<a href="https://kyzylorda-news.kz/">Kyzylorda-news.kz</a>.&nbsp;Аккредиттеу және рейтинг тәуелсіз агенттігі (АРТА) 2021 жылы&nbsp;өткізген ЖОО-ның Ұлттық рейтингісі қорытындысында Қорқыт ата атындағы Қызылорда мемлекеттік университеті ҚР ЖОО Бас рейтингісінің ТОП-20 еніп, 85 жоғары оқу орындары қатысқан рейтингте 7 орынды иеленді. Бұл туралы өңірлік коммуникациялар қызметі орталығында өткен брифингте Қорқыт Ата атындағы Қызылорда университетінің басқарма төрағасы – ректоры Бейбіткүл Кәрімова айтты.
Университет ректоры 2020-2021 оқу жылындағы атқарылған жұмыстар, жеткен жетістігі мен алдағы жоспарлары жайында есеп берді.
Университет ректоры&nbsp; БАҚ өкілдеріне&nbsp; оқу орнының&nbsp; мен таныстырды. Қазақстан Республикасының 2050 жылға дейінгі Даму стратегиясында еліміздің әлемнің дамыған 30 елінің қатарына кіру мақсаты қойылған. Мұнда басты рөл білім мен ғылымға беріледі, себебі бәсекеге қабілетті адами капиталсыз және дамыған ғылыми инновациялық жүйесіз бұл мақсатқа қол жеткізу мүмкін емес. Аймақтағы іргелі білім ордасы – Қорқыт ата атындағы Қызылорда университеті осы бағытта нәтижелі іске бағдарланған стратегиялық жоспарға сәйкес ауқымды жұмыстар атқарып келеді. Тарихы терең университет келер жылы 85 жылдық мерейтойын атап өтетіндігін жеткізді.
Қорқыт Ата атындағы Қызылорда университетінің білім беру қызметі бакалавриат, магистратура, докторантура бағдарламалары бойынша жүзеге асырылады.
<blockquote>
 «Биылғы оқу жылын үлкен жетістікпен аяқтап отырмыз деп айтуға негіз бар. Аккредиттеу және рейтинг тәуелсіз агенттігі (АРТА) 2021 жылы&nbsp;өткізген ЖОО-ның Ұлттық рейтингісі қорытындысында университет ҚР ЖОО Бас рейтингісінің ТОП-20 еніп, 85 жоғары оқу орындары қатысқан рейтингте 7 орынды иеленді. Оның ішінде 12 бағдарламамыз бірінші үштікке еніп отыр. Бұл үлкен жетістік. Бұған дейін соңғы 2 жылда университет 9 орынды иеленіп келген», – дейді ректор.
</blockquote>
Білім беру қызметін 452 оқытушы-профессор құрамы жүзеге асырады. 19 ғылым докторы, 168 ғылым кандидаты, 30 РhD доктор, 179&nbsp; магистр бар. Биылғы оқу жылында жас ғалымдар арасынан 6&nbsp;PhD, 3 қауымдастырылған профессор, 2 ғылым кандидаты, «ЖОО үздік оқытушысы» атағының иегері шықты. Халықаралық және республикалық ғылыми-зерттеу және шығармашылық конкурстарда 40-тан астам студент жүлдегер атанды. 
ҚР БҒМ ҒК&nbsp; гранттық қаржыландыруы негізінде 2020 жылдың қыркүйек айынан бүгінгі күнге дейін, яғни 9 айдың ішінде 11 жоба ұтып алынды. Бұл&nbsp; өткен жылғымен салыстырғанда 20%-ға&nbsp; артық. Жалпы гранттық қаржыландыру сомасы 250 млн теңгені құрайды.
Одан бөлек облыстық бюджеттен бөлінген қаражат негізінде (28,1 млн теңге) 3 жоба бойынша археологиялық қазба жұмыстары жүргізілді.
2020-2021 оқу жылында&nbsp; университеттің 260 білім алушысына жеңілдіктер тағайындадық. Атап айтқанда, көп балалы отбасылардан шыққан 122 студентке оқу ақысына 25%, анасының алтын немесе күміс медалі бар көп балалы отбасылардан шыққан 35 студентке 50%,6 «Алтын белгі» иегеріне 100 пайыз жеңілдік берілді. 
Қазіргі уақытта университеттің материалдық-техникалық базасына 10 оқу ғимараты, ғалымдар үйі мен 4 студенттік жатақхана, Студенттер сарайы, 7 студенттік асхана, жүзу бассейні мен жаттығу залы орналасқан «Сейхун» спорттық-сауықтыру кешені, әскери кафедраның оқу-тақтикалық полигоны, агробиологиялық участок, 6 кітапхана мен оқу залдарынан тұрады.
Құны 11 миллион теңгеден астам сомаға сатып алынған спорттық құрал-жабдықтар университет қызметкерлері мен студенттері, сондай-ақ қызығушылық танытқан&nbsp; сырттан келушілер үшін Фитнес орталығы ашылды. 
“Сейхун” спорттық-сауықтыру кешенінде қызметкерлер, студенттер және жүзуді үйренгісі келетіндерге спорттық секция ашылды.

Бейбіткүл Кәрімова: Биылғы оқу жылын үлкен жетістікпен аяқтап отырмыз

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықова осы сапарында Сырдария ауданындағы «Әйтек» су торабының қайта жаңғырту жұмыстарымен танысты.
Сырдария өзеніндегі «Әйтек» су торабы 2004 жылы «Сырдария өзенінің арнасын реттеу және Арал теңізінің солтүстік бөлігін сақтау» жобасы аясында салынған. Сырдария мен Жалағаш аудандарының аумағында орналасқан жалпы алаңы 16 мың гектар Әйтек, Соркөл және Елтай арналары арқылы күріш егістіктерін сумен қамтамасыз етуге арналған. 2019 жылғы 23 қыркүйекте су торабының төменгі бьеф арнасының 6,23 м тереңдікке шайылу және ұзындығы 16,6 м шпунтты қабырғаның 52 см тереңдікке шөгуі орын алды. Орын алған жағдай бойынша жедел шаралар қабылданып, нысандық төтенше жағдай жарияланды. 2019 жылы төтенше жағдайларды болдырмау және жою үшін облыстық бюджеттен 38 млн теңге және Қазақстан Республикасы Үкіметінің резервінен 50,0 млн теңге қаражат бөлінді.
2020 жылы жобаның жобалау-сметалық құжаттаманы әзірлеуге республикалық бюджеттен 48,0 млн. теңге және 2020-2021 жылдарға арналған Жұмыспен қамтудың жол картасы шеңберінде «Әйтек су торабын қайта жаңғырту» жобасына 700 млн теңге бөлініп, оның ішінде 308,1 млн теңгесі игерілді. Жобаның жалпы құны 826,3 млн теңге.
Қазіргі кезде бетон құю, армосеткалар және армокаркастар құрылыстарын орнату, насос қондырғыларымен суды сорып алу, шпунт свайларын орнату жұмыстары жүргізілуде. Нысанда 41 инженер-техник қызметкерлер және жұмысшылар, 8 дана техника тартылды. Жобаны іске асыруды аяқтау үшін 2021 жылы республикалық бюджетті нақтылау барысында 472,9 млн теңге бөлінді. Бүгінгі күні, жөндеу жұмыстарының 40 пайызы аяқталып, тиісті жұмыстар жалғасуда.
Аймақ басшысы Гүлшара Әбдіқалықова қазіргі су тапшылығы жағдайында су торабын жаңғыртудың аса маңызды екенін айта келе, уақытында сапалы аяқтауды қатаң тапсырды.
<blockquote>
 «Сырдария өзеніндегі судың тапшылығын ескере келе, өңірімізде су арналарын тазарту және үнемдеу шаралары біз үшін аса маңызды. «Әйтек» су торабын жаңғырту жұмысы уақытында әрі сапалы орындалу қажет. Өйткені Сырдария мен Жалағаш аудандарында күріш алқаптары осы нысанға тікелей тәуелді», – деді облыс әкімі Гүлшара Әбдіқалықова.
</blockquote>
Аймақ басшысы осы көтерілген мәселелерге жете мән беріп, күнделікті өз бақылауында ұстайтынын атап өтті.
<img src="https://kyzylorda-news.kz/wp-content/uploads/2021/05/191047578_1297954050600104_345322720851910586_n.jpg" alt="" />
<img src="https://kyzylorda-news.kz/wp-content/uploads/2021/05/191483976_1297954040600105_8916442816797430754_n.jpg" alt="" />

Гүлшара Әбдіқалықова Сырдария ауданындағы су торабының ахуалымен танысты

<a href="https://kyzylorda-news.kz/">Kyzylorda-news.kz</a>. Қызылорда облысы әкімінің өкімімен және Қазақстан Республикасы Президенті Әкімшілігі мен Сырдария аудандық мәслихатының келісімдері бойынша&nbsp;Сырдария ауданының әкімі қызметіне Ергешбаев Мұрат Нәлхожаұлы тағайындалды.
Мұрат Ергешбаев 1966 жылы туған. Алматы халық шаруашылығы институтын «ауыл шаруашылығын жоспарлау» және Қазақстан Республикасы Президентінің жанындағы Ұлттық жоғарғы мемлекеттік басқару мектебін «мемлекеттік басқару» мамандықтары бойынша бітірген.
Еңбек жолын 1989 жылы Қызылорда облысы Жамбыл кеңшарының экономисті ретінде бастаған. 
1990-2008 жылдары Сырдария аудандық өнеркәсіп бірлестігінің бөлім бастығы, «Әлембанк-Қазақстан» акционерлік қоғамы басқарма бастығының орынбасары, Қызылорда облысы әкімі орынбасарының кеңесшісі, «Қазақстан халық банкі» акционерлік қоғамы Қызылорда филиалының директоры, Қызылорда облыстық еңбек, халықты жұмыспен қамту және әлеуметтік қорғау басқармасы бастығының орынбасары, Қызылорда қалалық қаржы бөлімінің бастығы, Қазақстан Республикасы төтенше жағдайлар министрлігінің «Өрт сөндіруші» акционерлік қоғамының вице-президенті.
2008-2017 жылдары Қызылорда қаласының әкімі, Қызылорда облысы қаржы басқармасының бастығы, Қармақшы және Шиелі аудандарының әкімі, Қазақстан Республикасы Ұлттық экономика министрлігі Тұтынушылардың құқықтарын қорғау комитетінің Алматы қаласы бойынша тұтынушылардың құқықтарын қорғау департаменті басшысының орынбасары, «ҚазАгроӨнім» акционерлік қоғамының басқарушы директоры – аппарат басшысы;
2017 жылдың маусым-қазан айлары аралығында Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы;
2017 жылдың қазан айынан бастап Қазалы ауданының әкімі қызметін атқарды.
<img src="https://kyzylorda-news.kz/wp-content/uploads/2021/05/13.jpg" alt="" />

Сырдария ауданының әкімі ауысты

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова өңірдің батыс аудандарына жұмыс сапарымен барып, бірқатар елдімекендерді аралады.
Аймақ басшысы алдымен Арал ауданына қарасты «Сыры көл» аймағындағы мәселеге назар аударды. Аманөткел ауылына қарасты «Лай көл», «Сары көл», «Қамыстыбас» көлдерінің суы жағадан 500 метр жобасында тартылып, жиегі балшыққа айналған. Су ішуге барған төрт түлік ұйыққа батып, көл жағасында өлген малдың өлекселері көбейген. Жердің қуаңшылығы мен жаңбырдың болмауы жайылым көлемдерін азайтқан. Көл суларының сарғайып ластануына байланысты жағымсыз иіс төрт түліктің су ішуіне қиындық тудыруда.
Осыған байланысты Аманөткел ауылдық округі әкімінің аппаратының ұйымдастыруымен ауылдық елді мекендегі ерікті жастардан арнайы топ құрылған. Арнайы топ осы тұстарда үй жануарларының суға батып кетпеуін қадағалап келеді. Аймақ басшысы Гүлшара Әбдіқалықова Сырдария өзеніндегі судың аз болуы көптеген салаға қиындық тудырып жатқанын айтып, мәселені шешу бағытында шаралардың атқарылып жатқанын сөз етті.
<blockquote>
 «Сырдария өзеніне судың аз түсуі ауылшаруашылық саласына айтарлықтай қиындық келтіруде. Біз осы мәселені шешу бағытында тиісті шараларды қолға алып жатырмыз. Жақында өңірімізге арнайы іс-сапармен келген Қазақстан Республикасының Экология, геология және табиғи ресурстар вице-министрі Серік Қожаниязов трансшекаралық өзендегі мәселеге қатысты мемлекетаралық келісімдердің жасалып жатқандығын айтты. Сондықтан су тапшылығы проблемасы алдағы уақытта шешімін табады деп үміттенеміз», – деді Гүлшара Әбдіқалықова.
</blockquote>
Аманөткел ауылдық округіндегі жағдаймен танысқаннан кейін аймақ басшысы орынбасары Бақыт Жахановқа мәселені күн тәртібіне шығаруды жүктеп, аудан әкімі Серік Сермағанбетовке облыстық экология департаменті мен төтенше жағдайлар департаменті және құзырлы органдармен бірлесіп мәселенің оңтайлы шешілу жолдарын қарауды тапсырды.
<img src="https://kyzylorda-news.kz/wp-content/uploads/2021/05/c13fa072-86ea-487f-b81b-2c09e52456f2.jpg" alt="" />
<img src="https://kyzylorda-news.kz/wp-content/uploads/2021/05/8e826c82-9894-4da4-9cc5-e6642874d56b.jpg" alt="" />
<img src="https://kyzylorda-news.kz/wp-content/uploads/2021/05/cd394db6-360d-48ee-a56c-2692c7fe1475.jpg" alt="" />

Гүлшара Әбдіқалықова Аралдағы Аманөткелдің жағдайымен танысты

<a href="https://kyzylorda-news.kz/">Kyzylorda-news.kz</a>. Облыс әкімінің өкімімен және Қазақстан Республикасы Президенті Әкімшілігі мен Қазалы аудандық мәслихатының келісімдері бойынша Қазалы ауданының әкімі лауазымына (ротациялық тәртіппен) Оразбаев Мұхтар Әуесұлы тағайындалды.
Аймақ басшысы Гүлшара Әбдіқалықова жаңа аудан әкімін Қазалы ауданында өткен жиында таныстырды. 
Мұхтар Оразбаев 1971 жылы Арал қаласында туған. Батыс Қазақстан ауыл шаруашылығы институтын «инженер-механик» мамандығы бойынша бітірген.
Еңбек жолын 1997 жылы «Аралбалық» акционерлік қоғамы автопаркінің механигі ретінде бастаған. 2000-2016 жылдары Арал ауданы әкімі аппаратының жетекші маманы, бас маманы, құжаттамалық қамтамасыз ету бөлімінің меңгерушісі, аудан әкімі аппаратының басшысы, ауданы әкімінің орынбасары қызметтерін атқарған. 
2016 жылғы қараша айынан бастап Арал ауданының әкімі қызметін атқарып келді.
<img src="https://kyzylorda-news.kz/wp-content/uploads/2021/05/191778530_3401315469971498_3312628754317730051_n.jpg" alt="" />

Қазалы ауданына жаңа әкім келді

<a href="https://kyzylorda-news.kz/">Kyzylorda-news.kz</a>. Өңір басшысы Қармақшы аудандағы Жаңажол елді мекеніндегі орналасқан «Жаңажол» ЖШС-де бірнеше шаруашылық басшыларымен кездесті.
Жалпы Қармақшы ауданында ағымдағы жылы жалпы көлемі 25215 гектар алаңға егіс орналастыру жоспарлан. Су тапшылығына байланысты орналастырылатын күріш егісінің көлемін өткен жылмен салыстырғанда 500 гектарға азайтып, әртараптандыру дақылдарының, көкөніс және бақша дақылдарының көлемін арттырған. Атап айтқанда өткен 2020 жылы егістегі күріштің үлесі 59,6% құраса, биылғы жылы 52,1%-ға төмендетілген.
Күріш егісі бойынша бүгінгі таңда 11310 гектар дән себіліп, 9038 га суға бастырылды. Биылғы су тапшылығына байланысты күріш бастыру жұмыстары кестеге сай жүргізілмей келеді дейді шаруашылық басшылары.
Аймақ басшысы бұл мәселелер бойынша тиісті шаралардың атқарылып жатқанын айтты.
<img src="https://kyzylorda-news.kz/wp-content/uploads/2021/05/190900928_3401776063258772_8738323370481400533_n.jpg" alt="" />

Гүлшара Әбдіқалықова Қармақшы ауданындағы шаруашылық басшыларымен жүздесті

<a href="https://kyzylorda-news.kz/">Kyzylorda-news.kz</a>. Облыс әкімінің 2021 жылғы 27 мамырдағы өкімімен және Қазақстан Республикасы Президенті Әкімшілігі мен Арал аудандық мәслихатының келісімдері бойынша Арал ауданының әкімі лауазымына Сермағамбетов Серік Сағитжанұлы тағайындалды.
Аймақ басшысы Гүлшара Әбдіқалықова жаңа аудан әкімін Арал ауданында өткен жиында таныстырды.Серік Сермағамбетов 1965 жылы туған. Алматы халық шаруашылық институты экономист, Гумилев атындағы Евразия университетін заңгер мамандықтары бойынша бітірген.
Еңбек жолын 1988 жылы Балық шаруашылығы министрлігінің материалдық-техникалық жабдықтау орталық базасының аға экономисті болып бастаған.1991-2018 жылдары Қызылорда облысы әкімі аппаратында аға инспектор, Қызылорда қаласы әкімінің қаржы шаруашылық басқармасының бастығы, Қызылорда қаласы әкімі аппаратының жетекшісі, Шиелі ауданы әкімінің орынбасары, облыстық кәсіпкерлік және өнеркәсіп басқармасының бастығы, Жалағаш ауданының әкімі. Қызылорда облысының жұмылдыру дайындығы басқармасының басшысы лауазымдарын атқарған.
2018 жылдан бастап осы кезге дейін «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметін атқарып келді.
<img src="https://kyzylorda-news.kz/wp-content/uploads/2021/05/190883154_3400966506673061_5039909018691815992_n.jpg" alt="" />

Арал ауданының әкімі тағайындалды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1849&nbsp;адамнан коронавирус табылды, деп хабарлады COVID-19 таралуына жол бермеу жөніндегі ведомствоаралық комиссия.
Айта кетейік, бір күн бұрын 1739 науқас тіркелген болатын.
Өңірлер бойынша мәлімет:
<ul>
<li>Нұр-Сұлтан қаласы – 297,</li>
<li>Алматы қаласы – 290,</li>
<li>Шымкент қаласы – 91,</li>
<li>Ақмола облысы – 129,</li>
<li>Ақтөбе облысы – 64,</li>
<li>Алматы облысы – 90,</li>
<li>Атырау облысы – 75,</li>
<li>Шығыс Қазақстан облысы – 80,</li>
<li>Жамбыл облысы – 32,</li>
<li>Батыс Қазақстан облысы – 98,</li>
<li>Қарағанды облысы – 320,</li>
<li>Қостанай облысы – 41,</li>
<li>Қызылорда облысы – 21,</li>
<li>Маңғыстау облысы – 47,</li>
<li>Павлодар облысы – 97,</li>
<li>Солтүстік Қазақстан облысы – 38,</li>
<li>Түркістан облысы – 39.</li>
</ul>
Жалпы ел бойынша ауырғандар саны – 380 160.

Қызылордада 21 адам коронавирус жұқтырғаны анықталды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен кеңейтілген мәжіліс өтті.
Жиынның күн тәртібінде Конго-Қырым геморрагиялық қызбасының алдын алу шаралары, білім беру саласындағы мемлекеттік саясатты іске асыру және жергілікті қамтуды дамыту туралы 3 мәселе қаралды. Алғашқы мәселе бойынша баяндама жасаған облыстық жұмылдыру дайындығы басқармасының басшысы Медет Усаин ағымдағы жылы облыс бойынша Конго-Қырым геморрагиялық қызбасының қоздырғыштары болып табылатын кенелерден «қолайсыз» ретінде 113 елді мекен анықталғандығын жеткізді.
Анықталған 113 елді мекендегі барлық 567 мың 318 мал басына және жалпы көлемі 2 млн. 352 мың 450 шаршы метрді құрайтын 33 мың 385 қора, суат-шаңлақтарға көктемгі және күзгі залалсыздандыру жұмыстарын жүргізу жоспарланған. Қазіргі таңда, Қызылорда қаласы мен Жалағаш, Сырдария, Шиелі, Жаңақорған аудандарында көктемгі залалсыздандыру жұмыстары толығымен аяқталса, Қармақшы аудандарында ІІ-ші кезең жүргізілуде. Қазалы, Арал аудандарында І-ші кезең жалғасуда. Көктем айы басталғалы облыс аумағында «Конго-Қырым геморрагиялық қызбасы нақтыланған» жағдайы бойынша шұғыл түрде қосымша залалсыздандыру жұмыстары жүргізілді.
Аймақ басшысы көктем-күз айларындағы залалсыздандыру жұмыстарының уақытылы әрі сапалы жүргізілуі бойынша бірқатар тапсырма берді. Атап айтқанда, Қызылорда қаласы мен аудан әкімдеріне залалсыздандыру жұмыстарының сапалы жүргізілуі үшін елді мекендердегі мал қоралары мен оның сыртқы аймақтарының механикалық тазалануын қатаң бақылауға алып, тұрғындар арасында өз иеліктеріндегі мал бастарын кенеден жеке қорғау шараларын ұйымдастыру жөнінде түсіндірме жұмыстарын жүргізу тапсырды. Ал, облыстық санитарлық-эпидемиологиялық бақылау департаментіне тиісті сала басшыларымен бірлесіп, Конго-Қырым геморрагиялық қызбасы індетінің алдын алу бойынша профилактикалық шаралардың тиімді әдісін ұсынып, бұқаралық ақпарат құралдарында насихаттауды ұйымдастыруды жүктеді.
Күн тәртібіндегі екінші мәселе бойынша облыстық білім басқармасының басшысы Ақзира Қасымова баяндады. 
Облыс бойынша білім беру саласындағы мемлекеттік саясатты іске асыру бағытында Қазақстан Республикасы Президенті Жолдауында және «Білім беруді және ғылымды дамытудың 2020-2025 жылдарға арналған» мемлекеттік бағдарламасында белгіленген міндеттер мен тапсырмалар, көрсеткіштер кезенмен бекітілген жоспарға сәйкес орындалуда.
2021 жылға білім саласына 173,6 млрд. тенге бөлініп, былтырғы жылмен салыстырғанда қаржыландыру 8 пайызға артқан. Бүгінгі күні облыстағы 669 мектепке дейінгі ұйымда 58 519 бала тәрбиеленуде. Облыста жекеменшік балабақшалардың үлесі 74% құрайды.
Облыстағы 60 қосымша білім беру ұйымдарына 53 012 оқушы қамтылса, мектеп жанындағы үйірмелерге 84 020 оқушы тартылған. Облыста 550 орындық 3 қосымша білім беру ұйымының құрылыстары жүргізілуде (Қармақшы, Жалағаш, Қызылорда). Оның ішінде, екі ғимарат жаңа оқу жылына іске қосылса, бір ғимарат жыл соңына дейін пайдалануға беріледі деп жоспарлануда.
2020 жылы «Жол картасы» аясында 5 колледждің оқу ғимараты, оқу-өндірістік шеберханалары мен жатақханаларына күрделі жөндеу жұмыстары жүргізілді. Бұл мақсатқа республикалық бюджеттен 2,1 млрд. теңге қаржы бөлінді. Оқу орындары ақылы оқу мен ақылы қызмет түрлерінен табыс табу көздерін жүзеге асырып келеді. Атап айтқанда, жылы-жайда көкөніс өсіру, күріш, жоңышқа дақылдарын егу, бау-бақша, жеміс-жидек өсірумен айналысуда.
Облыс әкімі білім саласындағы мемлекеттік саясатты жүзеге асыру бойынша нақты тапсырмалар берді.
<blockquote>
 «Білім беруді және ғылымды дамытудың 2020-2025 жылдарға арналған мемлекеттік бағдарламасында белгіленген индикаторлар мен көрсеткіштердің мерзімінде орындалуын қамтамасыз етіп, жазғы маусымда балалардың тынығуы мен сауқтырылуын сапалы ұйымдастыру қажет. Жазғы уақытта балалардың судағы қауіпсіздігін қамтамасыз ету бағытындағы шараларды бақылауға алыңыздар. Облыстық экономика және бюджетті жоспарлау басқармасы білім басқармасымен бірлесіп, салаға қосымша қажетті қаржы көлемін қайта пысықтап, тиісті ұсыныстар енгізсін. Бюджет есебінен салынып жатқан мектеп құрылыстарының мерзімінде пайдалануға берілуін қамтамасыз етіңіздер, – деді Гүлшара Әбдіқалықова.
</blockquote>
Жергілікті қамтуды дамыту туралы облыстық индустриялық-инновациялық даму басқармасының басшысы Ринат Сұлтангереев баяндама жасады.
ҚР Индустрия және инфрақұрылымдық даму министрлігі тапсырмасына сәйкес ағымдағы жылдың ақпан айында 2019-2020 жылдар кезеңінде жергілікті атқарушы органдардың қызметінде жергілікті қамтуды дамыту жөніндегі шаралардың тиімділігін бағалау үшін тексеру жүзеге асырылды. Тексеру қорытындысы бойынша облысымызға жақсы деген баға қойылды.
Өңірде цемент зауыты, кірпіш зауыттары, темірбетон, асфальт-битум бұйымдарын, әк, полиэтилен құбырларын, желім, әртүрлі фракциядағы қиыршық тасты өндіретін кәсіпорындар жұмыс жасайды.
Аймақ басшысы «Жұмыспен қамту жол картасы – 2021» мемлекеттік бағдарламасы және құрылыс-монтаждау жұмыстары аясында тауарларды сатып алудағы жергілікті қамту үлесін 90%-ға дейін жеткізуді тапсырды. Сонымен қатар, мемлекеттік бюджет қаражаты есебінен іске асатын жобалардың сметалық құжаттамаларына сәйкес отандық құрылыс материалдарын нақты сатып алуға мониторинг жүргізілу қажет екенін айтты.

Гүлшара Әбдіқалықованың төрағалығымен кеңейтілген жиын өтті

<a href="https://kyzylorda-news.kz/">Kyzylorda-news.kz</a>. Кәсіппен айналыспас бұрын түрлі салада жұмыс жасап көрген қызылордалық Төлеген Қабылов «Бастау» жобасы ешкімге тәуелді болмауға үйреткенін айтуда.
Төлеген Арал ауданының тұрғыны. Өзінің жеке кәсібін ашамын дегенше құрылысшы да, күзетші де болып көрген. Бірақ қалаған жұмысы болмағандықтан аталмыш салаларда дамуды көздемеген де.
<blockquote>
 «Бірде Алматы қаласында тұратын ағам ұялы телефондардың аксессуарларын алып-сатумен неге айналысып көрмейсің деді. Ағамның ұсынысы ұнап қалды. Нарықты зерттеп көріп, осы салада жұмыс жасау туралы шешім қабылдадым», – дейді кәсіпкер.
</blockquote>
Ол алғашында алып-сатумен ғана айналысып жүреді. Уақыт өте келе ұялы телефондарды жөндеуге машықтанып, бұл саланы да игереді.
<blockquote>
 «Алғаш телефондарды жөндеуді қолға алғанымда біраз қиналдым. Бастапқыда дұрыс жөндей алмай, тапсырыс берушіге жаңадан ұялы телефон алып берген кездерім де болды. Тәжірибені қателесіп жүріп жинадым. Қазір, шүкір, қызметіме сұраныс жоғары», – дейді Төлеген Қабылов.
</blockquote>
Төлеген ұялы телефондарды жөндеуді кәсіпке айналдыруды жоспарлап жүргенінде ауылдастарынан «Бастау» жобасы туралы естиді. Жоба жөнінде Кәсіпкерлер палатасының аудандық филиалынан жан-жақты кеңес алып, 2019 жылы «Бастаудың» оқу курсынан өтеді.
<blockquote>
 «Жоба аясында біліктілігімді жетілдіргеніме қуаныштымын. Себебі «Бастаудың» арқасында салықтық есептіліктерді тапсыруды үйрендім. Жеке кәсіпкер ретінде тіркелуді арнайы бір жерге барып жасау деп түсінетін едім. Өзім тіркеп, оны уақытша тоқтатып қоюды да осы курстың арқасында білдім», – дейді «бастаулық» түлек.
</blockquote>
Төлеген Қабылов өткен жылы тамыз айында гранттық комиссия алдында бизнес-жоспарын қорғап, 555 мың теңге қайтарымсыз қаржыға қол жеткізеді. Аталмыш грантқа өзінің жеке қаржысын қосып, Қытайдан ұялы телефондарды жөндеуге арналған арнайы құрылғыларды сатып алып, бүгінде Арал ауданының тұрғындарына сапалы қызмет көрсетуде. Ал алдағы уақытта ұялы телефонға арналған қаптамаларды Аралда шығарғысы келеді. Ол үшін бүгінде келіссөздер жүргізіп жатыр екен.
Айта кету керек, Қызылорда облысында 2017-2020 жылдары «Бастау» жобасы бойынша 8927 азамат оқытылып, олардың 3495-інің жобасы қаржыландырылған. 2021 жылы 2500 азаматты оқыту көзделуде.

Төлеген Қабылов: Кәсіппен айналыссаң ешкімге тәуелді болмайсың

&nbsp;<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2810 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 273, 
Алматы қаласы – 759, 
Шымкент қаласы – 178, 
Ақмола облысы – 159, 
Ақтөбе облысы – 119, 
Алматы облысы – 402, 
Атырау облысы – 52, 
Шығыс Қазақстан облысы – 144, 
Жамбыл облысы – 51, 
Батыс Қазақстан облысы – 113, 
Қарағанды облысы – 399, 
Қостанай облысы – 17, 
Қызылорда облысы – 19, 
Маңғыстау облысы – 21, 
Павлодар облысы – 74, 
Солтүстік Қазақстан облысы – 17, 
Түркістан облысы – 13.
Қазақстан бойынша жазылғандар саны – 343788.

COVID-19: 19 қызылордалық жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1739 адамнан коронавирус табылды, деп хабарлады COVID-19 таралуына жол бермеу жөніндегі ведомствоаралық комиссия.
Айта кетейік, бір күн бұрын 1 558 науқас тіркелген болатын.
Өңірлер бойынша мәлімет:
<ul>
<li>Нұр-Сұлтан қаласы – 293,</li>
<li>Алматы қаласы – 310,</li>
<li>Шымкент қаласы – 62,</li>
<li>Ақмола облысы – 130,</li>
<li>Ақтөбе облысы – 36,</li>
<li>Алматы облысы – 96,</li>
<li>Атырау облысы – 64,</li>
<li>Шығыс Қазақстан облысы – 75,</li>
<li>Жамбыл облысы – 21,</li>
<li>Батыс Қазақстан облысы – 87,</li>
<li>Қарағанды облысы – 319,</li>
<li>Қостанай облысы – 40,</li>
<li>Қызылорда облысы – 10,</li>
<li>Маңғыстау облысы – 46,</li>
<li>Павлодар облысы – 87,</li>
<li>Солтүстік Қазақстан облысы – 39,</li>
<li>Түркістан облысы – 24.</li>
</ul>
Жалпы ел бойынша ауырғандар саны – 378 311.

Қазақстан және Қызылорда облысының жаңалықтары: Басты жаңалықтар old