<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықованың қатысуымен облыс орталығының сол жағалауындағы «Нұрлы жер» бағдарламасы аясында салынған 2 тұрғын үйдің кілтін табыстау және Шіркейлі каналы үстінен салынған көпірдің салтанатты ашылу рәсімі өтті.
Алдымен облыс әкімі Гүлшара Әбдіқалықова жаңа пәтер кілтін табыстап, тұрғындарға құттықтауын жеткізді.
<blockquote>
 “Баршаңызды келе жатқан Жаңа жыл мерекесімен шын жүректен құттықтаймын! Өздеріңіз білесіздер, әлемде орын алған пандемия тұрмыс-тіршілігімізге көптеген өзгерістер әкелді. Сындарлы сәтте аймағымызда құрылыс жұмыстары тоқтамай, қарқынды жүргізілді. Жыл басынан бері қаламызда 580 пәтерді құрайтын 15 тұрғын үй пайдалануға берілді. Бүгінгі пәтер иелерін қуаныштарымен шын жүректен құттықтаймын! Жаңа баспаналарыңыз татулық пен берекенің ордасы болып, қуаныш пен бақыт, құт пен ырыс салтанат құрсын!, – деді облыс әкімі.
</blockquote>
Шарада тұрғындар атынан № 140 мектептің мұғалімі Галина Омарова берілген мүмкіндік үшін аймақ басшысына алғысын жеткізіп, мемлекет және қоғам қайраткері Бекмырза Еламанов батасын берді.Жаңа 40 пәтерлі екі тұрғын үйдің құрылысы өткен жылы басталған. Жоба құны 961,4 млн. теңгені құрайды. Мердігер мекемелер – «Аман-Құрылыс» және «Сәт-Сервис» ЖШС.
Айта кетейік, биылғы жылы облыста барлық қаржыландыру көздерінен 1 946 пәтерді құрайтын 98 тұрғын үйдің құрылысы жүргізілуде. Қазіргі таңда Қызылорда қаласында 1 741 пәтерлік 38 көпқабатты тұрғын үйдің құрылысы жүргізіліп жатыр. Келер жылы Сырдария өзенінің сол жағалауында құрылысы жүргізіліп жатқан тағы 725 пәтерлік 15 көпқабатты тұрғын үйдің кілті табысталады деп жоспарлануда. 2021 жылы СПМК-70 тұрғын ауданы бойынша 13 көпқабатты тұрғын үйдің құрылысы аяқталып, пайдалануға берілмек. Одан кейін облыс әкімі Гүлшара Әбдіқалықова Шіркейлі каналының үстінен салынған көпірдің салтанатты ашылу рәсіміне қатысып, жаңа көпірдің ел игілігіне қызмет ететініне сенім білдірді.
<blockquote>
 “Бүгін, мереке қарсаңында Сырдария өзенінің сол жағалауын Шіркейлі арнасы арқылы халықаралық автодәлізбен қосатын автомобиль көпірі пайдалануға берілгелі отыр. Сәні мен салтанаты жарасқан Сол жағалаудағы бұл көпір облыс тұрғындарының алтын уақытын үнемдеп, барынша қуантатын маңызды нысан болатыны сөзсіз. Бүгінгі көпірді пайдалануға беру арқылы аймақтың әлеуметтік-экономикалық дамуын оң тенденция арттыратын боламыз”, – деді облыс әкімі Гүлшара Әбдіқалықова.
</blockquote>
Сондай-ақ, салтанатты шарада облыстың жол саласы бойынша ассоциациясының президенті, “Құрмет” орденінің иегері Өмірбек Шәменов ізгі ниетін жеткізді.
«Қызылорда қаласының Сырдария өзенінің сол жағалау бөлігінде «Шіркейлі» арнасы арқылы көпір салу» жобасының құны – 599 млн. теңге. Көпір ұзындығы – 81,8 метр, қозғалыс жолағының саны – 4 дана. Қозғалыс жолағының ені – 3,75 метр.
Көпір «Нұрлы Жол» мемлекеттік бағдарламасы аясында жүзеге асырылды. Құрылыс жұмыстарын бас мердігер «Сервис НС» жауапкершілігі шектеулі серіктестігі екі жыл ішінде аяқтап шықты. Сондай-ақ, құны 2,5 млрд. теңге, ұзындығы 5 километрді құрайтын сол жағалаудағы үлкен жол да мәресіне жеткен.
«Қызылорда қаласындағы Сырдария өзені арқылы салынған Ғ. Мұратбаев көшесіндегі автомобиль көпірінен республикалық маңызы бар М-32 «Самара-Шымкент» автомобиль жолына қосылатын жалпықалалық маңызы бар магистралды көше құрылысы» жобасының бас мердігері – «Қыран» ЖШС. Құрылыс ұзындығы – 4,934 км, қозғалыс жолағының саны – 4 дана. Тротуар ені – 3 метрді құрайды.
Сонымен қатар жиында ағымдағы жылы жүзеге асырылып бастаған «Қызылорда қаласы Сырдария өзенінің сол жағалауындағы бас көше жолының «Батыс Еуропа – Батыс Қытай» автотрассасымен жанасатын жерінде көлік айрығын салу» жобасы таныстырылды.
Жобаның құны 4 274,941 млн. теңгені құрайды. Бас мердігер “Bazis Construction” ЖШС. 2020 жылға республикалық бюджеттен 300 млн. теңге бөлінген. Құрылыс жұмыстары 2022 жылы аяқталады деп жоспарлануда. Жоба бойынша 2 дана эстакада қарастырылған. Бір эстакадада 12 тіреуден тұрады, әр тіреуде 10 темірбетонды свайдан орналасқан. Қозғалыс жолағының ені – 7 метр, тротуар ені – 1,5 метр болады деп күтілуде.
<img src="https://kyzylorda-news.kz/wp-content/uploads/2020/12/134447240_3006798102756572_232291701935116656_o.jpg" alt="" />
<img src="https://kyzylorda-news.kz/wp-content/uploads/2020/12/134222980_3006797812756601_7832717129937171093_o.jpg" alt="" />
<img src="https://kyzylorda-news.kz/wp-content/uploads/2020/12/134521595_3006798266089889_8630043170686190065_o.jpg" alt="" />

Қызылорда: Сол жағалауда тұрғын үй мен жаңа көпір пайдалануға берілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 739 адамнан коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-28-zheltoksan-23-59-dagy-epidemiologiyalyk-zhagday_a3735177">coronavirus2020.kz</a>.
Аймақтар бойынша: 
Нұр-Сұлтан қаласы – 70 
Алматы қаласы – 80 
Шымкент қаласы – 2 
Ақмола облысы – 55 
Ақтөбе облысы – 2 
Алматы облысы – 66 
Атырау облысы – 124 
Шығыс Қазақстан облысы – 51 
Жамбыл облысы – 18 
Батыс Қазақстан облысы – 45 
Қарағанды облысы – 39 
Қостанай облысы – 61 
Қызылорда облысы – 1 
Маңғыстау облысы – 4 
Павлодар облысы – 58 
Солтүстік Қазақстан облысы – 60 
Түркістан облысы – 3
Жалпы ел бойынша ауырғандар саны 153199.

Қызылордада коронавирус анықталды

<a href="https://kyzylorda-news.kz/">Kyzylorda-news.kz.</a> Қазақстан Республикасының Ұлттық Банкі халықтан келген көптеген өтініштерді ескере отырып, 2006 жылғы 2000, 5000 және 10 000 теңгелік банкноттарды айырбастау мерзімін 2021 жылдың 1 ақпанына дейін ұзарту туралы шешім қабылдады.
Бұл туралы Өңірлік коммуникациялар қызметінің ақпараттық алаңында Қызылорда облысы бойынша “Ұлттық банк” филалының қолма-қолма-қол ақшамен жұмыс және кассалық операциялар бөлімінің басшысы Светлана Ибраева баяндады.
<blockquote>
 “2006 жылғы үлгідегі номиналдарға тән банкноттарды айырбастау кезеңі 2016 жылдың қазанынан 2020 жылдың 5 қазанына дейін – 4 жыл бойы ұзартылып келді. Қазіргі таңда, Банкноттар жеке тұлғалар үшін тек Ұлттық Банктің филиалдарында ғана айырбасталады. Олардың мекен-жайы мен байланыс телефоны туралы ақпарат Ұлттық Банктің сайтында орналасқан. 2021 жылдың 1 ақпанынан кейін банкноттарды айырбастау тоқтатылады”,- деді Светлана Еділқызы.
</blockquote>

Банкноттарды айырбастау 1 ақпанға дейін ұзартылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың жұмыс сапары Жалағаш ауданында жалғасты.
Аймақ басшысы Гүлшара Әбдіқалықова Дәуімбай учаскесіндегі бір пәтерлі үш бөлмелі несиелік 10 тұрғын үйді пайдалануға берді.
Шарада аудандық қоғамдық кеңестің төрағасы Кенжеғара Сүлейменов ауданда атқарылып жатқан жұмыстарға оң бағасын беріп, қолдау танытқан аймақ басшысына алғысын айтты.
«Дәуімбай» учаскесіндегі бір пәтерлі 3 бөлмелі несиелік 10 тұрғын үй «Нұрлы жер» мемлекеттік бағдарламасы аясында салынды. Құрылысын мердігер мекеме «ИМАН» ЖШС жүргізді. Типтік жобада салынған баспананың құны – 115 млн. теңге. Жер көлемі – 1 гектарды құрайды.
<img src="https://kyzylorda-news.kz/wp-content/uploads/2020/12/133869667_1126076604511083_8733623465771004890_o.jpg" alt="" />

Жалағашта тұрғын үй пайдалануға берілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова жұмыс сапарымен Сырдария ауданына барды.
Сапар барысында аймақ басшысы мемлекеттік бағдарламалардың орындалу барысын тексеріп, «Жұмыспен қамту жол картасы» шеңберінде Тереңөзек кентінің тұрғын кварталындағы 18 пәтерлі №1 тұрғын үй және 6 пәтерді жапсарластыру арқылы салынған 18 пәтерлі №2 тұрғын үйдің кілтін тапсыру рәсіміне қатысты.
<blockquote>
 “Жаңа жыл мерекесі қарсаңында жаңа тұрғын үйді пайдалануға бергелі тұрмыз. Бүгінгі күні мемлекеттік бағдарламалар аясында инфрақұрылымды дамыту, тұрғын үйдің құрылысын жүргізу, абаттандыру секілді көп деген ауқымды жұмыстар атқарылуда. Қоныстарыңыз құтты болсын! Жаңа үйлеріңіздің іші қуаныш пен шаттыққа толсын”, – деді облыс әкімі Гүлшара Әбдіқалықова.
</blockquote>
Сондай-ақ, шарада көпбалалы ана Динара Талқанбаева мемлекет тарапынан көрсетіліп жатқан қолдауға ризашылығын білдіріп, 98 жастағы Ұлы Отан соғысының ардагері Яхия Тасыров батасын берді.
Бұл жобаның құны 466 млн. 195 мың теңгені құрайды. Пәтер саны – 42. Құрылыс жұмыстарын мердігер мекеме «Нұр-Талап и К» ЖШС ағымдағы жылдың маусым айында бастаған. Жалпы ауданы 2593,6 м2.
Сырдария ауданында жыл көлемінде «Жұмыспен қамту жол картасы» шеңберінде А.Тоқмағамбетов ауылдық округіндегі №135 орта мектептің жертөлесін жаттығу залына айналдыру және жалпы ұзындығы 34,7 шақырымды құрайтын елді мекендерінің ішкі көшелірінің жол құрылысын жүргізу, Жетікөл елді мекенінде сумен жабдықтау жүйесін қайта жаңғырту және кеңейту, Тереңөзек кентіндегі жаңа ықшам ауданына инфрақұрылым жеткізу, «Ауыл Ел бесігі» бағдарламасы бойынша Ақжарма ауылының көшелерін орташа жөндеу, жарықтандыру сияқты жұмыстар атқарылуда.
Аймақ басшысы Гүлшара Әбдіқалықова аудан әкімі Талғат Дүйсебаевқа мемлекеттік бағдарламалардың орындалуын бақылауда ұстауды және коронавирус індетінің таралмауына тиісті шаралар қабылдауды жүктеді.
<img src="https://kyzylorda-news.kz/wp-content/uploads/2020/12/bek_7184-scaled.jpg" alt="" />
<img src="https://kyzylorda-news.kz/wp-content/uploads/2020/12/bek_7232-scaled.jpg" alt="" />
<img src="https://kyzylorda-news.kz/wp-content/uploads/2020/12/bek_7322-scaled.jpg" alt="" />
<img src="https://kyzylorda-news.kz/wp-content/uploads/2020/12/bek_7215-scaled.jpg" alt="" />

Гүлшара Әбдіқалықова жұмыс сапарымен Сырдария ауданына барды

Kyzylorda-news.kz. Облыс әкімі Гүлшара Әбдіқалықованың жұмыс сапары Жаңақорған ауданында жалғасты.
Аймақ басшысы Екпінді ауылына кіреберістегі ауданаралық қашыртқы үстіндегі көпірдің жағдайымен танысып, ауыл тұрғындарымен пікірлесті. Аппатық жағдайдағы көпір 1975 жылы пайдалануға берілген. Екпінді көп жылдардан бері өзекті мәселе болып көтеріліп келеді. Егіс көлемінің артуына байланысты қашыртқының жағасы сумен шайылып, көпір тұғырларына зиян келуде. Аймақ басшысына облыстық жолаушылар тасымалы және автомобиль жолдары басқармасының басшысы Мұрат Тлеумбетов және «Қазсушар» РМК облыстық филиалының директоры Хамит Бейімбетов көпірдің жағдайын баяндап, К-3 қашыртқысының қазу тазалау жұмыстарының ақау актісі жасалынғанын, көпірдің жобалық сметалық жұмыстары жүргізілгенін жеткізді.
Мұнан кейін облыс әкімі Батыс Қытай-Батыс Еуропа автожолының бойында орналасқан «Орда Сығанақ» ЖШС-нің шипажайының ашылу салтанатына қатысты. Аймақ басшысы Гүлшара Әбдіқалықова жаңа санаторий «Батыс Еуропа – Батыс Қытай» автожолы бойындағы көрікті нысандардың біріне айналады деп сенім білдіріп, аудан тұрғындарын құттықтады.
<blockquote>
 Жыл қорытындыланар сәтте үлкен жолдың бойында заманауи үлгідегі шипажайды пайдалануға бергелі тұрмыз. Азаматтардың рухани дүниесі мен денінің саулығы – мемлекетіміздің басымдық беріп отырған маңызды міндеттерінің бірі десек, саламатты қоғам қалыптастыруда және дені сау ұрпақ өсіруде заманауи медицина мен шипажайлардың алар орны ерекше. 
 Ал, адам денсаулығын жақсартуда айрықша маңызы бар мұндай санаторийлер Жаңақорған жерінде салынса, онда оның мәні тіптен бөлек деуге болады. Өйткені бұл өңірдің батпағы мен суының қасиеті мол, дертке шипа қасиеті бар. Шипажайдың қасиетті суы дертіне дауа іздегендерге шипа болсын,-деді облыс әкімі.
</blockquote>
«Орда-Сығанақ» жауапкершілігі шектеулі серіктестігі салған нысанның жалпы құны 850 млн.теңге. Оның 326 миллион теңгесі «Байқоңыр» әлеуметтік-кәсіпкерлік корпорациясы арқылы қаржыландырылды. Жаңа шипажай алпыс адамды жұмыспен қамтитын болады.
Облыс әкімінің Жаңақорған ауданындағы сапары қайта жаңғыртудан өткен шынықтыру сауықтыру спорт кешенінде қорытындыланды. Ғимарат мемлекеттік-жекешелік әріптестік негізінде салынған. Бір ауысымда 48 бала спортпен шұғылданады Жасөпірімдер мұнда қол добы, баскетбол, волейбол, кіші футбол, стол теннисімен айналыса алады. Ғимаратта 2 ойын залы, 1 үстел теннисі бөлмесі орналасқан. Аудан әкімі Руслан Рүстемов аудан көлеміндегі мемлекеттік жәкеменшік әріптестік аясында салынған спорт кешендерінің мәселелеріне тоқталды.
Жұмыс сапарының соңында аймақ басшысы Гүлшара Әбдіқалықова аудан әкіміне инфрақұрылымдық жобаларды жалғастыруды және азық-түлік өнімдерінің баға тұрақтылығын бақылауда ұстауды тапсырып, бірқатар нақты тапсырмалар берді.
<img src="https://kyzylorda-news.kz/wp-content/uploads/2020/12/fb_img_1608987698979.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608987696029.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608987688312.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608987692775.jpg" alt="" />

Жаңақорған ауданында жаңа шипажай пайдалануға берілді

Kyzylorda-news.kz. Бүгін облыс әкімі Гүлшара Әбдіқалықова жұмыс сапарымен Шиелі ауданына барды. Алдымен аймақ басшысы Тартоғай елді мекенінің ауыз сумен қамту жүйелерін көріп, бас су қоймасының іске қосылу рәсіміне қатысты.
Ауданда инженерлік, коммуналдық инфрақұрылымды дамытуда, жол сапасын жақсартуда кешенді шаралар қабылданған.
Нәтижесінде елді мекенде 293 дана көру құдықтары орнатылып, қыстақішілік 28,38 шақырым, тұтынушы тұрғын үйлерге дейін 19,26 шақырым ауыз су құбырлары жүргізілді. Жаңа ауыз су нысаны құрылысының сметалық құны 401 млн.теңгені құрайды. Облыс әкімі құрылыс жұмысын сапалы орындағаны үшін мердігер компанияға алғысын білдірді.
Мұнан кейін облыс әкімі Шиелі кенті, «Көкшоқы» мөлтек ауданынан тұрғындарға 3 қабатты 18 пәтерлі тұрғын үйді табыстады. Тұрғын үй құрылысына облыстық бюджеттен 176 млн.теңге қаржы қаралып, бас мердігер «СМП-Қызылорда» ЖШС-і тарапынан құрылыс-монтаждау жұмыстары жүргізілген. Құрылыстың жер көлемі 1,76 гектар, ал ғимараттың жалпы ауданы 60 шаршы метрді құрайды.
Игі шарада баспаналы болған 8 баланың анасы Марал Дастанова облыс әкіміне алғыс білдіріп, тебіреніске толы сәттерімен бөлісті. Қоныс тойын тойлаған тұрғындарға аудан ардагері Жақай Сақбаев бата беріп, ел игілігі жолындағы елеулі істерге ризашылығын білдірді.
Әкім сапары барысында қос жолды темір жол үстінен соғылған автомобиль көпірі құрылысының ашылу салтанатына қатысты. Шиелі станциясының «Шиелі-20 бекет» учаскесіндегі автомобиль жолы көпірі «Жұмыспен қамту жол картасы» аясында салынған. Жобаға 673 млн.теңге қаржы қаралып, құрылыс жұмыстары іске асты. Құрылыс алаңына 75 маман тартылып, 18 техника жұмылдырылды. Көпірдің ұзындығы 60 метр, ені 11 метр, жолдың жалпы ұзындығы 1,2 км.
Облыс әкімі жаңа көпір аудан тұрғындарының алтын уақытын барынша үнемдейтін, тұрғындарды қуантатын маңызды нысан болатынын ерекше атап өтіп, тұрғындарды құттықтады.
Мұнан кейін аймақ басшысы Жаңатұрмыс ауылдық округіне барып, «Жұмыспен қамтудың жол картасы» бағдарламасы аясында іске асқан тұрғын үйлерді газға қосу рәсімін көріп, елдің көптен күткен бастамалы іске сәттілік тіледі.
“Бүгін біз аудандағы тағы бір игілікті істің куәсі болғалы тұрмыз. Өздеріңіз білесіздер, бұған дейін жыл сайынғы есепті кездесуде ауыл халқының көтеріп жүрген ең басты мәселесі ауылға көгілдір отын тарту болатын. Міне, бүгін сол мақсатқа қол жеткізіп, табиғи газды салтанатты түрде қосқалы тұрмыз. Құны 204 млн.теңге болатын бұл жобаға облыстық бюджеттен қаржы қаралып, Жаңатұрмыс ауылдық округі бойынша мыңнан аса ауыл тұрғындарының қуанышына орай 205 тұрғын үй табиғи газбен қамтамасыз етіледі”,-деді Гүлшара Әбдіқалықова.
Шара барысында арнайы қондырғыдан газ алауы жағылып, Жаңатұрмыс халқының тұрғын үйлері газға қосылды. Өңір басшысы айрықша сәтте аудан тұрғыны Р.Мұстафаевтың тұрғын үйіне барып, газды пайдалану жұмысын көріп, отбасыға береке тіледі.
Айту керек, биыл аудан орталығы Шиелі кенті 100 пайыз газбен қамтылған. Жақаев елді мекенінде 260, Бидайкөл елді мекенінде 210 жеке тұрғын үй газға қосылған. Алдағы уақытта Н.Бекежанов, Қодаманов, Ақмая, Алғабас елді мекендерін газдандыру бойынша жұмыстар жалғасады.
Жұмыс сапарының қорытындысында облыс әкімі Гүлшара Әбдіқалықова аудан әкімі Қамбарбек Мүбараковқа негізгі басым салалардағы ауқымды жұмыстарды жалғастыруды және халықтың саулығын сақтауға қажетті шараларды қарқынды іске асыруды тапсырды.
<img src="https://kyzylorda-news.kz/wp-content/uploads/2020/12/fb_img_1608988616707.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988626763.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988621129.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988629615.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988635377.jpg" alt="" />

Облыс әкімі жұмыс сапарымен Шиелі ауданына барып, жаңа әлеуметтік нысандарды ашты

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Қазақстан коронавирустың таралуы бойынша “сары” аймаққа өтті. Бұл туралы Қазақстан өңірлеріндегі эпидемиологиялық жағдайды бағалау матрицасының деректері куәландырады,&nbsp;деп хабарлайды&nbsp;<a href="https://stan.kz/">Stan.kz</a>.
25 желтоқсандағы жағдай бойынша Атырау облысы “қызыл” аймақта орналасқан. “Сары” аймақта – Алматы, Нұр-Cұлтан, Қостанай, Ақмола, Солтүстік Қазақстан және Павлодар облыстары бар. Коронавирустың таралу қарқыны бойынша елдің басқа өңірлері “жасыл” аймақта орналасқан.
Айта кетейік, бүгінгі күнге дейін Қазақстан “жасыл” аймақта болды.
Қазақстанда өткен тәулікте 736 адамда коронавирус анықталды. Жалпы елде 150 198 жағдай расталды.

Қазақстан коронавирус бойынша &#8220;сары&#8221; аймаққа өтті

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Бүгін Нартай Бекежанов атындағы қазақ академиялық музыкалық драма театрында облыс әкімі Гүлшара Әбдіқалықованың қатысуымен «Алтын домбыраны» табыстау рәсімі болып өтті.
Шараға ҚР Мәдениет және спорт вице-министрі Нұрғиса Дәуешов, ақын, Қазақстанның еңбек сіңірген қайраткері Жүрсін Ерман, әнші, композитор Қазақстанның Халық әртісі Алтынбек Қоразбаев, халықаралық «Алаш» сыйлығының иегері, Қазақстан Жазушылар Одағы басқармасы төрағасының бірінші орынбасары Ғалым Жайлыбай және т.б. зиялы қауым өкілдері қатысты.
Шарада мәртебелі меймандар «Алтын домбыраны» айтыстың Ақтаңгері, үш мәрте «Алтын домбыра» иегері Мұхтар Ниязовқа табыстап, Сыр елінің өнері мен мәдениетіне құрмет білдірді. Ал, Мұхтар Ниязов өзіне тән жыр шумағымен «Алтын домбыраны» облыс әкіміне табыстады.
Аймақ басшысы Гүлшара Әбдіқалықова «Алтын домбыраның» Сыр жұрты үшін ерекше мақтаныш екенін айтып, айтыс Ақтаңгері Мұхтар Ниязовқа автокөлік кілтін тарту етті.
Айта кетейік, Сыр жеріне арнайы жеткен «Алтын домбыра» облыстық тарихи-өлкетану музейінің «Мәдениет және өнер» залына қойылатын болады.
<img src="https://kyzylorda-news.kz/wp-content/uploads/2020/12/132888901_898406637656502_7881923783495622262_o-1.jpg" alt="" />
<img src="https://kyzylorda-news.kz/wp-content/uploads/2020/12/132688985_898407080989791_7857761747942741142_o.jpg" alt="" />
<img src="https://kyzylorda-news.kz/wp-content/uploads/2020/12/133137278_898406670989832_7191725141525717173_o.jpg" alt="" />
<img src="https://kyzylorda-news.kz/wp-content/uploads/2020/12/132715506_898406707656495_4045038113315439511_o.jpg" alt="" />

Сыр еліне «Алтын домбыра» жетті

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Мемлекеттік органдарға Жаңа жыл мерекесін ұжымдық тойлаудан бас тарту ұсынылды. Бұл туралы Өңірлік коммуникациялар қызметінің ақпарат алаңында өткен брифингте облыс бойынша мемлекеттік қызмет істері департаменті басшысының орынбасары Берікбол Байхожаев мәлімдеді.
Бұл карантин талабын сақтау үшін қабылданған шешім. Берікбол Байхожаев карантин талаптарын сақтамаған мемлекеттік қызметшілерге шара көрілетіндігін ескертті.Сондай-ақ, өзгеріс енгізілген заңнамаға сәйкес, енді мемлекеттік қызметшілердің отбасы мүшелеріне де сыйлық алуға болмайды. Мемлекеттік қызметшіге және оның отбасы мүшелеріне келіп түскен барлық сыйлықтар, тіпті олар білмей келіп түскен сыйлықтарды қоса алғанда, 7 күн ішінде Мемлекеттік мүлік және жекешелендіру комитетіне және оның аумақтық органдарына тапсырылады. Ал отбасы мүшелері бір-біріне сыйлық жасауға тыйым салынбаған.

Қызылорда: Корпоративтік кештерден бас тарту ұсынылды

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; Бүгін аймақ басшысы Гүлшара Әбдіқалықова Қармақшы ауданының әкімі Мұса Қалдарбековты қабылдады. Кездесуде Қармақшы ауданының әлеуметтік-экономикалық дамуының негізгі көрсеткіштері туралы есеп берілді.
Аудан аумағына 2 кент, 12 ауылдық округ кіреді. Ауданның өнеркәсіп саласының кәсіпорындары ағымдағы жылдың 11 айында 3234,0 млн.теңге өнім өндіріп, өткен жылдың есепті мерзімінен салыстырғанда нақты көлем индексі 112,2 пайызды құрады.
Ауыл шаруашылығы өнімдерінің жалпы көлемі 2020 жылдың 1 желтоқсанына 14644,9 млн.теңге болып, өткен жылдың тиісті кезеңімен салыстырғанда 100,2 пайызды құрады.
Есепті кезеңде 24100 шаршы метр тұрғын үй пайдалануға берілді, өсім 10,5% құрайды. Бөлшек сауда көлемі өткен жылмен салыстырғанда 82,3 пайызға орындалып отыр.
Мал шаруашылығын дамыту бағытында қарқынды жұмыс атқарылуда. Мәселен, өткен жылдың қаңтар-қараша айларымен салыстырғанда мүйізді ірі қара басы 4,8 %, қой басы 3,4 %, жылқы басы 2,9 %, түйе басы 3,9 %, құстар 4,8 % өскен.
Аудан бойынша негізгі капиталға салынған инвестиция көлемі 8465,0 млн.теңге құрайды. Ал, шағын кәсіпкерлікті дамыту мақсатында жыл басынан аудан бойынша 67 өндірістік шағын жобалар іске асырылған.
Аймақ басшысы аудан әкіміне мемлекеттік бағдарламалардың орындалуы, шағын және орта бизнесті дамыту, жұмыссыздық мәселесі бойынша бірқатар нақты тапсырмалар берді.

Қармақшыда 24100 шаршы метр тұрғын үй пайдалануға берілді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова Қазалы ауданының әкімі Мұрат Ергешбаевты қабылдады.
Аймақ басшысы ауданның әлеуметтік-экономикалық дамуындағы басты индикаторларды саралап, басым бағыттарды бойынша атқарылған жұмыстармен танысты. Өз кезегінде аудан әкімі Мұрат Нәлқожаұлы облыс әкіміне ауданның 11 ай ішіндегі қорытындысын баяндап, алдағы 2021 жылға арналған жұмыс жоспарымен бөлісті.
Қазалы ауданында жыл ішіндегі макро-экономикалық көрсеткіштері бойынша жалпы өсім қалыптасқан. Өнеркәсіп өнімдерін өндіру 2,9 пайызға өсіп, 14,0 млрд теңгенің өнімдері өндірілген. Негізгі қорға тартылған инвестицияның бағалау көлемі 11 млрд 541 млн теңгені құрап, өткен жылдың осы кезеңімен алғанда 35,4 пайызға, құрылыс жұмыстарының көлемі 4 млрд 616 млн теңгені құрап, 34,6 пайызға орындалды.
Ауданда есепті мерзімге 14 млрд 528,8 млн теңгенің ауыл шаруашылығы өнімдері өндіріліп, 21 951 тонна күріш жиналған. Сондай-ақ, «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылды. Осының нәтижесінде жүздеген тұрғынға жұмыс табылып, әлеуметтік нысандар жаңғыртылудан өткізілді. Бағдарлама шеңберінде Ғ.Мұратбаев ауылына табиғи газ жетіп, Ақсуат ауылынан 150 орындық клуб салынды. Сондай-ақ, «Ауыл – ел бесігі» арнайы жобасы арқылы Бекарыстан би ауылында 930 млн теңгенің жұмысы атқарылды. 
Қабылдау барысында аудан әкімі Мұрат Ергешбаев Қазалы ауданындағы эпедимиологиялық ахуал тұрақты екенін жеткізіп, жыл соңына дейін оттегі баллондарын толтыратын цех іске қосылатынын да тілге тиек етті. Бұл цех іске қосылған уақытта аудан тұрғындарымен қатар, көршілес Қармақшы және Арал ауданы мен Байқоңыр қаласын да оттегімен қамтамасыз етуге мүмкіндік бар.
Қабылдау соңында облыс әкімі Гүлшара Әбдіқалықова аудан халқының әлеуетін арттыруға бағытталған маңызды жобаларды жалғастыруды және экономикаға түсім алып келетін жұмыстар бойынша бірқатар нақты тапсырмалар берді.

Қазақстан және Қызылорда облысының жаңалықтары: Басты жаңалықтар old

Қызылорда: Сол жағалауда тұрғын үй мен жаңа көпір пайдалануға берілді

Қызылордада коронавирус анықталды

Банкноттарды айырбастау 1 ақпанға дейін ұзартылды

Жалағашта тұрғын үй пайдалануға берілді

Гүлшара Әбдіқалықова жұмыс сапарымен Сырдария ауданына барды

Жаңақорған ауданында жаңа шипажай пайдалануға берілді

Облыс әкімі жұмыс сапарымен Шиелі ауданына барып, жаңа әлеуметтік нысандарды ашты

Қазақстан коронавирус бойынша “сары” аймаққа өтті

Сыр еліне «Алтын домбыра» жетті

Қызылорда: Корпоративтік кештерден бас тарту ұсынылды

Қармақшыда 24100 шаршы метр тұрғын үй пайдалануға берілді

Қазалыда мемлекеттік бағдарлама аясында 42 жоба жүзеге асты

Қазақстан және Қызылорда облысының жаңалықтары: Басты жаңалықтар old

Қызылорда: Сол жағалауда тұрғын үй мен жаңа көпір пайдалануға берілді

Қызылордада коронавирус анықталды

Банкноттарды айырбастау 1 ақпанға дейін ұзартылды

Жалағашта тұрғын үй пайдалануға берілді

Гүлшара Әбдіқалықова жұмыс сапарымен Сырдария ауданына барды

Жаңақорған ауданында жаңа шипажай пайдалануға берілді

Облыс әкімі жұмыс сапарымен Шиелі ауданына барып, жаңа әлеуметтік нысандарды ашты

Қазақстан коронавирус бойынша &#8220;сары&#8221; аймаққа өтті

Сыр еліне «Алтын домбыра» жетті

Қызылорда: Корпоративтік кештерден бас тарту ұсынылды

Қармақшыда 24100 шаршы метр тұрғын үй пайдалануға берілді

Қазалыда мемлекеттік бағдарлама аясында 42 жоба жүзеге асты

Қазақстан коронавирус бойынша “сары” аймаққа өтті