<a href="https://kyzylorda-news.kz/">Kyzylorda-news.kz</a> Мемлекет басшысының Жарлығына сәйкес Қармақшы ауданы әкімінің халықпен кездесулері жалғасуда. Бүгінге дейін ауданға қарасты 14 кент және ауылдық округтердің жетеуінде тұрғындармен кездесу өткізген аудан әкімі Жандос Еркінбек кезекті жиынын Ақжар және Ақтөбе ауылдық округтерінде жалғастырды.Кездесу барысында Қармақшы ауданының әлеуметтік-экономикалық даму көрсеткіштері, ауылдық округтерде жүзеге асырылып жатқан жобалар мен алдағы жоспарлар талқыланды.Ақжар елді мекенінде инфрақұрылымды жаңғырту бағытында облыстық бюджет есебінен Ораз ахун және Жалғасбай Тұяқбаев көшелеріне 283,9 млн теңгеге күрделі жөндеу жұмыстары жүргізілуде. Сонымен қатар Қасымтай Ізтелеуов көшесі бойына 4 бейнебақылау камерасы орнатылып, қоғамдық қауіпсіздікті қамтамасыз ету шаралары күшейтілді. Ауыл шаруашылығы саласында да төрт ірі және шағын шаруа қожалығы егін шаруашылығымен айналысуда.Ақтөбе ауылдық округінде де жаңа жобалар қолға алынуда. Атап айтқанда, «Оңталап» шаруа қожалығының демеушілігімен Ы.Сейтенов көшесінің кіреберісінен «Төтенше жағдай бекеті» ғимаратының құрылысы басталмақ.Сондай-ақ ауыл шаруашылығы – елді мекен экономикасының негізгі бағыты. Бүгінде «Ақтөбе и К» ЖШС, «Оңталап» және «Дөйт» шаруа қожалықтары биыл 3 310 гектар жерге ауыл шаруашылығы дақылдарын орналастырып, егіс егуде. Оның ішінде 1815 гектарға күріш себіліп отыр.Кездесу барысында тұрғындар жүргізілген жұмыстарға алғысын білдірді. Сондай-ақ, Жандос Еркінбек жеке қабылдау да өткізіп, ауыл шаруашылығы бағытында көтерген мәселелерге жауап беріп, сала басшыларына тиісті тапсырмаларын жүктеді.<img src="https://knadmin.beoblood.kz/uploads/A_zhar_auyly_t_r_yndarymen_kezdesu_2_d2201940ef.jpg" alt="Ақжар ауылы тұрғындарымен кездесу 2.jpg">

Тұрғындармен кездесіп, жүзеге асырылып жатқан жобалар мен алдағы жоспарларды талқылады

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» 28 маусым – Бұқаралық ақпарат құралдары қызметкерлері күніне арналған «Қанатты қалам – 2026» салтанатты іс-шарасы өтті.Оған облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен сала ардагерлері қатысты.Аймақ басшысы журналистерді кәсіби мерекемен құттықтап, өңірдегі бастамалар мен жаңашылдықтарды халыққа шынайы жеткізудегі &nbsp;еңбектерін жоғары бағалады.«Бүгін – мерзімді басылымдар мен телеарналарда, ақпараттық агенттіктер мен сайттарда қызмет істейтін шығармашылық өкілдерінің, журналист жасаған сюжет пен жазған мақаланың жарыққа шығуына еңбек сіңіретін мамандардың мерейлі күні.Мереке қарсаңында Президентіміз Қасым-Жомарт Кемелұлы бұқаралық ақпарат құралдары өкілдерін Ақорда төрінде қабылдап, мемлекеттік наградалар табыстады.«Qyzylorda» телеарнасының ардагері Қарабала Жағыппар Аманжолұлы «Парасат» орденімен наградталды. Бұл – Сыр журналистикасына берілген жоғары баға.<img src="https://knadmin.beoblood.kz/uploads/anatty_alam_2026_f71fda16d7.jpg" alt="Қанатты қалам 2026.jpg"><blockquote>– Мемлекет басшысы: «Журналистер қауымы – ең алдымен қоғамның жаршысы әрі шынайы жанашыры. Сіздер әрдайым халықтың көкейінде жүрген өзекті мәселелерді көтеріп, жұрт мүддесіне адал қызмет етіп келесіздер. Мемлекет сіздердің ерен еңбектеріңізді жоғары бағалайды» деп ерекше атап өтті. &nbsp;Ұлттық журналистика тарихында Сыр өңірінің айрықша орны бар. Ғасырлық белесіне жақындаған басылымдар мен тәуелсіздік жылдарында шыққан газеттер – аймақтың сыр-шежіре сандығы. Облыстың тарихы, әлеуметтік-экономикалық дамуы мен мәдени-рухани жаңғыруының айқын дереккөзі. Биыл аймағымыздың жетекші арнасы – «Qyzylorda» телеарнасы 35 жылдық мерейтойын атап өтті. Телеарна өңіріміздегі оқиғалар мен ақпараттарды жылдам таратып, ел өміріндегі саяси маңызды жаңалықтардың жаршысы болып келеді. Отыз жылға жуық көрермен көзайымына айналған «Қоғам ТВ» телеарнасының да ақпараттық саясаттағы орны ерекше. Аймақ телевизиясының бүгінгі биігі – өткен мен бүгінді жалғаған ардагерлер еңбегінің жемісі. Ақпарат айдынында өз қолтаңбасын қалдырған майталман мамандардың табандылығы мен қажырлы еңбегі тележурналистика тарихында лайықты ізін қалдырды. Бүгінде тағылымды жолдан өтіп, ұстаздарының өнегесін жалғаған мамандар елімізге белгілі ірі медиахолдингтерде, телеарналарда еңбек етіп, Сыр журналистикасы мектебінің мерейін үстем етуде. Тәуелсіздік шежіресін, Сыр өңірінің жылнамасын, қалыптастырудағы қажырлы еңбектеріңіз үшін Сіздерге алғысымды білдіремін!», – деді Мұрат Нәлқожаұлы.</blockquote>Кеше Ақорда төрінде өткен рәсімде Мемлекет басшысы журналистерді қолдауға, әлеуметтік жағдайын жақсартуға баса мән берілетінін айтқан еді. Кейінгі үш жылда Астана қаласында ғана 200 журналист баспаналы болса, енді бұл бастаманың ауқымы кеңейді. Президент тапсырмасымен биыл алғаш рет облыстарда жұмыс істейтін ақпарат саласының 66 қызметкеріне пәтер кілті берілді.Біздің аймақта «Сыр медиа» серіктестігі директорының орынбасары Әзиз Батырбековке және «Qyzylorda» телеарнасының телеоператоры Рамазан Жүсіпбекке пәтер кілттері табысталды.​Салтанатты рәсімде ақпарат саласының дамуына елеулі үлес қосқан қалам иелері «Парасат», «Құрмет» ордендерімен, «Ерен еңбегі үшін» медалімен, ҚР Мәдениет және ақпарат министрлігінің «Еңбек ардагері», «Ақпарат саласының үздігі» төсбелгілерімен, Құрмет грамотасымен, Қазақстан Журналистер одағының «Қазақстанның Құрметті журналисі» атағымен, ҚР Премьер-министрінің бірінші орынбасарының, Премьер-министрінің орынбасары – Мәдениет және ақпарат министрінің, облыс әкімінің Алғыс хаттарымен, Құрмет грамотасымен және түрлі номинациялармен марапатталды.<img src="https://knadmin.beoblood.kz/uploads/anatty_alam_2026_3_d94f42aee1.jpg" alt="Қанатты қалам 2026 3.jpg">

Аймақ журналистері марапат төрінен көрінді

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданының әкімі Ардақ Ибраимов І жартыжылдықта атқарылған жұмыстар мен алдағы міндеттер жөнінде Жалағаш кенті тұрғындары алдында есеп берді. Кездесуге аудандық мәслихат төрағасы Өмірзақ Елеусінов, аудандық ардагерлер кеңесінің төрағасы Садық Әлиев, мәслихат депутаттары, бөлім және мекеме басшылары қатысты.Кездесуде Жалағаш ауданының әкімі Мемлекет басшысының, Үкіметтің және облыс әкімінің тапсырмасымен жүзеге асқан жұмыстарға тоқталып, аудан көлемінде атқарылып жатқан негізгі жұмыстарды баяндады. Сонымен бірге, алдағы жоспарланған жобалар таныстырылып, тұрғындардың ұсыныс-пікірлері тыңдалды.Кенттің орталық алаңын реконструкциялау мақсатында құны 315,2 млн теңгелік жобалық-сметалық құжаттама әзірленіп, қазіргі таңда қаржыландыру сатысында тұр. Сонымен қатар, орталық алаңдағы су бұрқақ қалпына келтірілді.Кентішілік 14 көшеге күрделі жөндеу жұмыстары жүргізіліп, толық аяқталды. Сондай-ақ, мектеп аулаларынан спорттық ойын алаңдары салынды. Алдағы уақытта бұл жұмыстар кезең-кезеңімен жалғасатын болады.«Ақтерек» тұрғын ауданындағы жер учаскелерінің инфрақұрылымын дамыту жұмыстары қолға алынды. Кенттің электр бағаналары мен электр желілерін жаңарту жұмыстары жүргізілуде.Биыл апатты деп танылған көпқабатты тұрғын үй иелеріне жаңа баспаналардың құрылысы басталып, тұрғындар игіліне табысталатын болады.Кентте тұрмыстық қатты қалдықтарды өңдейтін полигон мен арнайы цех ашу бағытындағы жұмыстар да бақылауда тұр, биыл толық іске қосылады деп күтілуде.Кент келбетін жақсарту және қолайлы өмір сүру ортасын қалыптастыру мақсатында көгалдандыру және абаттандыру жұмыстары тұрақты түрде жүргізілуде.Кездесуде кент тұрғындары тарапынан айтылған ұсыныс-пікірлер бойынша жауаты сала басшыларына нақты тапсырмалар жүктелді.

Кент тұрғындарының ұсыныс-пікірлерін тыңдап, сала басшыларына нақты тапсырмалар берді

<a href="https://kyzylorda-news.kz/">Kyzylorda-news.kz</a>&nbsp; Ислам өркениетінде уақып – қоғам игілігіне арналған ең ізгі амалдардың бірі. Уақып дегеніміз – Алла разылығы үшін белгілі бір мүлікті немесе қаржыны қоғамдық игілікке арнап, оның пайдасын халықтың қажетіне жұмсау. Бұл – адам дүниеден өткеннен кейін де сауабы үзілмей жалғасатын сауапты істің бірі.Пайғамбарымыз (оған Алланың салауаты мен сәлемі болсын): «Адам баласы қайтыс болғанда оның барлық амалы тоқтайды. Тек үш нәрсенің сауабы жалғасады: үздіксіз садақа (садақа жария), пайдалы білім және дұға жасайтын ізгі ұрпақ» деген. Ғалымдар бұл хадистегі «үздіксіз садақаның» ең көркем үлгілерінің бірі – уақып екенін айтқан. Сондықтан уақып – тек қайырымдылық емес, ұлттың рухани, әлеуметтік және мәдени дамуына қызмет ететін ұзақ мерзімді игілік.Бүгінде Қазақстан мұсылмандары діни басқармасы уақып мәдениетін жаңғыртуға ерекше көңіл бөліп келеді. ҚМДБ жанындағы Уақып қоры арқылы мешіттердің қызметін қолдау, діни білім беру ісін дамыту, әлеуметтік жағдайы төмен отбасыларға жәрдемдесу, шәкірттерге қолдау көрсету және түрлі қайырымдылық жобаларын жүзеге асыру бағытында жүйелі жұмыстар атқарылуда. Бұл игі бастамалар қоғамда өзара жанашырлықты нығайтып, елдің бірлігі мен берекесінің артуына өз үлесін қосып келеді.Өңірлердегі мешіттер де уақыптың мәнін халыққа кеңінен түсіндіріп, жомарт азаматтарды игі істерге үндеуде. Қазалы ауданында да қайырымды жандардың қолдауымен әлеуметтік көмек көрсету, діни-ағарту жұмыстарын дамыту және мешіттердің қажеттіліктерін қамтамасыз ету бағытында бірқатар игі бастамалар жүзеге асырылуда. Бұл – ата-бабамыздан жалғасқан асыл дәстүрдің бүгінгі күндегі көрінісі.Уақып – бір күндік сауап емес, ұрпақтан-ұрпаққа жалғасатын рухани инвестиция. Қоғам игілігіне арналған әрбір үлес білімнің, тәрбиенің, мейірімнің және берекенің артуына қызмет етеді. Сондықтан әрбір мұсылман шамасына қарай осы сауапты іске үлес қосуға ұмтылғаны абзал. Алла Тағала жасаған уақыптарымызды қабыл етіп, оны ақыретімізге азық, халқымызға игілік, елімізге береке етсін.Нәби Нұрдәулет,Қазалы аудандық «Жанқожа батыр»мешітінің бас имамыСурет: muftyat.kz

Уақып – сарқылмас қазына

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданының әкімі Ардақ Ибраимовтың 2026 жылдың І жартыжылдығы қорытындысы бойынша халықпен кездесуі Қаракеткен және М.Шәменов ауылдық округтерінде өтті.Кездесуде аудан әкімі &nbsp;ауданның әлеуметтік-экономикалық даму бағытында атқарылған жұмыстарға тоқталып, алдағы кезеңде жүзеге асырылатын жобалар мен міндеттерді таныстырды.Қаракеткен және Далдабай елді мекендерінде инфрақұрылымды жаңғырту бағытында ауқымды жұмыстар атқарылды. Атап айтқанда, аталған елді мекендердің 16 көшесіне күрделі жөндеу жұмыстары жүргізілді.М.Шәменов ауылдық округінде де бірқатар маңызды жобалар жүзеге асырылды. Ауылға кіре беріс автомобиль жолы толықтай күрделі жөндеуден өткізіліп, Жамбыл және Б.Ердүзелова көшелері жаңартылды.Сонымен қатар, елді мекендегі тұрғын үйлер секторын инженерлік-коммуникациялық инфрақұрылыммен қамтамасыз ету және қолданыстағы желілерді жаңғырту жұмыстары кезең-кезеңімен жалғасуда.Кездесу барысында тұрғындар ауылдық округтерді дамытуға қатысты өз ұсыныстары мен пікірлерін білдіріп, инфрақұрылымдық жобалардың іске асырылуына және аудан көлемінде жүргізіліп жатқан оң өзгерістерге ризашылықтарын жеткізді.<img src="https://knadmin.beoblood.kz/uploads/Zhala_ash_audany_t_r_yndarymen_kezdesu_2_814d1fd3e6.jpg" alt="Жалағаш ауданы тұрғындарымен кездесу 2.jpg">

Ауыл инфрақұрылымын жаңғырту жұмыстары жүргізілуде

<a href="https://kyzylorda-news.kz/">Kyzylorda-news.kz</a>&nbsp; Шаһар басшысының тапсырмасына сәйкес, қала аумағындағы жағажайлар мен демалыс орындарында азаматтардың, оның ішінде балалардың қауіпсіздігін қамтамасыз ету және көрсетілетін қызметтердің сапасын зерделеу мақсатында арнайы жұмысшы тобы құрылды.&nbsp;Қала әкімінің орынбасары &nbsp;Еркін Турабаев бастаған жұмысшы топ бірқатар нысандарда болып, тиісті талаптардың сақталуын және қауіпсіздік шараларын тексерді.&nbsp;Аралау барысында «Далапарк», «Кариби», «Керуен» демалыс орындарында бірқатар кемшіліктер анықталды. Атап айтқанда, медициналық пункттердің, дәрігердің қарастырылмауы, рұқсат құжаттарының толық рәсімделмеуі, сондай-ақ мамандандырылған құтқарушы-нұсқаушылардың болмауы және заңсыз алкоголь өнімдерін сату фактілері тіркелді.&nbsp;Демалыс орындарының басшыларына кемшіліктерді жоюға бір апта мерзім берілді. Осы уақыт ішінде талаптар ескерілмесе, тиісті шешімдер қабылданатын болады.&nbsp;Айта кету керек, қала аумағында рұқсат етілген 19 демалыс орны мен қалалық жағажай тұрғындарға қызмет көрсетуде. Жаз маусымында тұрғындардың жайлы әрі қауіпсіз демалысын ұйымдастыру, қызмет көрсету мәдениетін арттыру бағытындағы шаралар жүйелі түрде жалғасады.<img src="https://knadmin.beoblood.kz/uploads/Demalys_oryndary_zhiti_ba_ylauda_2_a2f5a0740d.jpg" alt="Демалыс орындары жіті бақылауда 2.jpg">

Демалыс орындары жіті бақылауда

<a href="https://kyzylorda-news.kz/">Kyzylorda-news.kz</a> &nbsp;Бүгін, 26.06.26 айнадай үйлескен ерекше датада Қызылорда облысында 64 жұп жас отбасы ресми түрде некелерін қидырды. Жас жұбайлардың көбі бұл күнді отбасылық өмірдің бақытты бастауының белгісі деп санап, арнайы таңдаған. Бұл туралы «Азаматтарға арналған үкімет» мемлекеттік корпорациясының облыстық филиалы хабарлады.Сол жұптардың бірі – Бекарыс Қонақбай мен Инэль Нұрғалиева. Жастар мектеп қабырғасынан бері таныс. Бүгін олар өмірлеріндегі ең маңызды қадамды жасап, дәл осы есте қаларлық күні неке сақиналарын алмасты.«Біз мектеп кезінен бері біргеміз, сондықтан бұл күннің біз үшін орны ерекше. Үйлену тойымыздың күні әдемі әрі есте қаларлық болғанын қаладық. 26.06.26 отбасылық өміріміздің бақытты бастамасы болады деп сенеміз», – дейді жас жұбайлар.«Азаматтарға арналған үкімет» мемлекеттік корпорациясының Қызылорда облыстық филиалының директоры Аида Әбибуллаеваның айтуынша, осындай ерекше әрі символикалық даталарда неке қию рәсімдерінің саны дәстүрлі түрде артады.«Көркем даталар жас жұбайлар арасында әрдайым сұранысқа ие. Бүгін Қызылорда облысында 64 жұп некесін қидырды. Оның басым бөлігі облыс орталығына тиесілі. Біз әрбір жаңа отбасын шын жүректен құттықтап, оларға бақыт, береке және ұзақ та бақытты ғұмыр тілейміз», – деді Аида Абибуллаева.Осылайша, көркем дата Қызылорда облысындағы 64 жұп үшін жаңа отбасылық өмірдің бастауы болды. Бұл күн олардың әрқайсысының жадында күнтізбедегі әдемі сандардың үйлесімі ғана емес, бірге басталған өмір жолының алғашқы әрі маңызды күні ретінде сақталмақ.<img src="https://knadmin.beoblood.kz/uploads/b3cfa107_30dd_49f0_885e_8e4ab8ef0efb_9893119fc1.jpg" alt="b3cfa107-30dd-49f0-885e-8e4ab8ef0efb.jpg"><img src="https://knadmin.beoblood.kz/uploads/bc5bf7c6_e7ba_4c59_b842_3ce85d1aa6d3_b708154fdf.jpg" alt="bc5bf7c6-e7ba-4c59-b842-3ce85d1aa6d3.jpg">

Бүгін Қызылорда облысында 64 жұп неке қидырды

<a href="https://kyzylorda-news.kz/">Kyzylorda-news.kz</a>&nbsp; Шиелі аудандық мәдениет үйінде «Заң мен Тәртіп» қағидаты аясында Қызылорда облысы бойынша Экономикалық тергеп-тексеру департаменті тарапынан тұрғындардың қаржылық сауаттылығын арттыруға бағытталған түсіндіру семинары ұйымдастырылды.Іс-шараға Шиелі ауданы әкімінің орынбасары Болатбек Ысмағұлов, Қызылорда облысы бойынша Экономикалық тергеп-тексеру департаменті Тергеу басқармасының басшысы Ерлан Қасқырбайұлы, Қызылорда облысы бойынша Экономикалық тергеп-тексеру департаментінің аса маңызды істер жөніндегі тергеушісі Майра Тұрлыбекқызы Майра және аудан тұрғындары қатысты.Семинардың негізгі мақсаты - тұрғындардың қаржылық сауаттылығын арттыру, интернет және телефон алаяқтығының алдын алу, цифрлық кеңістіктегі қауіпсіздік пен қаржылық тәртіпті сақтау бағытында түсіндірме жұмыстарын жүргізу болды.Кездесу барысында мамандар алаяқтардың жиі қолданатын тәсілдері, жеке деректерді қорғау, күмәнді қаржылық операциялардан сақтану жолдары жөнінде жан-жақты ақпарат беріп, қатысушылардың сауалдарына жауап берді.Семинар соңында қаржылық сауаттылықты арттыру қоғам тұрақтылығы мен азаматтардың қауіпсіздігінің маңызды кепілі екені атап өтіліп, тұрғындар алаяқтықтың кез келген түріне сақтықпен қарауға шақырылды. Сонымен қатар, осындай ақпараттық-түсіндіру шараларын тұрақты түрде өткізу қажеттігі айтылып, ұйымдастырушылар мен қатысушыларға ризашылық білдірілді.Іс-шара аясында қатысушыларға арнайы бейнероликтер көрсетіліп, олардың құқықтары мен міндеттері жөнінде кеңінен мәлімет ұсынылды. Мазмұнды әрі пайдалы форматта өткен жиын тұрғындар тарапынан жоғары бағасын алды.<img src="https://knadmin.beoblood.kz/uploads/Za_men_t_rtip_seminar_663f8c9f28.jpg" alt="Заң мен тәртіп семинар.jpg">

«Заң мен тәртіп» қағидаты аясында қаржылық сауаттылықты арттыруға бағытталған семинар өтті

<a href="https://kyzylorda-news.kz/">Kyzylorda-news.kz</a> Бүгін «Құзыреттілік орталығында» облыс әкімі Мұрат Ергешбаевтың, мәслихат депутаттары, жергілікті бизнес өкілдері, даму және қаржы институттары басшыларының қатысуымен «Қазақстанның үздік тауары – 2026» өңірлік көрме-байқауы өтті.Аймақ кәсіпкерлері мен тауарөндірушілері жыл сайынғы «Алтын сапа» сыйлығы мен «Қазақстанның үздік тауары» дәстүрлі республикалық көрме-байқауына белсенді қатысып келеді. Бұл – отандық тауарөндірушілерді қолдауға, өнім сапасын арттыруға және ұлттық брендтерді дамытуға бағытталған маңызды шара.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti_21ed3f65f1.jpg" alt="«Қазақстанның үздік тауары – 2026» өңірлік көрме-байқауы өтті.jpg">Аймақ басшысы бәсекеге қабілетті өнім шығарып, сапалы қызмет көрсету еліміздің өркендеуіне нақты іспен үлес қосу екенін атап өтті.<blockquote>– Бұл міндетті жүзеге асыруда кәсіпкерлер қауымының еңбегі мен жауапкершілігі ерекше. Көрмені аралау барысында сапалы өнімдерді өзімізде шығаруға болатынын көрдік.Президентіміз Қасым-Жомарт Кемелұлы: «Қазақстанда жасалған» деген таңба ең мықты сапаның, ең жақсы өнімнің белгісіне айналуға тиіс. «Алтын сапа» байқауының басты мақсаты – осы» деп атап өткен болатын.Облыс экономикасын әртараптандыруда жоғары сапалы, экспортқа бағытталған өңдеу өнеркәсібі қарқын алды. Алдағы 3 жылда 48 инвестициялық жобаны жүзеге асырып, 10 мыңнан астам жаңа жұмыс орнын құру көзделген.Бүгінгі көрме-байқау алаңы – кәсіпкерлер арасындағы өзара ынтымақтастықты күшейтіп, жергілікті өнімдерді тұтыну мен өткізуді арттыруға мүмкіндік береді»,– деді Мұрат Нәлқожаұлы.</blockquote>Жақында «Марал Нұр» серіктестігінің жоғары технологиялық вагондарды жөндеу және техникалық қызмет көрсету кешені ашылды. Бұл компания теміржол инфрақұрылымын дамытудағы сапалы жұмысы үшін өткен жылы «Алтын сапа» сыйлығының лауреаты атанды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti1_c926f57b9d.jpg" alt="«Қазақстанның үздік тауары – 2026» өңірлік көрме-байқауы өтті1.jpg">Өткен айда испандық «Рока Груп» компаниясының санитарлық-техникалық бұйымдар, «Севен Риверс» компаниясының шыны ыдыстар шығаратын зауыттарының капсуласы салынды. Алдағы уақытта жаңа өндірістердің жоғары сапалы өнімі облыс экономикасын өркендетуге септігін тигізеді.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti2_fe3ec0dad6.jpg" alt="«Қазақстанның үздік тауары – 2026» өңірлік көрме-байқауы өтті2.jpg">Биылғы көрме-байқауға экономиканың түрлі салаларынан 62 тауарөндіруші қатысты. Сарапшылардың бағалау қорытындысы бойынша «Өндірістік мақсаттағы үздік тауарлар», «Үздік азық-түлік тауарлары» және «Халыққа арналған үздік тауарлар» номинациялары бойынша 9 жеңімпаз марапатталды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti3_93ed9897ca.jpg" alt="«Қазақстанның үздік тауары – 2026» өңірлік көрме-байқауы өтті3.jpg">Қазір Қызылорда облысында 60 мыңға жуық шағын және орта кәсіпкерлік субъектісі жұмыс істейді. Бұл секторда 113 мыңнан астам адам еңбекпен қамтылған. Биыл кәсіпкерлікті қолдауға шамамен 25 млрд теңге бөлініп, 553 жоба қаржыландырылды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti4_9be8df63f8.jpg" alt="«Қазақстанның үздік тауары – 2026» өңірлік көрме-байқауы өтті4.jpg"><img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti5_f728f6e2a5.jpg" alt="«Қазақстанның үздік тауары – 2026» өңірлік көрме-байқауы өтті5.jpg">Фото: Қызылорда облысы әкімінің баспасөз қызметі&nbsp;

«Қазақстанның үздік тауары – 2026» өңірлік көрме-байқауы өтті

<a href="https://kyzylorda-news.kz/">Kyzylorda-news.kz</a> Кеше Ақорда төрінде Бұқаралық ақпарат құралдары қызметкерлерін кәсіби мерекемен құттықтаған Мемлекет басшысы журналистерді қолдауға, әлеуметтік жағдайын жақсартуға баса мән берілетінін айтқан еді.Кейінгі үш жылда Астана қаласында ғана 200 журналист баспаналы болса, енді бұл бастаманың ауқымы кеңейді. Президент тапсырмасымен биыл алғаш рет облыстарда жұмыс істейтін ақпарат саласының 66 қызметкеріне пәтер кілті табысталды.&nbsp;Біздің аймақта «Сыр медиа» серіктестігі директорының орынбасары Әзиз Батырбековке және «Қызылорда» телеарнасының телеоператоры Рамазан Жүсіпбекке пәтер кілттері табысталды.&nbsp;<img src="https://knadmin.beoblood.kz/uploads/730474139_2319966605199749_3816027183115605531_n_f57f8a214d.jpg" alt="730474139_2319966605199749_3816027183115605531_n.jpg">Қоныстой құтты болсын!

Әріптесіміз баспаналы болды!

Сырдария өзенінде суға кету қаупі төнген жасөспірімді құтқарып қалған Гайдай Николай Николовичке құрмет көрсетілді.Оқиға кезінде бірнеше жасөспірім өзен жағасында шомылып жүрген. Сол сәтте өзен жағасында балық аулап отырған Гайдай Николай Николаевич жасөспірімнің өміріне қауіп төнгенін дер кезінде байқап, еш ойланбастан көмекке ұмтылған. Нәтижесінде жасөспірімді жағаға аман-есен шығарып, оның өмірін сақтап қалды.Азаматтың батыл әрекеті мен жоғары жауапкершілігі ескеріліп, оған арнайы құрмет көрсетілді.Жиында қала әкімінің орынбасары Арнұр Нұрмағанбетов Гайдай Николай Николовичке Қызылорда қаласы әкімінің Алғыс хаты мен арнайы сый-сыяпатын табыстап, мұндай жанашырлық пен жауапкершілік адам өмірін сақтап қалудағы жанқиярлықтың жарқын көрінісі екенін жеткізді.Айта кетейік, оқиға Сырдария өзенінің шомылуға рұқсат етілмеген аумағында болған. Осыған байланысты тұрғындарға судағы қауіпсіздік талаптарын қатаң сақтау, балаларды қараусыз қалдырмау және тек арнайы белгіленген орындарда ғана шомылу қажеттігі ескертілді.

Жасөспірімнің өмірін құтқарып қалған азаматқа құрмет көрсетілді

<a href="https://kyzylorda-news.kz/">Kyzylorda-news.kz</a> &nbsp;Бұқаралық ақпарат құралдары қызметкерлерінің кәсіби мерекесі қарсаңында Ақордада өткен салтанатты рәсімде Мемлекет басшысы Қасым-Жомарт Тоқаев ақпарат саласының бірқатар өкілдерін мемлекеттік наградалармен марапаттады. Президент өз сөзінде журналистердің қоғамдағы маңызды рөлін атап өтіп, олардың мемлекеттік саясатты түсіндіру мен халық пен билік арасындағы сенімді нығайтудағы еңбегіне жоғары баға берді.Мерейлі жиында белгілі тележурналист, «Qyzylorda» телеарнасының ардагері Жағыппар Аманжолұлы Қарабала «Парасат» орденімен наградталды.Жағыппар Аманжолұлының еңбек жолы журналистикаға адалдықтың, кәсіби шеберліктің және туған өлкеге деген жанашырлықтың жарқын үлгісі саналады.Көп жылдық тәжірибесі мен талапшылдығының арқасында жас журналистердің қалыптасуына ықпал етіп, Сыр өңірінде телевизия саласының кәсіби мектебін қалыптастырды. Бүгінде сол мектептен шыққан көптеген мамандар ақпарат кеңістігінде табысты еңбек етуде.Кәсіби мереке қарсаңында жоғары марапатқа ие болған ардақты жерлесімізді шын жүректен құттықтаймыз. Деніне саулық, отбасына амандық, ұзақ ғұмыр және шығармашылық табыс тілейміз.Фото: Ақорда

Архив