<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда өткен тәулікте 2229 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 465, 
Алматы қаласы – 612, 
Шымкент қаласы – 74, 
Ақмола облысы – 98, 
Ақтөбе облысы – 100, 
Алматы облысы – 226, 
Атырау облысы – 93, 
Шығыс Қазақстан облысы – 25, 
Жамбыл облысы – 36, 
Батыс Қазақстан облысы – 115, 
Қарағанды облысы – 197, 
Қостанай облысы – 29, 
Қызылорда облысы – 32, 
Маңғыстау облысы – 31, 
Павлодар облысы – 41, 
Солтүстік Қазақстан облысы – 33, 
Түркістан облысы – 22.
Жалпы ел бойынша ауырғандар саны 276054.

Қызылордада 32 адам коронавирус жұқтырған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысында ағымдағы жылдың 8 сәуірінен бастап «сары» аймаққа енді. Облыстың Бас мемлекеттік санитариялық дәрігерінің №4 Қаулысына сәйкес аймақта эпидахуал асқынған жағдайда және ол 5 күн тұрақты сақталған кезде карантиндік шараларды күшейту жүргізіледі. Осыған байланысты шектеу шараларын енгізу мақсатында Қаулы қабылданды. Бұл туралы Қызылорда облыстық санитариялық-эпидемиологиялық бақылау департаментінің басшысы Динара Жаңабергенова мәлімдеді.
Қаулыға сәйкес тыйым салынады:
1) қоғамдық орындарда кальянды пайдалануға;
2) ойын-сауық іс-шараларын, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар, еске алу, «ауыз ашар», т.б.), оның ішінде үйде және адамдар көп жиналатын өзге де іс-шараларды &nbsp;өткізуге;
3) банкет залдарының жұмысына;
4) букмекерлік кеңселердің қызметіне;
5) бильярд, боулинг, компьютерлік клубтардың, түнгі және ойын клубтарының, караокенің қызметіне;
6) балаларды сауықтыру лагерлерінің қызметіне;
7) мерекелік корпоративтерді ұйымдастыру мен өткізуге;
8) балалардың ойын-сауық орталықтарының (жабық үй жайлардағы ойын алаңдары мен аттракциондар) жұмысына;
9) көрермендермен спорттық іс шараларды өткізуге қатаң тыйым салынады.
Сонымен қатар, белгіленген шектеулермен және күшейтілген санитарлық-дезинфекциялық режиммен:
10) балалар мен ересектердің білім беру орталықтарының жұмысы топты 15 адамнан артық толтырмаған кезде, алдын алу жазылу бойынша;
11) қоғамдық көлік жұмысына;
12) банктер, ХҚКО, «Қазпочта» АҚ бөлімшелері&nbsp; жұмысына 9.00-ден 18.00-ге дейінгі уақыт шектеуімен;
13) ұйымдар, офистердің&nbsp; жұмыстарына 50％- күндізгі режиммен;
14) белгіленген талаптар сақталған жағдайда және ұжымдық іс-шараларды өткізбей діни объектілердің қызметіне;
15) қоғамдық тамақтану объектілеріне толтырылуы 50%-ға дейін, бірақ 50 орыннан асырмай сағат 7-ден 24-ке дейін жұмыс істеуге;
16) сауналар жұмысына (жексенбіден басқа);
17) 30 адамға дейін мәдениет объектілерінің жұмысына (дайындық);
18) толтырылуын 20%-дан артық емес етіп театрлар, кинотеатрлар, концерт залдарының жұмысына рұқсат беріледі.
Мектептердегі білім беру форматы өзгеріссіз күшейтілген санитарлық-дезинфекциялық режиммен:
19) облыстың&nbsp; барлық аймақтарында:
– контингенті 300 оқушыға дейін қалалық және ауылдық мектептерде сыныптардағы балалар санын 25 адамнан асырмай дәстүрлі форматта оқыту;
– білім беру ұйымы әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқыту;
20) тәуекелі төмен және орташа аймақтарда орналасқан өңірлердегі жалпы білім беретін мектептерде барлық сыныптардың оқушылары үшін сыныптардағы балалар санын 25 адамнан асырмай аралас форматта оқыту;
21) колледждер мен жоғары оқу орындарының I курс студенттері үшін штаттық оқытуды жалғастырады;
22) алдын ала жазылу бойынша стоматология, медициналық орталықтар, кабинеттер жұмысына;
23) толтырылуы 75%, бірақ 15 адамнан артық емес етіп облысаралық тұрақты емес (туристік) тасымалдардың жұмысына;
24)&nbsp; толтырылуы 75%, бірақ 15 адамнан артық емес етіп қалалық тұрақты емес (туристік) тасымалдардың жұмысына рұқсат;
25) Ұлттық құрама, клуб командалары үшін адам санын 30-дан асырмай спорттық жаттығулар&nbsp; өткізуге рұқсат.
&nbsp;26) маска режимін және кемінде 2 метр қашықтықты сақтай отырып, 15 адамнан аспайтын жеке және ұйымдасқан топтар үшін ерекше қорғалатын табиғи аумақтарға баруға рұқсат;
27) белгіленген санитариялық талаптар, қағидалар сақталған кезде білім&nbsp; беру ұйымдарындағы қоғамдық тамақтану объектілерінің қызметіне рұқсат беріледі.
28) қоғамдық көлікке, таксиге, әуежайларға, ауладағы балалар алаңдарына, азық-түлік және азық-түлік емес базарларға және басқа да қоғамдық орындарға санитариялық және дезинфекциялық өңдеу жүргізуді тапсырамын;
&nbsp;Қызылорда облысының тұрғындары мен қонақтары эпидемиологиялық ахуал тұрақтанғанша бетперде киюге міндетті.
&nbsp;Осы Қаулы&nbsp; 2021 жылғы 13 сәуірден бастап&nbsp; күшіне енеді.

Covid-19: Қызылордада жаңа қаулы қабылданды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда қаласы әкімінің шешіміне сәйкес 2020-2021 жылдардағы жылу беру маусымы 15 сәуірден бастап аяқталады.
Осыған орай, жылу желілерінде +95С дейін жылу тасымалдағыштың ең жоғары температурасына және 16 кгс/см2 дейінгі қысыммен жылу желілерінің тығыздығына гидравликалық сынақ өткізілетін болады.
<blockquote>
 «Сынақ кезінде желілік судың ағуы және құбырлардың үзілуі анықталған жағдайда диспетчерлік қызметке 25-00-45, 25-01-04, 8-776-869-20-53 немесе қалалық коммуналдық шаруашылық қызметінің диспетчерлік қызметіне – 109 телефоны бойынша дереу хабарлау қажет», – делінген хабарламада.
</blockquote>

Қызылордада 15 сәуірден бастап жылу тоқтатылады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысындағы эпидемиялогиялық ахуалдың күрделенуіне байланысты ата-аналардың өтінішіне сәйкес қашықтан оқитын оқушылардың үлесі артты.
Бүгінгі күні оқушылардың 70 пайызы дәстүрлі, 30 пайызы қашықтан оқуда.IV оқу тоқсанын облыстағы 169 883 оқушының 167 571-і – дәстүрлі, 2 312-сі қашықтан білім алуды бастаған.
<blockquote>
 «Бүгінде кейбір ата-аналардың өтініші бойынша, балаларды онлайн режимге көшіріп жатырмыз. Ол үшін ата-анасының өтініші болса жеткілікті. Өткен аптамен салыстырғанда қашықтан оқитындардың саны 14535-ке жетті. Ал қалған оқушылар дәстүрлі форматта оқуын жалғастыруда. Жалпы, оқушылар мен педагогтар арасында КВИ тіркелген жағдайда тиісті сыныптар қашықтан оқытуға көшіріліп, карантинге жіберіледі. Қазір мектептерде дезинфекциялық жуып тазалау құралдары мен қолды өңдеуге арналған антисептиктердің қорлары жеткілікті», – деді облыстық білім басқармасының басшысы Ақзира Қасымова.
</blockquote>
Сондай-ақ, қазір мектептердегі санитарлық талаптардың орындалуын бақылау үшін білім басқармасы мен білім бөлімдері жанынан мониторингтік топтар құрылған. 5-10 сәуір аралығында аталмыш топ өкілдері Қызылорда қаласындағы 21 мектепке бақылау шараларын жүргізді.
Бұдан бөлек, білім ұйымдарында короновирус инфекциясының алдын алу мақсатында оқушыларға ауру белгілері, жұғу жолдары және қорғану шаралары туралы әлеуметтік бейнероликтер көрсетілді.

Қызылордада оқушылардың 30 пайызы қашықтан оқуда

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысының әкімі Гүлшара Әбдіқалықова сырбойылықтарды қасиетті Рамазан айымен құттықтады.
Ардақты ағайын!
Сіздерді барша мұсылманның аса ұлық мейрамы, он екі айдың сұлтаны, берекелі де кешірімі мол қасиетті Рамазан айының басталуымен шын жүректен құттықтаймын, ниеттеріңіз қабыл болсын!
Ораза – адамзат баласын шыдамдылыққа, сабырмен қарауға, бардың бағасына жетуге тәрбиелеп, қайырымды болуға шақыратын қадірлі ай.
Бұл – араздасқан жандардың татуласып, көріспеген туыстың табысатын, адамның жүрегіне мол мейірім, бойына қанағат ұялататын ерекше сәт. Осы кезеңде жасаған қайырымдарыңыз бен дұға-тілектеріңіз қабыл болып, қасиетті ай әрбір отбасын шапағатына бөлесін!
Өкінішке қарай, биыл да қасиетті Рамазан айын пандемия жағдайында өткізуге тура келіп отыр. Қатерлі індетті барынша сақтану арқылы ғана жеңе алатынымызға көзіміз жетті.
Осы ретте, сіздерді ауызашар кезінде, құлшылық сәттерінде санитарлық талаптарды қатаң сақтауға, отбасында болуға шақырамын. Денсаулық ең басты құндылығымыз екенін ұмытпайықшы, жерлестер!
Халқымыз қазіргі күрделі кезеңнен аман-есен өтіп, еліміз бейбіт, жұртымыз тыныш болсын деп тілеймін!

Гүлшара Әбдіқалықова қызылордалықтарды Рамазан айымен құттықтады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстан Президенті Қасым-Жомарт Тоқаев Қазақстан халқын Рамазан айының басталуымен құттықтады, деп хабарлайды Ақорданың ресми сайты.
«Қадірлі отандастар!
Баршаңызды қасиетті Рамазан айының басталуымен шын жүректен құттықтаймын!
Бұл – күллі мұсылман қауымы үшін рухани тұрғыдан жаңару кезеңі. Сондай-ақ, Ораза айында өзара сыйластық пен мейірім, ізгілік пен кешірім сияқты асыл қасиеттер дәріптеледі. Жұрт көмекке мұқтаж жандарға қол ұшын беріп, қайырымдылық көрсетуге, сауапты іс атқаруға ұмтылады.
Ислам дінінің осындай мызғымас рухани құндылықтары мен жасампаздық әлеуеті қоғамымыздағы бірлік пен ынтымақты одан әрі нығайтуға ықпал етеді.
Өкінішке қарай, биыл да Рамазан айы күрделі кезеңде өтетін болды. Жұқпалы дертті ауыздықтау үшін барлық шаралар жасалуда. Еліміздегі мұсылман жамағатын қауіпсіздік талаптарын сақтауға, Қазақстан мұсылмандары діни басқармасының ұсынымдарын мүлтіксіз орындауға шақырамын.
Біз бұл сынақты ауызбіршілік пен жауапкершіліктің арқасында еңсеретініміз сөзсіз.
Тұтқан оразаларыңыз қабыл болсын!
Елімізге амандық, әр шаңыраққа бақ-береке тілеймін!»,-делінген құқттықтауында

Мемлекет басшысы Қазақстан халқын Рамазан айының басталуымен құттықтады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қызылорда облысының әкімі Гүлшара Әбдіқалықова Қызылорда қаласындағы бірқатар бизнес және әлеуметтік бағыттағы нысандарды аралап, жұмысын тексерді.
Алдымен аймақ басшысы «КазАгроМир» жылыжай кешенінің, ет өнімдерін шығаратын «Танкаман» шаруа қожалығының жұмысымен танысты. Жалпы ауданы 2,2 гектар жерде орналасқан жылыжай кешені жылына 1000 тонна қияр және қызанақ өндіреді.
Ал, «Танкаман» шаруа қожалығында жылқы малдарын өсіреді, бордақылайды және қымыз өнімін өндіреді. Мұнда 15 азамат жұмыс істеуде.
Мұнымен қоса, облыс әкімі қаладағы бірнеше шағын өндіріс орындарына барды. «Хуа Ю Интернационал» химиялық реагенттер шығаратын зауыттың, «ВЕГА-ПРОМ» желім (клей), ЖК «Қалымбетова» шұжық, «Аруана-Агролидер» ет өнімдерін шығаратын цехтарының, «Dalatex» тігін фабрикасының жұмысымен танысты.
«Хуа Ю Интернационал» химиялық реагенттер шығаратын жылына 1000 тонна өнім шығарса,, «ВЕГА-ПРОМ» желім шығаратын цех тәулігіне 50 тонна желім өндіреді. Ал, шұжық шығару цехында 12 азамат тәулігіне 5 тонна шұжық өнімін шығарады.
Құны 50 млн.теңгені құрайтын «Аруана-Агролидер» ет өнімдерін шығаратын цех тәулігіне 800 тонна консервіленген ет өнімдерін әзірлейді. Ал, «Dalatex» тігін фабрикасында сағатына 7 тонна өнім тігеді. Мұнда 23 тұрғын жұмыспен қамтылып отыр.
Аймақ басшысы Гүлшара Әбдіқалықова шағын бизнес иелеріне жұмысты одан әрі жандандырып, өнім көлемін арттыра отырып, шығарылатын өнімдерді сапалы әрі стандартқа сай етіп өндіруді тапсырды. Бұл жұмыстардың іске асырылу барысын бақылауды орынбасары Нұрлан Тілешовке жүктеді.
Мұнан кейін облыс әкімі жалпы ауданы 41,1 мың шаршы метрді құрайтын СПМК-70 тұрғын ауданында жаңадан салынып жатқан 14 кредиттік тұрғын үйдің құрылыс барысын көрді. 630 пәтерлік үйлерді салуға 8 млрд. 245,7 млн теңге бөлінген.
Аймақ басшысы Гүлшара Әбдіқалықова қала әкімі Ғанибек Қазантаевқа тұрғын үй құрылысына қажет құрылыс материалдарының сапасына аса мән беруді және уақытылы аяқтауды міндеттеді.
Сондай-ақ, өңір басшысы «Жұмыспен қамтудың 2020-2021 жылдарға арналған
Жол картасы» аясында Ғ.Мұратбаев көшесіндегі стадион аумағын абаттандыру және «Қызылорда су жүйесі» мекемесіне жүргізілген ағымдағы жөндеу жұмысын тексерді.
Абаттандыру жұмыстарына 195,0 млн. теңге бөлінген. Бағдарлама аясында 75 данатүнгі жарық шам, 67 дана орындық, 67 дана қоқыс жәшігі, 1 дана су бұрқақ орналастырылып, 17 000 шаршы метр жерге брусчатка төселуде. Ал, «Қызылорда су жүйесі» мекемесінің өндірістік техникалық базасына ағымдағы жөндеу жұмыстарын жүргізуге 109,7 млн. теңге бөлінген. Жоба аясында 35 адам жұмыспен қамтылды. 
Аймақ басшысы қала әкіміне мемлекеттік бағдарламалар арқылы бөлінген қаржының мақсатты жұмсалып, тиісті жұмыстарының сапалы атқарылуын қатаң бақылауға алуды жүктеді.
Нысандарды аралау барысында облыс әкімі қалалық жұмыспен қамту, әлеуметтік бағдарламалар және азаматтық хал актілері бөлімінің жұмысын тексерді. Ғимарат 3 қабаттан тұрады. 1 қабатта – мүгедектігі бар азаматтарға қызмет көрсету және сауықтыру, 2 қабатта – мемлекеттік қызметтер көрсету, 3 қабатта – «Бақытты отбасы» отбасын қолдау блогтары орналасқан.
<blockquote>
 «Бүгінгі күні әлеуметтік сала өзекті салалардың бірі. Жұмыссыздарды тіркеу, мемлекеттік атаулы әлеуметтік көмекті ұйымдастыру, жұмыспен қамтудың төлемдерін жүргізу, қоғамдық қабылдау өткізуаса жауапты қызмет. Тұрғындарға жоғары деңгейде қызмет көрсетіп, дер кезінде көмек беру керек. Мемлекеттік бағдарламалардың сапалы жүзеге асырылуына аса мән беріңіздер», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/5dd2e2b3ebddc98c6d858bf253dabd79_1280x720.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618248537463.jpg" alt="" />

Аймақ басшысы Қызылорда қаласындағы бірқатар бизнес және әлеуметтік нысанды аралады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Ислам әлемі үшін қасиетті, берекеге толы, он екі айдың сұлтаны саналатын Рамазан айы басталды. &nbsp;Биыл, 2021 жылы Рамазан айы 13 сәуірде басталып, 12 мамырда аяқталады. Рамазан айы 30 күн болады. 13 мамыр – Ораза айт күні. 8 мамырдан 9 мамырға қараған түн – Қадір түні.
Ораза деген не?
Рамазан айы – Алла Тағаланың ерекше ықыласы түскен, шарапаты мол, iзгi ниеттi iске сауабы көп, жыл он екi айдың ең қадiрлiсi. Исi мұсылман қадiр тұтатын қасиеттi Құранның алғашқы аяттары да Алла тарапынан рамазан айында түсiрiле бастаған. Сондықтан, Рамазан айы – Құранның, құлшылық пен тәуба, кешiрiмнiң айы.
Бiр ай бойы iшiп-жеуден ғана емес, өтiрiк-өсек айту, бiреудi сыртынан ғайбаттау, бейәдеп сөздер мен қылықтар сияқты адамгершлiк қаиғадаларына жат әдеттерден аулақ болу керек. Ораза ұстаған адамда Алладан қорқу, Оны сезiп тұру, тақуа сезiмi пайда болады. Ораза нәпсiнi тiзгiндеп, жүректi тазартады. Жүректе Алла Тағалаға деген сүйiспеншiлiктен басқаға орын қалмайды. Ораза ұстаушының күнәлары кешiрiлiп, сабырлылығы мен кешiрiмдiлiгi артады. Аштықты басынан өткiзген адам кедейлер мен кембағал жандарға жақсылық iстеу керектiгiн жүрегiмен сезiнiп, түсiнедi. Алла Тағала баршаңызды рамазан оразасын шын ынта-ниетiмен ұстаушылардан, қиямен күнiнде солар ғана кiретiн, әр-Райиан есiгiнен кiрушiлерден етсiн. Қасиеттi рамазан айы мүбарак болсын!
Оразаның пайдасы
Ораза – адам үшiн ең керектi дәрi, рухани әрi материалдық, медициналық диета. Адамның тынбай iшiп-жей беруi оның денсаулығына зиян. Рамазан айындағы ораза он бес сағатты, сәресi iшiлмесе, жиырмаға жуық сағатты құрайды. Осыншама уақыт аштыққа төтеп беру шыдамдылық пен төзiмдiлiктi шынықтырады. Демек, ауыз бекiтiп, ораза ұстаудың рухани және дiни тұрғыдан да, адам ағазасына медициналық тұрғыдан да келтiретiн пайдасы зор. Мысалы, ораза ұстау iшек ауруларына ем ретiнде кеңiнен қолданылады. Кейбiр терi ауруларының жақсаруына, асқазан мен iшек жұмыстарын жеңiлдетуге де септiгi мол. Бүйрек, бауыр, қуық, сусамыр (қант диабетi), жүрек пен тамыр ауруларына адам ағзасының қарсы тұру қабiлетiн де жақсартады. Әлемге танымал ғалым, медицина ғылымдарының докторы Алекс Каррел: «Белгiлi бiр уақыт аралығында ашығу бауырдағы шекерлердi, терi астындағы май қыртыстарын, бұлшық ет, без, көк бауыр жасушаларындағы (клеткаларындағы) протеиндердiң белсендiлiгiн арттырады. Барлық мүшелер өз құрамы мен жүректiң бiртұтастығын қорғау үшiн жанын сала әрекет етеді. Мiне, осылайша ораза тканьдердi тазалап, өзгертiп отырады» деп жазған. Негiзi адам бойындағы шайтани әрi нәпсiқұмарлық сезiмнiң оянып, қозуы ағзадағы жыныстық гормондардың әсер ету күшi мен олардың мөлшерiне байланысты. Ал ораза осындай гормондардың қандағы мөлшерiн азайтатындықтан, адам бойындағы құмарлық сезiмдi басады.
Ораза тыйым салады
Оразаны бiле тұра әдейi бiр нәрсенi iшiп-жеу, жыныстық қатынас жасау, әдейiлеп құсу бұзады. Егер адам ораза ұстап жүргенiн ұмытып кетiп, аузына ас салса ораза бұзылмайды. Түтiн, шаң, қар түйiршiктерi мен жаңбыр тамшылары сияқты басқа да жеуге жарамайтын нәрселер байқаусызда аузына түсіп кетсе, ауаға тез таралып кететiн нәрселердi ерiксiз иiскеу немесе iшке тарту, көзге сүрме жағу (макияж), қош иiстi гүл мен әтiрлердi иiскеу де (әдейілеп құшырлана иіскеуге болмайды) оразаға зиянын тигiзбейдi. Қан алдыру, сүлiк салдыру, тiс жұлдыру (ауыздағы қан немесе дәрi тамақтан өтiп кетпеуi тиiс), құлаққа және көзге дәрi тамызу, құлаққа су кiру де зиянын тигізбейді. Ал мұрынға дәрi тамызса, ораза бұзылып, қазасы өтеледi. Сонымен қатар әйелдер ораза ұстар кезде хайыз бен нифастан таза болуы шарт. Олай болмаған жағдайда ғұсыл дәретiн алғаннан кейiн ораза жалғастырылып, кейiн хайыз болған күндердiң қазасы өтеледi.
Пiтiр садақасы
Садақаны ораза басталысымен беруге болады. Аяғы ауыр әйелдер, жазылмайтын дертке ұшырағандар мен денсаулығы жарамайтын адамдар ауыз бекiтпей-ақ, ораза ұстауға мiндеттi әрбiр күнi үшiн пiтiр садақа беруге болады. Алла Тағала бұл туралы:&nbsp;«Ораза ұстауға шамасы келмейтiндер бiр жарлының тамағын төлесiн»&nbsp;дейдi (Бақара сүресi, 2/184).
Ал пітір мөлшері 420 теңге болып белгіленді. Пітір садақаның мөлшері 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды.
Тарауық намазы
Тарауық – Рамазан айына ғана тән 20 рәкаттық намаз. Ол «тынығу, демалу, рахаттану» деген мағынаны бiлдiредi. Рамазан айында Тарауық намазын оқу Ислам рәмiзiне жатады. Пайғамбарымыз (с.ғ.с.)&nbsp;«Кiмде-кiм Рамазан намазын (тарауихты) шын көңiлiмен сауабын Алладан күтiп оқыса, оның өткен күнәлары кешiрiледi»&nbsp;деп үмметтерiнiң сауабы мол намазды оқуға деген құлшынысын арттыруға тырысқан.Тарауық намазы құптан намазынан кейін оқылады, ал Үтір намазы ең соңынан жамағатпен оқылады.
Қадiр түнi
Ләйләтүл-қадр, яғни Қадыр түнi, мыңдаған айлардан артықшылығы мол, қасиетi басым осы түнi исi мұсылман Алла Тағалаға құлшылық етiп, тiлек тiлеуден жалықпауы тиiс. Жаратқан Ие Қадыр түнiнiң нақты уақытын құлдарына әдейi нақты көрсетпеген. Себебi, Алла Тағаланың шарапаты мен шапағатына, алғысына ие болуға асыққан құлдар әр түндi қасиеттi түн ретiнде қабылдауға, тынбай құлшылық етуге мүдделi. Биыл шілде айының 23- нен 24-іне қараған түні қасиетті Қадір түні.
Ескеретiн жайттар
Оразада таңертең күнде ниет ету және ұйқыдан оянып, сәресiнi iшу – сауап. Мұхаммед пайғамбар (с.ғ.с.) хадисiнде:&nbsp;«Сәресi тамағы – берекет. Бiр жұтым су да болса, оны тастамаңдар. Өйткенi Алла Тағала сәресiде тамақтанғандарға рақымдылық етiп, перiштелерi де олар үшiн кешiрiм тiлейдi» деген. Ақшам намазын кешке ауызашардан кейiн оқу да – сауапты iс. Сонымен қатар «Мен – оразамын» деу де сүннет. Егер бiреу ораза ұстаушыға дауыс көтерiп сөйлесе, керiскiсi келсе, «мен – оразамын» деп ескертуi тиiс. Ораза мүбәрәк болсын, ағайын!
Дұғалар
Оразаға ниет: Алла Тағала үшін мүбәрак Рамазан айының оразасын ұстауға таңнан күн батқанға дейін ұстауға ниет еттім.
Сәресіде ауыз бекітерде оқылатын дұға: “Науайту ан асума соума рамадана минал фажри иләл мағриби, халисан Лиллаһи таъала, Аллаһу акбар” (аудармасы: Алла ризашылығы үшін ниет еттім, Рамазан оразасын таң атқаннан күн батқанға дейін тұтпаққа, Аллаһу акбар)Сәресін ішу таң намазының кіруіне 10 минут қалғанда тоқтатылады.
Кешке ауызашарда оқылатын дұға: “Аллаһумма ләкә сумту уә бикә аманту уә ъалейкә тауәккәлту уә ъалә ризкикә афторту уа ли соуми ғодин мин рамадана науәйту” (аудармасы: Жаратушы Ием, Сенің ризашылығың үшін ораза тұттым, Саған иман еттім, Саған тәуекел етем, Сенің берген ризығыңмен аузымды ашамын, ертеңгі рамазан оразасына ниет етем). Ауызды ақшам намазының уақыты болысымен құрмамен немесе сумен және т.б. жеміспен де ашуға болады.

Қасиетті Рамазан айы басталды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова коронавирус инфекциясының таралуына жол бермеу, сақтық шараларын күшейтуге қатысты жедел штаб отырысын өткізді. Жиында аймақ басшысы Қызылорда өңірінің сары аймаққа енуіне байланысты індетпен күресті күшейту бағытында атқарылған жұмыстарды саралады.
Қазіргі таңда аймақта күннен-күнге эпидемиологиялық жағдай күрделенуде. Тәулігіне 40-тан астам жағдай тіркеліп, жаппай қайта жұқтыру қаупі өте жоғары болып тұр. Өткен аптадан бастап облыс сары аймаққа өтті, ол өз кезегінде бізге қатаң шараларды қабылдаудың, жылдам әрекет ету қажеттілігінің белгісі. Біз кез келген жағдайға дайын болуға тиістіміз. Егер біз қатаң сақтық шараларын қолдансақ ғана эпидемиологиялық жағдайды тұрақты ұстап қалуға мүмкіндігіміз бар,-деді облыс әкімі Гүлшара Әбдіқалықова.
Отырыста облыстық бас мемлекеттік санитариялық дәрігер Динара Жаңабергенова індетпен ауырған азаматтардың үлестік көрсеткіші, карантиндік шектеулерге сәйкес алгоритимдік тәртіпте бекітілген жұмыстарды тізбеледі. Сондай-ақ, шоғырландыруды болдырмас үшін қоғамдық тамақтану, көпшілік баратын нысандар, әлеуметтік қызмет ететін мекемелерде сақтық шараларын күшейту бағытында қаулыға сәйкес жұмыс атқарылатынын атап өтті. 
Облыста коронавирус инфекциясын зерттеуге арналған 10 лаборатория жұмыс жасайды. Лабораторияның бір күндік қуаттылығы 3420 анализ алуға жетеді. Өткен жылдан бері қазірге дейін барлығы 279 622 анализ жасалған.
Коронавирус инфекциямен ауруға шалдыққандардың жас шамасы әр түрлі. Оның ішінде 20 жастан 69 жас аралығынды азаматтар арасында белсенділік байқалады. Сонымен қатар, балалар арасында клиникалық белгілерінсіз жағдайлар анықталуда. 
Жиында облыстық денсаулық сақтау басқармасының басшысы Сәбит Пазылов медициналық ұйымдардың дайындығы, өңірдегі вакцина салдыру бағытындағы негізгі көрсеткіштерге тоқталды. 
Облысқа келген вакциналарды сақтау мақсатында 18 тоңазытқыш және 179 термоконтейнер жұмыс жасайды.
Сонымен қатар, вакцинациялауға 14 егу кабинеті және 133 мейірбике және 89 дублер жұмыс жасауда. Алдағы уақытта қосымша қала аумағынан «Теміржол» емханасы, «Сенім» клиникасы, «Интертич», «Қызылорда облыстық кеңес беру диагностикалық орталығы» және «Арай сити» сауда үйінен егу пунктері ашылмақ.
Бүгінде аймаққа жеткізілген 27 200 вакцинаның барлығы медициналық мекемелерге таратылды. Екпенің I компоненті 10 678 адамға салынса, II компонентімен 3371-не екпе жасалды.
Жиында облыстық медициналық және фармацевтикалық қадағалау департаменті басшысының міндетін атқарушы Ғалима Азирова дәрі-дәрмек қорын күшейту, дәріханалардағы дәрілер бағасына мониторинг жүргізу бағытында есеп берді. Ал, облыстық полиция департаменті бастығының бірінші орынбасары Шамшидин Амитов карантиндік шектеулерді бұзу, қоғамдық орындарда шоғырландыру деректерін болдырмау бағытында атқарылған жұмыстарды баяндады. Облыстық ішкі саясат басқармасының басшысы Мира Қазбекова облыс тұрғындарын індетпен күресте сақтық шараларын сақтау, негізгі ұстанымдарды ескеру бағытында түсіндірмелік жұмыстарды қарқын алғанын тілге тиек етті.
Жиын соңында облыс әкімі Гүлшара Әбдіқалықова дәрі-дәрмек қорын жасақтау бағытында жұмысты үйлестіріп, дәрі қорының жеткіліктігіне қарай дәріханалардағы мониторинг жұмысын жандандыруды тапсырды.
Сондай-ақ, алдағы Рамазан айында көпшіліктің басы қосылатын ауызашар кезінде сақтық шараларын қатаң түрде бақылауға алу қажеттігін тапсырды.
Облыс әкімі жедел штаб отырысынан кейін Тәкей Есетов атындағы №264 мектепке барып, білім ошағындағы каратиндік талаптардың орындалуын бақылады. «100 мектеп, 100 аурухана» бағдарламасы аясында салынған 1248 орындық №264 мектеп-лицейдің құрылысы 2010 жылы аяқталып, пайдалануға берілген. 2020-2021 оқу жылында 1-11 сыныптар аралығында 3602 оқушы білім алуда. Еліміздегі эпидемиологиялық ахуалға байланысты 624 оқушы дәстүрлі, 2978 оқушы онлайн форматта оқып жатыр. Білім ұясында оқуға арналған 129 кабинет бар, оқушылар оқулықтармен толық қамтамасыз етілген.
Аймақ басшы оқушылар арасында карантиндік талаптардың қатаң сақталуын бақылауға алуды, балалар арасында сақтық шараларын қатаңдатуды тапсырды. Сондай-ақ, алдағы кезеңде оқу процесін онлайн бағытта үйлестіруді тапсырды. Қазірде білім ордасында 70 пайыз оқушы онлайн, 30 пайыз оқушы дәстүрлі түрде оқуға көшті.
Мұнан кейін облыс әкімі медициналық нысандарды аралап, дәрі-дәрмек қорын тексеру мақсатында бірқатар дәріханаларға арнайы барды. 
Гүлшара Әбдіқалықова №6 қалалық емхана жанындағы облыстық вакцина қоймасының, коронавирусты инфекциясына қарсы екпе жасайтын кабинеттердің жұмысын тексеріп, тұрғындармен сөйлесті.
<blockquote>
 “Карантин талаптарын қатаң сақтап, тұрғындар денсаулығына аса мән беруі қажет. Себебі індет толығымен жойылған жоқ. Бүгінде бүкіл әлем вакциналау ғана бәрімізге үйреншікті өмірге карантинсіз оралуға мүмкіндік беретінін түсінді. Осыған байланысты барлық иммунопрофилактика мәселелері бойынша халықпен жүргізілетін ақпараттық-түсіндіру жұмыстарын күшейтуі қажет”, – деді Гүлшара Әбдіқалықова.
</blockquote>
Сондай-ақ, облыс әкімі А.Тоқмағанбетов көшесінде орналасқан «№1 дәріхана», «Доктор Плюс», «Еврофарма» дәріханаларының жұмысын көрді. Аймақ басшысы дәріхана басшыларына дәрілік қорды уақытылы толықтырып тұру қажет екенін тапсырды. 
Бүгінде облыс әкімінің тапсырмасына сәйкес, дәрілік заттардың тұрақтандыру қорын қалыптастыру мақсатында жергілікті бюджеттен 488 млн.теңге қаржы бөлінді. Қазіргі кезде 17 фармацевтикалық ұйыммен оның 281,2 млн.теңгесі пайдаланып отыр. Соның бірі – Абай даңғылы бойында орналасқан «Lab Servicy company» иелігіндегі «Ансар» дәріханалық желісі. Аймақ басшысы дәріханаға барып, жұмысымен танысты. Дәрілік заттарды бақылаған облыс әкімі өңірде 14 дәріханалық желісі бар «Lab Servicy company» басшысына дәрілік заттардың қорын қалыптастыру бағытында жұмысты күшейтуді жүктеді.
Медициналық нысандарды аралағаннан кейін облыс әкімі денсаулық сақтау басқармасының басшысы Сәбит Пазылов пен облыстық бас мемлекеттік санитариялық дәрігер Динара Жаңабергеноваға жедел әрекет ету алгоритміне сәйкес халықтың сақтық шараларын сақтауын, өңірде вакцина салдыру жұмыстарын күшейтуді, мобильді дәрігерлердің жұмысын жандыруды тапсырды.
<img src="https://kyzylorda-news.kz/wp-content/uploads/2021/04/fb_img_1618248517308.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618248529041.jpg" alt="" />

Гүлшара Әбдіқалықова: Сақтық шараларын қолдансақ ғана эпидемиологиялық жағдайды тұрақты ұстай аламыз

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Ағымдағы жылдың 3 айында облыста тіркелген қылмыстық құқықбұзушылықтар саны 21%-ға, ауыр қылмыстар 29%-ға, ұрлық 41%-ға, пәтер ұрлығы 43%-ға, мал ұрлығы 20%-ға және бұзақылық қылмыстары 47%-ға төмендеді.
<blockquote>
 «Біз қылмыстың алдын алу, ізін суытпай ашу, қоғамдық тәртіпті сақтау, жол апаттылығын болдырмау мақсатында күнделікті профилактикалық жұмыстар жүрігізіп келеміз. Алайда адамдарды алдап, сеніміне кіріп, оның мүлкіне қол сұғып, алаяқтықпен айналысқан қылмыскерлер азаймай тұр. 2021 жылдың 3 айында 301 алаяқтық қылмысы тіркелді. Мұның бәрінде қылмыскерлер «пәтер, жер учаскесін, жеңілдетілген несие алып беремін, жұмысқа орналастыруға көмектесемін» деп жәбірленушінің ақшасын иемденген. Аталған қылмыстардың көбі интернет арқылы жасалуда. Сондықтан, тұрғындардан бейтаныс, толық-білмейтін, жеңіл табыс табуға уәде берген адамдарға сенімділік танытпауды сұраймыз», – деді облыстық полиция департаменті бастығының бірінші орынбасары Шамшидин Амитов.
</blockquote>
Сондай-ақ, жыл басынан бері 64 жол көлік оқиғасы орын алған. Онда 20 адам қайтыс болып, 90 адам әр түрлі дене жарақаттарын алды.
<blockquote>
 «Қазір мектеп оқушылары офлайн форматтағы оқуға көшуіне байланысты білім беру орындары аумағында балалардың қауіпсіздігін қамтамасыз етуге ювеналды полиция және патрульдік полиция қызметкерлері жұмылдырылды. Сондықтан тұрғындар белгіленген жылдамдықты асырмай, қарсы бағытқа шықпай, автокөлікті мас күйде басқармай, жол ережелерін қатаң сақтаса деймін», – деді Ш.Егенбердіұлы.
</blockquote>
Айта кетейік, бүгінде кәмелетке толмағандар арасында қылмыс пен құқық бұзушылықтың алдын алу мақсатында оқушылар, ата-аналар мен ұстаздар қауымының қатысумен «ZOOM» байланысы арқылы дәрістер өткізілуде.

Қызылордада қылмыс азайған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылордада 10 659 адам коронавирус инфекциясына қарсы екпе салдырды. Ертең тағы да «Спутник V» вакцинасының бес мың дозасы келеді. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
Сондай-ақ, аймаққа сәуір айының аяғында «QazCovid-in» вакцинасы әкелінеді.
<blockquote>
 «Жалпы шілде айына дейін 80 мың адамға екпе салуды жоспарлап отырмыз. Эпидемияны түбегейлі жеңудің жолы – вакцина салдыру. Әрине, екпе ерікті түрде жүргізіледі. Дегенмен ұжымдық иммунитет қалыптастыруымыз керек. Сол себепті барша халықты коронавирус инфекциясынан қорғану үшін сақтық шараларын сақтауға, екпе салдыруға шақырамын», – деді облыстың бас дәрігері.
</blockquote>
Қазіргі таңда 9 ПТР аппараты жұмыс істейді. Тәулігіне 1000-1100 аралығында сынама алынуда. Қажеттілік туындаған жағдайда зерттеу санын 1900-ге дейін жеткізуге мүмкіндік бар.

Қызылордаға сәуір айының аяғында «Qazcovid-in» вакцинасы әкелінеді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыста жұма, тарауих, ауызашар өткізудің тәртібі жергілікті бас санитарлық дəрігердің шешіміне сəйкес өзгертіліп отырады. Бұл туралы Өңірлік коммуникациялар қызметінің ақпараттық алаңында өткен баспасөз брифингінде ҚМДБ-ның Қызылорда облысы бойынша бас имамы Болатбек Абуов баяндады.
<blockquote>
 «Біз қазір сары аймақтамыз. Дегенмен жұма, тарауих намазында санитарлық талаптарды сақтай отыра қысқа сүрелер оқып, адамдардың көп айналмауына жағдай жасаудамыз. Сондай-ақ, 50 адамға дейін, тек талапқа сай келетін мешіт асханаларында ғана ауыз ашуға рұқсат беріліп отыр. Бірақ қазіргі жағдайда барынша әркім өз отбасында ауыз ашқаны дұрыс. Айта кетейін, биыл да өткен жылдағыдай «Ауызашар қоржыны» атты қайырымдылық акциясын қолға алмақпыз. Себебі елдегі ахуалды одан әрі ушықтырып алмауымыз қажет. Алда бұдан басқа қандай да бір өзгерістер болса, қосымша хабарлаймыз», – деді Болатбек Абуов.
</blockquote>
Сондай-ақ, биыл пітір садақа мөлшері 2 келі ұнның ең төменгі бағасы көлемінде, жан басына 420 теңге болып белгіленді. Садақаны мешітке келіп немесе каспий банк жүктемесіндегі арнайы қайырымдылық бөлімі арқылы онлайн төлеуге болады. Бұдан бөлек, еліміздегі эпидемиалогиялық ахуалға байланысты рамазан айындағы барлық шараларда онлайн форматта өтетін болды.
<blockquote>
 «Бізге биыл рамазан айы қалай өтетіндігі туралы тұрғындар тарапынан сұрақтар жиі қойылды. Соған нақтырақ тоқталып өтейін. Биыл ҚМДБ-ның «Халық Арна» телеранасы мен инстаграм, ютуб парақшаларында «Берекелі Рамазан» рухани марафоны, ауызашар ақытында «30 күннің берекесі» атты рухани сұхбаттар, «Рамазанның кешінде» атты тікелей эфирлер өткізіледі. Сондай-ақ, республикалық Call-орталық тәулік бойы үздіксіз түрлі сұрақтарға жауап береді», – деді Болатбек Абуов.
</blockquote>
<img src="https://kyzylorda-news.kz/wp-content/uploads/2021/04/172534937_1267876640274512_4272908843687175870_n.jpg" alt="" />

Қазақстан және Қызылорда облысының жаңалықтары: Басты жаңалықтар old