<a href="https://kyzylorda-news.kz/">Kyzylorda-news.kz</a> Қызылорда облысы бойынша Экономикалық тергеп-тексеру департаменті өңірде қаржы пирамидаларының жолын кесу және олардың алдын алу бағытындағы жұмыстарды жүйелі түрде жалғастырып келеді.Департамент басшысының орынбасары Руслан Нұрланұлының айтуынша, қаржы пирамидалары азаматтарды жоғары табысқа кенелтеміз деген жалған уәдемен алдап, олардың қаражатын заңсыз иемденуге бағытталған қылмыстық схема болып табылады.Есептік кезеңде облыста 5 қаржы пирамидасының қызметі тоқтатылды. Тергеу барысында жәбірленушілерге келтірілген залал көлемі 59 миллион теңгеден асты. Сот үкімдері негізінде мемлекет кірісіне құны 5,6 миллион теңгелік автокөлік пен 2,9 миллионнан астам USDT криптоактивтері тәркіленді. Сонымен қатар қаржы пирамидасының белгілері бар 3500-ден астам интернет-сайт бұғатталған.Жуырда «Fari Invest» қаржы пирамидасына қатысты қылмыстық іс бойынша сот үкімі шықты. Тергеу барысында ұйымдастырушы азаматтарды әлеуметтік желілер мен WhatsApp арқылы инвестиция салуға үгіттеп, жоғары табыс, алтын бұйымдар мен iPhone ұтып алу мүмкіндігін уәде еткені анықталған. Сот оны кінәлі деп танып, 5 жылға бас бостандығынан айыру және инвестициялық қызметпен айналысу құқығынан 7 жылға айыру жазасын тағайындады.<blockquote>«Бүгінгі таңда департамент жұмысы жазалау бағытынан алдын алу бағытына қайта бағдарланып отыр. Азаматтарды күмәнді инвестициялық ұсыныстарға сенбеуге, кез келген жобаның заңдылығын мұқият тексеруге және тек ресми ақпарат көздеріне сүйенуге шақырамыз», – деді Руслан Нұрланұлы.</blockquote>Мамандар қаржы пирамидаларын ұйымдастырумен қатар оларды жарнамалау да қылмыстық жауапкершілікке әкеп соғатынын ескертіп, блогерлер мен жарнама таратушыларды жарияламас бұрын жобалардың заңдылығын тексеруге шақырды.<img src="https://knadmin.beoblood.kz/uploads/arzhy_piramidasy_brifing_c1857d3286.jpg" alt="Қаржы пирамидасы брифинг.jpg">Сурет: Fingramota.kz

Қаржы пирамидасына қарсы күрес күшейтілуде

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев облыс әкімінің кеңесшісі лауазымына тағайындалған Рүстемов Руслан Рүстемұлын жаңа қызметімен құттықтады.<blockquote>«Руслан Рүстемұлын баршаңыз жақсы білесіздер. Еңбек жолында Сыр өңірінде жауапты мемлекеттік қызметтерді абыроймен атқарып, 2023 жылы Парламент Сенатының депутаты болып сайланды. Сенаттың әлеуметтік-мәдени даму және ғылым комитетінің мүшесі ретінде еліміздің, аймағымыздың ең өзекті мәселелерін көтеріп, тұрғындардың ұсыныстарын жеткізді. &nbsp;Заңнамалық актілердің қабылдануына, маңызды жобаларға қаржы бөлінуіне белсенді атсалысты. Бұған дейін түрлі жауапты қызметтерде мол тәжірибе жинақтап, қоғамдық-саяси ахуалды жетік меңгерген білікті кадр өз жұмысын жоғары кәсіби деңгейде атқарады деп сенім білдіреміз. Әріптесімізді, жаңа қызметімен құттықтай отырып, алдағы атқаратын жауапты жұмысына сәттілік тілейміз!», – деді Мұрат Нәлқожаұлы.</blockquote>Руслан Рүстемұлы 1968 жылы Қармақшы ауданында дүниеге келген. Әл-Фараби атындағы Қазақ ұлттық университетінде «Филолог, қазақ тілі мен әдебиетінің оқытушысы», «Болашақ» университетінде «Мемлекеттік және жергілікті басқару» мамандықтары бойынша білім алған.Еңбек жолын 1994 жылы Қызылорда педагогикалық институтының оқытушысы ретінде бастаған.&nbsp;2008-2015 жылдары Шиелі ауданы, Қызылорда қаласы әкімнің орынбасары, облыстық тілдерді дамыту, ішкі саясат басқармаларының басшысы қызметтерін атқарған.2015-2023 жылдары облыс әкімінің орынбасары, Сырдария ауданы және екі &nbsp;мәрте Жаңақорған ауданының әкімі, облыстық мәдениет және спорт басқармасының басшысы болды.2023 жылы Парламент Сенатының депутаты болып сайланды.&nbsp;

Архив

Қаржы пирамидасына қарсы күрес күшейтілуде

Руслан Рүстемұлы облыс әкімінің кеңесшісі болып тағайындалды