<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте ПТР арқылы 2719 адамнан коронавирус анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 436,
Алматы қаласы – 665,
Шымкент қаласы – 114,
Ақмола облысы – 98,
Ақтөбе облысы – 206,
Алматы облысы – 251,
Атырау облысы – 110,
Шығыс Қазақстан облысы – 85,
Жамбыл облысы – 46,
Батыс Қазақстан облысы – 205,
Қарағанды облысы – 220,
Қостанай облысы – 30,
Қызылорда облысы – 35,
Маңғыстау облысы – 80,
Павлодар облысы – 50,
Солтүстік Қазақстан облысы – 35,
Түркістан облысы – 53.
Жалпы ел бойынша ауырғандар саны 289720.

Қызылордада 35 адамнан коронавирус анықталды

Kyzylorda-news.kz. Қазақ театры мен кино өнерінің мақтанышына айналған Ғазиза Әбдінәбиева дүниеден өтті.
Бұл туралы Instagram парақшасында Асхат Маемиров жазды.
Ғазиза Әбдінәбиева Қазақстанның еңбек сіңірген артисі, «Парасат», «Құрмет» ордендерінің иегері, қазақ театры мен кино өнерінің майталманы.
1948 жылы Қызылорда облысы, Сырдария ауданы Тартоғай ауылында туған.

Актриса Ғазиза Әбдінәбиева дүниеден өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қарағанды облысындағы Балқаш қаласындағы авиациялық оқу орталығында Су-30 см көпфункционалды жойғыш ұшақ апатқа ұшырады, деп хабарлайды&nbsp;<a href="https://stan.kz/">Stan.kz</a>.
16 сәуірде сағат 20:45 шамасында Балқаш қаласының Авиациялық оқу орталығына қону,&nbsp; оқу-жаттығу жүргізу кезінде Су-30 см көпфункционалды жойғыш апатқа ұшырағанын&nbsp;Қорғаныс министрлігінің баспасөз қызметі&nbsp;хабарлады.
“Ұшақ экипажы апатқа ұшырады. Ұшқыштар аман, медицина қызметкерлерінің бақылауында. Қазіргі уақытта болған оқиғаның себептерін анықтау үшін арнайы тергеу комиссиясы ұшақ құлаған жерге жіберілді”, – деді департамент.
Белгілі болғандай, ұшқыштардың денсаулық жағдайы тұрақты деп бағаланады.
Айта кетейік, 2020 жылғы 16 сәуірде Қарағанды қаласының маңында жауынгерлік кезекшілік атқаруға дайындық бойынша жоспарлы ұшуды орындау барысында Қазақстанның Әскери-әуе күштерінің МиГ-31 ұшағы апатқа ұшыраған еді.

Ұшақ экипажы апатқа ұшырады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстан мұсылмандары діни басқармасының төрағасы, бас мүфти Наурызбай қажы Тағанұлы Қадір түнінде&nbsp;мешіттердің қалай жұмыс істейтінін айтты.
<blockquote>
 “Қазір жамағатпен намаз мешітте оқылмайды. Алайда, Қадір түніне дейін қаламыз “жасыл аймаққа” ауысса, жамағатпен бірге намазды оқуға мүмкіндік аламыз”, – деп түсіндірді Наурызбай қажы Тағанұлы.
</blockquote>
Сонымен қатар “сары аймақта” орналасқан мешіттерде бес рет намаз оқуға рұқсат етілген, бірақ жұма намазын оқуға болмайды. Тарауих дұғалары қысқа оқылады. Ал “жасыл аймақта” бес рет намаз, жұма намазы, тарауих намазын оқуға рұқсат етілген.

Қадір түнінде мешіттер қалай жұмыс істейді?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте ПТР арқылы 2822 адамнан коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-16-sauir-23-59-dagy-epidemiologiyalyk-zhagday_a3777476">coronavirus2020.kz</a>.
Аймақтар бойынша:
Нұр-Сұлтан қаласы – 653, 
Алматы қаласы – 680, 
Шымкент қаласы – 121, 
Ақмола облысы – 89, 
Ақтөбе облысы – 161, 
Алматы облысы – 248, 
Атырау облысы – 119, 
Шығыс Қазақстан облысы – 98, 
Жамбыл облысы – 41, 
Батыс Қазақстан облысы – 114, 
Қарағанды облысы – 205, 
Қостанай облысы – 29, 
Қызылорда облысы – 75, 
Маңғыстау облысы – 76, 
Павлодар облысы – 35, 
Солтүстік Қазақстан облысы – 43, 
Түркістан облысы – 35.
Жалпы ел бойынша ауырғандар саны 284173.

Қызылордада тағы 75 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазақтың танымал ақыны, жазушы Есенғали Раушанов өмірден өтті. Бұл туралы ақын, Қазақстан Жазушылар одағы басқарма төрағасының бірінші орынбасары Ақберен Елгезек “Facebook” парақшасында жазды.
<blockquote>
 «Қадірлі ағайын! Қазақтың аса көрнекті ақыны, Қазақстан Республикасы Мемлекеттік сыйлығының лауреаты Есенғали Раушановтан айырылып қалдық. Алла алдынан жарылқасын. Асыл рухы бейіштің төрінде шалқысын», – деп жазды ол.
</blockquote>
Есенғали Әбдіжаппарұлы Раушанов 1957 жылы 5 қазанда Қарақалпақстанда дүниеге келген. Белгілі ақын, ҚР Мемлекеттік сыйлығының лауреаты, «Парасат» және «Құрмет» ордендерінің иегері.
1983–1987 жылдары «Жалын» және «Арай» журналдарында поэзия бөлімінің меңгерушісі, жауапты хатшы, 1988–1995 жылдары «Білім және еңбек» («Зерде») журналының бас редакторы қызметін атқарды. «Жазушы» баспасының директоры болды.
Жазушының «Бастау» (1980), «Келінтөбе» (1984), «Шолпан жұлдыз туғанша» (1986), «Ғайша бибі» (1992), «Қара бауыр қасқалдақ» (1995), «Періштелер мен құстар» (2005), «Бозаңға біткен бозжусан» (2006), «Құстар біздің досымыз» (2007) секілді бірқатар жыр жинақтары жарық көрген.

Ақын, жазушы Есенғали Раушанов дүниеден өтті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2656 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 601
Алматы қаласы – 673
Шымкент қаласы – 119
Ақмола облысы – 90
Ақтөбе облысы – 120
Алматы облысы – 232
Атырау облысы – 117
Шығыс Қазақстан облысы – 106
Жамбыл облысы – 40
Батыс Қазақстан облысы – 112
Қарағанды облысы – 201
Қостанай облысы – 28
Қызылорда облысы – 75
Маңғыстау облысы – 35
Павлодар облысы – 43
Солтүстік Қазақстан облысы – 42
Түркістан облысы – 22
Жалпы ел бойынша ауырғандар саны 281351.

Қызылордада өткен тәулікте 75 адамнан коронавирус анықталды

Kyzylorda-news.kz. Бүгін облыс әкімі Гүлшара Әбдіқалықова Арал ауданына барып, ондағы бірқатар нысандарды аралады. Аймақ басшысы алдымен Арал қаласындағы темір жол үстінен салынатын аспалы көпірдің орына барды.
<blockquote>
 “Қазіргі таңда аудан бюджетінен бөлінген 9,8 млн. теңгеге көпірдің техникалық – экономикалық негіздемесі әзірленіп, мемлекеттік сараптамадан өткізілген. Ұзындығы 83 метр болатын аспалы өткелдің жоба-сметалық құжаттамасын дайындауға 33 млн. теңге қаржы қажет”, дейді аудан әкімі.
</blockquote>
Бүгінде қаладағы көлік қатынасы бір ғана темір жол өткелі (переезд) арқылы жүргізілуде. Поезд жүрген уақытта өткел жабылып, 2-2,5 шақырымға дейін кептеліс орын алады. Әсіресе, жедел жәрдем, өрт сөндіру, құқық қорғау органдары сияқты кезек күттірмейтін қызметтермен қоса, тұрғындарға үлкен кедергі келтіруде. Өткел құрылысы салынған жағдайда осы аталған мәселелер шешімін таппақ.
Облыс әкімі Гүлшара Әбдіқалықованың Арал ауданындағы сапары «Барсакелмес» мемлекеттік табиғи қорығының әкімшілік ғимаратында жалғасты. Табиғи қорық Қазақ ССР Халық Комиссарлар Кеңесінің № 973 шешімі бойынша 1939 жылы құрылған. Өткен 2020 жылдың тамыз айында Үкіметтің қаулысымен Сырдария өзенінің Арал теңізіне құяр сағасынан 2300 гектар жер қорық меншігіне беріліп, бүгінде жалпы аумағы 163 126 гектарды құрады. Қорықта қазір 57 адам қызмет атқарады.
Мұндағы өзекті өсімдіктер флорасына жататын өсімдіктің 325 түрі бар. Қорықта жылдың әр-түрлі мезгілінде 250 түр құстар кездеседі, оның ішінде 33 түрі Қызыл кітапқа енгізілген. Сондай-ақ, Кіші Аралда кездесетін 22 балық түрінің барлығы осында бар. Олардың 18-і кәсіптік, 4-і Қызыл кітапқа енгізілген.
Аймақ басшысы «А.Байтұрсынов» ауылдық емханасының жұмысымен де танысты. Алғашқы медициналық-санитарлық көмек көрсететін емдеу мекемесінің 140 маманы 15 360 тұрғынға қызмет етеді. Мұнда КВИ көрсеткіші күрт көбейген жағдайға қосымша жабдықталған 100 төсектік орын дайындалған. Емхананың 3 қабатында 2 егу бөлмесі, 2 егуге дейінгі зал, 2 егуден кейінгі зал және 2 дәрігер бөлмесі орналасқан.
Облыс әкімі Гүлшара Әбдіқалықова емхана дәрігерлеріне Covid-19 індетімен күресті барынша белсенді жүргізуді және тұрғындар арасында екпе жайындағы түсіндірме жұмыстарын жандандыруды тапсырды.
Өңір басшысы Арал ауданындағы индустриялық аймақты да аралады. Ондағы «QAZAQ CAMEL» ЖШС-нің «Түйе сүтінен құрғақ ұнтақ дайындау» зауытына барып, құрылысымен танысты. Аталған нысан – түйе сүтін өңдейтін еліміздегі алғашқы зауыт. Жоба құны 1,5 млрд. теңгені құрайды. Цехтың құрылысы толығымен аяқталған. Қазіргі таңда, құрылғыларды орнату жұмыстарын жүргізетін мамандардың келуі күтілуде. Зауыт ағымдағы жылдың қыркүйек айында толық іске қосылады деп жоспарланған. Жоба іске асқанда 23 адам жұмысқа қамтылады.
Мұнан соң сапар Арал қаласындағы жаңадан салынып жатқан № 71 мектеп-интернатының құрылыс орнында жалғасты. Бас мердігер «SCS Инжиниринг» ЖШС құрылыс жұмыстарын сәуір айында бастады. Құрылыстың мерзімі 12 айға белгіленген. Аймақ басшысы мердігер мекемеге мектеп-интернет құрылысын уақытында әрі сапалы аяқтауды тапсырды.
Арал қаласында өткен жылы салынған 1 қабатты 4 пәтерлі 10 тұрғын үй аймақ басшысының назарынан тыс қалған жоқ. Мердігер мекемелер «Арал-су-құрлысы» ЖШС мен «Наурыз құрылыс» ЖШС үйлердің құрылысын өткен жылдың мамыр айында бастап, сол жылдың қыркүйек айында толық аяқтаған.
Облыс әкімі «Қазақстан Аквакультура ЛТД» ЖШС-нің «Балықты тереңнен өңдеу және пластик қайық дайындау» цехының жұмысымен де танысты. Цех іске қосылғанда жылына 4 мың тонна балық өнімдерін дайындай алады. Дайындалған өнімді ішкі нарық пен ТМД елдеріне нарыққа жөнелтпек. Өнеркәсіп 50 адам тұрақты жұмыспен қамтитын болады.
Аймақ басшысы осы сапарында Сексеуіл кентіне де барды. Кентте осы жылдың ақпан айында құрылыс жұмыстары аяқталған 300 орындық мектептің жұмысымен көрді. Мердігер мекеме мектеп құрылысын 2020 жылдың мамыр айында бастап, уақытында аяқтады. 
Одан әрі Гүлшара Әбдіқалықова «Қазақстан темір жолы ҰК» АҚ-ның теміржолшыларға арнап салып жатқан 38 екі пәтерлі тұрғын үйлерге барды. Бас мердігер «Базис СК» ЖШС тұрғын үйлердің құрылысын 2014 жылы бастаған. Қазіргі уақытта 8 үй пайдалануға берілсе, қалған 30 үйдің құрылысы аяқсыз қалған. Өңір басшысы аталған мәселенің шешу жолдарын талқылады.
Облыс әкімі бастаған делегация Жақсықылыш кентіндегі «АралТұз» АҚ-на барды. Қазір мұнда Ас тұзы және техникалық тұз өндіру жобасы іске асырылуда. Индустрияландыру бағдарламасы аясында компания ас тұзы және техникалық тұз өндіретін екі испан цехын іске қосты. Зауытты қайта құру еңбек өнімділігін екі есе арттыруға және 1200-ден астам адамды жұмыс орындарымен қамтамасыз етуге мүмкіндік берді. Өндіру және өткізу көлемі үш еседен асты, ал экспорттық өнімнің үлесі 75%-ға жетті. 2020 жылы құны 8,8 млрд.теңгені құрайтын 480,2 мың тоннаның өнімі өндірілді. 2020 жылы құны 6,7 млрд.теңгені құрайтын 317,5 мың тонна өнім экспортталды. Бүгінде үшінші Испан цехының құрылысы жүруде. Ол жылына 120 мың тонна тұз өндіруге қабілетті.
Сондай-ақ аймақ басшысы зауыттың перспективалық жоспарларымен де танысты. Облыстық индустриалдық-инновациялық даму басқармасының басшысына жобаның іске асырылуына барынша қолдау көрсетуді тапсырды. Инвесторға барынша қолайлы жағдай жасап, зауыттың дер кезінде іске қосылуына атсалысу қажет екендігін жеткізді.
Аймақ басшысы Гүлшара Әбдіқалықованың Арал ауданындағы жұмыс сапары Сапақ елді мекені мен Аралқұм ауылдық округінде қорытындыланды. Облыс әкімі бұл ауылдарда ауыл ардагерлерімен және тұрғындармен кездесіп, ауылдық округтердің әлеуметтік-экономикалық көрсеткіштерімен танысты. Сондай-ақ тұрғындарға пандемия жағдайында сақтану шаралары туралы айтып, екпе жұмыстарының індетті жеңуде үлкен көмек боларын сөз етті.
<img src="https://kyzylorda-news.kz/wp-content/uploads/2021/04/fb_img_1618500565747.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500560831.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500576683.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500553853.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500549668.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500537160.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618500510802.jpg" alt="" />

Гүлшара Әбдіқалықова Арал ауданына жұмыс сапарымен барды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2641 адамның коронавирус жұқтырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 650,
Алматы қаласы – 657,
Шымкент қаласы – 111,
Ақмола облысы – 85,
Ақтөбе облысы – 109,
Алматы облысы – 220,
Атырау облысы – 113,
Шығыс Қазақстан облысы – 95,
Жамбыл облысы – 38,
Батыс Қазақстан облысы – 117,
Қарағанды облысы – 202,
Қостанай облысы – 28,
Қызылорда облысы – 65,
Маңғыстау облысы – 52,
Павлодар облысы – 45,
Солтүстік Қазақстан облысы – 26,
Түркістан облысы – 28.
Жалпы ел бойынша ауырғандар саны 278695.

Қызылордада өткен тәулікте 65 адамнан коронавирус анықталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін облыс әкімі Гүлшара Әбдіқалықованың төрағалығымен төтенше жағдайлардың алдын алу және оларды жою жөніндегі облыстық комиссияның отырысы өткізілді. Жиынға комиссия мүшелері, облыстық департамент, басқарма, кәсіпорын басшылары және селекторлық байланыс арқылы қала, аудан әкімдері қатысты.
Комиссияда екі бірдей мәселе қаралды. Алғашқысы – «Облыс аумағындағы қауіпті өндірістік объектілерде және ауылшаруашылығы саласында аммиак селитрасын қауіпсіз қолдану мәселесі. Өнеркәсіптік қауіпсіздік комитетінің Қызылорда облысы бойынша департаменті басшысы Жанмұрат Балғабаев тақырып аясында баяндама жасап, аммиак селитрасының айналымын бақылау, оның қауіпсіздігін сақтау өте өзекті екенін алға тартты.
Сондай-ақ, аммиак селитрасын пайдалану және сақтаудың қауіптілігінен әлем елдерінің бірқатары зиян тартып отырғанын атап өтті. Мәселен, 2020 жылғы 4 тамызда Бейрут қаласы портты аймағында 2 750 тонна аммиак селитрасы жарылған.
Бүгінгі күні «ҚазАзот» АҚ аммиак және аммиак селитрасын жалғыз өндіруші компания болып табылады. Оның жылдық өндіріс көлемі шамамен 350 мың тоннаны құрайды. 2018 жылдан бастап «ҚазАзот» АҚ өндірісті әртараптандыру мақсатында күрделі минералды тыңайтқыштар цехын жаңғыртуды жүзеге асыруда. Дайын өнім шығару қуатын арттыруға бағытталған жоба жылына 400 мың тонна минералды тыңайтқыштарды өндіруді жоспарлап отыр.
Жиында департамент басшысы кәсіпорындарда аммиак селитрасын қауіпсіз пайдалану бағытына жүргізілген тексеріс нәтижелеріне тоқталды. Аммиак селитрасы сақталатын қоймалардағы тиісті журналдардың болмауы, қойманың тазартылмауы, қоймада басқа заттардың сақталуы сынды мәселелерде 3 жеке тұлғаға барлығы 37875 теңге, 2 заңды тұлғаға барлығы 277800 теңге айыппұл салынған. Бүгінде айыппұлдар толығымен өндірілген.
Аймақ басшысы Гүлшара Әбдіқалықова облыс аумағында аммиак селитрасын пайдаланатын қауіпті өндіріс орындары мен тыңайтқыш ретінде қолданатын ауылшаруашылығы ұйымдары бар екенін жеткізіп, жауапты сала басшыларына есептелік арнап, мониторинг жүргізу қажет екенін тілге тиек етті. Сондай-ақ, аппарат басшысы Ерлан Райғаниевке жергілікті атқарушы органдардың әкімшілік құқық бұзушылық құзыреттілігіне қатысты химиялық өнім қауіпсіздігіне байланысты қолданыстағы заңнамалықтарды зерттеп, нәтижесі бойынша ұсыныс беруді тапсырды.
Мұнан бөлек, төтенше жағдайлар департаментіне облыс аумағындағы аммиак селитрасын сақтау қоймаларында өрт қауіпсіздігі талаптарының сақталуын қамтамасыз етуді жүктеді. Ал, көліктік бақылау инспекциясы мен полиция департаментіне инфрақұрылымдарға залал келтірмеу мақсатында республикалық және облыстық маңыздағы автожолдар бойында аммиак селитрасын қауіпсіз тасымалдау бойынша бақылау-қадағалау жұмыстарын күшейтуді міндеттеді. Өнеркәсіптік қауіпсіздік департаментіне барлық бағыттағы жұмыстарды үйлестіруді тапсырды.
Отырыста қаралған екінші мәселе – «Өңірдегі барлық жер қойнауын пайдаланушы объектілерінің өртке қарсы жай-күйі. Өңірдегі ахуалды сараптаған облыстық төтенше жағдайлар департаментінің бастығы Руслан Қайрақбаев атқарылған жұмыстарды тізбектеді.
Өткен жылы өрт қауіпсіздігі талаптарының сақталуы бойынша 74 мұнай саласындағы объектілерге тексеру жұмыстары жүргізіліп, 215 бұзушылық анықталған. Талапты бұзған 30 субъекті заңды тұлға ретінде әкімшілік жауапкершілікке тартылса, оның ішінде 8 субъектіге 525 915 теңге ақшалай айыппұл салынып, қалған 22 субъектіге «ескерту» шарасы көрілген.
Департамент басшысы мұнай саласында орын алған өрт оқиғаларына да тоқталды. Айтуынша, соңғы 4 жылда мұнай саласындағы объектілерде 7 қауіпті өрт оқиғасы орын алып, салдарынан 3 адам қаза тапты. Өрт оқиғалары қауіпсіздік талаптарының толық сақталмауынан туындаған.
Жиында облыстық төтенше жағдайлар департаментінің бастығы өңірдегі өрт оқиғаларының жиілеу себебін ескере келе бірқатар ұсыныстарын жеткізді.
Атқарылған жұмыстарды саралаған облыс әкімі Гүлшара Әбдіқалықова өрт салдарын болдырмау, қайғылы қазаларды алу алу бағытында сала басшыларына нақты тапсырма жүктеді. Мәселен, төтенше жағдайлар департаментіне өңірдегі барлық жер қойнауын пайдаланушы объекті басшыларымен бірлесе отырып, мемлекеттік емес өртке қарсы қызмет күш-құралдары мен жеке құрам санының қолданыстағы заңдылықтар талаптарына сәйкестендірілуін ұйымдастыруды, бірлескен өзара іс-қимыл жоспарларын әзірлеп, бекітілуін қамтамасыз етуді тапсырды. Сондай-ақ, мұнай компанияларының басшылары өздеріне қарасты мұнай кеніштерінде жұмыс жасап жатқан мердігер мекемелердің жаңартылған тізімін жылына 2 рет төтенше жағдайлар департаментіне ұсынуды, өртті сөндіруге арналған газ-су сөндіру автокөлігін алуды қарастыруды жүктеді.

Гүлшара Әбдіқалықова төтенше жағдайлардың алдын алуға арналған облыстық комиссия отырысын өткізді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;COVID-19 індетіне шалдыққан 20 жастағы жүкті әйел дәрігерлердің көмегімен аман-есен босанды. Бұл туралы Түркістан облыс әкімдігінің баспасөз қызметі <a href="https://www.facebook.com/ontustik.gov.kz">хабарлады</a>.
Ол Сайрам аудандық инфекциялық ауруханасына жүктіліктің 39 аптасында ЖРВИ симптомдарымен амбулаторлық қабылдауға жеткізілген.
Сынама нәтижесі оның коронавирус инфекциясын жұқтырғанын көрсетті. Айы – күні толып, толғағы қысқан әйел мен оның сәбиінің өмірін аман алып қалу үшін шұғыл түрде білікті дәрігерлердің қатысуымен арнайы консилиум өткізілген.
Әйел аман-есен тұңғышын дүниеге әкелді. Нәрестенің салмағы 3 келі 400 грамм. Одан бірден коронавирусқа сынама алынды. Жаңа туған ұл бала анасынан оқшауландырылды. Тест қорытындысы нәрестенің бойынан COVID-19 инфекциясының табылмағанын көрсетті. Мамандардың айтуынша, сәбидің жағдайы жақсы. Жеке бокста, дәрігерлердің жіті бақылауында. Анасының да жағдайы бірқалыпты.
Айта кетейік, былтыр өңірде короновирус инфекциясын жұқтырған 122 жүкті әйел аман-есен босанған. Түркістан облысында жыл басынан бері 15 мыңға жуық сәби дүниеге келген. 2020 жылы өңірде 61 274 нәресте туылған.
Түркістан облысы бала туу көрсеткіші бойынша елімізде көш бастап тұр.

Коронавирус жұқтырған әйел босанды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Бүгін облыс әкімі Гүлшара Әбдіқалықованың қатысуымен облыстық мәслихаттың кезектен тыс 3 сессиясы өтті.
<blockquote>
 «Өздеріңіз білетіндей, 2021 жылға арналған облыстық бюджет 411,6 млрд.теңге көлемінде бекітілді. Бүгін міне, облыстық мәслихат сессиясының қарауына 2021-2023 жылдарға арналған облыстық бюджетті 18,9 млрд.теңге сомасында алғашқы нақтылау мәселесін ұсынып отырмыз. Бұл қаржылар 2021 жылдың 1 қаңтарындағы жағдай бойынша облыстық бюджет қаражаты қалдықтарын қайта бөлу, кіріс көзінің ұлғаюы, бюджеттік бағдарлама әкімшілерінің пайдаланылмаған және үнемделген қаржысы есебінен қалыптасып отыр. Атап өтетін жәйт, осы нақтылауда энергетика, құрылыс, автомобиль жолдары, әлеуметтік салалар бойынша алдағы уақытта құрылысы жоспарланып отырған жаңа бастамалардың жоба-сметалық құжаттарын әзірлеуге және мемлекеттік сараптамадан өткізуге қаржы қаралуда», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/173886155_3282237148545998_1768736288207811104_n.jpg" alt="" />
Күн тәртібінде 6 мәселе қаралды. Атап айтсақ, «2021-2023 жылдарға арналған облыстық бюджет туралы» Қызылорда облыстық мәслихатының 2020 жылғы 11 желтоқсандағы № 519 шешіміне өзгерістер мен толықтырулар енгізу, «Қызылорда облысы әкімдігінің дербес құрамын келісу туралы» Қызылорда облыстық мәслихатының 2016 жылғы 31 тамыздағы № 51 шешіміне өзгеріс енгізу, «Азаматтардың жекелеген санаттарына амбулаториялық емдеу кезінде тегін және (немесе) жеңілдікті шарттармен тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша беру туралы» Қызылорда облыстық мәслихатының 2020 жылғы 21 қазандағы № 474 шешіміне өзгерістер мен толықтырулар енгізу, «Әлеуметтік маңызы бар қатынастардың тізбесін айқындау туралы» Қызылорда облыстық мәслихатының 2016 жылғы 10 ақпандағы № 352 шешіміне өзгеріс енгізу, Қазақстан Республикасы Үкіметінің жанындағы Республикалық ономастика комиссиясының қарауына «Қызылорда облысының білім басқармасының Қызылорда қаласы бойынша білім бөлімінің «№ 11 мектеп-лицейі» коммуналдық мемлекеттік мекемесіне Әбубәкір Тыныбаевтың есімін беру жөніндегі ұсынысты енгізу және «Қызылорда облыстық сайлау комиссиясының құрамын сайлау туралы» Қызылорда облыстық мәслихатының 2019 жылғы 11 қаңтардағы № 290 шешіміне толықтыру енгізу туралы сөз болды.
Күн тәртібіндегі бірінші мәселе бойынша облыстық экономика және бюджетті жоспарлау басқармасының басшысы Нұрғали Қордабай баяндама жасады.
«Қызылорда облысы әкімдігінің дербес құрамын келісу туралы» Қызылорда облыстық мәслихатының 2016 жылғы 31 тамыздағы № 51 шешіміне өзгеріс енгізу туралы облыс әкімінің аппарат басшысы Ерлан Райғаниев сөз сөйлесе, үшінші мәселе бойынша облыстық денсаулық сақтау басқармасының басшысы Сабит Пазылов баяндады. 
2020 жылы Республикалық бюджеттен қаржы бөлініп, амбулаториялық дәрілік препараттармен тегін қамтамасыз етілген. Алайда, соңғы жылдары кейбір дәрілік препараттар атталған бұйрыққа енгізілмеуіне байланысты жергілікті бюджет есебінен қамтамасыз етіліп келеді. Осы орайда, Сабит Пазылов 2021 жылға әлеуметтік осал топтар арасынан науқастарды нозологиялық аурудың ауырлық деңгейіне байланысты тегін және (немесе) жеңілдікпен берілетін дәрілік заттармен қамтамасыз ету туралы шешімге өзгерістер мен толықтырулар енгізуді сұрады.
<img src="https://kyzylorda-news.kz/wp-content/uploads/2021/04/173421023_3282238388545874_749394374533398667_n.jpg" alt="" />
Ал, облыстық жолаушылар көлігі және автомобиль жолдары басқармасысының басшысы Мұрат Тілеумбетов күн тәртібіндегі төртінші мәселе бойынша баяндады.
Қоғамның әлеуметтік-экономикалық жағдайына ықпал ететін және тарифтердің қолжетімділік деңгейі мен Қазақстан Республикасының аумағы бойынша халықтың еркін жүріп тұру мүмкіндігін қамтамасыз ету мақсатында ұйымдастырылатын тұрақты қатынастардағы жолаушыларды тасымалдау әлеуметтік мәні бар тасымалдар деп танылады. Басқарма басшысы ауданаралық бағыттар тізбесін әлеуметтік маңызы бар қатынастар ретінде айқындауды ұсынды.
<img src="https://kyzylorda-news.kz/wp-content/uploads/2021/04/173473815_3282237711879275_1259354315548979616_n.jpg" alt="" />
«№ 11 мектеп-лицейі» коммуналдық мемлекеттік мекемесіне Әбубәкір Тыныбаевтың есімін беру жөніндегі ұсыныс бойынша облыстық ішкі саясат басқармасының басшысы Мира Қазбекова хабарлама жасады. 
Күн тәртібіндегі соңғы сұраққа қатысты облыстық мәслихаттың хатшысы Наурызбай Байқадамов сөз сөйледі.
<img src="https://kyzylorda-news.kz/wp-content/uploads/2021/04/173582154_3282238035212576_8202482200911667633_n.jpg" alt="" />
Облыстық сайлау комиссиясының құрамына «Ауыл» халықтық-демократиялық патриоттық партиясы Қызылорда облыстық филиалынан Болат Накиповтың кандидатурасы қолдау тапты.
Жиын соңында облыстық мәслихат депутаты Қылышбай Бисенов өңірдегі балабақшаларды қаржыландыру мәселесін қозғаса, Шахизада Әбдікәрімов көпқабатты тұрғын үйлер құрылысына қатысты бірқатар ұсыныс айтты.
<img src="https://kyzylorda-news.kz/wp-content/uploads/2021/04/173812204_3282238538545859_2424834901831728047_n.jpg" alt="" />

Қазақстан және Қызылорда облысының жаңалықтары: Басты жаңалықтар old