<a href="https://kyzylorda-news.kz/">Kyzylorda-news.kz</a>. Қызылорда облысында жыл басынан бері 53019 адамға мемлекеттік әлеуметтік көмек төленді. Мұнан өзге, қаржылай көмек алушылардың қатарындағы еңбекке жарамды 1024 адам тұрақты жұмысқа орналастырылды. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдікәрімов мәлімдеді.
<blockquote>
 «Өңірде 29 мыңнан астам көп балалы отбасы бар. Мемлекет тарапынан көп балалы аналардың беделін арттыру, мүгедектігі бар жандарды және аз қамтылған отбасыларды қолдау мақсатында жәрдемақылар мен төлемдер жүйесі қарастырылған. Яғни, жыл басынан бюджеттен 56 840 аз қамтамасыз етілген азаматқа 1638,2 млн. теңге көлемінде әлеуметтік көмек төленді», – деді Мейрамбек Жақсылықұлы.
</blockquote>
Сонымен қатар, жеке кәсіпкерлер көмекке мұқтаж 6 564 адамға қаржылай қолдау көрсеткен. Бұған қоса, 7 отбасы тұрғын-үймен қамтамасыз етілген.

Қызылордада 53019 адамға мемлекеттік әлеуметтік көмек көрсетілді

<a href="https://kyzylorda-news.kz/">Kyzylorda-news.kz</a>. Қызылорда облысы тұрғындарының 31,5 пайызы коронавирус инфекциясына қарсы екпе салдырды. Мәселен, бірінші компонентін 120 675 адам , ал екіншісін 66 603 тұрғын қабылдады. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
Бүгінде облыс бойынша 19 медициналық мекемеде індетке қарсы егу жұмыстары жүргізілуде.
<blockquote>
 «Қазіргі таңда індетті ауыздықтар бір ғана жол бар. Ол – вакцинация. Бізге алып-қашпа сөздерге еруді қойып, ұжымдық иммунитет қалыптастыруға сергектік таныту маңызды. Өзіміздің және отбасымыздың, айналамыздың қауіпсіздігін сақтаудың жауапкершілігін жіті сезінуіміз керек», – деді Сәбит Бексейітұлы.
</blockquote>
Қазіргі уақытта «Спутник V», «QazVac» және «Hayat-Vax», «Корона Вак» вакциналары қолданыста. Екпенің жеткілікті қоры барлық медицина ұйымдарында жасақталған. Егу маусымы басталғалы облысқа вакциналардың 1-компонентінен – 165 560 дозасы, 2-компонентінен 87 300 доза екпе жеткізілген. Қазіргі таңда екпенің 1-компонентінен 46 736, 2-компонентінен 21 121 доза қалды.
<blockquote>
 «Аймақта жыл басынан бері 167 мониторингтік топ 10 мыңға жуық нысанды тексерді. Нәтижесінде 325 карантин талаптарын бұзушылық анықталып, айыппұл салынды. Қазіргі таңда бірқатар шетелде және бізбен көршілес елдерде коронавирус инфекциясы қайта бас көтеруде. Ғалымдар әлемде вирус жұқтырғандардың күрт өсуіне коронавирустың Үндістанда табылған жаңа штамы да себеп болуы мүмкін деген болжам айтып отыр. Ресейде коронавирус инфекциясын жұқтыру жағдайы күн санап артуда. Санкт-Петербургте инфекция жұқтыру оқиғалары санының өскені соншалық, инфекциялық ауруханалардағы палаталар санының тапшылығы байқалуда. Ауруханадағы инфекциялық бөлімде орындар жетіспегендіктен, науқастастар еденге жатқызылуда. Бұл жағдай бізде қайталанбас үшін орай әр адам өз денсаулығы мен жақындарының өміріне аса сақтықпен, жауапкершілікпен қарауды сұраймыз», – деді облыстың Бас мемлекеттік санитариялық дәрігері Динара Жаңабергенова.
</blockquote>

Қызылордада 120 675 адам вакцинаның бірінші компонентін қабылдады

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1084 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 273, 
Алматы қаласы – 100, 
Шымкент қаласы – 10, 
Ақмола облысы – 18, 
Ақтөбе облысы – 55, 
Алматы облысы – 10, 
Атырау облысы – 85, 
Шығыс Қазақстан облысы – 54, 
Жамбыл облысы – 48, 
Батыс Қазақстан облысы – 138, 
Қарағанды облысы – 129, 
Қостанай облысы – 29, 
Қызылорда облысы – 7, 
Маңғыстау облысы – 8, 
Павлодар облысы – 85, 
Солтүстік Қазақстан облысы – 22, 
Түркістан облысы – 13.
Қазақстан бойынша жазылғандар саны – 386127.

Қызылордада 7 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 943 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 323, 
Алматы қаласы – 110, 
Шымкент қаласы – 17, 
Ақмола облысы – 33, 
Ақтөбе облысы – 7, 
Алматы облысы – 27, 
Атырау облысы – 26, 
Шығыс Қазақстан облысы – 64, 
Жамбыл облысы – 22, 
Батыс Қазақстан облысы – 13, 
Қарағанды облысы – 153, 
Қостанай облысы – 31, 
Қызылорда облысы – 30, 
Маңғыстау облысы – 12, 
Павлодар облысы – 43, 
Солтүстік Қазақстан облысы – 15, 
Түркістан облысы – 17.
Жалпы ел бойынша ауырғандар саны 410523.

Қызылордада 30 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова мемлекеттік мекемелердегі электронды қызмет көрсету мәселелерін талқылады. Облыстық цифрлық технологиялар басқармасының басшысы Юлия Тремасова атқарылған жұмыстарды баяндап, негізгі көрсеткіштерді тізбеледі.
2021 жылдың 5 айында облыс көлемінде жалпы 2 666 076 мемлекеттік қызмет көрсетілді. Оның ішінде 1585 850 қызмет «электрондық үкіметтің» веб-порталы және көрсетілетін қызметті берушінің ақпараттық жүйелері арқылы көрсетілсе, 34485 қызмет мемлекеттік корпорация арқылы, 1045 481 қызмет қызмет мемлекеттік органдармен қағаз түрінде көрсетілген.
Қазіргі таңда жергілікті атқарушы органдармен мемлекеттік көрсетілетін қызметтердің 173 түрі көрсетіледі. Соның электронды түрде 141қызмет түрі қолжетімді. Қалған 18 қызмет түрі жыл соңына дейін орталық атқарушы органдармен автоматандырылады деп жоспарлануда.
Жиында Юлия Тремасова «Электрондық қызметтерді алу орталығы» ашылғалы бері 27345 электронды қызмет көрсетілгенін атап өтті. Орталық арқылы тұрғындар мемлекеттік қызметтерді электронды түрде өздігінен ала алады.
<img src="https://kyzylorda-news.kz/wp-content/uploads/2021/06/204127912_3467343986701979_877374937676065645_n.jpg" alt="" />
Сонымен қатар, аймақта облыстағы барлық мемлекеттік мекемелерде, техникалық және кәсіптік білім беру ұйымдарында, орта және мектепке дейінгі білім беру органдарында, емханаларда, ауруханаларда электронды қызметтерді алуға 900-ге жуық «өзіне-өзі қызмет көрсету бұрыштары» ашылған.
Айта кетейік, өңірде өткен жылы Zoom платформасы арқылы 6 бағыт бойынша 12 онлайн-семинар өткізілсе, биыл 5 айда 4 онлайн-семинар және 1 офлайн семинар өткізілді.
Жиын соңында облыс әкімі Гүлшара Әбдіқалықова басқарма басшысына мемлекеттік мекемелердегі электронды қызметтерді көрсету бағытындағы жұмыстардың жүйелі жүріп, қызметтердің уақытылы көрсетілуіне баса мән беру қажет деп атап өтті. Сондай-ақ, тұрғындардың қызметтерді алу қолжетімділігі бойынша түсіндірме жұмыстарын кешенді түрде жүргізуді және талдау жұмыстарды жалғастыруды тапсырды.
<img src="https://kyzylorda-news.kz/wp-content/uploads/2021/06/205220696_3467343666702011_1525149286615952680_n.jpg" alt="" />

Қызылордада «Электрондық қызметтерді алу орталығы» ашылғалы 27345 қызмет көрсетілген

<a href="https://kyzylorda-news.kz/">Kyzylorda-news.kz</a>.&nbsp;Қазіргі таңда Қызылорда облысында 146 жанар-жағармай бекеті бар. Бүгінде орташа есеппен АИ-92 бензині 170,4 теңге, АИ-95-188,2 теңге, дизель отыны 188 теңгенің шамасында сатылуда. Жалпы соңғы мәліметке сәйкес, аймақта АИ-92 314,6 тонна, дизель 3153,9 тонна қоры бар. Бұл туралы Өңірлік коммуникаицялар қызметінің ақпарат алаңында облыстық кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Облыста бір күнде ең жоғарғы сұранысқа ие АИ-92 бензиннің қажеттілігі орташа есеппен 215 тонна. Ал дизель отыны – 133 тоннаны құрайды. Бұл ретте АИ-92 бензині 14 күнге, дизель отыны 23 күнге жетеді деп болжанып отыр», – деді Фердоуси Қожабергенов.
</blockquote>
Маусым айының бірінші жартысында «Петро Казахстан Ойл Продактс» зауытының жөндеу жұмыстарына байланысты Шымкент қаласы мен Түкістан облысында газдың жетіспеушілігі орын алды. Аталған жәйт біздің облысқа да кері әсерін тигізді.
<blockquote>
 «Ағымдағы жылдың маусым айында Энергетика министрлігіне 8 мың тонна сұйытылған газ алуға өтінім жолданған болатын. Нақты бөлгені 6,9 мың тонна. «Петро Казахстан Ойл Продактс» компаниясынан маусым айына облысқа 1,1 мың тонна газ қаралған. Бірақ әлі толықтай жеткізілген жоқ. Себебі зауыт өткен аптада ғана іске қосылды», – деді облыстық энергетика және тұрғын үй-коммуналдық басқармасы басшысының орынбасары Ерлан Жоламанов.
</blockquote>
Жақын уақытта облысқа Шымкент қаласындағы мұнай өңдеу зауытынан 530 тонна АИ-92 маркалы бензин және 1553 тонна дизель отыны жеткізіледі.
<blockquote>
 «Жалпы өзге облыстармен салыстырмалы түрде біздің аймақта жанар-жағармай бағасы төмен. Біздің тарапымыздан сұйытылған газға байланысты талдау жұмыстары жүргізілуде. Егер Заңға қайшы жағдайлар анықталса, міндетті түрде шара қолданамыз», – деді облыс бойынша бәсекелестікті қорғау және дамыту департаментінің басшысы Ерсін Орынбаев.
</blockquote>

Фердоуси Қожабергенов: АИ-92 14 күнге, дизель отыны 23 күнге жетеді

<a href="https://kyzylorda-news.kz/">Kyzylorda-news.kz</a>. Қызылордада жоғалып кеткен 13 жасар қыз, өкінішке орай өлі күйінде табылды. Бағдатқызы Замираның денесі Тұңғыш президент паркінің жанындағы Шіркейлі каналының бойынан табылған.
Іздестіру жұмыстарына барлық қалалық Полиция басқармасының 300-ге тарта қызметкері, Төтенше жағдайлар департаменті, еріктілер тобы және жергілікті тұрғындар жұмылдырылған.
<blockquote>
 «Бүгін, 20 маусым күні жергілікті уақыт сағат 14:00 шамасында үйінен шамамен 2 км жерде Тұңғыш президент паркінің жанындағы Шіркейлі каналының бойынан жасөспірім қыздың денесі табылды. Қажетті сот-медициналық сараптамалар тағайындалды. Кәмелет жасына толмаған қыздың денесінде зорлық-зомбылық белгілері байқалмайды. Орын алған оқиға бойынша тергеу әрекеттері басталды. Тергеу әрекеттері Полиция департаменті бастығының қатаң бақылауында. 
 Жасөспірім қыздың ата-анасына, барша туған-туыстары мен бауырларына Қызылорда қалалық Полиция басқармасының қызметкерлерінің атынан қайғырып көңіл айтамыз», – делінген Қызылорда қалалық Полиция басқармасының таратқан хабарламасында.
</blockquote>

Қызылордада жоғалып кеткен жасөспірімнің денесі табылды

<a href="https://kyzylorda-news.kz/">Kyzylorda-news.kz</a>.&nbsp; Өңірде бірінші шілдеден бастап судьялар жаңа кодекс бойынша жұмыс істейтін болады. Яғни, әкімшілік рәсімдік-процестік кодекс.
Осыған орай, республика бойынша 21 мамандандырылған әкімшілік сот құрылды. Бұл туралы Өңірлік коммуникациялар қызметінің ақпарат алаңында өткен брифингте облыстық соттың судьясы Жанат Оспанова баяндады.
<blockquote>
 «Жоғары Сотта және облыстық соттарда арнайы әкімшілік алқалар құрылды. Бұл соттар билікпен азаматтар арасындағы дауларды қарайды. Даулар осы күнге дейін де қаралып келді. Алайда азаматтық процестік кодекс ережелерімен реттелген болса, енді қарау тәртібі өзгереді», – деді Жанат Әнуарқызы.
</blockquote>
Аталған Кодекс еліміздің тарихында алғаш қабылданып отырған мемлекеттік органдардың ішкі әкімшілік рәсімдерін, оларды жүзеге асыруға байланысты қатынастарды, әкімшілік сот ісін жүргізу тәртібін реттейтін жаңа заңнама.

Облыстық сотта арнайы әкімшілік алқа құрылды

<a href="https://kyzylorda-news.kz/">Kyzylorda-news.kz</a>. Биыл Қызылорда қаласына қарасты ауылдық округтерге 8750 гектар ауыл шаруашылық дақылдары егілді. Жалпы егістікті суарға 260 млн текше метр су бөлінді. Бұл туралы Өңірлік коммуникациялар қызметінің ақпарат алаңында өткен брифингте қала әкімінің орынбасары Асқарбек Есжанов мәлімдеді.
Сонымен қатар, шаруалар суды аз қажет ететін және үнемдеу әдістерін қолдана отырып, картоп, көкөніс, бақша дақылдарының көлемін арттырды.
<blockquote>
 «987 гектарға бақша және 1296 га жерге көкөніс дақылдары егілді. Сондай-ақ, 3850 га жерге күріш бастырылды. Бүгінде Қосшыңырау, Қарауылтөбе ауылдық округтеріндегі күріш егісіне 14,02 текше метр көлемінде су жіберіліп отыр. «Сол жаға» каналы арқылы Ақжармаға да су баруда. Ал Ақсуат ауылдық округіне 5,45 текше метр су жіберілуде», – деді Асқарбек Темірбекұлы.
</blockquote>
Су тапшылығының алдын алу үшін облыстық бюджеттен елді мекендерге 43 дана насос қондырғысын сатып алу және 8 каналға тазалау жұмыстары жүргізілуде.
<blockquote>
 «Жаппар» каналына су шаруашылығы жұмыстарын жүргізуге облыстық бюджеттен қаржы бөлінді. Алдағы уақытта жөндеу жұмыстары басталатын болады. Бүгінде Қосшыңырауға 2 дана, Қызылжарма ауылдық округіне 1 дана, Белкөлге 1 дана, Қарауылтөбеге 1 дана дизельді насос қондырғысы алынып, жеткізілді. Биыл Қызылорда су торабына республикалық бюджет есебінен 1,121 млдр. тенге қаржы бөлініп, жөндеу жұмыстары жалғасуда», – деді облыстық табиғи ресурстар және табиғат пайдалануды реттеу басқармасы басшысының орынбасары Жұлдызай Айтжанова.
</blockquote>

Қызылорда қаласында бақша дақылдарының көлемі артты

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың қатысуымен ҚР Тәуелсіздігінің 30 жылдығы аясында 23 маусым – Мемлекеттік қызметші күніне орай жастармен кездесу өтті.
<blockquote>
 «Баршаңызды Мемлекеттік қызметші күні мерекесімен шын жүректен құттықтаймын! Биыл – ел тәуелсіздігіне 30 жыл! Егемендік жылдарында дүниеге келген ұрпақ бүгінде мемлекеттік қызметтің әр саласында табысты еңбек етуде. Ұлт мәртебесін көтеретін, ел абыройын асқақтататын мемлекеттік қызметші болу – мәртебелі міндет. Мемлекеттік қызметші қай кезде де биліктің бейнесін, іскерлік қабілетін көрсетеді. Осы ретте, Сыр елінің өсіп-өркендеуі мен дамуына үлес қосатын өздеріңізсіздер!», – деді Гүлшара Әбдіқалықова.
</blockquote>
Кездесуде модератор – ҚР Мемлекеттік қызмет істер агенттігі Қызылорда облысы бойынша департаментінің басшысы Рафхат Бисенов Ассамблеяның Қазақстанды бейбітшілік пен татулық орныққан ел ретінде бүкіл әлемге танымал етткенін атап өтті.
<blockquote>
 «Қазіргі таңда қазақ жерінде қалыптасқан достық пен келісім арқасында 100-ден аса этностар мен 18 конфессиялар бейбіт өмір сүріп жатыр. Саяси тұрақтылықты, қоғамдық келісімді іске асыруда Қазақстан халқы ассамблеясы жетекші рөл атқарады», – деді Рафхат Бисенов.
</blockquote>
<img src="https://kyzylorda-news.kz/wp-content/uploads/2021/06/200803255_3459850754117969_3286681190751281866_n.jpg" alt="" />
Мерекелік кездесуде Қызылорда облысының цифрлық технологиялар басқармасының басшысы Юлия Тремасова, облыстық неміс этномәдени бірлестігінің белсендісі, ІІ дәрежелі «Достық» орденінің иегері Светлана Крюгер және «Zoom» желісі арқылы ҚР Парламенті мәжілісінің депутаты Геннадий Шиповских пен Қазақстан – Британ техникалық университетінің студенті Евгений Димеденко мемлекет тарапынан жастарға көрсетіліп жатқан қолдауға алғыстарын білдіріп, мемлекеттік қызметтің аса жауаптылықты талап ететінін атап өтті. 
Ал, Қорқыт ата атындағы Қызылорда университетінің студенті, ҚХА жанындағы «Абай қазынасына саяхат» клубының жетекшісі Елена Пак Абайдың шығармалары елдің алға жылжуына, өсіп-өркендеуіне ерекше ынталандыратынын айтты.
<img src="https://kyzylorda-news.kz/wp-content/uploads/2021/06/201986090_3459850287451349_387158437175609832_n.jpg" alt="" />
Атап өту қажет, бүгінгі таңда облыста мемлекеттік қызметшілердің саны 3471 болса, оның 496-сы 29 жасқа дейінгі жастар.
Облыста Қазақстан Республикасы Президенті жанындағы мемлекеттік басқару академиясының 22 және «Болашақ» бағдарламасының 4 түлегі түрлі салада қызмет атқарады.
Кездесу соңында аймақ бысшысы Гүлшара Әбдіқалықова жас мемлекеттік қызметкерлерге сенім артатынын айтып, қызметтеріне сәттілік тіледі.
<img src="https://kyzylorda-news.kz/wp-content/uploads/2021/06/202390859_3459850944117950_3305301036655679764_n.jpg" alt="" />
<img src="https://kyzylorda-news.kz/wp-content/uploads/2021/06/199287389_3459851014117943_3879456003556615473_n.jpg" alt="" />

Гүлшара Әбдіқалықова 23 маусым &#8211; Мемлекеттік қызметші күніне орай жастармен кездесті

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университеті ұжымының 71 пайызы коронавирусқа қарсы вакцина алды. Бұл туралы оқу орнының әлеуметтік және тәрбие жұмыстары жөніндегі проректоры Жандос Базартай мәлімдеді.
Оның айтуынша университет оқытушыларымен қатар студенттердің 20 пайызы екпе салдырған.
<blockquote>
 «Өз денсаулығымыз өз қолымызда. Ел арасындағы алып-қашпа әңгімелерге емес маман пікіріне құлақ асқан жөн болар. Отбасымыздың саулығын, ұжым қауіпсіздігін ойласақ вакцина алуымыз қажет. Қорқыт ата атындағы Қызылорда университетінің бас оқу ғимаратында арнайы вакцина салуға арналған орын бар. Ұжымдық иммунитетті қалыптастыру мақсатында қызметкерлердің 71 пайызы екпе алды. Қазіргі таңда қашықтан оқу және жазғы демалыс кезеңі болғандықтан денсаулық басқармасымен бірігіп студенттер арасында түсіндірме жұмыстары жүргізіліп жатыр. Жаңа оқу жылына дейін оқытушылар мен студенттерге екпе егу жалғасады», – дейді Жандос Нұртайұлы.
</blockquote>

Университет ұжымының 71 пайызы вакцина салдырды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықованың төрағалығымен инвестор тарту және инвестициялық ахуалды жақсарту жөніндегі өңірлік Кеңес отырысы өтті.
Жиынға әкім орынбасарлары, салалық басқарма басшылары мен бірқатар кәсіпорын басшылары қатысты.
Жиында екі мәселе қаралды. Алғашқысы – заманауи талаптарға сәйкес «Ибис» халықаралық брендімен Қызылорда қаласында қонақ үй құрылысының жобасын талқылау. Алдағы уақытта Қызылорда қаласында “Өрлеу” құрылыс компаниясы ірі “Аccor” қонақ үй операторының халықаралық стандарттына сәйкес Ibis қонақ үйін салу жоспарлануда.
Ibis қонақ үйі желісі – француздық Accor қонақ үй корпорациясының қатарына кіреді. Ірі қонақ үйі кешенінің Нұр-сұлтан, Алматы, Ақтөбе, Семей, Қарағандыда, сондай-ақ, Азияда, Африкада, Еуропа мен Латын Америкасында 700-ден астам желісі бар. Жиында «Өрлеу» құрылыс компаниясының директоры Данил Годзин қонақ үй салу жобасын таныстырып, сервистік қызметтің ерекшеліктерін атап өтті. Сондай-ақ, қонақ үй салу бағытында озық тәжірибені қолдану арқылы сапа стандарттары негізінде жұмыстың үйлесетінін жеткізді.
Облыс әкімі заманауи үлгідегі қонақ үй кешенін салу мәселесі өзекті екенін алға тартып, сала басшыларына бірқатар тапсырмалар жүктеді. Атап айтқанда, қонақ үй салу жобасын іске асыру үшін облыстық жер қатынастары басқармасы мен қала әкімдігі және “Байқоңыр” ӘКК” АҚ-мен бірлесіп жер учаскесін бөлуді және тиісті компания басшысына жобалық-сметалық құжаттаманы дайындауды тапсырды. Ал, облыстық құрылыс, сәулет және қала құрылысы басқармасы нысан құрылысына рұқсат алу мәселесін пысықтауды міндетті. Отырыста Қызылорда қаласында арнайы экономикалық аймақ құру жобасы талқыланды. Өткен жылдан бастап «Қызылорда облысының 2023 жылға дейінгі экономикалық даму жоспары» қабылданып, жүзеге асырылуда. Аймақ басшысы нарық қажеттілігіне қарай жобалар санын ұлғайтуға ерекше басымдық берілгенін атап өтті.- Биыл жобалар санын 265-тен 404-ке дейін ұлғайттық. Қазірдің өзінде жалпы құны шамамен 9 млрд теңгенің 115 жобасы іске асырылып, 1,3 мың жұмыс орны құрылды.
<blockquote>
 «Іске қосылған жобалардың ішінде 40 жоба азық-түлік өнімдерін шығаратын жаңа кәсіпорындар болып табылады. 5 жылдан кейін аталған жобалар облыстың 60% қажеттілігін қамтамасыз етуіміз қажет. Бұл ретте жаңа жобаларды қолдау және орналастыру мақсатында арнайы экономикалық аймақ құру ұсынылады. Қазіргі таңда бұл мәселе бойынша Үкіметпен алдын-ала келісім бар», – деді Гүлшара Әбдіқалықова.
</blockquote>
Жиында облыстық индустриялық-инновациялық даму басқармасының басшысы Ринат Сұлтангереев арнайы экономикалық аймақ құру тәртібі мен негізгі алгоритмдерді баяндады. Арнайы экономикалық аймақ құрудың негізгі мақсаты – тамақ өнеркәсібі саласын дамыту, жаңа технологияларды қолданатын жаңа өндіріс орындарын ашу, ішкі нарықтың тамақ өнеркәсібіне сұранысын қанағаттандыру және өнімдерді экспортқа шығару. Бұл ретте мүдделі орталық немесе жергілікті атқарушы орган, заңды тұлғалар тұжырымдама ұсына отырып, уәкілетті органға арнайы экономикалық аймақты құру туралы ұсыныс енгізеді. Басты тиімділігі мүдделі тараптарға бірқатар жеңілдіктер беріледі. Мәселен, аймақ аумағында толық тұтынылатын тауарларға қосылған құн салығынан босатып, жерді жалға алу үшін салық пен төлемдерден, мүлік салығынан және корпоративтік табыс салығынан босатуға мүкіндік алады.
Басқарма басшысы Ринат Султангереев арнайы экономикалық аймақты бұрынғы “тоқыма емес материалдар фабрикасының” базасында орналастыру тиімді екенін атап өтті. Себебі өнеркәсіптік базаға барлық қажетті инфрақұрылым тартылған.
Айта кетейік, биылғы жылы арнайы экономикалық аймақ құру бойынша ұйымдастыру жұмыстары жүргізіледі. Болжам бойынша аймақ 2022 жылы ашылып өз қызметін бастап, заңнамаға сәйкес 25 жылға құрылады. Бұл ретте жұмысты үйлестіру үшін іс-шаралар жоспары бекітіледі. Гүлшара Әбдіқалықова арнайы экономикалық аймақ құру облыстың азық-түлік саласының дамуына жаңа серпін беріп, өңір экономикасына оң әсерін тигізетінін жеткізді. Сондай-ақ, ортақ мәселелердің шешілуі мүдделі мекемелер мен кәсіпкерлердің нәтижелі жұмыс жасауына байланысты екенін қаперге салды.
Жиын соңында облыс әкімі бірқатар басқармалардың басшылары мен салалалық бағыныстағы мекеме басшыларына нақты тапсырмалар жүктеді. Отырыста көзделген тапсырмалардың орындалуына бақылау жасау және үйлестіру әкім орынбасары Нұрлан Тілешевке жүктелді.
<img src="https://kyzylorda-news.kz/wp-content/uploads/2021/06/201045779_3457816607654717_8050820634393139969_n.jpg" alt="" />
<img src="https://kyzylorda-news.kz/wp-content/uploads/2021/06/200811456_3457817520987959_7966469112745585639_n.jpg" alt="" />
<img src="https://kyzylorda-news.kz/wp-content/uploads/2021/06/201489656_3457818274321217_4673174911676904017_n.jpg" alt="" />

Қазақстан және Қызылорда облысының жаңалықтары: Басты жаңалықтар old

Қызылордада 53019 адамға мемлекеттік әлеуметтік көмек көрсетілді

Қызылордада 120 675 адам вакцинаның бірінші компонентін қабылдады

Қызылордада 7 адам коронавирустан жазылды

Қызылордада 30 адамнан коронавирус анықталды

Қызылордада «Электрондық қызметтерді алу орталығы» ашылғалы 27345 қызмет көрсетілген

Фердоуси Қожабергенов: АИ-92 14 күнге, дизель отыны 23 күнге жетеді

Қызылордада жоғалып кеткен жасөспірімнің денесі табылды

Облыстық сотта арнайы әкімшілік алқа құрылды

Қызылорда қаласында бақша дақылдарының көлемі артты

Гүлшара Әбдіқалықова 23 маусым – Мемлекеттік қызметші күніне орай жастармен кездесті

Университет ұжымының 71 пайызы вакцина салдырды

Қызылордада инвестор тарту жөніндегі өңірлік Кеңес отырысы өтті

Қазақстан және Қызылорда облысының жаңалықтары: Басты жаңалықтар old

Қызылордада 53019 адамға мемлекеттік әлеуметтік көмек көрсетілді

Қызылордада 120 675 адам вакцинаның бірінші компонентін қабылдады

Қызылордада 7 адам коронавирустан жазылды

Қызылордада 30 адамнан коронавирус анықталды

Қызылордада «Электрондық қызметтерді алу орталығы» ашылғалы 27345 қызмет көрсетілген

Фердоуси Қожабергенов: АИ-92 14 күнге, дизель отыны 23 күнге жетеді

Қызылордада жоғалып кеткен жасөспірімнің денесі табылды

Облыстық сотта арнайы әкімшілік алқа құрылды

Қызылорда қаласында бақша дақылдарының көлемі артты

Гүлшара Әбдіқалықова 23 маусым &#8211; Мемлекеттік қызметші күніне орай жастармен кездесті

Университет ұжымының 71 пайызы вакцина салдырды

Қызылордада инвестор тарту жөніндегі өңірлік Кеңес отырысы өтті

Гүлшара Әбдіқалықова 23 маусым – Мемлекеттік қызметші күніне орай жастармен кездесті