<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың төрағалығымен инвестор тарту және инвестициялық ахуалды жақсарту жөніндегі өңірлік Кеңес отырысы өтті.
Жиынға облыс әкімінің орынбасарлары, салалық басқарма басшылары, бірқатар кәсіпорын директорлары қатысты. Сондай-ақ, онлайн селекторлық режимде Шиелі ауданының әкімі байланысқа шықты.
Аймақ басшысы өңірде инвестиция тарту мәселелерін қозғап, экономикалық даму жоспарында тұрған жобалардың тиімділігін сөз етті.
Өткен жылы өңірде инвестиция тарту бағытында бекітілген меже артығымен орындалған. Яғни жоспарда 230 млрд теңге болса, 291,6 теңгеге, яғни 26,7 пайызға көрсеткіш жоғары іске асқан. Ал, биылғы меже 456 млрд теңге. Бұл ретте, инвестициялардың «жаңа толқынын» тарту мақсатында белсенді жұмыстар басталған.
<blockquote>
 «Сыртқы және ішкі инвестиция тарту мақсатында инвестиция тарту үшін арнайы 2 топ құрылып, тиісті жұмыстар атқарылуда. Нәтижесінде, ішкі инвестиция тартуға жауапты топ – облыстың экономикалық даму жоспарындағы 265 жоба санын 400-ге дейін арттырады. Екінші топ өңірімізге сырттан инвестиция тарту мақсатында «Облыстың инвестициялық мүмкіндігі» бойынша бағдарлама әзірлеуде. Жоспарға енгізілетін жобаларды жасақтау үшін экономика салаларын егжей-тегжейлі зерттеу жүргіздік. Яғни өңірімізде ауыл шаруашылығы өнімдерін қайта өңдеу жұмыстарын жандандыру қажет», – деді Гүлшара Әбдіқалықова.
</blockquote>
Жиында облыс әкімі әлем елдерімен өзара ынтымақтастық бағытында келіссөздер барысына тоқталды. Айталық, аймақта сыра, сусын және шырын өндірісі бойынша жобаны іске асыру туралы чех компаниясымен, «Дархан Нэхий» және «былғары өндірісі Одағы» сияқты моңғол компанияларымен теріні, жүнді қайта өңдеу және Ресейге экспортпен өнімдерді шығаратын бірлескен кәсіпорын құру бойынша жұмыстар жүргізіледі. Сонымен қатар, күріш сабанынан целлюлоза өндіру жобасы бойынша қытайлық инвесторлармен жұмыстар басталған.
Мұнан бөлек, инвестицияның жаңа толқынын тарту бойынша Францияның Страсбург қаласындағы ҚР Бас консулдығымен келіссөздер жүргізілді.
Кеңес отырысында 2 мәселе қаралды. Алғашқы мәселе – «Жеміс-жидек және көкөніс өнімдерін терең өңдеуге бағытталған агроөнеркәсіптік кешен құру» жобасына арналды. Бұл бағытта «Қарағанды Агро Инвест-Т» серіктестігінің өкілі Ибрагим Пірзат баяндама жасады.
Өкілдің айтуынша, жаңа жобаның Қазақстанда баламасы жоқ және алғаш болып Қызылорда өңірінде іске аспақ. Жоба толықтай өндіріске енсе маусымдық кезеңде 500 адамды еңбекпен қамтуға мүмкіндік береді.
Облыс әкімі жобаның маңыздылығы зор екенін, жұмысты жүргізу үшін арнайы кестелік жоспар құру қажеттігін айтып, сала басшыларына бірқатар тапсырмалар берді. Мәселен, облыстық жер қатынастары басқармасының басшысына «Қарағанды Агро Инвест-Т» серіктестігімен бірлесіп, Агроөнеркәсіптік кешенін құру жобасын іске асыру үшін 35 гектар жер телімін мемлекеттік қолдау шарасы ретінде бөлінуін пысықтауды, облыстық индустриялық-инновациялық даму басқармасы мен Шиелі ауданының әкімдігі бірлесіп жобаны уақытында іске қосу бойынша тиісті жұмыстар атқаруды тапсырды. Ал, серіктестік өкіліне жобаны «Бизнестің жол картасы – 2025» мемлекеттік бағдарламасы аясында қарастыру үшін облыстық кәсіпкерлік және туризм басқармасына тиісті құжаттарды жолдау қажеттігін атап өтті.
Отырыста қаралған екінші мәселе – «Жоғары сапалы пресстелген жоңышқа өндіру» жобасы. Өңірде жыл сайын ірі қара мал басы 3% өсуде. Сондықтан, мал шаруашылығын сапалы жем-шөп қорымен қамтамасыз ету маңызды. Бұл ретте жоңышқа өндіру жобасының маңыздылы туралы «Tin Oris» серіктестігінің директоры Сұлтан Тұрсынбек баяндады. Өз кезегінде ол жоғары сапалы пресстелген жоңышқа өндіру ісі Сыр елінің географиялық ерекшелігіне қолайлы әрі логистикалық мүмкіндіктерге де тиімді екенін атап өтіп, топырақ пен суға анализ жасау арқылы алғашында 1000 гектарға жоңышқа егуді бастауға ниетті екенін жеткізді. Облыс әкімі аталған жобаның жан-жақты тиімділігі бар екенін айтып, жобаға қолдау білдіру үшін сала басшыларына нақты тапсырмалар берді.
<blockquote>
 «Облыстық индустриялық-инновациялық даму басқармасы мен Шиелі ауданының әкімдігіне жобаны уақытында іске қосу бойынша тиісті жұмыстар атқарсын және облыстық жер қатынастары басқармасы мемлекеттік қолдау шарасы ретінде 10 мың гектар жер телімін бөлу мәселесін қарастырыңыздар. Сондай-ақ, жоба бастамашыларының жер телімін уақытылы рәсімдеп алуын қадағалауды және жобаларға жалпы сүйемелдеу жүргізуді тапсырамын», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/03/162301512_3204107066359007_2443266667204630997_o.jpg" alt="" />
<img src="https://kyzylorda-news.kz/wp-content/uploads/2021/03/161457325_3204110326358681_1630812736557962783_o.jpg" alt="" />
<img src="https://kyzylorda-news.kz/wp-content/uploads/2021/03/161730904_3204110856358628_6698783624385092137_o.jpg" alt="" />

Гүлшара Әбдіқалықова: Аймақта ауыл шаруашылығы өнімдерін қайта өңдеу жұмыстарын жандандыру қажет

<a href="https://kyzylorda-news.kz/">Kyzylorda-news.kz</a>. Қармақшыда күрмеуі қиын мәселе шешімін тапты.
50 жылдан бері жөндеу көрмеген, 80 пайызының тозығы жеткен Жосалы, Төретам кенті мен Ақай елді мекеніндегі электр станциялары қайта жаңғыртылды. Енді аяқсу мәселесін шешуге қолға алынбақ.
<blockquote>
 «Өткен жылы Жосалы кентін аяқсумен қамтамасыз ету мақсатында жергілікті бюджеттен қаржы бөлініп, жаңадан 5,3 шақырым көлемінде арықтар қайта қазылды. Оның 88 метріне жаңа труба салынды. Алдағы уақытта жаңадан 4 трансформатор мен 4 насосты жаңарту көзделуде. Бұған дейін аяқсу мен қамту кәсіпкерлік субьектілері арқылы жүргізілетін, биылғы жылдан бастап аудан бюджеті есебінен Жосалы кенті әкімшілігі өз қолына алатын болады. Бұл өз кезегінде аталған мәселенің түбегейлі шешімін табуына әсер етеді», – деді Қармақшы ауданының әкімі Мұса Қалдарбеков.
</blockquote>
Ал «Ауыл – ел бесігі» бағдарламасы аясында Төретам кентінде 20 көшені орташа жөндеуге 394 млн теңге қаржы бөлініп, қазіргі таңда мемлекеттік сатып алу жұмыстары жүргізілуде.

Қармақшыда электр станциялары жаңартылды

<a href="https://kyzylorda-news.kz/">Kyzylorda-news.kz</a>. Қазақстанда оқу жылының басынан бері 10 мыңнан астам оқушы коронавируспен ауырды. Бұл туралы ҚР Денсаулық сақтау вице-министрі – Бас мемлекеттік санитар дәрігер Ерлан Қиясов Орталық коммуникациялар қызметіндегі баспасөз мәслихатында мәлімдеді.
<blockquote>
 «Өкінішке орай, мектеп оқушылары арасында коронавирус жағдайларының тіркелуі жалғасып жатыр. Оқу жылы басталғаннан бері 10 мыңнан астам мектеп оқушысы коронавируспен ауырды. Оның ішінде 3324 бала оффлайн режимінде білім алған», – деді Ерлан Қиясов.
</blockquote>

Оқу жылы басталғалы 10 мыңнан астам оқушы коронавируспен ауырды

<a href="https://kyzylorda-news.kz/">Kyzylorda-news.kz</a>. 16 наурыз күні кешкі сағат 20.42 – де «КЕГОК» АҚ-на қарасты энергожүйедегі кернеулігі 220 кВ кернеудің күрт төмендеуінен облыс көлемінде электр энергиясының ажыратылуы орын алды. Бұл туралы Өңірлік коммуникациялар қызметінің ақпарат алаңында өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев мәлімдеді.
Энергожүйесінде орын алған ажыратулардан Қызылордажылуэлектрорталығындағы бу қазандығының қорғаныс жүйелері іске қосылып артық бу ауаға шығарылды. Қызылордажылуэлектрорталығында қондырғылар істен шыққан жоқ.
Салдарынан Қызылорда қаласы және Қармақшы, Жалағаш, Сырдария, Шиелі және Тереңөзек аудандарындағы 139 503&nbsp; тұтынушылары электр энергиясынан ажыратылды. Сонымен бірге Қызылорда ЖЭО-ның&nbsp; жылу беру қызметі тоқтап, орталықтандырылған жылу жүйесіне қосылған 33700 абонент жылусыз қалды.&nbsp;
Сағат 21.58-де аудандар мен Қызылорда қаласы тұтынушыларына электр энергиясы кезең-кезеңімен беріле бастады. 17 наурыз сағ: 02.21-де аймақ электр энергиясымен толық қамтамасыз етіліп жұмыс штаттық режимге көшті.
Кеше сағат 22.57-де Қызылорда ЖЭО-на&nbsp; қарасты барлық қазандықтар іске қосылды. Ал 17 наурыз сағат 02.40-та жылу желілерінің гидравликалық және температуралық режимі толықтай қалпына келтірілді.
<img src="https://kyzylorda-news.kz/wp-content/uploads/2021/03/161631144_1250648491997327_2933921615410644663_o.jpg" alt="" />

Қызылордада 139 503  тұтынушы электр энергиясынан ажыратылды

Kyzylorda-news.kz. Қызылорда облысында электр жарығы өшті.
<blockquote>
 “Жарық өңір бойынша жоқ. Аймақта үлкен апат болды. Әзірге себебін біле алмадық. Жарықтың қашан болары белгісіз. Қызылорда бойынша қара түнек”,- деді “109” құтқару қызметінің өкілдері.
</blockquote>
Сонымен қатар қала әкімдігінің баспасөз қызметі Қызылорда қаласында электр энергиясының мәселесі бойынша «KEGOK» АҚ меншігіндегі 220 кВ әуе желісінің бойында авариялық ақау болғанын хабарлады. ️Қазіргі уақытта авариялық ақау нақтылануда.

Қызылордада жарық неге өшті?

<a href="https://kyzylorda-news.kz/">Kyzylorda-news.kz</a>. Қызылорда облысындағы 13 мектепте ұстаздар мен оқушылар жылыжай жұмысын жандандыруда. Оның 5-уі Қызылорда қаласында, 3-уі Арал, 1-і Қазалы, 1-і Шиелі ауданы, 1-і Сырдария, 1-і Қармақшы, 1-і Жаңақорған ауданында орналасқан. Алдағы уақытта Жалағаш ауданынан жаңа жылыжай салу жұмыстары басталады.
Оқушылар мен ұстаздар жылыжайда өнімдерді баптап, түрлі көкөніс өнімдерін өндіруге ниетті. Жұмысты жандару үшін мектеп оқушылары ғылыми бағытта түрлі идеяларды тәжірибеге енгізіп көруді бастап кетті. Мәселен, Қызылорда қаласындағы №101 мектеп-лицейде аумағы 40 шаршы метрді құрайтын жылыжайда гидропоника, яғни өсімдіктерді топырақсыз, жасанды субстратта өсіру әдісі арқылы қияр, аскөк, ақжелкен көкөністерінен өнім алуда. Алдағы уақытта мектеп дирекциясы жылыжайды смарт бағытта дамытуды қолға алмақ.
Ауылдық жердегі мектептерде де жылыжай кешенінде түрлі өнім шығару тәжірибесі кең етек алуда. Айталық, Шиелі ауданы, Алмалы ауылында БҰҰ Даму бағдарламасы арқылы салынған жылыжайда жылына 500 түп қияр егіліп, шамамен 1 тоннаға дейін өнім алынып келеді. Мұнан бөлек, шалқан, тұрып(редиска), аскөк егіледі. Ал, Арал қаласындағы оқушылар үйі базасында тамшылатып суару әдісі арқылы 30 түп қызанақ, 50 түп қияр егіліп, шыққан өнімдер әлеуметтік жағдайы төмен отбасыларға тегін үлестіріледі.
Мектептердегі жылыжайда көкөністермен қатар жеміс-жидектердің де шығымы жақсы. Мәселен, Арал ауданындағы №73 мектебінде жүзімнің 4 сортынан 30 түп егілген. Оқушылар алғашқы өнімді биыл ала бастайды.

Қызылорда облысындағы 13 мектепте жылыжай кешені жұмыс істейді

<a href="https://kyzylorda-news.kz/">Kyzylorda-news.kz</a>. Қызылорда қаласында «Наурыз» мерекесі аясында 75 мерекелік іс-шара офлайн және онлайн форматта өткізіледі. Алайда биыл пандемияға байланысты Наурыз мерекесі орталық алаңда тойланбайды. Бұл туралы Өңірлік коммуникациялар қызметінің ақпарат алаңында өткен брифингте Қызылорда қала әкімінің орынбасары Асқарбек Есжанов мәлімдеді.
<blockquote>
 «Әлемді шарпыған індет қауіпі әлі сейілген жоқ. Сол себепті Наурыз мейрамын атап өтуде санитариялық-эпидемиологиялық талаптарды сақтай отырып өткізу бәрімізге міндет», – деді қала әкімінің Асқарбек Есжанов.
</blockquote>
Ұлыстың ұлы күні әз-Наурыз мерекесі кезінде түрлі тақырыпта концерттік бағдарламалар ұйымдастырылады.
<blockquote>
 «Жоспарға сәйкес облыс көлемінде Наурыз мейрамының құндылықтарын дәріптеуге, насихаттауға арналған «Наурызым – нұрлы ырысым», «Ар ма, әз Наурыз», «Наурыз – көктем, «Наурыз-думан», «Нұр себеле, Ұлыстың Ұлы күні» атты өнер ұжымдарының, «Жырла жырау, алғыс жырын Наурыздың» тақырыбында дәстүрлі әншілердің онлайн және офлайн форматтағы концерттері, облыс музейлерінде «Салт дәстүрім – сарқылмайтын байлығым», «Шебер қолдар», «Жаса, Наурыз дәстүрі» тақырыптық көрмелер, сонымен қатар, ұлттық салт-дәстүрлерімізді айшықтайтын «Шаңырақтағы салт-дәстүр» облыстық онлайн өнер фестивалі өтеді. Қазіргі таңда білім ұйымдарында оқушылар мен жасөспірімдерге ұлттық салт-дәстүрлерімізді ұғындыру, тарихымыз бен мәдениетімізді дәріптеу мақсатында батырлық, эпостық жырлардан мәнерлеп оқу сайыстары, «Наурыз поштасы» тақырыбымен қарттарды, ардагерлерді құттықтау шаралары ұйымдастырылуда», – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Барлық мерекелік шаралар карантин талаптарына сәйкес әлеуметтік қашықтықты және маскалық режимді сақтай отырып өткізіледі. Бұған қоса, мерекеге арналған концерттерді мәдениет және өнер мекемелерінің әлеуметтік парақшалары мен «Сыр шаңырағы» YOUTUBE каналынан көрсетеді.
<blockquote>
 «20 наурыз күні А. Тоқмағамбетов атындағы мәдениет үйінде «Әз Наурыз-берекенің ақ бесігі» атты мәдени көпшілік салтанатты шара өткізу жоспарлануда. Аталған мәдени шарада театрландырылған қойылым, тақырыпқа сай көрме, жергілікті өнерпаздар мен «Ақмешіт» фольклорлық ансамбльдер келген тұрғындарға мерекелік көңіл күй сыйлайтын болады. Сондай-ақ, «Наурыз» мерекесі қарсаңында 300-ге жуық отбасыға қайырымдылық акциясын өткізу жоспарлануда. Айта кететін жайт, мереке қарсаңында шаһар көшелері безендірілетін болады», – деді қала әкімінің Асқарбек Есжанов.
</blockquote>
Айта кетейік, мереке күндері мәдениет үйлері, облыстық театр және музей, кітапхана жұмыс істейді. Өнер ұжымдары қала тұрғындарына мерекелік көңіл-күй сыйлайтын болады.

Қызылордада «Наурыз» мерекесі онлайн және офлайн форматта да өтеді

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласында теннистен ересектер арасында өткен Қазақстан Республикасының чемпионатында қызылордалық Ерасыл Ерділда қола жүлдені иеленді.
Жасөспірімдер арасында өнер көрсетіп жүрген Ерасыл өзінен 4-5 жас үлкен спортшылармен кездесіп, ІІІ орынға ие болды. Жарыстарға қатысу үшін оған Қазақстан теннис федерациясының 2 мың доллар гранты берілді.
Бұл оның ересектер арасындағы Қазақстан чемпионатындағы алғашқы жүлдесі. Ерасыл Ерділда Қазақстанның әр өңірінен 74 спортшы қатысқан сайыстың ең жас спортшысы болды.
<blockquote>
 «Қазақстан чемпионатына жоғары деңгейде дайындалдым. Ұзақ үзілістен кейінгі бірінші алған жүлдем болды. Сол үшін де сайыс тартысты өтті деп ойлаймын. Бес кездесудің төртеуінде жеңіске жеттім. Финалда 21 жастағы шымкенттік Достанбек Ташбулатовтан ұтылып, үшінші орынға ие болдым. Соған қарамастан, қола жүлдені иеленгеніме қуаныштымын. Бұл – менің ересектер арасындағы Қазақстан чемпионатындағы алғашқы жүлдем», – дейді Ерасыл Ерділда.
</blockquote>

Қызылордалық теннисші Ерасыл Ерділда грант иегері атанды

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың төрағалығымен құқық бұзушылық профилактикасы жөніндегі ведомствоаралық комиссияның отырысы өткізілді. Жиынға құқық қорғау және арнайы орган басшылары, салалық басқарма басшылары және онлайн селекторлық режимде қала, аудан әкімдері қатысты.
Отырыста 2 мәселе қаралды. Алғашқы мәселе Қызылорда облысы аумағында жол қауіпсіздігін қамтамасыз ету шараларына арналды. Жиында Қызылорда облысы Полиция департаменті бастығының бірінші орынбасары Шамшидин Амитов өңірдегі жол көлік ережелерін бұзу деректеріне тоқталып, жол қауіпсіздігін сақтау бағытында атқарылған кешенді жұмыстарды баяндады.
Өткен 2020 жылы аймақта жол ережелерін бұзудың 122 мыңнан астам деректері тіркелген, оның 65 мыңнан астамы жол апатына тікелей әсер ететін өрескел құқық бұзушылықтар. Жол қауіпсіздігін сақтау бағытында құқық бұзушылықты автоматты түрде тіркейтін қала орталығында 13 «Арқан» стационарлы жылдамдық өлшегіш құралы іске қосылған. Нәтижесінде, 6 ай ішінде 31920 жылдамдықты асыру дерегі тіркеліп, 296 млн. теңге айыппұл салынып, оның 251 миллионы өндірілген.
Шамшидин Амитов облыс әкімдігінің бастамасымен 7 стационарлы жылдамдық өлшегіш құралдарын орнату жұмыстары басталғанын атап өтіп, бұл бастаманың жол қауіпсіздігін қамтамасыз етуде тиімділігі жоғары екенін назарға салды. Сондай-ақ, профилактикалық жұмыстар нәтижесінде өткен жылы облыста жол-көлік оқиғалары 13 пайызға, қайтыс болу деректері 35 пайызға, дене жарақатын алу 14 пайызға төмендеген.
Отырыста Қызылорда облысының жолаушылар көлігі және автомобиль жолдары басқармасының басшысы Мұрат Тілеумбетов жергілікті маңызы бар автомобиль жолдарында жол көлік оқиғаларының алдын алу және жол жүрісі қауіпсіздігін сақтауға арналған өңірлік іс-шара жоспары әзірленгенін баяндады. Бұл ретте басқарма тарапы жол көлік оқиғаларының жиілеу себебіне анализ жасаған. Яғни талдау көрсеткендей, жол көлік оқиғаларының басым бөлігі қарсы бағытқа шығу, маневр ережесін бұзу, жылдамдық асыру, арнайы белгіленген жаяу жүргіншілер жолынан өту ережесін бұзу және арақашықтықты сақтамау салдарынан орын алады.
Облыс әкімі Гүлшара Әбдіқалықова жол көлік оқиғаларына қатысты жауапты сала басшыларына бірқатар тапсырмалар жүктеді. Атап айтқанда, Полиция департаментіне жол көлік оқиғалары өсім алған өңірлерге талдау жасап, кешенді іс-шаралар жоспары бекітуді, авариялық қауіпті учаскелерді анықтап, оларды жетілдіру бойынша тиімді ұсыныстар енгізуді тапсырды. Ал, Жолаушылар көлігі және автомобиль жолдары басқармасының басшысына қала, аудан әкімдіктерімен бірлесіп, автомобиль жолдарына жақын орналасқан ауылдық елді мекен тұрғындарына жеке малдарды ретсіз шығуын болдырмау бағытында шаралар қабылдауды және жолаушыларды тасымалдау қызметімен айналысатын тұлғаларға түсіндірме жұмыстары ұйымдастыруды, елді мекендердің көшелеріндегі жол жүрісін реттейтін белгілерді қалпына келтіру жұмыстарын жандандыруды назарға салды.
Отырыста қаралған екінші мәселе – «Әйелдерді зорлық-зомбылықтан қорғау, отбасы тұрмыстық қарым-қатынастағы құқық бұзушылықтардың алдын алу шараларына бағытталды. Полиция департаменті бастығының бірінші орынбасары Шамшидин Амитов пен облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова баяндама жасап, атқарылған жұмыстар шеңберінде есеп берді.
Комиссия отырысында Шамшидин Амитов 2020 жылы отбасы-тұрмыстық қатынастар аясында әйелдер құқығына қарсы әрекет жасаған 663 азамат әкімшілік жауапкершілікке тартылғанын атап өтті. Сондай-ақ, аймақта полицияның сенім телефонына, әйелдерге қатысты проблемалық мәселелер жөнінде 110 рет қоңырау түсіп, зардап шеккен әйелдерге құқықтық, психологиялық көмек көрсетіліп, қауіпсіздігін қамтамасыз ету мақсатында 51 азаматша дағдарыс орталықтарына орналасты. Кешенді жұмыстар нәтижесінде әйелдерге қарсы жасалған қылмыстар 40 пайызға, оның ішінде отбасы тұрмыстық жағдайда жасалған қылмыстар 15 пайызға төмендеген.
Жиында басқарма басшысы Гаухар Қалмақова тұрмыстық зорлық-зомбылық құрбандарына әлеуметтік қызметтер көрсету бағытында атқарылған жұмыстарды тізбеледі. Мәселен, өткен жылы дағдарыс орталығы арқылы 98 отбасына және ағымдағы жылдың екі айында 26 отбасыға 8 бағыт бойынша арнаулы әлеуметтік қызметтер көрсетілген. Тұрмыстық зорлық-зомбылық жағдайындағы әйелдерді оңалту жұмыстарының нәтижесімен 2020 жылы 82 отбасы, биыл 8 отбасы әлеуметке оңалып, өз отбасыларына қайта оралды.
Отырысты қорытындылаған облыс әкімі жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақоваға тұрмыстық зорлық-зомбылық құрбандарына арналған дағдарыс орталығының қызметін жетілдіру үшін ұсыныстар беруді, экономика және бюджеттік жоспарлау басқармасымен бірлесіп, дағдарыс орталығының қуаттылығын ұлғайту үшін қосымша қаржы бөлу мәселелерін пысықтауды тапсырды.
Сондай-ақ, зардап шегіп, дағдарыс орталығынан бейімделіп шыққан әйелдер мен олардың отбасы жағдайына тұрақты түрде мониторинг жүргізуді, қолдауды қажет ететін отбасылардан шыққан, оның ішінде елді мекендерде тұратын балаларды қосымша білімге, спорт секцияларға және үйірмелерге барынша тартуды міндеттеді. Ал, полиция департаментіне отбасылық зорлық-зомбылықтағы агрессорлармен нүктелі профилактикалық жұмыстар жүргізуді, облыс бойынша жиілеп келетін зорлық фактілерінің себептеріне талдау жасап, оларды болдырмайтын оңтайлы әдістерді тұжырымдап, ұсыныстар беруді тапсырды.
<img src="https://kyzylorda-news.kz/wp-content/uploads/2021/03/161249464_3198036123632768_1655708233479724615_o.jpg" alt="" />

Қызылордада жол-көлік оқиғалары 13 %  төмендеген

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Мемлекет және қоғам қайраткері, Қызылорда облысының құрметті азаматы Алмагүл Божановамен кездесіп, мерейлі 75 жасымен құттықтап, ілтипат танытты.
Жиында аймақ басшысы мемлекет дамуы жолында табанды еңбек еткен Алмагүл Божанқызының Сыр өңірін өркендету ісінде айрықша қолтаңбасы бар екенін атап өтті.
<blockquote>
 «Ел ісіне, мемлекет жұмысына ерте араласқан Алмагүл Божанқызының атына қандай мақтау айтсақ та жарасымды. Ол биліктің биік баспалдақтарынан абыройлы өтіп, Тәуелсіздік жылдарында еліміздің әлеуметтік-экономикалық дамуына бар ынта-жігерімен қызмет етті. 
 Шын мәнінде, Алмагүл Божанқызының Сырдария ауданына басшылық жасаған жылдар Тәуелсіздіктің алғашқы қиын кезеңдеріне тұспа-тұс келген өте күрделі уақыт болатын. Бұл ретте, Алмагүл Божанқызының туған жеріндегі еңбегі елеусіз қалмай, Сырдария ауданы сол жылдары облыста үздіктер қатарынан көрінді, экономикалық көрсеткіштер бойынша көш бастады. Сіздің ізгілікке толы жарқын ғұмырыңыз кейінгі жастарға өнеге болатындай ғибратты жол. Мерейтойыңыз тағы да құтты болсын»,-деді облыс әкімі Гүлшара Әбдіқалықова.
</blockquote>
Басқосуда өңір басшысы мемлекеттік қызметте абырой биігінен көрініп, халықтың сүйіспеншілігіне бөленген Алмагүл Божанқызына ҚР Парламенті Сенатының төрағасы Мәулен Сағатханұлы Әшімбаевтың құттықтау хаты мен облыстың ең жоғарғы наградасы – Қызылорда облысының құрмет грамотасын табыстап, қазақы дәстүрмен қамзол кигізіп, құрмет білдірді.
Мерейтой иесіне арналған жиында замандастары, ардагер Қорғанбек Қайруллаев пен облыстық әйелдер кеңесінің төрайымы Райкүл Байназарова сөз алып, Алмагүл Божанованың ел мүддесі жолындағы еңбегіне тоқталып, жылы естеліктермен бөлісті. Өз кезегінде Алмагүл Божанова аймақ басшысына, өтпелі кезеңде ел игілігіне қызмет еткен жанашыр азаматтарға алғысын жеткізді.
Алмагүл Божанова 1946 жылы, Тереңөзек кентінде дүниеге келген. Алғашқы қызметін Шаған ауылында балабақша меңгерушілігінен бастаған. Комсомол және партия комитеттерінде жауапты қызметтер атқарды. Тереңөзек ауданы әкімі қызметінде халықтың әлеуметтік жағдайын жақсартуға, орта және шағын бизнесті дамытуға, ауыл шаруашылығы саласын көтеруге баса назар аударды.
Облыстық мәслихат хатшысы қызметінде де ерекше қарым-қабілетін көрсетіп, атқарушы органдармен бірге аймақтың даму жолында еселі еңбек етті.
«Nur Otan» партиясы облыстық филиалы төрағасының орынбасары болған уақытта да билік пен халық арасында ашық диалог орнатып, саяси ұйымның рөлін күшейтуге бар күш-жігерін жұмсады. Қазіргі таңда қоғамдық бағытта игі істер атқарып келеді.
<img src="https://kyzylorda-news.kz/wp-content/uploads/2021/03/160987207_3197759916993722_1889542679110700935_o.jpg" alt="" />
<img src="https://kyzylorda-news.kz/wp-content/uploads/2021/03/160771856_3197761623660218_4509748424792107278_o.jpg" alt="" />

Гүлшара Әбдіқалықова Алмагүл Божанованы мерейлі 75 жасымен құттықтады

<a href="https://kyzylorda-news.kz/">Kyzylorda-news.kz</a>.&nbsp;Аймақта балық шаруашылығын дамытудың 2021-2030 жылдарға арналған өңірлік бағдарламасы әзірленді. Бағдарлама шеңберінде 2030 жылға дейін балық экспортын 2 есеге, тауарлы балық өндіру көлемін 111 есеге арттыру көзделуде. Нәтижесінде 500-ден астам жаңа жұмыс орны құралатын болады.
<blockquote>
 «Облыста 16 шарбақтық балық өсіру шаруашылығы, тауарлы балық өсіретін 12 тоған құрылып, 3 тұйық жүйелі сумен қамтамасыз ету құрылғысы іске қосылатын болса, көл-тауарлы су айдындарының саны 55-ке жеткізіледі. Өңірлік бағдарламаны іске асыру үшін жалпы көлемі 28,9 млрд. теңге қаржы есептелді. Осыған орай, балық шаруашылығын қолдау мақсатында, «Байқоңыр» әлеуметтік кәсіпкерлік корпорациясына облыстық бюджеттен 1 млрд. теңге қаржы бөлу қарастырылды. Балық шаруашылығын дамыту бағдарламасы әлеуметтік-экономикалық жағдайын және балық шаруашылығын одан әрі дамытуға оң әсерін тигізетін болады», – деді облыс әкімінің орынбасары Бахыт Жаханов.
</blockquote>
Айта кетейік, облыс аумағында Сырдария өзені, Кіші Арал теңізі және 207 көл бар. Оның ішінде, 95-і тауарлы балық өсіру шаруашылығына бағытталған.

Қызылордада балық шаруашылығын дамытуға басымдық беріледі

<a href="https://kyzylorda-news.kz/">Kyzylorda-news.kz</a>.&nbsp;Өңірде коронавирус инфекциясымен күресіп жүрген 18383 медицина қызметкеріне 3,3 млрд. теңге үстемақы төленді. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
<blockquote>
 «Індетпен күресіп жүрген аймақтағы медицина қызметкерлеріне үстемақы өткен жылдың наурыз айынан бастап төленіп келеді. Өздеріңіз білесіздер, елімізде шілде айында жағдай күрделенді. Дәл осы айда өңірдегі 3458 денсаулық сақтау саласының маманына бір миллиард теңгеге жуық үстемақы берілді. Бұл жұмыстар биылда жалғасын табуда», – деді Сәбит Бексейітұлы.
</blockquote>
Биыл қаңтар мен ақпан айында 2348 медицина қызметкеріне 322,5 млн. теңге үстемақы төленді. «COVID-19» коронавирусын жұқтырудың тәуекел топтары үшке бөлінеді. Біріншісі өте жоғары, екіншісі жоғары, үшіншісі орташа топ.

Қазақстан және Қызылорда облысының жаңалықтары: Басты жаңалықтар old