<a href="https://kyzylorda-news.kz/">Kyzylorda-news.kz</a>. Қызылорда облысында аумағында әлеуметтік маңызы бар азық-түлік тауарларына шекті баға бекітілді.
<blockquote>
 «Аймақта 11 мамыр мен 20 мамыр аралығында күнбағыс майы, тұз, картоп, сәбіз және пияз өнімдерінің бағасы жоғарылап, жұмыртқаның бағасы төмендеді. Қалған өнімдерге баға тұрақты. Сондай-ақ, 10 дана жұмыртқа 430 теңге, 1 литр күнбағыс майы 632 теңгеден асырмау бойынша облыс әкімінің қаулысы қабылданды», – деді облыстық ауыл шаруашылығы басқармасы басшысының міндетін атқарушы Айнұр Тілеулеева.
</blockquote>
Қазіргі таңда облыстың тұрақтандыру қорында 819,8 тонна тауар бар. «Байқоңыр» ӘКК» АҚ-на қарасты 29 әлеуметтік дүкенде тауарлар белгіленген бағада халыққа ұсынылуда.
<blockquote>
 «Біздің дүкендерде 19 әлеуметтік маңызы бар азық-түлік өнімдері белгіленген бағада сатылуда. Сондай-ақ, дүкендерде тұрғындардың арыз-шағымын білдіретін журналдар мен сенім телефондары ілінген. Алдағы уақытта Қызылорда қаласында 10 дүкен ашу жоспарлануда. Оның 5-нің құрылысы басталды. Қалғандарының құжаттары дайындалуда», – деді -«Байқоныр» әлеуметтік кәсіпкерлік корпорациясы» АҚ Басқарма төрағасының орынбасары Талғат Жақыпбаев.
</blockquote>
Өңірде шекті бағаларға мемлеккеттік бақылау үздіксіз жүргізілуде. Профилактикалық бақылау нәтижесінде шекті мөлшерден асып кету фактісі анықталған жоқ.
<blockquote>
 «Әлеуметтік дүкендердегі бағаны үнемі бақылауда ұстаймыз. Бұл бағыттағы жұмыстар одан әрі де жалғасатын болады. Рұқсат етілген бағаны мөлшерінен асырса 100 АЕК, қайталанған жағдайда 200 АЕК мөлшерінде айыппұл салынады», – деді облыстық кәсіпкерлік және туризм басқармасы сауданы дамыту бөлімінің басшысы Нұрлан Шырынбеков.
</blockquote>

Қызылорда: Азық-түлік тауарларына шекті баға бекітілді

<a href="https://kyzylorda-news.kz/">Kyzylorda-news.kz</a>. Амбулаториялық және стационарлық емдеу түрлерімен қатар күндізгі стационарларда медициналық көмек көрсету кеңінен таралуда. Бұл тәуліктік медициналық бақылауды қажет етпейтін амбулаториялық режим мен стационарлық емдеудін аралық нұсқа.
Күндізгі стационарда (емханалар жанында) және үйдегі стационарда емдеуге қандай жағдайда жатқызылады:
<ul>
<li>тәулік бойы медициналық бақылауды талап етпейтін созылмалы аурулардың өршуі</li>
<li>динамикалық бақылауға жататын созылмалы аурулары бар пациенттер тобын белсенді жоспарлы сауықтыру</li>
<li>медициналық көрсеткіштер бойынша стационарлық емдеу курсынан кейінгі келесі күні пациентті емдеу</li>
<li>екінші және үшінші кезеңдік медициналық оңалту курстарын өткізу</li>
<li>паллиативті көмек</li>
<li>жұқпалы асқынулар қаупі бар және маусымдық вирустық аурулар кезінде оқшаулауды қажет ететін орфандық аурулары бар балалар үшін үнемі фермент алмастыру және антибиотикалық терапия алу</li>
</ul>
Күндізгі стационарға емдеуге жатқызуға арналған көрсеткіштер (тәулік бойы стационар кезінде):
<ul>
<li>операцияға дейінгі дайындық пен реанимациялық қолдау көрсететін операциялар мен араласулар</li>
<li>клиникада жоқ, арнайы алдын-ала дайындықты немесе зерттеуді қажет ететін күрделі диагностикалық зерттеулер</li>
<li>қан препараттарын құюмен, қан алмастыратын сұйықтықтарды вена ішіне құюмен, ерекше гипосенсибилизирлеуіш терапиямен, қатты әсер ететін препараттардың инъекциясымен, дәрілік заттарды буын ішіне енгізумен байланысты науқастарды бақылау және емдеу</li>
<li>стационарлық емдеуден кейін келесі күнгі күтім, егер операциядан кейін ерте шығаруға көрсеткіштер болса</li>
<li>паллиативті көмек</li>
<li>химиотерапия, сәулелік терапия, онкологиялық науқастарға мамандандырылған ем-шарадан кейін пайда болған патологиялық жағдайларды түзету</li>
</ul>
Күндізгі стационарға емдеуге жатқызуға қарсы көрсетілімдер:
<ul>
<li>тәулік бойғы медициналық процедуралар мен медициналық бақылауды қажет ететін аурулар</li>
<li>covid-19 коронавирустық инфекциясы бар науқастарға үйде көрсетілетін медициналық көмектен басқа жұқпалы аурулар</li>
<li>Айналасындағыларға қауiп төндiретiн аурумен ауырған жағдайда</li>
</ul>
Медициналық көмек пациенттің немесе оның заңды өкілінің диагностикалық және емдеу шараларын жүргізуге жазбаша ерікті келісімін алғаннан кейін көрсетіледі.

МӘМС: Күндізгі стационардан қандай жағдайда ем алуға болады?

<a href="https://kyzylorda-news.kz/">Kyzylorda-news.kz</a>.&nbsp;Кәсіпкерлік мақсаттағы жер теліміне қатысты конкурсқа ашықтық керек. Бұл туралы Қызылорда облысы кәсіпкерлер палатасының бөлім бастығы Гаухар Елеусінова айтты.
Палата маманы кәсіпкерлер үшін жер қатынастары мәселесі қашанда өткір сұрақтардың бірі екенін айта келіп, Палатаға келіп жатқан шағымдардың негізінде кәсіпкерлік мақсаттағы жер учаскелеріне құқық беруде сауда-саттықты (конкурстарда, аукциондарда) жүзеге асыру, сонымен қатар, шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру барысында ашықтыққа қатысты проблема бар екендігін жеткізді.
<blockquote>
 «Мәселен, аукционға қойылатын жер учаскесі туралы мәліметтерді қамтитын аукцион өткізу туралы хабарлама аукцион өткізудің жарияланған күнінен бұрын он бес күннен кешіктірілмей мерзімді баспасөз басылымында, мемлекеттік органның ресми интернет-ресурсында және рұқсаттар мен хабарламалардың мемлекеттік ақпараттық жүйесінде жариялануы тиіс. Сондай-ақ, шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты өткізу туралы хабарламаны баспа басылымдарында, интернет-ресурсында жариялау, арнайы ақпараттық стендтерде орналастыру қажет. Алайда, Палатаның жасаған талдауы Қызылорда қаласы және кейбір аудандық әкімдіктермен бұл талаптардың орындалмай отырғандығын көрсетті», – дейді Гаухар Елеусінова.
</blockquote>
Кәсіпкерлер палатасының маманы мысал ретінде Қызылорда қалалық жер қатынастары бөлімінің хабарландыруды ресми сайтта жарияламай, тек газетке шығарумен ғана шектеліп жүргендігін, Жалағаш ауданында 2020 жылғы 25 сәуір күні өткізілетін конкурс туралы хабарлама аудан әкімдігі сайтына 2020 жылы 7 тамыз күні орналастырылғандығын, яғни конкурс өткізу қағидасын бұза отырып, конкурс аяқталғаннан кейін хабарлама жасалғандығын атап өтті.
Қызылорда облысы кәсіпкерлер палатасының мамандары жергілікті атқарушы органдардың ресми сайтына хабарландыру орналастыруда бір ізділіктің жоқтығы да кәсіпкерлер үшін проблема турыратындығын айтуда. Мысалы, бір ресми сайтта хабарландыру «баспасөз орталығы» бөлігінде орналасса, кейбірінде «құжаттар» бөлігінде орналастырылған. Бұл өз кезегінде кәсіпкерлік мақсатта жер учаскесін алуға үміткерлердің ақпарат алуына кедергі деп отыр мамандар.
<blockquote>
 «Ақпараттардың қолжетімсіздігін аукционға қатысу үшін өтінімдер айырмашылығынан да байқауға болады. Мысалы 2020 жылы облыс бойынша жарияланған 357 лотқа 409 азамат өтінім берген. Аукционға шығарылған жер учаскесіне екеуден төмен өтінім болуына байланысты ол лот өткізілмейтінін ескерсек, бұл бағыттағы жұмыстар әлі де жетілдіруді қажет етеді» – дейді Палата маманы Гаухар Елеусінова.
</blockquote>
Кәсіпкерлер палатасы мәселені шешу үшін мынадай ұсыныстар беруде:
– барлық аудан және қала әкімдіктері Жер Кодексі талаптарын сақтап хабарландыруларды әкімдік сайтында тұрақты орналастыру және хабарламаны әкімдік сайтының нақты бір бөлігінде ғана орналастыруды реттеу;
– жоғарыда көрсетілген заң бұзушылықтар бойынша тиісті органдармен тексеру жүргізіліп, себептерін анықтап, алдағы уақытта заң аясында орындалуын қадағалау;
– Жер Кодексінде шектеу жоқтығын ескере отырып, қосымша әлеуметтік желілерде жариялауды қарастыру.
Кәсіпкерлер палатасының көтеріп отырған аталмыш мәселесі Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің кезекті отырысында да қаралып, тиісті органдар тарапынан зерделеу жүргізілетін болды.

Гаухар Елеусінова: Кәсіпкерлік мақсаттағы жер теліміне қатысты конкурсқа ашықтық керек

<a href="https://kyzylorda-news.kz/">Kyzylorda-news.kz</a>. Президент Қасым-Жомарт Тоқаев банктік, микроқаржылық және коллекторлық қызметті реттеу туралы заңға қол қойды, деп хабарлайды&nbsp;<a href="https://www.akorda.kz/kz/memleket-basshysy-kazakstan-respublikasynyn-keybir-zannamalyk-aktilerine-kazakstan-respublikasynda-banktik-mikrokarzhylyk-zhane-kollektorlyk-kyzmetti-retteu-maseleleri-boyynsha-ozgerister-men-tolyktyrular-engizu-turaly-kazakstan-respublikasynyn-zanyna-kol">Ақорда</a>.
<blockquote>
 “Мемлекет басшысы “Қазақстан Республикасының кейбір заңнамалық актілеріне Қазақстан Республикасында банктік, микроқаржылық және коллекторлық қызметті реттеу мәселелері бойынша өзгерістер мен толықтырулар енгізу туралы” Қазақстан Республикасының Заңына қол қойды”, – делінген ресми хабарламада.
</blockquote>
Айта кетейік, заңда кредит тарихы нашар адамдарға аса қажет болған жағдайда кредит алуға мүмкіндік беретін норма көзделген. Егер бұрын кредит тарихын сақтау мерзімі 10 жыл болса, бүгінде кредитін өтеген және қазір берешегі жоқ адамдарға қатысты бұл мерзім 5 жылға дейін қысқартылады.
“Азаматтардың кредит тарихын сақтау мерзімі маңызды мәселе болып отыр. Банктер өткен он жылда қарызын уақытылы төлемей, мерзімін өткізіп алған адамдарға кредит беруден бас тартады. Кредит тарихын сақтау мерзімі 10 жылдан 5 жылға дейін қысқарғанда, 490 мыңға жуық отандасымыз қажет болған жағдайда банктер мен микроқаржы ұйымдарынан кредит ала алады”, –дейді сенатор Ольга Перепечина.
Сонымен қатар елімізде коллекторлардың қызметін реттейтін түзетулер де қабылданды.
Енді оларға коллекторлық агенттікке тіркелмеген, бөтен адамдардың телефон нөмірінен борышкерлерге хабарласуға тыйым салынады. Одан басқа, агенттіктер борышкермен сөйлесудің кез келген процесіне бейне және аудио түрінде жазба жүргізуге міндеттеледі. Осылайша, бұл норма коллекторлардың борышкермен дөрекі сөйлесуіне немесе заңнаманы бұзуына жол бермейді.
Заң жобасында банк қарыздары мен микрокредиттер бойынша проблемалы берешектерді сотқа дейін реттеу тетіктері де жетілдірілді. Мерзімі өткен кредиттер бойынша берешекті реттеудің бірыңғай құқықтық тәртібі көзделіп отыр. Ол банктердің қарыздарына ғана емес, сондай-ақ микроқаржы ұйымдарының кредиттеріне де қолданылады.
Сондай-ақ кредиторлардың қарыз алушылардың өтінішін қарау мерзімі 180 күннен 90 күнге дейін қысқартылды.

Қасым-Жомарт Тоқаев коллекторлық қызметті реттеу туралы заңға қол қойды

<a href="https://kyzylorda-news.kz/">Kyzylorda-news.kz</a>.&nbsp; ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы Қазақстан өңірлеріндегі эпидемиологиялық ахуалды бағалау&nbsp;<a href="https://t.me/CSEC_RK">матрицасын</a>&nbsp;жариялады.
«Қызыл» аймақта: Нұр-Сұлтан, Алматы қалалары, Ақмола, Атырау, Батыс Қазақстан, Қарағанды облыстары.
«Сары» аймақта: Шымкент қаласы, Ақтөбе, Қостанай, Павлодар және Солтүстік Қазақстан, Маңғыстау облыстары.
«Жасыл» аймақта: Алматы, Шығыс Қазақстан, Жамбыл, Қызылорда және Түркістан облыстары.
Айта кетейік,&nbsp;кеше&nbsp;«сары» аймақта тұрған Қызылорда облысы бүгін «жасыл» аймаққа шықты. Ал кеше «жасыл» аймақта тұрған Маңғыстау облысы керісінше «сары» аймаққа кірді.

Қызылорда «жасыл» аймаққа өтті

Kyzylorda-news.kz. Бүгін облыс әкімі Гүлшара Әбдіқалықова Қызылорда қаласындағы бірқатар нысандарды аралады. Алдымен аймақ басшысы Тасбөгет кентінде орналасқан Бас тоған су алу имаратында атқарылып жатқан жұмыстармен танысты.
Қазіргі таңда Қызылорда қаласына тәулігіне 83 мың текше метр ауыз су 74 бірлік Қызылжарма жер асты ауыз су ұңғымасынан өндіріліп, тұтынушыларға тартылуда.
Бас тоған су алу имаратында «Степь», «Арай» және «Бас тоған» су алу құрылымындағы ауыз су ұңғымыларын таза су резервуарларына жиналып, ІІ-ші су көтеру насос станциясынан диаметрі 560 мм болатын 4 магистралды құбырлар арқылы қалаға жіберіледі. Оның 2 тармағы транзиттік.
Ауыз су сапасы күнделікті кәсіпорынның аттестациядан өткен базалық зертхана мамандарымен әр 30-60 минут аралығында сараптамалар жасалынып, қадағаланады. Қалалық орталық ауыз су жүйелеріндегі 19 су алу нүктесінен күнделікті бактериологиялық және химиялық сынамалар алынып, сараптамалар жасалынады.
<blockquote>
 “Қазіргі уақытта қаланың бірқатар мөлтек аудан тұрғындарынан су сапсына қатысты сын айтылуда. Судың қысымы жоғары қабаттарда орналасқан пәтерлерге көтерілмейді деген де шағымдар бар. Осы мәселелрді шешу үшін қажетті жұмыстарды жүргізіп, қатаң бақылауға алыңыздар”, – деді Гүлшара Әбдіқалықова.
</blockquote>
Одан кейін облыс әкімі сол жағалаудағы «УАД» ЖШС арқылы құрылысы жүргізіліп жатқан қалалық магистралды және С.Бейбарыс көшесіндегі көпірден ЖТЖ (ПДП) көшесіне жанасуға дейін жалпы қалалық маңызы бар магистралды көшелерінің құрылыс жұмыстарын тексерді.
Сол жағалаудағы құрылысы жүргізіліп жатқан қалалық магистралды көшенің құрылысы жобасының құны 3 391,8 млн.теңге. Құрылыс жұмыстары 2017 жылы басталған, ағымдағы жылы бітеді деп жоспарлануда. Көшенің жалпы ұзындығы – 8,4 км. С.Бейбарыс көшесіндегі көпірден ЖТЖ (ПДП) көшесіне жанасуға дейін жалпы магистралды көшенің құрылысы жобасының құны 1 272,7 млн. теңге. Жалпы ұзындығы 2 км құрайды, жүзеге асырылу мерзімі – 2021-2022 жж.
Мұнымен қоса, аймақ басшысы Қараултөбе ауылына барып, «ҒЗИ» күріш алқабының жұмысымен танысты және қала тұрғындарына арнайы бау-бақша егуге арналған жер алқабын көрді.
«ҒЗИ» күріш алқабының жалпы жер көлемі – 8750 гектар. Бұл жерде жаздық бидай, күздік бидай, арпа, сұлы, қант құмайы, жоңышқа егіледі.
Сонымен қатар Қарауылтөбе ауылдық округінен «Ы.Жахаев атындағы Қазақ күріш шаруашылығы ғылыми-зерттеу институты» ЖШС жерінен Қызылорда қаласының тұрғындарын картоп, көкөніс және бақша өнімдерімен қамтамасыз ету мақсатында, маусымдық кезеңде өздері егін егуге шамамен 10 гектар жер бөлінді. Осы жылғы су тапшылығына байланысты қала және ауыл тұрғындарын қолдау мақсатында су тартатын насос құрылғысы алып берілді. 
Еске салу керек, егістік жер көкөніс және бақша дақылдарын егу мақсатында маусымдық кезеңге уақытша беріледі.
Аймақ басшысы егін жұмыстарын тиісті деңгейде ұйымдастыруды, су тапшылығына байланысты суды аз талап ететін егін түрлерін көбейтуді тапсырды.
Жалпы Қызылорда қаласына қарасты егіс алқаптарында 3920 га күріш, 2783 га көкөніс, картоп, бақша дақылдары, 1618 га мал азықтық дақылдары, 474 га дәнді дақылдар және 40 га жерге майлы дақылдар егіледі деп жоспарлануда.
<img src="https://kyzylorda-news.kz/wp-content/uploads/2021/05/fb_img_1621876573354.jpg" alt="" />
<img src="https://kyzylorda-news.kz/wp-content/uploads/2021/05/fb_img_1621876576221.jpg" alt="" />

Аймақ басшысы Қызылорда қаласындағы бірқатар нысандарды аралады

Қызылордада 25 әлеуметтік нысан салынады

<a href="https://kyzylorda-news.kz/">Kyzylorda-news.kz</a>. Өткен жылы пандемияға байланысты кәсіпкерлердің бизнесі тоқтап, біраз адам жұмыссыз қалған болатын. Осыған орай, биыл республика бойынша «Ashyq» мобильді қосымшасы іске қосылды. Жоба күн өткен сайын қажеттілігін көрсетуде.
<blockquote>
 «Облыс бойынша «Ashyq» мобильді қосымшасына қосылатын 510 нысан анықталды. Бүгінде 94-і іске қосылған. Оның 84-і Қызылорда қаласында, 3-і Шиелі ауданында, 2-уі Қазалы ауданында, 1-уі Арал ауданында, 1-і Қармақшы ауданында және 3-і Жалағаш ауданында», – деді Қызылорда облысы кәсіпкерлер палатасы директорының орынбасары Пірмұхаммед Сыздықов.
</blockquote>
Соңғы аптада «Ashyq» қосымшасында екі рет ақау шықты. Оның басты себебі – вакцина салдырғандар тізімінің қайта толықтырылуы. Сондықтан, бағдарламаның кедергісіз жұмыс жасауы үшін «kaspi bank», «‎Halyk bank» және «egov» қосымшаларының ішіне қосу жұмыстары жүргізілуде.

Қызылордада 94 нысанда «Ashyq» қосымшасы іске қосылды

<a href="https://kyzylorda-news.kz/">Kyzylorda-news.kz</a>. Облыста өзен және көлдерге суға шомылуға бірінші маусымнан бастап рұқсат етіледі. Қазір арнайы орындар дайындалып жатыр. Бұл туралы Өңірлік коммуникациялар қызметінің ақпарат алаңында Қызылорда облысы Төтенше жағдайлар департаменті Азаматтық қорғаныс басқармасының бастығы Асхат Тоғызбаев мәлімдеді.
Төтеншеліктер су шомылу маумсына сақтық шараларына аса мән беру қажеттігін ескертеді. Жедел-құтқару жасағында 54 сүңгуір маманы, 18 бірлік техника, 16 дана ілмелі моторлар және 29 жүзу құралы бар.
<blockquote>
 Жаз айларында тұрғындар демалыстарын өзен-көлдердің жағасында өткізеді. Қарапайым ережелерді сақтамағаннан бақытсыз жағдайлар орын алады. Арнайы белгіленбеген орынға мүлдем суға түсуге болмайды. Қауіпсіздік ережелерін өрескел бұзып, рұқсат етілмеген жүзу құралдарын қолданғандарға шара көріледі. Қазір рейдтік шараларды көбейтіп, түсіндірме жұмыстарын жүргізудеміз», – деді Асхат Талантұлы.
</blockquote>
Осыған дейін, судағы қауіпсіздік ережелері онлайн режимде 195 оқушыға, алғашқы көмек көрсету тәсілдері 7 интерактивтік сабақ арқылы түсіндірілді.

Қызылорда: 1-маусымнан бастап суға шомылуға рұқсат

<a href="https://kyzylorda-news.kz/">Kyzylorda-news.kz</a>.&nbsp;2021 жылдың 22 мамырында облыс әкімінің орынбасары Бахыт Жахановтың төрағалығымен «Достық Үйі» ғимаратының мәжіліс залында Сырдария өзенінің су шаруашылығы жағдайы туралы кеңес өтті.
Кеңеске Қазақстан Республикасының Экология, геология және табиғи ресурстар вице-министрі Серік Қожаниязов, облыстық мәслихат депуттаттары, қоғам белсенділері, су шаруашылығы ардагерлері және су шаруашылығына қатысты мемлекеттік мекемелердің басшыларылары қатысты.
Соңғы жылдары Сырдарияның төменгі ағысында вегетациялық кезең күрделі су тапшылығы жағдайында өтуде. Биыл бұл жағдай қайталанып, одан сайын күрделі болып тұр.
Бүгінге Сырдария өзенінің ағысын реттейтін Нарын-Сырдария су қоймаларындағы су көлемі өткен жылдан 2 млрд текше метрге кем болып отыр. Сонымен бірге, Шардара су қоймасына түсіп жатқан судың көлемі де өткен жылдан төмен болып отыр.
Ауыл шаруашылығы министрінің бұйрығымен облысқа 5,4 млрд текше метр, оның ішінде ауыл шаруашылығы дақылдарын тұрақты суаруға 4,2 млрд текше метр су көлемі белгіленгенмен, су тапшылығы болжамына байланысты Арал-Сырдария бассейіндік инспекциясымен 2021 жылға су көлемі 508,9 млн текше метрге қысқартылып, 4,9 млрд текше метр, оның ішінде ауыл шаруашылығы дақылдарын тұрақты суаруға 3,7 млрд текше метр болып қайта белгіленді.
2021 жылға облыс бойынша 188,2 мың гектарға ауыл шаруашылығы дақылдарын орналастыру жоспарланса, оның ішінде күріш егісінің көлемі өткен жылдан 5,1 мың гектарға қысқартылып, 84,4 мың гектарға егу межеленді.
Су тапшылығының алдын алу үшін, Су ресурстары комитеті мен Қызылорда облысы әкімдігінің вегетациялық кезеңде су тапшылығының алдын алу бойынша атқарылатын бірлескен іс шаралар жоспары бекітіліп, каналдар арқылы су алу режимдерінің кестеге сай орындалуына мониторинг жүргізетін жұмысшы тобы құрылып, жұмыс жүргізілуде.
Ағымдағы жылдың 11 мамыры күні Мемлекетаралық су шаруашылығын үйлестіру комиссиясының 80-ші отырысы өтіп, вегетация кезеңінде Шардараға 4,1 млрд текше метр судың түсуі келісілді.
Сонымен бірге, ағымдағы жылдың сәуір-мамыр айларында Қырғыз Республикасымен электр энергиямен тауар алмасу жүзеге асырылды, бұл Достық каналы арқылы жеткілікті көлемде су алу үшін, маусым-тамыз кезеңінде Тоқтоғұл су қоймасынан 330 млн текше метр көлемінде қосымша су ағызуды жүзеге асырады.
<img src="https://kyzylorda-news.kz/wp-content/uploads/2021/05/066ce9640b39709a3bf244d2d50f9260_1280x720.jpg" alt="" />

Сырдария мәселесі: Мониторинг тобы құрылды

<a href="https://kyzylorda-news.kz/">Kyzylorda-news.kz</a>. Сырдария ауданының түлегі ұлттық бірыңғай тестілеуден 137 балл жинады.
Биылғы ҰБТ жылдағыдан өзгеше форматта өткізілуде. Түлектер сынаққа 2 мәрте қатысып, бақтарын сынай алады.
Тестілеуде сырдариялық жас түлек Жалғас Айдана Нұрланқызы 137 бал жинап, үздіктер қатарынан көрінді. Айдана Жалғас №44 орта мектептің «Алтын белгіге» үміткер оқушысы. Арманы асқақ, білімге құштар түлегіміз тынымсыз дайындықтың арқасында, ата-ана, мектеп ұстаздарының мерейін асқақтатып, берген білімін дәлелдеді.

ҰБТ: Сырдария ауданының түлегі 137 балл жинады

<a href="https://kyzylorda-news.kz/">Kyzylorda-news.kz</a>. Жалағаш ауданының тас жолында автокөліктің дөңгелегі жарылып, жол көлік оқиғасы орын алды.
<blockquote>
 «Көлікте біз төрт адам болғанбыз. Жүргізуші мен інім зардап шеккен жоқ, тек қарындасым екеуміз жарақат алдық. Жедел жәрдеммен бізді аудандық ауруханаға жеткізіп, жедел медициналық көмек көрсетті. Апат салдарынан миым шайқалып, сол қолым сынған. Дәрігерлер ота жасап, гипс салды. Қазір денсаулығым жақсы. Қарындасыма да ота жасалды, қазір жансақтау бөлімінде, жағдайы тұрақты. Дәрігерлерге көрсеткен көмегі мен кәсібилігі үшін алғыс айтамын», – дейді Қармақшы ауданының тұрғыны Өмірбек Қаһарманов.
</blockquote>
Өмірбек Қаhарманов жұмыс істемейді. Міндетті әлеуметтік медициналық сақтандыру төлемін дербес төлеуші ретінде төлеп (ай сайын – 2125 тг) «сақтандырылған» мәртебесін алды. Емделуден кейін науқасқа оңалтудан ем алу ұсынылды, деп хабарлады Жалағаш аудандық ауруханасының жалпы хирургия бөлімінің меңгерушісі Марат Оспанов.
<blockquote>
 «Электронды-оптикалық түрлендіргіштің көмегімен инвазивтілігі төмен отауларды жүргіземіз. Жақында лапароскопиялық отауларды бастауды жоспарлап отырмыз, мамандар даярладық. Аталған аппараттар Әлеуметтік медициналық сақтандыру қорының қаражаты есебінен сатып алынды», – деп атап өтті хирург-дәрігер Оспанов.
</blockquote>
Жыл басынан бері Жалағаш аудандық ауруханасында барлығы 192 ота жасалды. Оның 169-ы МӘМС аясында болса, 23-і тегін медициналық көмектің кепілдендірілген көлемі бойынша өтті.
<img src="https://kyzylorda-news.kz/wp-content/uploads/2021/05/zhalagash.jpeg" alt="" />
<img src="https://kyzylorda-news.kz/wp-content/uploads/2021/05/zhalagash_hirwrgija--scaled.jpg" alt="" />

Қазақстан және Қызылорда облысының жаңалықтары: Басты жаңалықтар old