<a href="https://kyzylorda-news.kz/">Kyzylorda-news.kz</a> Бүгін Астана қаласына ауыл шаруашылығы өнімдері тиелген керуен жолға шықты.28-29 қыркүйек күндері Қызылорда облысының тауарөндірушілерінің қатысуымен жәрмеңке ұйымдастырылуда.Арқа төріндегі тұрғындарға Қызылорда облысының брендіне айналған ақ күріші, балығы мен ас тұзы, қауын мен қарбызы, ұлттық сусындары жеткізіледі. Сонымен қатар, елордалықтарға ерекше көңіл-күй сыйлау үшін Сыр Елінің өнерпаздарының қатысуымен концерттік бағдарлама қойылады.Жалпы жәрмеңкеге 70 жүккөлікке тиелген 80-ге жуық Сыр дихандары мен тауарөндірушілері құны 270 млн. теңгені құрайтын 600 тоннадан астам өнімдер елордалық тұрғындарға ұсынылады.Атап айтқанда, 300 тоннадан астам күріш, 6 тонна ет өнімі, 30 тоннадай балық өнімі, 80 тоннадан астам көкөніс пен жеміс-жидек, 180 тонна бақша өнімі, 3 тонна ас тұзы, 15 тоннаға жуық сүт және кондитер өнімі жөнелтіледі.Астана қаласының тұрғындары мен қонақтарын Сыр елінің ауыл шаруашылығы жәрмеңкесіне шақырамыз!

Сыр елінің тартуы елордаға

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында егін жинау науқанының барысы қаралды. Жиынға Ауыл шаруашылығы, Энергетика министрліктері қатысып, өңір әкімдіктері мен агробизнес өкілдері онлайн байланыс арқылы қосылды.Биыл облыста 189 400 гектарға ауыл шаруашылығы дақылдары егілді. Ерте пісетіндері толық жиналып, қазір мал азықтық, майлы дақылдар мен көкөніс, бақша өнімдері қазылуда.Өткен жылы 193 400 гектар егістіктің 89 мың гектарына күріш егілген болатын. Биылғы күріш егісінің көлемі 85 641 гектар, оның 47 400 гектары (55%) орылып, 39 500 гектары (46%) бастырылды, 203 300 тонна өнім жиналды. Орташа өнім гектарына 51,5 центнерден келуде, былтыр 47,9 центнер болған еді. Егін жинау қазанның бірінші онкүндігінде толық аяқталады.Науқанға толық жөндеуден өткен 4 440 ауылшаруашылығы техникасы жұмылдырылған, 8 100 тонна арзандатылған дизель отыны бөлінді. Жанар-жағармайды жеткізуші жергілікті операторлармен келісім жасалып, жұмыс кестеге сәйкес жүргізілуде. Сыйымдылығы 551 мың тонналық 216 сақтау қоймасына алдын-ала дератизация жасалды. Қазір осы сақтау қоймалары жаңа орылған астықты қабылдауда.Жиында «Таң ЛТД» ЖШС басшысы, Қазақстанның Еңбек Ері Имамзада Шағыртаев мемлекет тарапынан көрсетілген қолдауға алғыс білдіріп, атқарылған жұмыстар бойынша есеп берді және ұсыныстарын жеткізді.«Биыл біздің серіктестік тамшылатып суару әдісімен 800 гектарға жүгері екті, келер жылы оның көлемін 3 мың гектарға жеткізеді. Суды үнемдеу үшін егістік жерімізді 100 пайыз лазермен тегістедік. Бұл суармалы суды 30 пайыз үнемдеуге мүмкіндік берді. Осы ретте су үнемдеу технологиясының жабдықтарын «ҚазАгроҚаржы» акционерлік қоғамы арқылы жеңілдетілген лизингпен беру мәселесін қарастыруды ұсынамыз. Бұл жаңа технологиямен егілетін егіс көлемін ұлғайтуға оң септігін тигізері сөзсіз», – деді Имамзада Қуанышбайұлы.Үкімет отырысынан кейінгі арнайы мәжілісте жауапты тұлғаларға өнімді шығынсыз жинап алу, барлық талапқа сай етіп сақтау тапсырылды. Ауа райы қолайлы кезде егін жинау жұмыстары қарқын алып, уақытылы аяқталуы тиіс.<img src="https://knadmin.beoblood.kz/uploads/akimat_2_1fd3e85d0a.jpg" alt="акимат 2.jpg"><img src="https://knadmin.beoblood.kz/uploads/akimat_3_57090624e8.jpg" alt="акимат 3.jpg"><img src="https://knadmin.beoblood.kz/uploads/akimat_1_1ef98a0385.jpg" alt="акимат 1.jpg">Фото: Қызылорда облысы әкімінің баспасөз қызметі

Егін жинау жұмыстарының барысы қаралды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Шиелі ауданына жұмыс сапары кезінде «Таң ЛТД» ЖШС-нің егін алқабына барды. Серіктестік «Таушұқыр» учаскесіндегі 5000 гектар жердің 800 гектарына тамшылатып суару әдісімен жүгері еккен. Бұл бағытқа 16 шақырым жерден электр желісі тартылды, 8 экскаватор, 3 тиегіш, 1 бульдозер, 8 жер айдайтын техникасы бар, 65 адам жұмыспен қамтылды. Тамшылатып суару үшін 160 шақырым құбыр әкелінді.Сондай-ақ, жүгеріні кептіретін қондырғыға «Бестам» ауылдық округінен жер табысталған. Алдағы уақытта тиісті инфрақұрылым облыстық бюджет есебінен жүргізіледі. Нысан іске қосылған соң, тамшылатып суару әдісімен егілетін жүгері және басқа да дақылдарды 3000 гектарға жеткізу жоспарлануда. Ол кезде 50 адам тұрақты жұмысқа тұрады. Кептіргіштің барлық жабдықтары маусым айында әкелінді, ал құрылысы шілде-қыркүйек айында жүргізіліп, ел игілігіне беріледі.Аймақ басшысы компанияның озық тәжірибесін басқа шаруашылықтарға таратуды және енгізуді ұсынды. «Таң ЛТД» секілді жаңа бағыттарды қолға алып, жұмыс орындарын ашатын шаруа қожалықтарына жан-жақты қолдау көрсетілетінін айтты.<img src="https://knadmin.beoblood.kz/uploads/Suaru_Shieli_20f6c8341c.jpg" alt="Суару Шиелі.jpg"><img src="https://knadmin.beoblood.kz/uploads/Shieli_suaru_1_9d01f3eea0.jpg" alt="Шиелі суару 1.jpg">Фото: Қызылорда облысы әкімінің баспасөз қызметі

Аймақ басшысы тамшылатып суару жобасымен танысты

<a href="https://kyzylorda-news.kz/">Kyzylorda-news.kz</a> &nbsp; Биыл облыс бойынша 189,4 мың гектар жерге ауыл шаруашылығы дақылдары егілді. Ал, негізгі дақыл күрiштің көлемі – 85,6 мың гектарды құрайды. Егіс көлемі су тапшылығына байланысты өткен жылмен салыстырғанда 3,9 мың гектарға азайса, күріш өнімі 3,4 мың гектарға қысқарған. Бұл туралы &nbsp;Өңірлік коммуникациялар қызметінің ақпарат алаңында ауыл шаруашылығы және жер қатынастары басқармасының басшысы Талғат Дүйсебаев айтты.<blockquote>– Биыл облыста егіс көлемдерін әртараптандыру бағытындағы дақылдардан қосымша соя дақылы 111 гектарға, қант құмайы 240 гектарға, дән жүгері 1 011 гектарға және сүрлем жүгері 1,3 мың гектарға жеткізілді. Сондай-ақ, облыс бойынша егілген 4,1 мың гектар күздік бидай дақылы толығымен жиналып, 7,3 мың тонна өнім алынды. 5,3 мың гектар жаздық бидай да жиналып, 4,9 мың тонна өнім берді. Ал, &nbsp;287 гектар арпадан 247 тонна өнім алынса, &nbsp;1,0 мың гектар дәндік жүгерінің 810 гектары жиналып, 2,5 мың тонна өнім алынды. Дәнді дақылдарды жинау жұмыстары әлі де жалғасып жатыр. Айта кету керек, егін егу науқанында 70,2 мың гектар жерге мал азықтық дақылдар егілсе, 17,6 мың гектарға картоп, көкөніс, бақша өнімдері егілді. Бүгінде олардан 4,3 мың гектар көкөніс жиналып, 75,3 мың тонна өнім алынса, бақша дақылдарынан 5,5 мың гектар жиналып, 126,3 мың тонна өнім алынды. Одан бөлек, облыс шаруашылық құрылымдары күтімге алынған 47,9 мың гектар ескі жоңышқаның 2,5 мың гектары тұқымға қалдырылып, орылуға тиісті 45,4 мың гектардың бірінші орымынан 121,3 мың тонна жоңышқа шөбі дайындалды. Қазіргі таңда екінші орымы аяқталып, 113,0 мың тонна жоңышқа шөбі жиналды. Сонымен қатар, 20,6 мың гектар жаңа жоңышқа толығымен жиналып, 19,8 мың тонна өнім алынды. Шаруашылық құрылымдары егілген ауыл шаруашылығы дақылдарына күтіп-баптау жұмыстарын агротехникалық талаптарға сай жүргізді. Бүгінгі таңда ауыл шаруашылығы тауарын өндірушілерінің қолда бар 4 440 бірлік &nbsp;ауыл шаруашылығы техникалары толығымен жөндеуден өткізіліп, күзгі егін жинау науқанына қатысуға дайын,- деді Талғат Тұрсынұлы.</blockquote>Фото: Қызылорда облысының Өңірлік коммуникациялар қызметі

Облыста егін жинау науқаны басталды

23 тамызда "Батыс Еуропа - Батыс Қытай" автожолының 278 -шақырымында жол апатынан 16 көлік жанып кетті. Бұл туралы Stan.kz ақпарат агенттігі хабарлайды.&nbsp;Жетісу облыстық полиция департаментінің мәліметінше, жол апаты кешкі 18:15 шамасында болған. Екі жүк көлігі соғылып, 16 көлік өртеніп кетті. Оның 14-і жүк көліктеріне тиелген жеңіл автокөліктер болған."Бірінші автокөліктің жүргізушісі аман, екінші автокөлік жүргізушісінің тағдыры белгісіз. Төтенше жағдайлар департаменті қызметкерлері өрт сөндіріп жатыр. Оқиға себебі анықталып жатыр", – деді Жетісу облыстық ПД ЖПҚБ бастығы Қайсар Мухметов.Облыстық полиция департаментінің мәліметінше, бұл соңғы үш күнде адам өлімімен аяқталған 4-жол көлік оқиғасы.

Жетісу облысында жүк көліктері соқтығысып, 16 көлік жанып кетті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Қармақшы ауданында екі полицей сотталды. Олар әрқайсысы екі жылдан жаза арқалады, деп хабарлайды<a href="https://kaz.zakon.kz/quqiq/6047544-yzylorda-oblysynda-para-ornyna-zhoysha-alan-os-politsey-sottaldy.html"> Zakon.kz.</a>Қылмыстық іс матриеалдарына сәйкес, аудандағы шаруа қожалықтарының бірінің территориясында Өзбекстан азаматтары жұмыс істеп жүрген.Қармақшы аудандық сотының мәліметінше, полицейлердің бірі еңбек мигранттарына жалпы қамқорлығы мен жол берушілігі үшін шаруа қожалығының төрағасының көмекшісінен заңсыз сыйақы алу ниеті туындаған. Осылайша, шаруа қожалығы басшысы полицейлердің екеуіне де 200 данадан пресстелген жоңышқа шөбін пара ретінде берген. Салдарынан жәбірленуші А.-ға 160 000 теңге мүліктік шығын келтірілген. Осылайша, Н. құқық қорғау органының қызметкері бола тұра, пара берушінің пайдасына жасалған қамқорлығы үшін пара алса, Қ. құқық қорғау органының қызметкері бола тұра, қылмыстық құқық бұзушылықтың жасалуына жәрдемдесіп, құқық қорғау органының қызметкерінің пара алуына көмектескен.<blockquote>“Сот үкімімен Н. ҚР ҚК-нің 366-бабы 1-1-бөлігі бойынша кінәлі деп танылып, белгілі бір лауазымдарды атқару құқығынан өмір бойына айырыла отырып, 2 жыл мерзімге бас бостандығынан айыру жазасы тағайындалды. Қ. ҚР ҚК-нің 28-бабы 5-бөлігі, 366-бабы 1-1-бөлігімен кінәлі деп танылып, белгілі бір лауазымдарды атқару құқығынан өмір бойына айыра отырып, 2 жыл мерзімге бас бостандығынан айыру жазасы тағайындалды. Сонымен қатар, Н. полиция подполковнигі шенінен және Қ,. полиция майоры шенінен айырылды”, – деді Қармақшы аудандық сот. &nbsp;</blockquote>фото: bonnefield.com

Қызылорда облысында пара орнына жоңышқа алған қос полицей сотталды

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен егін жинау науқанына дайындық барысы талқыланған Үкімет отырысы өтті. Жиынға селекторлық режим арқылы облыс әкімі Нұрлыбек Нәлібаев қатысты.Биыл облыста 192 700 гектарға ауыл шаруашылығы дақылдары егілді. Оның ішінде, күріш егісінің көлемі - 84 300 гектар. Бүгінде 31 800 гектары гүлдеу, 31 400 гектары сүтті пісу және 21 100 гектары балауыз пісу фазасында, 42 300 гектар (50%) егістіктің суы байланды. Ерте егілген дақылдар толық жиналып, қазір мал азықтық, майлы дақылдар, көкөніс, бақша дақылдары жиналуда. Күрішке 17 тамыздан бастап орақ түседі, қазанның бірінші онкүндігінен кешіктірмей жинап алу жоспарлануда.Егін жинауға қатысатын қолдағы 4 440 ауылшаруашылығы техникасы 100 пайыз дайын. Аймаққа 8 100 тонна арзандатылған дизель отыны бөлінді. Бекітілген кестеге сәйкес жергілікті операторлар дизель отынын жеткізіп, шаруашылықтарға литрін 247-250 теңгеден таратуда.Ауыл шаруашылығы құрылымдарының сыйымдылығы 551 мың тонна болатын 216 сақтау қоймасына алдын-ала дератизация жасалып, жаңа астықты қабылдауға дайын.Егістікті әртараптандыруда соя 135 гектарға, қант құмайы 290 гектарға, дән жүгері 1700 гектарға, сүрлем жүгері 793 гектарға жеткізілді.Күтімге алынған 48,3 мың гектар ескі жоңышқаның 2,5 мың гектары тұқымға қалдырылды, 45,8 мың гектардың бірінші орымы аяқталып, одан 121 мың тонна жоңышқа дайындалды. Орта өнім гектарына 26,4 центнерден алынды. Қазір екінші орым басталып, 34,9 мың гектары орылды. 83,9 мың тонна жоңышқа жиналды, орта өнімі 24 центнерден келуде.Егілген 3,7 мың гектар күздік бидай толығымен жиналып, 7,3 мың тонна өнім алынды. Орта өнім гектарына 19,9 центнерден келді.Айта кетейік, 14 тамыздағы жағдай бойынша, "Шардара" су қоймасына жоғарыдан секундына 122,1 текше метр су түсіп, қоймадағы су көлемі 1,3 млрд. текше метр болды. Төменге секундына 400 текше метр су тасталып, облыс шегіне 462 текше метр көлемінде кіруде.Өсімдік зиянкесі саяқ шегірткеге қарсы өңдеу жоспарланған 43,7 мың гектар алқапта жұмыс толығымен атқарылды.Егін жинау жұмыстарына дайындық барысы аймақ басшысының тікелей бақылауында.<img src="https://knadmin.beoblood.kz/uploads/455470044_800976168890296_5133944087581147662_n_6d8a9ce3f5.jpg" alt="455470044_800976168890296_5133944087581147662_n.jpg"><img src="https://knadmin.beoblood.kz/uploads/455399774_800976148890298_8531806505670827852_n_a8d65f9257.jpg" alt="455399774_800976148890298_8531806505670827852_n.jpg">

Қызылордада ауыл шаруашылығы дақылдары 192 700 гектар жерге  егілді

<a href="https://kyzylorda-news.kz/">Kyzylorda-news.kz</a> &nbsp; Қазіргі уақытта судың басым бөлігін&nbsp;диқандар шаруашылыққа пайдалануда.&nbsp; Су ресурстары және ирригация министрлігінің "Қазсушар" кәсіпорны еліміздің шаруаларына 7,58 млрд текше метрден артық су берді, деп хабарлайды<a href="http://inbusiness.kz/">&nbsp;inbusiness.kz</a>&nbsp;сайты.1. ҚЫЗЫЛОРДА ОБЛЫСЫ – 3,36 МЛРД ТЕКШЕ МЕТР Қызылорда облысы бойынша "Қазсушар" филиалы биыл дихандарға 3,36 млрд текше метр суармалы су берді. Мекеме дихандармен 965 келісімшарт жасаған. Бүгінгі таңда филиалдың каналдары 127,4 мың гектар алқапты сумен қамтамасыз етуде.2. ТҮРКІСТАН ОБЛЫСЫ – 2,23 МЛРД ТЕКШЕ МЕТР Түркістан облысы бойынша "Қазсушар" филиалы суару маусымында өңірдегі егіс алқаптарына 2,23 млрд текше метр су жеткізді. Вегетация кезіңіне дейін 7055 шаруамен келісімшарт жасалған болатын. Бүгінгі таңда филиал 265,1 мың гектар жерді суармалы сумен тұрақты қамтамасыз етіп отыр.&nbsp;3. ЖЕТІСУ ОБЛЫСЫ – 847 МЛН ТЕКШЕ МЕТР Сәуір айынан бері Жетісу облысы бойынша "Қазсушар" филиалы жергілікті шаруаларды 847 млн текше метр суармалы сумен қамтамасыз етті. Филиал 127,9 мың гектар егіс алқабына су беру жөнінде шаруалармен 8003 келісімшарт жасады.&nbsp;4. ЖАМБЫЛ ОБЛЫСЫ – 665 МЛН ТЕКШЕ МЕТР Биылға вегетация кезеңінде Жамбыл облысының "Қазсушар" филиалы суармалы жерлерге 665 млн текше метр су берді. Бүгінгі таңда мекеме келісімшартқа отырған 3808 шаруаны тұрақты түрде сумен қамтып отыр. Филиал каналдары арқылы облыстың 90,15 мың гектар жері суарылады.&nbsp;5. АЛМАТЫ ОБЛЫСЫ – 480 МЛН ТЕКШЕ МЕТР Суару кезеңі басталғалы Д.Қонаев атындағы Үлкен Алматы каналы "Қазсушар" филиалы өңір дихандарына 480 млн текше метр су берді. Филиал шаруалармен суармалы су беру туралы 2740 келісімшарт жасады. Бүгінгі таңда 44,86 мың гектар егіс алқабына су беріледі.&nbsp;

Қызылорда облысы елімізде суды ең көп пайдаланатын өңір

<a href="https://kyzylorda-news.kz/">Kyzylorda-news.kz</a> Қызылорда облысында «Ауыл аманаты» жобасының екінші кезеңі 12 тамыздан бастау алады. Бұл туралы онлайн-конференцияда «Байқоңыр» әлеуметтік-кәсіпкерлік корпорациясының басқарушы директоры Мадали Әлішерұлы мәлімдеді.Тұрғындардың әл-ауқатын арттырып, табысын молайтуға негізделген биылғы жобаның аймағымызда жүзеге асырылуына 4,6 млрд. теңге қаржы қаралып отыр.&nbsp;Осыған сәйкес, 575 жоба қаржыландырылып, 610 жаңа жұмыс орындарын ашу көзделуде.Аталмыш ұлттық жобаны өңірімізде «Байқоңыр» әлеуметтік-кәсіпкерлік корпорациясы жүзеге асыратын болады. Тамыз айының 12-нен бастап жоба аясында құжаттарды amanatnesie.kz порталы арқылы қабылдау басталды.Бағдарлама щеңберінде барлық елді мекенді бірдей қатыстыру мақсатында қаралған қаржы әр аудан және Қызылорда қаласы бойынша халық санына қарай тепе-тең бөлініп, облыстың146 ауылдық округтерін қамту жоспарлануда, - деді корпорацияның басқарушы директоры.Ауылдардың мамандануын ескере келе несие қаржысы 4 бағытқа бағытталады. Ауыл шаруашылығы өнімдерін өңдеу саласы бойынша 108 жоба қаржыландырылса, егіншілік саласында 81 жобаға қолдау көрсетіледі. Ал, мал шаруашылығы бойынша 123 жоба қаржыландырылса, басқа да түрлі бағыттағы 263 жоба мақұлданбақ.Мадали Әлішерұлының айтуынша микрокредиттер 5 жылға дейінгі мерзімге, ал мал шаруашылығы саласындағы жобалар үшін – 7 жылға дейін беріледі. Микрокредиттің ең жоғары сомасы - ауылдық елді мекендерде және шағын қалаларда – 2,5 мың АЕК-ке дейінгі соманы құрайды. Зәкірлік кооперацияны дамыту үшін 8,0 мың АЕК. Номиналды сыйақы мөлшерлемесі - жылдық 2,5 пайыздан аспайды.Айта кетейік, несие алушыларға бірқатар талаптар қойылады. Несие алушы жеке кәсіпкер болып тіркелуі тиіс. Басқа да несиелер бойынша мерзімі өткен жарнаның болмауы, мемлекеттік кірістер органдар алдында берешектің болмауы, несие алушының жасы зейнеткерлік жастан аспауы тиіс, несиені кепілмен қамтамасыз ету, ауыл шаруашылығын жүргізу үшін қажетті жағдайлардың болуы, құрылған ауыл шаруашылық өндірістік кооперативіне мүшелікке кіруі керек.<blockquote>Биыл кепілге қойылатын мүліктерді қабылдау тәртібіне өзгерістер енгіздік. Енді кепіл мүлікке қойылатын талаптар толығымен алынып тасталынды. Яғни, бағдарламаға қатысу үшін кепіл мүлікке тәуелсіз бағалау жасалынып қатысуға мүмкіндік беріледі, - деді Мадали Әлішерұлы.</blockquote>

«Ауыл аманаты»: Қызылорда облысында жобаның екінші кезеңі басталады

<a href="https://kyzylorda-news.kz/">Kyzylorda-news.kz</a> &nbsp;Ауылшаруашылығындағы маңызды саланың бірі – мал шаруашылығы. Бүгінде бұл сала халықты түрлі тағам өнімдерімен, өнеркәсіпті шикізатпен қамтамасыз етіп отырғаны сөзсіз. Ал малдың әртүрлі қауіпті кеселге шалдықпауын, олардан алынатын өнімдердің адам денсаулығына зиян келтірмеуін қамтамасыз ету бағытында тынымсыз еңбек ететін ветеринар мамандарының қызметі ерекше екені айтпаса да түсінікті.&nbsp;Өткен жылы республика бойынша аса қауіпті жұқпалы 16 ауру түрі бойынша 235 елді мекен қолайсыз ошақ болып тіркелді. Оның ішінде ең көп ауру ошақтары Қостанай, Абай, Ақтөбе, Қарағанды, ШҚО, Жамбыл облыстарында. Бүгінгі таңда республика бойынша 85 ошақ тіркелсе, Өңірімізде ауру ошағы тіркелмей тұрақты жағдай сақталып отыр. Өңірлік коммуникациялар қызметінің ақпарат алаңында облыстық ветеринария басқармасының басшысы Шахмардан Қойшыбаев биылғы жылдың I жартыжылдығына қорытынды жасады.<blockquote>– “Биылғы жылы, облыс көлемінде аурудыңалдын алу, эпизоотиялық тұрақтылықты сақтау мақсатында аса қауіпті 14 түрлі жұқпалы ауруларға республикалық бюджет есебінен 7468,5 мың дозаветеринариялық препараттар қаралып отыр. Облысқа бөлінген 3773,6 мың доза ветеринариялық препараттар аудандарға таратылды.</blockquote>Қазіргі күні, 6 айлық жоспарға сәйкес 3715,7мың доза препарат алдын ала егіліп, іс-шара 100%орындалды”, – деді Шахмардан Сұлтанбекұлы.Биыл ветеринария саласы жетістіктерден кенде қалмады. Атқарылып жатқан жұмыстар жоғары бағаланып, еңбек ескерілді.– “Өңірімізде сапалы жүргізілген жұмыстардың нәтижесінде Дүниежүзілік жануарлар денсаулығы ұйымы арқылы облысымызға аусыл ауруынан таза аймақ мәртебесі берілді. Бұл өңіріміздің экспорттық әлеуетін арттыруға мол септігін тигізеді.Облыста соңғы жылдары ауыл шаруашылығы жануарлары арасында аса қауіпті аурулар тіркелмей, эпизоотиялық тұрақтылық сақталды”, деді Шахмардан Сұлтанбекұлы.

Шахмардан Қойшыбаев: 6 айға жоспарланған жұмыстар 100% орындалды

<a href="https://kyzylorda-news.kz/">Kyzylorda-news.kz</a>&nbsp; Бүгінде өңірдегі ауыл шаруашылығы саласы қарқынды даму үстінде. Әсіресе, мал шаруашылығын дамытуға жасалған қолдаулардың нәтижесінде облыстағы төрт түліктің саны өсіп, өнімі де ұлғайып келеді. Мәселен, биыл мүйізді ірі қара өткен жылмен салыстырғанда 7,6 пайызға өскен. Ал, қой мен ешкі басы 878,3 мыңды, жылқы басы 260,3 мыңды құрап отыр. &nbsp;Өңірлік коммуникациялар қызметінің ақпарат алаңында ауыл шаруашылығы және жер қатынастары басқармасы басшысының орынбасары Ерсұлтан Апетов саладағы өзгерістер мен жаңашылдықтарды баяндады.&nbsp;<blockquote>– Өңірдегі ауыл шаруашылығы өнімдерінің экспорттық әлеуеті жыл сайын артып келеді. Статистикалық мәліметтерге сәйкес, 2023 жылдың 1 мамырына облыстан 12,5 млн. долларды құрайтын 22,0 мың тонна ауыл шаруашылығы өнімдері, яғни күріш, балық өнімдері, күріш қалдығы, қамыс әлемнің 15 мемлекетіне экспортталды. Одан бөлек, өткен жылы «Ауыл аманаты» жобасы аясында 406 жоба несиелендіріліп, нәтижесінде 713 жаңа жұмыс орны ашылуда. Оның ішінде 275 адам жаңадан кәсібін ашқан болса, 438 қосымша жұмысқа тартылды. Биыл да республикалық бюджет есебінен 575 жоба қаржыландырылып, 610 жұмыс орнын ашу көзделіп отыр. Қазіргі таңда мемлекеттік сатып алу заңнамасына сәйкес сенім білдірілген өкіл айқындалып, келісім шарт жасалды. 2024-2026 жылдары іске асырылатын инвестициялық жобалардың жол картасы бойынша 30 инвестициялық жобаларды жүзеге асыру жоспарланған. Сондай-ақ, биыл 13 инвестициялық жобаны жүзеге асыру жоспарлануда. Қазіргі таңда 2 жоба іске қосылып, 9 адам тұрақты жұмыспен қамтамасыз етілуде,- деді Ерсұлтан Амантайұлы.</blockquote>Фото: Қызылорда облысының Өңірлік коммуникациялар қызметі

Облыста төрт түліктің саны өсіп келеді

Kyzylorda-news.kz &nbsp;Жаңақорған жұртшылығы бүгінде жылыжай шаруашылығына бейімделе бастады. Жыл он екі ай жұмыс істеп, екі маусымда өнім алатын кәсіпкерлерге де мемлекеттен көрсетілетін қолдаулар көп.Бүгінгі «Ауыл аманаты» айдарындағы біздің кейіпкеріміз Айымбетов Наурызбек те дәл осылай өткен жылы мемлекеттен қолдау тауып, жеңілдетілген несие арқылы жылыжай кәсібін бастаған.Наурызбек бұл кәсіп түрін бала кезінен ата-анасына көріп үйренген. Бүгінде өз ауласынан жылыжай соғып, отбасылық бизнеске айналдырған. Осыдан бір жыл бұрын «Ауыл аманаты» жобасы аясында 2,5 пайызбен 4 млн.теңге несие алып, шағын кәсібін ілгерілетуге мүмкіндік алған.<blockquote>Өзім жылыжайдың ісін қияр егумен бастадым. Осы кәсіптің көзін тапқан шаруалармен жиі кездесіп, пікірлестім, ой бөлістім. Жалпы осы сала жақын болды. Себебі кішкене кезімізден ата-анаммен есік алдында егін ектік. Ойлана келе осы жылыжайды бастап кеттім. Жеңілдетілген несие алып, жылыжайымды үлкейте түстім, – деді Наурызбек Жұмабайұлы.</blockquote>Ең алдымен қияр егумен бастаған Наурызбек жылыжайын кеңейткен соң қызанақ егуді де бастаған. Бүгінде алғашқы өнімнен 9 тонна қияр, 7 тонна қызанақ алып отыр. Бұл өнімдерді кенттегі шағын дүкендер мен ірі сауда орталықтарына сатуда. Наурызбектің айтуынша, алдағы уақытта осындай мемлекеттік бағдарлама арқылы қолдау болса егістік жер алып, жылыжай ісін кеңейтпекші.Фото: saq.kz

Қазақстан және Қызылорда облысының жаңалықтары: Ауыл шаруашылығы