<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1 586 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 250, 
Алматы қаласы – 161, 
Шымкент қаласы – 101, 
Ақмола облысы – 35, 
Ақтөбе облысы – 48, 
Алматы облысы – 169, 
Атырау облысы – 95, 
Шығыс Қазақстан облысы – 34, 
Жамбыл облысы – 21, 
Батыс Қазақстан облысы – 96, 
Қарағанды облысы – 332, 
Қостанай облысы – 30, 
Қызылорда облысы – 32, 
Маңғыстау облысы – 52, 
Павлодар облысы – 72, 
Солтүстік Қазақстан облысы – 27, 
Түркістан облысы – 31.
Қазақстан бойынша жазылғандар саны – 363 604.

Қызылордада 32 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстан территориясының басым бөлігінде атмосфералық фронталды бөліктердің ықпалында болғандықтан, құбылмалы ауа райы сақталады, деп хабарлайды Қазгидромет.
Кей жерлерде найзағаймен жаңбыр күтіледі, бұршақ жаууы ықтимал, Республиканың орталығында қатты жаңбыр жауады. Республиканың кей жерлерінде жел күшейіп, шаңды дауыл күтіледі.
Солтүстік Қазақстан, Қостанай, Ақмола облыстарында, Палодар, Қарағанды, Шығыс Қазақстан облыстарының кей жерлерінде желдің 15-20, екпіні 25 м/с күшеюі күтіледі, шаңды дауыл болды, бұршақ жаууы ықтимал.
Түркістан, Қызылорда облыстарының кей жерлерінде желдің 15-20, екпіні 25 м/с күшеюі күтіледі, шаңды дауыл болды, Түркістан облысында дауыл болады. Батыс Қазақстан облысының кей жерлерінде дауыл күтіледі, күндіз жел 15-20 м/с күшейеді, шаңды дауыл болды, бұршақ жаууы ықтимал. Ақтөбе, түнде Маңғыстау, Атырау облыстарының кей жерлерінде жел 15-20 м/с күшейеді.
Күндіз Қызылорда, Жамбыл облыстарының басым бөлігінде, Алматы, Түркістан облыстарының кей жерлерінде қатты ыстық сақталады.
Қызылорда, Жамбыл, Ақтөбе, Қарағанды, Алматы облыстарында, Атырау, Шығыс Қазақстан, Түркістан, Қостанай, Павлодар облыстарының кей жерлерінде, Ақмола облысының жекелеген ауданында өте жоғары өрт қаупі сақталады.

Қызылордада жел күшейеді

<a href="https://kyzylorda-news.kz/">Kyzylorda-news.kz</a>. Бүгін Тәуелсіз Қазақстанның мемлекеттік рәміздері – Мемлекеттік ту, Мемлекеттік елтаңба және Мемлекеттік гимн күні.
Осыдан тура 29 жыл бұрын, нақты айтқанда 1992 жылдың 4 маусымында ҚР Тұңғыш Президенті – Елбасы Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді. Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды.
Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі.
Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып саналады. Осынау мемлекеттік үш нышанды таңдау үшін 1992 жылдың басында Жоғарғы Кеңес президиумы жұмыс тобын құрып, арнайы шығармашылық комиссия тағайындады. Оның құрамына Салық Зиманов, Ербол Шәймерденов, Серікболсын Әбділдин, Серік Әбдрахманов сынды қайраткерлер кірді. Осыдан кейін бүкіл Қазақстан көлемінде Елтаңба, Ту, Әнұран нұсқаларына конкурс жарияланды. Бір ғана тудың өзіне 600 адамнан 1 200 нұсқа түссе, Елтаңбаның 245 жобасы, әнұранның 750 үлгісі байқауға қатысты. Эстетикалық сипатымен де, тарихи, саяси, экономикалық символизмге сәйкес келуі бойынша да үздік туынды ұсынған байқау жеңімпаздарын қазір халық мемлекеттік нышан авторлары ретінде таниды.
Атап айтқанда, Қазақстан Республикасының Мемлекеттік туы. Тудың авторы – Қазақстанның еңбек сіңірген өнер қайраткері Шәкен Ниязбеков.
Еліміздің мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының арақатынасы – 1:2.
Қазақстан Республикасы Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов. Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған.
Жоғарғы бөлігінде – бес бұрышты көлемді жұлдыз, ал төменгі бөлігінде «QAZAQSTAN» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ «QAZAQSTAN» деген жазу – алтын түстес. Қазақстан Республикасының Мемлекеттік Туы мен Мемлекеттік Елтаңбасының эталондары Қазақстан Республикасы Президентінің Резиденциясында сақталады. Тәуелсіз Қазақстанның тұңғыш Әнұранның авторлары ретінде – әуенін жазған Мұқан Төлебаев, Евгений Брусиловский мен Латиф Хамидидің есімі тарихта қалды.
Үздік мәтінге жарияланған байқауды Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты. 2006 жылы «Менің Қазақстаным» әні ретінде танымал болған Қазақстанның гимні Президент Нұрсұлтан Назарбаевтың бастамасымен 2006 жылы 6 қаңтарда еліміздің Парламентінде бекітілді.
Бірінші рет ол 2006 жылы 11 қаңтарда Тұңғыш Президент, Елбасының салтанатты ұлықтау рәсімінде орындалды. Әннің авторы Шәмші Қалдаяқов, сөзін жазғандар: Жұмекен Нәжімеденов, Нұрсұлтан Назарбаев.
<a href="https://lenta.inform.kz/kz/bugin-memlekettik-ramizder-kuni_a3796604">ҚазАқпарат</a>

Бүгін &#8211; мемлекеттік рәміздер күні

<a href="https://kyzylorda-news.kz/">Kyzylorda-news.kz</a>.&nbsp;&nbsp; Бүгін облыс әкімі Гүлшара Әбдіқалықова ауыр атлетикадан Әлем чемпионатының жеңімпаздары Рахат Бекболат пен Айсамал Сансызбаевамен кездесті. Басқосу жиынына Облыстық ауыр атлетика федерациясының президенті Темірхан Кенжебаев, ауыр атлетикадан 4 дүркін Әлем чемпионы Илья Ильин, ауыр атлетикадан ҚР еңбегі сіңген жаттықтырушы Арман Абдраев қатысты.
Рахат Бекболат пен Айсамал Сансызбаева 23-31 мамыр аралығында Өзбекстанның Ташкент қаласында ауыр атлетикадан 20 жасқа дейінгі жастар арасында өткен Әлем чемпионатында алтын медаль иеленіп, Қазақ елінің Әнұранын екі мәрте шырқатты.
Аймақ басшысы әлемдік аренада ел абыройын асқақтатып, олжалы оралған қос спортшыны жеңісімен құттықтап, игі тілегін арнады.
<blockquote>
 «Мемлекеттік Ту тек екі жағдайда көтерілетінін білесіздер. Ел Президентінің шетелге іссапарында және әлемдік ареналарда спортшылар жеңіске жеткенде, бірінші орын алған спортшы құрметіне Ту көтеріліп, Әнұран шырқалады. Көк тудың көкке көтеріліп, желбіреуі – біздің еңсеміздің көтерілуі, спортшылар мәртебесінің артқандығы деп білемін. 
 Жеңіс еңбексіз келмейді. Спортшыларымыздың үздіксіз жаттығып, жарысқа жауаптылықпен қарауы мен жаттықтырушылардың дайындық процесін дұрыс ұйымдастыра білуінің арқасында осындай жетістіктерге қол жеткізіп отырмыз»,-деді Гүлшара Әбдіқалықова.
</blockquote>
Айту керек, Рахат пен Айсамал өткен жылы Перудің Лима қаласында онлайн форматта өткен Әлем кубогында жеңімпаз атанып, ел мәртебесін асырды. Кезекті жеңісі кезінде де қос спортшыны аймақ басшысы қабылдап, құрмет білдірген.
Кездесуде Әлем чемпионатының жеңімпаздары сөз алып, облыс әкіміне алғысын жеткізіп, байрақты бәсеке кезіндегі ерекше сәттерімен бөлісті. Сонымен бірге ауыр атлетикадан 4 дүркін Әлем чемпионы Илья Ильин жастардың ауыр атлетика бағытына деген қызығушылығы жоғары екенін атап өтіп, өңірде командалық жұмыстың үйлесімді түрде дамып жатқанын жеткізді.
Жиын соңында аймақ басшысы Гүлшара Әбдіқалықова байрақты бәсекеде жоғары нәтиже көрсеткен қос спортшыға сый-сияпат беріп, қаржылай сыйақы табыстады.

Гүлшара Әбдіқалықова Әлем чемпионатының жеңімпаздарымен кездесті

<a href="https://kyzylorda-news.kz/">Kyzylorda-news.kz</a>. ҚР Президенті Әкімшілігінің Басшысы Ерлан Қошановтың бұйрығымен Президент Баспасөз қызметінің Сектор меңгерушісі, белгілі журналист Ержан Байтілес бүгіннен бастап ҚР Мемлекеттік хатшысының Хатшылығы меңгерушісінің орынбасары (саяси қызмет) болып тағайындалды.
Бұл туралы ҚР Президентінің Баспасөз хатшысы Берік Уәли хабарлады.
<blockquote>
 «Ержан Байтілес «Ақ жол Қазақстан», «Алматы ақшамы», «Алты Алаш», «Ана тілі», «Егемен Қазақстан» секілді еліміздің іргелі басылымдарында тілшіліктен бастап журналистиканың барлық сатысынан өткен тәжірибелі қаламгер. Қызылорда қалалық мәслихатының депутаты, «Nur Otan» партиясы Қызылорда облыстық филиалы төрағасының орынбасары ретінде қоғамдық жұмысқа да белсенді араласқан азамат. Осыдан екі жыл бұрын ҚР Президентінің Баспасөз қызметіне арнайы шақырдық. Солайша мемлекеттік қызметтің қыр-сырына үйреніп, үлкен мектептен өтіп, шыңдалды. Енді қанаты қатайып, тәжірибесі толысып тағы бір баспалдаққа көтеріліп жатыр», дейді Берік Уәли әлеуметтік желідегі <a href="https://www.facebook.com/profile.php?id=100003403233694">парақшасында</a>.
</blockquote>

Белгілі журналист Ержан Байтілес жаңа қызметке тағайындалды

<a href="https://kyzylorda-news.kz/">Kyzylorda-news.kz</a>.&nbsp;Қыс-көктем мезгілдерінде қар мен жауын-шашын мөлшерінің аз болуына байланысты Арал ауданында қуаңшылық орын алды. Нәтижесінде наурыз-сәуір айында өңір шаруалары мал шығынына ұшырады.
<blockquote>
 «Мал басының қырылуының бірнеше себебі бар. Алғашқысы қуаңшылық болса, екіншісі жайылымдық жерлердің тозуы. Аталған факторлар салдарынан бүгінге дейін ауданда 321жылқы, 159 мүйізді ірі қара және 1 түйе малы, барлығы 481 бас ауылшаруашылығы жануарлары өлген. Мал саны мен мал азығының балансын ұстап тұру үшін аудандағы шаруашылық құрылымдары мал бастарын қысқарту бағытында жұмыс жасап жатыр. Ауыл тұрғындары, еріктілер және аудандық төтенше жағдайлар бөлімінің қызметкерлері тарапынан кезекшілік ұйымдастырылуда. Қосымша падамен қамтамасыз етілуде. Қазір мал өлімі жоқ», – деді аудан әкімінің орынбасар Еркін Әбішев.
</blockquote>
Аудандағы шаруа қожалықтарын жем-шөппен қамтамасыз ету мақсатында жүйелі жұмыстар жүргізілуде. Ақтөбе облысының Ырғыз ауданы және аймақтағы аудандармен келісімдер жасалуда. Күні кеше Аралға 116 тонна жоңышқа шөбі әкелінсе, алдағы күндері 518 тонна мал азығы алынады. Осы аптаның сенбі күні Арал ауданында ауыл шаруашылығы жәрмеңкесі өткізіліп, жем шөп нарық бағасынан 10-15 пайызға арзан сатылмақ.
<img src="https://kyzylorda-news.kz/wp-content/uploads/2021/06/195113722_1301841626878013_4124279959851328848_n.jpg" alt="" />

Қуаңшылық: Аралдағы шаруашылықтарға жем-шөп жеткізілуде

<a href="https://kyzylorda-news.kz/">Kyzylorda-news.kz</a>.&nbsp; Бүгін аймақ басшысы Гүлшара Әбдіқалықова облыс елді мекендерін газдандыру мәселелері бойынша атқарылған жұмыстарды таразылады. Облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов атқарылатын жұмыстар мен алдағы жоспарды жеткізді.
Биыл облыстағы Қазалы қаласын, Жосалы және Жалағаш кенттерін, Шиелі ауданындағы Бекежанов және Қодаманов елді мекендерін жыл соңына дейін газбен жабдықтау жоспарланған. Осылайша, облыстағы тұрғындардың газға қолжетімділігін 67,4 пайызға жеткізу міндеті тұр.
Сонымен қатар, ағымдағы жылы Қызылорда қаласына қарасты Наурыз және Ж.Махамбетов елді мекендерін газдандыру жұмыстарын бастауға республикалық бюджеттен тиісті қаржы қаралды. 
Жалпы облыста 2025 жылға дейін 22 елді мекенге газ тарту жоспарланып отыр.
Облыс әкімі Гүлшара Әбдіқалықова басқарма басшысына бірқатар тапсырмалар жүктеп, жыл жоспарында газдандырылатын елді мекендердегі құрылыс жұмыстарын уақытылы аяқтауды тапсырды.

Биыл Наурыз бен Махамбетов ауылына газ келе ме?

Kyzylorda-news.kz. Бүгін облыс әкімі Гүлшара Әбдіқалықова «Кальциленген сода шығару зауыты» жобасы бойынша жоба бастамашысы «Арал Сода» ЖШС және «Чайна Гонконг Лунцзи Интернэшнл Груп.Лтд» гонконгтық компаниясының өкілдерімен кездесу өткізді.
Кездесу барысында аймақ басшысы жобаның экономикалық, әлеуметтік және экологиялық мәселелеріне назар аударуды тапсырды. Жоба бастамашысының құрылтайшысы тұз нарығында 90 жылдам астам жұмыс тәжірибесі бар Қазақстандағы ірі кәсіпорындардың бірі – «Аралтұз» АҚ.
Бүгінгі күні елімізге жылына 420-450 мың тонна кальциленген сода өнімі Ресей және Өзбекстан елдерінен импортталады және 43,1 – 46,2 млрд.теңге сыртқа кетеді. Жиында облыс әкімі жобаның экономикалық тиімділігін бірнеше бағыттар бойынша тарқатып берді.
<blockquote>
 “Біріншіден, экономикалық жағынан алғанда зауыттың қуаттылығы жылына 300 мың тоннаны құрайды. Нәтижесінде, ішкі нарықтың 75% қажеттілігін өтейтін импорт алмастырушы және бәсекеге қабілетті ірі өндіріс орны құрылады. Сонымен қатар, 300 мың тонна кальциленген өнімнің қаржылай мәндегі құны 30 млрд теңге сыртқа кетпей, өзіміздің Арал ауданында қалатын болады. Жобаны іске асыру өз кезегінде 100 млрд теңгеден аса инвестиция тартылады. Екіншіден, әлеуметтік жағынан алғанда зауыт 700 жаңа жұмыс орнын және сервистік компанияларда 500-ден аса жұмыс орнын ашуға мүмкіндік береді. Арал өңірінде Аралтұз кәсіпорнынан басқа ірі өндіріс орындары болмауына байланысты жұмыс орындарын құру қажеттілігі Арал өңірі үшін аса маңызды”, – деді Гүлшара Әбдіқалықова.
</blockquote>
Кездесуде облыс әкімі жоба бастамашысына құрылыс кезінде пайдаланылатын материалдардың қазақстандық мазмұнда болуын, кадрлардың жергілікті жерден алынуын тапсырып, салық базасын кеңейтуді тапсырды.
Жиын соңында Гүлшара Әбдіқалықова қазіргі таңда шлам сақтау қоймасына экологиялық оң қорытынды алынғанымен жергілікті халық арасында сұрақтар туындап жатқанын атап өтті. Осыған орай, экологиялық бағытта туындаған сұрақты шешу үшін Өзбекстан Республикасында жұмыс жасап тұрған сода өндіретін зауытқа бастамашыларды апарып, оның қызметімен таныстыру жұмыстарын тездетіп ұйымдастыруды тапсырды.
<img src="https://kyzylorda-news.kz/wp-content/uploads/2021/06/fb_img_1622552526802.jpg" alt="" />
<img src="https://kyzylorda-news.kz/wp-content/uploads/2021/06/fb_img_1622552529252.jpg" alt="" />
<img src="https://kyzylorda-news.kz/wp-content/uploads/2021/06/fb_img_1622552531758.jpg" alt="" />

Гүлшара Әбдіқалықова жоба бастамашыларымен бірге кальциленген сода шығаратын зауыт салу мәселесін талқылады

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының кәсіпкерлері өңірдегі 700 оқушыға дәріс өтті. Бұл туралы Қызылорда облысы кәсіпкерлер палатасы Адами капиталды дамыту бөлімінің бастығы Гүлмира Әлназарова айтты.
Палата маманы облыс мектептеріне 2019 жылдан бері «Кәсіпкерлік және бизнес негіздері» пәні енгізіліп, аталмыш пән аясында оқушылардың іскерлік қабілетін дамыту көзделіп отырғандығын жеткізді.
Ол үшін пән мұғалімдерінің біліктілігін арттыру мақсатында аймақтың 108 ұстазы арнайы курстан өткізіліп, қажетті бағыт-бағдар берілген.
Биылғы оқу жылының І, ІІ тоқсанында «Кәсіпкерлік және бизнес негіздері» пәнінде теориялық білім алған оқушылардың білімін бекіту, тәжірибемен ұштастыру мақсатында Кәсіпкерлер палатасы ІV оқу тоқсатында өңірдің барлық ауданы мен Қызылорда қаласы оқушылары үшін «қонақ дәрісі» шарасын ұйымдастырды.
Аталмыш шара аясында өз саласында жетістікке жеткен кәсіпкерлер мен бизнес-тренерлер оқушыларға кәсіп ашудың қыр-сырымен, өз тәжірибелерімен бөліскен.
<blockquote>
 «Қонақ дәрісін» облыстық оқу орталығымен бірге онлайн ұйымдастырдық. Қызылорда қаласы мен аудандардан 6 дәріске 700 оқушы қатысты. Оқушыларға қазір қолданыста бар мемлекеттік бағдарламалар, сұранысқа ие бизнес-идеялар мен аталмыш идеяларды қаржыландыру тетіктеріне қатысты ақпараттар берілді. Ал өңір кәсіпкерлері жеке бизнес құрудың тиімділіктері, кездескен қиындықтары мен алған сабақтары туралы тәжірибелерімен бөлісті», – дейді Гүлмира Әлназарова.
</blockquote>
Кәсіпкерлер палатасы бұл бастаманы алдағы уақытта жаңа оқу жылында да жалғастыруды көздеуде.
Айта кету керек, «Кәсіпкерлік негіздері» пәні Қызылорда облысы кәсіпкерлер палатасының бастамасымен 2014 жылы пилоттық негізде Қызылорда қаласындағы №9 мектеп-гимназиясында енгізілген болатын. Жобаның тиімділігі ескеріле келе «Атамекен» мен Білім және ғылым министрлігінің бірлескен жобасы ретінде республиканың барлық мектептері мен оқу орындарында енгізілді.
<img src="https://kyzylorda-news.kz/wp-content/uploads/2021/06/gost-lekc.jpg" alt="" />

Қызылордалық кәсіпкерлер 700 оқушыға дәріс өтті

<a href="https://kyzylorda-news.kz/">Kyzylorda-news.kz</a>.&nbsp; Қазақстан президенті Қасым-Жомарт Тоқаев қазақстандықтарды балаларды қорғаудың халықаралық күнімен құттықтады.
<blockquote>
 «1 маусым – Халықаралық балаларды қорғау күні. Еліміздің жас буын өкілдерінің балалық шағы бақытты өтіп, дені сау, жан-жақты азамат болып өсуіне жағдай жасау – стратегиялық маңызы бар міндет. Бұл – Қазақстанның жарқын болашағының кепілі», – жазды мемлекет басшысы&nbsp;Твиттер&nbsp;парақшасында.&nbsp;
</blockquote>
Қазақстан жыл сайын&nbsp;1 маусымда&nbsp;халықаралық балаларды қорғау күнін атап өтеді.
Мерекені 1 маусымда атап өту туралы шешім Парижде 1949 жылдың қарашасында өткен Халықаралық демократиялық әйелдер федерациясы конгресінде қабылданды.

Қасым-Жомарт Тоқаев балаларды құттықтады

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың қатысуымен ашаршылық және саяси қуғын-сүргін құрбандарына арналған мемориалды ескерткіште митинг өтті.
Шара 31 мамыр – Ашаршылық және саяси қуғын сүргін құрбандарын еске алу күніне арнайы ұйымдастырылды. Митингке облыстық мәслихатының хатшысы Наурызбай Байқадамов, қала әкімі Ғанибек Қазантаев, облыстық ардагерлер кеңесінің төрағасы Серік Дүйсенбаев, ҚМДБ-ның Қызылорда облысы бойынша өкілі, «Ақмешіт-Сырдария» мешітінің Бас имамы Болатбек Абуов және мемлекеттік орган өкілдері қатысты.
Аймақ басшысы Сыр жұртшылығы атынан ескерткішке «Тағзым гүлін» қойып, шараға қатысушылар құрбандар рухына бас иді. Бас имам құран бағыштады.
Ашаршылық кезеңін зерттеушілердің мәліметтеріне сәйкес, тоталитарлық жүйе жүргізген саясаттың салдарынан облыс бойынша 4038 отбасы қуғынға ұшырап, 1153 адам атылған екен.
<img src="https://kyzylorda-news.kz/wp-content/uploads/2021/05/194260202_3412425085527203_8917351614415668117_n.jpg" alt="" />
<img src="https://kyzylorda-news.kz/wp-content/uploads/2021/05/192879824_3412425428860502_8169272149851086120_n.jpg" alt="" />
<img src="https://kyzylorda-news.kz/wp-content/uploads/2021/05/192805442_3412425558860489_5262777346633158008_n.jpg" alt="" />

Ашаршылық және саяси қуғын-сүргін құрбандарын еске алу күніне арналған митинг өтті

<a href="https://kyzylorda-news.kz/">Kyzylorda-news.kz</a>.&nbsp; ҚР Президенті Қасым-Жомарт Тоқаев Саяси қуғын-сүргін және ашаршылық құрбандарын еске алу күніне байланысты үндеу жариялады.
Мемлекет басшысы Қасым-Жомарт Тоқаевтың Саяси қуғын-сүргін және ашаршылық құрбандарын еске алу күніне байланысты үндеуі
Құрметті отандастар!
Бүгін, 31 мамыр – ел тарихындағы ең азалы кезеңнің бірін еске алу күні.
Өткен ғасырдың алғашқы жартысындағы саяси қуғын-сүргін Кеңес Одағы дәуіріндегі миллиондаған азаматтың тағдырына таңба салды. Қазақстанда жүз мыңнан астам адам жазықсыз сотталып, оның төрттен бірі өлім жазасына кесілді.
Еліміздің аумағында он бір еңбекпен түзеу лагері болды. Қазақстан Республикасының Тұңғыш Президенті Нұрсұлтан Назарбаевтың бастамасымен қасірет мекені КАРЛАГ пен АЛЖИР-де тоталитарлық жүйенің шексіз қатігездігін үнемі еске салып тұратын тарихи мемориалды кешендер ашылды.
Зұлмат заманда тұтас халықтар қудалауға түсті. Туған жерінен зорлықпен көшірілген бес миллионға жуық адам қасиетті қазақ жерінен пана тапты. Қазақстан олардың құтты мекеніне айналды.
Ұлтымыз алапат аштықтың зардабын тартып, орны толмас шығынға ұшырады. Шектен шыққан ұжымдастыру науқаны Ұлы даланы бұрын-соңды болмаған ауқымды гуманитарлық апатқа ұрындырды.
Халқымыз небір зобалаңды көрсе де рухын аласартқан жоқ. Бірлігін бекемдеп, ынтымағын арттыра түсті.
Тәуелсіздік таңы атқаннан кейін біз арыстарымызды ақтауға кірістік. Кезінде жазықсыз жазаланған мыңдаған азаматтың есімін ел жадында жаңғырттық.
Былтыр қуғын-сүргін құрбандарын толық ақтау үшін&nbsp;<a href="https://www.inform.kz/kz/kugyn-surgin-kurbandaryn-aktau-buryn-belgisiz-derekterdi-zhuyeleu-zhurip-zhatyr_a3794481">Мемлекеттік комиссия</a>&nbsp;құрылды. Комиссия солақай саясаттан жапа шеккен қазақстандықтарға қатысты тарихи әділдікті қалпына келтіруге тиіс. Бұл – мемлекеттің ғана міндеті емес, бүкіл қоғамның парызы.
Төл шежіреміздегі қайғылы кезеңдерді ұлттық бірегейлігімізден бөле-жара қарау мүмкін емес. Сондықтан, біз саяси қуғын-сүргін және ашаршылық құрбандарының рухына тағзым етіп, есімдерін мәңгі есте сақтаймыз.
Тарихтан тағылым алып, мұндай тауқымет ешқашан қайталанбауы үшін бәрін жасайтын боламыз.

Қазақстан және Қызылорда облысының жаңалықтары: Басты жаңалықтар old

Қызылордада 32 адам коронавирустан жазылды

Қызылордада жел күшейеді

Бүгін – мемлекеттік рәміздер күні

Гүлшара Әбдіқалықова Әлем чемпионатының жеңімпаздарымен кездесті

Белгілі журналист Ержан Байтілес жаңа қызметке тағайындалды

Қуаңшылық: Аралдағы шаруашылықтарға жем-шөп жеткізілуде

Биыл Наурыз бен Махамбетов ауылына газ келе ме?

Гүлшара Әбдіқалықова жоба бастамашыларымен бірге кальциленген сода шығаратын зауыт салу мәселесін талқылады

Қызылордалық кәсіпкерлер 700 оқушыға дәріс өтті

Қасым-Жомарт Тоқаев балаларды құттықтады

Ашаршылық және саяси қуғын-сүргін құрбандарын еске алу күніне арналған митинг өтті

Қасым-Жомарт Тоқаев: Біз саяси қуғын-сүргін және ашаршылық құрбандарының есімдерін мәңгі есте сақтаймыз

Қазақстан және Қызылорда облысының жаңалықтары: Басты жаңалықтар old

Қызылордада 32 адам коронавирустан жазылды

Қызылордада жел күшейеді

Бүгін &#8211; мемлекеттік рәміздер күні

Гүлшара Әбдіқалықова Әлем чемпионатының жеңімпаздарымен кездесті

Белгілі журналист Ержан Байтілес жаңа қызметке тағайындалды

Қуаңшылық: Аралдағы шаруашылықтарға жем-шөп жеткізілуде

Биыл Наурыз бен Махамбетов ауылына газ келе ме?

Гүлшара Әбдіқалықова жоба бастамашыларымен бірге кальциленген сода шығаратын зауыт салу мәселесін талқылады

Қызылордалық кәсіпкерлер 700 оқушыға дәріс өтті

Қасым-Жомарт Тоқаев балаларды құттықтады

Ашаршылық және саяси қуғын-сүргін құрбандарын еске алу күніне арналған митинг өтті

Қасым-Жомарт Тоқаев: Біз саяси қуғын-сүргін және ашаршылық құрбандарының есімдерін мәңгі есте сақтаймыз

Бүгін – мемлекеттік рәміздер күні