<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қостанай қаласында қазақ күресінен 2001-2003 жылдары туылған жастар арасында өткен Қазақстан чемпионатында Қызылорда облысының құрама командасы 3 алтын, 3 күміс, 6 қола медальмен жалпы командалық есепте бірінші орынды жеңіп алды.
Атап айтсақ, Серікболсын Шарипов (55 келі), Назерке Әбілтаева (52 келі) мен Шынар Абатова (70 келі) чемпион атанды.
Айта кету керек, жоғарыда аталған Қазақстан жеңімпаздары “Қазақстан Республикасының спорт шебері” спорттық атағына қол жеткізді. Сондай-ақ, Абу-Дабиде өтетін Әлем чемпионатына жолдама алды.
Сонымен қатар, Ақтоты Зәріп (60 келі), Еңбек Сақтағанов (90 келі), Дамир Мұңайтпасов (100 келі) күміс медаль еншіледі.
Ал Мунира Рахымжанова (44 келі), Теміржан Руслан (55 келі), Анель Мұхан (56 келі), Гүлзат Уренбаева (65 келі), Аяулым Ажмаханова (+70 келі) және Айдын Жыланбасов (100 келі) қола жүлдені қанағат етті.
Қазақстан чемпионатына барлық өңірлерден 417 спортшы қатысты. 
Жалпы командалық есепте Қызылорда облысы үздік атанса, Ақтөбе облысы 2-орынды, Алматы қаласы 3-орынға ие болды.

Қазақстан чемпионатында Қызылорда облысының  командасы бірінші орынды жеңіп алды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;2021 жылдың 26 сәуірінен бастап «Бастау Бизнес» жобасы аясында кәсіпкерлік жүргізу негіздеріне арналған оқытудың тегін курстары басталатын болады.
Халықты жұмыспен қамту орталықтарында тіркелген-тіркелмегеніне қарамастан жұмыссыз адамдар, Қазақстан Республикасының Үкіметі айқындайтын жұмыспен қамтылған адамдардың жекелеген санаттары оқыту қатысушылары болып табылады, оның ішінде:
– ауылдық елді мекендерде, қалаларда, оның ішінде моно және кіші қалаларда тұратын адамдар;
– мүгедектер, егер медициналық қорытынды бойынша денсаулығы еңбек міндеттерін орындауға кедергі келтірмесе не олардың денсаулығына және (немесе) басқа адамдардың еңбек қауіпсіздігіне зиян келтірмесе;
– зейнеткерлік жасқа жетпеген елу жастан асқан адамдар;
– сондай-ақ NEET санатындағы жастар;
– табысы аз және/немесе көпбалалы отбасылардың мүшелері;
– ауыл шаруашылығы кооперативтері және олардың «Қазақстан Республикасында зейнетақымен қамсыздандыру туралы» Қазақстан Республикасы Заңының 11-бабының 1-тармағында белгіленген зейнеткерлік жасқа жетпеген мүшелері;
– қоныс аударушылар және оралмандар.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Оқу мерзімі 21 күннен аспайды. Оқыту қорытындысы бойынша бағдарлама қатысушыларына сертификат беріледі.
Жоба шеңберінде оқыту үшін қатысушылар халықты жұмыспен қамту орталықтарына жеке басын куәландыратын құжаттың көшірмесін қоса бере отырып, оқудан өту туралы өтінішпен жүгінуі тиіс. Халықты жұмыспен қамту орталықтары үміткердің мәртебесін жобаның нысаналы тобына сәйкестігі расталған жағдайда оқуға жолдама береді.
Өтініш беруші оқуға жолдамамен «Атамекен» ӨКП-не немесе оның аудандық және қалалық филиалдарына оқуға қабылдау үшін жүгінеді. Коронавирус ауруының қаупін азайту мақсатында оқыту «Atameken Academy» онлайн платформасы арқылы қашықтықтан жүзеге асырылады.
Толық ақпарат алу үшін Қызылорда облысының аудандары мен қалаларындағы кәсіпкерлерге қызмет көрсету орталықтарына хабарласу қажет:
Қызылорда қаласы – Қорқыт ата к-сі, №123, тел: 8/7242/400874
Арал ауданы – Арал қ., Бақтыбай батыр к-сі, №46 үй, тел: 8/72433/79199
Қазалы ауданы – Әйтеке би кенті –Пірімов к-сі, №138а үй,
тел: 8/72438/79243
Қармақшы ауданы – Жосалы кенті, Көшербаев к-сі, №36 үй, тел: 8/72437/79120
Жалағаш ауданы –&nbsp; Жалағаш кенті, Үркімбаев к-сі, №33А үй, тел: 8/72431/79199
Сырдария ауданы – Тереңөзек кенті, Қонаев к-сі, № 12 А үй, тел: 8/72436/79179
Шиелі ауданы –&nbsp; Шиелі кенті, Рысқұлов к-сі, №5 үй, тел: 8/72432/79255
Жаңақорған ауданы –&nbsp; Жаңақорған кенті, ул.Хорасан ата, №177б үй,&nbsp;тел: 8/72435/79120
Қармақшы ауданы – Байқоңыр қаласы, Абай даңғылы №16, тел: 8/33622/23527
Анықтама үшін телефон: 40-09-81, 40-02-02
Сall-Center – 1432

Қызылордада «Бастау Бизнес» жобасы аясында оқу басталады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Төтеншеліктер облысқа биыл көмір көмірқышқыл газын анықтайтын тағы 1000 датчик алуға ұсыныс білдірді. Егер бюджеттен қаржы бөлініп жатса, тұрғындар аталмыш құрылғының игілігін көретін болады.
<blockquote>
 «Біздің мақсатымыз – адам өмірі мен денсаулығы және қоршаған ортаны өрттен қорғау. Аймақта жылу беру маусымы басталғалы аз қамтылған, көпбалалы, тұрмыс жағдайы төмен отбасылар тұратын үйлерге көмір көмірқышқыл газын анықтайтын 1158 дана датчик орнатып шықтық. Бұл өңірдегі өрт пен газдан туындайтын апатты жағдайлардың алдын алуға көмектесін негізгі құрылғы дер едім. Себебі биылғы өрт салдарының 90 пайызы электр желілерінің қысқаша тұйықталуынан, тұрмыстағы пештің және газ қондырғыларының ақауынан болып отыр», – деді облыстық ТЖД бастығының орынбасары Бауыржан Ізбасаров.
</blockquote>
Бүгінде еріктілермен апта сайын «Өрт қауіпсіздігі сенбілігі» ұйымдастырылып, өрттің алдын алу мақсатында профилактикалық жұмыстар жүргізілуде.
Бұдан бөлек, облыс бойынша тұрғын үйлер мен халық көп баратын жерлерде өрт қауіпсіздігі талаптарын сақтау туралы үгіт-насихат жұмыстары жалғасуда. Айта кетейік, биыл жыл басынан бері облыста 99 өрт оқиғасы орын алды. Онда 9 адам қаза болып, 9 адам жарақаттанды.

Бауыржан Ізбасаров: Көмірқышқыл газын анықтайтын тағы 1000 датчик алынады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үкімет мәжіліс депутаттарының бала күтіміне байланысты жәрдемақыны көтеруге қатысты сауалына жауап берді. Бұдан бөлек, Қазақстан халық партиясының фракциясы ақылы декреттік демалысты екі жылға дейін арттыруды ұсынған, деп хабарлайды&nbsp;<a href="https://sputnik.kz/">Sputnik Қазақстан</a>.
Премьер-министрдің орынбасары Ералы Тоғжановтың жауабында соңғы он жылда мемлекеттік жәрдемақы алатын отбасылардың жарты миллион адамға артқаны туралы айтылған. Осыған байланысты бюджеттен бөлінетін қаржының көлемі де өсіп отыр. Мәселен, 2011 жылы 160,9 млрд. теңге берілсе, 2020 жылда жәрдемақының жалпы сомасы 635,3 млрд. теңгеге дейін өскен.
Сонымен қатар, үкіметте бала күтіміне байланысты жәрдемақының мөлшерін арттыру және оны төлеу мерзімін екі жылға дейін ұзарту мәселесі талай рет зерделеніп, талдау жұмыстары жүргізілген.
<blockquote>
 “Осы мақсатта қосымша 530,2 млрд. теңге (мемлекеттік бюджеттен 242,6 млрд. теңге, мемлекеттік әлеуметтік сақтандыру қорынан 287,6 млрд. теңге) қажет болады деген шешімге келдік. Ондай сценариймен 2024 жылда мемлекеттік әлеуметтік сақтандыру қорының қаржылық тұрақтылығы бұзылады”, – дейді Тоғжанов.
</blockquote>
Осы орайда премьер-министрдің орынбасары әлемдік тәжірибені де атап өтті. Оған сәйкес, Италияда бала күтіміне арналған жәрдемақы 6 ай төленеді және табыстың 30 процентін құрайды. Ұлыбританияда – 9 ай, Германияда – 1 жыл, ал Ресейде 1,5 жыл төленеді. АҚШ пен Үндістанда ондай жәрдемақылар қарастырылмаған.
<h3 id="">Мемлекет үшін кім қымбат – депутаттар нені талап етті</h3>
Наурыздың басында Қазақстан халық партиясының депутаттары үкіметке сауал жолдап, бала күтімі бойынша берілетін жәрдемақыны көбейтуді талап еткен. Осы орайда депутат Айжан Ысқақова бала күтіміне арналған жәрдемақы мен түрмедегі бір қылмыскерге кететін шығынды салыстырды.
Заң бойынша жұмыс істемейтін әйелдерге бірінші баласы үшін ай сайын 16 801 теңге, екінші баласы үшін 25 962 теңге төленеді. Ал бір сотталған адамды түрмеде ұстауға бюджеттен ай сайын, шамамен, 88,5 мың теңге бөлініп тұрады.
<blockquote>
 “Сонда бес есеге артық болып тұр. Түзеу мекемесінде отырған қылмыскерді күзетпен, тамақпен, киім-кешек және дәрі-дәрмекпен де қамтамасыз етеді.&nbsp; Мемлекет үшін кім қымбат? Дәрігер, мұғалім мен ғалым болатын бала ма? Әлде, түрмеде отырған ұры, жәбірлеуші немесе пара алған шенеунік пе?”, – деді Ысқақова.
</blockquote>
Бүгінде бала күтімі бойынша тағайындалатын төлемдер бір жасқа дейін төленеді. Ал жүктілік пен бала тууға қатысты әлеуметтік төлемдер тек жұмыс істейтін әйелдерге ғана беріледі.
Осыған байланысты фракция депутаттары бала күтіміне байланысты жәрдемақыны ең төменгі күнкөріс деңгейіне (34 302 теңге – Sputnik) дейін көтеруді ұсынды. Сондай-ақ халық қалаулылары ақылы декреттік демалысты екі жылға дейін арттыру қажет деп санайды.

Балаға төленетін жәрдемақы көтеріле ме – Үкімет жауап берді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысында коронавирус инфекциясын жұқтырушылардың саны азаймай отыр. Салдарынан «сары аймаққа» енді. Сәуір айының алғашқы жеті күнінде 201 жағдай тіркелді. Көрсеткіш төмендемесе карантин талаптары күшейтіледі.
«Бізді 1 жасқа дейінгі сәбилер мен мектеп жасындағы балалардың ауру жұқтыруы алаңдатуда. Аудандарда да жағдай күрделеніп барады. Бұл сақтық шарасына салғырттық танытып жүргендіктің салдары. Осылай жалғаса берсе карантин талаптарын күшейтуге мәжбүр боламыз», – деді облыстық санитариялық-эпидемиологиялық бақылау департамент басшысының орынбасары Әлия Әбдіқайымова.
Бүгінде мониторингтік топтар карантин талаптарының сақталуын қадағалау мақсатында күн сайын тексеріс жүргізуде. Аталмыш жұмыстар аясында мыңнан аса нысан мен үйлер араланып, карантин талаптарын бұзғандарға әкімшілік шара қолданылуда.
Айта кетейік, өткен тәулікте аймақта 43 адам коронавирус инфекциясын жұқтырды.

Қызылорда: Карантин талаптары күшейтілуі мүмкін

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте 2440 адамда коронавирус індеті ПТР арқылы расталды. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 446, 
Алматы қаласы – 717, 
Шымкент қаласы – 72, 
Ақмола облысы – 101, 
Ақтөбе облысы – 116, 
Алматы облысы – 254, 
Атырау облысы – 149, 
Шығыс Қазақстан облысы – 49, 
Жамбыл облысы – 38, 
Батыс Қазақстан облысы – 110, 
Қарағанды облысы – 169, 
Қостанай облысы – 33, 
Қызылорда облысы – 43, 
Маңғыстау облысы – 33, 
Павлодар облысы – 38, 
Солтүстік Қазақстан облысы – 49, 
Түркістан облысы – 23.
Жалпы ел бойынша ауырғандар саны 263943.

Қызылордада бір тәулікте 43 адам коронавирус жұқтырған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Бүгін Қызылорда қаласының әкімі болып Қазантаев Ғанибек Қонысбекұлы тағайындалды.
Бүгін облыс әкімі Гүлшара Әбдіқалықова Қызылорда қаласы әкімдігінде өткен актив жиынында жаңа қала әкімін таныстырды. Қазақстан Республикасы Президенті Әкімшілігі мен Қызылорда қалалық мәслихатының келісімдері бойынша облыс әкімінің 2021 жылдың 8 сәуірдегі өкімімен Қызылорда қаласының әкімі лауазымына Қазантаев Ғанибек Қонысбекұлы тағайындалды.
Ғанибек Қазантаев 1960 жылы Қызылорда облысында туған. Жамбыл гидромелиоративтік-құрылыс институтын «инженер-құрылысшы» және Қорқыт ата атындағы Қызылорда мемлекеттік университетін «мұнай және газ кеніштерін игеру» мамандықтары бойынша бітірген.
Еңбек жолын 1980 жылы Жалағаш аудандық 9-шы жылжымалы механизацияланған колоннаның мастері ретінде бастаған. 1983-1992 жылдары Қызылорда облысындағы құрылыс ұйымдарында мастер, аға жұмыс өндіруші, өндіріс-техникалық бөлімінің бастығы, 3-ші ауданаралық мамандандырылған жылжымалы механизацияланған колоннаның бас инженері.
1992-2013 жылдары «Нефтегазстрой Кызылорда» корпорациясының президенті, «Ай-Дан» жауапкершілігі шектеулі серіктестігі бас директорының орынбасары, «ССК «Ақмешіт» акционерлік қоғамының президенті, «Ай-Дан Мұнай» жауапкершілігі шектеулі серіктестігінің атқарушы директоры, «Сырдариямұнай» акционерлік қоғамының бас директоры, «Транснефтьсервис» БК» жауапкершілігі шектеулі серіктестігінің бас директоры, «Kazpetrol Group» жауапкершілігі шектеулі серіктестігінің атқарушы директоры.
2013-2019 жылдары Сырдария ауданының әкімі қызметін атқарған.
2019 жылғы қыркүйек айынан бастап ҚР Энергетика министрлігінің Мұнай-газ кешеніндегі мемлекеттік инспекциясының оңтүстік өңіраралық басқармасының басшысы қызметін атқарып келді.
Облыс әкімі Гүлшара Әбдіқалықова жаңа басшының қызметіне сәттілік тіледі.
<img src="https://kyzylorda-news.kz/wp-content/uploads/2021/04/170687420_3265631236873256_5393487344523959747_n.jpg" alt="" />
<img src="https://kyzylorda-news.kz/wp-content/uploads/2021/04/170477889_3265657650203948_1024045528193236775_n.jpg" alt="" />

Қызылорда қаласының әкімі тағайындалды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте 2080 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp;сайтына сілтеме жасап хабарлайды.
Аймақтар бойынша:
Нұр-Сұлтан қаласы – 372, 
Алматы қаласы – 620, 
Шымкент қаласы – 72, 
Ақмола облысы – 73, 
Ақтөбе облысы – 121, 
Алматы облысы – 280, 
Атырау облысы – 102, 
Шығыс Қазақстан облысы – 39, 
Жамбыл облысы – 31, 
Батыс Қазақстан облысы – 98, 
Қарағанды облысы – 144, 
Қостанай облысы – 34, 
Қызылорда облысы – 25, 
Маңғыстау облысы – 11, 
Павлодар облысы – 25, 
Солтүстік Қазақстан облысы – 20, 
Түркістан облысы – 13.
Жалпы ел бойынша ауырғандар саны 258917.

Қызылорда: Өткен тәулікте 25 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Вирус жұқтырудың қарқыны артып келеді. Өткен тәуліктің өзінде Қызылорда облысында 39 жағдай тіркелді. Басым бөлігі COVID-19 инфекциясын жұқтырғандармен жақын қарым-қатынаста болғандар арасынан анықталған. Яғни, ұжымдарда вирус жұқтыру дерегі көбейген.
Облыстың Бас мемлекеттік санитариялық дәрігері Динара Жаңабергенова жұмыс орындарындағы санитариялық-эпидемиологиялық, дезинфекциялық талаптардың орындалуына жіті мән беруді сұрап, үндеу жариялады.
<blockquote>
 «Соңғы тәулікте Қазалы ауданындағы «Өрімтал» балабақшасында 9 дерек тіркелді. Қазіргі таңда ауру ошағында эпидемияға қарсы барлық іс-шаралар жүргізілді, қарым-қатынаста болғандар анықталып, медициналық бақылауға алынды. Эпидемиологиялық зерттеу жұмыстары жалғасуда, қажет болған жағдайда балабақша толығымен карантинге жабылуы мүмкін. Дегенмен де бүгінгі күні ата-аналар тарапынан балаларды балабақшаға жіберу тоқтатылған. Коронавирустық инфекция «Сибу-Қызылорда» мекемесінің вахталық жұмысшылары арасында да тіркелді. COVID-19 жұқтырған 1 адаммен байланыста болған 34 жұмысшы оқшауланып, ПТР анализдері алынды. Нәтижесінде 10 адамнан вирус анықталды. Қазіргі таңда ауру ошағы болған вахталық қалашық карантинге жабылды. Қарым-қатынаста болғандардың барлығы медициналық бақылауға алынды», – деді Динара Жаңабергенова.
</blockquote>
Бүгінгі күні облыс бойынша коронавирустық инфекция жұқтырғандар саны 4198-ге жетті. Оның 3 % сырттан тасымалданған болса, 56 % скринингтік тексеру нәтижесінде анықталған, 41 % қарым-қатынас арқылы жұқтырған жағдайлар. Карантин талаптары кезең-кезеңімен жеңілдетілгенімен бірқатар шектеулер әлі де сақталуда. Бірақ той жасау, салтанатты шаралар өткізу тыйылмай тұр. Арнайы мониторингтік топ жыл басынан бері 28 отбасылық той-жиындар өткізген деректі анықтады. Еске салайық, қазір тек шектеулі адамдар санымен тек ас беруге рұқсат етілген.
<blockquote>
 «Әрбір тұрғынның вирустың таралуын тоқтатуға мүмкіндігі бар. Ол бетперде киюге, жеке гигиена ережелерін, қоғамдық орындарда арақашықтық сақтауға, дене қызуы көтеріліп, жөтел және тыныс алу қиындаған жағдайда медициналық көмекке жүгінуге шақырамын. Адамдар көп шоғырланатын орындарға баруды, шектен тыс қонақ шақырып, отбасылық мерекелерді тойлауды кейінге қалдыруды сұраймын. Әрбір тұрғын мамандар кеңесіне құлақ асып, карантин талаптарын орындаса инфекцияның да таралуын таратпауға мүмкіндік болады. Жауапкершілік ортақ – қауіпсіздік те ортақ», – деді Динара Жаңабергенова.
</blockquote>

Қызылорда облысының бас мемлекеттік санитариялық дәрігері үндеу жариялады

<a href="https://kyzylorda-news.kz/">Kyzylorda-news.kz.</a> Қызылордалық азық-түлік дүкені республикалық байқауда үшінші орынға ие болды. Бұл туралы Қызылорда облысы кәсіпкерлер палатасының сарапшысы Гүлдана Таңатова айтты.
ҚР Сауда және интеграция министрлігі, «Атамекен» ҰКП-ның қолдауымен Қазақстанның сауда кәсіпорындары Қауымдастығы ұйымдастырған республикалық «Адал ниетпен – 2021» байқауында оңтүстік өңірлердің арасында Қызылорда қаласындағы кәсіпкер Нұршат Асқарқызының «Billion Market» дүкені жүлделі ІІІ орынмен марапатталды.
Байқаудың мақсаты – темекі өнімдерін сататын сауда кәсіпорындары немесе тұрмыстық дүкен иелерінің, сатушылардың жауапкершілігін арттыру, 21 жасқа толмаған жастар мен жасөспірімдерге сатуға болмайтындығын насихаттау, адал кәсіпкерлердің тәжірибесін өзге де өңірлердегі әріптестеріне тарату және т.б.
Оңтүстік өңірлер арасында байқауға қатысқан 22 сауда орындары арасында екі қызылордалық дүкен бар. Олардың бірі – «Billion Market» дүкені жүлдегер атанса, екіншісі «Көктем» дүкені алғыс хатпен марапатталды.
Ұйымдастырушылар қызылордалық кәсіпкерлерді байқауға қатысуда сүйемелдеу жасап, әдістемелік көмек көрсеткен Қызылорда облысы кәсіпкерлер палатасының сарапшысы Гүлдана Таңатова да алғысын білдіріп, Құрмет грамотасымен марапаттады.

Қызылордалық дүкен республикалық байқауда жүлдеге ие болды

<a href="https://kyzylorda-news.kz/">Kyzylorda-news.kz.</a>&nbsp; Қазақстанда өткен тәулікте 1809 адамда коронавирус індеті ПТР арқылы анықталды. Бұл туралы &nbsp;<a href="http://www.coronavirus2020.kz/">www.coronavirus2020.kz</a>.
Аймақтар бойынша:
Нұр-Сұлтан қаласы – 242, 
Алматы қаласы – 585, 
Шымкент қаласы – 30, 
Ақмола облысы – 60, 
Ақтөбе облысы – 153, 
Алматы облысы – 278, 
Атырау облысы – 64, 
Шығыс Қазақстан облысы – 23, 
Жамбыл облысы – 28, 
Батыс Қазақстан облысы – 101, 
Қарағанды облысы – 90, 
Қостанай облысы – 34, 
Қызылорда облысы – 39, 
Маңғыстау облысы – 11, 
Павлодар облысы – 31, 
Солтүстік Қазақстан облысы – 24, 
Түркістан облысы – 16.
Жалпы ел бойынша ауырғандар саны 256837.

COVID-19: Қызылордада бір тәулікте 39 адам жұқтырды

<a href="https://kyzylorda-news.kz/">Kyzylorda-news.kz.</a> Қызылорда облысында ақпан айынан бері 7119 адам коронавирусқа қарсы екпе салдырды. Өңірге сәуір айында тағы 12 мың доза вакцина келді. Жалпы шілде айына дейін 80 мың доза әкелінеді деп күтілуде. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
Облыста коронавирус инфекциясына қарсы екпе 1 ақпан – 4 сәуір аралығында І компонентте 7119 адамға салынса, ІІ компонентте 2623 адамға егілді. Вакцина салдырған адамдардың 3377-і медицина қызметкері, 1610-ы мұғалім, 1290-ы полиция қызметкері, 255-і әлеуметтік, 270-і мемлекеттік қызметкер және 285-і басқа да сала өкілдері.
<blockquote>
 «Вакцинациялау жұмыстары №1, 3, 4, 5, 6 қалалық емханада, барлық аудандарда және Байқоңыр қаласында жүргізілуде. Вакциналау жұмыстарына алғашқы медициналық-санитарлық көмек мекемелерінде 14 егу кабинеті дайындалған. Барлық екпе талапқа сай, температуралық режимді қадағалайтын арнайы машинамен халық санына байланысты екпе егу орындарына жеткізілуде. Әлемді жайлаған індеттің таралу қаупін тек екпе салдыру арқылы ғана төмендете аламыз! Сол себепті барша халықты коронавирустан қорғану үшін екпе салдыруға шақырамын», – деді Сәбит Пазилов.
</blockquote>
Айта кетейік, екпе салатын медицина қызметкерлері жеткілікті. Емханаларда кезекті болдырмау жолдары да қарастырылуда. Мәселен, екпені ерікті түрде салуға ұсыныс берген мекемелерге дәрігерлер барып, вакцина салып беруде.

Қазақстан және Қызылорда облысының жаңалықтары: Басты жаңалықтар old

Қазақстан чемпионатында Қызылорда облысының командасы бірінші орынды жеңіп алды