<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1435 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 260,
Алматы қаласы – 180,
Шымкент қаласы – 40,
Ақмола облысы – 29,
Ақтөбе облысы – 13,
Алматы облысы – 55,
Атырау облысы – 134,
Шығыс Қазақстан облысы – 68,
Жамбыл облысы – 207,
Батыс Қазақстан облысы – 115,
Қарағанды облысы – 120,
Қостанай облысы – 57,
Қызылорда облысы – 1,
Маңғыстау облысы – 39,
Павлодар облысы – 85,
Солтүстік Қазақстан облысы – 21,
Түркістан облысы – 11.
Қазақстан бойынша жазылғандар саны – 382461.

Қызылордада 1 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1174 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 372,
Алматы қаласы – 105,
Шымкент қаласы – 37,
Ақмола облысы – 38,
Ақтөбе облысы – 34,
Алматы облысы – 37,
Атырау облысы – 62,
Шығыс Қазақстан облысы – 90,
Жамбыл облысы – 18,
Батыс Қазақстан облысы – 71,
Қарағанды облысы – 152,
Қостанай облысы – 32,
Қызылорда облысы – 20,
Маңғыстау облысы – 30,
Павлодар облысы – 44,
Солтүстік Қазақстан облысы – 16,
Түркістан облысы – 16.
Жалпы ел бойынша ауырғандар саны 406383.

Қызылордада өткен тәулікте 20 адам коронавирус жұқтырды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықованың тапсырмасына сәйкес Арал ауданында төтенше жағдай жариялауға қатысты құжаттар әзірленуде.
Қазір тек топырақтың құрамын анықтау қалды. Бүгінде ұлттық сараптама орталығы зерттеу жұмыстарын жүргізуде. Қыс-көктем мезгілдерінде қар мен жауын-шашын мөлшерінің аз болуына байланысты Арал ауданында қуаңшылық жағдай орын алды. Мал саны мен азығының балансын ұстап тұру бағытында жұмыс жасалуда. Ауыл тұрғындары, еріктілер және аудандық төтенше жағдайлар бөлімінің қызметкерлері тарапынан кезекшілік ұйымдастырылған. Қосымша падамен қамтамасыз етілуде. Қазір мал өлімі тоқтады.
<blockquote>
 «Шөптің шығымдылығына қатысты ауданды үш санатқа бөлдік. Яғни, қызыл, жасыл, сары. Қызыл аймаққа 13 елді мекенді жатқыздық. Өйткені, жайылымдық жерлері 90 пайызға құрғап қалған. Ал сары аймақтағы елді мекендерде 30-40 пайызды құрайтын шөп бар. Жасыл түспен белгіленген елді мекендерде шөптің шығымдылығы жақсы. Қазір әр аймақтан 500 грамм топарақ алынып, сараптамаға өткіздік. Шөптің шығуына әсер ететін минералдардың топырақтың құрамында бар, жоғы анықталады. Қорытындысын төтенше жағдайлар департаментіне өткізіп, келісім аламыз. Содан кейін барып төтенше жағдай жариялаймыз. Бұл мәселе күнделікті бақылауда», – деді Арал ауданы әкімінің орынбасары Еркін Әбішев.
</blockquote>
Аймақ басшысының тікелей тапсырмасына сәйкес, аудандағы шаруашылықтарға жем-шөп тұрақты түрде жеткізілуде.
<blockquote>
 «Ауданымызға 1037,6 тонна (51880 прес) жоңышқа шөбі және 40 тонна (2000 қап) жем жеткізіліп, сатылды. Бұдан басқа, ағымдағы жылдың 5 маусымында Арал ауданында мал азығы бойынша жем-шөп жәрмеңкесі ұйымдастырылды. Оған Сырдария, Жалағаш, Қармақшы және Қазалы аудандарынан 20 тонна күріш жемі және 207 тонна (10350 прес) жоңышқа шөбі жеткізіліп, ауданымыздың сыр беткейінде орналасқан 12 елді мекен тұрғындарына сатылды. Алдағы уақытта да бұл жұмыстарды жалғастырамыз. Бір айта кетерлігі, шөп қымбат бағада сатылып жатыр деген қауесет бар. Негізі бізге келіп жатқаны жоңышқа шөбі. Оның бағасы 1100-1200 теңге көлемінде. Біз осы бағаны ұстап тұрмыз. Шөп тасымалдаушыларға бағаны көтермеуге талап қойдық. Ал құны арзан қарашөп енді орылады. Көрші Ақтөбе облысындағы Ырғыз ауданымен келіссөз жүргіздік. Облыстық ауыл шаруашылығы басқармасының ұйымдастырумен өзге өңірлерге 60 тонна (1 вагон) арпаға өтінім берілді», – деді Арал ауданы әкімінің орынбасары Еркін Әбішев.
</blockquote>
Арал ауданында барлығы 69 су шаруашылығы нысаны бар. Оның 63-і канал және 6-ы қорғаныс бөгеті. Жайылымдық және шабындық жерлерді суландыратын бірінші кезекте ауданда 17 каналға тазалау жұмыстарын жүргізілмек. Сондай-ақ, 15 су ұңғымасын қазу бағытында жұмыстар жасалып жатыр.

Арал ауданында төтенше жағдай жариялануы мүмкін

<a href="https://kyzylorda-news.kz/">Kyzylorda-news.kz</a>. Аймақта көкөніс пен жеміс-жидек өнімдерінің бағаларының өсуі байқалуда. Мәселен, бір апта ішінде төрт өнімнің бағасы жоғарылады. Атап айтқанда, сары май, бірінші сортты ұн, картоп, сәбіз. Ал сүзбе және жұмыртқаның құны арзандады. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы басқармасы басшысының орынбасары Айнұр Тлеулеева баяндады.
Бүгінде картоп, сәбіз бағасының өсімі өткен жылғы қордың азаюынан және маусымаралық кезеңге байланысты болып отыр. Алайда толығымен халықты қамтамасыз ету мақсатында оңтүстік өңірлерден және көршілес Өзбекстан республикасынан жеткізілуде.
<blockquote>
 «Картоп, сәбіздің ерте пісетін сорттары тез бұзылуға бейім болғандықтан көтерме-бөлшек сауда өткізушілері шығындарын жауып отыру үшін неғұрлым жоғары бағада сатады. Бұл ретте тұрақтандыру қорына немесе басқа да қоймаларға үлкен көлемде жаңа піскен өнім көлемдерін жеткізіп, сақтау мүмкін емес. Жалпы картоп және көкөніс бағаларының көктем және ерте жазда күрт көтерілуі жылда байқалатын құбылыс. Мұндай жағдай бүкіл республикада орын алуда», – деді Айнұр Тлеулеева.
</blockquote>
Сондай-ақ, облыста 29 әлеуметтік дүкен жұмыс істейді. Оның 2-еуі ет бағытында. Бұған қоса, биыл тағы да 10 дүкен ашылады.
<blockquote>
 «Бүгінде аймақта «айналым схемасы» арқылы 4 кәсіпкерге қаражат бөлінген болатын. Дегенмен картоп пен сәбіздің қымбаттауына байланысты өздеріне міндеттелген өнімдерді тиісті көлемде жеткізе алмады. Сондықтан шартты бұзу жұмыстары жүргізілуде. Бірақ орнына екі кәсіпкер кіргізіліп, олар Сарығаштан сәбіз бен картоптың бірінші партиясын әкелді», – деді «Байқоңыр» ӘКК» ҰК» АҚ Басқарма басшысының орынбасары Талғат Жақыпбаев.
 «Өңірде С1 санатты тауық жұмыртқасының 10 данасы 430 теңгеге, күнбағыс майының 1 литрі 632 теңге мөлшерде шекті бағасы бекітілген. Сонымен қатар, қырыққабаттың келісін 85 теңгеден белгілеу бойынша комиссия отырысы өткізіліп, қаулы әзірленуде», – деді облыстық кәсіпкерлік және туризм басқармасы басшысының орынбасары Мұрат Тасқараев.
</blockquote>
<img src="https://kyzylorda-news.kz/wp-content/uploads/2021/06/201919962_1311610652567777_3711503257846832137_n.jpg" alt="" />

Қызылордада сүзбе мен жұмыртқа арзандады

<a href="https://kyzylorda-news.kz/">Kyzylorda-news.kz</a>. Қазір облыста 30 колледж бар. Онда аймақтың еңбек нарығына қажетті 97 мамандық бойынша 19775 студент білім алуда. Алдағы 2021-2022 жаңа оқу жылында техникалық және кәсіптік, орта білімнен кейінгі білімі бар кадрлар даярлау үшін жергілікті бюджеттен 3108 орын мемлекеттік тапсырыс бөлінді. Бұл туралы Өңірлік коммуникациялар қызметінің ақпарат алаңында облыстық білім басқармасының басшысы Ақзира Қасымова мәлімдеді.
<blockquote>
 «Биыл 9-11 сынып оқушыларынан мемлекеттік тапсырыс негізінде оқуға құжаттар қабылдау күндізгі бөлімнің мамандықтары үшін 25 маусым мен 25 тамыз аралығында өтеді. Ал орта буын мамандықтары үшін 25 маусым мен 20 тамыз аралығында құжат қабылданады. Сонымен қатар, оқудың кешкі және сырттай нысанына – 25 маусымы мен 20 қыркүйегі аралығында, шығармашылық дайындықты талап ететін мамандықтар бойынша 25 маусымы мен 20 шілдесі аралығында, педагогикалық мамандықтар – 25 маусымы мен 15 тамызы аралығында құжат тапсыра алады», – деді Ақзира Қасымова.
</blockquote>
Талапкерлерді оқуға қабылдау үшін құжаттар «Egov» және «CollegeSmart Nation» электронды порталдары арқылы жүзеге асады. Яғни, талапкер өтініш, білімі туралы құжаттың көшірмесі, 3х4 фотосурет және У-086 медициналық, мүгедектігіне байланысты арнайы үлгідегі медициналық анықтама тапсырады. Бүгінде аймақтағы барлық колледж 100 пайыз аталған электронды платформа арқылы оқуға қабылдауға дайын.
<blockquote>
 «Оқуға түсу үшін құжаттарды кәмелетке толған адамдар жеке өзі, кәмелетке толмағандар – заңды өкілінің қатысуымен ұсынады. Колледжге жұмыс мамандықтары бойынша оқуға түсушілердің саны мемлекеттік тапсырысы бойынша оқуға бөлінген орындардан санынан асып кеткен жағдайда оқуға қабылдау орташа конкурстық баллға сәйкес квота санаты негізінде жүзеге асырылады», – деді Ақзира Қасымова. 
 Сондай-ақ, колледждердегі қабылдау комиссиясының қорытынды отырысында аудио-немесе бейнежазба жүргізіледі.
</blockquote>
<img src="https://kyzylorda-news.kz/wp-content/uploads/2021/06/181890665_1311561659239343_1824274959269531773_n.jpg" alt="" />

Бюджеттен техникалық және кәсіптік кадрлар даярлау үшін 3108 орын бөлінді

<a href="https://kyzylorda-news.kz/">Kyzylorda-news.kz</a>. Қызылорда облысы кәсіпкерлер палатасының алаңында өткен қалалық мәслихаты депутаттарының шағын және орта кәсіпкерлікті дамыту бойынша көшпелі отырысы өтті. Шарада кәсіпкерлік саласындағы мәселелер талқыланды.
Отырыста Кәсіпкерлер палатасының директоры Ғалымбек Жақсылықов облыс тұрғындарының 40 пайызы, жұмыс жасап тұрған кәсіпкерлік субъектілерінің 45 пайызы қалаға тиесілі екенін айта келе, салаға қатысты бірқатар ұсыныстарын жеткізді.
Атап айтқанда, Палата басшысы жер комиссиясының отырыстарын Кәсіпкерлер палатасының алаңында өткізуді ұсынды. Бұл қадам жариялылықты қамтамасыз етіп қана қоймай, ашық бәсекелестіктің нәтижесінже қала бюджетіне түсетін қаражат көлемін де арттырмақ деп санайды. Сонымен бірге, кәсіпкерлік мақсаттағы жер телімдерін беру тетігін де жетілдіруге қатысты да ұсыныстар берді.
Палата тарапынан айтылған келесі ұсыныс стационарлық емес сауда орындарының қатарын арттыруға қатысты. Мәселен, Маңғыстауда осындай 590 орын бар екен, ал Ақмола облысында 744 орын. Ал Қызылорда қаласында әзірге 7 орын ғана бекітіліпті. Стационарлық емес сауда орындарының қатарын көбейту көшпелі кофе немесе өзге де қызметтер арқылы тұрғындардың да сұранысын қанағаттандыруға мүмкіндік бермек. Бұл орындар әсіресе, Орталық алаң, «Сыр сұлуы», орталық мешіт, «Шұғыла» мөлтек ауданы, қалалық парк аумақтары үшін тіпті маңызды.
Ғалымбек Жақсылықов шарада мұнан өзге, шағын индцустриалды аймақ құру, жеңіл өнеркәсіпті, ішкі туризмді дамытуға қатысты да маңызды ұсыныстарын берді.
<blockquote>
 «Қалалық кәсіпкерлік бөлімі біраз жұмыс атқарып жатыр. Дегенмен, бұл бөлімнің қызметкерлері кәсіпкерлерге көбінесе тазалықты сақтау, тұрғын-жәйларды әктеу-сырлау сияқты тапсырмалармен таныс. Бұл бөлімді өзіне тән емес функциялардан босату керек. Өздерінің тікелей қызметімен айналысу керек. Сонымен бірге, қалалық кәсіпкерлік бөлімі осы «Бизнеске арналған үкімет» ғимаратында орналасу керек. Бұл ғимарат кәсіпкерліктің ордасына айналды. Сондықтан осында отыруы заңды», – деп ойын қорытты Кәсіпкерлер палатасының директоры Ғалымбек Жақсылықов.
</blockquote>
&nbsp;Мәслихат депутаттары аталмыш ұсыныстарға оң бағасын беріп, алдағы уақытта жергілікті атқарушы органмен бірге бірлесе шешу тетіктері қарастырылатындығын жеткізді.
<img src="https://kyzylorda-news.kz/wp-content/uploads/2021/06/201944115_600932570881369_6884232159513440050_n.jpg" alt="" />

Кәсіпкерлер палатасы қалалық мәслихат депутаттарына бизнестің проблемаларын жеткізді

<a href="https://kyzylorda-news.kz/">Kyzylorda-news.kz</a>. Қызылорда облысы бойынша медициналық ұйымдарға 36,17 млрд теңге қаржы төленді.
<blockquote>
 «Биылғы жылдың 1 маусымдағы жағдай бойынша Қызылорда облысы бойынша медициналық ұйымдарына 36,17 млрд. теңге төленді. Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады», – дейді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
36,17 млрд теңгенің 22,41 млрд теңгесі тегін медициналық көмектің кепілдік көлеміне берілген, 13,76 млрд теңгесі МӘМС аясындағы қызметтерге бөлінген.
2021 жылға Әлеуметтік медициналық сақтандыру қорының филиалымен 60 медициналық қызмет көрсетушілермен келісім – шарт жасалды, оның ішінде – 30 мемлекеттік медициналық ұйым, 30 – жеке меншік.
Барлығы 65,82 млрд теңгеге шарттар жасалды, оның ішінде 42,81 млрд теңге (65,04%) тегін медициналық көмектің кепілдік берілген көлемі шеңберінде, 23,01 млрд теңге (34,96%) МӘМС қаржысы құрайды.

Қызылордада медициналық ұйымдарға 36,17 млрд теңге қаржы төленді

<a href="https://kyzylorda-news.kz/">Kyzylorda-news.kz</a>. Биыл Жаңақорған ауданына қарасты «Жыңғылдысай» көлінің маңынан жылына 1-5 млн. дана балық шабақтарын шығаратын инкубациялық цех пен шабақ өсіру питомнигін іске қосу жоспарлануда. Бұл туралы Өңірлік коммуникациялар қызметінің ақпарат алаңында өткен брифингте Арал-Сырдария облысаралық бассейндік балық шаруашылығы инспекциясы басшысының орынбасары Жанқожа Сапаров мәлімдеді.
Сондай-ақ, биыл балық шаруашылығын дамытудың өңірлік бағдарламасы әзірленіп, 2030 жылға дейін 16 мың тонна балық өндіру көзделген.
<blockquote>
 «Бағдарлама аясында балық экспорты 4, ал тауарлы балық өндіру көлемі 115 есеге өседі. Бұған қоса, 1500 жұмыс орны құрылады. Алдағы уақытта, балық шаруашылықтарының санын көбейту бағытында жұмыстар жүргізу жоспарлануда. Балық шаруашылығын дамыту бағдарламасы әлеуметтік-экономикалық жағдайдың дамуына өз әсерін тигізетін болады. Жоба шеңберінде жылына 12950 тонна балық шығаратын 16 шарбақтық шаруашылық, 12 мың тонна балық өсіретін 12 шаруашылық құру, 400 тонна болатын 3 тұйықталған жүйелі сумен қамтамасыз етілген және 1450 тонна балық өсіретін 55 көл-тауарлы су айдыны ұйымдастырылады», – деді Жанқожа Рамбердіұлы.
</blockquote>

Жаңақорғанда шабақ өсіру питомнигі ашылады

<a href="https://kyzylorda-news.kz/">Kyzylorda-news.kz</a>. Қармақшы ауданында егістікте сумен қамтамасыз ету үшін Шіркейлі магистралды каналы арқылы секундына 55,1 текше метр су бөлінуде. Өткен жылмен салыстырғанда бидай – 702 гектарға, мақсары – 841 гектарға, жүгері -80 га, күнбағыс -10 га, жаңа жоңышқа – 981 гектарға ұлғайтылды. Бұл туралы Өңірлік коммуникациялар қызметінің ақпарат алаңында Қармақшы ауданы әкімінің орынбасары Жұлдызхан Ерқосаев баяндады.
<blockquote>
 «Алдашбай ахун ауылдық округінде жабынды астына егу тәсілімен 20 гектар көкөніс, бақша дақылдары өсірілуде. Бүгінде барлығы 25215 гектар ауыл шаруашылығы дақылдары орналастырылды, оның ішінде 13156 гектар күріш егілді»,- деді Жұлдызхан Ерқосаев.
</blockquote>
Ауданда каналдарға 15 дана су айдайтын насос қондырғысы қойылып, су шықпайтын 435 гектар биік жерлерде егістік орналастырылмады.
<blockquote>
 «2020-2021 жылдары аралығында 3 электрлі насос және биыл тағы Ақжар ауылдық округіне аяқ су апаруға 1 насосқа өтінім берілді»,- деді облыстық табиғи ресурстар және табиғат пайдалануды реттеу басқармасы басшысының орынбасары Жұлдызай Айтжанова.
</blockquote>
Қазіргі кезде күрішті екінші рет суға бастыру жұмыстары жүргізілуде. Осыған орай, сол жаға магистралды каналын 4 бөлімшеге бөле отырып, график дайындалды. Әрқайсысына 5 күннен аспайтын кезек реттілігін қою жоспарлануда.
<blockquote>
 «Бүгінде сол жаға магистралды каналының аяғында орналасқан Қармақшы ауданы жоспарға сәйкес секундына 56 текше метр су алу керек болса, қазір секундына 54,5 текше метр су келуде. Бұл өткен айдағы көрсеткішпен салыстырғанда едәуір жақсы», – деді Қазсушар РМК Қызылорда филиалының су шаруашылығы нысандарын пайдалану бөлімінің басшысы Айдос Асанбаев.
</blockquote>

Қармақшыда күрішті суға бастырудың екінші кезеңі басталады

<a href="https://kyzylorda-news.kz/">Kyzylorda-news.kz</a>. Қызылорда облысында жыл басынан бері суға шомылуға тыйым салынғаны туралы 165 тақтайша және 78 билборд орнатылды. Сондай-ақ, департамент қызметкерлері мен құтқарушылар 375 рейд жүргізіп, 4166 адамға судағы қауіпсіздік туралы үнпарақ таратты. Бұл туралы Өңірлік коммуникациялар қызметінің ақпарат алаңында Қызылорда облысы Төтенше жағдайлар департаментінің Азаматтық қорғаныс басқармасының бастығы Асхат Тоғызбаев мәлімдеді.
<blockquote>
 «Аймақта суға түсуге қауіпті 64 учаске анықталған. Рұқсат етілген 2 жағажай бар. Жыл басынан бері облыс аумағындағы 19 адам суға кетті. Оның 13-і бала. Суда адамдардың қаза болуының негізгі себебі қауіпсіздік ережелерін өрескел бұзуы болып табылады. Қазіргі таңда 17 адамға ескерту шарасы көрілді», – деді Асхат Тоғызбаев.
</blockquote>
Күн райының ысуына байланысты көпқабатты тұрғын үйлердің терезе, балкондарының ашық қалуынан балалардың құлап кету жағдайы көбеюде. Оның басты себебі ата-аналардың балаларды бақылаусыз қалдыруы, терезеде уақытша бекіткіш торлардың болмауы, москит торларының берік бекітілмеуінен болып отыр.
<blockquote>
 «Жыл басынан бері аймақта балалардың терезеден құлауының 6 фактісі тіркелді. Оның ішінде Шиелі ауданында – 1, Қызылорда қаласында – 5 жағдай орын алды. Осыған орай, біздің тарапымыздан тұрғындар арасында 81 үгіттеу-түсіндіру парақтарын іліп, аулада кездескен 107 тұрғынға жадынама таратылды. Сонымен қатар, дауысзорайтқыш арқылы тұрғын үй ауласында ескерту, түсіндіру іс-шаралары жүргізілуде», – деді Облыстық төтенше жағдайлар департаменті бөлімінің бастығы Бейбітхан Спанов.
</blockquote>
Жалпы мамыр айынан бастап 23 рет рейд жүргізіліп, 215 үнпарақ таратылды.

Қызылордада жыл басынан бері 13 бала суға кетті

<a href="https://kyzylorda-news.kz/">Kyzylorda-news.kz</a>. Қызылорда облыс әкімінің өкімімен Қазақстан Республикасы Президенті жанындағы Кадр саясаты мәселелері жөніндегі ұлттық комиссияның келісімімен Қызылорда облысының ауыл шаруашылығы басқармасының басшысылауазымына Дүйсебаев Талғат Тұрсынұлы тағайындалды.
Талғат &nbsp;Дүйсебаев 1973 жылы Жалағаш ауданында туған. Қызылорда политехникалық институты мен Қазтұтынуодағы Қарағанды экономикалық университетін бітірген.
Еңбек жолын Жалағаш аудандық жасөспірімдер спорт мектебінде дене шынықтырушы ретінде бастаған.
1994-2011 жылдары – Жалағаш аудандық білім бөлімінің есепшісі, Жалағаш ауданы әкімі аппаратының экономика және кәсіпкерлікті қолдау секторының бас маманы, облыстық экономика және бюджеттік жоспарлау басқармасының бөлім бастығы, облыстық ауыл шаруашылығы басқармасы бастығының орынбасары болған.
2011-2020 жылдары – облыстық ауыл шаруашылығы басқармасының басшысы, Жалағаш ауданының әкімі, облыстық ауыл шаруашылығы, жұмыспен қамтуды үйлестіру және әлеуметтік бағдарламалар басқармасының басшысы лауазымдарын атқарды.
2020 жылғы қыркүйек айынан бастап Сырдария ауданының әкімі қызметін атқарып келді.
<img src="https://kyzylorda-news.kz/wp-content/uploads/2021/06/bek_1082.jpg" alt="" />

Қызылорда облыстық ауыл шаруашылығы басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қорына әлеуметтік мәні бар аурулармен ауыратын азаматтардан сұрақтар жиі түседі. Осыған байланысты Қор осы пациенттерге медициналық көмек көрсету тәртібі туралы толық түсініктеме берді.
Әлеуметтік мәні бар аурулар дегеніміз не?
Бұл аурулар қоғамда кең таралуына байланысты халықтың ең көп өлімі мен мүгедектігін тудыратын аурулардың қатарына жатады. Сондықтан денсаулық сақтау жүйесінде оларды диагностикалау мен емдеуге үлкен мән беріледі.
Қазақстанда әлеуметтік мәні бар аурулардың бекітілген тізбесіне&nbsp;&nbsp; төмендегілер кірді:
– Туберкулез
– Адамның иммун тапшылығы вирусынан (АИТВ) туындаған ауру) &nbsp;&nbsp;&nbsp;
– Созылмалы вирустық гепатиттер және бауыр циррозы
– Қатерлі&nbsp; ісіктер
– Қант&nbsp; диабеті
– Психикалық, мінез-құлық бұзылулары (аурулар)
– Балалардың церебралды сал ауруы
– Жедел миокард инфарктісі (алғашқы 6 ай)
– Ревматизм
– Дәнекер тіннің жүйелі зақымдануы
– Жүйке жүйесінің дегенеративті аурулары
– Орталық жүйке жүйесінің демиелинизациялаушы аурулары
– Орфандық аурулар.
Әлеуметтік мәні бар аурумен ауыратын азаматтар үшін медициналық көмек нені қамтиды?
Әлеуметтік мәні бар аурулардан зардап шегетін азаматтарға көрсетілетін медициналық көмек диагностиканың, емдеудің, динамикалық байқаудың медициналық қызметтерін қамтиды.
Әлеуметтік мәні бар аурулармен ауратын науқастарға (яғни, оларға диагноз қойылған болса және олар өз емханасында әлеуметтік мәні бар ауру бойынша диспансерлік есепте тұрса) негізгі ауруы бойынша медициналық қызметтер ТМККК шеңберінде көрсетілетінін түсіну маңызды. Осылайша, жүргізілетін терапияны түзету немесе созылмалы аурудың өршуі кезінде медициналық қызметтер ТМККК шеңберінде ұсынылады, демек, МӘМС жүйесінде сақтандыру мәртебесіне қарамастан қолжетімді болады.
Алайда, диспансерлік есепке қою үшін диагностикалық процедуралар мен мамандардың консультациялары талап етіледі, ондай қызметтер МӘМС пакетіне енгізілген. Осыған орай әлеуметтік мәні бар ауруды анықтау үшін бастапқы диагностика, сондай-ақ басқа ауруларды, оның ішінде әлеуметтік мәні бар ауру расталған кезінде ілеспе ауруларды диагностикалау МӘМС жүйесінде жүргізіледі, яғни ол қызметтерді алу үшін сақтандыру мәртебесі қажет.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Әлеуметтік мәні бар аурулар&nbsp; қандай медициналық көмекке үміткер бола алады? &nbsp;
Әлеуметтік мәні бар аурулардан зардап шегетін азаматтарға медициналық көмек мынадай нысандарда көрсетіледі:
<ol>
<li>амбулаториялық жағдайларда;</li>
</ol>
2) стационарлық жағдайларда;
3) стационарды алмастыратын жағдайларда.
Пациентке&nbsp; әлеуметтік мәні бар аурулар&nbsp;&nbsp; қалай қойылады?
Егер учаскелік дәрігер (ЖПД, терапевт немесе педиатр) пациентте әлеуметтік мәні бар аурулардың белгілерін байқаса, онда ол оны тиісті бейінді маманға (тар бейінді дәрігерге, психологқа) консультацияға жібереді. Бұл ретте тар бейінді мамандардың консультациялары МӘМС пакетіне жатады, сондықтан бұл қызметті алу үшін науқастың сақтандырылған мәртебесі қажет (диагностикасы ТМККК-де жүргізілетін және сақтандырылмаған науқастарға қолжетімді болатын туберкулезге және АИТВ инфекциясына күдіктенуді қоспағанда). Көрсетілімдер болған кезде дәрігер науқасты диагностикаға жібереді, олар басқа бейінді мамандардың консультациялары, инструментальдық және зертханалық зерттеулер болуы мүмкін. &nbsp;Диагнозды растағаннан кейін учаскелік дәрігер пациентті диспансерлік есепке қояды және ол қажетті медициналық көмекті ала алады.
Емхана деңгейінде әлеуметтік мәні бар аурулармен ауыратын азаматтар диагностика және амбулаториялық емдеу қызметтерін ала алады. Оларға үздіксіз диспансерлік бақылау жүргізіледі. Көрсетілімдер болған кезде маман пациентті тәулік бойы немесе күндізгі бақылау жүргізетін медициналық ұйымға жібере алады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Әлеуметтік мәні бар аурумен ауыратын науқастарға тегін дәрі-дәрмектер беріле ме?
Белгілі бір әлеуметтік мәні бар аурумен ауратыр пациенттер ТМККК шеңберінде және МӘМС жүйесінде амбулаториялық деңгейде дәрілік заттармен және медициналық бұйымдармен қамтамасыз етіледі, оның ішінде:
– туберкулез;
– АИТВ инфекциясы;
– бауыр циррозының сатысын қоса алғанда созылмалы С вирустық гепатиті;
– В вирустық гепатиті;
– қант диабеті;
– онкологиялық аурулар;
– жүректің ишемиялық ауруы;
– жүрек қақпақшасын протездеу;
– психикалық аурулар;
– церебралды сал ауруы;
– реактивті артрит;
– аутоиммунды аурулар мен иммун тапшылығы жағдайында;
– түйіндік полиартрит;
– Альцгеймер ауруы;
– Бехчет ауруы;
– Крон ауруы;
– мукополисахаридоз және басқа да орфандық аурулар бар жағдайларда.
Науқастар аурудың дәрежесі мен сатысына байланысты дәрі-дәрмектермен қамтамасыз етіледі. Тиісті препараттар туралы Денсаулық сақтау министрінің 2017 жылғы 29 тамыздағы №666 бұйрығымен бекітілген д<a href="https://adilet.zan.kz/kaz/docs/V1700015724">әрілік заттармен және медициналық бұйымдардың тізбесінде толығырақ білуге болады</a>.
Әлеуметтік мәні бар аурумен ауыратын науқастарға оңалтудан өтуге бола ма?
Әлеуметтік мәні бар аурулармен ауратын науқастар оңалтуға жататын аурулардың тізбесі бойынша жалпы негізде медициналық оңалтудан өте алады.
Оңалту немесе қалпына келтіру емі қызметтерін алу үшін науқас учаскелік дәрігерге жүгіну қажет. Ол оңалтудың қажеттілігі мен тиімділігін анықтау үшін реабилитолог немесе мультидисциплинарлық топ мамандарының консультациясына жібереді.
Медициналық оңалту МӘМС пакетіне кіреді, сондықтан оны өту үшін сақтандырылған мәртебесі болу керек.
Қолжетімділікті қамтамасыз ету
Өңірде медициналық көмекті ұйымдастыруға және медициналық қызметтердің қолжетімділігін қамтамасыз ету жергілікті атқарушы органдар, яғни әкімдіктер жауапты болады.&nbsp; Бұл үшін олардың құрылымында Денсаулық сақтау басқармалары көзделген. Олар халықтың өңірдегі медициналық көмекті алуын, оны медициналық ұйымдардың толық және сапалы ұсынуын тікелей бақылайды. Сондай-ақ, денсаулық сақтау басқармалары өңір тұрғындарын әлеуметтік мәні бар аурулардың және аса қауіпті инфекциялардың таралуы туралы хабардар етуге міндетті.
Әлеуметтік мәні бар аурулар кезінде медициналық-әлеуметтік көмек кешенді жан басына шаққандағы нормативке кіреді және пациенттерге емханада тіркелуі бойынша ұсынылады.
Егер сізге әлеуметтік маңызы бар ауру кезінде медициналық көмек көрсетуден бас тартылса, өз құқықтарын қорғау үшін емхана жанындағы пациенттерді қолдау қызметіне жүгінуіңіз қажет.&nbsp; Егер&nbsp; ол жерде түсіністікке қол жеткізу мүмкін болмаса, онда әлеуметтік медициналық сақтандыру қорына байланыс арналары арқылы жүгінуге болады: Qoldau 24/7 мобильді қосымшасы, 1406 бірыңғай байланыс орталығы, Telegram-дағы SaqtandyrýBot, fms.kz ресми сайты.

Қазақстан және Қызылорда облысының жаңалықтары: Басты жаңалықтар old