитарлық дәрігерінің № 69 қаулысы қабылданды. Қаулыда сайлау процесі барысында эпидемиологиялық қауіпсіздікті қамтамасыз ету шеңберінде бірқатар талаптар көзделген. Нақты айтатын болсақ, ғимаратқа кірер алдында сайлаушылардың байланыссыз термометр арқылы дене қызуы өлшенуі, маскалық режимнің және әлеуметтік қашықтықтың сақталуы, антисептиктердің болуы, қозғалыс маршруты бойынша қашықтық белгілер мен көрсеткіштердің болуы және т.б. талап етіледі.
Сайлау барысында мүмкіндігі шектеулі азаматтарға еш кедергісіз дауыс беру үшін жағдайлар жасалған, оларды тасымалдау үшін арнайы автокөліктер қарастырылған. 
Ауыр халдегі науқастар үшін жәшіктерді тасымалдау арқылы үйінен дауыс беру шаралары ұйымдастырылуда.
Айта кетейік, өңірде әрбір сайлаушы өз сайлау учаскесін анықтау үшін Call-орталықтары («400-200», 109) және «Өзіңді сайлаушылар тізімінен тексер» сервисі, «Sailau2021.gov.kz» порталы жұмыс істеп тұр.

Гүлшара Әбдіқалықова ҚР Мәжіліс және мәслихат депутаттарының кезекті сайлауында дауыс берді

Kyzylorda-news.kz. Биыл «Нұрлы жер» бағдарламасы аясында тұрғын үй құрылысына және инженерлік-коммуникациялық инфрақұрылымды дамытуға мемлекеттік бюджет қаражаты есебінен 10,5 млрд. теңге бөлінді.
Қомақты қаржыға 1572 пәтерлік 76 тұрғын үй тұрғызылатын болады. Қазіргі таңда 487 нысанның құрылыс-монтаждау жұмыстары басталды. Оның 211-і Қызылорда қаласында, қалғаны аудандарда орналасқан.
Халықтың әлеуметтік осал топтары мен аз қамтылған отбасыларға арналған 342 пәтер сатып алуға бюджеттен 2,9 млрд. теңге бөлінді.Баспананың 192-сі қала, қалғаны аудан тұрғындарына беріледі.
Жалға берілетін 1020 пәтерді құрайтын 95 тұрғын үйдің құрылысын салу жоспарлануда. Мәселен, Шиеліде – 72 пәтерлі 4 тұрғын үй, Байқоңыр қаласында 250 пәтерлі 5 үй, Сырдария ауданында – бір пәтерлі 33 үй,Қызылорда қаласында 590пәтерлі 12 тұрғын үй.
Жұмыспен қамту 2020-2021 жылдарға арналған жол картасы аясында 75 пәтерлі 41 тұрғын үйдің құрылысы жүргізіледі.Кредиттік тұрғын үйлер бойынша барлығы 665 пәтерді құрайтын 38, жеке қаражат есебінен 220 пәтерді құрайтын 6 тұрғын үйдің құрылысы салынады. Жалпы облыста биыл 644,7 мың шаршы метр көлемінде тұрғын үй пайдалануға беру жоспарланып отыр.

Қызылордада 76 тұрғын үй салынады

<a href="https://kyzylorda-news.kz/">Kyzylorda-news.kz</a>. Қазақстанның күнтізбесінде жаңа мереке пайда болды. Қазақстан Республикасы Үкіметінің 2020 жылғы 22 желтоқсандағы қаулысымен архившілер күні белгіленді.
Үкімет қаулысының толық мәтіні төмендегідей:
«Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы №689 қаулысына толықтыру енгізу туралы
«Қазақстан Республикасындағы мерекелер туралы» 2001 жылғы 13 желтоқсандағы Қазақстан Республикасы Заңының 4-бабына сәйкес Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы № 689 қаулысына (Қазақстан Республикасының ПҮАЖ-ы, 2017 ж., №53, 343-құжат) мынадай толықтыру енгізілсін:
көрсетілген қаулымен бекітілген Қазақстан Республикасындағы мерекелік күндердің тізбесі: мынадай мазмұндағы 48-тармақпен толықтырылсын:
«48. Архивші күні – 22 желтоқсан».
2. Осы қаулы алғашқы ресми жарияланған күнінен кейін қолданысқа енгізіледі.
Қазақстан Республикасының Премьер-Министрі А. Мамин

Қазақстанда жаңа мереке пайда болды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова облыстық еңбек саласындағы бақылау басқармасының басшысы Төреахмет Жолымбетов пен облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақованы қабылдап, өткен жылы еңбек саласында атқарылған жұмыстарды саралады.
Кездесуде облыстық еңбек саласындағы бақылау басқармасының басшысы Төреахмет Жолымбетов өткен жылы аймақта мерзімде аймақта әлеуметтік-еңбек даулары орын алған жоқ дейді. Басқарма қызметкерлері кәсіпорындар мен мекемелерге 134 тексеру жүргізіп, 188 заңбұзушылықты анықтаған. Нәтижесінде заң бұзған жұмыс берушілерге 30 әкімшілік шара көріліп, 3 млн теңгеден астам айыппұл салынған.
Өткен жылы кәсіпорындар мен мекемелерде орын алатын жазатайым оқиғалар 38%-ға, осы жағдайлардан қаза болу дерегі 39%-ға азайған.
Жиында облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова 2020 жылы жұмыстан қысқартылған азаматтарды қайта жұмыспен қамту мәселелері жайлы баяндады. Өткен жылы 38 кәсіпорында 309 адам қысқартылса, 89 адам өзге жұмысқа орналастырылған. Жұмысынан айрылуына байланыста 64 адамға төлемақы тағайындалып, 3 адам өз кәсіптерін ашу мақсатында несие алған.
Жұмыс орындарын сақтап қалу және әлеуметтік шиеленістердің алдын алу мақсатында облыстық жұмыспен қамтуды үйлестіру және әлеуметтік бағдарламалар басқармасы 3208 кәсіпорынмен ынтымақтастық турала меморандум жасасқан.
Жиын соңында аймақ басшысы Гүлшара Әбдіқалықова басқарма басшыларына жұмыскерлердің жағдайын жіті қадағалауды қажеттігін жеткізді. Кәсіпорындардағы әлеуметтік шиеленістердің алдын алу бағытында бірқатар тапсырмалар берді.
<blockquote>
 “Өңірдегі кей кәсіпорындардың, әсіресе, шетелдік компаниялардың жұмыскерлері өз басшыларымен жиі жүздеспейді. Нәтижесінде қызметкерлер өздерінің мәселелерін тікелей басшыларына жеткізе алмай, әлеуметтік шиеленістер орын алып жатады. Сондықтан сіздер кәсіпорын басшыларына түсіндіру жұмыстарын жүргізіп, олардың жұмысшылармен кездесіп тұруына ықпал етіңіздер”, – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/01/136630445_3024871237615925_2340671200439523982_o.jpg" alt="" />
<img src="https://kyzylorda-news.kz/wp-content/uploads/2021/01/136384153_3024871240949258_2669788416354997691_o.jpg" alt="" />

Қызылорда: Кәсіпорындар мен мекемелерде орын алатын жазатайым оқиғалар 38%-ға азайған

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова экономиканың негізгі секторларында басты көрсеткіштерді айқындайтын 2021 жылдың Іс-қимыл жоспарына арналған жиын өткізді.
Аймақ басшысы 2021 жылы өңірдің экономикалық табыс деңгейін арттыруға арналған нақты жоспар бойынша маңызды жоспарларды саралады.
Жиында облыстық экономика және бюджетті жоспарлау басқармасының басшысы Нұрғали Қордабай биылғы жылы іске асатын маңызды жобалар мен басым бағыттар бойынша алдағы жоспарларды тізбеледі. Бұдан былай көрсеткіштердің орындалуы бойынша ай сайынғы жоспарлар қойылып, басқарма басшылары межеленген көрсеткіштердің орындалуы бойынша есеп береді.
Облыс әкімінің Іс-қимыл жоспар жобасы экономика салаларының басты индикаторларын айқындайтын 6 негізгі бағыттан тұрады. Жоспар 2021 жылы бюджеттік және бюджеттік емес қаржылардан жүзеге асырылуы жоспарланған негізгі іс-шараларды қамтиды.
Алдағы кезеңде негізгі тірек салалар бойынша жобалар іске асып, маңызды құрылыс нысандары салынады. Инвестиция тарту, ауыл шаруашылығы өнімдерінің үлесін арттыру, өндеу өнеркәсібі саласын дамыту бағыттағы бірқатар жұмыстар іске асады. Адами капитал сапасын арттыруға арналған жобалар қабылданып, білім, медицина, мәдениет, спорт салаларында түрлі бастамалар жүзеге асады.
Отырыс соңында облыс әкімі Гүлшара Әбдіқалықова орынбасарларына жоспарға енген әрбір жұмыстың орындалуы, нақты индикаторлық көрсеткіштерді кешенді түрде іске асыруды тапсырды.

Гүлшара Әбдіқалықова 2021 жылдың жоспарына арналған жиын өткізді

<a href="https://kyzylorda-news.kz/">Kyzylorda-news.kz.</a> Қызылорда облысында Жаңа жыл мерекесінде яғни, 1-2 қаңтар күндері 146 сәби дүниеге келді. Оның 74-і – ұл, 72-і қыз бала. Бұл туралы Өңірлік коммуникациялар қызметінің апараттық алаңында облыстық денсаулық сақтау басқармасының ана мен бала денсаулығын қорғау бөлімінің басшысы Бибізада Дүйсенбаева мәлімдеді.
<blockquote>
 “146 нәрестенің 57-і аудандардағы перзентханаларда дүниеге келді. Барлық бала мен ананың жағдайы жақсы. Дәрігерлердің бақылауында. Сәбилерге ата–аналары тарихи тұлғалар, қоғам қайраткерлері мен танымал адамдардың есімдерін қойған. Қыз балалар арасында көркемділік, сұлулық пен нәзіктікті сипаттайтын Айкөркем, Айзере, Зере, Аида, Айша-Бибі есімдері берілген. Ал ұл балаларға Абай, Мансұр, Бейбарыс немесе Ислам есімдерін қойды”, – деді Бибізада Әшімқызы.
</blockquote>
Айта кетейік, облыста желтоқсанның 31-і сағат 08:00-ден 1 қаңтар сағат 08:00-ге дейін барлығы 68 нәресте дүние есігін ашты. 68 сәбидің 35-і ұл, 33-і қыз бала. Оның ішіне желтоқсанның 31-нен қаңтардың 1-не қараған түні 13 сәби дүниеге келді.
Жалпы, аймақта өткен жылы демографиялық дамуында бала туу көрсеткіші оң динамикасын көрсетіп, 12,1% құрап отыр.
<img src="https://kyzylorda-news.kz/wp-content/uploads/2021/01/roddom.jpg" alt="" />

Қызылорда: Жаңа жылда 146 сәби дүниеге келді

Қасым-Жомарт Тоқаев: Тәуелсіздік бәрінен қымбат

<a href="https://kyzylorda-news.kz/">Kyzylorda-news.kz.</a> Соңғы бір аптаның көлемінде Қызылорда облысына 4 миллион құс жұмыртқасы жеткізіліп, сауда орындарына таратылды.
Жаңа жыл мерекесіне дейін қосымша тағы 2 миллион дана жұмыртқа жеткізіледі. Сондай-ақ, екі өнімнің бағасы төмендеді. Оның ішінде, қант, құс еті. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы Шахмардан Қойшыбаев мәлімдеді.
<blockquote>
 “Тауық жұмыртқасының тапшылығын болдырмау және бөлшек сауда желілерін үздіксіз қамтамасыз ету мақсатында Қостанай, Ақтөбе және Алматы облыстарының әкімдіктерімен және Ресей Федерациясымен келіссөздер жүргізілді. Бүгін 700 мың дана жұмыртқа келеді. Сондай-ақ, өңірде бағаның негізсіз өсуіне жол бермеу мақсатында тұрақтандыру қорынан тауарлық интервенциялар жүргізу, кәсіпкерлерге несие беру арқылы шаралар қабылдануда. Айта кететін жайт, жұмыртқа ірі сауда орындарының әлеуметтік бұрышында 29 теңгеден, ал қалған дүкендерде категориясына қарай 42-55 теңгеден сатылуда. Облыста жұмыртқаға тапшылық жоқ. Алдағы уақытта да өнімдерге тапшылық болмас үшін жұмыстар жасалуда”, – деді Шахмардан Сұлтанбекұлы
</blockquote>

Қызылордаға 4 миллион дана жұмыртқа келді

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Гүлшара Әбдіқалықова «Атамекен» отбасы үлгісіндегі балалар ауылына барып, ондағы тәрбиешілер мен балаларды жаңа жыл мерекесімен құттықтады.
Мұнда бүгінде 7 отбасы, 56 бала тұрады. Аймақ басшысы алдымен «Байқоңыр» үйіне кіріп, отбасы мүшелерімен танысты. Бұл отбасында әр ұлттың балалары тәрбиеленеді. Отбасының ана-тәрбиешісі Жұлдыз Сәдібекова балалардың&nbsp; қонақтарға бөлмелерін көрсетті. «Байқоңыр» үйінің бірінші қабатында ойын бөлмесі бар. Тәрбиеленушілер мұнда бос уақыттарында ойын ойнап, қол өнермен айналысады. Ал, балалардың оқу бөлмесінде Елбасына арналаған Құрмет тақтасы бар. Үйдің екінші қабатында жатын бөлмелері мен қонақ бөлмесі орналасқан. Қонақ бөлмеде тәрбиеленуші Досымжан Әуезханов өңір басшысына «Атамекен» тақпағын айтып берді. Мұнан соң өзге балалар облыс әкімі Гүлшара Әбдіқалықоваға сыйлықтары үшін алғысын айтып, жылы лебізін білдірді.
Аймақ басшысы Гүлшара Әбдіқалықова мұнан соң балалар ауылындағы «Алатау» шығырмашылық үйінің жұмысымен де танысты. Шығырмашылық үйдің бірінші қабатында «Needle work» – тігін шеберханасы, «Robotics» – робототехника, «Бэйби рум» -бүлдіршіндерге арналған «Монтесори» әдісімен жұмыс өткізілетін балалар бөлмесі, «VIA and music studio» ансамблі, «Online library» – электронды кітапхана, «ACT hall» – акт залы орналасса, екінші қабатында «ART studio» – сурет, «Chess» – шахмат, «Домбыра», «Hand made» – қол өнер, «Media club» үйірмелеріне арналған бөлмелер бар. Акт залында өңір басшысы балалар үйінің тәрбиеленушілері ұйымдастырған жаңа жылдық мерекелік шараны тамашалап, оларды мерекемен құттықтады.
<blockquote>
 Құрметті балалар, менің жас достарым! Сіздерді келе жатқан&nbsp; жаңа 2021 жылмен шын жүректен құттықтаймын! Балаларымыз озық ойлы, білімді болсын деген ниетпен қазіргі таңда мемлекет тарапынан да, өңір тарапынан да барлық жағдай жасалуда. Бос уақыттарыңыздың тиімді болуы үшін осы жерде «Робототехника»,«Медиа клуб», «Шағын тігін шеберханасы», «Балалар және қолөнер бөлмесі» және «Арт студиясы» ашылды. Сіздер спортпен шұғылдансын, жаны сергек, тәні сау азамат болсын деп қаламыздағы «Мұз айдыны», «Евразия», «Тарлан» спорт кешендері мен «Оқушылар сарайына» тегін қызмет етуді үйлестірдік. Мен апайларыңыздан Сіздердің жағдайларыңызды үнемі сұрап отырамын. Олар Сіздердің жетістіктеріңізді бөлісіп, көңілімізді марқайтады. Атап айтсам, Рано Сабанкулова Лондон қаласында өткен Халықаралық шығармашылық фестивалінде&nbsp; І орын алыпты. Ал, бишілер мен әншілер тобы жақында Польша, Түркия&nbsp; елдерінде&nbsp; өткен халықаралық байқауларда&nbsp; бірінші орынға ие болыпты.Бұл жетістіктеріңіз мені өте қуантты. Әрдайым осылай зор&nbsp; жетістікке жете беріңіздер! – деді облыс әкімі Г.Әбдіқалықова.
</blockquote>
Шара соңында балалар үйінің ауласындағы жасыл шырша қасында аймақ басшысы тәрбиеленушілермен естелікке суретке түсті.
<img src="https://kyzylorda-news.kz/wp-content/uploads/2020/12/134337293_3009112315858484_5502020251754629024_o.jpg" alt="" />
<img src="https://kyzylorda-news.kz/wp-content/uploads/2020/12/133867496_3009112915858424_2221602392962501007_o.jpg" alt="" />
<img src="https://kyzylorda-news.kz/wp-content/uploads/2020/12/134493485_3009112625858453_6766913338141646263_o.jpg" alt="" />
<img src="https://kyzylorda-news.kz/wp-content/uploads/2020/12/134515973_3009112825858433_2621421934373478573_o.jpg" alt="" />
<img src="https://kyzylorda-news.kz/wp-content/uploads/2020/12/134634472_3009112409191808_3982862040368152586_o.jpg" alt="" />

Гүлшара Әбдіқалықова балалар ауылына барып, тәрбиеленушілерді құттықтады

<a href="https://kyzylorda-news.kz/">Kyzylorda-news.kz.</a> Биыл жеке оңалту бағдарламасына сәйкес 1602 мүгедектігі бар адам Әлеуметтік қызметтер порталы арқылы қажетті құрал алды. Ерекше жандарға көрсетілетін қызмет пен қажетті құралды алуға республикалық және облыстық бюджеттен 1,4 млрд теңге бөлінген. Өткен жылмен салыстырғанда 1,5 есеге өсті. Бұл туралы Өңірлік коммуникациялар қызметінің ақпараттық алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева баяндады.
<blockquote>
 “Қазіргі таңда өңірімізде мүгедектерге арналған электрондық цифрлық қолтаңбамен қамтылуы – 77,5 пайызды құрады. Яғни, портал арқылы мүгедектігі бар тұлғалар өз қалауымен жеке іріктеуді талап етпейтін техникалық көмекші құралдардың 55 түрінің 24-ін ала алады. Порталдың ерекшелігі – мемлекеттік сатып алу процесі қолданылмай, электрондық цифрлық қолтаңба арқылы мемлекеттің кепілдендірілген сомасы шегінде қажетті құралын алады”, – деді Айгүл Болатқызы.
</blockquote>
Алдымыздағы жылдан бастап оңалту құралдарының барлық 55 техникалық түрі мен қызметтер яғни, санаторий-курорттық емдеу, протез-ортопедиялық көмек, жеке көмекшінің және ымдау тілі маманының әлеуметтік қызметі порталға толық көшіріледі.

Қазақстан және Қызылорда облысының жаңалықтары: Басты жаңалықтар old