<a href="https://kyzylorda-news.kz/">Kyzylorda-news.kz</a>. Қызылорда облысында қаңтар айының ауа райы болжамына сәйкес күн жылы болады.
Алайда, синоптиктер облыста қар аралас жауын жауатындығын, желдің күшейетіндігін айтып отыр. Көктайғақ болуы да мүмкін.
<blockquote>
 “Ауа райы болжамы консультативтік және синоптикалық жағдайдың өзгеруіне байланысты онкүндік, апталық, бір күндік, екі-үш күндік болжамдармен нақтыланып тұрады. Аймақта айдың екінші онкүндіктің аяғында күндіз – 5-8 градустан +5+8 °С-қа дейін, ал түнде -10-18 °С-тан -2 °С жоғарылайды”, – деді «Қазгидромет» РМК Қызылорда облысы бойынша филиал директоры Жұлдыз Қалымбетова.
</blockquote>

Қызылорда: Қаңтар айы жылы болады

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Гүлшара Әбдіқалықова Қазақстан Республикасының Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментінің басшысы Мариям Баекееваның статистикалық есеп беруін тыңдады. Кездесу барысында статистикалық қызмет жыл сайын бекітілетін статистикалық жұмыс жоспары негізінде жүзеге асырылатыны сөз болды.
2020 жылы 165434 статистикалық есептілік қабылданды, оның 84% немесе 139344 онлайн режимде.
Қазақстан Республикасының Ұлттық экономика министрінің 2020 жылғы 13 қазандағы №76 бұйрығымен бекітілген 2021 жылдың Статистикалық жұмыс жоспарына сәйкес 130 статистикалық жұмыстың орындалуы жоспарланған: 29 – айлық, 27 – тоқсандық, 71 – жылдық, 2 – жартыжылдық кезеңділікпен, 1 –бір жолғы жұмыс.
Респонденттер алғашқы шынайы статистикалық деректерді,Ұлттық статистика бюросы басшысымен бекітілетін респонденттердің алғашқы статистикалық деректерді ұсыну графигіне және статистикалық әдіснамаға сәйкес ұсынады.
Жалпы мемлекеттік статистикалық байқаулар бойынша алғашқы статистикалық деректер Қазақстан Республикасының заңнамасымен белгіленген тәртіппен электрондық түрде, қағаз жеткізгіште, телефон арқылы сауал салудың компьютерлендірілген жүйесі арқылы және интервьюермен жеке сауал салуды жүргізу кезінде ұсынылады. 
Жалпы мемлекеттік статистикалық байқаулар бойынша респонденттер ұсынуға қажетті статистикалық нысандар тізбесін респонденттің сұрауы бойынша немесе өз бетінше ҰСБ www.stat.gov.kz. ресми интернет-ресурсында орналасқан “Респондент кабинетінде” жеке тұлғаның жеке сәйкестендіру нөмірін (ЖСН) немесе заңды тұлғаның бизнес сәйкестендіру нөмірін (БСН) енгізу арқылы алады.
Барлық пайдаланушыларға статистикалық үдерістерді автоматтандырумен статистикалық деректерге қолжетімділікті ыңғайлы қамтамасыз ету мақсатында «е-Статистика» Интеграцияланған ақпараттық жүйесі жобасы жүзеге асырылды. «е-Статистика» ИАЖ бұл – статистикалық нысандарды онлайн режимде қабылдауды,статистикалық деректерді сақтау мен өңдеуді, статистикалық ақпаратты қарау мен талдау жүргізуді өзіне қосатын статистиқалық қызметтің барлық үдерістерін автоматтандыру.
«Оn-line режимнің» көмегі арқылы респонденттерге статистикалық органға бармай-ақ сандық қолтаңба арқылы статистикалық есептілікті тапсыруға мүмкіндік ұсынылды.
Кездесу соңында облыс әкімі статистикалық қызметтің негізгі бағыттары бойынша жұмысты жалғастыруды және статистикалық жұмыс жоспарының уақытылы орындалуын тапсырды.

Гүлшара Әбдіқалықова  статистикалық есепті тыңдады

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалы облыстық мәслихаттың VII шақырылымы депутаттарының тізімін жариялады.
«ҚР-ғы Сайлау туралы» ҚР-ның Конституциялық заңының 111-1 бабына, «Nur Otan партиясы» ҚБ Жарғысының 9.8. тармағына сәйкес «Nur Otan» партиясы Қызылорда облыстық филиалының Саяси кеңесі Бюросы шешімімен өңірлік сайлау комиссиясына «Nur Otan» партиясынан облыстық мәслихаттың VII шақырылымындағы депутаттарының жаңа құрамы тіркелді.
Сайлаушылардың басым дауысын иеленіп, мәслихатта көпшілік мандатты иеленіп отырған фракция мүшелері ретінде алдағы жауапты жұмыстарына сәттілік тілейміз.
<img src="https://kyzylorda-news.kz/wp-content/uploads/2021/01/138398537_1081413208937855_3133228423630828850_o.jpg" alt="" />

Қызылорда облыстық мәслихатына сайланған депутаттардың тізімі жарияланды

<a href="https://kyzylorda-news.kz/">Kyzylorda-news.kz</a>. 2020 жылы Әлеуметтік медициналық сақтандыру қорының филиалына азаматтардан 15 450 өтініш келіп түсті, оның ішінде 15 219 өтініш консультациялық сипаттағы, 168 шағым, 63 алғыс. Бұл туралы Әлеуметтік медициналық сақтандыру қорының облыстық филиалының директоры Бақыт Исмаханбетов мәлімдеді.
Шағымданудың себептері: МӘМС мәртебесін алу, дәрі-дәрмектердің болмауы, консультациялық-диагностикалық қызметтерді ұзақ күту, емханалар мен ауруханалардағы медициналық көмектің сапасы, медициналық ұйымдар қызметкерлерінің дәрігерлік этика мен деонтологияны сақтамауы, ауруханаға жатқызудан бас тарту және т.б.
Көбінесе «Qoldau – 24/7» мобильді қосымшасы арқылы есепке қою кезінде сақтандырылу мәртебесі жоқ жұмыс істемейтін жүкті әйелдерден өтініштер түседі. Бұл жағдайда біздің сарапшылар жүктілікті растайтын анықтамалардың негізінде 1 айға уақытша мәртебе береді. Осыдан кейін жүкті әйел есепке алынады және болашақта оның мәртебесі өзгермейді, ол сақтандырылады.
Сондай-ақ, «Qoldau – 24/7» мобильдік қосымшасы арқылы уақытша мәртебеге отандық және шетелдік жоғары оқу орындары мен колледждердің күндізгі бөлім студенттері ие бола алады. Ол үшін студенттер белгілі бір оқу орнында оқығанын растайтын анықтаманы тапсыруы керек. Студентке 1 ай мерзімге уақытша сақтандыру мәртебесі беріледі. Әрі қарай, ол өзінің деректерін Ұлттық білім дерекқорына немесе egov.kz веб-сайтына «Білім» бөлімінде дербес тіркелу үшін оқу орнының деканатына жүгінуі керек.
Филиал директоры атап өткендей, уақытша сақтандыру мәртебесін азаматтардың 15 жеңілдік санатындағы барлық өкілдері ала алады (толығырақ – <a href="https://fms.kz/kk/content/azamattardyn-zhenildigi-bar-sanattary">https://fms.kz/kk/content/azamattardyn-zhenildigi-bar-sanattary</a>). Бұл кезең (1 ай) пациенттің жеңілдік мәртебесін қалпына келтіру үшін беріледі.
Егер пациентке медициналық көмек көрсетуден бас тартылса немесе тиісті түрде көрсетілмесе, онда 1406 нөмірі, «Qoldau – 24\7» мобильді қосымшасы немесе «SaqtandyruBot» Telegram-бот бойынша жүгіну қажет. Қордың мамандары мен сарапшылары жедел жауап беріп, қажетті көмек көрсетеді.
<img src="https://kyzylorda-news.kz/wp-content/uploads/2021/01/kaz-lgotniki-osms.png" alt="" />

Медициналық сақтандыру қорына қызылордалықтардан 15 мыңнан астам өтініш келіп түсті

<a href="https://kyzylorda-news.kz/">Kyzylorda-news.kz</a>. Қызылорда облысында жергілікті маңызы бар автомобиль жолдарын дамытудың 2021-2023 жылдарға арналған «Жол картасы» әзірленді. Оған облыстық және аудандық маңызы бар 73 жоба енгізілген. Бұл туралы Өңірлік коммуникациялар қызметінің ақпараттық алаңында облыстық жолаушылар көлігі және автомобиль жолдары басқармасының басшысы Мұрат Тілеумбетов мәлімдеді.
Жол картасы аясында 14 жоба жолдарды қайта жаңғыртуға, 36-сы күрделі және орташа жөндеуге, 23-і көпір өткелдерін салуға бағытталған. Сондай-ақ, Қызылорда қаласы мен 7 ауданның орталықтары және елді мекендер көшелерін жөндеуден өткізу жұмыстары да қарастырылған. Нәтижесінде 2021 жылы облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесін 75%-ға жеткізу жоспарланған. Осы индикаторлық көрсеткішке жету мақсатында республикалық және облыстық бюджеттен барлығы 14 803,2 млн. теңге бөлінді.
“Осы қаражатқа ұзындығы 260 км құрайтын автомобиль жолдары мен көпір өткелдерін жөндеуден өткізуге мүмкіндік береді. Ал «Нұрлы жол» бағдарламасы аясында 8 812,5 млн. теңге бөлінді. Оған ұзындығы 216 км облыстық және аудандық маңызы бар жолдарды жөндеу жұмыстарын жүргізу жоспарлануда. Айта кететін жағдай, жоғарыдағы облыстық бюджеттен бөлініп отырған қаражатпен республикалық бюджеттен осыған дейінгі 50-де 50 пайыздық негізде бөлінген қаражаттың бөлінісін толықтай жауып отырмыз. 34 жобаға 8 466,0 млн. теңге бөлінді. Бұл объектілердің барлығы 2021 жылы аяқталып, пайдалануға беріледі. Сонымен қатар жыл көлемінде Индустрия және инфрақұрылымдық даму министрлігіне қосымша қаражат тарту жұмыстары жүргізілетін болады. Бүгінгі күнге 7,4 млрд теңгені құрайтын 17 жобаның жобалау-сметалық құжаттамасы дайын, – деді басқарма басшысы.
«Өңірлерді дамыту» бағдарламасы аясында 3 жоба іске асырылуда. Қызылорда қаласындағы С. Бейбарыс көшесінен Қызылжарма каналына дейінгі (оң жағалау) ұзындығы 4 км құрайтын магистралды көшенің құрылысын аяқтау, Қызылорда қаласының сол жағалауындағы Сырдария өзенінің қорғаныс бөгетін бойлай салынатын (УАД салған жолдан бастау алатын) С. Бейбарыс көпіріне дейінгі магистралды көше (2км) құрылысы жұмыстары, Қызылорда қаласындағы (Эдельвейс) саяжай ауданының солжағалау бөлігінде магистралды көше құрылысын бастау (аэропортқа баратын жолға қосу, 1,1 км) жұмыстары.«Ауыл ел – бесігі» бағдарламасы бойынша республикалық бюджеттен 9 жобаға іске асырылуда. Яғни, Қазалы, Қармақшы, Сырдария, Жалағаш аудандарының елді мекен көшелері жөнделеді. «Кіші қалаларды дамыту» бағдарламасы аясында 1 350,9 млн. теңге бөлінді. Арал мен Қазалы қалаларының көшелері асфальтталатын болады.
Бұдан бөлек, облыстық бюджеттен сол жағалаудағы өзеннің қорғаныс бөгетін бойлай орналасқан магистралды көше құрылысы салынады, аймақта 558 шақырым құрайтын көшелер жөнделеді, Қазалыдағы Қарлан учаскесінде Сырдария өзеніне көпір салуға (ОБ-95 млн. тг) жобалау сметалық құжаттамасы әзірленді, биыл құрылыс-монтаж жұмыстары басталады.

Қызылордада автомобиль жолдарын дамытудың «Жол картасы» әзірленді

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР экология, геология және табиғи ресурстар министрлігі Экологиялық реттеу және бақылау комитетінің төрағасы Жолдасов Зулфухар Қызылорда облысы бойынша экология департаментінің жаңа басшысы Нұржан Өмірсерікұлын таныстырды.
Нұржан Өмірсерікұлы 1985 жылы Қызылорда облысының Жаңақорған ауданында дүниеге келген. 2005 жылы Әл-Фараби атындағы Қазақ ұлттық университетін «Экономика» мамандығы бойынша, Қазақ гуманитарлық-заң университетінің «Құқықтану»мамандығы бойынша бітірген. Еңбек жолын 2005 жылы Қызылорда қаласының қаржы бөлімінде есепші болып бастаған. 2006-2008 жылдары Қызылорда облыстық басқармасының Экономика және бюджеттік жоспарлау бөлімінің жетекші маманы. 2008 жылдан 2011 жылға дейін Қазақстан Республикасы Парламенті Сенаты депутатының көмекшісі болды. 2011-2014 жылдары-Қызылорда облысы Тексеру комиссиясы ұйымдастыру-құқықтық басқармасының басшысы. 2014-2018 жылдары Сырдария ауданы әкімінің орынбасары, Қызылорда облысының кәсіпкерлік және туризм басқармасының басшысы, Қазақстан Республикасы Премьер-Министрі Кеңсесінің Өңірлік даму бөлімінің бас инспекторы лауазымдарын атқарған.
⠀Бүгінгі күнге дейін «Shimkent «әлеуметтік-кәсіпкерлік корпорациясы»АҚ Басқарма төрағасы қызметін атқарды.Жолдасов Зулфухар Нұржан Өмірсерікұлын тағайындалуымен құттықтап, өңірдің экологиялық проблемаларын шешуде табыс және жемісті жұмыс тіледі.
<img src="https://kyzylorda-news.kz/wp-content/uploads/2021/01/138294418_452547609097040_3561272525797409211_o.jpg" alt="" />

Қызылордада экология департаментінің басшысы тағайындалды⠀

<a href="https://kyzylorda-news.kz/">Kyzylorda-news.kz</a>. «Nur Otan» партиясы Саяси кеңесі Бюросының шешімімен 76 кандидаттан тұратын тізім бекітілді, деп хабарлайды аталған партияның&nbsp;<a href="https://nurotan.kz/news/news-detail/279761?lang=kz">ресми сайты</a>.
«Қазақстан Республикасындағы сайлау туралы» Конституциялық заңның 97-1 бабының 5-тармағына сәйкес «Nur Otan» партиясы Саяси кеңесі Бюросының 12 қаңтардағы шешімімен 76 кандидаттан тұратын тізім бекітіліп, ҚР Парламенті Мәжілісінің VII шақырылымының депутаттары ретінде тіркеу үшін Орталық сайлау комиссиясына жолданды.
Елбасы, Партия Төрағасы Н.Ә. Назарбаев атап өткендей, «Nur Otan» партиясын қайта жаңғырту «Мықты көшбасшылар – Мықты партия» қағидатын толық көлемде іске асыруға мүмкіндік берді. Енді жаңа Фракция алдында «Өзгерістер жолы: Әр азаматқа лайықты өмір!» сайлауалды бағдарламасының орындалуын жүйелі түрде бақылау және жаңа реформаларды заңнамалық тұрғыдан қамтамасыз ету міндеттері тұр».
Жалпы, Мәжілістегі «Nur Otan» партиясы Фракциясының құрамы 70%-ке жаңарды. Орташа жасы – 49, яғни 4 жылға жасарды.
Қорытынды партиялық тізім теңдестірілген. Яғни тізімдегі 36 кандидат – праймериз жеңімпаздары, 40 кандидат Саяси кеңес Бюросының квотасы бойынша бекітілген. Бұл аймақтық өкілдікті сайлаушылар санына сәйкес пропорционалды түрде қамтамасыз етуге мүмкіндік берді.
Партия Төрағасының Парламент Мәжілісіндегі жастар мен әйелдердің үлесін арттыру жөніндегі тапсырмасы нақты іске асырылды. Яғни, «Nur Otan» Фракциясының жаңа құрамының 40%-ті әйелдер мен 35 жасқа дейінгі жастардан тұрады.
Негізінен Мәжілістегі «Nur Otan» депутаттық корпусына білім беру, денсаулық сақтау, ҮЕҰ, БАҚ, сарапшылар қауымдастығы, өнеркәсіп, ауыл шаруашылығы және т.б. салалардың өкілдері енді.
Депутаттыққа кандидаттардың 7-уі ғана бұрынғы мемлекеттік қызметкер, яғни Фракция құрамында олардың саны 10%-тен аспайды.
Кандидаттар тізімі
АБАҚАНОВ Елдос Нұрболұлы
АБАСОВ Қайнар Бегалыұлы
АДАМБАЕВ Сырым Жұматайұлы
АДАМБЕКОВ Тілектес Серікбайұлы
АҚЫШЕВ Самат Сағынбайұлы
АХМЕТОВ Мәди Абылайұлы
ӘБДІҒАЛИҰЛЫ Берік
ӘБСЕМЕТОВА Әлия Маратқызы
ӘЛІМБАЕВ Данияр Кеңғазыұлы
ӘМРЕЕВ Ғалым Махмұтбайлы
ӘШІМЖАНОВ Жанарбек Садықанұлы
БЕЙСЕНБАЕВ Елнұр Сабыржанұлы
БЕКЖАНОВ Берік Айдарбекұлы
БЕРДАЛИН Аманғали Бейсенбайұлы
БИЖАНОВА Гүлнәр Қадыржанқызы
БОЙЧИН Анатолий Васильевич
ЕЛЕУОВ Ғалымжан Алмасбекұлы
ЕЛУБАЕВ Мәди Сағынтайұлы
ЕРЖАН Құдайберген Төлепұлы
ЕРМАН Мұхтар Тілдәбекұлы
ЕРТАЕВ Сырым Махамбетұлы
ЖАМАЛОВ Аманжан Мәкәрімұлы
ЖАҢБЫРШИН Еділ Терекбайұлы
ЖУЛИН Юрий Викторович
ЗӘКИЕВА Динара Болатқызы
ИМАШЕВА Снежанна Валерьевна
КАЗАНЦЕВ Павел Олегович
КАМАСОВА Зарина Айдарханқызы
КЕСЕБАЕВА Балайым Туғанбайқызы
КИМ Вера Александровна
КОЛОДА Дмитрий Владимирович
КУЧИНСКАЯ Юлия Владимировна
ҚАРАТАЕВ Фахриддин Әбдінабиұлы
ҚОЖАХМЕТОВ Арман Төлешұлы
ҚҰЛШАР Мәлік Иманқұлұлы
ҚҰСАЙЫНОВ Марат Әпсеметұлы
ҚҰСПАН Айгүл Сайфоллақызы
МУСИН Қанат Сергейұлы
МҰСАБАЕВ Самат Базарбайұлы
МЫҢБАЙ Дархан Қамзабекұлы
НАЗАРБАЕВА Дариға Нұрсұлтанқызы
НАҚПАЕВ Сәлімжан Жұмашұлы
НҰРКИНА Айгүл Қабдешқызы
НҰРМАНБЕТОВА Жәмила Нүсіпжанқызы
НҰРОВ Қанат Ильяұлы
НҰРЫМОВА Гүлдара Алданышқызы
НЫҒМАТУЛИН Нұрлан Зайроллаұлы
ОМАРБЕКОВА Жанат Әнуарбекқызы
ОСПАНОВ Берік Серікұлы
ПАВЛОВЕЦ Лариса Павловна
ПАНЧЕНКО Игорь Иванович
ПЛАТОНОВ Артур Станиславович
РАЗЗАҚ Нәзиля Раззақбайқызы
РАҚЫМЖАНОВ Әмірхан Мұратбекұлы
РАМАЗАНОВА Ләззат Керімқұлқызы
РАУ Альберт Павлович
САЙЫРОВ Ерлан Бияхметұлы
САПАРОВА Әлия Сүйіндікқызы
САРТБАЕВ Бауыржан Мейрамбекұлы
САРЫМ Айдос Әміроллаұлы
СИМОНОВ Сергей Анатольевич
СМАҒҰЛ Бахытбек
СМЫШЛЯЕВА Екатерина Васильевна
СҮЛЕЙМЕНОВА Жұлдыз Досбергенқызы
СҮЛЕЙМЕНОВА Зүлфия Болатқызы
ТАЙЖАНОВ Ерлік Серікбайұлы
ТАШҚАРАЕВ Ғани Әбдіғаниұлы
ТӘЖМАҒАМБЕТОВА Мақпал Мазаққызы
ТЕЛПЕКБАЕВА Жанна Тілеубекқызы
ТОРҒАЕВ Бекқали Нұрғалиұлы
ТӨЛЕПБЕРГЕН Мейрамбек Мылтықбайұлы
ТҰРҒАНОВ Дүйсенбай Нұрбайұлы
ТІЛЕУХАН Бекболат Қанайұлы
УНЖАКОВА Ирина Сергеевна
ҮЙСІМБАЕВ Асқарбек Съезбекұлы
ШИПОВСКИХ Геннадий Геннадьевич

«Nur Otan» партиясынан Мәжіліс депутаттарының тізімі жарияланды

<a href="https://kyzylorda-news.kz/">Kyzylorda-news.kz</a>. Қызылорда облысында Тәуелсіздік мерекесінің 30 жылдығына және қоғамдық – саяси маңызды шаралардың күнтізбелік жоспары бекітілді. Оның ішіне 81 мәдени шара енгізілді. Бұл туралы Өңірлік коммуникациялар қызметінің ақпараттық алаңында облыстық мәдениет, архивтер және құжаттама басқармасының басшысы Мира Әбуова баяндады.
<blockquote>
 “Биыл іс-шаралар жоспарына сәйкес, «Тұғыры биік Тәуелсіздік» атты республикалық ақындар айтысы және «Байқоңыр: Тәуелсіздік тартуы» тақырыбында Байқоңыр қаласында облыстың өнер күндері, «Парасатты поэзия» халықаралық фестивалі, «Қылқаламда мәңгілік ел бейнесі» атты халықаралық суретшілер симпозиумы, сондай-ақ, «Қорқыттан қалған қоңыр үн» республикалық қобызшылар конкурсы, Кете Жүсіп Ешниязұлының 150 жылдығына арналған республикалық жыршы-жыраулар байқауын өткіземіз. Сонымен қатар, Қазақстанның еңбек сіңірген қайраткері, «Құрмет», «Парасат» ордендерінің иегері, композитор Кеңес Дүйсекеев атындағы «Туған жер» атты халықаралық әншілер конкурсы мен композиторды еске алу шаралары ұйымдастырылатын болады”, – деді Мира Рахымжанқызы.
</blockquote>
Айта кетсек, үш мәрте «Алтын домбыра» иегері Мұхтар Ниязов барлық ауданда кездесу кештерін өткізеді.

Қызылорда: Тәуелсіздіктің 30 жылдығына орай 80-нен астам мәдени шара өткізіледі

<a href="https://kyzylorda-news.kz/">Kyzylorda-news.kz</a>.&nbsp;2021 жыл басталғалы Қызылорда облысының кәсіпкерлер палатасы қандай қызмет түрлерін көрсетіп келеді. Жаңа жыл басталғалы аталған мекеме кәсіпкерлер мен кәсіпкер болуға ниет білдіргендерге қандай көмек көрсетіліп келеді? Осы сауалдарға бүгін Палатаның сарапшысы Гүлнұр Құрмантаева жауап берді.
– Гүлнұр, жыл басталғалы Палата кәсіпкерлерге қандай қызмет көрсетіп жатыр?
– Кәсіпкерлер палатасының бизнес өкілдеріне немесе кәсіппен айналыссам деген азаматтарға арналған қызметтері ұдайы тегін көрсетіледі. Мәселен, биыл 5 қаңтардан бастап Қызылорда қаласында Палата жанындағы Кәсіпкерлерге қызмет көрсету орталықтары жұмысын бастап кетті. Орталығымызда қазір бухгалтерлік есеп бойынша, құқықтық мәселелерге қатысты, маркетинг сұрақтарына арналған және мемлекеттік сатып алу саласына қатысты менеджер-кеңесшілеріміз жұмыс жасауда. Ал аудандарда Палатаның филиалдарында Кәсіпкерлерді қолдау орталықтары жұмыс жасауда. Әр аудандан бір менеджер кеңесшіден бар. Олар кәсіпкерлерге немесе бизнесін ашуға талаптанып жүрген азаматтарға мемлекеттік бағдарламалар туралы кеңес береді. Мысалы, «Кәсіпті бастау үшін не қажет? Қайда бару керек? Неден бастаған жөн? Қандай мемлекеттік бағдарлама аясында несие ала аламын немесе қайтарымсыз грантқа қатыса аламын? Талаптары қандай» деген секілді ж»не өзге де кәсіпкерлікке қатысты сауалдарға жауап ала аласыздар. Ал сервистік қызметтерді кәсіпкерлер оффлайн немесе онлайн форматтарда ала алады. Оффлайн форматта қызмет алғысы келетін азаматтар үшін Қорқыт ата көшесі, 123 мекен-жайдағы «Бизнеске арналған үкімет» ғимаратындағы, 1-қабатта өз қызметтерімізді ұсынып отырмыз.
&nbsp;– Сервистік қызметтердің кеңес беруден айырмашылығы неде?
– Сервистік қызметтерде біз белгілі бір қызмет түрін көрсетеміз. Мәселен, кәсіпкерлердің тегін бухгалтерлік,салықтық, статистикалық есептерін тапсырып береміз, келісім-шарт, өзге де құқықтық құжаттарын әзірлеуде көмек береміз, белгілі бір мемлекеттік бағдарлама аясында несие немесе гранттық қаржы алғысы келген жағдайда кәсіпкерге бизнес-жоспарын әзірлейміз, мемлекеттік сатып алу қызметінде аты айтып тұрғандай порталға тіркелу жолдары, сатып алуға қатысу процестеріне қатысты кеңестер ұсынамыз.
– Жыл басталғалы қандай қызметтер сұранысқа ие, жалпы кәсіпкерлердің белсенділігі қандай?
– &nbsp;&nbsp;5 қаңтардан бастап бизнес өкілдері қызметтерді алуда. Қазіргі таңда есепті тапсыру кезеңі болғандықтан салықтық қызметтерге қатысты сұраныс өте жоғары болып тұр. Мұнан өзге, қаржы институттарына құжат ұсыну үшін біздің мамандарымыз бизнес-жоспар жасауды бастап кетті. Жыл басы, өздеріңізде жақсы білесіздер, мемлекеттік сатып алуға қатысты нормативтік құжаттарда өзгерістер болады. Бұл мәселеге қатысты да кәсіпкерлер кеңестерін алуда. &nbsp;
– Жаңа сіз қызметтерді онлайн алуға болады деп айтып кеттіңіз. Кәсіпкерлер қандай платформа арқылы ала алады?
– Онлайн қызметтерді <a href="https://g4b.kz/">https://g4b.kz/</a> сайты арқылы ала алады. Қызмет алушы кәсіпкердің электронды цифрлық қолтаңбасы және қажетті қызметіне қатысты құжаттары болуы керек. Сайтқа кіргеннен кейін қажетті қызметті таңдап онлайн ала береді. Мұнан өзге, аталмыш платформада таңдаған қызметі бойынша менеджер кеңесшімен де байланысып, сауалдарын қоя алады. Қосымша сұрақтар туындаған жағдайда 40-02-02 байланыс нөміріне хабарласа алады.
– Сұхбатыңызға рахмет!

Гүлнұр Құрмантаева: Қызылордада салықтық мәселелерге қатысты кеңес алушылар көп

<a href="https://kyzylorda-news.kz/">Kyzylorda-news.kz.</a> Бүгін Қызылорда өңірінде мектеп оқушылары ІІІ оқу тоқсанын бастады. Бұл оқу тоқсанында 80636 бала дәстүрлі форматта білім алатын болады. Ал, 89258 бала қашықтан оқу форматында білімін жалғастырады.
Алгоритмге сәйкес, жаңа оқу тоқсанында 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Ал, 6, 7, 8, 10 сыныптардағы балалар қашықтан оқиды.
Қаңтар айында басталған ІІІ оқу тоқсанындағы басты ерекшелік 9,11-сынып оқушылары мектепке барып оқиды. Бүгінгі күні 9-сыныпта 13242 оқушы білім алса, 11-сыныпта 7002 оқушы оқиды. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Яғни, пәндердің 70 пайызы – дәстүрлі форматта, 30 пайызы қашықтан оқытылатын болады.
Айта кетейік, Қызылорда облысында 301 мектеп бар. Онда 169894 бала білім алады.

Қызылорда өңірінде оқушылардың ІІІ оқу тоқсаны басталды

<a href="https://kyzylorda-news.kz/">Kyzylorda-news.kz.</a> Облыста «Нұрсәт» орталығында қосымша 4 жабық теннис кортының құрылыс салынуда. Бұл туралы Өңірлік коммуникациялар қызметінің ақпараттық алаңында облыстық дене шынықтыру және спорт басқармасының басшысы Жақсылық Оспанов баяндады.
Қазіргі таңда Қызылорда қаласындағы байдарка және каноэ есу базасының құрылыс монтаж жұмыстары жүргізілуде.
Өткен жылы аймақта 4 Қазақстан Республикасының чемпионаты, 2-і халықаралық және 5 республикалық турнирлер, балалар мен жасөспірімдер спорт мектептері арасында 11 облыстық біріншілік ұйымастырылды. Облыс спортшылары ҚР чемпионаттары мен кубоктарында 353 медальді жеңіп алса, Азия чемпионаттарында 25 медальға қол жеткізді. Олимпиадасын жолдамасын жеңіп алған Дәулет Ниязбеков пен Қамшыбек Қоңқабаев жаттығу жұмыстарын жүргізіп жатыр.

Қызылордада жабық теннис корты салынуда

<a href="https://kyzylorda-news.kz/">Kyzylorda-news.kz.</a> Қызылорда облысы Қазалы аудандық полиция бөліміне жергілікті тұрғыннан Пірімов ауылының тұсында өрісте жайылып жүрген 1 бас түйесін ұрланғандығы туралы шағым түсті. Мал иесіне 1 миллион 300 мың теңге көлемінде залал келтірілген.
Жедел-іздестіру шаралары барысында полиция қызметкерлері күдікті 51 жастағы Арал ауданының тұрғынын ұстады. Күдіктінің басқа да мал ұрлығының дерегіне қатыстылығы тексерілуде.
Тәртіп сақшылары күдіктіге ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.
Осы фактіге қатысты Қазақстан Республикасы Қылмыстық кодексінің 188/1 бабы 1 бөлігіне (мал ұрлығы) сәйкес сотқа дейінгі тергеп-тексеру жүргізілуде. Оқиғаның мән-жайы анықталуда.

Қазақстан және Қызылорда облысының жаңалықтары: Басты жаңалықтар old