<a href="https://kyzylorda-news.kz/">Kyzylorda-news.kz</a>.&nbsp;Әлемдегі ең үлкен шөл – Сахарада температура 0 градустан төмендеп,&nbsp;қаңтар айында&nbsp;қар жауды.
Фотограф Карим Бучетата осы ерекше көріністі суретке түсірген. Ол Алжирдің Айн Сафра қаласының маңындағы қар басқан шөл далада және Сауд Арабиясының солтүстігіндегі Табук қарлы шөлінде жүрген түйелер мен қойларды суретке түсірді.
<img src="https://kyzylorda-news.kz/wp-content/uploads/2021/01/sa.jpeg" alt="" />
Айн-Сафра Сахара шөлінің шетінде орналасқан, оны “Шөл қақпасы” деп те атайды. Бұл ауданда қар 2017 және 2018 жылы да жауған. Ал оған дейін қар жууы туралы жағдай 1979 жылы ақпанда ғана тіркелген.
<img src="https://kyzylorda-news.kz/wp-content/uploads/2021/01/sah.jpeg" alt="" />
The Sun басылымының хабарлауынша, Сахара шөліндегі температура ыстық маусымда +50 градусқа дейін көтеріліп, суық мезгілде +12 градусқа дейін төмендейді. Алайда, биыл қаңтарда температура 0 градустан төмендеген.
<img src="https://kyzylorda-news.kz/wp-content/uploads/2021/01/saha.jpeg" alt="" />
Қаңтар – Сауд Арабиясындағы ең суық ай. Орташа температура +20 градус болады. Табук – елдегі ең суық аймақтың бірі. 10 қаңтарда осы таулы аймаққа қалың қар жауды. Ливан, Сирия және Иран да қар астында қалды.
<img src="https://kyzylorda-news.kz/wp-content/uploads/2021/01/sahar.jpeg" alt="" />
Сарапшылар шөлдің қатал климаты мен құрғақшылығына қарамастан, 15 мың жылдан кейін Сахара қайтадан жасыл желек жамылған аймаққа айналады дейді.
<a href="https://massaget.kz/arnayyi_jobalar/lemtanu/64303/">Massaget.kz</a>

Сахара шөлін қар басты

<a href="https://kyzylorda-news.kz/">Kyzylorda-news.kz</a>. Қызылорда облысының ішкі саясат басқармасының бұйрығымен «Қоғамдық келісім» КММ-нің директоры қызметіне Мастеков Бауыржан Қайырбекұлы тағайындалды.
Бауыржан Мастеков 1989 жылы 8 желтоқсанда дүниеге келген. 2005-2012 жж. «Болашақ» колледжін және университетін «Құқықтану» мамандығы бойынша оқып, бітірген. Қызылорда қалалық мәслихатының V және VII шақырылымының депутаты.
Еңбек жолын 2008 – 2019 жж. «Жас Отан» Жастар қанатының Қызылорда қалалық филиалының төрағасынан бастап, «Болашақ жастары» жастар қоғамдық бірлестігінің, «Қызылорда жастары» Заңды тұлғалар қауымдастығының төрағасы, «Байқоңыр» ӘКК ұлттық компаниясы акционерлік қоғамында бөлім басшысы;
2020 жылдан бүгінгі күнге дейін «Жастар ресурстық орталығы» КММ-нің директоры қызметін атқарды. 
Отбасылы.
<img src="https://kyzylorda-news.kz/wp-content/uploads/2021/01/139719798_1213373409058169_5886788042570224363_o-1.jpg" alt="" />

Қызылорда: «Қоғамдық келісім» мекемесіне жаңа басшы тағайындалды

<a href="https://kyzylorda-news.kz/">Kyzylorda-news.kz</a>. Қызылорда облысының ішкі саясат басқармасының бұйрығымен «Жастар ресурстық орталығы» КММ-нің директоры қызметіне Мукеев Азамат Рысдәулетұлы тағайындалды.
Мукеев Азамат 1989 жылы 14 тамызда дүниеге келген.
2007 – 2014 жылдары Қорқыт ата атындағы Қызылорда университетін «Информатика» мамандығы бойынша білім алған.
Еңбек жолын 2011 – 2015 жылдары түрлі қоғамдық ұйымдарда жастармен жұмыс жасау, қоғаммен байланыс саласында;
2016 жылдан 2019 жылға дейін «Қоғамдық келісім» КММ-де әлеуметтік жобалармен жұмыс бөлімінің басшысы;
2019 жылдың қыркүйегінен 2020 жылдың қарашасына дейін директордың орынбасары;
2020 жылдың қарашасынан бүгінгі күнге дейін директор қызметтерін абыроймен атқарып келді.
<img src="https://kyzylorda-news.kz/wp-content/uploads/2021/01/azamat-mwkeev.jpg" alt="" />

Қызылорда: «Жастар ресурстық орталығына» жаңа директор тағайындалды

<a href="https://kyzylorda-news.kz/">Kyzylorda-news.kz</a>. Қазақстан Республикасы Үкіметінің құрамы туралы Президент жарлығы шықты,&nbsp;деп хабарлайды&nbsp;Ақорданың баспасөз қызметі.
Қазақстан Республикасы Конституциясының 44-бабының 3) тармақшасына сәйкес&nbsp;ҚАУЛЫ ЕТЕМІН:
<ol>
<li>Тағайындалсын:</li>
</ol>
Әлихан Асханұлы Смайылов – Қазақстан Республикасы Премьер-Министрінің бірінші орынбасары;
Роман Васильевич Скляр – Қазақстан Республикасы Премьер-Министрінің орынбасары;
Ералы Лұқпанұлы Тоғжанов – Қазақстан Республикасы Премьер-Министрінің орынбасары;
Мұхтар Бескенұлы Тілеуберді – Қазақстан Республикасы Премьер-Министрінің орынбасары – Сыртқы істер министрі;
Ғалымжан Тельманұлы Қойшыбаев – Қазақстан Республикасы Премьер-Министрі Кеңсесінің Басшысы;
Нұрлан Байұзақұлы Ермекбаев – Қазақстан Республикасының Қорғаныс министрі;
Ерлан Заманбекұлы Тұрғымбаев – Қазақстан Республикасының Ішкі істер министрі;
Аида Ғалымқызы Балаева – Қазақстан Республикасының Ақпарат және қоғамдық даму министрі;
Сапархан Кесікбайұлы Омаров – Қазақстан Республикасының Ауыл шаруашылығы министрі;
Марат Бақытжанұлы Бекетаев – Қазақстан Республикасының Әділет министрі;
Асхат Қанатұлы Аймағамбетов – Қазақстан Республикасының Білім және ғылым министрі;
Алексей Владимирович Цой – Қазақстан Республикасының Денсаулық сақтау министрі;
Серік Жамбылұлы Шәпкенов – Қазақстан Республикасының Еңбек және халықты әлеуметтік қорғау министрі;
Бейбіт Бәкірұлы Атамқұлов – Қазақстан Республикасының Индустрия және инфрақұрылымдық даму министрі;
Ерұлан Кенжебекұлы Жамаубаев – Қазақстан Республикасының Қаржы министрі;
Ақтоты Рахматоллақызы Райымқұлова – Қазақстан Республикасының Мәдениет және спорт министрі;
Бақыт Тұрлыханұлы Сұлтанов – Қазақстан Республикасының Сауда және интеграция министрі;
Юрий Викторович Ильин – Қазақстан Республикасының Төтенше жағдайлар министрі;
Әсет Арманұлы Ерғалиев – Қазақстан Республикасының Ұлттық экономика министрі;
Бағдат Батырбекұлы Мусин – Қазақстан Республикасының Цифрлық даму, инновациялар және аэроғарыш өнеркәсібі министрі;
Мағзұм Маратұлы Мырзағалиев – Қазақстан Республикасының Экология, геология және табиғи ресурстар министрі;
Нұрлан Асқарұлы Ноғаев – Қазақстан Республикасының Энергетика министрі.
2. Осы Жарлық қол қойылған күнінен бастап қолданысқа енгізіледі.

Үкіметтің жаңа құрамы белгілі болды

<a href="https://kyzylorda-news.kz/">Kyzylorda-news.kz</a>. Қызылордалық Гүлнұр Борбасова «Бастау» жобасының 2019 жылғы түлегі. Негізгі мамандығы IT саласымен тікелей байланысты ол Алматы қаласындағы елімізге белгілі банктердің бірінде жұмыс жасаған. Тұрмыс құрып, балалы болғаннан кейін бала күтіміндегі кезеңді босқа өткізбейін деген жас ана тоқыма тоқуды хоббиіне айналдыра бастайды.
Бұйымдарды тоқуды виртуалды курстардан үйренген Гүлнұр уақыт өте келе тоқыған өнімдерін табыс көзіне айналдыруды көздейді. Анасынан «Бастау» жобасы туралы естіген ол, Кәсіпкерлер палатасынан кеңес алып, жоба аясында біліктілігін жетілдіреді.
<blockquote>
 «Бастау» жобасын 2019 жылы оқыдым. Ол кезде курс офлайн жүргізілді. Бизнес-тренер Наталья Мишуковадан сабақ алдым. Бизнесті бастаудың алғышарттарымен танысып, салықтық және өзге де есептіліктерді тапсыруға қатысты құнды ақпараттарға қанық болдым. Осылайша қызығушылықтан басталған тірлігімді теңгеге айналдырудамын», – дейді жас кәсіпкер Гүлнұр Борбасова.
</blockquote>
«Бастау» жобасынан сертификатын алған соң, курста әзірлеген бизнес-жоспарын «Еңбек» мемлекеттік бағдарламасы аясындағы гранттық комиссия алдында қорғап, 530 мың теңге қайтарымсыз қаржыға қол жеткізеді.
Бүгінде Гүлнұр қолдан әр мезгілге арналған бас киімдерді, шарфтарды, сөмкелердің түр-түрін тоқиды. Енді кеудешелерді тоқуды қолға алуда.
<blockquote>
 «Тоқитын өнімімде жіптің сапасына ерекше мән беремін. Қазір италяндық жіптерді қолданып жүрмін. Арнайы тапсырыспен алдырамын. Таза, меринос қойының жүнінен әзірленген. Табиғи өнім болғандықтан бұл жіптен тоқылған бас киімдерді жаңа туылған сәбиге де кигізуге болады, терлетпейді. Бас киім, шарфтарды тоқып болған соң жуып, арнайы тәсілмен кептіріп барып тапсырыс берушіге ұсынамын», – дейді кәсіпкер.
</blockquote>
Ал гранттық қаржыға жақында тоқыма машинасын сатып алыпты.
<blockquote>
 «Тоқыма машинасы еңбек өнімділігі үшін маңызды. Бұйымдарды қолдан тоқу барысында біршама уақыт кетіп қалады. Кей бұйымды 2-3 күнде әзірлеймін, күрделілеріне 1 аптаға дейін уақыт кетеді. Ал тоқыма машинасы бұл олқылықтың орнын толтырады деп үміттенемін. Себебі өнімнің санының артуы табысқа да әсер етері сөзсіз», – дейді Гүлнұр Борбасова. &nbsp;
</blockquote>
Гүлнұр жас аналарға, өзі секілді жастар мен қыз-келіншектерге қолдарынан келетін қабілеттерін кәсіпке айналдыруға кеңес берді.
<blockquote>
 «Қазір мүмкіндік жеткілікті. Тек сол мемлекеттің қолдау тетіктерін тиімді пайдалану керек. «Бастау» жобасын осындай тиімді құрал дер едім. Өте ыңғайлы бағдарлама», – дейді жас кәсіпкер.
</blockquote>

Қызылордада IT маманы тоқыма өнімдерін шығаруды қолға алды

<a href="https://kyzylorda-news.kz/">Kyzylorda-news.kz</a>. Бүгін қалаға қарасты Ақсуат ауылдық округі Ж.Махамбетов ауылында 120 орындық «Асыл-ай» бөбекжай-бақшасы пайдалануға берілді.
<blockquote>
 Қызылорда қаласы бойынша бүгінгі күні жалпы саны 235 мектепке дейінгі білім беру ұйымы бар. Оның ішінде мемлекеттік балабақша саны – 28, мектеп жанынан ашылған шағын орталық – 5, жеке балабақша саны – 202. Ақсуат ауылдық округінде 7 балабақша, оның 5 жеке, 2 мемлекеттік. Бұрынғы балабақша 1983-1994 жылдар аралығында балабақша болып, кейін 1997 жылы Ж.Маханбетов ауылдық әкімшілігі теңгеріміне берілді. 2013 жылдан бастап ғимарат пайдаланылмай бос тұрған. 2019 жылы балабақшаның күрделі жөндеу жұмыстарына облыстық бюджеттен 66 млн 653 мың теңге қаржы бөлініп, мемлекеттік сатып алу заңына сәйкес, жеңімпаз мердігер мекеме күрделі жөндеу жұмыстарын жүргізді. Енді ауылдықтар үшін барлық жағдайы жасалған жаңа бөбекжай-бақшасы жұмысын бастады. Мемлекет басшысының жолдауында білімді ұрпақ болашағының жарқын болуында негізгі орын алатын балабақшалар мен мектептерде білім мен тәрбие берудің маңыздылығын айтып өткен болатын. Мұндай қамқорлықты әрбір Жолдауынан айқын аңғарамыз, – деді ауыл тұрғындарын балабақшаның ашылуымен құттықтаған қала әкімінің орынбасары Аскарбек Есжанов.
</blockquote>
Айта кетейік, өткен жылы “Ауыл – Ел бесігі” жобасы аясында Ақсуаттағы №143 мектепке күрделі жөндеу жұмыстары жүргізілді. Жаңа оқу жылында №143 мектеп пен №268 мектеп-лицейі балансынан тұрмысы төмен және көп балалы отбасынан шыққан 99 бала компьютер, планшет және 131 бала ноутбукпен қамтылса, “Мектепке жол” акциясы аясында 21 планшет, 1 смартфон, 29 оқу құралдары табысталды.
Сонымен қатар, атаулы әлеуметтік көмек алушы тұрмысы төмен, көп балалы отбасынан 118 оқушы мектеп формасымен, аяқ киім, спорт киімдерімен және оқу құралдарымен қамтылды. Қазіргі таңда, бекітілген шектеулерге байланысты екі мектепте 48 кезекшілік топ жұмыс жасап, 771 бала білім алуда.
<img src="https://kyzylorda-news.kz/wp-content/uploads/2021/01/140211261_2756391334627607_147137385548301708_o.jpg" alt="" />
<img src="https://kyzylorda-news.kz/wp-content/uploads/2021/01/139691326_2756391397960934_4249347583665431284_o.jpg" alt="" />
<img src="https://kyzylorda-news.kz/wp-content/uploads/2021/01/140357806_2756391321294275_1924019573367569529_o.jpg" alt="" />
<img src="https://kyzylorda-news.kz/wp-content/uploads/2021/01/140077315_2756391641294243_5062117549617217155_o.jpg" alt="" />

Қызылордада жаңа балабақша ашылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1 003 адамда коронавирус індеті ПТР арқылы расталды.
Аймақтар бойынша:
<ul>
<li>Нұр-Сұлтан қаласы – 125</li>
<li>Алматы қаласы – 97</li>
<li>Шымкент қаласы – 19</li>
<li>Ақмола облысы – 99</li>
<li>Ақтөбе облысы – 21</li>
<li>Алматы облысы – 94</li>
<li>Атырау облысы – 71</li>
<li>Шығыс Қазақстан облысы – 28</li>
<li>Жамбыл облысы – 24</li>
<li>Батыс Қазақстан облысы – 47</li>
<li>Қарағанды облысы – 62</li>
<li>Қостанай облысы – 74</li>
<li>Қызылорда облысы – 5</li>
<li>Маңғыстау облысы – 17</li>
<li>Павлодар облысы – 155</li>
<li>Солтүстік Қазақстан облысы – 55</li>
<li>Түркістан облысы – 10</li>
</ul>
Жалпы ел бойынша ауырғандар саны 169 099.

Қызылордада өткен тәулікте 5 адам COVID-19 жұқтырды

Kyzylorda-news.kz. Облыстың тұрақтандыру қорында 2268,5 тонна өнім сақталып, сатылуда. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы жер қатынастары басқармасының басшысы Шахмардан Қойшыбаев мәлімдеді.
Тұрақтандыру қоры арқылы 46,9 тонна қант өнімі сатып алынып, әлеуметтік дүкендер арқылы килограмы 230 теңгеден сатылуда. Әлеуметтік дүкендерде өнімдердің өтімділігі артуына орай және көлемі азаюына байланысты қосымша 23 тонна күнбағыс майын сатып алу бойынша жұмыстары жүргізілуде. Тұрақтандыру қорының тауарлық интервенциялары Қызылорда қаласында орналасқан 29 әлеуметтік дүкен мен 2 әлеуметтік маркетте және Қызылорда қаласының 4 ірі сауда орындарында, оның ішінде «Мирас», «Аль-асад», «Анвар», «Қызылорда Оптомаркет» супермаркеттерінде ашылған әлеуметтік бұрыштарда сатылуда.
<blockquote>
 “Соңғы уақытта елімізде кейбір азық-түлік тауарларының бағалары өндіруші кәсіпорындар тарапынан біршама қымбаттауы салдарынан облыс нарығындағы бағаға әсерін тигізуде. Біз тұрақтандыру қоры арқылы бағаны негізсіз өсірмеуге жұмыс жасаудамыз”, – деді басқарма басшысы.
</blockquote>
Келіссөздер жүргізудің нәтижесінде өңірге өткен жылдың 23 желтоқсаннан бастап бүгінгі күнге дейін 7,5 миллион дана жұмыртқа өңірге жеткізіліп, сауда орындарына таратылды.

Қызылорда: Тұрақтандыру қорында 2268,5 тонна өнім бар

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Наурызбай Байқадамов пен Мақсұт Нәлібаевпен кездесіп, оларды жаңа қызметімен құттықтады.
<blockquote>
 “Сіздер бұған дейін де еліміздің даму жолында аянбай қызмет етіп, облыс әкімінің орынбасары, кеңесшісі қызметін атқардыңыздар. Ағымдағы жылдың 10 қаңтары күні өткен сайлау нәтижесімен облыстық мәслихаттың депутаттығына өттіңіздер. Сіздерді сайлау нәтижесімен облыстық мәлихаттың депутаты болуларыңызбен шын жүректен құттықтаймын! Аймақтың әлеуметтік-экономикалық дамуында оң тенденцияның қалыптасуы мәслихаттың жұмысымен де тікелей байланысты екенін ерекше атап өткім келеді”, – деді облыс әкімі Гүлшара Әбдіқалықова.
</blockquote>
Мұнан соң аймақ басшысы қос депутатқа Қызылорда облысының «Құрмет грамотасын» табыстады.
Жиын соңында Наурызбай Байқадамов пен Мақсұт Нәлібаев көрсетілген құрмет үшін аймақ басшысына алғыстарын жеткізді.
Айта кетейік, Наурызбай Байқадамов облыстық мәслихаттың хатшысы, Мақсұт Нәлібаев облыстық мәслихаттың депутаты болып сайланды.
<img src="https://kyzylorda-news.kz/wp-content/uploads/2021/01/138873205_3047588625344186_4628808597311483319_o.jpg" alt="" />
<img src="https://kyzylorda-news.kz/wp-content/uploads/2021/01/138931479_3047588615344187_4949036858422585282_o.jpg" alt="" />

Гүлшара Әбдіқалықова қос депутатқа «Құрмет грамотасын» табыстады

<a href="https://kyzylorda-news.kz/">Kyzylorda-news.kz.</a> Биыл Қызылорда облысында «Крещение» мерекесінде өзенге суға түсуге тыйым салынды.
Өйткені мұз өткен жылмен салыстырғанда ерте қатқан. Ағысының да жылдамдығы жоғары. Жалпы, Сырдария өзенінде судың тереңдегі 3 метр. Сол себепті дарияға түскен адамды ағыс алып кету қауіпі бар.
“Қаладағы ескі базар жанында орналасқан құтқару стансасы маңында су алушыларға арнайы ойық әзірленді. Алайда, шомылуға болмайды. Тек су алуға ғана рұқсат етіледі. Сондай-ақ, шаһардағы православие шіркеуінде арнайы бассейн бар. Яғни, 18 қаңтар күні шіркеуге барып, суға шомылуға болатынын ескертеміз. Қауіпсіздік шараларын сақтау мақсатында 25 адам кезекшілікпен жұмыс істейді. Төрт техника жұмылдырылды. Бұған қоса, волонтерлар да ат салысатын болады”,-деді облыстық ТЖД Жедел құтқару жасағының басшысы Бақыт Ембергенов.
“Биыл өзенге барып шоқына алмайтындықтан, діни рәсімдер шіркеуде өткізіледі, -деді Қызылорда қаласындағы православие шіркеуінің настоятелі Виталий Ивашинин.
<img src="https://kyzylorda-news.kz/wp-content/uploads/2021/01/139564168_1211430375919139_8349905473488458666_o.jpg" alt="" />

Қызылорда: «Крещение» мерекесінде өзенге суға түсуге болмайды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің оқушысы Мерей Сембай қала көшелерін жарықтандырудың тиімді әдісін ойлап тапты.&nbsp;
Жас новатор ұстазы Жеңісбек Жалмұрзаевпен бірге көліктердің қозғалысы арқылы электр қуатын өндіруге болатынын ғылыми дәлелдеді.
Көшеде үздіксіз ағылған көліктерді көрген сайын Мерей «олардың жылдам қозғалысы арқылы қандай пайдалы дүние жасауға болады?» деп іздене бастаған. Арада біраз уақыт өткен соң жетекшісі Жеңісбек Жалмырзаевпен осы тақырыпта ой бөлісіп, жоба жайлы талқылаған. Зерттей келе автокөлік қозғалысындағы шығын энергиясынан электр энергиясын өндіріп, баламалы қуат көзіне айналдыру туралы идея туындаған.
<blockquote>
 «Жүрген көліктерден энергия өндірудің шағын макетін жасадық. Өндіру механизмі бірнеше бөлшектерден тұрады және көліктер көп шоғырланған аймақтардың көшелерінде жер астында орналастырылады. Олар жылдамдық бəсеңдеткіш төмпешіктерге ұқсас болады. Аталмыш платформадан көлік өткен сайын құрылғы төменге түсіп, қайта орнына келу арқылы энергия өндіреді», – дейді жас өнертапқыш.
</blockquote>
Механизм құрылысын сипаттау және қажетті есептеулер жүргізу үшін&nbsp; жоба авторлары Қызылорда жылу электр торабының қызметкерлерінен кәсіби кеңестер алды. Сол жердегі генераторлардың жұмысын қадағалап, оның параметрлері мен құрылғылар өлшемдері жайлы ақпарат жинақтады.
<blockquote>
 «Бұл – электр энергиясын адам денсаулығына, қоршаған ортаға залалсыз түрде алудың тиімді əрі қарапайым жолы. Құрылысы қарапайым болғандықтан қомақты сумманы қажет етпейді, дегенмен белгілі аумақты жылдар бойы ешқандай шығынсыз жарықпен қамтамасыз ете алады. Мәселен, 20-дан астам жылдамдық бəсеңдеткіш төмпешіктедің орнын осындай 10 конструкциямен алмастырсақ,&nbsp; үш жылдың ішінде 70 млн. тг қаржыны үнемдей аламыз», – дейді жоба жетекшісі.&nbsp;
</blockquote>
Қызылордалық новаторлар бұл экономикалық, экологиялық және энергетикалық тұрғыда тиімді саналатын жобаның әзірге отандық тәжірибеде баламасы жоқ дейді. Сондықтан алдағы уақытта тың технологияны патенттеп алып, өндіріске қосуды мақсат етіп отыр.
Мерейдің альтернативті қуат көзі 20 күндік ұлттық STEAMUP жарысында ІІІ орын иеленді. Сондай-ақ, физика пәніне ерекше қызығушылық танытқан дарынды озат оқушыға Стенфорд университетінің жазғы оқу курсына қатысуға жолдама да беріліпті.
Айта кету керек, бүгінгі таңда Назарбаев Зияткерлік мектебінде білім алу үшін қонкурстық іріктеуге қабылдау жүріп жатыр. Қаңтардың 23-не дейін жалпы білім беретін 6-сынып оқушылары тиісті құжаттарды тапсырып үлгірулері қажет. Толық ақпарат kzl.nis.edu.kz сайтынан біле аласыздар.
<img src="https://kyzylorda-news.kz/wp-content/uploads/2021/01/img_5175-scaled.jpg" alt="" />

Қызылордалық зияткер баламалы қуат көзін ұсынады

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Гүлшара Әбдіқалықованың қатысуымен облыстық мәслихаттың VII шақырылымының алғашқы сессиясы өтті.
Отырысты 7 мәселе қаралды. Атап айтсақ, облыстық мәслихаттың 1 сессиясының төрағасын, Қызылорда облыстық мәслихатының хатшысын сайлау, облыстық мәслихатының тұрақты комиссияларын құру және олардың тізбесі мен сандық құрамын белгілеу, тұрақты комиссияларының құрамын және төрағаларын сайлау, облыстық мәслихаттағы «Nur Otan» партиясының депутаттық фракциясын тіркеу мен кезекті сессияның төрағасын сайлау мәселелері. 
Жиында сөз алған аймақ басшысы өңірдің әлеуметтік-экономикалық дамуы мәслихаттың жұмысымен тікелей байланысты екенін атап өтті.
Баршаңызды сайлау нәтижесімен облыстық мәлихаттың депутаты болуларыңызбен шын жүректен құттықтаймын! Аймақтың әлеуметтік-экономикалық дамуында оң тенденцияның қалыптасуы мәслихаттың жұмысымен де тікелей байланысты екенін ерекше атап өткім келеді. Биыл елімізде мәслихаттар сайлауы алғаш рет партиялық тізім бойынша өткізілді. Бұл жаңа бастама партияларға еліміздің саяси жүйесіндегі ұстанымын нығайтуға үлкен мүмкіндіктер береді, – деді облыс әкімі Гүлшара Әбдіқалықова. 
Айта кету керек, ағымдағы жылдың 10 қаңтарында дауыс беру қорытындысымен Қызылорда облысы республика бойынша екінші көрсеткішті иеленіп, сайлаушылардың 73,9 пайызы сайлауға белсенді қатысты.
Осыған орай, Қазақстан Республикасының Президенті Қасым-Жомарт Тоқаев Сыр жұртшылығына сайлау науқаның заңнамасына сәйкес жоғары деңгейде жауапкершілікпен үлес қосқаны үшін Үкіметтік жеделхат жолдады
Сайлау қорытындысымен заңда көрсетілген 7 пайыздық межені еңсерген үш саяси партия Қазақстан Республикасы Парламенті Мәжілісіне мандаттарын алды.
Оның ішінде, «Nur Otan» партиясы ұсынған тізімге 5 жерлесіміз еніп, Мәжіліс депутаты болып сайланды. Атап айтсақ, тізімде Балаим Кесебаева, Ғалым Әмреев, Бахытбек Смағұл, Геннадий Шиповских, Марат Құсайынов бар.
Жалпы сайлау қорытындылары бойынша біздің облыста барлық партия өкілдері мәслихаттарда мандат иеленді. Нақты айтсақ, барлық деңгейдегі мәслихат депутаттарына 152 мандат берілсе, оның 126 мандатын «Nur Otan» партиясы, 15 мандатын «Ауыл» партиясы, 4 мандатын Қазақстан Халықтық партиясы, 5 мандатын «Ақ жол» партиясы және 2 мандатын «Адал» партиясы иеленді. 
Облыстық мәслихаттың жаңа депутаттық құрамы VI шақырылымның 12 депутаты және жаңадан сайланған 21 депутатпен жасақталды. Оның ішінде, 8 әйел, 4 белсенді жас бар. Жаңа құрамға депутаттық куәліктер табысталды.
Күн тәртібіндегі бірінші мәселе бойынша облыстық мәслихатының 1-сессиясының төрағасы болып Қылышбай Бисенов сайланды. 
Сондай-ақ, ашық дауыс беру арқылы облыстық мәслихат хатшысы қызметіне Наурызбай Байқадамов сайланды.
Күн тәртібіндегі үшінші мәселе бойынша 4 тұрақты комиссияларды құру және әр комиссияның сандық құрамын 8 депутаттан етіп белгілеу жөнінде шешім қабылданды. Атап айтсақ, Экономика, қаржы және жергілікті басқару мәселелері жөніндегі тұрақты комиссия төрағалығына Талғат Жақыпбаев, әлеуметтік және мәдени мәселелер жөніндегі тұрақты комиссия төрағалығына Гүлнәр Есқалиева, өндіріс және шаруашылық салалары, қоршаған ортаны қорғау және табиғи ресурстарды тиімді пайдалану жөніндегі тұрақты комиссия төрағалығына Бағдаулет Мақашов және кәсіпкерлікті дамыту, жастар ісі және құқықтық мәселелер жөніндегі тұрақты комиссия төрағалығына Мақсұт Нәлібаев сайланды.
Отырыста облыстық мәслихаттағы «Nur Otan» партиясының депутаттық фракциясы тіркелді. Ал, кезекті сессияның төрағасы орнына Нұриддин Әмитов ұсынылып, қолдау тапты.
Сонымен қатар жиында облыстық экономика және бюджеттік жоспарлау бағдарламасы басқармасының басшысы Нұрғали Қордабай «2021-2025 жылдарға арналған Қызылорда облысын дамыту бағдарламасын» таныстырып, депутаттардың қолдауымен бекітілді. 
Облыс әкімі жаңа Бағдарламаның әлеуметтік экономикалық дамуына зор ықпал ететінін атап өтті.
<blockquote>
 Бүгінгі сессияда облыстық мәслихаттың хатшысы және төрт тұрақты комиссия төрағасы сайланып, олардың құрамы анықталды. Бүгін өздеріңіздің алдарыңызға «2021-2025 жылдарға арналған Қызылорда облысын дамыту бағдарламасы» әзірленіп, ұсынылды. Бағдарламада алдағы 5 жылдықта өңірде бірінші кезекте шешуді қажет ететін негізгі проблемалық мәселелер қамтылды. Сондай-ақ, халық тарапынан көтерілген өзекті мәселелер де назардан тыс қалмады, – деді Гүлшара Әбдіқалықова.
</blockquote>
Аймақта өңдеу өнеркәсібін дамыту арқылы өңір экономикасын әртараптандыру бойынша нақты шаралар қабылдануда. Бұл бағытта облыс бойынша ірі 15-тен астам инвестициялық жобаларды іске асыру жоспарлануда.
Сондай-ақ, Бағдарламаға сәйкес жергілікті маңызы бар 578,9 шақырым жолдарға күрделі және орташа жөңдеу жұмыстары, 12 көпірге күрделі жөңдеу жұмыстары жүргізілетін болады. 
Халықты тұрғын үймен қамтамасыз ету деңгейін арттыру үшін алдағы 5 жылда 3 млн. 782 мың шаршы метр тұрғын үй, яғни, шамамен 6458 пәтер және 27 856 жеке тұрғын үй, құрылыс салу аудандарының инженерлік-коммуникациялық инфрақұрылымын дамыту және жайластыру, тұрғын үй құрылысына жеке инвестицияларды тарту жұмыстары жүргізіледі.
Еске салайық, биылғы жылы жалпы ауданы 644,7 мың шаршы метрді құрайтын, барлығы 5 607 пәтерді пайдалануға беру жоспарлануда. 
Мұнымен қоса, ауылдық елді мекендерді газбен толық қамтамасыз ету үшін облыстың 17 елді мекендерін газдандыру жұмыстары жүргізіледі. Соның ішінде, 2021-2022 жылдары 11 елді мекен газбен қамтамасыз етіледі. Ал, агроөнеркәсіптік кешенді дамыту мақсатында 87 инвестициялық жобаны жүзеге асыру жоспарда бар.
Бұдан бөлек, өткен жылы облыстың 2023 жылға дейінгі «Экономикалық картасы» бекітілді. Ол экономиканың түрлі салаларында 271 млрд. теңгеге 265 жобаны іске асыруды көздейді.
<img src="https://kyzylorda-news.kz/wp-content/uploads/2021/01/139199634_3047105102059205_5297743874553740917_o.jpg" alt="" />
<img src="https://kyzylorda-news.kz/wp-content/uploads/2021/01/139373383_3047105648725817_4345208340420917970_o.jpg" alt="" />
<img src="https://kyzylorda-news.kz/wp-content/uploads/2021/01/138979444_3047106018725780_1278834410508809975_o.jpg" alt="" />
<img src="https://kyzylorda-news.kz/wp-content/uploads/2021/01/138840751_3047105775392471_38239631249888670_o.jpg" alt="" />

Қазақстан және Қызылорда облысының жаңалықтары: Басты жаңалықтар old